Archives for January 2024

Legalistët e Amerikës përkujtuan gjeneral Abas Kupin në 48 vjetorin e ndarjes nga jeta

January 6, 2024 by s p

Sokol Paja/

Legalistët e Amerikës përkujtuan Gjeneral Abas Kupin në 48 vjetorin e ndarjes nga jeta. Partia “Lëvizja e Legalitetit”- dega e SHBA-së, në bashkëpunim me familjen Kupi, miq, media, veprimtarë, patriotë të spikatur në diasporë, organizata e shoqata patriotike në Amerikë, u mblodhën te varri i Gjeneral Abas Kupit, në varrezat Maple Grove Cemetery, në Kew Gardens, Queens New York; për të përkujtuar 48 vjetorin e vdekjes së një prej udhëheqësve më të shquar të nacionalizmit shqiptar dhe veprimtarit të shquar të nacionalizmit shqiptar në mërgatën e Amerikës. Ceremonia përkujtimore filloi me lule e nderime pranë varrit ku prehet në paqen e përjetshme Gjeneral Abas Kupi. Takimin përkujtimor e hapi me fjalimin kryesor nënkryetari i Partisë Lëvizja e Legalitetit z.Lurian Mena i cili ndër të tjera tha: “Abas Kupi gjatë gjithë jetës së tij shpalosi virtytet e trimnisë, besnikërisë dhe mprehtesisë në gjykime dhe vendime. Nën urdhrat e gjigandit shtetformues Mbretit Zog, si komandant i Krujës dhe më pas si major i xhandarmarisë së Durrësit 1932-1939! Do të ishte data 9 prill e cila do t’i zbardhte faqen Shqipnisë në rezistencën ndaj të keqes dhe do të skaliste në përjetësi emrin e Abas Kupit si trim e vizionar” tha ndër të tjera z.Mena.

Kryetari i Legalitetit për Shtetet e Bashkuara të Amerikës z.Hakik Mena lexoi një fjalim kushtuar jetës dhe veprës, aktivitetit patriotik e atdhetar të Abaz Kupit përgatitur nga av.Ilir Kukaj.

Përshëndetjen e Kryetarit të Legalitetit në Shqipëri z.Shpëtim Axhami, e lexoi për të pranishmit z.Ahmet Hoti, nënkryetar i PLL për Amerikën. Nderim Kupi foli në emër të familjes dhe shpjegoi aspekte të veçanta të veprimtarisë patriotike të Legalitetit në dobi të atdheut e kombit shqiptar. Editori i Diellit përshëndeti në emër të Federatës Vatra e gazetës Dielli duke theksuar se nderimi për Gjeneral Abas Kupin është respekt dhe nderim për historinë tonë kombëtare qëndresën antifashiste e antikomuniste. Editori u shprehu mirënjohjen legalistëve për mbështetjen që i kanë dhënë Vatrës me dekada. Z.Marko Kepi presidenti i “Rrënjëve Shqiptare” shpalosi lidhjen familjare me legalitetin dhe u bëri thirrje të gjithë shqiptarëve që të ruajmë e trashëgojmë idealin kombëtar e mbretëror ndër shqiptarë.

Familja Kupi për të gjithë të pranishmit shtroi një drekë përkujtimore në Reef Restaurant & Bar.

Buqeta me lule për ditëlindjen e Fan Nolit nga Vatra e Bostonit

January 6, 2024 by s p

Flamur Vezaj/

Sot në ditën e lindjes së dijetarit të madh të kombit shqiptar Peshkop Fan Noli, kryetari i degës së Vatrës në Boston z.Mentor Maksutaj bashkë me disa vatranë, patriotë e aktivistë të komunitetit shqiptar në Boston, zhvilluan një vizitë përkujtimi, nderimi dhe respekti në vendin ku prehet vigani i letrave shqipe! Ata bënë homazhe dhe vendosen buqeta me lule, duke kujtuar me respekt punën e palodhur e kolosale që Peshkop Fan NOLI bëri për Shqiptarinë dhe bashkimin e mërgatës shqiptare të Amerikës pranë Federatës Gjithë Shqiptare Vatra.

z.Maksutaj, si kryetari i degës së Vatrës në Boston, u betua para varrit të Peshkop Nolit, se “ne, komuniteti shqiptar e në veçanti Vatra, do të vazhdojmë të ndjekim rrugën e Nolit, Konicës dhe gjithë patriotëve të tjerë ndër vite, për të mirën e kombit shqiptar” në Amerikë e trojet etnike. Gjatë homazheve, folen edhe vatranët e tjerë të pranishëm, të cilët kujtuan Peshkop Nolin për kontributet e jashtëzakonshme për Federatën Vatra, gazetën Dielli, komunitetin shqiptar, çështjen kombëtare e interesin e kombit në arën ndërkombëtare. Noli dhe Vatra shënuan historinë e shqiptarëve. Vatra ka luajtur një rol të jashtëzakonshëm për kombin shqiptar dhe komunitetin tonë në mërgatën e Amerikës dukë dhënë një kontribut madhështor në historinë e kombit tonë.

