Nga Ilir Levonja/FLORIDA/
Atje në Lushnjen time, i bëri gjëmën vetes një lushnjar. E quajnë Qamil. Përpiqem ta kujtojë. Zelët janë një fis me emër. Por nuk më kujtohet. Sot faqet e gazetave kanë emrin e tij. Të thënura e të pa thënura. Në fund të fundit ai është një viktimë e metodave radikale. Vetos kokëfortë e politikës provinciale. Jo brenda Lushnjes, pasi lushnjarët vetë sado të angazhuar ia ruajnë erzin njëri-tjetrit. Sidomos kur bëhet fjalë për fiset. Por provincializmit politik në gjithë Shqipërinë. Madje më provinciale se vetë provinca, ajo është mu aty në mes të Tiranës.
Nuk e di a ka qënë në ngushëllim, a ka pirë një kafe deputeti Erjon Braçe? Pasi po shoh se si kuvendon në fb me qytetarët, birinxhi, sikur me qënë qytetar danez. Gjithçka ia ngjesh një lloj retorike antikulturore në lidhje me mos pagesën e faturës. Dhe këtë na i propogandon opozita.
Do të qe mire të ishte. Në fund të fundit është kudo Myzeqesë, me inagurimet, pastrimet e kanaleve, ribërjen e shesheve, prishjet, ndërkohë që në rrethina rrugët janë rruxhga, garrupe, gropa, etj. Madje si i kulturuar shkon edhe në kishat e degraduara, poston foto me martirët.
I dashur Qamil, litarin e kërpit e ke vendosur në vendin e gabuar. Soji ynë njihet për I butë, por ja që ne guxokemi. Deri sa e tejkalojmë .
Por le të flasim pak për politikën përpara se të ikësh.
A e ke vënë re, kanë filluar nga shantazhet që tani. Nuk kanë hallin tend, kanë hallin e tyre. Duan të rrinë kryetarë gjithë jetën. Duan të rrinë deputet deri sa të vdesin në karriken e Kuvendit. Luftojnë bizneset e njëri-tjetrit, dhe kur vinë me kamera tek dera jote, e bëjnë për tu dukur, jo në emër të ligjit. Aty ligji është provizor. Dhe privilegj. Nuk e shikon, në kulmin e një viti, shkatërrimesh, prishjesh, që fare mire ato prona ”të paligjshme” mund edhe të konfiskohen, tu jepen të pastrehëve, spitaleve apo shkollave etj. (Se nuk dua të përsëris vetveten.) Kryeministri I vendit tone inaguron shtëpinë e re. Dhe flet për shtet ligjor përmes deputetit tend, Erjonit. Flet për ligjin, kulturën e pagesës.
Ne kemi gra në Kuvend, në qeveri, për propaganda karshi Europës. Pasi ato veç lukut flasin me sharmin e burrave. Janë më të egra se vetë burrat.
Megjithëse, nuk e di se për çfarë lloji burrash duhet të flasim. E kënë vënë re, kanë bërë gati biografitë në Wikipedia . Shiko deputetin tend, deputetët në përgjithësi. Selfiet në sallonet e modës. Garë me modelet e flokëve.
Për hir të kësaj kaste, nuk ia vlente. Ai litar…! Por ti e bëre. Kurse Jonkën do ta zgjedhim për here të katërqindë deputet.
