Archives for June 2023

Festivali i dytë i Shkollave Shqipe “Alba Life” Ambasador i Kombit dhe dhënia e certifikatave për vitin shumë të suksesshëm 2022-2023

June 13, 2023 by s p

Nga Keze Kozeta Zylo/

Senatorja e shtetit të Nju Jork-ut Nathalie Fernandez, Mark Gjonaj “Nderi i Kombit” dhe Konsulle e Republikës së Shqipërisë znj.Valentina Loka midis nxënësve te Alba Life.

Në Qendrën “Illyria” në Bronx në auditoriumin e saj, mësuesit, nxënësit dhe prindërit e Shkollave Shqipe Alba Life Ambasador i Kombit erdhën për të festuar me plot sukses mbylljen e vitit akademik shkollor 2022-2023 si dhe për Festivalin e Dytë të Shkollave Shqipe.

Auditoriumi ishte mbushur plot e përplot, vecanërisht skena që ishte tej e përtej me nxënës ndriste nga pasardhësit e Gjergj Kastriotit, Ismail Qemalit, Adem Jasharit etj.

Dita e diel ishte nje feste e bukur e kurorëzimit me sukses të përfundimit të vitit akademik shkollor 2022-2023 dhe kjo fal mësueseve që punojnë me profesionalizëm të cilat janë të licensuara nga shteti amë si dhe disa prej tyre dhe nga shteti i Nju Jorkut.

Ka qenë një vit i gjatë me plot sfida, për Bordin, nxënësit, mësuesit dhe prindërit, por në fund ja arritën qëllimit të bukur shumë suksesshëm.

Nxënësit nën kujdesin e mësueseve të përkushtuara si Elona Shkreta, Entela Muda, Anxhela Alushaj, Jonida Alla, Fatlinda Gashi, Vjollca Skënderi, Mehrije Shala, Kade Lajqi Gresila Basha në Online, si dhe anëtarëve të stafit, sopranos së shquar dhe udhëheqëse artistike Dëshira Ahmeti, Gela Bulku, mësuese Vlera Sela Thaqi, Dr. Manjola Duli e mbaruam me plot sukses vitin shkollor. Duke realizuar një sërë aktivitetesh shumë të rëndësishme në Diasporë si Alba Life patëm kulmin e saj me festimin e 15-të vjetorit të TV dhe Shkollave Shqipe “Alba Life” me një mbrëmje madhështore Gala në Hilton ku nderuan qindra shqiptarë dhe personalitete të larta amerikane dhe shqiptare. Ne nuk do të dimë të ndalemi deri në frymën e fundit në këtë Mision Kombëtar të mësimit të Gjuhës Shqipe në Diasporë, sepse duket sikur kemi bërë betimin:

Kemi dhënë të gjithë një fjalë/ Jemi lidhur me besa-besë/ Nji shqiptar po mbeti i gjallë/ Gjuha Shqipe kurrë s’do vdes!

Nderuan me pjesëmarrjen e tyre z.Mark Gjonaj “Nderi i Kombit” politikan amerikan i suksesshëm dhe njëkohësisht ka siguruar Qendrën “Illyria” ku Shkolla Shqipe “Alba Life” ka qenë e para që e ka inaguruar këtë qendër dhe vazhdon rregullisht të zhvillojë mësimin cdo të shtunë. Ishin gjithashtu Senatorja e shtetit të Nju Jorkut zonja Nathalia Fernandez, Konsulle e Republikës së Shqipërisë znj.Valentina Loka. Ishte krenari t’i kishim midis nesh dhe të na frymëzonin me fjalimet e tyre. Ata përshëndetën nxënësit dhe thanë vazhdojeni këtë mision që keni nisur per të ruajtur Gjuhën, traditat dhe historinë prej nga vini.

