Archives for April 2016

Hapet ne Vuthaj Muzeu Etnografik Vuthaj, Guci

April 26, 2016 by dgreca

Në Vuthaj hapet Muzeu Etnografik në të cilin përfshihen eksponate të vjetra tradicionale karakteristike e fshatit Vuthaj dhe e trevës tonë Plavë Gucisë.

Dëshira e madhe për të ruajtur nga zhdukja e vlerave të mirëfillta autoktone bëri të veten që bashkëvendësin ynë Ramok Çelaj të hap Muzeu Etnografik për her të par në Vuthaj në një nga anekset e kullës qindravjeçare të kësaj familje.

Është kjo një hapësirë i posaçëm ku do të ruhen dhe ekspozohen për vizitoret ky thesar i çmuar dhe me vlerë i vendlindjes tonë .

Dashuria e madhe e Ramok Çelajt bëri të veten që kjo pasuri kombëtare, tani e tutje mos të mbes në mëshirën e fatit por të jetë e ruajtur dhe e mirëmbajtur nga një adhurues i flaket i etnografisë siç është fisniku vuthjan Ramok Çela.

Ramok e përgëzojmë për këtë nisme, ndërkaq ju të dashur vizitor dhe adhurues të etnografisë ju sugjerojmë qe sa her qe jeni ne Vuthaj, jeni te mirëseardhur në Muzeu Etnografik.

Besimtarët katolikë në Nju Jork, kremtuan festën e Zojës së Shkodrës

April 26, 2016 by dgreca

*Besimtarët katolikë, Nju Jork, kremtuan festën e Zojës së Këshillit të Mirë, festën e Zojës së Shkodrës, pajtore e të gjithë Shqipërisë/

*Radio Vatikani : Festa e Zojës së Shkodrës – Zojës së Këshillit të Mirë – Zoja e Shkodrës /

NGA BEQIR SINA/

BRONX – NEW YORK : Sipas kalendarit katolik, me daten 26 prill e gjithe kisha katolike, shqiptare, kremton festen e Zojes se Keshillit te Mire, ose, siç e ata ne, festen e Zojes se Shkodres, pajtore e te gjithe Shqiperise. Me emrin e së cilës është e pagëzuar edhe Kisha Katolike e Shqiptarëve në kodrat e New Yorkut, në qytetin Hartsdale – disa mile larg qyteti të New Yorkut.

Simbas traditës kremtimi i kësaj feste ka nisur me Meshën e pasuar me bekimindhe lutjet fetare dje gjate mesdrekes se dites se diele dhe me pase ne mbremje, besimtarët e shumtë në numër janë mbledhur për të festuar së bashku me familjet e tyre, në një lokal, jo shumë larg Kishës Katolike “Zoja e Shkodrës”, restorantin “Maestro’s”, ku edhe u shtrua një Drake Solemne, shkruajnë disa besmitarë në medien sociale të rrjetit shoqëror Facebook, ku disa prej tyre kan postuar edhe fotografitë nga kjo festë e bukur e këtij komuniteti .

Simbas fotografive, ne kete Darke festive, kan marre pjese me shume se 300 vete, besimtare katolike, si dhe figura te shquara te komunitetit, autoritetet e larta te qytetit te Nju Jorkut, veprimtare e aktiviste te komunitetit.

Ne fillim te pranishmit, shoqeruan ne kor hymnin kombetar te ShBA – se, dhe te Shqiperise. Me pase me nje minute heshtje u nderuan te gjithe te renet.

Kengetari të komunitetit, Remi dhe Hajro Ceka, si dhe grupi i djemve dhe i vajzave te shoqerise kulturore “Rozafati” nga Kisha Katolike “Zoja e Shkodres”, Nju Jork, me udheheqese artistike koreografen Anxhelina Nika, me vallet dhe muziken e embel dhe te bukur shqiptare, kostumet e shumellojshme popullore, krijuan nje atmosfere mjaft te kendeshme dhe te bukur ne kete Darke.

Bekimi i Darkes ose lutja fetare, sipas zakoneve te kishes, eshte dhene nga Dom Viktor Dedaj. Me pase eshte kenduar nje pjese muzikore “Zoja e Shkodres” kenduar nga dueti i korit te Kishes Katolike “Zoja e Shkodres” ne Harstdale – Nju Jork, Fran Shala.

