dgreca – Page 4362 – Dielli

SHQIPTARËT E AMERIKËS SAPO E KANË NISË FUSHATËN PËR NDËRTIMIN E SHTËPIVE NË KOSOVËN LINDORE

October 12, 2014 by dgreca

Mhill Velaj, Halit Nezaj, Remzi Jakupi-REMI, dhuruan nga 500 dollarë. Pati dhe dhurime të tjera…./
Ashtu sic ishte njoftuar edhe nga Gazeta Dielli online, të Dielën më 12 tetor 2014, në orën 1 pm, nisi takimi i komunitetit shqiptar me përfaqësuesit e Fondit Humanitar të Kosovës Lindore, ardhur nga Zvicra. Takimi u organizua në Monroe College.
Këtë atkim e ka moderuar poetja Makfire Canolli, e cila ka prezantuar mysafirët dhe u ka uruar mirëseardhjen pjesmarrësve.
Ndërkohë në ekrane,është shfaqur montazhi i ekranizuar me vargjet e Mitrush Kutelit:”Të dua baltë shqiptare”, falë kontributit teknik të pedagogut të Monroe College, Haxhi Berisha, i cili siguroi dhe një nga auditorët e kolegjit për takimin me mysafirët shqiptar nga Zvicra.
Adnan Mehmeti, president i shoqatës së Shkrimtarëve Shqiptaro-Amerikanë, i lindur në Bujanoc, ka përshëndetur bashkëvendasit dhe ka bërë thirrje për ta mbështetë aksionin e ndërtimit të 100 shtëpive në Kosovën Lindore, për t’i thënë JO, shpërnguljes së shqiptarëve të atjeshëm dhe për të lehtësuar jetën, brengat e varfërisë të banorëve të Luginës së Preshevës, Bujanocit dhe Medvegjës.
Kryetari i Vatrës, dr. Gjon Bucaj, e ka vlerësuar këtë inisiativë të bashkadhetarëve tanë në Zvicër dhe ka bërë thirrje për ta mbështetë atë. Ai është ndalë gjatë në thelbin kombëtar të kësaj Lëizje Paqsore, që ka nevojë për solidaritet mbarëkombëtar.
Kryetari i Shoqatës së Kosovës Lindore në New York, Shaban Memeti, ka shprehur sigurinë se jo vetëm shqiptarët e Amerikës që janë me origjinë nga Kosova Lindore,(edhe pse ata ishin fare të pakët në këtë takim), por mbarë shqiptarët e të gjitha trojeve amtare, që jetonë në Amerikën Veriore, do t’i thonë “PO” këtij aksioni Kombëtar, që synon të ndalojë shpërnguljen e shqiptarëve nga varfëria dhe papunësia. Së paku t’u sigurojmë njerëzve një kulm mbi kokë, një shtëpi për të jetuar e për t’u lindë shpresat e një jete më të mirë, tha Memeti.
Editori i Gazetës Dielli, Dalip Greca, shfaqi brengosjen e mospjesmarrjes të më shumë bashkadhetarëve dhe organizatave që kanë në programet e tyre cështjen kombëtare. Ky aksion kombëtar, tha ai,përbën një problem madhor kombëtar, që kërkon më shumë përkushtim.Diaspora shqiptare në Amerikë, që e ka treguar veten, nuk mund t’i shmanget. Kombi nuk duhet vec me fjalë. Njoftimi është publikuar me kohë. Është ende në media, mirëpo vetë media e komunitetit nuk është sot e gjitha këtu? Ku janë patriotët? Ne shqiptarët e Amerikës, duhet ta vzhdojmë këtë mision, të vëllezërve tanë që kanë ardhë nga Zvicra si Misionarë Kombëtar, me qëllim që; ata bashkombas që nuk janë këtu për mungesë infromacioni, të bëhen pjesë e aksionit Kombëtar, ndërsa ata që i janë shmangur, të skuqen nga mosqenia këtu sot.
Shaban Lajci dhe Tom Gjergji kanë recituar vargje me ndjenja kombëtare dhe janë duartrokitë. Po ashtu edhe poetja Makfire Canolli.
Kryetari i Fondit Humanitar të Kosovës Lindore, me qendër në Zvicër, Xhelal Memeti, ka dhënë një informacion të zgjeruar të Fondit, i cili ka 16 vite që funksionon dhe ka ardhur duke e rritur veprimtarinë e vet. Kemi marrë aksionin e ndërtimit të 100 shtëpive në Kosovën Lindore, për t’i thënë ndal shpërnguljes, por kemi ndërtuar deri tani 32 shtëpi, tha Memeti. Janë pak për atë cfarë synojmë 32 shtëpi, prandaj kemi ardhë këtu që të kërkojmë ndihmën e vëllezërve dhe motrave tona në Amerikë, nisur edhe nga përvoja historike ndër vite që ka diaspora në Amerikë.
Apeli i kryetarit Xhelal Memeti ka qenë i drejtëpërdrejët. Këtij apeli i kanë mëshuar edhe bashkëudhetarët e tij nga Zvicra, pjesë e kryesisë- Adnan Imeri-sekretari dhe Skënder Ismaili-arkëtari i Fondit, të cilët kanë konkretizuar moton e këtij aksioni Kombëtar:” ”TË NDËRTOJMË, TË SHPËTOJMË, TË PARANDALOJMË”!….
Në fund nisën dhurimet për këtë aksion Kombëtar : Mhill Velaj, Halit Nezaj, Remzi Jakupi-REMI, dhuruan nga 500 dollarë. Pati dhe dhurime të tjera. Aksioni Kombetar vecse sa është hapur, ai do te vazhdojë. Mund të lidheni edhe me Shoqatën e Kosovës Lindore në New York, kryetarin e saj Shaban Memeti ose … Për më shumë www.fondihumanitar.com (Korresp i Diellit)

***
Baltes Shqiptare/
nga Mitrush Kuteli/
Të dua, baltë shqiptare!
të dua
egërisht,
dëshpërimisht –
si ujku pyllin,
si vala valën,
si balta baltën!

