Archives for June 2020

KRYEMINISTRI HOTI: QEVERIA E RE, FUQI QË BURON NGA KUSHTETUTA E KOSOVËS

June 3, 2020 by dgreca

-Nga punimet e seancës së jashtëzakonshme të Kuvendit për zgjedhjen e Qeverisë së re të Kosovës/

-Me 61 vota pro u zgjodh Qeveria e re e Republikës së Kosovës, me kryeministër Avdullah Hotin: Kjo qeveri e re, fuqi që buron nga Kushtetuta e Kosovës, duke mbrojtur kështu sovranitetin dhe integritetin e qytetarëve, si njësi këto të pandashme dhe të patjetërsueshme/

-Ceremonia e marrjes së detyrës nga Kryeministri i zgjedhur, Avdullah Hoti, do të mbahet nesër/

Gazeta DIELLI nga korrespondenti në Kosovë Behlul Jashari

Korrespondenti i Diellit ne Prishtine Behlul Jashari me Kryeminsitrin e ri Abdullah Hoti.

PRISHTINË, 3 Qershor 2020/ Sot, Kuvendi i Republikës së Kosovës, me kërkesën e 61 deputetëve, mbajti seancë të jashtëzakonshme, me të vetmen pikë të rendit të ditës, zgjedhjen e Qeverisë së Republikës së Kosovës.

Me 61 vota për, 24 kundër dhe 1 abstenim, Kuvendi i dha besimin qeverisë së re me kryeministër Avdullah Hotin.

Nënkryetari i Kuvendit, Kujtim Shala, i cili ishte i autorizuar për udhëheqje të kësaj seance nga kryetarja e kuvendit, dr. Vjosa Osmani, i dha fjalën kryetarit të GP të LDK-së, Arben Gashi, i cili fillimisht propozoi një minutë heshtje për dy minatorët që humbën jeten dje në minierën e Kishnicës.

Më pas, kandidati i propozuar për kryeministër nga koalicioni LDK-NISMA-AKK-Lista serbe, Avdullah Hoti, shpalosi para deputetëve ekspozenë programore të qeverisë së propozuar, duke theksuar prioritetet që do të ketë qeveria me të cilën do të udhëheqë.

Duke falenderuar të gjithë aktorët kyç në luftën kundër pandemisë botërore Covid-19, Hoti u shprehu ngushëllime familjarëve të viktimave nga pandemia dhe potencoi se kjo do të jetë edhe njëra prej çështjeve kryesore me të cilat qeveria do të merret.

Duke u rikthyer tek pika e rendit të ditës, Hoti falënderoi të gjithë ata që ia kanë dhënë besimin për të formuar Qeverinë e Kosovës dhe këtë e konsideroi si akt të vetëdijës së lartë politike. Kjo qeveri e re, sipas tij, do të ketë vetëm fuqi që buron nga Kushtetuta e Kosovës, duke mbrojtur kështu sovranitetin dhe integritetin e qytetarëve, si njësi këto të pandashme dhe të patjetërsueshme.

Lufta kundër pandemisë Covid-19 dhe rimëkëmbja ekonomike pas kësaj pandemie, u paraqiten si dy prioritetet e mënjëhershme, të institucionit që do të qeverisë me vendin, por pa lënë anash edhe prioritetet e tjera si forcimi i mëtutjeshëm i shtetit, luftimi i dukurive negative, zhvillimi ekonomik, rritja e punësimit, mos lejimi i shkëmbimit të territoreve, puna drejt integrimit evropian, krijimit të atmosferës së bashkëpunimit, respektimit të marrëveshjeve ndërkombëtare etj.

Po ashtu, ai paraqiti edhe synimet e qeverisë së tij për avancimin e mëtutjeshëm të fushës së shëndetësisë, arsimit, ekonomisë, sigurisë dhe fushave të tjera me ndikim në jetën e qytetarëve. Ai tha gjithashtu se do të jenë mjaft të hapur për të bashkëpunuar me OJQ-të vendore dhe të huaja, asociacionet e bizneseve, shoqërinë civile në përgjithësi, si dhe mediat, të cilat, sipas tij, do të luajnë rol korrigjues në qeverisjen e ardhshme.

Po ashtu, Hoti theksoi se në qeverisjen e tij, interes jetik do të jetë dialogu me Serbinë dhe arritja e marrëveshjes midis dy shteteve, në respektim të Kushtetutës.

Në fund të fjalimit kandidat për kryeministër nga koalicioni LDK-AAK-NISMA-Lista serbe dhe minoritetet e tjera, shpalosi kabinetin e tij qeveritar, në këtë përbërje:

Avdullah Hoti – Kryeministër
Besnik Tahiri – Zëvendëskryeministër i parë
Driton Selmanaj – Zëvendëskryeministër;
Albulena Balaj-Zëvendëskryeministre
Goran Rakiq – Zëvendëskryeministër dhe Ministër i Pushtetit Lokal
Hykmete Bajrami – Ministre e Financave;
Anton Quni – Ministër i Mbrojtjes;
Vlora Dumoshi – Ministre e Kulturës, Rinisë dhe Sportit;
Agim Veliu – Ministër i Punëve të Brendshme;
Arban Abrashi – Ministër i Infrastrukturës
Armend Zemaj – Ministër i Shëndetësisë;
Besian Mustafa – Ministër i Bujqësisë, Pylltarisë dhe Zhvillimti Rural
Meliza Haradinaj – Ministre e Punëve të Jashtme dhe Diasporës
Selim Selimi – Ministër i Drejtësisë,
Blerim Kuçi – Ministër i Ekonomisë dhe Ambientit
Ramë Lika – Ministër i Arsimit dhe Shkencës
Skender Reçica – Ministër i Punës dhe Mirëqenies Sociale
Vesel Krasniqi – Ministër i Tregtisë dhe Industrisë
Dalibor Jevtiq – Ministër për Komunitete dhe Kthim
Enis Kervan – Ministër i Zhvillimit Rajonal.

Seanca, vazhdoi me fjalimet e përfaqësuesve nga grupet parlametare, të cilët paraqiten qëndrimet e tyre në raport me formimin e kësaj qeverie.

Kryetari i GP të Vetëvendosjes, Rexhep Selimi, thirrjen e kësaj seance e konsideroi si tentativë e grabitjes së vullnetit të qytetarëve të Kosovës, andaj iu referua si të padrejtë vendimit të Gjykatës Kushtetuese dhe formimit të qeverisë së re në këtë mënyrë. Sipas tij, kjo qeveri nuk përfaqëson shumicën e qytetarëve të Kosovës dhe si e tillë është ilegale, joligjitime dhe shkelëse e Kushtetutës.

“Vetëm zgjedhjet e parakohshme do të ishin zgjidhja, sepse kështu do të respektohej rendi dhe Kushtetuta”, theksoi Selimi.

Në anën tjetër, në emër të GP të LDK-së, kryetari Arben Gashi, duke vlerësuar situatën në të cilën ka kaluar Kosova kohëve të fundit, si proces të mundimshëm politik dhe kushtetues, konfirmoi përkrahjen për formimin e qeverisë së re, duke bërë thirrje për qeverisje të mirë dhe të suksesshme.

