Archives for June 2021

Magjia e karikaturës

June 20, 2021 by dgreca

Gjithnjë më ka tërhequr arti i karikaturës, ndonëse jo gjithnjë i zbërtheja veprat e saj. Sepse ato janë, sikurse edhe arti modernist, shumë të holla, shumë të thella, fshehin ide të mëdha.

Njoh, ndër karikaturistët e Shqipërisë, zotin Bujar Kapexhiu, i diplomuar njëkohësisht me mua (unë në Fakultetin e Matematikës më 1967 ndërsa Bujari në ish institutin e Arteve) por, prej gati një viti, njoh edhe zotin Imri Musliu, ingjinier në Ferizaj, Kosovë. Në fillim të majit 2021, ai hapi një ekspozitë të madhe në Ferizaj ku u paraqitën edhe shumë punimeve të kolegëve të huaj. Iu luta për të bërë këtë intervistë.

Imri Musliu, drejtor ekzekutiv i Shoqatës së Karikaturistëve HiTHi – Ferizaj

Pyetje: Cfarë përfaqësoni ju dhe vetë Festivali i karikaturës i Ferizajt, shkurtimisht historiku?

Imri Musliu: Ferizaj edhe si qytet është i ri, ndër më të rinjtë në Kosovë. U themelua më 1873 (edhe logoja e qytetit e ka të shënuar këtë datë). U lind përnjëhërë si qytet, pa qenë më parë fshat, bashkë me hekurudhën, e cila u ndërtua mbi tokën moçalike, që vështirë kalohej.

Edhe karikatura ka filluar tek në vitet e shtatëdhjeta të shekullit të kaluar. I pari karikaturist nga Ferizaj ishte Nexhmedin Hasani – Trisha, i cili i publikoi veprat e tij në gazetat e kohës.

Nga viti 1981, unë vetë fillova të botoj karikatura në gazetën e studentëve “Bota e Re” në Prishtinë, kurse, thuajse në të njëjtën kohë, paraqitet në gazeta e ekspozita kolektive Selajdin Hajdini dhe, nga viti 1999, edhe karikaturisti Agron Sejdiu, në javoren “FerPress” të Ferizajt.

Në vitin 2001, Imri Musliu ka hapur ekspoziten e parë përsonale, e cila ishte edhe e para ekspozitë e karikaturës e hapur ndonjëherë në Ferizaj dhe, pas njëzetë vjetësh (2021) edhe ekspozitën e dytë personale.

Më pas, treshja: Imri Musliu, Selajdin Hajdini e Agron Sejdiu e kanë vazhduar aktivitetin në Shoqatën e Karikaturistëve “Thumbi” në Prishtinë, aktivitet që pas një ekspozite me karakter ndërkombëtar në Prishtinë dhe dy ekspozitave të tjera në Prishtinë e Tiranë, e ndërpreu aktivitetin e vet.

Në mungesë të një shoqate të karikaturës në Kosovë, në Ferizaj u themelua Shoqata e Karikaturistëve HiTHi, më 20/9/2017.

Aktiviteti i mirëfilltë i organizimit të ekspozitave të karikaturës në Ferizaj ka filluar në vitin 2015 dhe tani është në radhë edicioni i shtatë, i treti me karakter ndërkombëtar.

Me rastin e hapjes së ekspozitës kolektive të karikaturës në Galerinë e Arteve në Ferizaj, nga Shoqata e Karikaturistëve HiTHi-Ferizaj, 3 maj 2018, mori pjesë edhe karikaturisti nga Shqipëria Bujar Kapexhiu, i cili me rastin e hapjes së ekspozitës deklaroi:

“Kam marrë pjesë në shumë ekspozita, në shumë panaire. Për herë të parë vij në Ferizaj, dhe, t’u them të drejtën, ideja ime ishte se Ferizaj është një qytet i vogël. Më besoni, se paskeni qytet shumë të bukur, shumë të madh. Sepse kulmi i nivelit intelektual të një vendi matet me nivelin e humorit, pra edhe me nivelin e karikaturës!”

Bardhyli me Bujar Kapexhiun, Tiranë

-Në Festivalin Ndërkombëtar të Karikaturës, Ferizaj 2019 – Edicioni i Parë, morën pjesë 317 autorë nga 51 shtete, prej tyre 51 femra. Nga ky numër i femrave, 49 morën pjesë në garë kurse 2 ishin anëtare të jurisë. Numri i përgjithshëm i karikaturave ishte 1350.