Se gjer mbi gju
jam brenda teje;
se lerë kam këtu
si ati,
gjyshi,
stërgjyshi.

Të dua, baltë shqiptare
se gjer mbi bel
dhe përmbi bel.
jam brenda teje;
se lerë kam këtu
si ati,
gjyshi,
stërgjyshi
……………….

100 SHTËPI PËR KOSOVËN LINDORE

October 12, 2014 by dgreca

Fondi Humanitar i Kosovës Lindore (Preshevë, Bujanoc, Medvegjë) : Ndërtimin e 100 shtëpive në 3 komunat e Kosovës Lindore/
Intervistë e posaçme me kryetarin e “Fondit Humanitar për Kosovë Lindore” z. Xhelal Memeti dhe Sekretarin e Përgjithshëm Adnan Imeri – më selinë e saj në Zvicër/
NEW YORK : Një tubimi ky lidhur me aksionin që ka për synim të sensibilizojë opinionin e gjerë shqiptaro-amerikan për nismën e Fondit për ndërtimin e 100 shtëpive në 3 komunat e Kosovës Lindore, mbahet sot në Nju Jork. “Aksioni deri tani ka rezultuar i suksesshëm” , thanë në një intervistë të posaçëme për gazetën kombëtare Bota, sot, dy udhëheqësit e këtij delegacioni në SHBA, kryetari i “Fondit Humanitar për Kosovë Lindore” z. Xhelal Memeti dhe Sekretarin e Përgjithshëm Adnan Imeri – më selinë e saj në Zvicër.
“Brenda një viti ka filluar ndërtimi i më se 30 shtëpive falë ndihmave nga bashkëatdhetarët anembane trojeve shqiptare dhe në Diasporë” thonë ata.
Ata thonë se në këtë rast në SHBA-, synimi i këtij aksioni është të arrihet në një kohë sa më të shkurtër që të jetë e mundur.
Zoti Mehmeti dhe Imeri dy drejtuesit e lartë të fondit janë të bindur se ky aksion dhe aksionet e tjera që do të pasojnë, do të jenë në funksion të shërbimit të popullatës në Preshevë,Bujanoc dhe Medvegjë.
Ata thanë se motoja e aksionit që ka promovuar Fondi, „Të ndërtojmë, Të shpëtojmë, Të parandalojmë“ ka për qëllim që të parandalojë shpërnguljen e popullatës nga trevat tona shqiptare në Preshevë, Bujanoc dhe Medvegjë.
Ndërkohë ata i thanë gazetarit tonë në SHBA – Beqir SINA ata zhvilluan këtë intervistë se nga bashkë-atdhetarët tanë në SHBA mirëpresin çfarëdo lloj ndihme në funksion të jetësimit të këti aksioni që ka nisur një vitë më parë.
Fondi Humanitar i Kosovës Lindore (Preshevë,Bujanoc, Medvegjë) po organizon sot në New York, një tubim „Ta shpëtojmë Preshevën,Bujanocin dhe Medvegjën “, me pjesëmarrjen e strukturave të organizuara dhe publikut të hapur në hapësirën e SHBA. Së pari cili është fondi juaj ?
-Fondi Humanitar i Kosovës Lindore (Preshevë,Bujanoc,Medvegjë)është institucion financiar, i themeluar para 17 viteve nga bashkkombas tanë në Zvicër, shtetin ku më së shumti jetojnë e punojnë bashkëkombasit tanë nga Kosova Lindore.
Cili është qëllimi i këtij tubimi dhe i viizitës suaj në SHBA ?
-Qëllimi i vizitës të drejtuesve të Fondit humanitar të Kosovës lindore në SHBA dhe organizimi i tubimit është së pari informativ,të njoftoj komunitetin me projektin e tij aktual që ka përmasat mbarëkombetare dhe si i till të plasohet në diasporë.
A mundesh me shpjeguar se si ka lindur kjo ide apo nismë, për të ndihmuar Luginën e Preshevës në këtë mënyrë ?
Në fillim të viti 2013 duke parë situatën e trazuar dhe gjendjen ekonomike të qytetarëve të Luginës së Preshevës, Kryesia e Fondit Humanitar ka marë vendim për të kontaktuar me personalitetet udhëheqëse shqiptare – duke filluar prej sih – Kryeministrit të Shqipërisë z Sali Berisha, Kryeministrin e Kosovës, z. Hashim Thaqi, dhe deri tek udhëheqësit e Luginës së Preshevës. E kemi marr një konsultim me të gjithë intelektualët partiak, politik dhe jo politik ata të nivelit akademik e tjerë, ku kemi ardhë në përfundim se problemi më aktutë në Luginë është problemei i të shpërngulërve. Dhe për këtë arsye në morëm inisiativën për ndërtimin e 100 shtëpive me moton “Të ndihmojmë! Të Shpëtojmë!Të Paralandalojmë!” duke menduar se në këtë formë do të kemi mundësi të ndikojmë sado pak në fenomenin e shpërnguljes së qytetarëve të Luginës së Preshevës .
Në çfarë forme keni planifikuar të mblidhni këto ndihma financiare – për ndërtimin e 100 shtëpive ? mbasi siç dihet patjetër duhet shumë punë për të mbledhur kaq shumë të holla
Me përvojën tonë gjashtëmbëdhjet vjeçare (prej krijimit) kemi bërë lloj lloj aksionesh – kurse për këtë aksion e kemi marrë inisiativë – vendim qysh prej 28 shtatorit 2013 – ku bëmë një mbrëmje Gala në Prishtinë ku mblodhëm shuma të mira – Me këto forma mendojmë se do t’i japim të gjithë hapsirave shqiptare të marrin pjesë në këtë aksion që të kontribojnë me të vërtet për Luginën e Preshevës e cila është në një situatë shumë alarmante . Dhe besojmë edhe kësaj here si shumë heret e tjera do të ndihmojnë të gjithë bashkëatdhetarët kudo që janë.
