Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

FAMILJA E VATRANIT HUMB VAJZËN 23 VJEÇARE, VATRA-PJESË E DHIMBJES

by

Sot  u përcoll për në varreza 23 vjeçarja Heroina (Rina) Qelaj (Çelaj).Kryetari i Federatës Panshqiptare të Amerikës”VATRA” z. Elmi Berisha mori pjesë në ceremoninë e varrimit.

Nga Dalip GRECA

Familja e Idriz dhe Teuta Qelaj(Çelaj), me vajzat e djalin, me miqtë dhe të afërmit,mbarë komuniteti shqiptar në SHBA e Europë e vendlindje, që prej 31 tetorit 2020, vazhdojnë të përjetojnë dhimbjen që u shkaktoi ndërpreja në vitin e 23 të jetës të vajzës së tyre të dashur Heroina Qelaj.

  Rina, siç e njihnin në jetëne  përditshme, ish një vajzë e dashur, e ëmbël, e mençur, që shkëlqente në jetë. Duke qenë se vinte nga një familje emigrante, që për të realizuar ëndrrën amerikane e kishte lënë Kosovën sepse rrezikohej jeta nga aktiviteti politik e atdhetar I kryefamiljarit, Rina, motrart dhe vëllai, kishin bërë gjithçka që të studionin fort, të shkëlqenin në mësime, të bëheshin të mbarë këtu në vendin e lirisë. Aventura plot vuajtje e familjes,nga Kosova në Ulqin, më pas në Hungari, Zvicër, Argjentinë, në Miami, dhe akomodimi në Nju Jork, kujtoheshin shpesh kur mblidheshin bashkë.

Dhe fëmijët u bënë të mbarë duke ua shpërblyer vuajtjet prindërve të tyre. Ata shkëlqyen në mësime dhe në sport.

    Dikur, në një shkrim kushtuar babait te saj, vatranit Idriz Çelaj, botuar në Gazetën DIELLI,5 nëntor 2012, tek prezantoja fëmijët e Idriz dhe Teuta Çelaj, pata shkruar:” Heroina (Rina, siç e thërrasin në shkollë), është në ballin e shkollës. Rina  është më rezultativja nga motrat për volejbollin. Shquhet për teknikën e lartë. Vitin e kaluar, skuadra e saj u shpall e dyta në kampionatin e shkollave të mesme. Nisur nga pasioni, teknika që zotëron, vullneti në stërvitje dhe shpirti i garës gjatë lojës, ajo është e vetmja që edhe pse nuk e ka moshën, luan me ekipin e të rriturave….”

           Rina këto kohët e fundit ishte transferuar në Porto Riko për të ndjekur ëndrrat si traienre, si dhe për të filluar linjën e saj të veshjeve të fitnesit. Ajo po punonte gjithashtu në një kompani lëngjesh dhe po fillonte të çertifikohej në shkollimin në shtëpi. Ajo thoshte se ishte shumë e lumtur. Në shtëpi në NY, ajo ishte po ashtu, një trajnere shumë e kërkuar, falë pasionit dhe vullnetit të saj. Rina kërkonte pozitivitet në jetë, për vete dhe të tjerët, ishte kundër negativitetit, shkëleqente në jetën komunitare. Kishte si pasion-eksplorimin e Botës. E kishte ëndërr këtë, do ta realizonte një ditë! Por, ah, fati është i pamëshirshëm, i pashmangshëm. Me 31 tetor ndodhi tragjedia e tmerrshme, që i mori jetën dhe që pikëlloi prindërit, motrat, vëllanë dhe të gjithë të dashurit.

            E përjetoi me dhimbje këtë tragjedi i gjithë komuniteti shqiptar këtu në New York dhe përmes vizitave në funeral, mesazheve në rrjetet sociale, dhe sot gjatë ceremonisë së varrimit, i përcollën ngushëllimet më të thella familjarëve.