Archives for December 2014
24 skuadra shqiptare zhvilluan Turneun e Futbollit të Vogël në Nju Xhersi
Futbollistët e Plav Gucisë së Nju Xhersit, fituan Kupën e Turneut të 6-të të Futbollit të Vogël – 2014 “Albanian Soccer Tournement” në vend të dytë Unitated Albania
Nga Beqir SINA – Nju Xhersi/
WAYNE NEW JERSEY : Kampionati shqiptar i Mini-Futbollit – në zonën e Tri-Shtetshit, për të gjashtin vit me rradhë, u zhvillua përsëri në ditën e pushimit të Krishtlindjeve – të ejten më 25 dhjetor 2014 – në fushat sportive të kompleksit “Turf City”, në Nju Xhersi
Turneu i Futbollit të Vogël – i cili luhet në salla të mbyllyra mes ekipeve vetëm shqiptare të komunitetit tonë, për Tri-Shtetshin, ka nisur me një ceremoni të thjeshtë dhe të bukur, ku nuk munguan dhe simbolet tona kombëtare –
Ky turne futbolli, mbahet nën kujdesin e mikëpritësit të saj : Fondi i Përbashkët Shqiptar i Patersonit dhe Klubi Futbollistik Vllaznimi nga Struga në Amerikë.
Skuadrat e 24 ekipeve të komunitetit shqiptar, nga zona e Tri-Shteshit luajtën për 10 orë të ndara në 6 grupe, të cilat përfaqësonin vendlindjen e tyre – pra vendorigjinën e këtyre futbollistëve, prej nga Shqipëria, Kosova, Mali i Zi, Maqedonia -Çamëria dhe Lugina e Preshevës, duke nxjerr në pah edhe skuadrën më të mirë të turneut, golashënuesin dhe lojtarin më të mirë, madje edhe trajnerin më të mirë.
Turneu – është përshëndetur ngrohtësisht nga sportdashësit e shumtë shqiptarë, të cilët ndoqën me vëmendje këtë veprimtari, e cila është ngjarjam më e mëdhe sportive e vitit në komunitetin shqiptar.
Udhëheqësit e këtij turneu, pra stafi organizator : Pajazit Mena- kryetar ,Ajri Hoxha,Edip Ramadani,Kalosh Sela Izmir Alla, janë të mendimit se të tilla aktivitete po i shërbejnë më shumë zhvillimit të jetës sportive të komuniteti shqiptar, dhe si gjithmon ky turne do të mbetet mjaft i rëndësishme për vet jetën komunitare.
Mirëpo, për tu përshëndetur realizmin e këtij turneu – janë edhe ata që e kan mbështetur – çdo vit turneun – me ekipet e tyre pjesëmarrëse, të cilat mundësojn përzgjedhjen dhe organizimin e ndeshjeve si dhe dhe autoritetet e kompleksit sportiv “Turf City” – të cilat, vënë në dispozicion mjediset e tyre dhe fushat e futbollit për mbarvajtjen e kampionatit.
Në këtë turne, kësaj rradhe për tu veçuar janë dy futbollist nga skuadra e Mariborit në Slloveni – skuadër kjo që luan edhe në Kupën e Kampioneve të Europës, si edhe katër ish – futbollist të Klubit të Futbollit të Prishtinës – “Prishtina FC”.
Tuneu i Futbollit të Vogël – simbas kalendarit, u zhvillua i ndarë në katër grupe me nga gjashtë skuadra, secila, të cilat luajtën nga 15 minuta në mes tyre në të njëjtin kompleks sportiv – në dy fusha futbolli, përkatësisht në fushën A- dhe fusha B –
Turneu – u çel me intonimin e hymneve kombëtare të – të dy vendeve Shteteve të Bashkuara të Amerikës dhe Shqipërisë.
Kurse, duke e hapur zyrtarshit kampionatin e 6të të Mini-Futbollit, nën/kryetari i Fonditit të Përbashkët Shqiptar të Patersonit, zoti Nebi Kaba, u ka uruar të gjitha skuadrave pjesmarrëse suksesë dhe një “Fair Play” si u shpreh ai. “Në emër të Fondit të Përbashkët Shqiptar të Patersonit, tha zëvendes kryetari i saj zoti Kaba, më lejoni t’ju faleminderojë të gjithë ju ekipeve për pjesmarjjen tuaj dhe të u dëshirojë suksesë se cilit prej ekipeve në këtë turnir kaq të bukur që mbahet për të gjashtin vit me rradhë”.