Si e ka rezultuar deri tani aksioni i Fondit për ndërtimin e 100 shtëpive në 3 komunat e Kosovës Lindore?
-Duke parë problematikën e shpërnguljeve masive nga ato troje, moskujdesin e shtetit dhe pamundësin e pushtetit lokal të komunave që të ballafaqohet me këtë fenomen, ne kemi ardhë në një moment, ku
detyrimisht është dashur të ndërmarrim dicka në këtë aspekt,pra “të ndërtojmë, të shpëtojmë, të parandalojmë”.
Simbas jush sa kan qenë efikase deri tani ndihmat nga bashkëatdhetarët anembane trojeve shqiptare dhe në Diasporë?
-Më 28.shtator 2013 kemi organizu “gala mbrëmje” në televizionin e RTK, atë mbrëmje janë grumbullu një sasi e konsiderueshme e mjeteve nga Diaspora jonë si edhe nga trojet shqiptare anembanë.
Duke organizuar këtë tubim, drejtuesit e Fondit thuhet se dëshirojnë të tërheqin vëmendjen për një bashkë-pjesëmarrje më të gjerë në të gjithë Diasporën, në këtë rast në SHBA-së. Çfarë prisni nga bashkëatdhetarët tanë këtu në SHBA ?
-Duke e ditur rolin që ka komuniteti nga SHBA për kauzën shqipëtare në përgjithësi, jemi të bindur se nuk do të mungoj vullneti edhe për ndihmë Preshevës ,Bujanocit dhe Medvegjës.
Sa keni arritur deri tani për të bindur bashkëatdhetarët anembanë se aksioni i juaj do të jetë në funksion të shërbimit të popullatës në Preshevë, Bujanoc dhe Medvegjë? Për të qenë më i drejtëpërdrejtë në këtë pyetje më duhet t’ju kujtojë se disa herë në diasporë ka pasur shpërdorime të besimit tek ndihmat e diasporës , pra është abuzuar me fondet e mbledhura në diasporë ! Dhe, sa ia keni arritur ju kësaj – mbasi siç dihet kemi një largim nga vendbanimet shqiptare shumë të madh, sidomos tek të rinjët ?
Projekti „Të ndërtojmë, Të shpëtojmë, Të parandalojmë“ është studjuar shumë mirë nga drejtuesit e Fondit humanitar dhe është unik. Strategjia e punës, serioziteti dhe jetësimi tekefundit në një afat shumë të shkurt të më se 32 shtëpive, në më pak se një vit i ka dhënë besimin e duhur dhe të qëndrueshëm opinionit gjithëandej karshi neve.
Të kthehemi pak edhe tek aktualiteti . Si e shikoni ju vizitën e Kryeministrit të Shqipërisë Edi Rama në Beograd ?
-Pos që është shumë normale vizita e një apo tjetër kryeministri në shtetin tjetër,neve si Fond humanitar besojm se Kryeministri i Shqipërisë z. Edi Rama do të merret me problematikën e shqipëtarve të asaj treve.
A kan bërë sa duhet Shqipëria e Kosova për Luginën e Preshevës ?
-Pa marrë parasysh se Shqipëria dhe Kosova kan probleme të mëdha të pazgjidhura në vend të veta duhet edhe mund të bëjnë shumë më tepër.
Çfarë po bëhet nga shqiptarët ( liderit politik) për t’a ndalur diskriminim e vazhdueshëm të shqiptarëve të Luginës se Preshevës. Kemi pasur një pastrim etnik në pjesën e fshatrave malore të Komunës së Medvegjës, i cili është kryer në vitin 1999, me ardhjen e forcave ushtarako-policore që ishin më parë të angazhuar në Kosovë. “Pastrimi etnik është pasojë e politikës diskriminuese të Beogradit, vetëm se tash bëhet me metoda shumë më perfide sesa në kohën e Millosheviqit”, thotë deputeti Riza Halimi : a pajtoheni ju me këtë mendim të tij ?
-Ne si Fond po ashtu jemi deklaruar shpeshherë përafërsisht me të njejtin gjykim të situatës atje,po. Cili është mendimi i juaj lidhur me deklaratat e diplomatit rusë Andrej Shugurov për ndarje të Kosovës dhe bashkim me Kosovën të komunave të Luginës ?
-Popullata e asaj ane në Referendumin e organizuar me 1, dhe 2,mars 1992 është për autonomi teritoriale me të drejtën e bashkangjitjes shtetit më të afërt në këtë rast Kosovës.
Çfarë qëllimi mendon se kan deklerata të tilla ?
Provokuese dhe jo serioze, sa për të pa reagimin e Shqipëtarve.
Së fundi a keni ndonjë mesazh për t’a përcjell me anë të gazetës kombëtare Bota Sot ?
Bëjmë ftesë, ndihmoni Preshevën,Bujanocin e Medvegjen, është momenti i duhur për ti dalur në ndihmë asaj ane,mos të lejojmë që armiku gjithmon të jetë një hap para neve,nëse zbrazet ajo anë është shumë vonë.Drejtuesit e Fondit humanitar falënderojn të gjitha mediat për ndihmë e sidomos gazetën kombëtare “Bota Sot”.
Intervistojë : Beqir SINA/