-Në Festivalin Ndërkombëtar të Karikaturës, Ferizaj 2020 – Edicioni i Gjashtë –i dyti ndërkombëtar, u paraqitën 1650 karikatura, 360 autorë (78 femra, 282 meshkuj), nga ata 47 nën moshën 18 vjeç. Nga 53 shtete.

– Numri i pjesëmarrësve të Festivalit Ndërkombëtar Ferizaj 2021 është 264, nga 53 shtete (29 femra dhe 235 meshkuj), me gjithsej 1082 karikatura.

Irani ishte me pjesëmarrjen më të madhe të femrave. Nga 52 pjesëmarrës, 16 ishin femra dhe 36 meshkuj.

Përveç këtyre çmimeve, jepen edhe nga 5 çmime speciale për secilin edicion.

Shoqatën kulturore HiTHi e përfaqëson Imri Musliu, drejtor ekzekutiv i shoqatës.

Pyetje: Cila ishte e reja në edicionin e sivjetëm?

Imri Musliu- E re në edicionin e sivjemë është se do të ketë vetëm karikatura e jo edhe strip. Vitin e kaluar kanë konkuruar dy kategori: Mbi 18 vjeç dhe nën 18 vjeç, gjë që ka sjellur një numër rekord karikaturash- 1650, kurse këtë vit kanë arritur gjithsej 1082 karikatura në vetëm një kategori, në temën kryesore “Bestytnitë” dhe në temën e lirë.

Pjesëmarrja ishte thuajse nga të gjitha kontinentet (në dy edicionet e para ka munguar vetëm Australia).

Pyetje: Ҫfarë është Stripi?

Imri Musliu:- Stripi eshte nje ngjarje e shprehur permes vizatimit ku ne nje qoshe shkruhen edhe fjale.

Per shembull, Ramadan Zaplluzha -Therre Murrizi ka pergatitur stripin me titull “Arbëri nuk vdes kurre” ne vitet e gjashtedhjeta ku flet per betejat e Skenderbeut. Mbahen ekspozita te stripit neper bote, keshtu qe edhe ne, me kerkesen e Qendres se Stripit te Maqedonise Veriore, kemi pranuar edhe stripa.

Pyetje: Cilat janë idetë dhe mesazhet që përçojnë karikaturat e paraqitura sivjet?

Imri Musliu- Sivjet temë bosht ishte BESTYTNIA, e kjo u paraqit në mënyrat se si e shohin popujt e botës, por në temën e lirë nuk përjashtohet as emigrimi i popujve, liria e shtypit, liria e lëvizjes, të drejtat e njeriut, ushqimi, klima, lufta, paqja, mbrojtja/degradimi i mjedisit, barazia/pabarazia gjinore etj.

5) Pashë një vepër tuajën, “Ura e Siratit”. Mund të na thoni diçka për të?

Në karikaturën “Ura e Siratit” e kam paraqitur njeriun dhe rrugën e tij jetësore e cila i ngjan Urës së Siratit, ku në çdo çast mund të rrëshqasë e të bie poshtë, po nuk pati vëmëndjen e duhur gjatë rrugëtimit të tij.

Ura e Siratit permendet ne mitologjine islame, e cila ndodhet ne boten e pertejme. Kjo ure kalon mbi ferr dhe çon ne parajse, por per dike eshte e holle sa nje fije floku dhe veshtire kalohet. Sipas mitologjise, mëkatarët bien poshte ne zjarr dhe nuk e kalojne kete ure. Une e kam paraqitur se edhe ne kete bote nuk eshte lehte ecja drejt qellimt por i ngjan Ures se Siratit, dmth te gjithe nuk arrijne ne cak por disa bien!

Pyetje: Rëndësia e Festivalit për njohjen e shtetit të Kosovës?

Imri Musliu- Festivali që organizohet në Ferizaj ka treguar se arti është mbi politikën, sepse ka pasur shumë artistë pjesëmarrës nga shtetet të cilat nuk e kanë njohur Kosovën. Në këtë mënyrë ata kanë treguar se, pavarësisht politikës së shteteve, të cilëve u takojnë, ata de facto e njohin Kosovën.

Pyetje: Cilët morën çmime me veprat e tyre?