Folesit e rastit thane se :”Kisha Katolike Shqiptare ne Nju Jork, “Zoja e Shkodres” vjen ne kete feste e dalluar, per rolin e madh qe u ruajt ne mbrojtjen e vlerave fetare e kombetare ketu ne emigrim. Ku, krahas klerikeve, kjo kishe ka edhe nje nje keshill te shkelqyeshem, nje grup intelektualesh, ambicioz dhe te gateshem per te punuar ne çdo kohe pa u lodhur, dhe ne harmoni me njeri tjetrin.”

Kjo vihet re, thanë oratorët edhe per krijimin e nje atmosfere kaq madheshtore, me intelekt dhe perkushtim si dhe me dashuri dhe respekt per çdo njerin prejbesmitarëve, tek ai qe ka bere gjithçka per kete Kishë, kaq madhështore, dhe natyrishtë thonë ata krediti i shkon Famullitarit të kësaj Kishe, Kishës Katolike Shqiptare në Nju Jork, “Zoja e Shkodres”, me Famullitar Dom Pjeter Popaj.

Dom Pjeter Popaj duke folur per rendesine e kesaj dite, në një nga festimet e kaluara u ka thënë besimtareve të tij se; “Zoja e Keshillit te Mire – Zoja e Shkodres, nuk i harroi kurre banoret e ketij vendi te martirizuar, shqiptaret as ne kohen e kalvarit te popullit shqiptar gjate diktatures komuniste, diktatures me te eger ne Europen Juglindore, as ne kohet e kalvareve te tjera, perjetuar gjate shekujsh. Nena e Keshillit te Mire gjithmone, ka thënë ai, ka qene ngushellim e mburoje e popullit tone te dashur shqiptar, e edhe sot na tregon shtegun e jetes se vertete. Sot festa e Zojes se Shkodres, kremtohet me madheshti edhe ne qytetin me verior te Shqiperise, ne Shkoder, me gezim dhe me entuziazem te madh e me shtegtimin tradicional ne shenjteroren e kalase Rozafa,”

Radio Vatikani : Festa e Zojës së Shkodrës – Zojës së Këshillit të Mirë – Zoja e Shkodrës

Në Qytetin e Veriut të Shqipërisë, Shkodër, që prej kohëve të lashta nderohej me përkushtim të veçantë, një figure e mrekullueshme e Zojës. Është ajo figure që sot ndodhet në Gjenacan të Italisë. Historia e saj, është vetë historia e katolicizmit ndër shqiptarë, katoliçizëm i cili, me vdekjen e Gjergj Kastriotit, Skënderbeut, më 1468, nisi udhën e vet të kryqit. Në sa një pjesë e madhe e banorëve, gjatë pesë shekujve të robërisë, do të shtrëngohej të ndërronte fe e një pjesë tjetër do të merrte rrugët e mërgimit, vetëm një pakicë do të mbetej besnike, duke vuajtur porsi gjarpri nën gur për shekuj e shekuj.

E pikërisht në këtë kohë, rreth vitit 1467, kur një ushtri e re e madhe e sulltanit u dynd mbi Shkodër, sipas gojëdhënës, figurja e Zojës u shkëput nga muri i Shenjtërores rrëzë Kështjellës së Rozafës, për të mos u dhunuar nga hordhitë anadollake. E mbartur nga engjëjt, mbështjellë prej një reje – vijon gojëdhëna- u ndalua në Gjenacan, afër Romës. Gojëdhëna tregon edhe se Figurën e mrekullueshme e përcollën dy shkodranë, rojtarë të shenjtërores, e ndërsa ecnin me sytë lart, pa u kujtuar as ata vetë, e kaluan në këmbë detin Adriatik. Si arritën në Romë, figurja u zhduk nga sytë tyre.

Por nuk vonoi e në të gjithë Italinë u hap zëri se një figure e mrekullueshme kishte zënë vend në muret e Shenjtërores së Gjenacanit, ku me ndërmjetësinë e saj po kryheshin mrekulli të panumërta. Ishte data 25 prill 1467. Që asokohe nisën shtegtimet e besimtarëve drejt Gjenacanit, e Zoja jonë e Këshillit të Mirë, Pajtorja e shqiptarëve, nisi të nderohej edhe në Itali, Gjermani, Austri e më vonë edhe në kontinente të tjera, me të njëjtën figure, që vijon të nderohet në Gjenacan.