Z. Gjonaj vlerësoi lart punën e themeluesit, bordit, të mësueseve dhe nxënësve. Këshilloi të jemi të bashkuar se vetëm bashkë arrijmë atje ku duhet të jemi si shqiptarë. Zoti Gjonaj dhe z. Zylo ndanë pllakë mirënjohje për Drejtorin e IT, MD. M. Alam, NYC H+H. i cili ka dhënë ndihmese për të realizuar programin e Shkollës Shqipe “Alba Life” në Bronx per lidhjet kompjuterike.

Zoti Qemal Zylo themelues dhe drejtues i shkollave Shqipe “Alba Life” në gjithë Nju Jorkun dhe në Online pasi përshëndeti nxënësit, mësuesit, prindërit dhe të ftuarit iu uroi atyre punë të mbarë në Festivalin e dytë të Shkollave Shqipe “Alba Life” si dhe suksese të mëtejshme në vitin tjetër. Duke parë rritjen e numrit të nxënësve Bordi dhe mësueset menduan të zhvillojnë Festivalin me Shkollat Shqipe Alba Life që tashmë po bëhet një traditë e bukur. Z. Zylo iu ndau certifikata mirënjohjeje zotit Mhill Gjuraj biznesmen i suksesshëm dhe suportues për Shkollat Shqipe “Alba Life”. Me certificatë mirënjohjeje u vlerësua gjithashtu z. Mhill Velaj shkrimtar i mirënjohur dhe Kryetar i Shoqatës së Shkrimtarëve Shqiptaro Amerikan. Shkrimtari Velaj gjithmonë ka frymëzuar dhe është një dashamirës i madh i Shkollave Shqipe “Alba Life”.

Po ashtu me certificatë mirenjohjeje u vlerësua mësuese Davida Hasanaj, për të cilën z. Zylo tha se ka dhënë një kontribut të vyer në mbarëvajtjen e procesit mësimor në Bronx. Me korrektësinë, besnikërinë dhe dashurinë për nxënësit dhe mësimin e Gjuhës Shqipe ajo fitoi respektin e Bordit dhe të kolegëve bashkë me bashkëshortin e saj z. Agim dhe fëmijet e mrekullueshëm.

Ne fund z. Zylo bashkë me mësuesit iu ndanë nxënësve certifikatat e përfundimit të vitit shkollor akademik shkollor 2022-2023.

Programi artistik

Hymnet Kombëtare amerikane dhe shqiptare u interpretuan nga sopranoja e shquar Dëshira Ahmeti e cila ka dhënë shfaqje në skena të botës dhe u shoqërua nga kori i shkollës.

Hymni i Shkollës Shqipe Alba Life “Gjuha Shqipe, Gjuha Jonë” u interpretua nga kori i shkollës.

Kënga: ‘Shqiperi o nëna ime” u interpretua nga Aelia Rena.

“Kënga për mësuesen” u interpretua nga Aria Stoja.

Në Festival nxënësit kërcyen vallet e Tiranës, Vallja e Bariut, Vallja e Tropojës.

Këngën Xhamadani Vija Vija e interpretuan Edona Gjitija dhe Diellor Lajqi.

Programi i pasur artistik u mbyll me këngën “Të rrojë Shqipëria” interpretuar nga Kelvin Rustani dhe Altea Bala shoqëruar nga kori.

Pas Festivalit dhe dhënies së certifikatave nxënësit u argëtuan duke kënduar dhe hedhur valle nën tingujt e DJ Hermes ndihmuar nga Odise Salillari aktvisit i njohur dhe Kryetar i Shoqatës Devolli.

Aktiviteti u filmua me profesionalizem nga Bujar Sadikaj njëkohësisht dhe anëtar i Stafit të TV “Alba Life”.

Pushime të mbara të dashur mësues dhe nxënës!

Mirupafshim në shtator për vitin akademik shkollor 2023-2024!

11 Qershor, 2023

Bronx, New York

SHOQATA DUKAGJINI, PO RRNO PËR ME TREGUE!