Imri Musliu- Në Festivalin Ferizaj 2019 kanë fituar:

– Çmimin e parë “HiTHi i Artë” – Alireza Pakdel nga Irani

– Ҫmimin e dytë “HiTHi i Argjendtë” – Seyran Nasirov Caferli nga Azarbajxhani

– Çmimin e tretë “HiTHi i Bronztë” – Shahroki Heidari nga Irani.

Në Festivalin Ferizaj 2020 kanë fituar:

– Çmimin e parë “HiTHi i Artë” – Diego Feld nga Argjentina

– Ҫmimin e dytë “HiTHi i Argjendtë” – Aleksei Kivokurtsev nga Rusia

– Çmimin e tretë “HiTHi i Bronztë” – Seyran Nasirov Caferli nga Azarbajxhani

Në festivalin e sivjemë ende nuk janë ndarë çmimet. Ato do të bëhen publike në ceremoninë e hapjes së festivalit më 4 korrik 2021, datë e cila përputhet me pavarësinë e Shteve të Bashkuara të Amerikës, shtet i cili e ka bazën më të madhe ushtarake në Ballkan, në Sojevë të Ferizajt.

Falemnderit dhe suksese të mëtutjeshme!

Dhënë me16/6/2021,

E dergoi per Diellin Bardhyl Selimi…

KOSOVE- Promovohet rrëfimi trilogjik “Kthimi” i autorit Dodë Gjergji

June 19, 2021 by dgreca

Me tingujt e pianos dhe të violinës kënga “Songs my Mother tought me”, të interpretuar nga studentët e akademisë së muzikës Anamarija Nulleshi dhe Mal Limani, filloi manifestimi kulturor i promovimit të rrëfimit trilogjik “Kthimi” i autorit Dodë Gjergji, në pranin e miqve e dashamirëve të librit në Qendrën Bogdanipolis, që gjendet në Katedralen Shën Nënë Tereza në Prishtinë.

Manifestimi i organizuar nga Shtëpia Botuese “Drita”, botuese e kësaj trilogjie, në bashkëpunim me botimet “55” të Tiranës, u përshëndet nga botuesit, z. Don Fatmir Koliqi, drejtor i Dritës, i cili e cilësoi “Kthimin” një vademekum të identitetit tonë shpirtëror dhe kulturor, që do të mbetet i tillë për kohë të gjatë, dhe falënderoi bashkëpunëtorët e tij që e kanë realizuar këtë vepër, posaçërisht z. Valdet Hashani, për pikturat e ballinës, Gojart Sejdiun për dizajnin dhe shtypshkronjën, ndërsa z. Fahri Balliu, përgjegjësi i “55”, u shpreh mirënjohës për bashkëpunimin e botimit të kësaj vepre të rëndësishme që bartë mesazh për rilindje në identitet dhe për të vërtetën e shqiptarëve.

Në pjesën e përshëndetjes ishin përfaqësues të bashkësive fetare që përgëzuan me fjalë këtë festë të kulturës; kryegjyshi botëror dhe kryetari i Këshillit Ndërfetar të Shqipërisë, Sh. T. Haxhi Edmond Brahimaj, pastori z. Fehmi Cakolli, kryetar i Unionit të Kishave Protestante Ungjillore të Kosovës dhe SH. T. Imzot Zef Gashi, argjipeshkëv i Tivarit në pension.

Pas këtyre fjalëve miradije e dashamirësie dhe këngës “Ave Maria” e kënduar nga vokalistja Ekzona Hoxha, e shoqëruar në piano nga Anamaria dhe Mali në violinë, u bë prezantimi i rrëfimit nga dy shkrimtar të njohur të letrave shqipe.

I pari prezantues ishte z. Gani Mehmetaj, shkrimtar, publicisit, laureat i çmimit letrar “Kadare 2021” për romanin e tij “Zogjtë e qyqes”, i cili vlerësoi se “Romani “Kthimi” i Dodë Gjergjit, në tri vëllime që autori e quan rrëfim, me temën e vet është ndër veprat më tronditëse për shpirtëri e tragjedi në një cep të Dardanisë. Por është edhe rrëfim për të kaluarën dhe të tashmen tonë: identitetin kombëtar e shpirtëror, fatin e fatkeqësinë. Kush jemi dhe kush ishim? Rrëfimi të mbanë pezull, është dinamik, shpalon pjesë nga historia jonë e dhimbshme, ka një galeri protagonistesh, fatet e të cilëve ndërthuren, ka shumë detaje të njohura e më pak të njohura, ka dramën që zhvillohet para teje me shpejtësi filmi.” Kumtesën e plotë të z. Ganiut mund ta lexoni në këtë link: http://www.drita.info/2021/06/18/roman-per-burrat-e-beses-martiret-e-kardakut/.