Kjo figure, pra, nderohej në kishëzën dy herë të rrënuar të Zojës rrëzë Kështjellës Rozafa, një nga më të vjetrat në Shqipëri. Në këmbë apo gërmadhë, Kisha mbeti gjithnjë cak shtegtimi. Nuk ka besimtar që duke kaluar andej, edhe pas vitit 1967, kur kisha u rrënua për herë të dytë nga diktatura enveriane, të mos jetë lutur në heshtje për ditë më të mira me një lutje tradicionale, që i qëndroi kohës, më shumë se muret:

“O Zoja e Bekueme, Nana e Këshillit të Mirë, po të thërrasim ty, që je Bija e zgjedhuna e Zotit Atë, Nana e Jezu Krishtit, Nusja e Shpirtit Shenjt, Tempull i së Shenjtnueshmes Trini: ndërmjetëso për ne në qiell!”.

E kur Kisha u rindërtua, Lutja u pasurua me fjalët:

“Ndër duert tua të fuqishme, o Nanë e Mëshirës, po e lëshojmë të dashtunin kombin tonë, megjithsè jemi mëkatnorë të mjerë e të padenjë. Po të falënderojmë se na je gjetë e na ke ndihmue me kujdesin e një Nane të vërtetë në dimnin e gjatë e të vështirë të persekutimit, i cili na shkaktoi viktima të panjehuna, martirë që tash ndërmjetësojnë për ne në qiell. Po të falënderojmë që na e nxore nga Zoti hirin e rikthimit të pranverës së lirisë fetare e qytetare, e cila i hapë rrugën ndërtimit të një shoqnie ma të drejtë e ma vëllaznore( fotografia nga Leonardo Berishaj)

Nderroi Jete ne Nju Xhersi Benjamin Cakrrani

April 24, 2016 by dgreca

Njoftim/

Ne date 19 prill 2016 nderroi jete ne moshen 76 vjecare ne spitalin e Hackensack,New Jersey Benjamin Kujtim Bektash Bej Cakrrani. Trupi i tij do te shoqerohet nga familjaret per ne varrezat e qytetit te Fierit, Shqiperi.

-Dy fjale te merituara ne ceremonine funerale:

Te nderuar pjesmarres,

I autorizuar nga familja Cakrrani si edhe nga nje detyre e brendeshme si bashke-vuajtesi i te ndjerit Benjamin Cakrrani po japim dy fjale te merituara per shokun tone edhe birin e familjes Cakrrani. Familje keto qe u martirizuan dhe u torturuan nga sllavo komunizmi shqipetar, per te vetmen arsye sepse kane thirrur “Rrofte Shqiperia”.

Familja Cakrrani ne periudhat decizive ka mbajtur mbi shpatulla historine e vendit te vet dhe si e tille nga diktatura komuniste pesoi ate fat si ato homologe te familjes se saj.

Komunizmi per te mos leshuar pe, ne lirine e drejtesine e familjes Cakrrani, Benjaminin, djalin e kesaj familje, arrestoi edhe denoi me dy dekada e gjysme kohe heqje lirie. Ky kalvar i pambarimte na bashkoi me Benjaminin ne burgun famkeq te Spacit. Benjamini me shpirtin e tij paqesor per shoket prodhonte miresi, miqesi , edhe dashuri te sinqerte. Personi i tij nuk kishte as edhe nje kundershtar. Ai sa mundeshe u jepte shokeve (vecmas te rinjeve) edukim edhe kulture, qe ata mos te humbisnin ate qe nuk e gjenin dot kurre. Pra nderin edhe karakterin njerezor. Benin e karakterizonte kurajoja per te kaluar veshtiresite.

Kapitullimi i komunizmit Benit i dha lirine. Ai u kthye ne familje pas shtatembedhjet vjet e gjysme kohe te humbur. Tanime ne kushte te veshtira ekonomike-shoqerore Beni ndertoi familje duke vene kurore me Emine Mamo. Nga kjo kurore linden dy vajza Juxhesta edhe Era, bija keto te mrekullueshme qe u bene stolia shpirterore e ciftit martesor.

Familja e Benjaminit u shtua, u be me kater pjestare. Kjo nje familje normale qe ne perpjekje per te gjetur nje jete me te mire,autostrada e jetes i coi ketu ne token e premtuar ne SHBA. Benjamini iu kushtua rritjes edhe shkollimit te vajzave edhe ju gezohej rezultateve te shkelqyera te tyre ne shkolle.

Benjamini nderroi jete ne nje kohe kur vajzat e tij e quajne te parakoheshme mbasi kerkonin qe babes te tyre te mrekullueshem ti jepnin me shume gezime deri sa ai te perfitonte privilegjin e te qenurit gjysh.

Zotit i qofshim fale:

Ai i ka rezervuar sukseset e vjazave qe ne jeten e tyre ti japin gezime te shumfishta nenes se tyre Eminese.

