Archives for September 2019

KOSOVA SHTET SOVRAN DHE I PAVARUR

September 27, 2019 by dgreca

KUJTESA HISTORIKE- REFERENDUMI: KOSOVA SHTET SOVRAN DHE I PAVARUR/

Referendumi i organizuar me 1991 dha kete rezultat: Pro 99,87%: Kosova Shtet Sovran dhe i Pavarur*

-Para 28 viteve, nga 26 deri në 30 Shtator 1991, në Referendum dolën 914.802 veta ose 87,01% e 1.051.357 qytetarëve me të drejtë vote, për Kosovën Shtet Sovran dhe i Pavarur votuan 99,87%./

-Presidenti historik Dr. Ibrahim Rugova në intervistën ekskluzive para çerek shekulli: Referendumi, akt që e afirmoi tutje dhe është një garanci për realizimin e pavarësisë së Kosovës/

-Raportimet për Referendumin në gazetën e rezistencës “Bujku”, që nisi të dilte në Prishtinë nga 18 Janari i vitit 1991, e pasonte dhe sfidonte ndalimin e dhunshëm nga Serbia të gazetës tradicionale, të parë e të vetme të përditshme shqipe në Kosovë Rilindja/

SPECIALE-Gazeta DIELLI nga korrespondenti në Kosovë Behlul JASHARI

PRISHTINË, 27 Shtator 2019/ Kosova Shtet Sovran dhe i Pavarur u votua pro 99,87 për qind në Referendumin e mbajtur para 28 viteve, nga 26 deri në 30 Shtator 1991.

“Në Referendum dolën 914.802 veta ose 87,01% e 1.051.357 qytetarëve me të drejtë vote, prej tyre për Kosovën Shtet Sovran dhe i Pavarur votuan 99,87%. Kundër kishin votuar 164 veta, ndërsa të pavlefshme ishin 933 fletëvotime”, konstatonte Komisioni Qendror për Zbatimin e Referendumit në raportin përfundimtar.
Gjithnjë sipas rezultateve zyrtare përfundimtare të shpallura nga Komisioni, në votim, për shkaqe dhe arsye të ndryshme, nuk dolën 136.555 votues apo veç 12,99% e qytetarëve të Republikës së Kosovës me të drejtë vote. Për realizimin e Referendumit pati 1500 vendvotime me 450 njësi votuese.

Referendumi u mbajt në rrethana të një okupimi të egër të regjimit të Beogradit dhe të një shtetrrethimi ushtarako-policor, ndërsa rezultatet e tij ishin mesazhe të fuqishme dhe të qarta të Kosovës për gjithë botën në një kohë të lëvizjes gjithëpopullore për liri, pavarësi e demokraci.

“Është një akt që e afirmoi tutje dhe është një garanci për realizimin e pavarësisë së Kosovës, në të tashmen dhe në të ardhmen”, theksonte Presidenti historik i Kosovës, Dr. Ibrahim Rugova, në intervistën ekskluzive për Agjencinë Telegrafike Shqiptare, që e kam zhvilluar para çerek shekulli, në 22 Shtator 1994, në 3 vjetorin e referendumit të deklarimit të vullnetit kombëtar e demokratik të popullit të Kosovës.

Në intervistë, Presidenti Rugova, i cili vazhdimisht theksonte se “zgjidhja më e mirë është Kosova e pavarur” fliste edhe për opcionin e “lidhjeve konfederale apo bashkimin me Shqipërinë” të Republikës së Kosovës, si dhe për një “politikë globale që sa më parë të bjerë muri mes shqiptarëve”.

Vizionet e parashikimet në lëvizjen e luftën drejt Lirisë e Pavarësisë, për të cilat fliste Presidenti historik i Kosovës Dr. Ibrahim Rugova në intervistën ekskluzive para çerek shekulli janë realizuar gjatë viteve: “Një mbrojtje për Kosovën…një protektorat ndërkombëtar” erdhi me ndërhyjen shpëtimtare të forcës më të madhe planetare – NATO-s, prirë nga Shtetet e Bashkuara të Amerikës dhe me vendosjen e administratës së Misionit të Organizatës së Kombeve të Bashkuara në vitin e madh të lirisë 1999. “Dhe, kjo kontribuon në realizimin e pavarësisë, për të cilën është deklaruar populli i Kosovës”, shprehej Presidenti Rugova në intervistë…dhe pavarësia u shpall në 17 Shkurtin historik 2008…

