Federata Pan-Shqiptare e Amerikës Vatra shtroi një drekë falënderimi në restorant Çakor në Bronx, për vatranët që erdhën prej Michiganit, Floridas e Bostonit për të festuar në New York festën madhështore të Flamurit Kombëtar. Mirënjohje për patriotët Alfons Grishaj, Kolec Ndoja, Mondi Rakaj(familjarisht), Mentor Maksutaj, Hirësi Theofan Koja, Ben Pllumaj, Ervis Dhima, Albert Maksutaj, Ramazan Çeka dhe diplomatin e shquar, ish-kryetarin dinjitoz të Vatrës z.Dritan Mishto. Vatra i ka bashkuar çdo herë shqiptarët e Amerikës nën tingujt e magjishëm të himnit kombëtar e ngjyrat e flamurit shqiptar. Me krenari e dinjitet, Vatra udhëheq prej 112 vitesh formacionin patriotik e atdhetar më të shkëlqyer në mërgatën shqiptare të Shteteve të Bashkuara të Amerikës.