Archives for March 2014

Kryekomunari i Dibres, Lata, u takua me komunitetin dibran në Staten Island

March 9, 2014 by dgreca

Dibranët,në Amerikë, diskutuan hallet dhe brengat të Dibrës së Madhe me Kryetarin e Dibrës, zotëri Ruzhdi Lata,me temën: “Ju, bashkë me Kryetarin, do ta ndërtoni Dibrën! Dibrën do t’a bëjnë vetëm dibranët”/

Nga Beqir Sina/

STATEN ISLAND NEW YORK – Kryetari i Komunës së Dibër e Madhe, vijoi vizitën e tij në Shtetet e Bashkuara, dje me një takim mjaft të ngrohtë me përfaqësues të Komunitetit Dibranë, në ishullin e dibranëve në Nju Jork – Staten Island. Takimi me dibranët në zonën e Tri- Shtetshit, u mbajt të shtunën më datën 8 Mars 2014 ora 12 e mesë-drekës, deri në orën 4 të mbasdrekës, në lokalin e njohur “Klubi Dibra” me pronar bashkëqytetarin dibran Titi Maqellara, në Bay Street, Staten Island -NYC. Si dihet kryetari i Dibrës së Madhe, zoti Lata erdhi në SHBA, javën e kaluar bashkë me nënkryetarin e BDI-së, zotëri Izet Mexhiti, i autorizuar si përgjegjës për diasporën në zgjedhjet parlamentare, të 26 prillit atë të Kërçovës zotin Fatmir Dehari, për të marrë pjesë në zgjedhjen e kanadidatit shqiptarë nga diaspora, duke bërë thirrje që shqiptarët nga Maqedonia të regjistrohen dhe të dalin masivisht në votime më 26 Prill këtu në Shtetet e Bashkuara të Amerikës.

Takimi i organizua nga Shoqata Atdhetare Dibra me qendër në Staten Island dhe e kryesoi kryetari i saj zoti Musa Paçuku. Me këtë rast shoqata Dibra e nderojë me Mirënjohje, kryetarin e Dibrës zotëri Ruzhdi Latën.

Ndërkoh në bashkëbisedimin e mbajtur dje morën pjesë më shumë se 200 dibranë, shumia anëtarë të kësaj shoqate, si dhe veprimtarë të dalluar të këtij komuniteti, afaristë e biznesmen të suksesshëm dibranë në SHBA.

Takimi, pati formën e një forumi bashkëbisedues në mes të parit të Dibrës, maxhistër Ruzhdi Lata, dhe komunitetit dibranë, i cili thuhet se është një ndër komunitetet më të mëdha në SHBA, me rreth 20 mijë dibranë, aqsa mendohet se kan emigruar nga Dibra e Madhe në Amerikë, gjatë 5 dekadave të fundit.

Gjatë bashkëbisedes të mbajtur në lokalin “Dibra Club” kreu i Dibrës, zoti Lata, në fillim të fjalës së tij i përgëzoi dibranët për kontributin që ata japin në të mirë të imazhit të Dibrës dhe shqiptarëve të Amerikës dhe informoi ata për përpjekjet që po bënë Komuna e tij, për të rritur kujdesin dhe bashkëpunimin me diasporën dibrane në SHBA.

Kryetari i Dibrës bëri edhe një ekspoze të detajuar të Komunës

Duke iu drejtuar të pranishmëve, zoti Lata, vuri në dukje arritjet e vitit të parë prej kur ai fitojë edhe mandatin e kryetarit të Komunës së Dibrës së Madhe dhe foli gjithashtu edhe për sfidat që qëndrojnë përpara në rrugën e zhvillmit ekonomik e social të Dibrës dhe konkretisht për të arritur atë se çfarë besuan në votën e tyre dhe duan populli i Dibrës së Madhe .

Kryetari i Komunës së Dibrës Madhe, në Maqedoni, maxhistër Ruzhdi Lata duke bëri një ekspoze të detajuar të punëve që janë bërë deri tani në këtë Komunë, tha se për të lënë pas të shkuarën duhet që dibranët, sot të mos merren shumë me të shkuarën dhe se çfarë është bër më parë , por të gjithë së bashku tha ai duhet të kemi një vështrim të qartë nga e ardhmja e Dibrës, dhe çfarë mund të bëjmë për Dibrën dhe dibranët. Ai dha sqarime rreth çështjes së regjistrimit të dibranëve në SHBA për votimet në Maqedoni dhe rëndësinë e madhe që kan këto zgjedhje, për shqiptarët e Amerikës, duke bër thirrje edhe një her për dalje masive në këto zgjedhje. Në këtë kontekst ai sqaroi edhe pse nuk u zgjodh një dibran(ashtu si dëshorinin të gjithë) për kandidat nga diaspora në zgjedhjet parlamentare në Maqedoni.