“Kosova filloi Referendumin për Sovranitet”, shkruante në kryetitullin në ballinë gazeta historike e rezistencës shqiptare “Bujku” pikërisht para 28 viteve në numrin e 27 Shtatorit 1991. Legjenda e fotografisë ishte: “Deklarim demokratik për ardhmërinë e Kosovës: pamje e Prishtinës”. Aty, po në faqen e parë, në mbititull shkruante: “Udhëzime për mbajtjen e Referendumit”, e në titull theksohej: “Referendumi është legal dhe legjitim”.

Pas ditëve të zhvillimit të votimeve masive, gazeta “Bujku” njoftonte rezultatet e referendumit.

Me kryetitullin “Mbi 99 për qind të votuesve për Sovranitetin Shtetëror të Kosovës”, me mbititullin “Kumtesë e Komisionit Qendror për Zbatimin e Referendumit të Kuvendit të Republikës së Kosovës” dhe me nëntitullin “Prej më se 1 milion votuesve kanë dalë në votime mbi 870 mijë veta ose rreth 85 për qind e numrit të pëgjithshem të qytetarëve me të drejtë vote. Pjesëmarrja e serbëve dhe e malazezve në referendum ishte simbolike”, gazeta kosovare e rezistencës “Bujku” në numrin e 4 Tetorit 1991, në faqen e parë shkruante:

“Deri më 3.10.1991 Komisionit Qendror të Kuvendit të Republikës së Kosovës për zbatimin e referendumit për Republikën e Kosovës shtet sovran dhe i pavarur i kanë arritur rezultatet e votimeve nga të gjitha komunat e Kosovës, si edhe nga disa shtete të Evropës Perëndimore, nga SHBA-të, Australia e të tjerë. Ende nuk kanë arritur rezultatet e votimeve të qytetarëve të Kosovës që punjnë përkohësisht në disa republika të tjera në Jugosllavi, si edhe nga disa shtete të Evropës Perëndimore, e supozohet se është një numër i madh i votuesve.

Nga përpunimi i rezultateve të votimimeve që kanë arritur mund të konstatohet se në Referendum, prej më tepër se 1 milion votuesve, kanë dalë më shumë se 870.000 votues, ose afër 85 për qind të numrit të përgjithshëm të qytetarëve me të drejtë vote. Për Kosovën shtet sovran dhe i pavarur janë deklaruar 99,8% të votuesve.

Rezultatet e votimeve dhanë mundësi të konstatohet se në Referendum ka dalë një numër i konsiderueshëm i myslimanëve, turqve, kroatëve, romëve e të tjerë, ndërsa pjesëmarrja e serbëve dhe e malazezve ishte simbolike.

Komisioni Qendror për zbatimin e Referendumit lut të gjitha komisionet, të cilat nuk i kanë dorëzuar ende rezultatet e votimeve, ta bëjnë këtë sa më shpejt të jetë e mundur, në mënyrë që të kumtohen rezultatet përfundimtare të Referendumit, thuhet në kumtesën e Komisionit Qendror për zbatimin e referendumit të Kuvendit të Republikës së Kosovës”.

Gazeta “Bujku”, që shkruante kështu, ishte “edhe gazetë edhe televizor”, si thoja atëherë gjatë ditëve të referendumit, meqë në terrin informativ, kur ishte i okupuar edhe Televizioni i Prishtinës, për ta “kompensuar” mungesën e televizionit botonim edhe shumë fotografi të mëdha nga votimet e atmosfera. Dhe thuaja e gjithë gazeta ishte referendum, me raporte të gjëra e fotografi të ekipeve të gazetarëve e korrespondentëve nga e gjithë Kosova që punonin ditë e natë e me sakrifica.