Ai theksoi se nuk do të pranohet asnjë lloj arsyetimi nëse s’do të ketë një qeverisje të mirë dhe kërkoi bashkëpunim me të gjithë deputetët e Kuvendit për të proceduar tutje në dialogun me Serbinë.

Nga GP i PDK-së, deputeti Kadri Veseli shfaqi specifika rreth punës, sipas tij, jo të mirë të qeverisë së kaluar, duke e konsideruar një qeverisje të tillë si rrezikuese të egzistencës së Kosovës si shtet.
Veseli e quajti qeverisjen Kurti si “dëm të pallogaritshëm politik, që i është bërë vendin nga ideologjia antiamerikane’’ dhe njëkohësisht shfaqi mosbesim edhe ndaj qeverisë Hoti, duke deklaruar që si grup parlamentar nuk do ta përkrah.

“Nuk jemi me VV-në. As nuk do të jemi me LDK-në. Nuk ka dhe nuk do të ketë kurrë pazare me mua dhe me PDK-në për pushtet”, tha ai.

Ndërsa, Teuta Haxhiu tha se GP AAK-PSD do të përkrah formimin e qeverisë së re. Sipas saj, duke e parë më se emergjente nevojën për zhvillim më të madh ekonomik, AAK-ja është bërë pjesë e këtij koalicioni, në të cilin do të bashkëqeverisin, duke e kthyer, sipas saj, vendin në binar. Po ashtu, në pika të shkurtra prezantoi politikat mbi të cilat do të punohet si koalicion dhe u zotua në mbikëqyrje të rreptë të punës së qeverisë.

Formimi i qeverisës së re u përkrah edhe nga GP i Listës serbe. Deputeti Igor Simiq, në fjalimin e tij tregoi mbështetje të plotë për kandidatin për kryeministër dhe kabinetin qeveritar të propozuar.

Po ashtu, nga GP NISMA-AKR, Endrit Shala potencoi përkrahjen e këtij grupi për përbërjen e qeverisë së re.

“Jemi të bindur që programi qeverisës nga partnerët e koalicionit do të zbatohet me përpikëri”, tha ndër të tjera Shala.

Pas diskutimeve, kryesuesi i seancës, Shala, hodhi në votim përbërjen e propozuar të qeverisë.

Nga 86 deputetë të pranishëm në sallë, në votim me ngritje dore, 61 prej tyre votuan për, 24 ishin kundër, ndërsa një deputet abstenoi.

Pas votimit të suksesshëm të qeverisë, kryeministri i zgjedhur Hoti lexoi tekstin e betimit para deputetëve të pranishëm.

Punimet u mbyllën pas fjalimit të tij falënderues dhe mirënjohës ndaj besimit të deputetëve për të dhe qeverinë që do të drejtojë.

***

CEREMONIA E MARRJES SË DETYRËS NGA KRYEMINISTRI AVDULLAH HOTI MBAHET NESËR

Zyra për Komunikim Publik-
Zyra e Kryeministrit të Kosovës dergoi sot këtë FTESË PËR MEDIE:
Njoftohen përfaqësuesit e medieve se ceremonia e marrjes së detyrës nga Kryeministri i zgjedhur, Avdullah Hoti, do të mbahet nesër (E enjte, 04 qershor 2020) me fillim në ora 09:00.

VENDI: Ndërtesa e Qeverisë

NJOFTIM PER ADRESEN E DIELLIT NE FB

June 3, 2020 by dgreca

Njoftim per vatranet e miqte e Vatres,per lexuesit, bashkepunetoret dhe miqte e Gazetes Dielli /

Te nderuar miq /

per arsye te kerkesave strikete te regjistrimit nga qendra e facebook-ut, llogaria qe kishim regjistruar :dielli vatra, qe sot mbyllet pasi paralelishte ne kishim te hapur edhe nje faqe tjeter e cila ka shumefishin e miqeve qe ksihet faqja dielli vatra. Ju lutem behuni miq me faqen Gazeta Dielli….

Ne kishim kohe te mjaftueshme qe te sistemonim e ruanim materialin arkivor sepse njoftimin e morem nje jave me pare. Per siguri materialet e Diellit jane te gjitha te ruajtura edhe ne Diellionline edhe ne sever.

Nderkohe ju njoftojme websiti i ri i Federates Vatra eshte ne perfundim dhe se shpejti do t’ju behet i njohur.