             Kryetari i Federatës Panshqiptare të Amerikës”VATRA” z. Elmi Berisha mori pjesë në ceremoninë e varrimit dhe ngushëlloi vatranin Idriz Çelaj, bashkshorten Teutë dhe të familjarët e miqtë!

Gazeta”Dielli” i shpreh ngushëllimet më të thella bashkëpunëtorit të saj, poetit, regjisorit, Idriz Çelaj!

Pusho në Paqe RINA!

JA KUSH E KRIJOI VAKSINEN KUNDER KORONAVIRUSIT

by

Sahin i tha Reuters sot se ai arriti në një “shkallë të jashtëzakonshme suksesi”, por që nuk e dinte në fillim të vitit se sa e vështirë do të ishte kjo sfidë…/

Të dhënat premtuese për vaksinën anti-Covid të BioNTech dhe kompanisë amerikane Pfizer Inc janë një sukses i merituar për çiftin që qëndron pas firmës gjermane të bioteknologjisë. Gjithë jetën e tyre ia kanë kushtuar përpjekjeve në luftën kundër kancerit.Shefi Ekzekutiv i BioNTech, Ugur Sahin, është djali i një emigranti turk. Një 55-vjeçar, që tani është në mesin e 100 gjermanëve më të pasur, së bashku me gruan e tij Oezlem Tuereci, 53-vjeç.

“Pavarësisht arritjeve të tij, ai kurrë nuk ndryshoi nga të qenit tepër i përulur dhe i ndjeshëm,” tha Matthias Kromayer, anëtar i bordit të MIG Verëaltungs AG (MIG AG) një nga investitorët kryesorë të kapitalit sipërmarrës në Gjermani. Fondet e të cilit kanë mbështetur BioNTech që nga fillimi i saj në 2008, informon dritare.net.

Ai shtoi se Sahin zakonisht shkonte në takime biznesi i veshur me xhinse. Mbante gjithmonë një çante shpine, dhe lëvizte me biçiketë.

Duke ndjekur ëndrrën e tij të fëmijërisë për të studiuar mjekësinë dhe për t’u bërë një mjek, Sahin punoi në spitalet në Këln dhe qytetin jugperëndimor të Homburgut, ku u takua me Tuereci-n gjatë fillimit të karrierës së tij. Kërkimet në fushën e mjekësisë, dhe onkologjia u bënë një pasion i përbashkët.

Tuereci, vajza e një mjeku turk i cili kishte emigruar në Gjermani, tha në një intervistë se edhe ditën e dasmës së tyre, të dy morën kohë për të bërë një punë në laborator, informon dritare.net.

Jeta si sipërmarrës filloi në 2001 kur ata krijuan Ganymed Pharmaceuticals për të zhvilluar antitrupa kundër kancerit.

Historia e BioNTech mori një kthesë kur Sahin në janar u ndesh me një letër shkencore për një shpërthim të ri të koronavirusit në Wuhan.

BioNTech caktoi shpejt rreth 500 punonjës për të punuar për disa ilaçe, duke fituar gjigantin e farmacisë Pfizer dhe prodhuesin e ilaçeve kineze Fosun si partnerë, në mars.

Sahin i tha Reuters sot se ai arriti në një “shkallë të jashtëzakonshme suksesi”, por që nuk e dinte në fillim të vitit se sa e vështirë do të ishte kjo sfidë./L.F-dritare.net

***

NJOFTIMI I BBC PER KRIJIMIN E VAKSINES

Burimi: BBC

Vaksina e parë kundër koronavirusit mund të parandalojë që më shumë se 90% e njerëzve të infektohen me Covid-19, tregon një analizë paraprake.

Zhvilluesit e vaksinës, Pfizer dhe BioNTech e përshkruan të sotmen një “ditë të madhe për shkencën dhe njerëzimin”.

Vaksina e tyre është testuar në 43,500 njerëz në gjashtë vende dhe nuk ka pasur asnjë shqetësim për sigurinë e saj, informon dritare.net.