Në atë kohë gazeta e vetme e përditshme shqipe në Kosovë, “Bujku”, themelues-kryeredaktor i parë i së cilës isha, gazetë e rezistencës e pjesë e lëvizjes e luftës për liri, pavarësi e demokraci, me orientim e përcaktim të fuqishëm properëndimor euroatlantik, dilte nga 18 Janari i vitit 1991, e pasonte dhe sfidonte ndalimin e dhunshëm nga Serbia të gazetës tradicionale, të parë e të vetme të përditshme shqipe në Kosovë Rilindja

Që atëherë nisëm edhe bashkëpunimet me Agjencinë Telegrafike Shqiptare, të parat bashkëpunime të një media të Kosovës me një media të Shqipërisë…

Vendimin për mbajtjen e Referendumit për Kosovën shtet sovran dhe i pavarur e mori Kuvendi Kosovar në ekzil, në marrëveshje me subjektet politike në Kosovë, në mbledhjen e 22 Shtatorit 1991, mbajtur në Slloveni. Kuvendi i Kosovës kishte dalë në ekzil pasi kishte miratuar Deklaratën Kushtetuese për pavarësi të 2 Korrikut dhe Kushtetutën e Republikës së Kosovës të 7 Shtatorit 1990, që u pasuan edhe me zgjedhjet e para shumëpartiake parlamentare e presidenciale të 24 Majit 1992.

Në krye të Kuvendit të Kosovës në atë kohë të vendimeve e ngjarjeve historike drejt lirisë dhe pavarësisë ishte Ilaz Ramajli, i cili në një intervistë ekskluzive që kam zhvilluar ka vlerësuar se Referendumi u organizua shumë mirë, megjithëse mbahej në rrethana të një okupimi të egër të Serbisë në Kosovë.

“Para Referendumit, edhe Deklarata Kushtetuese e 2 Korrikut dhe Kushtetuta e Republikës së Kosovës e 7 Shtatorit 1990, jo vetëm që ishin akte kushtetuese juridike, por në kohën kur u nxorën ishin edhe akte mbrojtëse dhe pozicionuese në raport me situatën e krijuar në ish Jugosllavi”, ka theksuar Ramajli.

Nga shpërbërja e ish Jugosllavisë, nga elementet konstituive me të drejtë vetoje të federatës, mes të cilave ishte edhe Kosova që u bë shtet, shtete të reja të rajonit dolën edhe Sllovenia, Kroacia, Bosnja e Hercegovina, Maqedona, Mali i Zi dhe Serbia.

“Mbajtja e referendumit dhe rezultatet e tij jo vetëm që mundësuan ndryshimet kushtetuese me të cilat Kosova u shpall shtet sovran e i pavarur dhe u rrumbulaksua korniza kushtetuese e ligjore lidhur me këtë por ishte edhe një mesazh i fortë dhe shumë i qartë për Serbinë dhe gjithë botën se populli i Kosovës më asnjëherë nuk dëshiron të jetë nën kontrollin e të tjerëve, por është përcaktuar fuqishëm që shteti i tyre, Kosova, të jetë shtet sovran dhe i pavarur”, është shprehur Ramajli.

Këshilli Koordinues i Partive Politike të Kosovës kishte marrë vendimin politik për organizimin e Referendumit gjithëpopullor dhe për këtë qëllim u emërua Komisioni Qendror. Kryetar i Komisionit Qendror për Organizimin e Referendumit ishte Ramush Tahiri, përfaqësues i Partisë Shqiptare Demokristiane të Kosovës.

“Në këtë Komision kanë qenë të gjithë përfaqësuesit e partive politike të Këshillit Koordinues. LDK në Këshillin Koordinues ka pasë tre përfaqësues, Ibrahim Rugovën si kryetar të Këshillit Koordinues, Fehmi Aganin dhe Ali Aliun. Partia Fshatare është përfaqësuar nga kryetari Hivzi Islami, Partia Socialdemokrate është përfaqësuar nga Shkëlzen Maliqi, Partia Parlamentare është përfaqësuar nga Veton Surroi dhe Partia Shqiptare Demokristiane ku unë kam qenë përfaqësues”, ka deklaruar Tahiri në një intervistë televizive në Klan Kosova në 28 vjetorin e fillimit të Referendumit.

Ndërsa, Rifat Blaku atëherë anëtar i Komisionit Qendror për mbajtjen e Referendumit vlerëson se, “një barrë të madhe, por edhe meritë të veçantë për punën për mbarëvajtjen e Referendumit e kishin Këshillat lokale komunale për Referendum”.