95 DITE PANDEMIJE DHE NJE JAVE PROTESTE NE NJU JORK

June 3, 2020 by dgreca

Nga Rafaela Prifti/

Për 95 ditë rresht, Governatori i Nju Jorkut, Andrew Cuomo, informon publikun për situatën shëndetësore lidhur me pandeminë dhe rihapjen e shtetit në varësi të përmbushjes së shtatë pikave tëparacaktuara. Shteti, i cili ishte epiqendra e infeksionit të Coronavirusit, ka tashmë numrin më të lartëtë analizave relative me numrin e popullsisë dhe treguesit infektiv janë të gjithë në nivele shumë të ulura. Në krye të faqes zyrtare të zyrës guvernatoriale jepet njoftimi se infeksioni nga coronavirus është ende aktiv dhe banorët duhet të mbajnë maksa dhe të respektojnë distancimin prej 2 metra nga njëri-tjetri. Aty jepen të dhëna për testim falas, për sigurimin shëndetësor, për statusin e përdatësuar tësecilit rajon, për planin e detajuar të hapjes, për një hua prej 100 millionë dollarë në ndihmë tëbizneseve të vogla madje edhe publikohen numra telefoni për shërbime terapije. Përmbledhtazi, Nju Jorku ka pasur numrin më të madh të rasteve të infeksioneve dhe vdekjeve nga COVID-19. Deri tani, burimet zyrtare shtetërore kanë raportuar mbi 370,000 të infektuar, nga këta mbi 200,000 ndodhen nëqytetin e Nju Jorkut. Rastet e vdekjeve mbi 29,000 përbëjnë thuajse një të tretën e numrit të atyre qëkanë humbur jetën në kohën e pandemisë në të gjithë Amerikën. Përafërsisht një në tetë raste vdekje në botë ndodhet në popullsinë e tri-shtetëshit. Në këtë hapësirë ka edhe një numër të madh tëkomunitetit shqiptar-amerikan. Gjendja e rënduar nga pandemia, humbjet e jetëve dhe kriza ekonomike e shoqëruar me shifra papunësije që arrijnë në 40 milionë në nivel kombëtar bëhen edhe më të tensionuara në sfondin e një situate të elektrizuar politike. Në konferencat e shtypit, z. Cuomo, i cili ka deklaruar se pandemia globale nuk hyn tek detyrat e guvernatorëve të shteteve, thotë se Nju Jorku arriti të ulte efektin e krizës duke lënë mënjanë politikën dhe pasionet, por duke ndjekur këshillat e ekspertëve mjekësor. Për të ndalësuar ritmin e përhapjes së infeksionit në muajin mars Guvernatori urdhëroi mbylljen e bizneseve, shkollave, objekteve fetare, shpalli masat e izolimit nështëpi, distancimin dy metra, pezulloi për 90 ditë debimet nga pronarët të qiraxhinjve që e kanë tëpamundur të paguajnë qiranë, institucionalizoi për herë të parë një rrjet të shërbimeve spitalore për tëpërballuar mbingarkesen e sistemit shëndetsor. Për disa ditë rresht gjatë muajit prill, në Nju Jork vdisnin mbi 700 vetë për ditë, thotë z. Cuomo. Ndërkohë, që ai kërkonte të rriste numrin e analizave si edhe regjistrimin e personave të kontaktuar nga cdo i infektuar, treguesit kryesorë të rasteve tëinfektimeve, intubimeve, kujdesit intensiv dhe të vdekurve filluan të zbresin për cdo ditë. Javën e kaluar Guvenatori deklaroi se në Nju Jork bëhen 50,000 analiza në ditë, shifra më e lartë e cdo vendi tjetër krahasuar për kapita, gjë që lejoi fillimin e etapave të para të hapjes së ekonomisë. Nëkonferencën me gazetarë, ditën e fundit të majit, z. Cuomo, i cili është ‘vendali’ në Nju Jork, vuri nëdukje se gjithcka u arrit nga 19 milionë banorët e këtij shteti, të cilët treguan disiplinë dhe u përkujdesen për njëri-tjetrin pavarësisht dallimeve. “Në këtë moment, ne nuk jemi nga Bruklin, Bronks a Queens, ne jemi të gjithë Amerikanë,” tha z. Cuomo. Ai ia kushtoi një pjesë të raportimit punëtorëve të nevojave imediate si personeli i spitaleve, stafi sanitar dhe shërbimeve të komunikacionit. “Ndërkohë që jepja urdhrin që asnjeri të mos dilte nga shtëpia, unë ju kërkoja atyre tëdilnin në pune për ne,” theksoi Cuomo. Ata u sakrifikuan për hir të dashurisë për njerëzimin në kohën e pandemisë së COVID-19 në Nju Jork dhe ai tha se e kishte për nder të nënshkruante projektligjin për beneficione për familjet e tyre. Në kontekstin e sistemit shëndetësor, z. Cuomo tha se kriza e zbuloi qartë pabarazinë e rrënjosur në sistemin shëndetësor. Minoritetet e varfëra si ato afrikano-amerikane dhe latine pësuan humbjet më të mëdha njerëzore në raport me komunitetet e tjera. Një pjesë të kohës Governatori ia kushtoi protestave të ditëve të fundit që shpërthyen si manifestime kundër dhunës policore vecanërisht kundrejt afrikano-amerikanëve, sic ishte rasti në 25 maj me z. George Floyd nëMineapolis. Z. Cuomo, i cili ka qenë Prokuror i Pergjithshem i Nju Jorkut ne fillim të viteve 2000, bëri analogjinë midis virusit Corona dhe racizmit, padrejtësisë dhe pabarazisë. Por dënoi aktet e vandalizmit dhe grabitjeve, të cilat janë në kundërshtim me mesazhin e protestuesve kundra diskriminimit racial. Nga ana e vet, forcat policore ushtruan akte dhune eksesive ndaj demonstruesve në disa raste. Guvernatori ka kërkuar nga Prokurorja e Përgjithshme Letitia James të kryejë një hetim të pavarur brenda tridhjetë ditëve sepse “publikut i duhet dhënë përgjigje”. Në pjesën e pyetjeve me gazetarët, unë e pyeta për të dhënat mjekësore për shqiptarët, si numri i infeksioneve, të shtruar nëspital, vdekjet. Guvenatori tha se do të interesohej. Z. George Cymon nga Zyra e Shtypit dhe Sophia Zayas, Përfaqësuesja e zyrës guvernatoriale për Bronksin, komunikuan me mua. Sophia Zayas vazhdon të jetë përkrah komunitetit tonë dhe banorëve të Bronksit. Ditën e hënë, në zyren e z. Cuomo në Nju Jork, ai paraqiti situatën në spitale dhe gjendjen e përgjithshme pas një nate tjetër përplasjesh tëdhunshme midis policisë dhe protestuesve. Guvernatori u përqendrua te efekti i tubimeve në aspektin mjekësor dhe social: pas tre muajve izolimi, kontaktet masive mund të rrisin numrin e infektimeve, dhe së dyti aktet e vjedhjeve dhe shkatërrimeve nga persona me motive personale nuk i shkojnëmesazhit të revoltës popullore për drejtësi. Përkundrazi, shtoi ai, i japin shkas kritikëve t’i etiketojnëdemonstruesit si “vagabondë” dhe u krijojnë shansin politikanëve ta tërheqin vëmendjen e publikut nga tema e ditës. Z. Cuomo përmendi rastet e ngjashme të dhunës së policisë së Nju Jorkut për dekada me rradhë. Për ta ilustruar këtë pikë, ai kujtoi fjalimin që mbajti babai i tij, Mario Cuomo, Guvernator i Nju Jorkut nga 1983-1994, në Kuvendin e Partisë Demokratike në 1984. Fjalimi mbahet mend për thënien se “Nuk kemi të bëjmë me një vend që vezullon në majë të kodrës por me një ndarje të thellë të dy Amerikave”. E njëjta histori shpaloset cdo herë kur vjen fjala për barazi në strehim, pagesa, shkollim, punësim etj. Për të sjellë ndryshime, protesta nuk mund të shpreh vetëm pakënaqësi, prej saj duhet të dalin kërkesa konkrete, tha Governori i Nju Jork-ut. Ai shtoi se në takimin me Kryetarin e Bashkisë Bill de Blasio do të diskutonte taktikat e policisë gjatë protestave dhe mundesinë e vendosjes së orës policore në Nju Jork për të ruajtur rendin.

Në seacën e pyetjeve, unë kërkova të di nëse i kishin mbledhur të dhënat mjekësore për shqiptarët. Melissa DeRosa, Sekretarja pranë Guvernatorit tha se spitalet i marrin të dhënat për të bardhët, afrikano-amerikanët, latinot, aziatikët. Megjithatë, tha ajo, po interesohemi me Departamentin e Shëndetësisë për të kërkuar nga spitalet nëse mund të japin të dhëna më specifike. Governatori i Nju Jorkut vazhdon të jap konferenca shtypi për ditë. Në takim me gazetarët të tërheq vëmendjen stema e zyrës guvernatoriale, ku lexohen qartë fjalët: UNE PUNOJ PER POPULLIN! (I WORK FOR THE PEOPLE) Z. Cuomo, i cili po kryen mandatin e tretë në këtë detyrë, ka fituar respekt për lidership, maturi dhe qartësi mesazhi ne kohën e pandemisë. Zgjedhjet e ardhshme për guvernator mbahen nëvitin 2022.

THE PANDEMIC AND RECENT PROTESTS STILL TELL THE TALE OF TWO CITIES, SAYS GOVERNOR CUOMO

June 3, 2020 by dgreca

By Rafaela Prifti/

On day 91 of the pandemic, Governor Cuomo delivered his daily briefing at the New Settlement Community in the Bronx. After introducing the officials standing next to him, Rossana Rosado, NY Secretary of State, and Melisa DeRosa, Secretary to the Governor, Mr. Cuomo presented the data on hospitalization, intubation, and deaths at 67. He announced that the capital regions are moving forward with the next phases of the scaled lifting of restrictions, and announced that New York City plans to open on June 8. He called attention to the inequality in healthcare that was made painfully evident in the recent crisis. There are ten hotspots in the outer boroughs like Bronx, Brooklyn and Queens, and ten more testing sites will be added to each spot. “The challenge that we face,” the Governor said, “is a non-existing hospital system.” Mr. Cuomo placed emphasis on the fact that the approach to controlling the virus in the New York state, an epicenter of the pandemic, was driven by data and world specialists with expertise in the area of health crisis, not by politics or emotions.