Më pasë edhe në përgjigjet e shqetësimeve të dibranëve ai nuk anashkaloi dhe sqaroi mirë si qëndron çështja me devijimin e Lumit të Radikës. Kreu i Dibrës, siguroi dibranët se ; ” Në asnjë mënyrë nuk do të ketë devijim të Lumit të Radikës”. Ku, sipas tij do të bëhet si ka vendosur populli i Dibrës” dhe shtojë si e ka krijuar natyra pra ” Lumi ka rrjedhën dhe drejtimin e saj shekullor dhe atë do të ketë atë perj nga Lindja drejt Perendimit dhe jo nga Perndimi drejt Lindjes, për të “fryrë” dhe mubushur me ujë për lundrim Vardarin e daljen e tij me derdhje në Detin Egje nëpërmjet Greqisë”.

Ndërsa, duke folur rreth zgjedhjeve Parlamentare në Maqedoni, të ilat mbahen në 26 Prill, zotëri Lata, tha se angazhimi i tanishëm tek ne ka të bëjë me faktorizimin e akoma më të madh të shqiptarëve në qeverinë e ardhshme, ku përndryshe nga 3 vjet më parë, ai tha se tani BDI-ja, partia së cilës ai i përket, synon të marrë të paktën 2 nga 3 deputetët e diasporës. “Këtu nuk është çështje shprese, theksojë, ai, por është çështje angazhimi pasi numri është dominant i njerëzve tanë në SHBA dhe nëse angazhohen shqiptarët që të dalin në votime, të shkojnë deri në konsullatë të Maqedonisë që të votojnë, është më se e sigurt që ne fitojmë edhe një deputet më shumë shqiptarë në parlamentin e Maqedonisë”, u shpreh kryetari i Dibrës maxhistër Ruzhdi Lata, duke u bërë thirrje vazhdimisht disa her edhe në këtë bashkëbisedim komunitetit dibranë, që të mos harrojnë të regjistrohen dhe të dalën masivisht në zgjedhjet e 26 Prillit, vetem e vetëm të zgjidhet një shqiptarë”.

Kryetari i komunë së Dibrës , Ruzhdi Lata, si kryetar komune, tha se për këto 11 muaj prej se kur e mori Komunën në drejtimin e tij ka bërë shumë për të realizuar gjitha projektet e pushtetit vendor. Të cilat ishin edhe premtimet e tija elektorale. Ai u shpreh se gjithmon ka pasur kënaqësinë e tij, që të jetë si kryetar i Dibrës duke potencuar ” Kryetar për të gjithë, pa dallim politik, fetar apo nacionaliteti, kryetar i të gjithë qytetarëve dibranë”. “Pushteti vendor në fillim të mandatit tim, theksoi ai kishte nevojë për sistemim dhe rregullim të mjeteve financiare, sistemim të vendeve të punës dhe këtë e arritëm me sukses. Në komunën e Dibrës nuk ka më punëtorë me kontratë në vepër, por të gjitha kanë vendime, ne nuk duam punëtorë me stres por duam të ketë rehati në vendin e punës, dhe këtë e arritëm qysh në 100 ditëshin e parë të punës time” si kryetar komune tha Lata.

“Kemi paguar shumë borxhe, sqaroi ai sepse duhej të bëhej një punë e tillë, me këtë rast dua të përmend Ndërmarrjen e Gostivarit “Progres,, një vlerë prej 80 mijë euro. Për mua si kryetar është bashkëpunimi i mirëfilltë me qytetarët , jam i pari kryetar që nuk kam bë asnjë ndryshim kadrovik në komunë e jo më në institucione të tjera” ka potencuar Lata.
Sa i takon projekteve ai ka deklaruar se për këtë kohë janë bërë shumë punë , duke filluar qysh nga asfaltimet të lagjeve të shumta të qytetit. Sipas, tij nuk ka pasur tender në këto projekte, sepse i gjithë materiali është ofruar nga ana e pushtetit vendor ,ndërsa krahu i punës ka qene vetë qytetari i çdo lagje të Dibrës së Madhe. Lata foli për ujin e pijëshëm në qytet, energjinë elektrike, spitalin, pastrimin e qytetit, Liqenin e Dibrës, çështjet e tjera administrative, Hdrocentralin e Spiles, kulturën sportin, biznesin vendor, çështjen e shqipes në dokumentat e administratës.