Blaku, në shkrimin ekskluziv në gazetën tradicionale të Kosovës Rilindja – botim special në 90 vjetorin e Pavarësisë së Shqipërisë, në 28 Nëntor 2002, përkujtonte edhe se, rezultatet përfundimtare të Referendumit janë shpallur nga Kuvendi i Kosovës në 18 Tetor 1991, kur është shpallur edhe Qeveria e Kosovës në ekzil.

Pas Referendumit, në 11 Tetor 1991 është miratuar e nënshkruar Deklarata politike e Këshillit Koordinues të Partive Politike Shqiptare në Jugosllavi, kryetar i të cilit ishte Ibrahim Rugova. “Njëmbëdhjetë partitë politike shqiptare, anëtare të Këshillit Koordinues të Partive Politike Shqiptare në Jugosllavi, duke shprehur vullnetin politik të popullit shqiptar për zgjidhjen e çështjes shqiptare dhe për gjendjen aktuale në Jugosllavi”, siç theksohej në Deklaratën politike, shpreheshin për këto tre opsione:
“1. Nëse nuk ndryshohen kufijtë e jashtëm e as ata të brendshëm të Jugosllavisë, duhet të ekzistojë Republika e Kosovës si shtet sovran dhe i pavarur, me të drejtë bashkimi në lidhjen e shteteve sovrane në Jugosllavi. Pjesët e popullit shqiptar që mbesin të jetojnë në Maqedoni, në Mal të Zi dhe në Serbi do të kenë statusin e popullit shtetformues dhe të gjitha të drejtat që dalin nga kjo.
2. Nëse kufijtë e jashtëm të Jugosllavisë nuk ndryshojnë, por ndryshojnë kufijtë e brendshëm ndërmjet republikave, atëherë kërkesë është Republika Shqiptare në Jugosllavi, e ndërtuar mbi bazën e parimit etnik dhe të parimeve të tjera që vlejnë për serbët, sllovenët dhe popujt e tjerë të Jugosllavisë.
3. Nëse ndryshojnë kufijtë e jashtëm të Jugosllavisë, atëherë populli shqiptar në Jugosllavi, përmes deklarimit të përgjithshëm me plebishit, do të vendosë për bashkimin e territoreve në të cilat jeton Shqipëria dhe kështu do të krijohet shteti integral shqiptar në Ballkan në kufijtë e tij etnikë.”

Tani, pas 28 vitesh të Refrendumit historik për Shtet Sovran dhe të Pavarur, Kosova është e lirë prej mëse 20 vitesh, nga qershori 1999 i përfundimit të luftës e hyrjes së forës shpëtimtare paqeruajtëse të NATO-s dhe e pavarur prej mëse 11 vitesh nga 17 Shkurti 2008, e njohur deri tani nga 116 shtete të botës, anëtare të OKB-së.

*Per me shume foto shih ne Fb

PËRSE DUHET TA MBËSHTESIM MARKO KEPIN, DUKE FILLUAR NGA KJO E DIELË?

September 26, 2019 by dgreca

– Do të jetë në Turpin tonë nëse nuk e nxjerrim Markon fitues në këtë betejë elektorale, jemi apo jo në zonën e tij elektorale. Le t’i kthejmë Marko Kepit një pjesë të borxhit Kombëtar,që i kemi në gjithë këto vite të aktivitetit të tij Kombëtar në Shtetet e Bashkuara të Amerikës!

– Jo vetëm Marko, por edhe komuniteti ynë, të Dielën, do të jemi në gjykimin e Partisë që përfaqëson Marko (Republikane), por edhe në sytë e medias amerikane, që teston dhe sheh forcën e kandidatit. Sa të organizuar do të jemi, sa shumë do të jemi në numër, çfarë do të prezantojmë të Dielën, do të vendos për qëndrimin që do të mbajë Partia Republikane ndaj kandidatit tonë, do t’i japë apo jo përkrahje.

Bashkatdhetari ynë Marko Kepi duhet mbështetur në garën e tij për në Parlamentin e Nju Jorkut (Anasmbelman) sepse është djalë i aftë, i përgatitur, Shqiptar i Mirë, qytetar amerikan i respektuar. Kjo betejë që ai nis të Dielën me 29 Shtator, më shumë na shërben Ne Shqiptarëve se sa vetë Markos. Për të është më shumë se sa sakrificë.