He praised the discipline and mindfulness demonstrated by 19 million residents who rose up and heeded the stay-at-home orders to curb of spread of the virus, thanking the “people of New York” who protected one another by doing what’s right and “being smart.” Special credit went to frontline workers, “the ones who were asked to go to work when everyone else was under orders to stay home,” Governor said. To honor the legacy of the ultimate sacrifice made in the name of love for humanity, Mr. Cuomo signed a “bill that gives death benefits to the families of all the frontline workers that gave their lives for us, fighting the COVID-19 pandemic in New York.” Statistics have shown that communities of color and low income levels have been affected disproportionately. He drew an analogy between the infection virus and the “virus of racism”, “racial injustice and social inequality.” Referencing the latest protests prompted by the death of an African-American man in police custody in Minneapolis, New York governor, who has served as the State’s General Attorney under President Clinton, stated that there is injustice in the criminal justice system. While he stands with protesters against police brutality, “the message of fighting discrimination is obscured by the acts of violence,” said Mr. Cuomo. In response to last night’s protests in Brooklyn and the police tactics used on demonstrators the governor said he has directed Attorney General James to review all actions and procedures, because “the public deserves answers and accountability,” adding that the impartiality of the investigation is an important factor. In the New York State, the General Attorney is not appointed by the Governor, it is elected by the people. At the end of the thirty-minute briefing, the governor took questions from members of the press. I asked if the state has any medical data in relation to COVID-10 such as hospitalizations, infections, fatalities in the Albanian community. The Governor, who is a Queens’ native, said that he will look into it and provide an answer. Mr. Jeorge Cymon, Deputy Press Secretary to Governor’s Office and Ms. Sophia Zayas, the Bronx Regional Representative of the Governor’s Office, were in contact with me. Mr. Sophia Zayas has been a dependable source of support for our community and lift the spirits of the Bronx residents. On June 1, Governor Cuomo gave his 93 consecutive press briefing at his office in midtown joined by Melisa DeRosa, Secretary, and Dr. Howard Zucker, Health Commissioner of New York State. Starting with a little steam, Mr. Cuomo issued the new low numbers on the pandemic statewide and repeated that the reopening date for the city is June 8 whereas all across the state the restrictions are being lifted following the phased approach. The briefing moved to another night of violent clashes with the police at protests against racial injustice prompted by the death of George Floyd in Minneapolis. Governor Cuomo restated the historic roots of racism and expressed his support for social justice and reform. Once again he strongly voiced his frustration that the massive gatherings are undercutting the efforts to control the spread of the coronavirus in the state that experienced the highest number of hospitalizations, infections and deaths in the country. “We will not know the impact of these gatherings for a few weeks now,” said the Governor, underlining the heightened risk of infections from potential “super spreaders”. Criticizing the looting and destruction by ‘outsiders and individuals with personal motives”, Mr. Cuomo repeated that acts of violence hurt the message of injustice and discrimination. Not only are such irresponsible actions harmful to the cause, they allow the critics to label protesters as “thugs” and serve as distractions for the politicians who want to divert from the real issue. New York has had its share of well-publicized racial killings by police going back decades. Some names on that list include Amadou Diallo, Eric Garner. To illustrate the point, Mr. Cuomo echoed the speech delivered by his late father and fellow Democrat at the National Convention in 1984. The key note address by then Governor Mario Cuomo was televised and watched by nearly 80 million people. The speech that spoke of ‘two Americas’ became the legacy of the elder Cuomo governorship. From the 1980s up to day, there have been several moments that have called for change like affordable housing, payment and gender inequities, gun laws, said the third-time Governor of New York. This is the time to rally “in a smart way” by presenting an agenda to the politicians. He opened the floor to questions. I followed up on the medical data for the Albanian-American community, more specifically the number of deaths of Albanians in the state. Melissa DeRosa, Governor’s Secretary answered: “So, it’s actually not broken out that way. The way the hospitals report the data, they report Caucasian, African-American, Hispanic, Asian and other. We have asked the Health Department to follow your question on Friday if there’s a way to go back and discuss with the specific hospitals, and see if there’s a way to break down that number further. And we’re working on that right now. Also Governor Cuomo elaborated oninstituting for the first time the “surge-and-flex” operation under the coronavirus, which in essence directs all hospitals private and public to coordinate in terms of capacity, supply and man power. He added that “we’re now codifying that and refining that.” Governor Cuomo announced that he had a meeting with Mayor de Blasio to discuss the handling of last night’s protests by police and a possible curfew in the city. Governor of New York has received praised for his clarity of message, wisdom and leadership style during the coronavirus pandemic. Governor Cuomo took office in 2011. He will be eligible to seek a fourth term in 2022.

3 QERSHOR, NJË DATË E SHËNUAR PËR VATRËN

June 3, 2020 by dgreca

-NJË DATË E SHËNUAR SI 3 QERSHORI- 103 VITE TË SHKUARA, VATRA NISI FUSHATËN HISTORIKE PËR SHPËTIMIN E SHQIPËRISË…

-3 QERSHOR 1917- “VATRA” DHE SHPËTIMI I SHQIPËRISË NGA SHQIPTARËT E AMERIKËS/

* Fushata 3 Qershorit 1917, ku vatranët nga 40 mijë dollarë, që parashikuan, arritën të mblidhnin më shumë se $150 mijë(pagesa javore atë kohë ishte $6-7).

– 9 Ditë para çeljes së fushatës, me 25 Maj 1917, Noli nxori nga shpirti vargjet: Mbahu, Nëno, mos kij frikë/ Se ke djemtë n’Amerikë….

* Shumë vatranë dhuruan pagesat, që fitonin për një apo dy javë.

* “Vatra” pyeste shqiptarët e Amerikës: Cili shqiptar i mirë, që i dhimbet shpirti për vëllezërit e robëruar, nuk do që ta kemi Kosovën, Toskërinë dhe Çamërinë?

* Thirrja: Shqiptarë-Ç’i doni paratë, kur të na e rrëmbejnë vendin grekët dhe sllavët?

-80 degët e Vatrës hynë në garë me njera tjetrën, vatranët hynë në garë me njeri tjetrin, dhe ftuan në këtë garë edhe kolonitë përtej Atlantiku, ku u treguan të gatshëm shqiptarët e Argjentinës…

NGA DALIP GRECA

Federata Panshqiptare e Amerikës “Vatra” po e ndiqte me shqetësim teatrin e zhvillimeve luftarake gjatë Luftës së Parë Botërore, veçanërisht në Ballkan, ku fqinjët kishin synim të coptonin Shqipërinë. Vatranët nuk qëndruan duarkryq. Që më 1916, “Vatra” nisi organizimin e shërbimit diplomatik, duke i vënë një rrogë mujore rreth 1600 frangash delegatit të saj në Londër, Mehmet Bej Konica, duke emëruar ambasado(apo delegate të Vatrës), Mithat Frasheri, dr. Mihal Turtulli etj. Pagesa sigurohej përmes organizimit të “Dita e delegatit”. Po ashtu, gjatë vitit 1916 nisi pranë degëve të mëdha përgatitjet e trupave vullnetare të Vatrës për të qenë të gatshëm për mbrojtjen e kufijve jugorë.