Më pasë nisën takimet në grupe: ku 24 skuadra të ndara në 4 grupe me nga gjashtë skuadra secila luajtën në mes tyre me sistem eleminimi me nga 15 minuta për çdo ndeshje. Në grupe u zhvillaun gjithësejt 36 ndeshje. Ndërsa 4 takime u zhvilluan në Gjysmë-finale dhe dy në Çerek-finale, dhe në fund takimi Final zgjati 25 minuta. Për shkak të një incidenti që ndodhi gjatë një loje – në grupin B, të dy skuadrat u përjashtuan nga turneu – mbasi ato thyen rregulloren.
Grupet dhe 24 skuadrat:
Grupi A : Vllaznimi FPSH-Rexha Brothers-Plisat-Vllaznimi NY-Flamurtari CT-KosovaNJ –
Grupi B : PrimeTimePizza-Dardania-FlamuratriCT 1- Kosova NJ- Plav Gucia NJ-Ulqini –
Grupi C:FC Gucia-Dologozhda-Kraja-Korabi NJ-Brooklyn Albanians-
Grupi D: Vllazenimi u16/U17-Cemi-Muriqi-Korabi NY-United Albania- Koha
1/16 finalistet e tuneut:
Vllaznia FPSH – Vllaznia N Y – Rexha Brothers – FlamirtariCT -Gologozhda- Korabi NJ -Broklyn Albania-Kraja-Plava GuciaNJ -Ulqini-KosovaNY- Dradania – Cemi- United Albania-Koha dhe Korabi NY.
Në të 1/ 8-at e finaleve;
VlazniaFPSH – VllazniaNY – Gologozhda- Korabi NJ – -Plava GuciaNJ -Ulqini–United Albania-Brooklyn Albania.
Në Gjysmë-finale kaluan 8 ekipe, të cilat u ndeshën në mes tyre me eleminim në bazë rendtijes, Korabi i New Jerseyit, luajti kundra Gologozhdës, ndërsa Plavë Gucia kundra Ulqinit, Vllazënimi FPSH kundra Vllaznimit NY dhe Brooklyn Albania kundra United Albania.
Në 1/4 finale ;
Gologozhda – United Albania dhe Vllazënimi Plavë – Gucia NJ
Në Çerekfinale u ballafaquan ekipet e Gologozhda me United Albania, kurse Vllazënimi i struganëve luajti kundra skuadrës Plavë Gucisë së Nju Xhersit, ku si United Albania dhe Plavë Gucia nga Nju Xhersi u kualifikuan me penallti të dyja për në finale.
Në finale : Plavë Gucia e Nju Xhersit, “Shqiptarët e Bashkuar – United Albania”,
Në finale luajtën Plavë Gucia e Nju Xhersit, e cila kishte në përbërjen e saj dy futbollist të Mariborit-Slloveni me skuadrën “Shqiptarët e Bashkuar – United Albania”, e cila mbante në fanelat e tyre edhe shënimin “Autokton”, një skuadër kjo e përbër me futbollist nga Kosova të cilët kan luajtur në superligën e Kosovës.
Mbas 25 minutave lojë fitorja u buzëqeshi lojtarëve të skuadrës së Palvë Gucisë Nju Xhersi me një gol shënuar në fund të takimit.
Plavë Gucia e Nju Xhersit, fituese e Kupës së këtij turneri u dallua si skuadra më cilësore e cila në përbërje të saj shquhej me disa futbollista të talentuar. Ajo luajti të gjitha ndeshjet e saj me këtë formacion : Idro Dejanin,Amir Dervishevic,Edi Cirikovic,Alen Krcio,Adhak Gustirovic, Salih Sadikovic, Esmir Vucetovic, Saimir Frasheri, Emir Ramadanovic, Alek Doshevic, dhe trainer Denis Djurkovic.