Kompanitë planifikojnë të aplikojnë për të miratuar përdorimin emergjent të kësaj vaksine, deri në fund të muajit.

Pfizer beson se do të jetë në gjendje të furnizojë 50 milionë doza deri në fund të këtij viti dhe rreth 1.3 miliardë deri në fund të 2021.

Prof Ugur Sahin, një nga themeluesit e BioNTech, i përshkroi rezultatet si një “moment historik”.

Sidoqoftë ka ende sfida. Të dhënat e paraqitura nuk janë analiza përfundimtare. Studimet janë bazuar te 94 vullnetarët e parë.

Kompanitë thonë se do të kenë të dhëna të mjaftueshme deri në javën e tretë të nëntorit. Deri atëherë nuk është e mundur që vendet të fillojnë vaksinimin. Britania e Madhe tashmë ka porositur 30 milionë doza./L.F-dritare.net

Kosova ka qenë viktima dhe Serbia agresori

by

-Beogradi dështoi të largojë simbolet e Kosovës nga Samiti i Procesit të Berlinit në Sofje, Ministrja Haradinaj-Stublla foli për Gjykatën Speciale, luftën e pastër të UÇK-së dhe krimet e pandëshkuara të Serbisë/    
PRISHTINË, 9 Nëntor 2020-Gazeta DIELLI/ Në takimin e Ministrave të Punëvë të Jashtme të shteteve anëtare të Procesit të Berlinit, përkundër insitimit të Serbisë, flamuri i Republikës së Kosovës qëndroi si “mirëseardhje” për ministrin e ri serb, i cili duhet të mësohet dhe adaptohet me simbolet e shtetit të Kosovës.


Në këtë takim virtual, Ministrja e Punëve të Jashtme e Republikës së Kosovës, znj.Meliza Haradinaj-Stublla, në fjalimin e saj, qysh në fillim ua bëri me dije homologëve se Serbia nuk mundet dhe nuk duhet lejuar që të sabotojë marrëdhëniet e mira ndërfqinjësore në rajon.

Duke falënderuar bashkëkryesuesit nga Bullgaria dhe Maqedonia Veriore për organizimin e Samitit të Sofjes, Ministrja Haradinaj-Stublla theksoi nevojën e diskutimit të sinqertë të sfidave reale që pengojnë rajonin në integrimin përmbajtësor drejt strukturave evropiane, dhe ato që pengojnë raportet dhe trajtimin simetrik të të gjitha shteteve të Ballkanit Perëndimor.

Ministrja foli edhe për Gjykatën Speciale dhe luftën e drejtë të Ushtrisë Çlirimtare të Kosovës, për krimet e kryera në Kosovë nga ushtria dhe policia serbe dhe ende të pandëshkuara nga Serbia, si dhe zhvillimet tjera me rëndësi për Kosovën dhe rajonin.    

“Kosova nuk mund të sillet sikur nuk po ndodh asgjë me të dhe rreth saj”, tha shefja e diplomacisë kosovare, duke vënë theksin tek zhvillimet e fundit të Gjykatës Speciale. “Gjatë luftës së fundit, Kosova ka qenë viktima dhe Serbia agresori – dhe asnjë pretendim NUK mund ta ndryshojë këtë raport asimetrik, të njohur tanimë ndërkombëtarisht. Ushtria Çlirimtare e Kosovës dhe lufta e drejtë e vetëmbrojtëse e popullit të Kosovës ishte e pastër, fisnike, dhe e drejtë – kundër regjimit gjenocidal të Millosheviqit, dhe do të vazhdojë fuqishëm të dëshmojë dhe vulosë përfundimisht pastërtinë e saj”.

Ministrja Haradinaj-Stublla, në këtë kontekst, kërkoi drejtësi ndërkombëtare për krimet ende të pandëshkuara të Serbisë në Kosovë. Ajo vuri paralele tek Serbia – e cila ende nuk ka kërkuar falje, ende nuk ka pranuar krimet, dhe ende nuk ka heqë dorë nga mosndëshkueshmëria – si politikë shtetërore – vazhdimësi e trashëgimisë kriminale të Millosheviqit.