Prezantuesi i dytë ishte shkrimtari i njohur z. Ibrahim Kadriu, autor me më shumë se 40 vepra letrare, i cili e konsideroi veprën “Kthimi” si roman të ndërgjegjësimit individual dhe kolektiv për rrënjët identitare të popullit tonë. Edhe kumtesën e tij të plotë mund ta lexoni në këtë link: http://www.drita.info/2021/06/18/roman-i-ndergjegjesimit-individual-dhe-kolektiv-per-rrenjet/

Këtë festë të librit e pasuruan një grup i studentëve të Pastoralit studentor të Prishtinës, të cilët kënduan këngën “Mos u tremb”, të shoqëruar në piano nga Don Shtjefën Dodes.

Në fund të prezantimit, foli edhe autori Dodë Gjergji, i cili falënderoi bashkëpunëtorët e tij që e kanë inkurajuar dhe mbështetur, kurse prezantuesit për fjalët vlerësuese për veprën e tij.

Krejt në fund ishte e rezervuar një kohë për diskutim dhe pyetje nga pjesëmarrësit, nga audienca. Kjo festë e bukur e librit, e cila u transmetua livestreaming në faqen e Dritës në facebook dhe nga mediet tjera të vendit tonë, përfundoi me një koktej rasti në Agorá të Qendrës, gjatë së cilës pjesëmarrësit kanë uruar autorin dhe kanë patur mundësi të marrin firmën e tij./drita.info

Kosovo MP Condemned for ‘Biased’ Comments About Missing Serbs…

June 19, 2021 by dgreca

Ruling Vetevendosje party MP Arbereshe Kryeziu Hyseni was criticised for saying that finding ethnic Albanian missing persons from the Kosovo war should be prioritised over looking for Serbs who disappeared.

The names of missing people, both Albanians and Serbs, on a wall in Pristina, April 2011. Photo: EPA/VALDRIN XHEMAJ/

By Perparim Isufi & Mediana Halili/*

A group of Kosovo civil society organisations called on the Kosovo authorities on Thursday to condemn comments made by ruling Vetevendosje (Self-Determination) party MP Arbereshe Kryeziu Hyseni, who said that ethnic Albanian missing persons are more of a priority than Serbs.

During a show on Pristina-based Klan Kosova TV on June 15, Kryeziu Hyseni said that “the issue of the missing persons of the Albanian people should be treated seriously and with high priority, and after their turn, we can talk about the missing Serbs”.

The Informal Coalition for Dealing with the Past said that Kryeziu Hyseni was “denigrating” Serb war victims and cited constitutional law that insists on equal treatment for all war victims regardless of their ethnicity.

Kosovo’s law on missing persons also prohibits any form of discrimination.

But Kryeziu Hyseni told BIRN on Friday that she stands by her comments.

“We have to remember that a genocide was inflicted on the Albanian nation [in Kosovo]. The war was started by Serbia and we are a nation that was attacked by Serbian criminals,” she said.

“I stick to what I have said… We were victims of the Kosovo war,” she added.

A Kosovo government spokesperson told BIRN that it “does not deal with missing persons on ethnic grounds but based on information” that it has obtained about their whereabouts.

“All cases related to missing persons, whoever reports them, are treated equally by institutions of the Republic of Kosovo,” said government spokesperson Rozafa Kelmendi.

The Informal Coalition for Dealing with the Past said that ethnic discrimination “undermines the reconciliation process”.

“The government of Kosovo, the Kosovo Assembly, the State Prosecutor’s Office, the institutions of justice and the whole of society must have the same approach to all war victims, and only in this way will we be able to create a peaceful and equal society,” the Coalition said.

Over 1,600 people, mainly ethnic Albanians but also some Serbs, are still listed as missing from the Kosovo war.

*The names of missing people, both Albanians and Serbs, on a wall in Pristina, April 2011. Photo: EPA/VALDRIN XHEMAJ.(BalkanInsight)

***

Deputetja e Kosovës dënohet për komente “të njënashme” për serbët e zhdukur…

Deputetja e partisë në pushtet Vetëvendosje Arbereshë Kryeziu Hyseni u kritikua pasi u shpreh se gjetjes së personave shqiptarë etnik të zhdukur nga lufta e Kosovës duhet t’i jepet përparësi para kërkimit të serbëve të zhdukur.