“Vatra” dhe miqtë e saj në Europë e Washington po mendonin se si ta shpëtonin pavarësinë që realisht nuk ekzistonte më, mundësisht të kthenin territoret e humbura nga Konferenca e Londrës. Fundi i luftës nuk duhej ta gjente të papërgatitur Vatrën. Këtij qëllimi i shërbeu fushata e madhe për shpëtimin e Shqipërisë, e cila synonte për të organizuar lobimin dhe mbrojtjen e Shqipërisë.

3 Qershori i vitit 1917 ka hyrë në historinë kombëtare si “Dita e shpëtimit të Shqipërisë nga shqiptarët e Amerikës”.

Shkak për lëvizjen shpëtimtare ishte raporti që Mehmet Konica, delegati i Vatrës për Evropën, me qendër në Londër, i dërgoi Vatrës në Boston, si dhe një letër mallëngjyese e delegatit tjetër të Vatrës në Gjenevë, Dr. Mihal Turtulli. Komisioni qendror i Vatrës, që në atë kohë drejtohej nga kryetari KolëTromara dhe sekretari Loni Kristo, mori në shqyrtim raportin dhe letrën në mbledhjen e pasdites të së dielës të 20 Majit, 1917. Raporti i Mehmet Konicës u hapi sytë vatranëve për gjendjen reale ku ishte Shqipëria, e kthyer në shesh lufte dhe pre e fqinjëve, që kërkonin t’i zhvatnin të tjera territore, në ato vite kaotike të Luftës së Parë Botërore. Përveç humbjeve të territoreve, që i kishte shkaktuar Konferenca e Londrës, paslufta shtonte pikëpyetjet për egzistencën e mëpastajme. Ndërsa letra mallëngjyese e delegatit të Vatrës në Zvicër, Dr. Mihal Turtulli, që shoqërohej edhe me njëmijë dollarë, ishte një thirrje që preku thellë zemrat e vatranëve.

Komisioni Qendror i Vatrës, pasi e lexoi letrën e Dr. Turtullit dhe raportin e delegatit Mehmet Bej Konica, arriti në përfundimin se “Vatra” do të mbetej përgjithnjë e turpëruar në sytë e botës, po të mos i përgjigjej pozitivisht thirrjes për të nisur fushatën shpëtimtare.

-“Po! – iu përgjigjen vatranët thirrjes, ashtu si ua do nderi, trimërisht dhe me dorën hapur”- u shkrua në rekordin e mbajtur me 20 maj 1917.

Propozimi i Dr. Turtullit ishte që të mblidheshin së paku nja 40 mijë dollarë, që do të përdoreshin për shpëtimin e Shqipërisë, duke ngritur një Komision Shpëtimi.

Në mbledhjen e 20 majit, Komisioni Qëndror vendosi që të caktohej e diela e 3 qershorit 1917, për të nisur fushatën e madhe të shpëtimit të Shqipërisë, duke synuar mbledhjen e 40 mijë dollarëve, sa ç’propozonte Dr. Turtulli. Ftoheshin të gjitha degët e Federatës Pan shqiptare të Amerikës “VATRA”, të gjitha shoqëritë shqiptare, të gjitha shoqëritë fetare, kombëtare dhe të gjithë shqiptarët e Amerikës, që të bëheshin bashkë në qendrat, ku jetonin dhe, nën moton: “Të shpëtojmë Shqipërinë!” të jepnin kontribute sipas mundësive por, pa u kursyer. U ftuan gazetat dhe revistat shqiptare, të shpërndanin këtë mesazh kombëtar dhe të kontribuonin nën frymën e Rilindjes. Në thirrje ftoheshin shqiptarët e Amerikës që, së paku, të jepnin 10 dollarë e sipër për këtë fushatë.

Komisioni Qendror i Vatrës orientoi delegatin Mehmet bej Konica në bashkëpunim me Dr. Mihal Turtullin, të organizonin Komitetin e Shpëtimit Kombëtar në bashkëpunim me shqiptarët e Amerikës.

Vendimet u përcollën përmes mikut të sprovuar të shqiptarëve z. Aubrey Herbert.Në atë kohë Komisioni Qendror i Vatrës përbëhej nga këta atdhetarë :

Kolë Tromara – Kryetar i Vatrës,

Loni Kristo – Sekretar

Bahri Omari ishet kryeredaktor i Diellit.

Xhevat Harxhi, Aqif Përmeti, Emin Bilibashi dhe Fan S. Noli – ishin kontrollorë

LETRA QË NGRITI PESHË SHQIPTARËT E AMERIKËS

“Vatra” hartoi një letër-qarkore, firmosur nga Kolë Tromara dhe Loni Kristo, që ia adresuan të gjitha degëve të Vatrës (në atë kohë numëroheshin rreth 80 degë), shoqërive shqiptare, fshatare, fetare dhe patriotike, që vepronin në SH.B.A.. Në atë letër informoheshin shqiptarët se Atdheu ishte në rrezik të humbte pavarësinë e 1912-ës, prandaj kërkohej bashkim për ta shpëtuar Shqipërinë.

Letër-qarkorja nuk linte hapësirë për diskutim. Në të shkruhej shkoqur:

“Komisioni kërkon nga atdhetarët e Amerikës një gjë, për një qëllim, mbi të cilin s’ka bisedim.”…

Pra gjithçka ishte e vendosur, shuma duhej mbledhur medoemos. Komunikimi ishte i

hapur:

“Na duhen para për të mbrojtur të drejtat tona, për të fituar një Shqipëri të lirë dhe të madhe, për të organizuar Atdheun tonë, pas çlirimit. S’ka bisedim mbi këtë pikë!” Ky ishte urdhëri i Atdheut.

Gjithçka ishte përcjellë në mënyrën urdhërore, pa vënë në dyshim realizimin. Komisioni arsyetonte:

“Çdo shqiptar i mirë e ka për detyrë të bëjë sakrificë për këtë qëllim të shenjtë për shpëtimin e Shqipërisë. As mbi këtë pikë s’ka bisedim!”

Pra, shqiptarët viheshin para faktit të kryer, pa patur nevojë për negociata e pa diskutime.

Komisioni arsyetonte se në Amerikë ishin në atë kohë rreth 50 mijë shqiptarë, por vetëm një pjesë e vogël e këtij numri ishte e gatëshme për sakrificë. Komisioni përllogariste rreth 3 mijë vetë të përfshirë në këtë aksion kombëtar, por parashikimi u tejkalua. Rreth 5 mijë vetë u bënë pjesë e fushatës, ku, natyrisht, prinë vatranët.

