dgreca – Page 5713 – Dielli

MARK GJONAJ, SHQIPTARI QË DITI TË LUFTONTE PËR FITOREN

November 7, 2012 by dgreca

GJONAJ FITON BINDSHËM ME 79 % TE VOTAVE/

NGA DALIP GRECA/

19866 vota, plot 79 për qind të numrit të përgjithshëm të votave ka fituar kandidati shqiptar për në Asamblenë e Shtetit të Nju Jorkut, Mark Gjonaj, shqiptar i lindur në Amerikë. Mbrëmë, Gjonaj e ka festuar me miqtë e tij në mjediset e restorantit Italian Maestro’s, aq i njohur për veprimtaritë e shqiptarëve. Mes miqëve të tij, natyrisht që kishte shumë shqiptarë, edhe pse nuk mungonin as miqtë e tij të shumtë amerikanë, mbështetës që në castet e parapërgatitjes për shfaqjen e kandidaturës, në garën brenda Partisë Demokratike e deri në finalen e 6 nëntorit, kur ai triumfoi.

Duke qenë e para fitore për shqiptarët e Nju Jorkut, ia vlen të ndalemi në disa nga faktorët që e cuan tek fitorja, të parin kandidat shqiptar për në Asamblenë e Shtetit të Nju jorkut. Ajo c’ka bie në sy tek Mark Gjonaj është mënyra se si e kërkoi fitoren. Nuk ishte vetëm këmbëngulja(Fillimisht ai hyri në garë pa e pasur mbështetjen e Partisë Demokratike, për të cilën kandidoi), por strategjia se si e kërkoi fitoren. Krijimi i grupeve elektorale vullnetare, ku mbizotëronin shqiptarët, takimi dorë më dorë me zgjedhësit, pjesmarrja në cdo veprimtari që organizoheshin në Distriktin 80, ku ai do të votohej, ngritja fuqishëm e zërit për problemet që shqetësonin distriktin, lufta kundër kriminalitetit, përpjekja për të ngritur shqetësime të qytetarëve dhe për të marrë inisiativa, ishin pjesë e suksesit të tij.Ai u bë personazh jo vetëm i medias shqipatre, jo vetëm i medias lokale në Bronx, por edhe i gazetave qendrore të shtetit të Nju jorkut, si e tabloidit konservative NeëYork Post.

Kishte një shqetësim për Markun, shqetësim që lidhej me komunitetin shqiptar. Është fakt i njohur se Shqiptarët më përpara dilnin pak në votime dhe shumë prej tyre nuk regjistroheshin për të votuar. Marku nuk rreshti së foluri dhe së dërguari formularë të regjistrimit në adresat e shtëpive të shqiptarëve apo duke i shpërndarë ato në veprimtaritë e shqiptarëve. Ai e shfrytëzoi me efektivitet median e komunitetit shqiptar duke dërguar mesazhe për t’u regjistruar si votues dhe për të shfrytëzuar peshën e votës për të pasur më shumë të drejta. Dhe në zgjedhjet brenda Partisë votuesit shqiptarë i dhanë Markut mundësinë e fitores.

Një nga arsyet e tjera e fitores të Mark Gjonajt ishte dhe popullarizimi i figurës së tij në komunitetin shqiptar. Nuk pat ngjarje, aktivitet, gëzim, apo fatkeqësi të shqiptarëve, ku nuk shfaqej Mark Gjonaj me buzëqeshjen e tij që dhurontre mirësi. Atë e shihnim në Kishë, në veprimtari artistike, ngjarje politike, u anëtrësua në Federatën VATRA (dy vitete e fundit), ishte pjesë e APN, rininë shqiptare nëpërmjet “Rrënjët Shqiptare” etj.

Ajo cfarë i dha më shumë popullaritet në komunitetin shqiptar fituesit shqiptar ishte inisiativa e tij me rastin e Festës Kombëtare të Pavarësisë , DITËS SË FLAMURIT KOMBËTAR, ku luftoi fort për identitetin shqiptar përmes Flamurit Kuq e Zi. Prej tre vitesh me inisiativën e Mark Gjonajt dhe me shpenzimet e tij në rrugë, sheshet, avenjutë, institucionet e Bronxit, në prag të festës flladiteshin flamujtë shqiptarë.