Një grup organizatash të shoqërisë civile në Kosovës u bënë thirrje autoriteteve të Kosovës të enjten të dënojnë komentet e bëra nga deputetja e partisë në pushtet Vetëvendosje Arbereshë Kryeziu Hyseni, e cila tha se shqiptarët etnikë të zhdukur janë më shumë përparësi sesa serbët.

Gjatë një emisioni në TV Klan Kosova në Prishtinë më 15 qershor, Kryeziu Hyseni tha se “çështja e të pagjeturve të popullit shqiptar duhet me u trajtu me seriozitet edhe me prioritet të lartë dhe pastaj kur t`i vie radha të flasim edhe për të pagjeturit serb.”.

Koalicioni Informal për Ballafaqimin me të Kaluarën tha se Kryeziu Hyseni po “denigronte” viktimat serbe të kohës së luftës dhe citoi ligjin kushtetues që këmbëngul për trajtim të barabartë për të gjitha viktimat e luftës, pavarësisht nga përkatësia e tyre etnike.

Ligji i Kosovës për personat e zhdukur gjithashtu ndalon çdo formë diskriminimi.

Por Kryeziu Hyseni tha për BIRN të premten se ajo i qëndron komenteve të saj.

“Nuk duhet të harrojmë se kombit shqiptar në Kosovë iu bë një gjenocid. Lufta filloi nga Serbia dhe ne jemi një komb që u sulmua nga kriminelët serbë”, tha ajo.

“Unë i përmbahem asaj që kam thënë … Ne ishim viktima të luftës në Kosovë”, shtoi ajo.

Një zëdhënëse e qeverisë së Kosovës i tha BIRN se “qeveria nuk merret me personat e zhdukur mbi baza etnike, por bazuar në informacione” që ka siguruar në lidhje me vendndodhjet e tyre.

“Të gjitha rastet në lidhje me personat e zhdukur, kushdo që i raporton ato, trajtohen në mënyrë të barabartë nga institucionet e Republikës së Kosovës”, tha zëdhënësja e qeverisë Rozafa Kelmendi.

Koalicioni Informal për Ballafaqimin me të Kaluarën tha se diskriminimi etnik “minon procesin e pajtimit”.

“Qeveria e Kosovës, Kuvendi i Kosovës, Prokuroria e Shtetit, institucionet e drejtësisë dhe e gjithë shoqëria duhet të kenë të njëjtën qasje ndaj të gjitha viktimave të luftës, dhe vetëm në këtë mënyrë do të jemi në gjendje të krijojmë një shoqëri paqësore dhe të barabartë ”, tha Koalicioni.

Mbi 1,600 njerëz, kryesisht shqiptarë etnikë, por edhe disa serbë, janë ende të listuar si të zhdukur nga lufta e Kosovës.

Reagim ndaj disa televizioneve militante shqiptare dhe pseudo-analistit Ilir Demalia

June 19, 2021 by dgreca

Nga Valentin Lumaj,Michigan- 19 Qershor 2021/

Palo-analisti ose analisti i vetshpallur Ilir Demalia: “Vatra eshte ne nivelin e atyre shtepive te kultures neper fshatra ne kohen e komunizmit…Vatra eshte nje gje e mbaruar…” Emisioni Te Paekspozuarit, 17 Qershor 2021/

Po endesha ne mendime per te gjetur nje shprehje qe i shkon pershat pseudo-analistit Ilir Demalia, dhe nder te tjera si keto qe pershkruajne njerezit pa asnje rendesi dhe qe kur flasin, fjala e tyre nuk ka asnje peshe, u ndalova tek keto dy te fundit: “fyell pa bira” apo “bira e fundit e kavallit”, mbasi i pashe se ishin me etike se te tjerat. Si shume paradokse te tipit vetem shqiptar, ku horrat, gojendyret dhe te marret nderohen, ndersa te ndershmitperçmohen si qyqare apo te pazotte, edhe Iliri eshte nje nga keto paradokse, qe fale ndyresise se gojes dhe mendimeve, por pa u kufizuar tek keto dy te dyja, eshte bere i “famshem” ne disa ekrane televizive shqiptare te cilat kane nevoje edhe per pak diabolizem mediatik i tipit Demalia. Them diabolizem sepse Iliri gjoja si analist, shperthen ne banalizem, etiketon dhe sulmon te medhenjte e Kombit, ne kete rast Sali Berishen, lideret e komunitetit, ne kete rast Elmi Berishen apo Evi Kokalarin dhe çdo gje me vlere sikurse eshte Vatra.