THIRRJA E KUVENDIT TË VATRËS

Kuvendi i Federatës “Vatra” i motit 1917, lëshoi këtë thirrje, para se të niste fushata e 3 Qershorit:

“Shqipëria është e rrethuar prej armiqsh, që duan ta copëtojnë. Shpëtimin e saj e pret vetëm nga bijtë e saj fisnikë të Amerikës. Asnjë i huaj s’mund të na japë Lirinë dhe Indipendencën, të cilat duhet t’i fitojmë me duart tona, me djersën dhe gjakun tonë dhe me delegatët tanë të zgjedhur lirisht me zërin e popullit. Ndihni pra të gjithë, me sa të mundni! Mos dëgjoni fjalët e gabuara të njërit, apo tjetrit, por dëgjoni zërin e delegatëve tuaj të besuar, që dërguat në Kuvendin e Federatës tuaj të Madhe.”

“Vatra” informonte anëtarësinë:

“I pamë punët e delegatit tonë, z. Mehmed Bej Konitza; I gjetëm të mira me një zë dhe prapë me një zë vendosëm t’i japim dy shokë të tjerë, Dr. Turtullin dhe Nikoll Kasneci. Jemi të bindur, që këta delegatë do të bëjnë detyrën e tyre, po t’u japim “armë të mira” (dollarë) dhe sa t’u duhen. Ndihmoni pra pa u kursyer, që të shpëtojmë Shqipërinë nga mjerimet dhe ta trashëgojmë për veten tonë dhe për bijtë tanë dheun e lavdëruar të Skënderbeut.

Jepni qesen dhe shpirtin për Shqipërinë e lirë dhe të madhe! O burrani!”

Në fund firmosnin:

Kryetari i Kuvendit: Hasan Bitincka

Sekretari: Ndreko Stavro

Komisioni:

Kolë Tromara, Loni Kristo, Fan S. Noli, Xhevat Harxhi, Aqif Përmeti, Emin Bilibashi.

Më pas vinin emrat e delegatëve të Kuvendit: Bahri Omari, Kostaq Leçishti, Mina Grameno, Spiro K. Lubonja, Josif Pani, Ilias J. Përmeti, Stire Luka, Shefki Aliko, Mustafa S. Leshnja, D.J. Tushemishti, Foto Dukati, Koto Trebicka, Vangjel Spiro, Qani Bilishti, Duro Tabaku, Sadik Duro, Misto Papa, Vangjel Miller, Nico V. Grabocka, Marko Adams, Veli Harshova, Matto Tasi, George Luarasi, Angelo Sotir, KolëRodhe, Stathi Suli, Hajrulla Starja, Maliq Picari, Llambi Kreshpani, Andrea Kristo, Shefqet Frashëri, S. Blushi, Kostë Çekrezi, Adem Vishoshica, Faik Babani.

PERËNDIA ZGJODHI SHQIPTARËT E AMERIKËS SI SHPËTIMTARË TË SHQIPËRISË

Kryetari i Vatrës Kolë Tromara dhe Sekretari Loni Kristo, para fushatës e nisnin mesazhin drejtuar shqiptarëve të Amerikës, botuar në Gazetën “Dielli” e “Vullnetari” dhe shtypin tjetër të shqiptarëve të Amerikës, me thënien e Dr. Turtullit në letrën drejtuar Vatrës: “Çlirimi dhe e ardhmja e Shqipërisë varen nga shqiptarët e Amerikës”.

Drejtuesit e Vatrës arsyetonin:

“Domethënë, ne vatranët dhe të gjithë shqiptarët e Amerikës, mund ta shpëtojmë Shqipërinë nga robëria dhe nga coptimi dhe t’i japim Atdheut tonë lirinë e kufijtë e vet kombëtarë nga Veriu, Jugu, Lindja dhe nga Perëndimi. Ne mund ta madhojmë Shqipërinë e Konferencës së Londrës, duke fituar nga Konferenca e Paqes copërat e Atdheut, që na rrëmbyen fqinjët lakmonjës, duke marrë që tani masat, që ta mbrojmë nga armiqtë e brendshëm dhe të jashtëm.”

Kryetari Tromara dhe Sekretari Kristo, i prekën në shpirtra shqiptarët e Amerikës, tek shkruanin:

“Perëndia na zgjodhi ne, Shqiptarët e Amerikës, si shpëtimtarë të Shqipërisë. Shqipëria jonë e pret shpëtimin dhe sigurimin e saj nga ne. S’ka shpresë nga ndonjë tjetër. Kështu na porositi Dr. Turtulli.”

Përse i duheshin Vatrës paratë e shqiptarëve të Amerikës, e sqaron mesazhi, përcjellë vatranëve dhe tërë shqiptarëve të Amerikës:

“Delegati i Vatrës, Mehmet Bej Konica dhe Dr. Mihal Turtulli, na e tregojnë se si ta shpëtojmë Shqipërinë. Duhet të dërgojmë delegatë nëpër Evropë, që të flasin e të mbrojnë Shqipërinë. Këta delegatë dhe të tjerë personalitete të zotë dhe miq të shqiptarëve, të shkojnë në Konferencën e Paqës dhe të kërkojnë me argumenta një Shqipëri të lirë me kufinjtë e saj ethnografikë. Këta shqiptarë të zotë, më pastaj, të kthehen dhe të bëjnë Shqipërinë për shqiptarët. Për ta nisur këtë punë do të duhen së paku 40 mijë dollarë, na thotë Dr. Turtulli dhe ai vetë jep shembullin: “Duke na dërguar 1,000 dollarë, ndërkohë që do të mjaftonte që shqiptarët e Amerikës të dhuronin secili nga 10 dollarë.” Po ia nisim, – shkruajnë drejtuesit e Vatrës, – që sot, kështu e do nderi dhe detyra e shqiptarëve të Amerikës.”

Ata shtronin pyetjen:

“Cili shqiptar i mirë, që i dhimbet Atdheu i mjeruar, nuk e do çlirimin, zgjerimin dhe sigurimin e Shqipërisë? Cili shqiptar i mirë, që i dhimbet shpirti për vëllezërit e robëruar, nuk do që ta kemi Kosovën, Toskërinë dhe Çamërinë?

Cili shqiptar i mirë nuk jep, jo vetëm qesen, po dhe shpirtin e tij për qëllimin e shenjtë? Ai që rri dhe diskuton këto pyetje, s’mund të jetë shqiptar i mirë dhe me këta s’kemi punë! E vetmja pyetje që do të bëjnë atdhetarët e mirë dhe fisnikë të Amerikës duhet të jetë: KUR? dhe SA?

Kur?

“3 qershor, në Ditën e Shpëtimit të Shqipërisë. Të gjithë bashkë, shoqërisht, si në kohë lufte me Flamurin përpara, një tok këtu, një tok atje, si taborë të një ushtrie që mblidhen, kur i thërret Trumbeta e detyrës.”

SA?

“Sa të mundni, më tepër se ç’keni dhënë deri tani!…Aq sa do t’i jepnit mjekut për të shpëtuar nënën tuaj të sëmurë për vdekje. Të tërë qesen me shpirtin bashkë! Rrogën e një muaji, a rrogën e një jave, të paktën. Mos ia kurseni dhuratën Shqipërisë, se ia jepni vetes tuaj. Ç’i doni paratë, kur të na e rrëmbejnë vendin grekët dhe sllavët? Ç’e doni jetën jashtë Shqipërisë, të huaj në dhe të huaj, syrgjyn gjer në vdekje? Ç’e doni paranë dhe shtëpinë në Shqipërinë e robëruar pa liri, pa siguri, pa nder, me kokën ulur nën kërbaçin e shkelësit të huaj në vendin tuaj?”