Renditëm kështu disa nga faktorët që e cuan mark Gjonaj drejt fitores. Urime Mark!

Në zgjedhjet e 6 nëntorit fitoi bindshëm edhe miku i shqiptarëve,kongresisti Eliot Engel i cili mori më shumë se 77 për qind të votave.

MISS GLOBE 2012 NË VLORË

November 7, 2012 by dgreca

NGA GËZIM LLOJDIA/

Mbrijnë në Vlorë/

Pjesmarrëset e Miss Globe 2012 gjenden në qytetin e Flamurit prej ditës së djeshme. Plotë sharm 44 bukuroshet rrezatuese,veshur me ngjyrat flamurit shqiptar,xhaketa me ngjyrë të kuqe,pantallona me ngjyrë të zezë kanë vizituar në ditën e parë gjykatën e Qarkut të Vlorës, Shtëpia e Pavarësisë në Skelë , sot muzeu kombëtar i Pavarësisë kanë udhëtuar në Kuzum Baba ku kanë shëtitur me kuaj e hipizmit ndërsa janë ndaluar gjatë në mjediset e Universitetit ‘Pavarësia” Vlorë. Në këto mjedise bukuroshet nga vendet e botës kanë bërë një guitë nëpër ambjetet mësimore universitare për tu ndalur tek salla “Aula Magna” ku ka folur organizatori Petri Bozo,organizatori i Deliart Associaton si dhe kordrnatorë dhe pedagogë të universitetit.

Miss Globe udhëtim në trojet shqiptare

Ka nisur më 26 tetor për tu finalizuar në qytetin e Flamurit më 10 nëntor pritet që në Shqipëri në qytetin e bukur të Vlorës spektakli i bukurisë ‘’Miss Globe 2012′’.Në fund të muajit tetor bukuroshet dhe fitueset e këtij spektakli kanë mbritur në aeroportin shqiptar të Rinasit.Garueaset më vonë kanë udhëtuar drejt një resorti turistik që gjendej në plazhin e Durrësit ku janë strehuar në pritje për të filluar ditët e aventurës ,xhirime klipi,seanca fotografike për revistën MG 2012 dhe udhëtime drejt qyteteve shqiptare ndërkaq ato do të mbanin veshur kostumet kombëtare.Në 30 tetor:turi i bukurosheve në Tiranë, fillon në orën 10:00 Largimi nga Durrësi me makina Cabriolet visit në Muzeun Kombëtar, Instituti Albanologique, Galeria e Arteve, vizitë në Ministrinë e Turizmit, Kulturës dhe Rinisë, udhëtim në bazën ajrore të FarkeS (5 km nga Tirana) fluturimi me helikopterë në malin e Dajtit, drekë në malin e Dajtit në një restorant tradicional me pamje panoramike e Tiranës dhe udhëtimin përsëri në komandën e përgjithshme tëforcës ajrore me avion të vjetër ushtarake, si dhe rikthim në Durrës . Vizitat në jug të rivieres shqiptare, plazhet e bukura, njerëz të ndryshëm, kulturat e ndryshme dhe përvojat e ndryshme. 9 nëntor: provë e përgjithshme në skenë me audiencën. Shpallja e tre çmimeve të dhëna gjatë udhëtimit.‘’Miss Bikini, Miss Talent dhe Miss Disco Queen’’.Të shtunën në mbrëmje në 10 nëntor spektakli fillon në pallatin e sportit “Flamurtari” i cili do do të kurozojë fituesen e Mis Globe 2012.