Ministrja përmendi rastin skandaloz të kriminelit Rajko Kozllinës, i cili ka vazhduar të jetë anëtar ushtrisë serbe edhepse i dënuar për krime lufte për masakrën e Tërnjës, dhe i cili ende vazhdon të mbrohet nga aparati shtetëror serb duke e lejuar t’i ikë vuajtjes së dënimit.

Duke folur për Procesin e Berlinit, Ministrja Haradinaj-Stublla tha se progresi nga implementimi i arritjeve – që mban vulën e Kancelares Merkel – është i rëndësishëm, porse Kosova nuk do të lejojë trajtim të pabarabartë brenda formatit të bashkëpunimit rajonal.

Mospranimi i realitetit politik e ligjor i Republikës së Kosovës nga ana e Serbisë, mospërmbushja e obligimeve të dala nga zotimet e mëhershme të Procesit të Berlinit nga Serbia, si dhe të atyre që ndërlidhen me marrëveshjet e Brukselit, e mbajnë peng bashkëpunimin e plotë rajonal.

Para se të synohet lëvizja e lirë e qytetarëve, mallërave, dhe kapitalit, Ministrja Haradinaj-Stublla tha se kërkohet që Serbia të zbatojë plotësisht dhe efektivisht marrëveshjen e Brukselit për lëvizjen e lirë, t’i njoh dokumentet e Kosovës, targat RKS, dhe të mundësojë lëvizjen e papenguar të qytetarëve të Kosovës përmes zbatimit të obligimeve për funksionalizim të 4 pikëkalimeve kufitare Kosovë-Serbi, sipas marrëveshjes për IBM.

Duke përmendur edhe shkeljet që Serbia në vazhdimësi i bën duke keqpërdorur Interpolin për të lëshuar fletarreste ndërkombëtare me akuza të fabrikuara kunder shtetasve të Kosovës, Kryediplomatja Haradinaj-Stublla kërkoi nga bashkë-kryesuesit të respektohen dy Deklaratat e Përbashkëta të Samitit të Londrës 2018, mbi personat e pagjetur dhe krimet e luftës, dhe të përfshihen të plota në konkluzionet e Samitit të Sofjes.

LIGA QYTETARE SHQIPTARO-AMERIKANE PER FITOREN E JOE BIDEN

by

-Liga Qytetare Shqiptaro-Amerikane luajti një rol të veçant në rikujtimin për shqiptaro-amerikanët se cilat ishin përpjekjet e vazhdueshme të Joe Biden për të sjellë Sllobodan Millosheviqin në Tribunalin për Krime të Luftës në Hagë, për të sjellë pavarësinë e Kosovës, dhe për të përkrahur lirinë për të gjithë shqiptarët në Evropën Juglindore./

FOR IMMEDIATE RELEASE /

New York, 7 November 2020—As you know, after a very hard-fought campaign and a record voter turnout, Vice President Joe Biden has won his race to become the 46th President of the United States. 

In three battleground states—Michigan, Pennsylvania, and Wisconsin—Albanian Americans played a key role in the election of Joe Biden.  From the time that Biden announced his run for the presidency in April 2019, the Albanian American Civic League played a pivotal role in reminding Albanian Americans of Joe Biden’s efforts to bring Slobodan Milosevic to the War Crimes Tribunal in The Hague, to push for Kosova’s independence, and to support the freedom of all Albanians in Southeast Europe.

In the spring of 2019, the Civic League established a platform in support of Joe Biden’s presidential race (www.albaniansforbiden.com) run by our colleague and Executive Board Member of the Civic League, Faton Bislimi, and early in 2020, Joe DioGuardi officially joined US Former Republican Members of Congress for Biden for President.