Të gjithë jemi dëshmitarë për Atdhedashurinë e Tij.Ka më shumë se sa një dekadë që na prinë në Paradat e përvitshme, ku Avenjuja e Gjashtë në Manhattan dominohet nga Flamujtë tanë dhe nga Shqiptaria e zjarrrtë. Kush e ka organizuar atë! Marko me Rrënjët Shqiptare, me djemtë dhe vajzat që bëjnë më shumë se ç’bëjnë vetë shtetet shqiptare.

Do të jetë në Turpin tonë nëse nuk e nxjerrim Markon fitues në këtë betejë elektorale, jemi apo jo në zonën e tij elektorale.

Vetëm në zonën e tij elktorale në Staten Island dhe në pjesën e Brooklyn-it,thonë se jetojnë më shumë se 30 mijë shqiptarë! Markos i duhen vetëm 1500-2000 vota. Askush nuk do të na e falë dështimin, prandaj të gjithë duhet të ngrihemi në këmbë dhe të kontribuojmë.

Shoqatat shqiptare, veçanërisht ato, që janë në atë zonë elektorale, por edhe të tjerat në trishtetshin, të Dielën duhet t’i kenë aty të gjithë anëtarët e tyre së bashku me familjet dhe fëmijët. Shkollat shqipe, po ashtu. Ka të bëjë shumë prezantimi i çeljes së fushatës, numëri i pjesmarërsve.

Jo vetëm Marko, por edhe komuniteti ynë do të jenë në gjykimin e Partisë që përfaqëson Marko (Republikane), por edhe në sytë e medias amerikane, që teston dhe sheh forcën e kandidatit. Sa të organizuar do të jemi, sa shumë do të jemi në numër, çfarë do të prezantojmë të Dielën, do të vendos për qëndrimin që do të mbajë Partia Republikane ndaj kandidatit tonë, do t’i japë apo jo përkrahje. Nëse ne jemi forcë e madhe të Dielën, gjërat do të jenë më të lehta më pas. I sillni dhe fëmijët në çeljen e fushatës së Marko Kepit. Do të jetë një ditë e veçantë; artistët tanë do të jenë aty për të performuar dhe për të ndezur fushatën.

Le t’i kthejmë Marko Kepit një pjesë të borxhit Kombëtar,që i kemi në gjithë këto vite të aktivitetit të tij Kombëtar në Shtetet e Bashkuara të Amerikës!

NGA ZEMRA EUROJMË: FITOFSH DJALË I SHQIPTARISË!

MOS HARRONI: TË DIJELËN, 29 SHTATOR 2019, ORA 12.00 P.M.

ADRESA: 1196 HYLAN BLVD, STATEN ISLAND, NY 10305

GAZETARJA , POETJA ELIDA BUÇPAPAJ NDEROHET NGA RUBEN DIAZ JR

September 26, 2019 by dgreca

Z.Ruben Diaz Jr, Kryetari i Bashkisë të Bronx, NYC nderon për kontributet e saj në gazetari dhe poezi Elida Buçpapaj.

Me anë të një proklamate, Ruben Diaz Jr, Kryetari i Bashkisë të Bronx, NYC të datës 20 shtator 2019, shkruan se:“Duke patur parasysh se: Elida Buçpapaj është një gazetare dhe poete e mirënjohur e cila ka raportuar për momentet historike të historisë të Kosovës dhe Shqipërisë. Sot, ne jemi krenarë të njohim kontributet dhe sakrificat e saj për të informuar dhe ndriçuar popullin e Shqipërisë dhe të Kosovës, dhe;