Vendet pjesmarrëse

Pjesmarrës në këtë event janë shtete si Angola, Bjellorusia, Bolivia, Bonaire, Bosnja & Hercegovina, Brazili, Bullgaria, Kanada, Kina, Kolumbia, Kroacia, Danimarka, Republika Domenikane, Anglia, Estonia, Finlanda, Gjermania, Greqia, Hungaria, India, Italia, Xhamajka, Kazakistani, Korea e Jugut, Letonia, Lituania, Maqedonia, Malajzia, Meksika, Mali i Zi, Nigeria, Norvegjia, Pakistani, Filipinet, Polonia, Portugalia, Romania, Rusia, Serbia, Sllovakia, Sllovenia, Afrika e Jugut, Spanja, Suedia, Tajvani, Trinidad Tabago, Turqia, Ukraina dhe Shtetet e Bashkuara, janë këto shtete të cilat do të dërgojnë bukuroshet e tyre si përfaqësuese në ‘’Miss Globe’’, që mbahet në Shqipëri (Vlorë)

Bukuroshja shqiptare quhet Kleoniki Delijorgji (Shqipërinë)

Mosha: 16

Ngjyra e flokeve: Light Broën

Ngjyra e syve: Kafe Hazel

Height: 174

Pesha: 53

Bust: 90

Ëaist: 62

Hip: 93

Hobbies: Surfing në internet,, vallëzimi i kënduar, palestër

Talent: Singing

Ambicia: Për t’u bërë një person i suksesshëm në të ardhmen time

Loreta Avdyli (Kosovën).

Mosha: 18

Ngjyra e flokeve: Broën

Ngjyra e syve: Kafe

Height: 175

Pesha: 52

Bust: 88

Ëaist: 60

Hip: 89

Passion juaj: Muzika

Talent: Dancing

REKORDMENI I GUINNES, GATI REKORDI I RI ME MURALIN E SHQIPONJES

November 6, 2012 by dgreca

Artisti i njohur shqiptar Saimir Strati ka nisur punën për të thyer edhe një rekord Guinness. Më 26 nëntor, në Prishtinë, ai do ta thyejë rekordin e shtatë. Tani ka mbledhur disa thasë fasule, me të cilat do ta bëjë një mural me shqiponjën dykrenore në të. /

Nga Alfred Beka/

Në shumë fusha Kosova as që mund t’i afrohet Kinës, por edhe pak ditë do të arrijë t’ia marrë nga dora një rekord. Kina deri më tani e mban rekordin e çmimeve Guinness për muralin më të madh të bërë ndonjëherë me fara. Ndërsa në Prishtinë ka filluar të ndërtohet një mural me fasule, i cili do të jetë më i madh se ai i Kinës. Këtë punë ka filluar ta bëjë artisti i njohur shqiptar Saimir Strati, i cili tashmë ka hyrë gjashtë herë në librin e rekordeve Guinness, ndërsa ka filluar punën për të thyer rekordin e shtatë. Më një nëntor ai ka filluar të punojë në një mural në Hotel Prishtina, punë kjo që pritet ta përfundojë më 26 nëntor.

Thotë se gjithçka po ecën mirë. Pas muralit të fundit të bërë në Shqipëri, në një intervistë për Express, Strati kishte shfaqur dëshirën e tij që mozaikun e radhës ta bënte në Kosovë, në mënyrë që edhe Kosova të futet në librin e rekordeve Guinness.

“Do ta mirëprisja me shumë kënaqësi ftesën për të realizuar një rekord Guinness në Kosovë. Kjo ka qenë për mua një dëshirë e kahershme”, pat thënë para pothuajse një viti. Këtë ai e përsëriti edhe njëherë, tani në Prishtinë.

“Gjithmonë kam pasur dëshirën e madhe për të ardhur dhe për të bërë një rekord në Kosovë. Viti i 100-vjetorit të pavarësisë mendova se do të ishte i përshtatshëm për ta ngritur flamurin shqiptar në Kosovë”, thotë Strati për Express.

Murali, të cilin e ka nisur të enjten, do të krijohet me fasule. Pasi flamuri ka qenë ushqim shpirtëror i shqiptarëve, fjala ushqim e ka ngacmuar atë dhe në këtë mënyrë ka menduar të gjejë diçka që ka të bëjë me ushqim.

“Fasulet janë përdorur tradicionalisht të ne kështu që vendosa që punimin e radhës ta bëj me fasule. Është edhe një nga kushtet e rekordeve të Guinness që materialet të jenë ato që gjenden më së lehti në treg dhe nuk duhet të jenë të përpunuara. Nëse arti sot po industrializohet unë materialin industrial dua ta kthej në art”, shprehet Strati, i cili është lindur më 1966 në Tiranë.