Këtë fushatë jetike e diktonte gjendja e Shqipërisë. Për drejtuesit e Vatrës, Shqipëria ishte e sëmurë, ishte në rrezik për vdekje, e shkelur, e djegur, e plagosur, e neveritur, pa ndihmës, e pa mbrojtës. Po e mban shpirtin ndër dhëmbë, me një fjalë e një shpresë: “Kam djemtë në Amerikë. Ata do t’më shpëtojnë!” Ashtu, siç thoshte Korça, kur e dogji zjarri dhe e rrëzoi tërmeti. Ajo ngushëllohej se “ kish djemtë kurbetli, në Misir e në Vllahi….”, që do ta ndërtonin dhe do ta bënin më të bukur…

Në thirrje shkruhej:

“Na ka dalë namë, që kemi para’, që kemi shoqërira të mëdha këtu, në Amerikë, që s’flemë, veçse me një ëndërr; që s’flasim, veç për një dëshirë; që s’punojmë, veç për një qëllim, TA SHPËTOJMË SHQIPËRINË!”

Thirrja depërtonte në shpirtra e zemra: “Dhe tani po na e këndojnë këngën jo vetëm fëmijët e vegjël, por edhe gurët, edhe drurët e ngushëllojnë dhe i japin garjet Nënës tonë Shqipëri në shtrat të zisë me këto fjalë:

Mbahu, nëno, mos ki frikë

Se ke djemtë n’Amerikë!

A do ta lëmë të presë më kot e të mos i vemë kurrë? A do t’i dalim të pabesë Nënës sonë në orën e saj të ligë? A do të bëhemi të shurdhët për thirrjen e saj të funtme? Kurrën e kurrës!

Në qoftë se fati i saj varet nga ne, shqiptarët e Amerikës, Shqipëria do të çlirohet e do të trashëgohet. Në qoftë se mund ta ngjallim me paret tona, do të japim sa të mundim…”

Në thirrjen drejtuar shqiptarëve të Amerikës, përmendej shembulli i shkëlqyer i Dr. Mihal Turtullit, që dhuroi i pari dhe ftonte të tjerët.

Për aktin e tij shkruhej:

“Dyfeku i parë gjëmoi! Fisheku i parë vërshëlleu. Është një plumb prej 1,000 dollarësh. Ushtari, që e dha shenjën, është një nga ata djemtë e zgjedhur që ka Shqipëria në kurbet.

Nëna jonë e dëgjoi këtë shkrepje të parë dhe do të ketë thënë: “Vjen një djalë…! Po ata të tjerët, ku janë?… Pse s’dëgjohen?… Po ngrihet me mundim në shtrat, po vë veshin, po prêt, duke numëruar minutat…..A po vijnë djemtë, të më shpëtojnë?!”

BAHRI OMARI: LE TË NDJEKIM SHEMBULLIN E FRANCEZËVE ME BISMARKUN

Gazeta “Dielli” ishte lokomotiva, që udhëhoqi fushatën dhe që e mbajti të ndezur për shumë kohë shpirtin e garës. Editor i “Dielli”-t ishte Bahri Omari. Në editorialin e publikuar para fushatës, ai sillte si shembull aktin patriotik të francezve, të cilët, në vitin 1871, qenë mundur nga gjermanët. Bismarku, për të ruajtur zotërimet e disa territoreve, përmes Traktatit të Versajës kërkoi si dëmshpërblim një shumë të madhe për atë kohë, 5 miliardë franga, ndryshe nuk do t’i lëshonte territoret. Mendoi se kjo shumë nuk mund të shlyhej, por francezët treguan shpirtin patriotik. Secili francez dhuroi edhe monedhën e fundit, sendet e shtrenjta, orët, gratë hidhnin nga ballkonet e shtëpive stolitë e tyre të çmuara dhe shuma u sigurua. Bismarku u zhgënjye përballë patriotizmës franceze, por s’kishte ç’bënte e ua ktheu territoret. Ja, kështu të bëjmë dhe ne, të japim sa të mundim dhe të shpëtojmë Shqipërinë, apelonte editori i “Dielli”-t, Bahri Omari.

Më pas, ai sillte shembullin e një shqiptari të Amerikës, që ofronte për fushatën 500 dollarë, në ndihmë të Shqipërisë, por, vetëm një njeri nuk e shpëton Shqipërinë, duhet të gjithë të japim sa të kemi, shkruante editori i “Dielli”-t.

Omari e mbyllte editorialin me thirrjen:

“Shqiptarë! Ne duhet që, në këto çaste kritike për vendin, të lozim rolin e madh historik, që kemi për barrë. Le të bëjmë, siç bënë patriotët francezë, duke zbrazur qeset tona për hir të Atdheut. Le të japim dhe ne, unazat dhe sahatet e vyera, siç i dhanë francezët. Ne, as na prish e as na ndreq, ndenja një javë apo dy pa rrogë, duke e dhënë atë për Shqipërinë, por, ndihmat tona bashkë, e shpëtojnë Shqipërinë.

Le të japim dollarët, që të marrim Shqipërinë!”

NOLI DHE POEZIA QË FRYMËZOI SHQIPTARËT

Poezia – hymn e Nolit për shqiptarët e Amerikës ka lindur pikërisht për të frymëzuar shqiptarët e Amerikës në fushatën e Shpëtimit të Shqipërisë. Poezia kaloi gojë më gojë dhe u mësua shumë shpejt përmendësh. Ajo e kreu misionin jo vetëm për atë fushatë, por mbetet aktuale edhe sot. Në fakt, poezia ka si ditëlindje ( datë krijimi) 25 Majin e 1917-ës, me titull:

”Jepni për Nënën”…

JEPNI PËR NËNËN

Ç’thot’ ajo e ve e gjorë,

-Mbretëreshë pa kurorë-

Faqe-çjerrur, lesh-lëshuar,

Shpirt e zëmër përvëluar;

Gjysm’ e vdekur: “O Shqiptarë,

Nënës mos ia bëni varrë!”

Mbahu, Nëno, mos kij frikë

Se ke djemtë n’Amerikë.

Qan e lutet Nën’ e mjerë,

Kërkon vatrën edhe nderë,

Do lirinë dhe atdhenë,

Siç e pat me Skënderbenë,

Bijt’ e besës thërret pranë.

Kur i thirri dhe s’i vanë?

Mbahu, Nëno, mos kij frikë,

Se ke djemtë n’Amerikë.

Cilët jan’ ata tiranë,

Që të pren’ e që të vranë,

Që të therrë bij e bija,

Dhe t’u-nxi, t’u-mbyll shtëpija?

Derthni plumba, o shqiptarë,

Gjakn’ e Nënës për të marrë.

Mbahu, Nëno, mos kij frikë,

Se ke djemtë n’Amerikë.

Cilët bij të trathëtuan,

Dhe të doqnë dhe të shuan,

Dhe të lan’, o Shkab’ e ngratë,

Pa fole, pa zog, pa shpatë?