Takimi u mbyll në formën e një bashkëbisedimi, dhe mirëkuptimi, ku me anë të pyetjeve që i moderojë zotëri Muharrem Borova, por edhe përgjigjeve të sakta që dha Kryetari i Komunës së Dibrës së Madhe – Maqedoni, maxhistër Ruzhdi Lata.

Ata së bashku gjatë gjithë kohës shkëmbyen mendime për forcimin e lidhjeve ndërmjet vendorigjinës – vendlidjes dhe diasporës në të gjitha pjesët e jetës së këtij komuniteti, që është dalluar në diasporë për kontributin e madh që ka dhënë në çështjen kombëtare dhe qytetin e tyre Dibrën e Madhe.Në fund u shtrua një darkë për nder të Kryetarit të Dibrës ë Madhe zotëri Ruzhdi Lata.(Foto: Keze Zylo)

Ambassador Spahiu:Crimea is different from Kosova

March 9, 2014 by dgreca

Kosovo is a one-of-a-kind situation and cannot be compared to Crimea, a senior Kosovan official has told Anadolu Agency.

Kosovo’s ambassador in Ankara, Avni Spahiu, said that the Balkan situation had entered the agenda after Russian president Vladimir Putin drew attention to the Balkan state’s case in comments about Crimea’s future.

Putin had expressed his belief that only residents of a given country who have freedom of will and are in complete safety can and should determine their future.

“If this right was granted to the Albanians in Kosovo; if this was made possible in many different parts of the world, then nobody has ruled out the right of nations to self-determination, which, as far as I know, is fixed by several UN documents,” Putin said on Tuesday.

However, Spahiu told AA: “Kosovo is a sui generis case and is classified as such by international community. In Kosovo there was an intention for genocide and ethnic cleansing as well as large-scale discrimination and prosecution of Kosovan peoples by the Serbian regime. There was a war.”

The ambassador said that Kosovo had been part of a former federal country, Yugoslavia, out of which came seven republics (Slovenia, Croatia, Bosnia and Herzegovina, Macedonia, Serbia, Montenegro and Kosovo).

“After all we are dealing with a country that does not exist anymore; that is, former Yugoslavia”, he said “therefore Kosovo’s situation is unique and cannot be compared to any other case in the world”.

Turkish prime minister Recep Tayyip Erdogan also refuted any similarities between Kosovo and Crimea, saying that the Russian population makes up nearly 60 percent of Crimea’s inhabitants, whereas Kosovo’s population of Albanians was more than 90 percent.

Kosovo declared independence in 2008 and so far is recognized by 106 states, including Turkey, the United States, Germany, France, and the United Kingdom. The year-long war between Kosovars and Serbian forces ended following NATO air attacks against targets in Slobodan Milosevic’s Serbia.

Crimea’s parliament voted last Thursday in favor of joining Russia, calling for a referendum on the region’s future with Ukraine on March 16. Its decision comes as Russian armed forces continue to maintain their presence on the peninsula.

U.S. president Barack Obama has said that the planned referendum on Crimea’s future violates both the Ukrainian constitution and international law. Ukrainian leaders have also rejected the referendum call.(Cortezay: Anadolu Agency)

KONSULLI I PERGJITSHEM I KOSOVES NE WORCESTER

March 9, 2014 by dgreca

*Ambasadori Bekim Sjediu, Konsull i Pergjithshem i Kosoves ne New York, vizitojë qytetin e Usterit në Masaçustes me rastin 7 marsit – Ditës së Mësuesit, si dhe 8 marsit – Ditës së Gruas/

*Kryetari i Bashkisë së qytetit të 180 mijë banorëve Worcester Uster, Massachusetts, zoti Joseph M. Petty , sipas një tradite nëntëdhjetëvjeçare vjeçare, nderoi me “Çelsin e Qytetit”, për vizitën që i bëri këtij qyteti Konsullin e Përgjithshëm të Kosovës në Nju Jork, Ambasadorin Bekim Sejdiu.