Subjekti i muralit është flamuri kombëtar, ndërsa dimensionet janë 62 metra katrorë. Strati beson se do të përdorën më shumë se 400 kilogramë fasule. Gjetjen e materialit e ka marrë përsipër Hotel Prishtina, në holin e të cilit do të bëhet murali.

“Ne bëmë tratativa për një muaj rresht dhe arritëm të sigurojmë fasulet, të cilat i kemi marrë nga gjithë Europa, nga Turqia, Italia dhe vende tjera, sepse janë me ngjyra të ndryshme dhe diku-diku të madhësive të ndryshme. Është kënaqësi të lë një shenjë në Kosovë dhe kjo shenjë të jetë në rekordet botërore”, thotë Strati.

Vepra ka filluar më 1 nëntor dhe do të përfundojë më 26 nëntor. Atë ditë do të vinë përfaqësues nga rekordi Guinness nga Londra, të cilët do të bëjnë matjet dhe verifikimet dhe nëse i plotëson kushtet, Kosova do të ketë rekordin e vet Guinness.

Strati tregon se ekziston një mozaik i bërë me fara, i cili është 60 metra katrorë dhe ndodhet në Kinë. Ndërsa, mozaiku i Stratit do të jetë 62 metra katrorë. Nëse do të certifikohet, Strati thotë se atëherë Kosova do ta ketë mozaikun më të madh në botë që është bërë ndonjëherë me fasule.

Tregon se rekordet Guinness nuk shpërblehen me vlerë monetare, ato vetëm certifikohen.

Në fund ai nuk zbuloi projektin e radhës pasi që është i përqendruar në këtë vepër.

“Për momentin jam i përqendruar në këtë vepër dhe dua ta kryej me sukses”, tha artisti Strati, duke shtuar se pasi të përfundojë këtë mural do të fillojë të mendojë për rekordin e tetë.(Express)

PROF.DR. SAFETE S JUKA, FIGURE E MADHE KOMBETARE

November 6, 2012 by dgreca

Prof. Dr. Safete S. Juka, disa shenime rreth kesaj figure aq te madhe kombetare./

Nga Eduard M. Dilo/

Ne keto dite Nentori, shtate vjet me pare, ne New York, nderroi jete, per te ngelur e pa vdekeshme shkencetarja, studjuesja, piktorja, arkeolog-ja, Eruditja – Prof.Dr. Safete S. Juka.
Kam patur fatin te jem takuar disa here me kete zoje te rralle, qe duhet te jemi krenare qe esht shqiptare. Ruaj per te nje respekt dhe konsiderate te vecante.

Sa e ditur dhe enciklopediste qe ishte, aq ishte dhe e thjeshte. Kish te kultivuar nga familja nje dashuri te thelle per mbare kombin dhe ishte angazhuar totalisht ne zgjidhjen e padrejtesive dhe mizorive qe i beheshin Kosoves sone tejet te martirizuar e terrorizuar nga barbaret serbe .

Ka bere shume shkrime e studime, te cilat i ka botuar ne revista e gazeta me emer si : “Ectrits de Paris”, “Relitess”, “The French Review “, “Revue Francaise”, “Le Mond”, “East Europian Quartely”e sa e sa te tjera; duke mos harruar dhe gazeten “Dielli “, “ILYRIA”, “Koha e jone”, etj.