“Duke patur parasysh se: Historia e bashkisë sonë me komunitetin shqiptar fillon në vitet 1930, në rrugët e Van Nest dhe Morris Park, ku është rritur Regis Philibin. Sot, nga Belmonti, në Pelham Parkway e deri tek Morris Parkt dhe kudo ndërmjet, Shqiptarët po ndihmojnë për të forcuar thelbin e Bronxit përmes komunitetit të biznesit, kulturës dhe organizatave jofitimprurëse. Zyra e Presidentit të Bashkisë të Bronx me partnerët e saj dhe organizatat shqiptare në të gjithë qytetin promovon suksesin e emigrantëve shqiptarë në zonat metropolitane të qytetit të New York – deri tani popullsia më e madhe shqiptare në Shtetet e Bashkuara, dhe;
Duke patur parasysh se: Bronx ka lidhje shumë të fuqishme me Shqipërinë, ne jemi krenarë për të ndarë trashëgiminë e një popullsie prej më tepër 20.000 vetë me origjinë shqiptare – më shumë se çdo bashki tjetër në New York City dhe komuniteti më i madh në Shtetet e Bashkuara dhe organizatat janë të përkushtuara për të vazhduar këtë traditë të jashtëzakonshme të patriotizmit e vlerave, dhe;Duke patur parasysh se: Për të festuar pavarësinë e Shqipërisë, në vitin 2018, Zyra e Presidentit të Bashkisë Bronx bëri që flamuri i Shqipërisë të valvitej, për herë të parë në histori, mbi Ndërtesën e Qarkut Bronx, dhe;
Duke patur parasysh se: Shoqatat, The Albanian American Society Foundation (Fondacioni Shoqëria Shqiptaro- Amerikane), Son & Daughters of Albanian in America (Bijtë dhe Bijat e Shqipërisë në Amerikë) dhe the Albanian Community Center (Qendrën e Komunitetit Shqiptar); së bashku me punën e palodhur të mikut tim, Esad A. Rizai, kemi krijuar një lidhje të fortë me bashkinë e madhe, duke na ndihmuar të festojmë pavarësinë e Shqipërisë çdo vit, duke përfshirë, për të parën herë, edhe ngritjen e flamurit të Shqipërisë mbi Ndërtesën e Qarkut Bronx në 2018, dhe;
Prandaj, tani: Unë, Ruben Diaz Jr., Kryetari i Bashkisë të Bronx, më 20 shtator 2019, në emër të më shumë se 1.4 milion banorëve, nderojmë dhe vlerësojmë kontributet e Elida Buçpapaj, të Shqiptarëve të komunitetit Shqiptaro-Amerikan, të heronjve të tyre, duke kremtuar kontributin e pamasë ndaj kulturës dhe historisë që ata kanë dhënë dhe do të vijojnë të japin në qytetin dhe bashkinë tonë.Ruben Diaz Jr.”

Shënim i VOAL:Gazetarja dhe poetja Elida Buçpapaj së bashku me bashkëshortin e saj, shkrimtarin Skënder Buçpapaj, prej gati 3 dekada, kanë lidhje shumë të forta bashkëpunimi me komunitetin Shqiptaro-Amerikan në SHBA .Elida Buçpapaj ka raportuar nga Tirana për VOA – Voice of Amerika në vigjije të rrëzimit të diktaturës;Ajo po ashtu ka kontribuar për Gazetën Illyria, me seli në Bronx, në fillim të viteve ’90.Radio-Televizioni Shqiptar ku Skënder Buçpapaj ishte drejtues pati rol të veçantë në përmbysjen përfundimtare të monizmit, vënien e shoqërisë shqiptare në rrugën drejt demokracisë perëndimore dhe në promovimin e çështjes së pazgjidhur kombëtare, sidomos çështjes së Kosovës; Skënder Buçpapaj krijoi lidhje bashkëpunimi me Komunitetin Shqiptaro-Amerikan në SHBA, personalitete të këtij komuniteti si dhe me institucione të SHBA.
Gazeta Bota Sot, ku për dhjetë vjet, Skënder Buçpapaj ishte kryeredaktor dhe Elida Buçpapaj, kolumniste, kishte degë të redaksisë në Bronx, New York, SHBA, ku çifti Buçpapaj i kontribuoi sensibilizimit dhe mirëinformimit, duke e kthyer në platformë politike lidhjen jetike që ekziston midis SHBA dhe Kombit Shqiptar.Të dy bashkëshortët, Elida Buçpapaj dhe Skënder Buçpapaj kanë bashkëpunuar fort me ish Kongresmenin Joe DioGuardi dhe eksperten e Ballkanit, Shirley DioGuardi që drejtojnë lobin më të fuqishëm Shqiptarë-Amerikan, atë të Lidhjes Qytetare Shqiptarë-Amerikane.Të dy bashkëshortët, Elida dhe Skënder Buçpapaj, që tani janë botues të portalit Voice of Albanians – www.voal.chpo ashtu për tre dekada kanë bashkëpunuar dhe vijojnë të bashkëpunojnë me organizatën më të vjetër panshqiptare në SHBA, The Hearth – Vatrën,krijuar nga kokat e kombit Faik Konica e Fan Noli, aktualisht me qendër po në Bronx dhe gazetën Dielli (The Sun),si dhe me shumë shoqata dhe personalitete të Komunitetit Shqiptaro-Amerikan, duke përmendur Mikun e tyre të nderuar, patriotin e palodhur Esad A.Rizai,që krijon ura besimi dhe vlerash me personalitete të administratës publike Amerikane dhe promovon vlerat shqiptar.