PËRKRAHJE VËLLEZËRVE TË KOSOVËS LINDORE NË TAKIMIN E SOTËM NË MONROE COLLEGE

October 12, 2014 by dgreca

*APEL PËR NDIHMË: TË PARANDALOJMË SHPËRNGULJET NGA KOSOVA LINDORE/
*”TË NDËRTOJMË, TË SHPËTOJMË, TË PARANDALOJMË”!/
Sot, e Dielë 12 Tetor, në orën 1.pm, në Monroe College, një dërgatë nga mërgata shqiptare në Zvicër , përfaqësues të Fondit Humanitar të Kosovës Lindore- Preshevë, Bujanoc-Medvegjë, do të takohen me shqiptarët e New York-ut dhe do t’i apelojnë diasporës shqiptare në SHBA, që t’i përkrahë në nismën Gjithëkombëtare:”TË NDËRTOJMË, TË SHPËTOJMË, TË PARANDALOJMË”!
Ky është një aksion Kombëtar që kërkon të lehtësojë jetësën e vëllezërve tanë të Kosovës Lindore- Preshevë, Bujanoc-Medvegjë, të cilët jetojnë nën Serbi, përmes ndërtimeve atje-të parandalohen shpërnguljet, që Serbia ka me shume se 100 vjet që i nxit, të ndihmohen për shkollim të rinjët përmes fondeve të mbledhura me këtë aksion Kombëtar, të ndihmohen me kredi bujqërit, me qëllim që të mos marrin rrugët e ikjes e tua lënë tokat serbëve….
Të shtunën me 11 tetor, dërgata e Fondit Humanitar të Kosovës Lindore, u prit nga kryetari i Federatës Panshqiptare të Amerikës “VATRA”, dr. Gjon Bucaj, i cili shoqërohej nga anëtari i advisory board Zef Perndocaj dhe editori i Diellit Dalip Greca.
Dërgata e Fondit të Kosovës Lindore përbëhej nga, z. Xhelal Memeti-Kryetar; Adnan Imeri-sekretar, Skënder Ismaili-arkëtar. Ata shoqëroheshin nga kryetari i Shoqatës së Kosovës Lindore në NY, z. Entezam Veseli.
Kryetari i Vatrës, u uroi mirëseardhjen mysafirëve në Shtëpinë e Vatrës dhe i përgëzoi për nismën Kombëtare që i shërben qëndresës në trojet autoktone të shqiptarëve të Kosovës Lindore. Më pas ai i tregoi shkurtazi historinë e Federeatës Vatra, më e vjetra e mërgatës shqiptare. Dr. Bucaj bëri paralelizëm mes nismave Kombëtare gjatë 100 viteve të Vatrës, me ato të Fondit të Kosovës Lindore, që i bashkon cështja Kombëtare. Editori i Diellit, pwrshkroi dy aksionet mw tw rwndwsisihme tw Vartws, atw tw Shpwtimit tw Shqipwrisw, qw pat nisw nga Vatra me 3 Qershor 1917 dhe “Huaja Kombwtare e Vatrws” e vitit 1920. Kwto dy fushata edhe pse nw kushte tw ndryshme historike, mund tw shwrbejnw si model pwr Fondin e Kosovws Lindore. Fushata e parw e 3 qershorit grumbulloi 150 mijw dollarw dhe shwrbeu pwr mbrojtjen e Pvarawsisw gjatw Konferencws sw Paqes, ndwrsa e dyta, qw grumbulloi 197 mijw dollarw ndihmoi Qeverinw e dalw nga Kongresi i Lushnjws.
Kryetari i Fondit z. Xhelal Memeti, falenderoi për pritjen dhe më pas parashtroi platformën dhe kërkesat e Fondit Humanitar të Kosovës Lindore. Ai tha se: Gjatë funksionimit 16 vjecar të tij, Fondi Humanitar i Kosovës Lindore në Zvicër, i themeluar nga bashkëatdhetarë mërgimtarë të Kosovës Lindore, ka përcjellë me vëmendje, ngjarjet e rëndësishme në trojet shqiptare të cilat kanë shënuar historinë më të re të shqiptarëve, dhe për aq sa ka pasë mundësi, u ka ndihmuar mbarëvajtjes së këtyre ngjarjeve. Fillimisht, Fondi, ndihmoi popullatën shqiptare në Kosovë gjatë luftës clirimtare kundër Serbisë. Pastaj dha kontribut për UCPMB në Kosovën Lindore , dhe i ndihu Ushtrisë Clirimtare Kombëtare në maqedoni.
Pasi përfunduan luftrat në trojet shqiptare, Fondi i Kosovës Lindore, u përkujdes për jetimët, familjarët e dëshmorëve dhe invalidëve të Luftës, duke kontribuar për mjekimin, perkrahjen dhe shërimin e tyre; për të vazhduar me kontribute financiare në ndihmë të studentëve të kësaj Treve, kryesisht të atyre që vijnë nga familje me të ardhura të pakta. Prej disa vitesh ky Fond kontribuon me bursa studentore.
Kryesia e Fondit, duke parë se Trojet e Kosovës Lindore po boshatisen nga shpërngulja e shqiptarëve filloi të trokasë në dyert e zyrave të udhëheqësve të subjekteve të organizuara politike e shtetërore me qëllim të parandalimit të këtyre shpërnguljeve që boshatisin trojet autoktone shqiptare. Për këtë qëllim Kryesia e Fondit ka bërë takime me Kryetarët e Komunave dhe Kuvendeve Preshevë, Bujanoc e Medvegjë, Këshillin nacional për Kosovën Lindore, Kryetarët e subjekteve politike në Kosovën Lindore, si dhe me disa përfaqësues në Republikën e Kosovës. Mendimi i përbashkët i këtyre takimeve ishte moshumbja e kohës, por vazhdimi i aksionit Kombëtar për ndërtimin e shtëpive të banimit,-fillimisht të atyre që janë më keq.
Të mos harrojmë eksodet e më parshme në historinë e kombit tonë, si ai shpërnguljes dhe masakrave të Camërisë, apo Kosovës. Disa nga trojet Kombëtare i humbëm, me ose pa fajin tonë, por gjithësesi i kemi humbë dhe këto humbje i ndjejmë si plagë të rënda në trupin dhe shpirtart tonë. Dhe që këtij shpirti dhe trupi mos t’ia shtojmë edhe plagë të tjera, që gjiëthsesi kanë nisë të na therin trupin-; Fondi u bën thirrje të gjithë shqiptarëve, t’i bashkangjiten këtij aksioni Kombëtar.
Shqiptar të New York-ut dhe rrethinave, ejani sot në orën 1.00 në Monroe College dhe dëgjojini vetë misionarët e Kombit, që duan të parandalojnë shpërnguljen e Trojeve autoktone shqiptare.
Për ata që nuk kanë mundësi, për informata të shkojnë në websitin e Fondit dhe të marrin informacion se si mund të japin ndihmën e tyre. Adresa : www. fondihumanitar.ch(Ne foto:Nga takimi i se shtunes mes Vatres dhe Fondit te Kosoves Lindore)