June 13, 2023 by s p

20 vite jetë për promovimin e Dukagjinit shekullor!

Agron PREBIBAJ

Dukagjini, krenaria e identitetit tonë kombëtar festoi 20 – vjetorin e Shoqatës Atdhetare Dukagjini.

Dje fshati i Paqës në Shkoder u pushtua nga dukagjinasit e miqtë e tyre nga trojet shqiptare, gjithçka nën drejtimin e të zotit të shtepisë z.Ndue Sanaj (kolonel), moderatores Roza Pjetri e stafit organizativ mikpritës.

Një aktivitet mjaft i larmishëm i ndarë në kater seanca: së pari festa nisi nga salla; aty folën të gjithë duke festuar me këngë e valle nga artistët e Dukagjinit e Kosova, pastaj u zhvendosëm në promovimin e veshjeve tradicinale e veglava muzikore të trevës, ndërsa koktej festiv për të pranishmit solli afrimitet njohje e bashkpunimi për secilin pjesmarrës, aty u ndanë edhe disa tituj nderi për disa pësonalitete me kontribute, por respekti për mysafirët mbyllet sipas traditës dukagjinase me drekën e ngrohtë e mikëpritëse, kjo dreka bekuar nga Arqipeshvi Angelo Massafra, i cili uroj paqe e lumturi për shqiptarët.

Tek me erdhi në mend kryevepra e At Zef Pllumi – “Rrno me tregue”, një pasim përfekt nga Shoqata Atdhetare Dukagjini, e cila në 20 vite jetë promovon historinë shekullore të treves legjendare, me histori qëndrese e fitimtare e cila mbushet më me shumë me dhimbje sesa gëzime, promovuese e kulturës me orientim përendimor.

Kur lexon e dëgjon historinë e qëndresës e kulturës janë dy medalje të forta identitare, por realisht dukagjinasi megjithse i vëndosur lart në alpe, shtëpitë i kishte kulla guri dy-tre katëshe duke parakaluar ata që jetonin në fushë, gjithashtu Dukagjini i artistëve, shkrimtarëve, sportistëve etj zotron më shumë se 30% të thesarit së qytetrimit shkodran e verior!

Në festimin e 20 vjetorit të Shoqatës Atdhetare Dukagjini erdhën plotë mesazhe ngohëse, vllazërore e bshkëpunimi, e nisur që nga fjala rezyme e kryetarit Ndue Sanaj, e përcjellur nga shoqatat kosovare, nën ngohtësinë e Arqipeshvit Massafra, ndërsa shkrimtari e publicisti Prele Milani solli mjeshtërisht shërimin e plagës stresuese, sociale e shoqerore.

Një përshendetje e veçantë erdhi nga zoti Gjin Progni kryetari i Shoqatës Nikaj-Mertur me mesazhin e bashkëpunimit të ngushtë miqësor e vllazëror ndërDukagjinas.

Ndërsa kryetari i shoqatës Bytyçi z.Agron Gjedia solli mesazhin miqësor të bashkëpunimit nder shekuj mes Malsisë së Gjakovës e Dukagjinit të pasur me histori.

Por si gjithnjë unë ndihem i ngacmuar nga miqtë e mi Ed Terthorja, Agron Hasanaj e Anton Kosteri, ku me shakatë e tyre më bëjnë të gëzohem duke qeshur, por edhe më bëjnë të përdor një paracetemol…!

Ndërsa supriza erdhi kur Shoqata Dukagjini nderoi zotin Gjin Niklekaj me titullin “Mirenjohja e Dukagjinit”, ky nderimi ndaj një pësonaliteti të madh Nikaj-Mërturas, Dukagjinas e më gjërë.

Befasia e rendimenti i aktivitetit të kësaj shoqate vjen kur shikon në tani 20 vite në çdo muaj një promovim, 20 vite gazeta Dukagjini edhe kjo e përmuajshme, ku me plotë gojën mund të thuhet si e shkruar se kjo shoqatë parakalon Ministrinë e Kulturës me aktivitete në keto 32 vite.