Une po ndalem vetem tek pershkrimi i mesiperm qe Demalia i ben te mires, te bukures, antikes dhe te pavdekshmes Vatra. Vatra, kjo bashkesi njerezish te mire, veprimtare e patriote, te cilet cdo dite kontribuojne dhe japin nga koha, nga mendja dhe nga xhepi i tyre per brengen e tyre te madhe, Shqiperine dhe Kosoven, por edhe viset te tjera shqiptare, qe nje dite te bashkohen si nje komb i lire. Sigurisht qe ne ketu ne Vater nuk jemi asnje si Noli e as Konica, e as pretendojme te jemi te tille, por jemi ca te tjere, shume te ngjashem në virtyte por prape te ndryshem në borekuptime, gjithsesi ithtare te devotshem ne ndjekje te gjurmeve qe lane pas korifejte tane, me te njejtin mission, te njejtin vision dhe destinacion.

Kjo Vater, ne vijim te rruges se saj 108 vjeçare, reflekton ngjyrat e saj ne pershtatje te koheve dhe shekujve, tashme te shekullit 21, me e shndritshmja e kuqja e flamurit te kombit dhe te Skenderbeut, e cila duket se e terbon “demin” Demalia. Them “demin” jo ne perngjasim te mbiemrit te tij, por te natyres dhe instiktit te njejte kafsheror per ti “ngulur briret” kujtdo qe i del perpara.

Por horizontin e ngushte te Ilirit, nuk mund te behesh analist pa denigruar dike dhe nuk mund te denigrosh dike pa qene analist dhe keshtu ai sorodhatet ne rrethin vicioz te mendimeve te tij skizofrenike, i pashprese per te dale shendosh nga gjendja e tij e renduar.

Me vjen ne mend nje here kur shkoja ne shkolle me autobuzin e linjes. Nder ato dite, filloi te vinte ne autobusin tone nje meso-burre leshtarak i parruar e i palare. Sapo hipte ne autobus, ulej ne ndenjese, vinte koken mbi duar dhe fillonte nje kenge pa kuptim duke u çjerur “ga ga ga ga “ dhe jarget i vareshin pergjate mjekres. Fillimisht njerezit filluan qe ta marrin per humor dhe te qeshin, por shpejt çjerrja e tijj “ga ga ga ga” filloi te behej e bezdisshme dhe e neveritshme per te gjithe. Filluan qe ti bertasin, por burri çirrej edhe me shume. Atehere doli njëri qe i ofroi 100 leke per te pushuar. Burri sa i pa, i mori, pushoi kengen dhe u ul nga autobuzi yne dhe u fut tek autobusi tjeter. Aty ishte loja, tek 100 lekshi. Çdo dite e njejta loje, burri çirrej derisa dilte dikush qe ti falte 100 lekshin. Te gjithe e kuptuan “biznesin” e tij, leke per ti mbydhur gojen. Nje dite ndodhi qe ne autobus afer burrit te ishte nje nga ata “hunde-leshet qe ne ate kohe nuk ishin te pakte rrugeve. Pusho i tha nje here, por burri edhe me te madhe “ga ga ga ga”. Pusho i tha te dyten here. Prape burri vazhdoi edhe me te madhe. Te treten here pashe qe fluturoi nje dore ne ajer dhe shpulla u ngjesh mbas kokes se burrit. Ai as nuk e priti e as nuk e diti nga i erdhi, mbasi ra nga sedilja ne dysheme, u ngrit dhe tha: “a nuk mundesh ma lehte a?”. Si tha ashtu, u ul nga autobusi dhe nuk e pame me.

Me kete histori, te cilen ndoshta ndokush qe bente te njejten linje autobusi e kujton, nuk dua te them se Demaliaj merr leke per te llomotitur, per te mbydhur gojen apo dikush do tja meshoje mbas kokes, por qe pa dyshim qe Iliri joshet nga televizionet shqiptare me hapesiren qe i japin per te “kenduar çjerrjen” e rradhes, dhe te pakten Demalia duhet qe ta kuptoje sa i neveritshem dhe i padurueshem eshte bere.