For the past year, we reminded Albanian Americans that the Civic League worked with Joe Biden to stop Milosevic’s 1991 war in Bosnia and Croatia and to respond to the Serbian summer offensive against Kosova in 1998 by gaining international support for the US/NATO bombing of Serbia in 1999.  The Civic League continued to support Joe Biden in the Senate Committee on Foreign Relations until he became Barak Obama’s Vice President in 2006. 

Here are just some of the highlights of our efforts:

Joe DioGuardi testified at Biden’s Senate Foreign Relations Committee hearings on Kosova in 1991 and 1998.  In 2001, Joe and Shirley DioGuardi introduced Joe Biden to the Civic League Board of Directors and supporters at an historic three-hour meeting about Kosova at the Columbus Citizens Foundation in New York City.  In 2002, Joe Biden was the keynote speaker at the celebration of the 12th anniversary of the Albanian American Civic League in the Sheraton Hotel in Manhattan.  Later that year, the Civic League gave Joe Biden the Civic League’s second annual Balkan Peace Award at the Capitol Hill Club in Washington, DC, in recognition of his continuing efforts to bring a just and lasting peace to Southeast Europe.

Our relationship with Joe Biden has nothing to do with political party affiliations.  For thirty years, the Albanian American Civic League has worked with Members of Congress on both sides of the aisle in the House and Senate.

Our working relationship with Joe Biden is the result of his being there for the Albanian people worldwide whenever he was most needed.  He played a visible and impressive role in achieving independence for Kosova, and we are confident that, as President, he will restore America’s close relationship with the European Union and NATO and achieve Kosova’s Euro-Atlantic integration.  Finally, we are confident that President Joe Biden will work for the final resolution of the Serbian-Albanian conflict.
 
Shirley Cloyes DioGuardi             Joe DioGuardi
Balkan Affairs Adviser                   President

Albanian American Civic League (AACL)
www.aacl.com
PO Box 70
Ossining, NY 10562
USATel: 914-762-5530
Fax: 914-762-5102

***

PER PUBLIKIM TE MENJEHERSHEM

New York, 7 Nëntor 2020—Siç e dini, pas një fushate të vështirë dhe një numri record të pjesëmarrësve në zgjedhje, ish-Zëvendës Presidenti Joe Biden ka fituar garën për t’u bërë Presidenti i 46-të i Shteteve të Bashkuara.

Në tri shtete fushëbeteje zgjedhore Miçigan, Pensilvani, dhe Uiskonsin-shqiptaro-amerikanët luajtën një rol kryesor në zgjedhjen e Joe Biden. Nga koha kur Biden i hyri garës për president në Prill 2019, Liga Qytetare Shqiptaro-Amerikane luajti një rol të veçant në rikujtimin për shqiptaro-amerikanët se cilat ishin përpjekjet e vazhdueshme të Joe Biden për të sjellë Sllobodan Millosheviqin në Tribunalin për Krime të Luftës në Hagë, për të sjellë pavarësinë e Kosovës, dhe për të përkrahur lirinë për të gjithë shqiptarët në Evropën Juglindore.

Në pranëverën e vitit 2019, Liga Qytetare lansoi një platformë përkrahëse për garën presidenciale për Joe Biden (www.albaniansforbiden.com) të udhëhequr nga kolegu ynë dhe anëtari ekzekutiv i bordit të Ligës Qytetare, Faton Bislimi, si dhe në fillim të vitit 2020, Joe DioGuardi zyrtarisht iu bashkangjit grupit të ish-Kongresistëve Republikan në përkrahje të Biden për President.

Gjatë gjithë kësaj kohe, ne ua kemi rikujtuar shqiptaro-amerikanëve që Liga Qytetare ka punuar ngusht më Joe Biden për të ndaluar luftën e Millosheviqit në Bosnjë e Kroaci më 1991, si dhe për t’iu përgjigjur ofansivës serbe të verës 1998 kundër Kosovës duke siguruar përkrahje ndërkombëtare për bombardimin e Serbisë nga SHBA/NATO më 1999. Liga Qytetare vazhdoi të përkrahë Joe Biden në pozitën e tij në Komitetin për Punë të Jashtme të Senatit deri sa ai u bë Zëvendës President i Barack Obamas në vitin 2006.