VATRA, DIELLI HONORED BY THE GOVERNMENT OF KOSOVO WITH THE GJERGJ KASTRIOTI – SKENDERBEU AWARD

September 26, 2019 by dgreca

Editorja e Diellit per gjuhen angleze Rafaela Prifti duke marre Medaljen”Gjergj Kastrioti-Skenderbeu” akorduar Gazetes “DIELLI” nga Kryeministri ne detyre i Kosoves z. Ramush Haradinaj/

Nga Rafaela Prifti/

The Consulate General of the Republic of Kosovo in New York hosted an evening for the Acting Prime Minister of Kosovo to greet the community. Mr. Haradinaj is attending the UN General Assembly meeting that is taking place in New York. Kosovo’s Ambassador Teuta Sahatqija welcomed all the participants to what she referred as ‘the most important meeting of Kosovo’s dignitaries given the sustained and unwavering support by the diaspora.” Mr. Ramush Haradinaj, who came promptly at 6 pm, related to every one in a personable manner. He stated that his main goal for meeting with the community was to extend his gratitude and appreciation. Drawing a comparison between his two visits in the United States, Mr. Haradinaj said: “One year ago, i was here. The visit was very difficult, and the arguments regarding the ways of proceeding with our dialogue with Serbia got heated. In question were the implications for the future of Kosovo. This year’s visit is different. The approach has shifted towards anticipating the next issues and steps rather get bogged down at every turn.” Speaking candidly and confidently, he said that politicians come and go but the country is forever. Then, he laid out a quick list of challenges that Kosovo faces specifically in the arena of the foreign policy, which makes the need for the support from our friends in Washington a great priority. The next point was the work towards a legally-binding bilateral agreement with Serbia, regarding the existing borders of the two countries. Then the Acting Prime Minister of Kosovo. turned his attention to the contribution of individuals, organizations and associations that devout their work towards the advancement of Albanians. “Tonight’s awards from the office of the Prime Minister of Kosovo are a small token of our appreciation,” said Mr. Ramush Haradinaj, who quickly remarked that “if any one is left out, we apologize in advance and assure you, that it is not intentional.” Among the individuals honored last night was Mr. Agim Rexhaj, Vice Chairman of the Pan-Albanian Federation of America, Vatra who received the Gjergj-Kastrioti Skenderbeu medal for his role in support of the Albanian cause and strengthening of the relations between the United States and the Republic of Kosovo. Mr. Haradinaj noted that the dispora has raised awareness with regards to the rights of the Albanians of Kosovo and has educated the American people to increase their understanding of the issues. “The diaspora has not ceased to carry out these tasks and I am very grateful to all of you.”

Vatra Federation was one of the organizations to receive the same honor. In the course of the evening, several activists and influential members of the community were recognized. (please read the report filed earlier online). Dielli Newspaper was recognized for its work for enhancing the relations between America and Kosovo. The Editor of Dieli Dalip Greca was out-of-town on assignment. The English Editor Rafaela Prifti, accepted and thanked Mr. Haradinaj for the award.

The Consulate General of the Republic of Kosovo and Ambassador Teuta Sahatqija were honored with the Skenderbeu medal.

At the end of the evening, Dielli congratulated the Head of the Consulate General and asked her a question:

The UN General Assembly is holding its sessions in New York. If you were given the podium today, what would you have said to the world leaders gathered there?

Ambassador Teuta Sahatqija answered: Becoming a member country of the United Nations is a dream of a peace-loving people and the opportunity that has been denied to them for centuries. Kosovo would be an added value to the world security, the world economy, and the world peace.

DUKE PARË PORTRETIN E JOZEF L. RADIT

September 26, 2019 by dgreca