Skuadra “Shqiptarët e Bashkuar – United Albania”, e cila mbante në fanelat e tyre edhe shënimin “Autokton”, një skuadër kjo e përbër me futbollist nga Kosova, disa ish futbollista nga Prishtina, Mitrovica dhe Gilani – u dallua për shpirtin e garës dhe ekipi që shënoi më shumë gola: formacioni i saj : Fatos Selimi(kapiten) Drilon Berisha, Ilirijan Gjata(14 vjeçar), Shpendi Meta, Shpat Hashani, Kremtim Koliqi, Sead Hoxha,Senad Nikocevic,Shaqir Hoti .
Takimi final mes dy skuadrave më të mira të këtij turneu Plav – Gucia NJ dhe skuadrës kosovare United Albanians shënoi edhe mbylljen e këtij turneu dalluar për rivalitetin dhe cilësinë.
Ndryshe i gjithë turneu u zhvillua para rreth dhjetra tifozëve të futbollit në sallë, ndërsa me prezencën e tyre këtë turne dhanë një kontribut shembullor në mbarëvajtjen e tij – oficeri i policisë Lirim Kaba dhe dy kolegët e tij
Në mes një entusiami – u bë edhe ndarja trofeve të cilat ekipeve përkatëse dhe lojtarëve respektivë , ua dorzojë , Pajazit Mena, Edip Ramadani dhe Kalosh Sela duke folur në emër të mikëpritësit të këtij turneu tradicional me skuadra shqiptare.
Futbollistët e Plav Gucisë së Nju Xhersit, u nderuan me Kupën e turnirit,
Futbollisti më i mirë i këtij turneu u zgjodh golashënuesi më i mirë i turneut me 8 gola – futbollisiti i Plavë -Gucia i Nju Xhersit – i cili aktualisht luan me Mariborin e Sllovenisë në kupën e Kapmioneve të Europës, Elmir Ramadanovic ( i cili është vizitorë në SHBA). Epiteti i portierit më të mirë :”Portieri më i mirë i Turneut të 6-të të Futbollit të Vogël – 2014″ i takoi portjeri i Unitated Albania – Kremtim Koliqi, kurse, trajneri më i mirë i turneut – trajneri i Korabit NY – Razhid Prapaniku.
Përveç këtyre çmimeve, organizatorët e këtij turneu ndanë disa mirënjohje të veçanta për sponsorizuesit e këtij turneu. Gjithashtu, ata nuk harruan me këtë rast të faleminderojnë edhe mediat elektronike, të shtypit dhe atyre online, në mesin e të cilëve ishte edhe gazeta jonë.
TAKIM ME SHKRIMTARIN NAUM PRIFTI
Lajm i mirë: Shëndeti i shkrimtarit Naum Prifti është përmirësuar ndjeshëm. Këtë e konstatuam gjatë një takimi që ne, disa nga miq të tij, e bëmë sot, e hënë, 29 Dhjetor, në mesditë. E vizituam shkrimtarin në Qendrën e Rehabilitimit në Flushing, New York(Long Island Care Center Flushing,) ne adresen:2014 Long Island Care Center 144-61 38th Avenue Flushing, NY 11354 …
Në takim ishin regjisrori i njohur Kristaq Dhamo, regjisori Kristaq Papa, Lul Demi, Sili dhe editori i Diellit, Dalip Greca.
Qëndruam rreth një orë me të dhe biseduam lirshëm me të. Me kujtesë mjaft të mirë, me shëndet të përmirësuar, shkrimtari solli ndërmend ngjarje, takime të përbashkëta, ngjarje letrare, recitoi poezi,madje ai tha se sot kishte bërë një sprovë letrare për të shkruar një përsiatje rreth malin të Dhembelit.
I urojmë shkrimtarit Naum Prifti shërim të plotë!