Benjamin! Ne emrin tim dhe te familjes time jam ketu te te them lamtumiren e fundit.

-Beni! Do te te duam kur ti te percillesh per ne banesen e fundit te mos derdhen lote grarie sepse vdekja jote eshte e lumtur tani ne fundit e asaj jetes tende te mireperdorur.

-Ashtu edhe ti o shpirt bujar derdhe energjine e jetes tende per te kerkuar liri edhe drejtesi.

-Beni! Sipas amanetit tend bashkeshortja tende e nderuar dhe vajzat e tua engjellore do te te shpien te flesh shume i qete ne token Shqipetare, qe ti e deshe gjithe jeten me teper sesa shpirti.

… – Shpirti jot u prefte ne paqe ! Lamtumire !

Muharrem Xhydollari

Kosovë-Serbë me dyshtetësi votojnë edhe sot

April 24, 2016 by dgreca

-Misioni i OSBE-së në Kosovë, operacion për grumbullimin e votave të zgjedhjeve parlamentare të Serbisë/PRISHTINË, 24 Prill 2016-B.Jashari/ Në Kosovë sot serbë me dyshtetësi votojnë për Parlamentin e Serbisë, derisa në Serbi po zhvillohen zgjedhjet e jashtëzakonshme parlamentare dhe zgjedhjet e rregullta lokale e në Krahinën e Vojvodinës edhe zgjedhjet për Kuvendin Krahinor.Në Kosovë, sipas medias serbe, për sot janë të regjistruar 106. 094 votues, të cilët “të drejtën e tyre për të votuar mund ta realizojnë në 90 vendvotime”.Ndërsa, në zgjedhjet e fundit parlamentare në Republikën e Kosovës të 8 qershorit 2014, lista përfundimtare e votuesve përmbante 1.782.454 emra, për të cilët në gjithë territorin ishin të hapura 798 qendra votimi me gjithsej 2.374 vendvotime.

Misioni i OSBE-së në Kosovë ka njoftuar ndërmarrjen sot të një operacioni të grumbullimit të votave për t’iu mundësuar personave me të drejtë vote në Kosovë qasje në zgjedhjet parlamentare të Serbisë.Paralajmërohej se, në këtë ditë, Misioni i OSBE-së do të hapë pesë qendra me degë përkatëse nëpër Kosovë, dhe stafi i OSBE-së do të jetë prezentë në secilën prej tyre. OSBE ka deklaruar se ka bërë aranzhime për shpërndarje të duhur gjeografike të këtyre qendrave dhe degëve, gjë që siguron mbulim të duhur të zonave ku gjenden personat me të drejtë vote.

Ky angazhim i OSBE-së bazohet në modelet e operacioneve të mëhershme, në veçanti atë të vitit 2014. OSBE do të jetë bartës i operacionit në Kosovë, duke përfshirë edhe ruajtjen e materialit të ndjeshëm që do të përdoret në këtë proces. Materiali si fletëvotimet dhe listat e votuesve i janë dorëzuar OSBE-së nga Komisioni Zgjedhor Republikan i Serbisë. Mënyra e hedhjes së votës për personat me të drejtë vote do të jetë e njëjtë si në 2014.

Për personat me të drejtë vote, prania e Misionit të OSBE-së në terren ka vënë në dispozicion informacion rreth vendeve që do të shfrytëzohen për këtë operacion.

Pas përfundimit të procesit, OSBE do t’i bartë votat e grumbulluara në Rashkë dhe Vranjë (qytete në Serbi) dhe do t’ia dorëzojë ato Komisionit Zgjedhor Republikan të Serbisë për numërim e procedura të mëtutjeshme.

Gjatë zgjedhjeve parlamentare të Serbisë, të vitit 2014, Misioni i OSBE-së në Kosovë, për nevojat e operacionit të mbledhjes së votave pat hapur 10 qendra në mjediset me shumicë serbe, në mënyrë që t’u mundësonte votimin serbëve të Kosovës me nënshtetësi të dyfishtë.

Sipas regjistrimit të popullsisë të pranverës 2011, i cili nuk ka ka përfshirë një të tretën e kosovarëve që vlerësohet se jetojnë e punojnë jashtë vendit, në Kosovë pa veriun u numëran 1.739. 825 banorë rezidentë, 92.93 % shqiptarë, ndërsa 1.47 % e banorëve ishin serbë, 1.58% boshnjakë, 1.08 % turqë, etj. Përqindja e komunitetit serb do ishte më e lartë me përfshirjen e veriut në regjistrim. Në veri të Mitrovicës dhe tre komuna tjera veriore – Leposaviç, Zubin Potok e Zveçan, ku është refuzuar regjistrimi i popullsisë, sipas një shifre që e kanë përmendur autoritetet kosovare, jetojnë rreth 40 mijë serbë.