Vizita e z.Maksutaj e vatranëve pranë vendit ku prehet Peshkop Noli, ishte e para në cilësinë e kryetarit të zgjedhur të Vatrës në Boston e cila po organizohet në mënyrë të shkëlqyer për të qënë zë i fuqishëm i shqiptarisë në Shtetet e Bashkuara të Amerikës.

Gjithashtu, vatranët bënë homazhe edhe te memoriali i gjeniut të medias Faik Konicës, eshtrat e të cilit pushojnë në Shqipëri.

Bashkë me kryetarin Maksutaj, në homazhet e nderimit ishin edhe vatranët Subi Cako, Petrit Alibeaj, Jorid Çelaj, Flamur Vezaj, Dorjan Tozaj, Neri Mersuli, Lindita e Gëzim Meçe dhe Artur Vrekaj.

Rroftë Vatra, rroftë Dielli.

Rroftë Kombi Shqiptar

Qirinj u ndezën për familjen Morgan të shqiptares Ornela dhe të fëmijëve të vrarë nga i ati polic

January 6, 2024 by s p

Rafael Floqi

“Një mundësi për kujtime”: Vigjilja e Qirinjve e mbajtur për familjen Morgan

Natën e së mërkurës, 3 janar, një komunitet i tronditur dhe i pikëlluar i Clarkstown u mblodh në Germonds Park për të nderuar kujtimin e Ornela, Gabriel dhe Liam Morgan me një vigjilje me qirinj dhe mur përkujtimor. Të organizuar nga miqtë e familjes, rreth 1000 anëtarë të komunitetit, zyrtarë të zgjedhur dhe drejtues të komunitetit morën pjesë për të treguar respektin e tyre për Morganët.

Nëna shqiptare nga Korça dhe dy djemtë (12 dhe 10 vjeç) u gjetën të vdekur në shtëpinë e tyre në New City në orët e para të 30 dhjetorit të një vrasjeje-vetëvrasjeje të dukshme nga dora e babait Watson Morgan, një rreshter në Departamentin e Policisë në Bronxville.

Në këtë fazë të hetimit besohet se Watson vrau gruan dhe dy fëmijët e tij, përpara se të vriste veten me një plagë të vetëshkaktuar me armë zjarri”, thuhet në një deklaratë nga Departamenti i Policisë në Clarkstown.

Rreshteri i Departamentit të Policisë në Bronxville, Watson Morgan, gruaja e tij Ornella Morgan dhe dy fëmijët e tyre, 10 dhe 12 vjeç, u gjetën të vdekur në një vrasje të dukshme-vetëvrasëse.

Watson ishte një oficer në Departamentin e Policisë së Nju Jorkut për shtatë vjet.

“Të jesh këtu sonte ka të bëjë me nderimin e familjes Morgan,” tha Lloyd Poholski, ish-mjeshtri i skautistëve të Gabrielit të Trupave 97. “Ne po shërohemi, jemi të pikëlluar, duke mbështetur njëri-tjetrin. Kjo ka të bëjë me një komunitet që mblidhet së bashku, që dëshiron të ndihmojë dhe nuk është i sigurt se si… Kështu që njerëzit u kapën nga copa (të vigjilencës) vetëm për të qenë pjesë e tij.”

Rreth orës 18:15, mbikëqyrësi i Clarkstown, George Hoehmann filloi duke falënderuar Jacqueline Camilo dhe miqtë e tjerë të familjes Morgan për planifikimin e vigjiljes, si dhe rrethin e shkollës qendrore të Clarkstown, famullinë e Shën Françeskut, Departamentin e Policisë së Clarkstown dhe stafin e Clarkstown. për mbështetjen e tyre.

“Le të jetë sonte një mundësi për ne që të kemi kujtime, të jemi në gjendje të ofrojmë kujtime, të ndajmë ndjenjat tona dhe të dimë se ky është një vend i sigurt për ne për ta bërë këtë,” tha Hoehmann. “Le të fillojmë procesin e kujtimit të këtyre jetëve që kanë qenë të jetuara mirë.”

