Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for July 2015

Argjentina kalon në krye të klasifikimit, Franca humbet 13 pozicione

by

Nga Aljosha KEKEO/
TIRANE, 9 Korrik-Argjentina, pavaresisht humbjes se finales se Kupes se Amerikes perballe Kilit, ka marre vendin e pare ne klasifikimin e FIFA-s publikuar te enjten, nderkohe qe Gjermania, kampione e botes ne fuqi, ka zbritur ne vendin e 2-te, para Belgjikes.
Franca, qe eshte mundur ne shtepi ne miqesore nga Belgjika (3-4) e me pas ne Shqiperi (0-1), ka humbur 13 pozicione, duke zbritur ne vendin e e 22-te.
Kryesuesi i ri i klasifikimit te FIFA-s, Argjentina, ndiqet nga Gjermania dhe Belgjika ne vendin e 3-te.

Klasifikimi i FIFA-s:

1. Argjentina

2. Gjermania

3. Belgjika

4. Kolumbia

5. Holanda

6. Brazil

7. Portugali

8. Rumani

9. Angli

10. Uells

11. Kili

12. Spanja

13. Uruguai

14. Kroaci

15. Sllovaki

…

17. Itali

18. Zvicer

20. Republika Ceke

22. Franca
………..
36-Albania

Rekord historik, Shqipëria e 36-ta në renditjen e FIFA-s

by

Nga Gjergji Mima-9 Korrik– Kombëtarja shqiptare e futbollit ka arritur klasifikimin më të mirë të saj të të gjitha kohërave në renditjen botërore të Fifa-s.
Shqipëria është pozicionuar në vendin e 36-te në botë, duke u ngjitur më lart se kurrë në klasifikimin global duke thyer rekordin e mëparshëm të prillit të vitit 2013, kur kombëtarja kuqezi arriti deri në vendin e 37-te në renditjen botërore.
Në këtë mënyrë, kombëtarja e trajnerit Giovanni De Biasi, pas paraqitjeve impresionuese që kanë dhuruar kënaqësi e besim te publiku, merr frytet e progresit të vazhdueshem dhe evident edhe me mirëvendosjen e saj në renditjen e Fifa-s.
Muajin e fundit Shqipëria ka ngjitur plot 15 shkallë, çka rezulton ndërkohë edhe një ndër lëvizjet më pozitive të këtij harko kohor në nivel global. Janë plot 98 pikë të fituara që i dedikohen pikërisht një tjetër suksesi historik, fitores 1-0 ndaj Francës falë supergolit të Ergys Kaçes në miqësoren e luajtur 13 qershorin e kaluar në ‘Elbasan Arena’.
Me këtë renditje Shqipëria blindon vendin e saj në vazon e tretë të shortit të eleminatoreve të Botërorit ‘Rusi 2018’ që do të hidhet në 25 korrik, ku do të ketë mundësinë që të ketë në grup 3 skuadra me koeficient më të ulët, pra teorikisht më të dobëta.
Me renditjen më të mirë historike në klasifikimin e Fifa-s Shqipëria kurorëzon një rrugë progresi të vazhdueshëm.
Për sa i përket rivalëve të Grupit I në eleminatoret e Europianit Francë 2016, Danimarka, kundërshtari ynë direkt për vendin e dytë dhe kualifikimin e drejtëpërdrejtë, ka ngjitur 5 shkallë duke u pozicionuar e 24-ta në botë.
Franca e dënuar nga humbja në ‘Elbasan Arena’ zbret 13 vende duke u renditur e 22-ta, kryesuesit e Portugalisë janë skuadra më e mirëpozicionuar e Grupit I, pasi qëndrojnë në vendin e 7.
Mbetet shumë pas ndërkohë Serbia që edhe pse ka ngjitur dy shkallë renditet në vendin e 43-të, ndërsa Armenia me minus pesë shkallë është e 89-ta në botë.
Klasifikimi i FIFA-s ka përjetuar ndryshime të rëndësishme edhe në kreun e tij, ku Argjentina pavarësisht disfatës në finalen e Kupës së Amerikës, i ka rrëmbyer vendin e parë Gjermanisë, kampione të Botës, që ndodhet në vendin e dytë, ndërsa në 10-shen e parë spikat ngjitja e Anglisë, Uellsit, Rumanisë si dhe Kilit që arrin pozicionin e 11-të falë suksesit në Copa America. /a.ke/