Nga Worccester Beqir Sina/

WORCESTER – MASSACHUSETTS: Shoqata KOMBI priti Ambasadorin , Konsullin e Përgjithshëm të Kosovës zotin Bekim Sejdiu më 7 Mars 2014 në një vizitë që ai i bëri këtij komuniteti për të dhuruar libra shkollorë për shkollën shqipe të qytetit të Worcester – Uster Masaachusetts, ku jetojnë një nga komunitetet më hershme shqiptare në Amerikë.

Vizita u zhvillua me rastin e shënimit të 7 marsit – Ditës së Mësuesit, si dhe 8 marsit – Ditës së Gruas, dhe nisi një takim me pedagogët dhe grupin e studentëve shqiptarë nga Kosova e Shqipëria, që kan ardhur këtu të mësojnë me bursat të Institutin Politeknik Worcester (WPI).

Në vijim të kësaj vizite, duke u dhuruar Abetaren e unisuar si dhe mjete të tjera shkollore për shkollën shqipe në Kishën Otodokse Shqiptare e “Zonjës Shën Marisë”, ai vijojë me vizitën e tij, me takime me personelin drejtues të kësaj kishe, ku ndodhet edhe shkolla më e vjetër shqiptare në Amerikë, dhe funksionon Grupi i djemëve dhe vajzave të Këngëve dhe Valleve, shqiptare.

Më tej Ambasadori Sjediu, për të nderuar Ditën e Nënave – 8 Marsin pati një takim me nënat e moshuara shqiptare në shtëpinë e pleqve “Kopshti Illirianve – Illyrians Garden” e cila funksionon pranë kësaj Kishe.

Me këtë rast në mbrëmje, në lokalin me pronar shqiptar “Nova”, u shtrua edhe një darkë nga Shoqata Kombi, ku përfaqësuesit të shtetit të Kosovës në Nju Jork, Konusllit të Përgjithshëm – Ambasadorit Bekim Sjediu, i uroi mirëseardhjen edhe asamblesitja e shtetit të Massachusetts, zonja Mary Keffee, si dhe mikëpritësi dhe organizatori i kësaj vizite kryetari i Shoqatës Kombi, zoti Artur Vrekaj dhe ish kryetari i saj Professor Ilir Maçi.

Në këtë pritje morën pjesë edhe një grup veprimtarësh të komunitetit, zoti Ardian Preçi – Shef Eksekutiv i shoqatës ” Massachusettes Albanian Chamber of Comerce”, si edhe ish Kryebashkiakja shqiptare e këtij qyteti – Këshilltarja e Këshillit të Bashkisë së qytetit Uster – Worcester, zonja Konstantina Lukes, e cila ka qenë dhe para kryetare bashkie me origjinë Shqiptare, në Shtetet e Bashkuara të Amerikës.

Me këtë rast, Kryetari i Bashkisë së qytetit të 180 mijë banorëve Worcester Uster, Massachusetts, zoti Joseph M. Petty , sipas një tradite nëntëdhjetëvjeçare vjeçare, nderoi me “Çelsin e Qytetit”, për vizitën që i bëri këtij qyteti Konsullin e Përgjithshëm të Kosovës në Nju Jork, Ambasadorin Bekim Sejdiu.

Duke lexuar motivacionin e dhënjesë së “Çelsit të Qytetit” Worcester ( Uster), kryetari i Bashkisë, Joseph M. Petty, tha se :” Shkëlqësia Juaj Amabasador Bekim Sejdiu – është kënaqsi për mua që në emër të Kryetarit të Bashkisë së qytetit, të u dhurojë me këtë rast “Çelsin e Qytetit” – Worcester ( Uster), Massachusetts, më 7 Mars 2014, si një nderim për vizitën Tuaj në qytetin tonë.

Qyteti i Worcester ( Uster), tha Petty, është krenar dhe i bekuar që ka në jetën e tij, një nga komunitetet më të mëdha dhe më vital në këtë qytet, siç është komuniteti shqiptarë. Komuniteti shqiptarë është një nga komunitetet më të mëdha në qytetin tonë , ku shqiptarët janë pronar të pasurive të patundëshme dhe bizneseve të tjera.

Dhe për dallim nënvizojë ai komuniteti shqiptarë ka edhe fëmijët në shkollat e këtij qyteti nga më të mirët dhe nga më të suksesshmit.