Ajo jo vetem qe zbuloi kopjen e vetme ne Biblioteken e Hravardit te librit “Albanians’ Golgotha”, te Freundlich, me te cilin njihej personalisht, por dhe e perktheu ne anglisht dhe e shprndau ne gjithe kancelarite e botes, per ta bere te njohur kudo te drejten e popullit tone kosovar, autokton ne ato troje, qe kur esht krijuar njerezimi.
E mbylli jeten e saj me nje studim shkenecor te bazuar vetem ne fakte e dokumente per Kosoven, qe e kish aq per zemer.
E kane cmuar dhe vleresuar punen e saj, si dhe ja kane ditur vleren, personalitete te tilla, si i madhi Kadare, studjuesi M. Zeqo, e shume te tjere.
Besoj se aty ku prehet, ne token qe e lindi, ne Shkodrenloce, e ka ndjere shpalljen e Pamvarsise se Kosoves, te cilen e mori peng ne varr! Ajo si shume figura te medha kombetare, kjo Rilindase e diteve tona do te gezohet aty ku ka shkuar te pushoje, kur te mesoje se Kosova ju bashkangjit trungut Ame; nje enderr e saj, nje realitet i pritshem nga gjithe ne ne nje kohe sa me te afert.
I qofte e lehte balta e tokes meme, me shprese se nje dite, ne atdheun tone do te vendosen ne vendin e merituar njerzit e vertete qe na bejne krenare ta ndjejme veten bashkekombas te tyre!
Me erdhen nder mend vargjet e Fishtes, poetit tone Kombetar, qe dhe Dr. Safete Juka e kish aq per zemer dhe e vlersonte shume, qe mendoj aq shume i perkasin Asaj:

“Dersa t’mundem me ligjrue
E sa gjall me frym un jam,
Kurr, Shqypni , s’kam me t’harrue,
Edhe n’vorr me t’permende kam.”

Kjo Zoje e rralle, per nga dijet dhe e shquar per patriotizmen e larte, la amanet qe kursimet e saj te shkojne ne adrese te Bibliotekes Kombetare ne Atdhe; nderkohe qe shkuan , u muaren nga institucioni, nuk kemi degjuar te pakten te jete vendosur nje pllake ne kujtim te ketij xhesti teper te larte. A nuk eshte vendi ketu qe ti propozohet gjithashtu Presidentit te Republikes per ti dhene titullin e larte” NDERI I KOMBIT”(eshte kerkuar dhe me pare ne artikuj te ndryshem per te nga intelektuale te ndryshem), por deri sot nuk eshte bere asgje. Nderkohe edhe Qeveria e Kosoves, e thekesoj qe KOSOVA ISHTE SHPIRTI I SAJ, e per te punoi e sakrifikoje tere jeten, duhet te beje dicka ne nderim te kesaj figure ne permasa te medha patriotike.

SHQIPTARET E BASHKUAR NE 100 VJETORIN E PAVARESISE

November 6, 2012 by dgreca

Reportazh nga New Yorku/

Shkruan Nora Kalaja /

Producenti Adem Belliu me datën 4 nëntor 2012 organizoi një festë madhështore me rastin e 100 vjetorit të pavarësisë së Shqipërisë dhe 15-vjeçarin e TV Kultura nëNew York, të cilin ai drejton. Ceremonia u hap me himnin shqiptar dhe amerikan. Midis të ftuarve prezent prej 500 pjesëmarrësve ishin edhe prezantues nga komuniteti shqiptar shkencëtar, artistik dhe politik, duke përfshirë dhe këngëtarët e shquar Gëzim Nika, Hajro Ceka, Eagles Up Entertainment (Gem Belushi, Marty Magz), Alba Band, Muharrem Borova, Cobo Music Studio, Valerie Veneski dhe Tom Smajlaj nga “Shoqata Kulturore Artistike Kelmendi”, aktori i talentuar Agim Rugova, regjizori i shquar Roko Markolovic (producenti/regjizori/skenaristi i filmit të parë shqiptar në Amerikë ‘My Destiny: An Albanian Love Story’), artisti Astrit Tota, etj.

Aktori i famshëm Agim Rugova luajti rolin e këshilltarit politik të Ismail Qemalit, Luigj Gurakuqi dhe lexoi Deklaratën e Pavarësisë gjatë skicës teatrale performuar për publikun e pranishëm. Në skenë ka performuar edhe Shaban Lajqi i cili luajti rolin e Ismail Qemalit dhe Tom Gjergji i cili luan rolin e Isa Boletinës dhe rikrijuar skenën e Pavarësisë 1912. Gjithashtu trupa e aktorëve do interpretojnë edhe jashtë qytetit të New Yorkut. Do jenë të ftuar në LehmanCollegepër festivalin shqiptar, dhe do performojnë në Torontodhe Michiganme 24-25 Nëntor 2012.