Sllovenet festojne 2000 vjetorin e qytetit Emona të themeluar nga Ilirët në Lubjanën e sotme!

October 11, 2014 by dgreca

Shkruan Asllan Dibrani/
Ne Foto: Pamje e skemave te realizuara për ritualet kulturore e para majtas në Ulpianë -Kosove, ndërsa e dyta djathtas në qytetin Emona – Lubjanë, shumë identike edhe në pamje njëra në Kosovë u vërtetua ilire ndërsa tjetrën e quajnë akoma romake sipas avazit trashëgues të popujve të vegjël!?…Lind pyetja ku janë qeveritarët , ku janë historianët dhe studiuesit shqiptar që rrinë aq indiferent ndaj kapitalit historik që posedojmë ne shqiptarët???… /
Lubjanë në vitin 2014 po feston 2000 vjetorin i Emona, (Lubjanës), e cila është me rëndësi të madhe për historinë e këtij qyteti, po edhe ma gjerë . Lubjana si djepi i ish Emonas me këtë rast dukshëm, shihet se do të ketë një ngjarje me përmbajtje dhe vlera arkeologjike nga qytetërimi paraprak “Emona” si një kulture e kohës romake jo e studiuar mire nga e cila edhe vet studiuesit po ngelin në gjysmë studimesh , apo dëfinimesh në deshifrimin e saktë të vlerësimit nga se shenjat dhe faktet po dalin se sipas mbishkrimeve në gjuhën latine ishin Ilirët qe lanë gjurmët e veta në tërë gadishullin ballkanik.
Kërkimet arkeologjike në dy vitet e fundit në Sheshin e Kongresit, dhe rrugë për rreth si në “Njegoševa” në “Prule” dhe të qarku i tregut kryesor kanë sjellë shumë njohuri të reja rreth Lubjanës apo Emones si qytet i themeluar nga Ilirët. Kryesore në zbulimin e fundit flasin varrezat, pllakat dhe gurët e fshehur deri me tani nën dheun qe po gërmohet nga Epoka e Hekurit dhe mesjeta. Historia e shtrembëruar mbi te kaluarën mijëvjeçare. Janë zbuluar dy llogore gjashtë metra të thellë, nëntë puse, shumë armë, qeramikë, stoli qelqi dhe mbetjet e shumta nga periudhat e asaj kohe .
Kjo është vetëm një nga zbulimet e habitshme që beri buje neper konferencat për shtyp, nga e cila edhe Muzeu i Lubjanës ka hapur ekspozitë enkas mbi arkeologjinë bazike të kohës ilire por e shtrembëruar dhe sot përfolët ma shumë si romake . Drejtori i Institutit Blaz Peršin ka thëne se shumica e zbulimeve të reja arkeologjike me ato të viteve të mëparshme llogariten ekspozimet më të rëndësishme në vitin 2014, në Lubjanë që po festohet në 2000 vjetorin i qytetit “Emona”.
Sipas shkrimeve ajo kishte një popullsi prej 5,000 deri në 6,000 banor , kryesisht tregtarët dhe zejtarët, duke përfshirë një numër të zyrtarëve të qeverisë dhe veteranët e luftës. Rrugët e saj janë të shtruara, htëpitëjanë ndërtuar nga tullat, dhe të lidhur me sistemin e kanalizimit publik. Dekadat e migrimit të madh të popujve nga lëvizjet e tyre të qytetit lanë gjurmët e ndryshme . Paraardhësit dhe vendbaoret dëshmuan dhe nuk ka kurrë edhe një dëshmi që i vlerëson ndryshe, por te gjitha gjurmët e këtyre vlerave qojnë nga ilirishtja trashëgimtare që jemi vetëm ne shqiptarët. Janë aneksuar vlerat ilire sipas interesave të pushtuesve në rastin konkret nga romakët. Sllovenët si popull mbërriti në territorin e Lubjanës aktuale në fund të shekullit të 6-të dhe filloi ndërtimin e një zgjidhje nën strehë të sigurt të kodrës se pranishme të kështjellës ku gradualisht u shndërrua në një qytet mesjetar.
Muret e tyre ishin suvatuar dhe pikturuar në ngjyra të ndryshme, dhe dyshemetë e tyre të mbuluara me mozaikë. Emona ishte, ndër të tjera, një qendër e rëndësishme e hershme e krishterë me një tregti të lulëzuar.
Emona një i qytet i hershem tregon strukturën urbane të qytetit, zhvillimin e saj, marrëdhëniet brenda kolonisë mes të ardhurve romake dhe banorët vendas . Ekspozita gjithashtu ekspozon trashëgiminë e Emona-së,nga e cila gjithashtu mori një vlere enciklopedike sipas prezantimi të tij në ekspozitën e përgatitur në Muzeun e Lubjanës .Muzeu ka dhuruar 46 fotografi të historisë antike të Lubjanës së sotme.
Po ashtu vepruan edhe Osmanet përfituan nga shqiptaret deri me alfabet dhe himnin kombëtar të Turqisë moderne !!! Se fundit një gjë të tillë e bënë edhe sllavët mbi vlerat arkeologjike mbi kishat tona shqiptare në Kosovë e sotme qe Kishat tona i shndërruan në serbe dhe përpiqen qe mbi to te ndërtoje të kaluarën e rrejshme historike .
-Dëshmitë ma të fuqishme ju sjell edhe nga krahasimi i zbulimit të kishës ma të vjetër në botë në Kosovë qe isha këto dite në vizite . Ju sjell fotot dhe mund të krahasohen shumë lehtë se janë identike sidomos varri ku është ekspozuar ne Lubjanën e sotme dhe zbulimet që u bënë në vitin 2014, në ketë e kishë marramendëse në vlerat për shqiptaret . Po të vazhdojnë këto studime dhe gërmime dalëngadalë do të bien poshtë e gjithë historia e rrejshme nga të huajt qe kurrë shqiptaret nuk e kane shkruar as sot e kësaj dite historinë e vet.
Tetor 2014 Lubjanë-Slloveni