Në vijim po fokusojmë vetëm disa nga punët tona me Biden:

Joe DioGuardi ka dëshmuar në disa dëgjime para Senatorit Biden në Komitetin për Punë të Jashtme të Senatit si më 1991 dhe 1998. Më 2001, Joe dhe Shirley DioGuardi prezantuan Joe Biden para anëtarëve të bordit dhe përkrahësve kyç të Ligës Qytetare në një takim historik tri-orësh për Kosovën në Columbus Citizens Foundation në New York City. Më 2002, Joe Biden ishte folësi kryesor në solemnitetin për shënimin e 12 vjetorit të Ligës Qytetare Shqiptaro-Amerikane në Sheraton Hotel në Manhattan. Më vonë atë vit, Liga Qytetare i ndau Joe Biden Çmimin e dytë vjetor e Ligës Qytetare për Paqe në Ballkan në Capitol Hill Club në Washington, DC, në vlerësim të angazhimit të tij për të sjellë paqe të drejtë dhe të qëndrueshme në Evropën Juglindore.

Marrëdhënja jonë me Joe Biden nuk ka të bëjë fare me përkatësinë partiake. Për tridhjetë vite, Liga Qytetare Shqiptaro-Amerikane ka punuar me Anëtarë të Kongresit nga të dyja taborret politike partiake si në Senat ashtu edhe në Dhomën e Përfaqësuesëve.

Puna jonë me Joe Biden është rezultat i faktit që ai u gjend pranë popullit shqiptar kudo dhe kurdo që ne kishim nevojë për të. Ai luajti një rol të dukshëm dhe impresiv në arritjen e pavarësisë së Kosovës, dhe ne jemi konfidentë që ai, si President, do të rindërtojë marrëdhënjet e afërta të SHBA-ve me BE-në dhe NATO-në, dhe do të sjellë integrimin evro-atlantik të Kosovës. Së fundi, ne jemi konfidentë se Presidenti Joe Biden do të punojë për zgjidhjen përfundimtare të konfliktit shqiptaro-serb.

Shirley Cloyes DioGuardi                        Joe DioGuardi
Këshilltare për Çështjet e Ballkanit          Presidenti

Albanian American Civic League (AACL)
www.aacl.com
PO Box 70
Ossining, NY 10562
USATel: 914-762-5530
Fax: 914-762-5102

LUFTA E UÇK E DREJTË DHE E PASTËR. GJYKATA SPECIALE SHEMBI SHTETIN E KOSOVËS

by

Komandant i UÇK Hajdin Balaj i njohur me nofkën (Bokseri), vëllai i dëshmorit të Atdheut Milazim Balaj, Kryetari i Organizatës së Veteranëve të Luftës së UÇK-së në Klinë, Kosovë, në një rrëfim ekskluziv me gazetarin Sokol Paja, për gazetën Dielli, Organ i Federatës Panshqiptare të Amerikës VATRA, New York, deklaron se populli i Kosovës nuk do ta njohë kurrë Gjykatën e padrejtë Speciale. Një gjykatë sipas tij kundër luftës dhe kundër interesit kombëtar të shtetit të Kosovës. 