“O sot o kurrë, ka ardhur koha të jemi së bashku një shtet, një Shqipëri etnike, pasi kemi derdhur gjakun e pafajshëm shqiptar për të mbrojtur kombin nga padrejtësite bërë ndaj nesh. Në këtë skenë të shkurtër, roli im është një këshilltar politik i Ismail Qemaijli, dhe unë lexoj ‘Deklaratën e Pavarësisë’. Luigj Gurakuqi (19 shkurt 1879 – 2 mars 1925) ishte një shkrimtar shqiptar dhe politikan. Ai ishte një figurë e rëndësishme e Kombit Shqiptar. Luigj i shërbeu çështjes kombëtare, jo vetëm duke luajtur një rol aktiv në jetën publike, por edhe duke kontribuar artikuj informues për një numër të mirë të periodike shqiptare. Është një nder i madh të luaj rolin e kësaj figure madhështore për kombin shqiptar,” tha aktori Agim Rugova.

Gjatë manifestimit ishin të pranishëm dhe personalitete të respektura si Mark Gjonaj, i cili fitoi zgjedhjet parësore për Asamblenë e New Yorkut, ish-kongresmeni Joseph DioGuardi, Bajram Doka nga Akademia Shqiptaro-Amerikane e Shkencave dhe Artit, Dalip Greca dhe Danny Blloshmi nga federata panshqiptare ‘Vatra’ dhe gazeta Dielli dhe Ermira Babamusta. Ngjarja u transmetua në kanalet televizive të mediave shqiptare dhe amerikane si TV Alba (Kozeta dhe Qazim Zylo), RTV 21 (Halil Mula), TV Kultura, etj.

“100 vjetori i pavarësisë ka një kuptim special për të gjithë shqiptarët në botë. Është kënaqësi të shikosh shiptarët nga të gjitha trevat shqiptare prezent këtu në këtë festë në New York. Në veçanti është nder për kompaninë muzikore ‘Eagles Up’ (Shqiponjat lart) të jetë pranishëm sonte. Një mbrëmje e tillë organizuar nga Kultura TV simbolizion një bashkim të shqipëtarve, të cilëve i uroj suksese kudo që janë,” tha themeluesi i Eagles Up (EU) Entertainment, Gem Belushi (Producent, artist, biznesmen).

“Jam krenar për prejardhjen time shqiptare dhe i uroj shqiptarëve kudo që janë gëzuar pavarësinë. Shpresoj që komuniteti artistik shqiptaro-amerikan të ecë sa më shumë përpara dhe të jenë të lidhur më shumë për të zhvilluar kulturën shqiptare dhe famën e mirë që kanë jashtë vendit,” tha Marty Magz (Eagls Up Entertainment) në Michigan.

“E kam nder dhe kënaqësi të jem pjesë e këtij celebrimi historik me shqiptarët e New Yorkut. I jam mirënjohëse partneritetit të fuqishëm shqiptaro-amerikan, dhe në veçanti kontributit të madh të Amerikës në përkrahje të Shqipërisë gjatë shumë viteve, duke filluar që me presidentin amerikan Woodrow Wilson, forcuar nga presidenti Bill Clinton dhe ecur më tej nga president Barack Obama me përkrahjen e fuqishme të pavarësisë së Kosovës. Gjatë festimit të 100 vjetorit të pavarësisë, me rëndësi është që si komb të jemi të bashkuar në misionin tonë për paqe, demokraci dhe prosperitet. Një Kosovë e lirë dhe e pavarur nënkupton një hap më afër të një bote paqësore,” u shpreh Ermira Babamusta, Ph.D., eksperete e punëve të jashtme dhe drejtuesja e GOTV (Get Out the Vote) e fushatës elektorate të President Obamës në 2008 dhe drejtuese në fushatën presidenciale në 2012.

Shqiptarët e Amerikës janë të bashkuar për të krijuar një atmosferë festive këtë muaj. Shqiptarët e New Yorkut dhe nëpër botë vazhdojnë festimet e 100-vjetorit të pavarësisë gjatë muajit të Nëntorit. Festimet në vijim janë: 3-9 Nëntor 2012, festivali i 13^të i filmit shqiptar mbajtur në Tiranë me drejtor Artan Minarolli; veprimtari klutorore-artistike në 11 nëntor 2012 në Lehman College si dhe me shoqatën e Shkrimatarëve Shqiptaro-Amerikanë në New York; koncert me 17 nëntor 2012 nga Shkolla Shqipe Alva Life & TV Alba me drejtues Qazim dhe Kozeta Zylo në New York dhe festivali madhështor i pranverës për pavarësinë në Kanada me 24 nëntor 2012 me drejtor Tonin Ndoja.