Endrra per Kombetaren Shqiptare, Statistikat për danezët…!

October 11, 2014 by dgreca

Nga Arbi Fortuzi/-. Përfaqësuesja shqiptare e futbollit ka fituar vetëm një herë në historinë e saj përballë Danimarkës dhe kjo daton në vitin e largët 1963, kur Panajot Pano, legjenda e futbollit shqiptar, mposhti danezët me rezultatin 1-0 në “Qemal Stafa”.
Statistikat nuk janë “dashamirëse” për kuqezinjtë. Përfaqësuesja jonë është përballur 8 herë me nordikët, nga të cilat ka humbur 6 ndeshje, barazuar 1 dhe fituar po 1 takim.
Ndeshja e parë me dy skuadrave eshte luajtur me 29 qershor të vitit 1963, kur rruga për në Europianin e Spanjës të vitit 1964 vendosi kuqezinjtë përballë skuadrës nordike. Ndeshja e luajtur në gadishullin skandinav përfundoi me rezultatin 4-0. Por, “surpriza” do të ndodhte në ndeshjen e kthimit, kur përfaqësuesja e Shqipërisë do t’i impnohojet danezëve me rezultatin 1-0, me gol të shënuar nga Panajot Pano. Kjo do të ishte fitorja e vetme e kuqezinjve përballë kundërshtarit nordik
Dy skuadrat u shortuan në të njëjtin grup eliminator për kualifikueset e Kampionatit Botëror SHBA 1994 dhe ndeshja e parë u luajt përsëri në Danimarkë. Edhe në këtë përballje Shqipëria pati të njëjtin fat, ku danezët fituan me rezultatin e thellë 4-0 me gola të Jensen, Pingel 2 herë dhe Mëler.
Ne ndeshjen e kthimit, ndeshja përfundoi me shifrat 1-0 në favor të miqve. Sfida e pestë mes dy kombëtareve u regjistrua në vitin 2004. Në Tiranë kombëtarja kuqezi priti për herë të tretë në histori përfaqësuesen daneze, qe ashtu si dhe sot edhe në atë periudhë drejtohej nga trajneri Morten Olsen. Dy gola në pjesën e dytë nga Jorgensen dhe John Dahl Tomason i dhanë ekipit të Olsen fitoren 2-0. Ndërsa ndeshja e kthimit përfundoi sërish me fitoren e nordikëve me rezultatin 3-1. Goli i vetëm për përfaqësuesen shqiptare u realizua nga Erjon Bogdani.
Shqipëria dhe Danimarka ishin në të njëjtin grup eliminator edhe për kualifikueset e Botërorit në Afrikën e Jugut në vitin 2010. Në ndeshjen e parë Shqipëria humbi me rezultatin 3-0, ndërsa në ndeshjen e kthimit Shqipëria arriti një barazim 1-1. Golit të Bendtnerit iu përgjigj Erjon Bogdani. Ndeshja që do të zhvillohet mbrëmjen e sotme në Elbasan është e 9-ta mes dy skuadrave dhe Xhani De Biazi përveç danezëve do të sfidojë edhe historinë.
500 tifozë danezë në Tiranë, Olsen: Kjo, Shqipëria më e mirë e të gjitha kohërave
Ndeshja Shqipëri-Danimarkë, që do të luhet sot në orën 20:45 në “Elbasan Arena”, tremb jo pak timonierin e Danimarkës, Morten Olsen. Tekniku i skuadrës daneze i druhet skuadrës shqiptare.
Në deklaratën për shtyp të prag-sfidës, ai ka theksuar se kjo është Shqipëria më e mirë e të gjitha kohërave. “Jemi të ndërgjegjshëm që na pret një ndeshje e vështirë, prandaj duhet ta vlerësojmë Shqipërinë sikur të ishim duke luajtur përballë Anglisë apo ndonjë skuadre tjetër të madhe”, theksoi Oslen.
Po ashtu, ai tha se luajmë në trasnfertë dhe kjo i vështirëson edhe më shumë gjërat për ne. “Në fushën e saj Shqipëria është mjaft e vështirë, por kjo duhet të na bëjë më të ndërgjegjshëm për organzimin tonë. Them se mund të dalim me pikë nga kjo transfertë”, ka përfunduar ai. Skuadra e teknikut Morten Olsen nuk do të jetë vetëm në përballje me Shqipërinë, pasi rreth 500 tifozë daneze kanë mbërritur në kryeqytetin shqiptar për të mbështetur skuadrën e tyre. Në rrugët e Tiranës janë vënë re grupe tifozësh të veshur me fanellën e përfaqësueses daneze, me shalle e tuta sportive, të cilët shëtisnin përgjatë bulevardit, shijonin një kafe apo një birrë në zemër të kryeqytetit, duke u njohur me një mikpritje, të cilën vetëm shqiptarët dinë ta bëjnë. Danezët janë parë në qendër të kryeqytetit aspak të ndrojtur, madje ata janë parë duke shkrepur foto e duke shkëmbyer batuta me qytetarët e Tiranës. Mësohet gjithashtu se ata janë vendosur në një hotel pranë Ministrisë së Kulturës, si dhe në një hotel pranë 9-katësheve.
Probleme në mbrojtje për Danimarkën:
Tekniku danez Morten Olsen duhet të “shpikë” mbrojtjen e skuadrës së tij, pasi dy lojtarët kryesorë, Simon Kjaer dhe Daniel Ager, nuk janë të disponueshëm për takimin përballë Shqipërisë. Për të mos rrezikuar, trajneri Olsen ka vendosur që dy lojtarët të mos udhëtojnë me skuadrën kombëtare drejt Shqipërisë.
Po ashtu, një tjetër mungesë për Danimarkën do të jetë edhe mesfushori Andreas Bieland, ndërsa Olsen ka grumbulluar me urgjencë dy lojtarë të skuadrës U-21.