O sa mirë me qënë shqiptar nga Dukagjini o hej!

Promovohet shqiptarizmi në Islandë

June 13, 2023 by s p

Avni Dervishi/

Në mesin e vullkaneve e akullnajave, ujvareve me madhështi të rrallë në planetin tonë e vendeve ku uji vlon jashtë në natyrë dimër e verë, edhe aty ka shqiptarë.

Islanda, ky shtet në mes të Amerikës e Evropës, shumë rrallë përmendet në media në përgjithësi e jashtzakonisht pak, ose më mirë të themi kurrë rreth aktiviteteve të diasporës tonë atje. Ndoshta se nuk janë më shumë se sa 500 shqiptarë nga 36 000 banorë që i ka i tërë ky shtet ishull.

Javën që shkoi u themelua dega e Federatës së Mjekëve Shqiptarë (AMFE – Albanian Medical Federation of Europe) ku kryetare u zgjodh Hafije Zogaj. Dega u themelua të shtunën më 9 qershor në kryeqytetin Reykjavik. Por, pak ditë para themelimit me iniciativën dhe angazhimin e politologut Avni Dervishi nga Suedia, njëherit edhe Ambasador Nderi i AMFE, një delegacion i përberë nga pesë persona u pritën në Ministrinë e Punëve të Jashtme të Islandës. Delegacionit i printe Avni Dervishi, ndërsa aty ishin edhe Dr.Hafije Zogaj (Islandë), Dr.Aurora Dollenberg – presidente e AMFE (Gjermani), Prof.Dr.Fadil Çitaku (Zvicër), si dhe gazetarja nga Kosova zonja Alketa Gashi Fazliu.

Një ditë përpara Dr.Hafije Zogaj që jeton tash e 32 vite në Islandë, si bashkëthemeluese e një kori të përbërë nga vetëm gran me prejardhje nga mbarë bota, por që jetojnë në Islandë ishte e ftuar nga ambasadorja e Norvegjisë. Në residencën e së cilës, në mes tjerash edhe këndonin këngë në gjuhën shqipe. Poashtu edhe ambasadorja e Danimarkës është pjesë e korit që e promovojnë edhe kulturën shqiptare.

Aktivisti Dervishi thekson, që për arsye diplomatike, lobimeve e edhe forcimit të Diasporës tonë: Deri tash kam qenë në 90 shtete, e Islanda ishte shteti nr.91, por kurrë ndonjëherë nuk kam parë një kor me persona të rritur vetëm gra e ku bëjnë pjesë dy ambasadore të huaja në një shtet të huaj që këndojnë këngë në gjuhën shqipe, dhe e gjithë kjo falë zonjës Hafije Zogaj, e cila përpos që shëron jetët e njerëzve në Islandë në rolin e mjekes, ajo edhe e promovon kulturën shqiptare e arbëreshe. Siq u cek edhe në fillim, e gjithë java u përmbyll të shtunën me datë 9 qershor kur edhe u mbajt seminari i AMFE me ekspertë shëndetsorë islandëzë e shqiptarë nga tërë Evropa. Aty u themelua edhe dega e AMFE për Islandë e Dr.Hafije Zogaj u zgjodh kryetare. Tërë diaspora shqiptare në kryeqytetin Reykjavik i mirëpriti mysafirët me krahë të hapur, kombinuar me ushqime dhe valle tradicionale shqiptare.

FOSFORINA SHQIPTARE

June 13, 2023 by s p

KRISTO ÇIPA

( Mjeshtër i madh)/

(Dy fjalë për këtë term të ri për këngën vëndçe).