DREJTUESIT E EMISIONEVE DHE PRONARET E TELEVIZIONEVE DUHET QE TA KUPTOJNE NJE HERE E MIRE SE NUK MUNDEN ME TEJ QE TE NEPERKEMBIN DIASPOREN DUKE FTUAR “NJE ZE NGA AMERIKA”, “NJE SHQIPTARO-AMERIKAN”, NJE PERFAQERUES TE DIASPORES” E TE TJERE TITUJ TE PAQENE DHE TE PAMERITUAR PER ILIR DEMALIAJ, PASI ILIRI JO VETEM QE NUK PERFAQESON ASNJE GRUP APO SHOQATE DHE AQ ME PAK DIASPOREN, POR AI NUK PERFAQESON AS VEHTEN E TIJ, PER SA KOHE QE AI ESHTE I PUSHTUAR NGA ATA QE NUK THUHEN DHE SALL QE FJALA IME T’I BEJE DERMAN PERDERISA AI KA NEVOJE PER NJE EKSORTIZEM TE THELLE TE SHPIRTIT.

Keshilla ime per Demaliaj eshte qe kur te permende Vatren, le te pastroje me pare gojen, ne menyre qe fjala e tij te mos mbaje ere te keqe, me te rende se myku i podrumeve ku gdhihet ne mengjes dhe ngrys naten, dhe perpara se te dale ne ndonje emision driteshkurter, te shkundet mire qe te pastroje kakrroçet, por jo aq shume per te mos zgjuar djajte brenda tij.

Kosovë: Opozita do ta dërgojë në Gjykatën Kushtetuese shkarkimin e kryetares së KQZ-së

June 19, 2021 by dgreca

Pas shkarkimit nga presidentja të kryetares së KQZ-së, Valdete Daka, kreu i zyrës së BE-së në Kosovë tha, se është e rëndësishme që të ruhet pavarësia e KQZ-së para zgjedhjeve lokale këtë vit.

Nga Bekim SHEHU/

Partitë politike opozitare tashmë siguruan nënshkrimet e deputetëve dhe do ta dërgojnë në Gjykatën Kushtetuese vendimin e presidentes së Kosovës, Vjosa Osmani, për shkarkimin e kryetares së KQZ-së, Valdete Daka. Opozita dhe vetë Valdete Daka, shkarkimin nga pozita e kryetares së KQZ-së e cilësojnë të “jashtëligjshëm, antikushtetues dhe vendim politik kundër një organi të pavarur”.

PDK: Presidentja mori një vendim politik

Udhëheqësi i partisë më të madhe opozitare Partisë Demokratike të Kosovës, Enver Hoxhaj, tha se vendimi i presidentes për shkarkimin e kryetares së KQZ-së dëmton institucionet demokratike. “Vendimi i presidentes së Kosovës, urdhëruar nga Albin Kurti për të shkarkuar kryetaren e KQZ-së, është antikushtetues, dëmton institucionet demokratike, rrezikon zgjedhjet lokale dhe është fund e krye politik. Për të mbrojtur rendin kushtetues, institucionet demokratike e profesionale, si dhe të parandalojmë secilin akt të tillë në të ardhmen, Partia Demokratike e sheh të domosdoshëm dhe të pashmangshëm opinionin e Gjykatës Kushtetuese, për çka i kemi mbledhur edhe nënshkrimet”, tha Hoxhaj.

Vendimi: Daka cënoi pavarësinë e integritetin e KQZ-së

Presidentja e Kosovës, Vjosa Osmani tre ditë më parë i ndërpreu mandatin kryetares së Komisionit Qendror të Zgjedhjeve, Valdete Daka dhe në vend të saj, emëroi gjyqtarin e Gjykatës së Apelit, Kreshnik Radoniqi. Shkarkimi i Valdete Dakës nga detyra e kryetares së KQZ-së, pasoi pakënaqësitë e shfaqura nga lëvizja Vetëvendosje, ndaj Valdete Dakës. Pjesë e listës së lëvizjes Vetëvendosja në zgjedhjet e 14 shkurtit ishte edhe vetë zonja Osmani me një numër të kandidatëve të saj. Në vendimin e presidentes Osmani për shkarkimin e zonjës Daka nga detyra e kryetares së KQZ-së, thuhet ndër të tjera se “Kryesuesja e KQZ-së me veprimet e saj, sidomos përgjatë procesit të zgjedhjeve të parakohshme të 14 shkurtit 2021, ka cënuar pavarësinë dhe integritetin e KQZ-së”.