Kështu, sipas asaj çka shkruajne mediat suedeze, formacioni i Suedisë pritet të jetë një 4-4-2, ndryshe nga zakonisht kur Oslen parapëlqen të rreshtoje djemtë e tij me një formacion më të avancuar 3-5-2 apo 4-5-1. Në portën e Suedisë pritet të luajë Shmeikel, në mbrojtje Hansen, Okore, Bjelland dhe Jorgensen, në mesfushë 4-ja, Kvist, Hojbjerg, Eriksen (lojtari më i mirë i kundërshtarëve, i cili luan në Premier Ligë për Totenham) dhe Krohn-Demili. Më i avancuar do të jetë Braitvait, që do të mbështesë sulmuesin e vetëm të Danimarkës, Bendtner.
Shqipëria përballë Danimarkës për ëndrrën europiane
Përfaqësuesja shqiptare e futbollit do të zbresë sot në fushen e “Elbasan Arena” për t’u ndeshur me Danimarkën në ndeshjen e dytë të grupit “I”, e vlefshme për eliminatoret e Europianit “France 2016″.
ekniku i kombëtares sonë, De Biazi, në konferencën e fundit për shtyp garantoi se kuqezinjtë do të zbresin në fushë vetëm për fitore, ndërsa Lorik Cana, kapiteni i përfaqësueses, tha se skuadra do të japi maksimumin.
Pritet një tifozeri e zjarrtë në Elbasan. Shitja e 11 500 biletave ende pa dalë mirë në treg, eshte një tregues i qartë i pritshmërive të larta që sportdashësit shqiptarë kanë për këtë takim. Edhe pse çmimet e biletave u kontestuan fillimisht, të gjithë sportdashësit shqiptarë janë paraqitur pranë sporteleve për siguruar një biletë.
Sipas Federatës Shqiptare të Futbollit, për këtë ndeshjet kërkesat për bileta kanë qenë mbi kapacitetin që impianti i ri “Elbasan Arena” mbulon. Sipas FSHF-së, një numër konsiderueshëm biletash është shitur pranë tifo-klubeve në të gjithë trevat shqiptare, duke filluar nga tifozët “kuqezi”, duke vijuar me dy tifo-grupe kryeqyteti, “Tirona-fanatics” dhe “Guerrilasit. Të parët kanë përgatitur edhe një koreografi speciale për këtë event. Po ashtu, në stadium do të jenë edhe tifozeria korçare “Ujqërit e Dëborës” apo ajo e Apolonisë “Brigada C” etj. Po ashtu, edhe nga trevat shqiptare.
Prania e një tifozerie të tillë të zjarrtë dhe të veçantë si ajo shqiptare i vë përballë një detyre të madhe skuadrës së De Biazit. Prandaj, nën drejtimin e teknikut italian, përfaqësuesja shqiptare e futbollit ka vijuar edhe dje përgatitjet në kuadër të takimit me Danimarkën.
Burime pranë kuqezinjve bëjnë të ditur se stërvitja ishte e ndarë në dy pjesë. Fillimisht përgatitja fizike, ndërsa në fund sërish taktikë për t’u përgatitur më së miri për t’u përballur me danezët. Ajo që ra në sy gjatë seancës stërvitore është vëmendja që tekniku italian iu kushtoi sulmuesve që ka në dispozicion, pasi nëse nuk shënon, atëherë nuk mund të shpresosh për një fitore dhe ndoshta ky është momenti që kombëtarja të guxojë më shumë. Danimarka vuan në mbrojtje dhe kuqezinjtë do të tentojnë shume ne kete repart. Gjatë ditës së sotme, djemte e De Biazit do të zhvillojë një seancë stërvitore, ndërsa do ketë edhe konferencën e zakonshme për shtyp. Te shtunën paradite skuadra do të niset për në Elbasan për të prekur nga afër terrenin e lojës, ndërsa në mbrëmje do të jetë përballja me Danimarkën.
Shqipëria kryeson grupin “I” së bashku me Danimarkën me nga 3 pikë, ndërsa skuadrat e tjera të këtij grupi Portugalia, Armenia dhe Serbia me nga 0 pikë. Shqipëria nisi rrugëtimin e saj me një fitore përballë Portugalisë në gadishullin iberik, ndërsa Danimarka mundi Armeninë në fushën e saj me rezultatin 2-1. Serbia do të nis sote rrugëtimin e saj në këto eliminatore dhe do të luaje në Armeni në orën 18:00. Ndeshja e ardhëshme e kombëtares sonë do të zhvillohet më 14 tetor në Beograd përballë Serbisë, ndërsa Danimarka do të ndeshet në fushën e saj përballë Portugalisë.
a si do të luaj Shqipëria përballë Danimarkës:
Rreshtimi do të jetë 4-5-1, të paktën nga ajo që u kuptua nga puna taktike e skuadrës. Në portë i përhershmi Ertrit Berisha. Në mbrojtje pritet të jenë dy shtyllat, Lorik Cana dhe Mërgim Mavraj. Krahët e repartit të mbrojtjes De Biazi pritet t’ia besojë Elseid Hysaj dhe Ansi Agollit. Në mesfushë, orkestrues i sulmeve kuqezi pritet të jetë Burim Kukeli, i mbështetur nga dyshja Taulant Xhakaj dhe Amir Abrashi.
Valdet Rama dhe Andi Lila mendohet t’i japin krahë ekipit kuqezi për të fuqizuar sulmin me Bekim Balën.
27 të grumbulluarit e De Biazit:
Portierë: Ertrit Berisha, Orges Shehi, Alban Hoxha.
Mbrojtës: Lorik Cana, Elseid Hysaj, Ermir Lenjani, Taulant Xhaka, Debatik Curri, Amir Rrahmani, Andi Lila, Ansi Agolli, Mërgim Mavraj.
Mesfushorë: Ergys Kace, Alban Meha, Amir Abrashi, Ervin Bulku, Burim Kukeli, Emiljano Vila, Valdet Rama, Herolind Shala,Odise Roshi.
Sulmues: Bekim Balaj, Shkëlzen Gashi, Sokol Cikalleshi, Hamdi Salihi, Armando Vajushi, Edmond Kapllani.