Anëtarët e Trupave Boy Scout 97, 79 dhe Pack 46 – grupet Scout të Gabriel dhe Liam – më pas dolën në skenë për të filluar ceremoninë. Një performancë homazhe e “Një milion ëndrra” nga filmi i Disney-t “The Greatest Showman” u këndua gjithashtu nga nxënës të shkollës fillore Laurel Plains, ku të dy djemtë morën pjesë dikur.

Një grup folësish – kolegët e Ornelës nga puna e saj si mësuese e teknologjisë në One World Middle School në Bronx, mësuesit e djemve, anëtarët e komunitetit dhe anëtarët e familjes – shprehën mendimet e tyre gjatë gjithë mbrëmjes, duke mos lënë pa përmendur dhënien e Morgans. natyrë e dhembshur. Vigjilja u mbyll më pas me ndezjen e qirinjve dhe një shfaqje fotografish me familjen Morgan, të vendosura në “Engjëll” të Sarah McLachlan.

“Kam humbur një pjesë të fshatit tim,” tha Jacqueline Camilo, mikesha dhe fqinje e Morgans, para turmës. “Por, ndërsa shikoj përreth këtu sot, më kujtohet se të gjithë jemi të bekuar që jemi pjesë e një fshati të madh. E di që është shumë herët për të parë rreshtin e argjendtë, por mund të them me siguri se dy ditët e fundit më kanë treguar se komuniteti ynë mishëron me të vërtetë atë që Morganët kanë qenë gjithmonë – ndihma, mirësia, dhembshuria, ndjeshmëria dhe dashuria. ”

Një fqinj i familjes, i cili kërkoi të mos përmendet emri, tha për New York Post se komuniteti kishte mbetur i tronditur

“Unë kurrë në një milion vjet nuk do të prisja që [ai] të bënte diçka të tillë,” tha gruaja. “Fëmijët ishin gjithmonë këtu duke luajtur jashtë, dhe nëna e tyre ishte thjesht personi më i ëmbël që keni takuar ndonjëherë… Jemi në shok. Të gjithë në këtë komunitet janë të tronditur.”

Shefi i policisë së Bronxville, Christopher Satriale tha në një deklaratë se tragjedia e la departamentin me “zemra thellësisht të thyera për humbjen e pakuptimtë të jetëve të pafajshme”.

“Zemrat tona shkojnë me familjen e zgjeruar të rreshterit Morgan,” tha shefi Satriale. “Mendimet dhe lutjet tona janë gjithashtu me familjen e tij të Departamentit të Policisë në Bronxville.” RF21,338

Members of Boy Scout Troops 97, 79, and Pack 46

From left to right: Pictures of Liam, Ornella and Gabriel Morgan

Targat RKS qarkullojnë lirshëm e hapur nëpër territorin e Serbisë

January 6, 2024 by s p

Albin Kurti/

Në mbledhjen e fundit të qeverisë për vitin 2023, mbajtur më 27 dhjetor, pata kërkuar raportim lidhur me zbatimin e vendimit nga autoritetet e Serbisë për lejimin e lëvizjes së lirë të automjeteve me targa RKS në territorin e Serbisë nga data 1 janar 2024. Nga raporti i policisë sonë e cila ka monitoruar gjithçka me shumë vëmendje jemi njoftuar që kemi zbatim të plotë, dhe se nuk ka pasur incidente a pengesa. Andaj, bazuar në parimin e reciprocitetit si një premisë e rregullimit të marrëdhënieve të shteteve të pavarura, mbrëmë morëm vendim që njësoj të lejohen edhe automjetet që vijnë nga ana tjetër e kufirit me targa të Serbisë. Ky vendim i yni nis të zbatohet me t’u publikuar në Gazetën Zyrtare.

Në rast se Policia e Kosovës ndërkohë pranon raportime nga terreni për ndryshim të qasjes a sjelljes nga autoritetet e Serbisë për lejimin e lëvizjes së lirë të automjeteve me targa të Republikës së Kosovës në territorin e Serbisë, apo pengimin e lëvizjes së lirë në çfarëdo forme, ne do të njoftohemi me kohë dhe do të veprojmë.

Kjo situatë e re i shërben lëvizjes së lirë e të lehtësuar ndërmjet dy shteteve. Por ky vendim fillimisht po vjen pas përdorimit dy vjeçar të çështjes së targave si pretekst nga ana e Serbisë për të tensionuar situatën e sigurisë në veri të vendit tonë; dhe, tash së fundmi, si përpjekje për të ulur kritikat nga bashkësia ndërkombëtare mbi Serbinë pas parregullsive dhe mashtrimeve në zgjedhjet e 17 dhjetorit atje (sidomos në Beograd).