Më pas ai sqaroi se ky nderim ka nisur prej kur një nga Kryetarët e parë të kësaj bashkie, pikërishtë 90 vjet më parë, në vitin 1924, pati nisur i pari këtë praktikë të dhurimit miqve tanë “Çelsin e Qytetit” Ëorcester. Ai ishte njeriu i cili diznjojë vetë këtë “Çelës të Qytetit”, një praktik zyrtare, kjo, që ne po vazhdojmë të ruajmë traditën e tonë.

Andaj , shtojë kreu i kësaj bashkie unë jam krenar që më është dhënë mundësia si Kryetar i kësaj Bashkie, të ri-përsërisë këtë traditë të bukur të qytetit tonë Ëorcester ( Uster), Massachusetts, në versionin e saj origjinal.

Këtë “Çelës të Qytetit” tonë e kanë marr më parë edhe personalitete të tjera të shquara amerikane dhe të komuniteteve të tjera që kan vizituar këtë qytet, përfundojë kryetari i Bashkisë, Joseph M. Petty

Sipas Regjistrimit tha ish Kryebashkiakja shqiptare e këtij qyteti – Këshilltarja e Këshillit të Bashkisë së qytetit Uster – Worcester, zonja Konstantina Lukes, e cila ka qenë dhe para kryetare bashkie me origjinë Shqiptare, në Shtetet e Bashkuara të Amerikës, numri i shqiptarëve në vitin 2000, ishte rreth 14,000 ( nga një popullsi të përgjithshme prej 170.000 banorë të këtij qyteti ). Pjesa më madhe e atyre shqiptarëve ishin të vendosur në qytetin e Worcester-it dhe rrethinat e tij. Komuniteti shqiptar i Massachusetts është më i madh i një ndfër katër komuniteteve shqiptare të Amerikës (pas atyre të New York , Michiganit dhe Illinoisit ) . Ndërkohë , shtoi ajo Worcester vjen e 10-ta në listën e qarqeve amerikane me përqendrimin më të madh të shqiptarëve.

Sipas të dhënave , emigrantët e parë shqiptarë erdhën në Massachusetts dhe Worcester-it nga fundi i shekullit të 19-të. Ata emigrantë do të gjenin qysh atëhere një strehë të ngrohtë në Kishën Shqiptare që kohët e fundit festoi përvjetorin e saj të 90 .

Sipas zonjës Keffee :” Komuniteti shqiptar i Worcester-it, është një nga grupet më të mëdha etnike të qytetit , dhe ajo vazhdon të rritet . “Ne jemi krenar të them se sot shqiptarët e Worcester, janë pronarët e shtëpive dhe pronarët e bizneseve , ndërsa nxënësit shqiptarë janë studentët nga më të mirët e shkollave dhe në kolegjet Worcester-it dhe universitetet që ata ndjekin ” u shpreh asamblesitja e shtetit të Massachusetts, zonja Mary Keffee.

Kryetari i shoqatës KOMBI , zoti Artur Vrekaj tha se :”Disa aktivitete të komunitetit dhe festimet , janë të tilla si Festivali shqiptar që organizohet çdo dy vjet nga kisha shqiptare , të cilat janë një tregues i fortë se shqiptarët e Worcester, që i kanë mbetur besnikë ndaj kulturës së tyre të bukur dhe traditat shqiptare . Me festat tona kombëtare ne Shoqata Kombi japëm një kontribut të mirë për bashkimin e komunitetit shqiptar dhe ruajtjen e identitetit e tonë, zhvillojmë paradën dhe ngritjen e flamurit” theksoi Vrekaj .

NDËRROI JETË NË NJU YORK SADIK LAJQI

March 8, 2014 by dgreca

Komuniteti shqiptar në Nju Jork ka humbur një ndër aktivistët e vet, të ndjerin Sadik Lajqi. I ndjeri humbi jetën me 7 Mars 2014 në moshën 67 vjecare. Miqtë dhe të afërmit kanë kryer vizita në shtëpi gjatë ditës së Shtunë, 8 Mars, ndërsa të dielën, me 9 Mars , komuniteti Shqiptar do të shprehë ngushëllimet në Ruggiero & Sons Funeral, që ndodhet në adresën:

732 Yonkers Ave,

Yonkers, NY 10704

Phone:(888) 375-1400

Shërbimet mortore do të kryhen të dielën nga ora 13.00 p.m deri ën orën 21.00 p.m. I ndjeri Sadik Lajqi do të përcillet për në banesëne fundit të Hënën në orën 11.00 a.m në varrezat Kensiko në Vallhalla të Nju Jorkut.