“Me rastin e 100 vjetorit të pamvarësisë, të nënës tonë të dashur, Shqipërisë tonë dhe ngritjes së Flamurit tonë Kombetar nga plaku i Vlorës Ismail Qemali me patriotët nga gjithë trevat Shqiptare i uroj gjithë kombit Shqiptar të jetojnë ne paqe dhe liri së bashku, në një Shqipëri natyrale, pa kufij dhe të integrohen sa më shpejt në Europën e Bashkuar, pasi kemi qenë dhe jemi banorë të përjetshëm të saj. Gjithashtu ju uroj Camëve, banorëve të Camërisë , vendit që në mesjetë quhesh Epir dhe në lashtësi ka qenë djepi Pellazgjik, të kenë mundësi të vizitojnë varret e të parëve të tyre dhe të jenë zot të trojeve dhe tokave të tyre amtare,” u shpreh Prof.Bajram Doka, epigrafist i gjuhëve të lashta/ Albanian-American Academy of Sciences and Arts.

Diaspora shqiptare është angazhuar për pregaditjet për festën madhështore të pavarësisë. Shqipëria, Kosova dhe Maqdonia kanë planifkuar aktivitete të ndryshme me rastin e ditës së Flamurit. Në Tiranë u krijua enkas për rastin e 100 vjetorit të shpalljes së pavarësisë projekti ‘Skënderbeu – Epirioti fitimtar Atlet i Krishtit’ një ekspozitë me foto artistike e historike të shekullit XV-XX, drejtuar nga Fotaq Andrea.

Edhe shqiptarët e Kanadasë dhe Gjermanisë, midis të tjerëve janë duke përfunduar organizimet për festën duke u përkushtuar në mënyrë dinjitoze.

“Komuniteti shqiptar këtu në Kanada është shumë i ndjeshëm dhe në një mënyrë apo tjetër e shpreh se i mungon Atdheu, por ka arritur me punë dhe dinjitet të integrohet plotësisht ne jetën kanadeze. Unë do uroja që komuniteti shqiptar do gjejë një motiv më shumë të marrë pjesë ne Koncertin e 100 vjetorit të organizuar nga Albanian Canadian events, por dhe në të gjitha aktivitetet që do organizohen nga individdë apo shoqata te ndryshme këtu në Kanada, pasi motivi është i njëjtë: të festojme të gjithë së bashku dhe të percojmë tek brezi i ri vlerat tona të muzikës dhe artit. Shprehja ime e vjetër ka qenë atë si nuk arrin ta bëjë politika, le ta bëjë muzika dhe ne te bashkohemi dhe ne vllazërim me njeri tjetrin vetem te festojme dhe te gezojmë, për një të ardhe më të mirë,” tha Tonin Ndoja themelusi/drejtuesi i Albanian-Canadian Events.

“Unë e shof Festivalin e 13-të të Filmit Shqiptar në kuadrin e 100 vjetorit të Pavarësisë, si një event shumë të rëndësishëm për kinematografinë shqiptare në përgjithësi edhe pse në lidhje me jubilarin për nder të 100 vjetorit të Pavarësisë.Ky event mban mbi vete një përgjegjësi artistike të këndshme, për të grumbulluar shqiptarët e artit kudo ku janë. Duke u hapur të gjithëve “dyert” e artit shqiptar! Personalisht gëzohem shumë që mu dha mundësia të jem pjestar i një eventi kaq të rëndësishëm. Shpresoj që edhe në të ardhmen lidhjet të qëndrojnë impakt, jo vetëm me njerëzit e Artit në Shqipëri, por edhe me të gjithë Artëdashurit e tjerë Shqiptar brënda dhe jashtë trojeve shqiptare,” tha aktori i shquar në Gjermani, i talentuar Kasem Hoxha.