Papa autoriteteve civile në Bolivi: “Sot mund të jetë koha e integrimit”

by

Pak orë pas arritjes në Bolivi, në katedralen e La Paz, Papa u drejtoi fjalën autoriteteve civile të vendit. Françesku theksoi me forcë “se problemet e mëdha, që trondisin njerëzimin, nuk mund të zgjidhen, nëse politika sundohet nga spekulimi financiar ose ekonomia mbahet vetëm mbi paradigmën teknokratike”.
Papa e quajti Bolivinë tokë e pafajshme, e bukur. Shembull, në një farë mënyre, për të gjithë Amerikën Latine, sepse sot, tha Françesku, në këtë tokë ku shfrytëzimi, lakmia, egoizmi dhe perspektivat sektare e errësuan historinë, sot, ngulmoi, mund të jetë koha e integrimit. Pikërisht në Bolivi mund të arrijnë “sintezat e reja kulturore”. Sa të bukura, vërejti në vijim, janë vendet, të cilat e kapërcejnë mosbesimin e rrezikshëm dhe i integrojnë njerëzit e ndryshëm, duke e shfrytëzuar këtë integrim si faktor të ri të zhvillimit.
I gjithë ky proces kalon përmes respektit më të madh për njeriun: “Ambienti natyror dhe ambienti shoqëror, politik dhe ekonomik lidhen në mënyrë të pazgjidhshme” tha Papa, duke cituar disa fragmente nga Enciklika e tij “Laudato si’”.
E këtu, shtoi, hyn në lojë politika, që nuk duhet të sundohet nga spekulimi financiar, ose ekonomia, që nuk duhet të mbështetet vetëm mbi paradigmën teknokratike e utilitaristike të prodhimit më të lartë, sepse përndryshe nuk do të arrijë as t’i kuptojë, e aq më pak t’i zgjidhë, problemet e mëdha, që trondisin njerëzimin e sotëm.
Prej këndej duhen pasur mirë parasysh traditat popullore e roli i feve. “Liria fetare – nënvizoi Papa – na kujton edhe se feja nuk mund të rëgjohet vetëm në sferën subjektive”.
Pastaj Françesku ftoi për të mos e ngatërruar të mirën e përbashkët, me “mirëqenien”. “Mirëqenia, që synon vetëm begatinë materiale, ka prirjen të jetë egoiste – tha Papa. – Mirëqenia, në vend që të ndihmojë, mbart në gjirin e vet konfliktet e mundshme dhe shpërbërjen shoqërore; duke u afirmuar si perspektivë sunduese, lind një nga të këqijat më të rrezikshme: korrupsionin”.
Papa u rikthye edhe një herë tek vlerat pozitive, kujtoi me ngulm familjen, e cila duhet ndihmuar, nëse nuk duam t’i lëmë fare pa mbrojtje njerëzit më të ligësht.
Temë tjetër kyçe, ishte emigracioni, plagë edhe për Bolivinë: “Një komb që kërkon të mirën e përbashkët, nuk mund të mbyllet në vetvete; rrjetet e marrëdhënieve e fuqizojnë shoqërinë. Duhen ndërtuar, prandaj, ura, jo mure”, ishte ftesa e Papës drejtuar shoqërisë civile në Bolivi

Berisha:Vizat drejt rikthimit pas eksodit

by

Tirane, 9 Korrik- Ish-kryeministri Sali Berisha ka ngritur dy çështje të rëndësishme në Kuvend sipas tij, kultivimi i lëndëve narkotike dhe eksodi i shqiptarëve në muajt e fundit.
Berisha tha se “qeveria jep shifra të falsifikuara për zbulimin dhe asgjësimin e kanabisit. Janë 1 milionë rrënjë të kultivuara. Elementë të së majtës, nxisin masivisht mbjelljen e kanabisit, – theksoi deputeti demokrat. – U bë një operacion që u përshëndet nga të gjitha palët, por Shqipëria është zhytur në kanabis. Më i fuqishmi në PS pas Edi Ramës, Koço Kokëdhima, vazhdon të bëjë fushatë për legalizimin e kanabisit, duke qenë avokat i mbjelljes së saj. Sot kanabisi mbillet kudo në shumë zona malore. Siç e keni nisur do ta bëni Shqipërinë si Jemeni”.
Ndërsa mbi eksodin masiv të shqiptarëve në vendet e Bashkimit Europian, Berisha tha se po u vazhdua me këto ritme, do të rikthehet regjimi i vizave: “Po ecim drejt ndëshkimit. Një vend kandidat që kërkon azil politik, nuk i jepet integrimi në BE. Të merren masa kundër eksodit. Po të vazhdohet kështu, do rikthehet regjimi i vizave. Eksodet janë të lidhura me qeverisjen e keqe. Sipas studimeve, 60% e të rinjve largohen nga vendi”, – shtoi Berisha.