Çështja e targave në Kosovë në shtator të vitit 2021, përdorej për të kërcënuar Kosovën e rajonin edhe përmes aeroplanëve rusë Mig-29 të ngritur në qiell përreth kufirit dhe duke tentuar destabilizim në veri të vendit veçanërisht nëpërmjet 16 barrikadave të cilat ishin ngritur rrugëve të katër komunave veriore për tri javë rresht në dhjetorin e vitit 2022. Kurse në dhjetorin e vitit që porsa lamë pas 2023, ky vetëdiciplinim i Serbisë përdoret për të ulur presionin nga perëndimi demokratik (Bashkimi Evropian, Shtetet e Bashkuara të Amerikës dhe Mbretëria e Bashkuar) mbi Serbinë për zgjedhjet e manipuluara e jodemokratike, por edhe për të mbuluar refuzimin zyrtar të Marrëveshjes Bazike të Brukselit që i ka bërë letra e Kryeministres së Serbisë Ana Bërnabiq drejtuar Këshillit të BE-së me 13 dhjetor, e për të maskuar përgjegjësinë e tyre lidhur me sulmin terrorist e kriminal në Banjskë të Zveçanit me 24 shtator 2023.

Kështu duhet të lexohet ky veprim i Serbisë: manovër e një pushteti jodemokratik për mbijetesë vetjake.

Gjatë gjithë kësaj kohe, qëndrimi ynë për sa i përket çështjes së targave ka qenë i mbështetur në parimin e reciprocitetit, të standardeve ligjore të Bashkimit Evropian që rregullojnë lirinë e lëvizjes së qytetarëve dhe të automjeteve. Do të vazhdojmë të jemi parimor dhe konstruktiv.

See Insights and Ads

Create Ad

Comment

Sot, kujtojmë lindjen e Fan Stilian Nolit (6 janar 1882 – 13 mars 1965)

January 6, 2024 by s p

Muzeu Historik Kombëtar/

Burrë shteti, atdhetar demokrat, klerik i lartë, poet, përkthyes, publicist, dijetar, historian e muzikolog. Fan Noli është një nga figurat më të ndritura të kombit tonë. Fan Noli lindi në Ibrik Tepe në Edrene (Turqi), ku përfundoi dhe shkollën e mesme. Më 1904 shkoi në Egjipt, ku punoi si mësues e gjatë kësaj kohe u njoh me patriotë të shquar të kolonisë shqiptare të Egjiptit. Në këtë kohë përktheu në greqisht veprën e Sami Frashërit “Shqipëria ç`ka qenë, ç’është e ç’do të bëhet”. Më 1907, pas vajtjes së tij në Amerikë, krijoi shoqërinë “Besa-besë” në Boston. Më 9 shkurt 1908 , Fan Noli u dorëzua dhjak dhe në mars 1908, kryeprifti ortodoks i Nju Jorkut e shuguroi prift ortodoks. Disa ditë më pas, Noli mbajti liturgji në gjuhën shqipe për herë të parë në Boston. Në korrik 1919, Noli u zgjodh Peshkop i Kishës Ortodokse Shqiptare në Amerikë. Përpjekjet e Nolit për një kishë kombëtare shqiptare, u përmbushën më 1937, kur Patriarkana e Stambollit njohu zyrtarisht Kishën Ortodokse Shqiptare Autoqefale.

Nga viti 1909 deri më 1911 botoi gazetën “Dielli” dhe së bashkë me Faik Konicën themeloi më 1912 Federatën Panshqiptare Vatra të Amerikës. Në vitin 1912 përfundoi studimet e larta në fakultetin e filozofisë në Universitetin e Harvardit dhe vite më vonë, më 1938 mbaroi studimet e larta në Konservatorin e Muzikës së Bostonit. Në vitin 1920 Noli u zgjodh kryetar i delegacionit shqiptar në Lidhjen e Kombeve në Gjenevë, ku nëpërmjet antarsimit të Shqipërisë në këtë lidhje, Shqipëria mori një njohje ndërkombëtare. Në 1921 ai botoi veprën e rëndësishme “Historia e Skënderbeut”. Në qershor 1924, Fan Noli u bë figurë udhëheqëse në luftën për shndërrime demokratike në shoqërinë shqiptare. Me fitoren e Lëvizjes së Qershorit (1924), u vu në krye të qeverisë demokratike si kryeministër për një periudhë 6-mujore.

Përveç veprimtarisë shumë të rëndësishme politike, poetike e publicistike, gjatë këtij dhjetëvjeçari Noli përktheu tragjeditë e Shekspirit, Rubairat e Omar Khajamit, romanin “Don Kishoti” të Servantesit etj.. Fan Noli u shua më 13 mars 1965 në Ford Laurderdale, Florida të SHBA-së.