Sport- Shkelqen Tirana,rrezohet Kukesi, rikthehet Flamurtari

March 8, 2014 by dgreca

*Superiore: Katër fitore e dy barazime në javën e 22-të të kampionatit/

*FIFA: Futbollistët nga Kosova mund t’i bashkohen përfaqësueses së tyre/

*Shenon Shaqiri…./

TIRANË, 8 mars – Kater fitore e dy barazime jane arritur te shtunen ne javen e 22-te te kampionatit te futbollit te kategorise Superiore.

Rezultatet e kesaj jave jane:
Teuta – Partizani           1-1
Lushnja -Flamurtari       2-4
Laçi – Kastrioti              1-0
Tirana – Kukesi              3-1
Vllaznia – Besa              0-0
Skenderbeu – Bylis       2-1

Klasifikimi vazhdon te kryesohet nga Skenderbeu me 45 pike, i ndjekur nga Laçi me 34, Partizani e Kukesi me nga 33 pike, ndersa mbyllin klasifikimin Lushnja me 23 e Kastrioti me 22 pike.

Kosova siguron miqësore me Turqinë në muajin maj

Pa u shuar ende emocioni i ndeshjes së parë zyrtare të Kosovës, të mbikëqyrur edhe nga FIFA, pavarësisht se pa himn, miqësores kundër Haitit, presidenti i FFK-së, Fadil Vokrri, jep lajme të mira për një tjetër miqësore të afërme. Ata kanë qenë në mesjavë në Turqi dhe janë takuar me trajnerin e përfaqësueses së këtij vendi, Fatih Terim. Të dyja palët kanë rënë dakord që të zhvillojnë një ndeshje në muajin maj. FFK-ja ka lëshuar një komunikatë për media në lidhje me akordin e fiksuar tashmë me turqit: “Në takimin me trajnerin Fatih Terim, të cilin e ka siguruar miku i madh Ali Shen, është shprehur gatishmëria që Turqia të luajë ndeshje miqësore me përfaqësuesen e Kosovës.” Ndeshja miqësore do të zhvillohet diku mes datave 20-23 maj.

FIFA: Futbollistët nga Kosova mund t’i bashkohen përfaqësueses së tyre

Në një artikull të gjatë në “Blick”, shpjegohen edhe faktet politike, sidomos të anëtarësimit në OKB, që është pengesa më e madhe e hyrjes së Kosovës në FIFA e UEFA me të drejtat e plota. Gjithsesi ky medium zviceran e pranon se përfaqësuesja e Kosovës në këtë rast do të ishte shumë e fuqishme.

Drejtuesit e lartë të FIFA-së kanë bërë me dije se të gjitha futbollistët nga Kosova mund të jenë në shërbim të përfaqësueses së tyre.

Kosova shumë shpejt do të mund të llogarit në të gjithë futbollistët e saj që luajnë për kombëtare të huaja. Në fakt, i mbetet vet futbollistëve të vendosin nëse duan t’i bashkohen Kosovës dh kjo tashmë është konfirmuar edhe nga drejtues të lartë të Federatës botërore të futbollit, FIFA.

Kjo temë është duke munduar prej kohësh drejtuesit e Federatës së futbollit të Kosovës dhe asaj të Zvicrës, madje këta të fundit kanë filluar të mendojnë se futbollistët e tyre shqiptar nga Kosova nuk do t’i kenë në dispozicion për kualifikimet e botërorit, Rusia 2018.

Shefi i komunikimit në FIFA, Valter di Gregorio tha për gazetën zvicerane, “Blick” se futbollistët mund t’i bashkohen përfaqësueses së Kosovës. “Po, probabiliteti është shumë i madh që Shaqiri dhe shokët e tij do të mund të luajnë për Kosovën, nëse këtë vërtetë e duan”, raporton ‘Sporti1’.