Valdete Daka: Vendim i porositur

Edhe ish-kryetarja e KQZ-së, Valdete Daka nuk pajtohet me vendimin e presidentes dhe paralajmëroi se do t’i ndjekë të gjitha rrugët ligjore për rastin e saj, duke iu drejtuar edhe gjykatës kompetente. “Ky është vendim jo kushtetues dhe i pa mbështetur në ligj. Arsyetimi i dhënë në shkarkimin tim jo që është i paligjshëm por edhe kontradiktor dhe qesharak. Ky është vendim i porositur. Ky vendim i bërë publik pasditen e së hënës shihet qartë se ishte përgatitur më herët, këtë e dëshmon edhe fakti i emërimit të kryetarit të ri të KQZ brenda pak minutave. Publikimit të këtij vendimi i ka paraprirë takimit tim me presidenten ku ajo më kërkoi të japë dorëheqje në mënyrë të vullnetshme dhe në këmbim do të pranoj falënderime publike për punën e deritashme dhe më premtoi vazhdim të bashkëpunimit në të ardhshmen. I kam thënë se e kam përmbushur detyrën time sipas Kushtetutës”, tha në reagimin e saj Valdete

Daka.

Vendimin e presidentes Osmani për shkarkimin e Valdete Dakës e ka cilësuar si shkelje kushtetuese edhe ish-kryetari i Gjykatës Kushtetuese, Enver Hasani. “Është shkelje e pastër Kushtetuese. Parametri kushtetues është kushtetuta jonë. Po qe se shkon në kushtetuese, Gjykata Kushtetuese kurrë nuk mund ta arsyetojë se shkarkimi i kryesueses së KQZ-së mund të bëhet nga presidentja siç e ka bërë presidentja e Kosovës. Që ta kemi të qartë, asnjë kompetencë e presidentit të Kosovës dhe presidentëve që kanë sistem të ngjashëm me ne, nuk kanë kompetencë ekzekutive, të gjitha janë zinxhirore. Kushtetuta e thotë shumë mirë se presidenti ka të drejtë vetëm për të emëruar kryesuesin e KQZ, që do të thotë për të aminuar zgjedhjen e bërë nga Apeli ose Supremja e Kosovës”, tha Enver Hasani.

Reagime të shoqërisë civile: Vendim i motivuar politikisht

Edhe shumë organizata të shoqërisë civile, shkarkimin e Valdete Dakës nga pozita e kryetares së KQZ-së, e cilësuan “të motivuar politikisht, si rezultat i ndërrimit të pushtetit në Kosovë pas zgjedhjeve të fundit”. Albert Krasniqi nga rrjeti i organizatave Demokracia plus, shkroi se kompetencat e presidentit të Kosovës janë të shumta, por jo aq sa ka vepruar presidentja Osmani. Presidentja Osmani në vendimin për shkarkimin e kryesueses së KQZ-së, ka marrë rolin e katër institucioneve të tjera: Gjykatës Kushtetuese, Kuvendit, PZAP-së dhe Agjencisë për Informim dhe Privatësi”, shkroi Krasniqi, sipas të cilit është i domosdoshëm interpretimi nga Gjykata Kushtetuese.

Zgjedhjet lokale në Kosovë do të mbahen më 17 tetor të këtij viti. Zyra e Bashkimi Evropian në Kosovë, pas shkarkimit të zonjës Valdete Daka nga pozita e kryetares së KQZ-së, tha se “është e rëndësishme të ruhet pavarësia e KQZ, duke siguruar përgatitje profesionale për zgjedhjet lokale që do të mbahen këtë vit”. “Jemi njoftuar për vendimin e presidentes Osmani për të shkarkuar shefin e KQZ-së, e për të caktuar një të ri. Është e rëndësishme që të gjitha procedurat të jenë në linjë me ligjet e Kosovës dhe që pavarësia e KQZ-së të ruhet duke siguruar përgatitje profesionale në kohë për zgjedhjet lokale dhe për reformat në ligjin për zgjedhje”, shkroi Tomas Szunyog, shef i zyrës së BE-së në Kosovë.(DW)