Kur kënga jonë e traditës transmetohej në mijëravjeçar në mënyrë gojore, bartësit e saj e quanin atë këngë vëndçe dhe sipas zonave e krahinave emërtohej si këngë himarjote, labe, gjirokastriçe, lunxhjote, zagorite, smokthinjote, dukatase, pilurjote etj. Në disa raste edhe brenda fshatit kishte motive si ajo Qazimademçja e Smokthinës, Tartar Zekçja e Kuçit apo avazi i Mukos ( Kënga e Neço Mukos)

Në Shqipëri për herë të parë studimi shkencor mbi këtë këngë u bë nga profesor Ramadan Sokoli dhe ai si në çdo disiplinë shkencore futi termin polifoni( shumëzërëshe), kjo sipas rregullave të njohura botërisht ku në emërtimin e disiplinave përdorej terminologjia greke( gjeografi, fizik, kimi, biologji etj)

Pas viteve 90- të me hapjen e vëndit shumë grupe që këndojnë polifoni morrën pjesë dhe u ballafaquan në mjaft aktivitete ndërkombëtare dhe tërhoqi vëmëndjen e shumë studjuesve dhe veçanërisht të UNESKO- s. Lindi kështu nevoja e përgatitjes së një dosje me argumenta shkencor dhe historik. Ministria e kulturës shqiptare tre herë e përgatiti këtë dosje dhe dy herë ju kthye se me emërtimin “ Polifoni” kishin dorëzuar dosje edhe vënde fqinje si Greqia, Italia, Maqedonia e Veriut, Spanja e disa të tjerë. Vitin e tretë dosja u dorzua me termin “ Isopolifoni” dhe u pranua nga UNESKO si trashëgimi gojore e njerëzimit, KRYEVEPËR E NJERËZIMIT( Më 25 Nëntor 2005)

Kohë më vonë disa grupe, individë dhe shoqata e kundërshtuan këtë term duke nxjerrë si argument se ky term kishte ndikim të drejpërdrejt grek dhe duhej hequr nga emërtimi zyrtar i UNESKO-s( ky debat ende vazhdon). Në këto rrethana Lefter Çipa si krijues, studjues dhe lëvrues i kësaj kënge për të unifikuar të gjitha grupimet dhe mendimet përdori për herë të parë një simbolik që të unifikojë termat dhe ta dallojë atë nga polifonia e vendeve fqinjë. Termi “Fosforina shqiptare “ është simbolik, jo term shkencor e cila po fiton qytetari nga viti në vit edhe si një simbolik e bukur( fosforinë d. m. th shkëlqimtare, ndriçuese) por edhe si term që shuan polemikat.

Në historinë e toponomastikës( emlrtimit të vëndeve), në ndryshimet e vazhdueshme të gjuhës përdorimi dhe klimatizimi i shumë fjalëve dhe emërtimeve është një proçes normal që kërkon kohën e vet. Le të sjellim si argument që gadishulli i Ballkanit është quajtur gadishulli Ilirik dhe po ashtu Peloponezi i sotëm jo shumë kohë më parë është quajtur More

Shpresojmë se kjo simbolikë do të përqafohet dhe do të bëhet termi mbizotërues për këtë kryevepër të njerëzimit.

Unë në solidarizim të plotë dhe në funksion të festivalit” Netët e Bejkës bardhë”( me jehonë nga Piluri në Bruksel, New Jork, Kosovë, Janinë e më gjerë) kam ndërtuar një këngë si lejmotiv

për çdo edicion të tij

KËNGA E FOSFORINËS

Me një gjuhë perëndie

Me të gjithë ison e frymës

Këngëtar prej Labërie

Në këngën e fosforinës

Në majat ku hapet bota

Vit për vit në festival

Këndon qielli dhe toka

Këngë e vëndit na mban gjallë

Eh sa bukur u këndoka!