Bundesliga, Bayerni i pandalshëm, Shaqiri shenon

16 fitore radhazi në Bundesliga. Nuk ka asgjë që e ndal lokomotivën e çmendur bavareze, kaloi bindshëm me fitore tenistike 6-1 transfertën me Wolfsburgun dhe vëmendja menjëherë përqëndrohet te stacioni i radhës në Champions, ku do të presë Arsenalin në Allianz Arena, javën e ardhshme. Në “Volkswagen Arena”, të zotët e shtëpisë që nga minuta e parë treguan dhëmbët dhe agresivitet, me Bayernin që duket se e kishte të vështirë të manovronte. Nuk ishte ky starti më i mirë për galaktikët e Guardiolës që penalizohen në minutën e 17-të nga Naldo dhe tani duhet të sforcohen për të përmbysur rezultatin, diçka që ndodh rrallë kjo për bavarezët. Gjithsesi vetëm 10 minuta më pas, Shaqiri del fitimtar në duelin me Benaglio, duke rikthyer lojën në ekuilibër me një gjuajtje tepër potente.

Pjesa e parë mbyllet në shifrat 1-1 me Wolfsburgun që tregoi se është një skuadër e fortë për t’u kaluar, ndërkohë që Bayernit i nevojitet një marsh më tepër për të parakaluar. Loja rifillon dhe skuadra e ujqërve vazhdon të ushtrojë presion. Guardiola nuk është aspak i kënaqur dhe realizon dy ndërrime të njëpasnjëshme. Thiago Alcantara futet në vend të Xherdan Shaqirit, ndërsa Mandzukiç zë vendin e Kroos. Frymëmarrje te Bayerni. Ndryshimet japin menjëherë efekt me Thiagon që shërben për Muller dhe sulmuesi nuk gabon në të 63-ën por kalon skuadrën e tij përpara. Ky është Bayerni që të gjithë njohin, golat tani vijnë me aksione blic njëri pas tjetrit. Mandzukiç shënon të tretin për kampionët dhe të dytin personal që vulos takimin. Në të 71-ën shënoi edhe i rikthyeri Franck Ribéry, i cili nuk luante prej 2 Shkurtit. Për francezin shërbeu në mënyrë perfekte Robben, që pati rastin të gjuante vetë por Benaglio e detyroi të largohet nga porta. Goli i pestë sërish nga Muller në të 78-ën. Wolfsburgu nuk e meriton një disfatë kaq të thellë, por këto janë pasojat kur një sulmues i tillë e i pamëshirshëm gjen hapësira.

Në takimet e tjera, hap fals i Leverkusenit në luftën me Dortmundin për vendin e dytë në tabelën e Bundesligës. Skuadra e aspirinave, edhe pse ishte në avantazh, nuk mundi të shkonte më shumë se barazimi 1-1 në fushën e Hannoverit. Barazim 1-1 edhe mes Hamburgut dhe Eintracht Frankfurt, ndërsa Schalke shpartalloi 4-0 Hoffenheim falë të papërmbajtshmit Huntelaar, autor i një triplete, por edhe humbës i një penalltie. Tjetër zhgënjim nga Borussia Monchengladbach që nuk po arrin t’i shkëputet rezultateve negative. Skuadra e Lucien Favre u mund 1-2 në shtëpinë e saj nga Augsburg, ndërsa Stuttgarti u mjaftua me një barazim 2-2 përballë Eintracht Braunschweig.

Prishtina e nisi me fitore vitin 2014

Prishtina e nisi me fitore vitin 2014 në Superligën e Kosovës. Skuadra e Afrim Tovorlanit mposhti në kryeqytet Trepçën me rezultatin e pastër 2-0. Ndeshja nisi mirë për skuadrën vendase, megjithatë pavarsisht iniciativës së ekipit bardhekaltër pjesa e parë u mbyll me rezultatin e bardhë 0-0. Por në pjesën e dytë gjërat shkuan më mirë për Prishtinën. Në minutën e 63 Isuf Llumnica kaloi vendasit në avantazh. Zhbllokimi I rezultatit I dha moral Prishtinës e cila në minutat në vazhdim kërkoi me ngulm edhe golin e dytë.

Gjithsesi për të parë dyfishimin e vendasve duhej pritur minuta e 81 kur futbollisti I Prishtinës, Driton Krasniqi realizoi në gol shumë të bukur. Me këtë fitore kryeqytetasit u ngjitën në vendin e dytë të klasifikimit, 7 pikë më pak se Llamkos Kosova e vendit të parë e cila ka edhe një ndeshje më shumë për të zhvilluar. Ndërsa Trepça mbetet në vendin e 9-të në kuotën e 18-pikëve. Në takimin tjetër Fushë Kosova arriti një fitore të rëndësishme në luftën për mbijetesë pasi mposhti 1-0 Besën e Pejës.

Ne foto:Tifozeria gjate ndeshjes Tirana-Kukesi-3:1/