..kur besimi ynë në qiell u trondit…, na u shtua besimi në njerëz…
PRANONI NGA NE KËTO FJALË…/
Nga Eda e Visar Zhiti/
Duam t’u shprehim mirënjohjen tonë të gjithë atyre që na u gjendën në dhëmbjen e madhe që na ra befas, kur shtëpia jonë u mbush me dritën e qirinjve të vdekjes.
Djali ynë Atjon Zhiti ndërroi jetë para ca ditësh në një aksident rrugor pas një feste me shokë dhe shoqe. Shpejtësia e madhe si e dëshirave të tij, pengesat e rrugës si një mallkim i kobshëm e çuan në tragjedi, duke i ndërprerë pa mëshirë gjithçka që sapo kishte nisur…
Përmes pikëllimit të thellë e hutimit mortor i falenderojmë mediat elektronike dhe ato të shkruara që jo vetëm e dhanë lajmin e zi duke shpërndanë imazhe të studentit 19 vjeçar të filozofisë Atjon Zhiti, por në shumicë botuan shkrimin e fundit të tij, të cilin e priste, por nuk e pa dot. Po kështu botuan dhe artikuj të veçantë që i kushtoheshin atij, njëri e shihte si trishtim në të gjithë Shqipërinë, tjetri ulërimë oqeanike, se ndodhej buzë oqeanit kur mori kumtin, ndërsa një prift zbulonte një mision të shenjtë te Atjoni ynë, etj, etj.
Së pari ne u dëshirojmë çdo të mirë të gjithë atyre që na thanë fjalë ngushëlluese apo u përlotën bashkë me ne apo heshtën, që nga fqinjët tanë të mirë e deri tek të njohurit e largët e të pa njohurit, nga kudo, nga miqtë nga Shqipëria e Kosova, nga Italia, ku djali ynë studionte në Milano, në Universitetin “Sacro Cuore”, nga Anglia e Greqia, Zvicra, Franca, Austria, SHBA-ja, Belgjika, Austria, Izraeli, etj, mirënjohje të gjithë atyre që kaluan pragun e derës tonë për të trembur mortjen, shokët dhe shoqet e shumtë të Atjonit, që sillnin forcë jete, pedagogë, shkrimtarë, bashkëvuajtës, deputetë, klerikë, Kryetari i Bashkisë së Tiranës, ambasadorë, ish ministra, ish Presidentë të Shqipërisë dhe të Kosovës, ku djali ynë shkonte me dëshirë, etj, etj, deri edhe alpinistët që iu ngjitën Himalajeve, pamë qiellin afër Zotin, na thanë, nuk dihen misteret e tij, kurse ne tani na mjafton një copëz tokë sa një varr dhe humnera e saj… Do të donim t’i kujtonim një për një, me emra, do të donim t’i falenderonim për gjithçka, edhe për duartrokitjet me të cilat u përcuall Biri ynë, kuartetin e harqeve, i premtuar për datëlindjen e tij të 20-të, për karafilat e kuq që hodhën mbi arkmort studentë e bashkëmoshatarë, për tufat me lule e kurorat që na erdhën nga kudo, nga ministra e deri dhe nga Kryeministri i Shqipërisë dhe Presidenti i Republikës. Dhe ata që s’mundën të vijnë dot i kuptojmë… Humbja që pësuam ne është e madhe dhe e gjithmontë, e pa qetësueshme kurrë, mbase vetëm kur të jemi pranë birit tonë, por do deshëm të thoshim tani se, kur besimi ynë në qiell u trondit së tepërmi, na u shtua besimi në njerëz…
Shoqet dhe shokët e Atjonit i falenderojmë veçanërisht për gëzimet që kanë kaluar ata së bashku, për aventurat e pafajshme rinore, që e duan aq shumë, gjithmonë në kohë të tashme, për ato që thonë dhe shkruajnë për Atjonin e tyre, për takimet ku ai vazhdiumisht është…
Shokët dhe shoqet e Atjonit, një pjesë të cilëve kanë ardhur për pushimet e fundvitit nga universitete të ndryshme të botës, na thonë se Atjoni kishte një ëndërr dhe një përkushtim në arritjen e saj, ne e dimë cila është, shtojnë ata dhe buzëqeshin, është dhe jona, e dëshmojnë dhe ato pakëz shkrime që na la e arriti të botojë, e shpalosin dhe veprimtaritë e tij të porsanisura në Parlamentin Rinor Europian, si p.sh., në Riga, Barcelonë, etj, si dhe takimi i fundit për të të cilin po punonte, do ta kryenin në Shqipëri, në Korçë, i binduar se do të tregonte diçka të vyer nga vendi.