Këta qena, o shok’ i mbytni,

Mbushni gjylet që t’i shtypni.

Mbahu, Nëno, mos kij frikë,

Se ke djemtë n’Amerikë.

Sa kërkon e sa të duhen?

Burrat nga detyra s’ndruhen!

Trim’ i mirë do të japë,

S’kursen jetën as paratë;

Hithni, hithni tok dollarë,

Të mos mbetemi të sharë.

Mbahu, Nëno, mos kij frikë.

Se ke djemtë n’Amerikë.

Do të ndihim pa kursyer,

Për ty, Nëna jon’ e vyer,

Që me drit’ e nder të thurresh,

Dhe me bijt’ e tu të mburresh.

Cila Nënë lyp paranë?

Cilët bij me shpirt s’i dhanë?

Mbahu, Nëno, mos kij frikë,

Se ke djemtë n’Amerikë.

Armë dhe fishekë mblithni,

Qesen edhe shpirtin hithni:

Për lirin’ e vëndit t’onë,

Sot, se nesër është vonë.

Jepni, Nënën të shpëtoni,

Komb e vatra të nderoni.

Mbahu, Nëno, mos kij frikë,

Se ke djemtë n’Amerikë.

Boston, 25 Maj, 1917.

Kjo poezi dhe nxitja e fuqishme, që përcillte gazeta “Dielli”, bënë mrekullinë. “Dielli”, për të nxitur rekordmenët, që udhëhiqnin garën, shkruante me shkronja të mëdha në faqen e parë:

“Plumbi goditi në shenjë. Rekordin e mori Ali Kuçi”… Një punëtor nga Worcester, pasi kishte hedhur në shportën e fushatës aq dollarë, sa kishte në xhep, kishte thënë: “Ah, i mjeri unë, nuk kam të tjera!”… Hoqi xhaketën e trupit dhe e hodhi në shportën e ndihmave kombëtare duke thënë: “Ndoshta u bën punë!”

Kur u mblodhën shumat për të gjitha degët, askujt nuk i shkonte ndër mend, se do të mblidhej ajo shumë. Ata punëtorë, që rropateshin 12-14 orë punë në ditë dhe merrnin 8-9 dollarë në javë, ia kishin dalë që të mblidhnin jo 40 mijë, sa kishin shpresuar, por 150 mijë, që, krahasuar me kursin e sotshëm, janë miliona. Ditës historike të 3 qershorit i kushtoi një poezi me 70 vargje edhe vjershëtori Ramiz Harxhi, që e lartësonte këtë ditë, si ditën e shpëtimit të Shqipërisë.

NDËSHKIMI…

Shqiptarët e Amerikës, ata të Kandasë, madje dhe kolonia e shqiptarëve të Argjentinës, iu përgjigjën bujarisht thirrjes së Vatrës. U mblodh jo vetëm shuma e kërkuar nga Dr. Turtulli, po gati katërfishi i saj. Asnjë vatran nuk mbeti jashtë fushate. Fryma e garës i nxiti degët e individët, kush e kush të jepte më shumë.

Pikërisht, ata punëtorë, që kishin lënë familjet për të rregulluar ekonominë, që punonin rëndë nga 12-14 orë në ditë, që merrnin 8-9 dollarë në javë, që flinin bashkë 10-12 veta në një konak për të kursyer pak dollarë, bënë mrekullinë për shpëtimin e Shqipërisë. Shqiptarët e Amerikës i dhanë çdo gjë Shqipërisë dhe nuk kërkuan kurgjë. Shumë nga këta patriotë as që mundën të shkelnin tokën e Shqipërisë, ndërsa një pjesë u kthyen për t’i shërbyer Shqipërisë dhe u dënuan si armiq nga diktatura komuniste!!

Kolë Tromara, kryetari i Vatrës, që hartoi thirrjen e shpëtimit, – u pushkatua nga diktatura komuniste;

Bahri Omari, editori i “Dielli”-t, frymëzues për fushatën, u pushkatua;

Aqif Përmeti, që përgatiti trupat vullnetare të Vatrës, duke i udhëhequr edhe në rrugëtimin e tyre nga Amerika nëpër Shqipëri, që, në kohën e fushatës ishte anëtar aktiv i Komisionit, u ndëshkua me plumba;

Kolë Rodhja, anëtar i fushatës dhe botues i gazetës “Vullnetari” u burgos, siç ishin burgosur edhe bashkëthemeluesit e tjerë tëVatrës si:

Kristo Kirka, ish kryetari dhe editori i “Dielli”-t, Aqile Tasi e të tjerë.

Të ndëshkohesh, se shpëtove Shqipërinë?!!

Shkruan vatrani Petro Ktona në Misionin e Federatës “Vatra”:

“Emigracioni i ri le t’u jetë mirënjohës këtyre shqiptarëve, le t’i respektojë për patriotizmin dhe të kaluarën e tyre dhe të mos shikojë influencën politike, që kanë pësuar nga rrethanat e kohës. I gjithë Kombi duhet t’i jetë mirënjohës VATRËS. Këta janë të gjithë patriotë shqiptarë.”

Shuma prej 150 mijë dollarësh ka qenë e mjaftueshme për të mbajtur delegatët në Konferencën e Paqes (jo vetëm të Vatrës), për të dërguar ambasadorë në kryeqytetet e ndryshme të Evropës dhe për të përballuar protestat e shumta të shqiptarëve, peticionet, dërgimin e kablogrameve, shtypin, dhe të tjera shpenzime të nevojshme për një ndërmarrje kaq të madhe organizuar nga “VATRA”. Kjo sakrificë e vatranëve ndihmoi shumë në shpëtimin e Shqipërisë nga rreziku i copëtimit.

Ali Kuçi, vatrani shpirtbujar, që pat kryesuar kryesinë e Pleqësisë së Vatrës në PA, (Ali Kuçi ishte kryetari i pleqësisë së Vatrës në Pennsylvany, që shënoi rekordin e fushatës me 680 dollarë, para tij rekordmen ishte Banush Fetah, që pat shënuar rekord me dollarë) la Amerikën dhe u kthye në Shqipëri, nën thirrjen e Fan S Nolit “Të bëjmë Shqipërisë”. Madje, ai ngriti edhe një fermë të tipit amerikan në Shqipëri. Nuk u kthye më në Amerikë. Gjatë viteve të Luftës së Dytë Botërore, i mbrujtur me parimet e Demokracisë Amerikane, ndihmoi këdo, që luftonte për liri. Përkrahu edhe partizanët, edhe nacionalistët, por, menjëherë pas lufte, ai u arrestua dhe iu kërkua që të jepte llogari, “pse i kishte ndihmuar ballistët”! Asnjë fjalë për kontributet, që u kishte dhënë partizanëve. Shpirti i tij i lodhur nga torturat fizike të trupit, u shua në qelitë e hetuesisë së Beratit. Ky ishte shpërblimi për kontributin, që kishte dhënë ai si prijës i fushatës (mbajti rekordin deri në fund si dhuruesi i shumës më të madhe)…dhe i pesëmijë vatranëve të tjerë, që nuk kursyen asgjë për shpëtimin e Shqipërisë.