***

LB edhe një herë, kundërshton zgjedhjet serbe në Kosovë

Lëvizja për Bashkim, parti e koalicionit qeverisës që udhëheqë Ministrinë e Diasporës, me ministrin Valon Murati, kundërshton zgjedhjet serbe në Kosovë. Komunikata e plotë:

Të dielën, më 24 prill, janë caktuar të mbahen zgjedhjet parlamentare të shtetit fqinj, Republikën e Serbisë.

Sikurse edhe viteve të mëparshme, edhe këtë vit, Serbia e ka bërëtë qartë që do t’i organizojë zgjedhjet e veta parlametare edhe në Kosovë. Dhe jo vetëm kaq, por e ka bërë të qartë, sikurse edhe viteve të kaluara, se zgjedhjet në Kosovë i konsideron dhe i trajton si zgjedhje në territorin e vet. Për më tepër, gjatë takimeve me qytetarët serbë në Kosovë, zyrtarët serbë nuk kanë lënë rast pa i theksuar haptas objektivat e tyre politike që ta minojnë dhe mohojnë shtetësinë e Kosovës, duke i shfrytëzuar këto mesazhe fashiste për t’i mobilizuar serbët e Kosovës për të votuar në këto zgjedhje.

Përderisa e drejta e votimit njihet për qytetarët që ruajnëdyshtetësinë, pra në këtë rast edhe për serbët e Kosovës që nëse kanë dy-shtetësi mund të votojnë edhe në zgjedhjet e Serbisë. Por,në rastin e Kosovës këto zgjedhje nuk përfillin asnjë normë të njohur ndërkombëtare në këto raste dhe LB konsideron se kjo shpërfillje nga Serbia e ka bazën në raportet e pazgjidhura në mes të dy shteteve, që pas mbarimit të luftës.

Prandaj, Lëvizja për Bashkim, edhe një herë i bën thirrje qeverisësë Kosovës dhe gjithë faktorit politik shqiptar, që në vend të qasjes parciale dhe joserioze në bisedimet me Serbinë, të ndërtohet një qasje gjithëpërfshirëse, përmes ndërtimit të një platforme kombëtare, nga të gjitha forcat politike shqiptare, e cila do të vendoste nëbinarë afatgjatë mënyrën e udhëheqjes së bisedimeve me Serbinë, binarë nëpër të cilët do të ecnin forcat politike shqiptare, pa marrëparasysh se cila do të ishte në pushtet e cila në opozitë dhe do të evitonte situata të pakëndshme si këto, në të ardhmen.

Deri atëherë, pasojat e raporteve jonormale me Serbinë do t’i vuajmë të gjithë pa përjashtim, përfshirë këtu edhe në ciklet zgjedhore lokale apo qendrore serbe. Pa marrë parasysh këtë, institucionet shtetërore të Kosovës duhet të mos lejojnë mbajtjen e zgjedhjeve serbe duke qenë kështu në nivel të përgjegjësisë shtetërore dhe kombëtare, dhe duke mbrojtur kështu si interesat shtetërore, ashtu edhe ato kombëtare të popullit shqiptar.

Lëvizja për Bashkim,
Prishtinë, 23 prill 2016

Obama sfidon Cameron në “Chandlers Cross”

April 24, 2016 by dgreca

Presidenti amerikan, Barack Obama, gjendet në një vizitë 3 ditore në Britanië e Madhe. Ndërsa komentet e tij për “Brexit” kanë ndarë britanikët, por kjo nuk e ka penguar atë që të ftojë për një lojë golfi kryeministrin britanik David Cameron. Shefi i Shtëpisë së Bardhë dhe Shefi i Ekzekutivit britanik zgjodhën resortin “Chandlers Cross” për të sfiduar njëri-tjetrin. Ky resort është i njohur për faktin se aty grumbullohen lojtarët e kombëtares angleze përpara çdo ndeshjeje në “Wembley”. Gjithsesi, Obama, që po bën vizitën e tij të fundit si President i SHBA-ve në ishull, duke se po e shijon kohën e kaluar me Cameron. Përpara se ti drejtohej fushës së golfit, Obama vizitoi teatrin “Globe”, ku ndoqi performancen e veprës legjendare të “Hamletit”. {Sh.K}