Ah, ne vetëm deshëm të përuleshim me nderim para dhëmbjes e mirësisë së të gjithëve atyre që na u gjendën, secili siç mundëte, në hatanë tonë dhe deshëm të thoshim diçka që e dinë të gjithë, por jo gjithmonë ndjehet, për fat të keq dhe harrohet, që nuk ka pasuri më të shtrenjtë e më të shenjtë se jeta dhe jeta e gjithsecilit është po aq dhe e të tjerëve që ka përreth dhe e duan, është lidhur dhëmbshëm, tmerrshëm, ulëritshëm dhe atë, jetën tënde, duhet ta ruash po aq shumë dhe për të tjerët, të rinjtë sidomos të ruhen nga gropat që ne kemi lënë rrugës, të mos i shndërrojnë në varre, se ky është fatkobi, apokalipsi… Ndërkohë po e mbyllim, me sytë plot lotë, duke i dëshiruar kujtdo të mirën që do të donte vetë e që vlen për të gjithë, vite të rinj të begatë atdheut, me besimin se ëndrra e Atjonit dhe e të rinjve për një jetë më të bukur është gjithandej, ata po kulturohen për t’i bërë të vërteta vizionet dhe idetë, të cilat janë më të mira se sa tonat dhe do të dijnë t’i përmbushin më mirë se sa ne.
Amen!
Eda e Visar Zhiti
Tiranë, 29 dhjetor 2014
Heshtje qyqare apo naivitet adoleshenti
Nga Hazir Mehmeti/
Kosovës në vazhdimësi i kërcënohet Serbia me të gjitha format e mundshme për ta destabilizuar nga brenda. Vazhdimisht Serbia e pengon çdo proces integrues të Kosovës në Asociacionet ndërkombëtare prej atyre me karakter ekonomik, juridik e politik deri tek ato me karakter sportiv e kulturor. Politika serbe është po aq arrogante ndaj shqiptarëve, në përgjithësi e Kosovës në veçanti, aq sa ishte vrastare ushtria kriminale serbe nën komandën e Millosheviqit, Daqiqit e viqëve tjerë.
Qëndrimi antishqiptar i kultivuar me shekuj në shfarosjen e etnisë shqiptare që nga Pllana, Nishi, Kryshevci, Toplica, Vranja, Sanxhaku, vazhdon edhe sot në Medvexhë, Bujanoc e Preshevë. Krenaria e politikës serbe gati gjithmonë bazohet mbi qëndrimet, sukseset dhe mossukseset ndaj shqiptarëve si popull etnike në trevat stërgjyshore. Nëse lexojmë Leo Freundlich do shohim se gjenocidi serb kundër shqiptarëve ishte ndër më të vjetrit, më të urryerit dhe më tragjikët. Golgota Shqiptare ishte më mizorja, më e hershmja në kontinent dhe më gjerë. Memorandumet serbe kundër shqiptarëve shekujve nuk u sosen me Memorandumin e Akademisë së Shkencave Serbe, si bazament programi për shfarosjen e shqiptarëve në vitet nëntëdhjeta.