Komandant (Bokseri) Hajdin Balaj, vëllai i dëshmorit të Atdheut Milazim Balaj, Kryetari i Organizatës së Veteranëve të Luftës së UÇK-së në Klinë, Kosovë, pas konfirmimit të aktakuzave ndaj ish ushtarëve të UÇK-së, presidentit të vendit, Hashim Thaçit, ish kryeparlamentareve Kadri Veseli dhe Jakup Krasniqit dhe deputetit të Kosovës, Rexhep Selimit, ka kundërshtuar me forcë si qytetar i Republikës së Kosovës, si luftëtar që shtetit të Kosovës i ka dhënë dëshmorë në familje, si pjesëmarrës në luftë për liri dhe pavarësi, aktin e pashembullt të Gjykatës me mandate të përfunduar. Komandant Balaj edhe si anëtar i kryesisë së Organizatës së Veteranëve në nivel Kombëtar ka theksuar se arrestimet janë fundosje jo e individëve por një shkatërrim me themel i institucioneve të Kosovës. Sipas z.Balaj konfirmimi i aktakuzave është një padrejtësi e madhe që po i bëhet luftëtarëve të UÇK-së të cilët janë simbol i lirisë dhe sakrificës sublime për Atdhe.


Komandant Balaj deklaron se lufta e UÇK-së ka qenë e drejtë dhe e pastër dhe se Serbia erdhi e bëri krime të pashembullta në Kosovë dhe jo shqiptarët e Kosovës shkuan e luftuan në Serbi.

Kryetari i OVL UÇK në Klinë, Hajdin Balaj, ka denoncuar se bashkësia ndërkombëtare me veprimet e fundit po bën një tradhti të ndyrë ndaj shtetit dhe qytetarëve të Kosovës. Drejtësia ndërkombëtare në Kosovë, nuk po bën asgjë më shumë veçse po organizon komplote kundër luftëtarëve të Ushtrisë Çlirimtare të Kosovës e cila është e pastër si drita e diellit. Sipas komandant Balaj, Gjykata akuzon padrejtësisht se UÇK ka kryer krime mbi katolikët e Kosovës të cilët ne i kemi vëllëzer dhe kemi luftuar bashkarisht në mbrojtje të territorit e simboleve tona kombëtare. Kjo është një akuzë përçarëse dhe e poshtër. Ne kemi vetëm një komb. Ne kemi qënë dhe do të jemi gjithmonë bashkë në luftë për liri, dinjitet dhe prosperitet të popullit tonë. Armiku ynë ka qene Serbia jo vëllezërit tanë katolikë. Kjo tentativë ndasie në mes qytetarëve të Kosovës është një ndyrësi e rëndë. Tentativa e poshtër e ndërkombëtarëve sdo na përçajë dot. Komandant Hajdin Balaj thotë se Gjykata Speciale ka mandat të përfunduar dhe se procedurat e arrestimit të udheheqësve të luftës nuk janë asgjë më shumë veçse rrënimi i simboleve të luftës së UÇK dhe shkatërrim i shtetit të Kosovës. Është totalisht në shkelje të të drejtave të njeriut si procedurë. Është një tradhti. Është një pabesi e flliqtë. Sipas Balajt kanë mbledhur 150 mijë firma të qytetarëve të Republikës së Kosovës të cilat janë dërguar në Bruksel, të cilët kundërshtojnë këtë Gjykatë e cila është një maskaradë në dëm të shtetit dhe të popullit të Kosovës. Sipas Balajt UÇK nuk kreu krime, por mbrojti popullsinë civile të pafajshme nga dhuna e represioni e genocidi serb. Lufta e UÇK ishte për vetmbrojtje dhe se çdo veprim ka ardhur si nevojë e domosdoshme dhe urgjente për të mbojtur kombin, shtetin e popullin e pambrojtur të Kosovës prej ofensivës dhe masakrave serbe. Sipas Hajdin Balajt specialja do të dështojë në këtë drejtim të dërrmimit të institucioneve, vjedhjes së qytetarëve të Kosovës, rrëmbimit të dhunshëm e të padrejtë të individëve dhe se të gjithë luftëtarët e UÇK-së, përfshirë Thaçin, Veselin, Krasniqin, Selimin, Mustafën, Ngucatin e Haradinajn, do të dalin të pastër dhe faqebardhë në përballje me drejtësinë e padrejtë ndërkombëtare.