Tifozë kosovarë mbërrijnë për të parë ndeshjen Shqipëri – Danimarkë

Nga Miranda Sadiku- Sportëdashësve shqiptarë në ndeshjen mes Kombëtare dhe – Danimarkës, i janë bashkuar sot edhe shumë shtetas kosovarë, e maqedonas.
Të ardhur nga Prishtina, Gjilani etj. I vetmi shqetësim për të mbetet bileta, edhe pse e kanë blerë atë me çmim pak të “ kripur” krahasur me çmimin e tregut, shtetas kosovar shprehen se e rëndësishme është që bileta të mos jetë fallso. “ Nuk do të mungonim pa e parë ndeshjen e kombëtares sonë me Danimarkë”, shreht Vetati, një shtetas kosovar i cili është nisur nga Gjilani i Kosovës një natë më parë për të parë ndeshjen e kombëtares. Si ai janë shuë të tjerë të cilët kanënisur të bëjnë tifozin për fitoren e kombëtares sonë.
Ndërkaq Policia ka bllokuar të gjithë hyrjet e stadiumit dhe ka nisur kontrollin e imtësishëm të tifozëve të cilët janë afruar për të hyrë në stadium.
Kontroll i imtësishëm është bërë për ndonjë lëndë eksplozivi, ndërsa të gjithë tifozët që do të shohin ndeshjet duhet të kenë me vete vetëm telefonin cellular si edhe paketën e cigares.
Në ndihmë të Policisë së Elbasanit kanë mbërritur edhe Forca të Ndërhyrjes së Shpejtë nga Tirana si edhe efektiva të shumtë nga kryeqyteti.
Ndeshja mes ekipit Shqipëri – Danimarkë do të nisë në orën 20.45, ndërsa ata sportëdashës të cilët nuk do të kenë mundësi ta shohin ndeshjen nga stadium “ Elbasan Arena” do të kenë mundësi ta shohin atë në qendër të qytetit ku një kompani private ka bërë të mundur montimin e një televizori të madh ku edhe do të transmetohet kjo ndeshje.
Festa ka nisur në qendër të qytetit ku sportëdashësit brohorasin “ Shqipëri Etnike” dhe “ Fitore Kombëtares”, ndërsa një concert i madh festiv do të shoqërojë sportëdashësit drejt stadiumit. Mësohet jo zyrtarisht se Policia ka arrestuar një shtetas i cili tregëtonte bileta fallso kryesisht tifozëve të ardhur nga Ksova por edhe rrethe të tjera të Shqipërisë