Qeveria serbe dhe politika e saj ditën ta shfrytëzojnë shumë mirë dobësinë e faktorit shqiptar dhe sa herë gjetën rastin vepruan. Karta e tyre, minoriteti serb, ishte dhe mbetet akoma aktive në pengimin e Kosovës, politikës së saj në të gjitha tryezat diskutuese nga ato rajonale deri në OKB. Dhe, nuk ishte pa sukses. Mosnjohja e Kosovës nga 5 vende të UE bën që Kosova nga ky union të mos njihet si shtet. Miqtë serb janë të shumtë në qarqet e politikës europiane në kontekst me Kosovën. Elementet naziste pro serbe e ruse në disa shtete të EU janë të fryra me dezinformuat kundër shqiptarëve. Njëra nga aktualet është elementi terrorist mysliman nga shqipfolësit e lidhur me mafiat arabe, serbe, ruse e angazhuar në radhët e ISIS-it, një organizatë terroriste antinjerëzore dhe antimyslimane në gjithë globin.
Elementet e tilla u frymëzuan nga predikuesit e ardhur nga vendet arabe po edhe vendore në drejtim të themelimit të shtetit primitiv të sheriatit famëkeq. Anarkia në Kosovën e pasluftës u la hapësirë lulëzimit të këtyre elementeve terroriste deri në skajshmëri, duke rrezikuar sigurinë e qytetarëve, njollosur imazhin e Kosovës, njollosur vetë investigimin e bashkësisë ndërkombëtare dhe aleatit më besnik të Kosovës, Shtetet e Bashkuara të Amerikës.
Politika serbe e shfrytëzoi me sukses edhe Tribunalin e Hagës në ngritjen e aktakuzave kundër komandantëve të Ushtrisë Çlirimtare të Kosovës, krejt kjo në njollosjen e luftës së drejtë të saj dhe vetë bashkësinë ndërkombëtare si faktori përcaktues final i rrethanave në Kosovë dhe rreth saj. Akuzat e Karla Del Pontes dhe të Dick Martit kanë burimin në sukseset e politikës serbe kundër Kosovës, integrimit të saj në Institucionet Ndërkombëtare, mosnjohjen nga shtete të ndryshme të pavarësisë së saj.
Fytyra serbe ishte dhe mbeti e njëjtë, armiqësore ndaj shqiptarëve në Luginën e Preshevës. Diskriminimi i shqiptarëve atje është i përditshëm dhe gjithëpërfshirës. Fshatra të tëra të zbrazura shqiptare nga pamundësia e kthimit të tyre bëjnë jetë refugjati gjithandej vendeve të rajonit dhe Europës. Kush prej politikës shqiptare e ngriti çështjen e tyre në nivel ndërkombëtar? Askush, vetëm aty këtu ndonjë fjalim hipotetik i pa shije i ndonjë funksionari.
Rasti i fundit i serbit Gavriq, të kapur nga policia e Kosovës është një tregues tjetër i qëndrimit dhe angazhimit të Serbisë në Kosovë. Faza e elementeve agjenturiale tani kalon në fazën aktive terroriste në rrënimin e objekteve të caktuara sipas porosive të qeveritarëve serb për realizimin e programeve të tyre mafioze kundër Kosovës. Nuk ishte e para herë veprimi terroriste i qeveritarëve serb si pjesë e shërbimit sekret serb kundër shqiptarëve e territoreve të tyre. Kështu ata likuiduan gjithmonë figura patriotike shqiptare gjithandej globit. Politika shqiptare do duhet të koordinohet dhe kalon fuqishëm në aktivitet në të gjitha organizatat ndërkombëtare deri në OKB në demaskimin e politikës terroriste serbe ndaj Kosovës. A thua se nuk e ka ditur sigurimi serb aksionin e përgatitur nga vet ai? Kjo nuk do koment. Serbia ka një sigurim efikas dhe të organizuar edhe brenda Kosovës, i cili ka varësi komanduese direkt nga qeveria serbe. Këtë e kanë thënë jo rrallë qeveritarët serb kur e ka kërkuar nevoja e peshojës së sukseseve të qeverisë e qeveritarëve.