Shqip dhe zogjtë që fluturojnë

Vjen një ditë e na merr toka

Dhe nga varret prap këndojmë

Refreni

Sa të ketë qiell me yje

Shqiptarë e lapidarë

Do ketë këngë fosforine

Në gjak e në gjokset tanë

Nga avazet që ka kënga

I merr të rrahurat zemra

KRISTO ÇIPA

( Mjeshtër i madh)

Në Qendrën Kulturore Shqiptaro-Amerikane Struga, u inagurua instalacioni i “Folesë së Shqiponjës”

June 13, 2023 by s p

Nga Beqir SINA – New York/

RIVERDALE NJ : Dje, ditën e diel 11 qershor në oborrin e Qendrës Kulturore Shqiptare Amerikane (AACC) në qytetin Riverdale – New Jersey, është përuruar sheshi i “Folesë së Shpiponjave” me zbulimin veprës së artit “Shqiponjës” një skulpture e madhe metali e derdhur ne fonderi.

“Shqiponja” është vepër dhe donacion i artisitit Gëzim Ballabani, ndersa veshja me mermer e bazamentit eshte donacion nga kompania “ Royal Marble and Granite” në New Jersey Fadil Korça . Një shqiponjë, kjo, e derdhur në fonderi, e cila peshon rreth 3 ton, e lartë rreth 6 metra, dhe ka një bazament betoni prej 5 metrave katror me lulishten për rreth dhe ndriçim LED ngjyrë të kuqe.

Ajo është vendosur me një pamje krejtësisht ballore, në hyrje të ndërtesës tre katëshe, e cila është dhe qendra më e madhe e shqiptarve nê Amerikë, e njohur si qendra e struganve “Qendra Kulturore Shqiptare Amerikane (AACC)” në qytetin Riverdale – New Jersey.

Instalacioni është i quajtur “Foleja e Shqiponjês” i është dedikur njerit prej simboleve tonë kombëtar atë shqiponjës me dy krena të flamurit kuq e zi.

Punimi artistik “ Shqiponja” u inagurua me ceremonin e prerjes së shiritit dhe zbulimin e mbuleses së mëndafsht ngjyrë të kuqe, nga kryetari i kësaj Qendre z. Astrit Zhaku, ish kongresisti republikan i New York-ut, Joe DioGuardi- kryetar i Lidhjes Qytetare Shqiptaro Amerikane, Paul Carrell, Mayor of Riverdale, Michael Serra – Mayor of Pomton Law, David Kohle – Mayor of Pequannock, diplomati Fatmir Zajmi, Agim Ismaili, nga qendra kulturore “Hasan Prishtina”, Eddie Drishti kryetar i Shoqatës Rozafa, dhe ish deputeti i LDK-ës, Fation Bislimi, e të tjer.

Kreu i struganve në Nju Xhersi, Astrit Zhaku, pasi faleminderojë të gjithë ata që u bashkuan me struganët në këtë ceremoni, tha se kjo Qendër është e veçantë, “sepse, këtu komuniteti strugan mblidhet për të festuar festat tona kombëtare, festojmë e zhvillojmë aktivitetet e komunitetit strugan, kemi edhe shkollën shqipe që e kemi shkollën për fëmijët shqiptar në Nju Xhersi”.

Ai më tej duke folur për këtë qendêr tha se : “Kjo është një qender multifunksionale e të gjithë komunitetit shqiptar. Këtu ne ruajmë kulturën, traditën dhe gjuhën tonë të ëmbël dhe të bukur Shqip”

Ndërsa, duke folur për inagurimin e instalacionit “Foleja e Shqiponjës” Zhaku, kujtojë se më 28 Nëntor 1443, Heroi ynë mbarë kombëtar dhe komandanti ushtarak legjendar Gjergj Kastrioti Skënderbeu, e ngriti mbi kalanë e Krujës, flamurin kuq e zi me shqiponjën dy krenare.Ku në mes të flamurit është vendosur edhe një shqiponjë dykrenare “Eagle United” që përfaqëson të gjithë shqiptarët e bashkuar”, tha ai.