Mos reagimi i qeveritarëve tanë atje ku duhet, flet për një heshtje qyqare apo në instancën kohore qeverisëse për një naivitet adoleshent të dëmshëm. Kjo heshtje përsëritet mu atëherë ku e kur nuk duhet. As një notë proteste, as një shkresë protestuese apo verbal të paktën. Pse heshtet? OKB duhet të bindet mbi politikën dhe veprimet permanente armiqësore të Serbisë ndaj popullit të Kosovës. Nëse qeveria e Kosovës dhe Shqipërisë nuk janë të bindura edhe me faktin e fundit, s’kemi pse të kërkojmë nga të tjerët të jenë të bindur mbi armiqësinë ekstreme serbe ndaj Kosovës. Çfarë do thoshte pala serbe pas aktit terrorist të përgatitur prej saj? Cili objekt u zgjodh për rrënim dhe përse? Armikun duhet goditur mu në vlerat e tij që i njeh gjithë bota, bashkëjetesën shumërligjioze në shekuj. Rrënimi i Katedrales “Nëna Tereze” do shkaktonte shpërthim shpirtëror mes shqiptarëve në të gjitha shtresat. Serbet do thurnin himne sukseseve të tyre deri në OKB bashkë me ruset si përkrahës historik të tyre në të gjitha luftërat dhe masakrat gjenocide në shfarosje dhe pastrim etnik të trevave shqiptare, dhe jo vetëm shqiptare, dje e sot.
Sot dëgjon analist qyqarë e injorantë, pa shije e vizion politik në ecjen drejtë demaskimit të politikës armiqësore serbe, restriktive në kontestin ndërkombëtar dhe si element antievropian e prohegjemonizmit rus në kundërshtim të plotë me Kartën e OKB-së dhe parimeve demokratike evropiane. Sintagma e politikës serbe “…këmba e politikës në gënjeshtra të mëdha” vazhdon në transformim gradual në aksionet shkatërruese terroriste në Kosovë bashkë me elementet radikale islame “nga fjala në vepër”.
Qeveria e Kosovës duhet të jetë aktive në këmbëvënie funksionale të gjitha dikastereve të saj. Politika defensive, e zbehtë, qyqare, e vonuar dhe nga njerëz të papërgatitur karshi Serbisë urgjentisht të ndryshon. Bota e përkrah atë që është aktiv e bindës me fakte. Këto Kosova i ka, por kërkohet punë e diplomaci efikase në ofrimin e tyre para faktorëve ndërkombëtar. Kjo, të paktën, nuk po ndodhë si e aq sa duhet. Kjo e ka shpjegimin e vet: Ata që kanë ambicie të sëmura karrieriste ishin e janë të paaftë në drejtimin e politikës aktive kundërvënëse të asaj serbe, fanatike islame-ruso krahasuese e denigruese në raport me shtetin e Kosovës. Qeveria e Kosovës me dy kryeministra, njëri zyrtarisht e tjetri historikiksht, zor që do ketë sukses në trasimin e platformës në raport me Serbinë dhe përkrahësit e tyre. Politikbërja duhet liruar nga klanografia partiake e cila e favorizon individin e paaftë me pasoja në ec rrugën aspak të lehtë të Kosovës.
Hapësyrja pas ndodhisë nuk është mençuri, përkundrazi. Rasti i fundit terrorist i shërbimit sekret serb përmes pjesëtarit të qeverisë serbe do duhej të shërbej si rast konsolidimi e këndellje i qeveritarëve tanë në raport me politikën serbe. Kosova është e rrezikuar nga faza e dytë e veprimeve të terroristëve serb e mysliman. Koha nuk pret.
- « Previous Page
- 1
- …
- 3
- 4
- 5
- 6
- 7
- …
- 64
- Next Page »