Në, ndërkohë, vazhdoi kreu i struganve, që sot simboli ynë i krenarisë tonë kombëtare Shqiponja e zezë me dy krena, është duke u përuruar para qendrës tonë (Albanian American Cultural Center of Riverdale, NJ – Qendra Kulturore Shqiptare Amerikane (AACC) Riverdale New Jersey), ne jemi mbledhur :

“Për të nderuar kontributin e komunitetit strugan në New Jersey, themeluesit dhe veprimtarët e kësaj qendre madhështore, që së bashku kemi punuar kaq shumë dhe jemi duke punuar vazhdimisht për të ruajtur kulturën , historinë dhe traditë tonë . Falë këtij komuniteti kemi sot këtë vepër të mrekullueshme, e cila është vepër e Gëzim Ballabanit, për punën dhe përkushtimin e tij të jashtëzakonshëm në këtë projekt, të dhuruar nga kompania “ Royal Marble and Granite” në New Jersey, Fadil Korça e tjer” tha ai.

Po ashtu në fjalën përshëndetëse në inagurimin e instalacionit të ri të folesë së shqiponjës, kryetari i struganve Astrit Zhaku, tha se : “Ne kemi vendosur ta quajmë folenë e shqiponjës, sepse ky vend është pikërisht një fole e shqiptarve, aty ku behemi bashkë të gjithë shqiptarët nga çdo anë e vendit. Duke u bërë bashkë në një vend për ta quajtur atë shtëpinë e tonë të përbashkët në ditët më të mira dhe të këqija.”

Mbasi foli për instalacionin e “Folesë së Shqiponjës” , Zhaku tha se “ Qendra Kulturore Shqiptare Amerikane (AACC) Riverdale New Jersey), është institucion i respektuar dhe i dobishëm të ndërtojë një imazh dinjitoz për gjithë komunitetin tonë.Dhe në mënyrë të vendosur kjo është si një qendër orientimi modern që synon zhvillimin dhe avancimin e shqiptarëve në Amerikë, që të qëndrojmë gjithmonë bashkë me një dëshirë dhe një qëllim për të ruajtur kulturën tonë , historinë dhe trashgmninë “

Faleminderit dhe Zoti e bekoftë Amerikën dhe Zoti i bekoftë shqiptarët kudo në mbarë botën! përfundojë kryetari i struganve Astrit Zhaku.

Pas fjalës së kryetarit të kësaj qendre moderatorja Gonxhe Meta, ftojë të përshëndetësin kryetarin e Lidhjes Qytetare Shqiptaro Amerikane, Joe DioGuardi, zyrtar të lart lokal, Agim Ismalin dhe diplomatin Fatmir Zajmi nga Konsullata e Pergjithshme e Republikës së Kosovës në SHBA.

“Ditë e bukur me komunitetin shqiptar në Riverdale, NJ, ne inagurimin e “Folesë së Shqiponjës,” organizuar nga Qendra Kulturore Shqiptaro-Amerikane “Struga” ku pata nderin të jem bashkë me heroin tonë të gjallë Joe DioGuardi dhe mikun Zikri Meta,” shkruan profesor Fation Bislimi në statusin e tij në Tweeter, duke shtuar se “Shqiptarë kudo në mërgatë e veçanërisht ata në SHBA janë kontribues të pazëvendësueshëm të kauzës sonë kombëtare si dhe hisedarë të shtetit të Kosovës!”

Kurse, veprimtari i dalluar strugan Kalosh Sela, tha se “Kjo është një vepër e mahnitshme, që do rrisë krenarinë tonë shqiptare, dhe do ti jap një bukuri të jashtëzakonëshme kesaj qendre ku bëhen bashkë shqiptarët.

Në ndërkohë Grupet e vallëtarve nga Qendra Kulturore Shqiptaro Amerikane, gjatë gjithë ceremonisë preformuan me vallë e këngë nga të gjitha trevat.