s p – Page 2387 – Dielli

Dy fjale në prag të 25 vjetorit të shkatërrimit të shtetit në Shkodër dhe në Shqipëri

March 1, 2022 by s p

Prof. Dr. Romeo Gurakuqi/

Me 12 mars 1997, ne oren 20.30, nji urdhen i dale nga skutat e erreta te anti-shtetit, larg prej Labiatise, e perfshiu qytetin e Shkodres fillimisht, me pas te gjithe krahinen, artificialisht, pa asnje shkak e arsye, ne kaosin e krijuar tjeter kund ne Shqipni. Brenda pak oreve, pa pasun asnji sulm nga jashte dhe as nga mbrenda, shteti ne Shkoder ra, te gjitha institucionet, me perjashtim te Bashkise dhe Universitetit, u rrezuan totalisht, ndersa pergjegjesit shteterore leshuan detyrat dhe pozicionet e ngarkueme prej ligjit dhe kushtetutes. Vendi u vendos nen kontrollin e flakeve dhe krismave te nji anmiku qi nuk dukej e nuk shfaqej askund; jeta e qytetareve u kercenue seriozisht nga bandat e ngrituna rishtazi, nderkohe qi vala e dyte e mergimit te shkodranve qi shpresuan per te mirat e lirise, filloi te marre rrugen e vet. Shkodranet iknin pa kthim nga vendi, por fajtoret e cenimit te sigurise publike, gradualisht, jave pas jave, pa prit dhe pa kujtu, filluen te lajne duart, te rishfaqen ne skene, me shpresen naive, se ne me te vertete kujtojme qi ata jane shpetimtaret tone.Shkodra paqesore dhe normale u përfshi në mënyrën mà të papritun në nji krizë dhe turbulence qi nuk kishte te bante aspak me qytetaret e saj dhe u detyrua te përjetonte ndoshta momentet mà të vështira të historisë së saj. Mbi te gjitha qytetaret e Shkodres, te paret qi u hodhen ne barrikadat e lirise kunder diktatures, pane me syte e tyre dhe perjetuan, tradhtimin e idealit demokratik dhe patriotik, shkatërrimin e pamerituem të atyne të mirave materiale dhe morale te rikthyeme pas 1991, te cilat jepnin nji lloj shprese për të ardhmen.Asnjeni nga pushtuesit e huej qi kaluen në këtë truall, nuk e lanë këtë qytet dinjitoz mà të pambrojtun, sesa “shteti rrëmujë” shqiptar i viteve 1997, 1998. Pasojat e kesaj goditjeje te pameritueme, asnjihere nuk u rekuperuan, mbasi toka e djegun e lanun mbrapa nga kaosi i nxitun me qellim, ikja e banoreve te rrethuem nga dhuna dhe permbysja e hierarkise se komandes ne komunitetin vendor, perkunder rregullave qe i rithemeluem me aq mundim gjate viteve 1991 dhe 1992, shkaterroi arsyen, pergjegjesine qeverisese e udheheqese pergjithnje. Ajo cfare erdhi mbrapa ne ndjesine e te mbijetuemve dhe te pamundunve te mbetun ne rrethimin e varfnise, ishte bindja, se per me ba hajr ne kete vend, tash e mbrapa, duhej vec perulje, bindje e verbert ndaj te vertetave qe na imponin Zotat e Larget, sherbim i verber, servilizmi, ngritje flamujsh dhe brohoritje per ma te medhenjt, te huej per ne, qi dijne gjithshka.Kushdo bani ndryshe, u vendos nen shenjestren e atyne qe kishin monopolin e te vertetes, te patriotizmit, te demokracise, social- demokracise, liridashjes dhe pesuan yryshin e skuadrave te servitoreve.Edhe pse me pas jane ba perpjekje per rekuperim te kodeve drejtuese mbi traditen dhe mbi burime njerezore udheheqese te bazueme mbi hierarkine intelektuale, filli i percaktuem ne start nuk u kap kurre. Madje sot, pas 25 viteve nga ajo kohe e cmendun, liria vazhdon me kene lehtesisht e cenueme, e dhunueme me metoda mjeshtrash, ndersa presioni i nendheshem i pushteteve dhe pushtetareve, kamuflon dhe inskenon demokraci te brendshme qytetare, entuziazem popullor rrenc, llogorizim te detyruem, si askund tjeter ne Shqipni.Ka ardhe nje dite qe ne Shkoder, liria jone trumbetohet, nderkohe qe ajo nuk ekziston.Kemi ardhe ne nji vit te atille kur nji populli qe s’ka pase nevoje kurre me ia mesue rrugen e vet askush, sot ia shenojne me cdo lloj shkumsi, ia percaktojne me cdo lloj fjalimesh boshe, ia kufizojne me cdo lloj menyrash shternguese, dhe ai nuk bzan, duke u vendos ne rreshtin e urdhnuem.E trishte te them, por edhe pas 25 viteve, po notojme te përgjumun në teatrin shqiptar te demokracise se kontrollueme nga te Medhenjte, pa e ditun ku àsht bregu i përtejmë i shpresës dhe po nuk u ndalem me mendue nji here mire per projektin tone udheheqes, zhvillimor, emancipues, vetqeverises, mbi kodet tona shekullore, mund të vendosemi edhe ma tutje, spontanisht, padrejtësisht, në rolin e nji lodre të destinueme për t’u sakrifikue nga meskiniteti i politikës se ndertueme per arsye jo publike, krejt larg nesh, pertej bashkesise se rregullave qe na jena mesue me u qeverise, drejtue dhe bashkejetue.

Remarks by Ferit Hoxha at the General Assembly on Draft-Resolution on armed Aggression by the Russian Federation against Ukraine

March 1, 2022 by s p

Mr. President,

Dear Colleagues,

Last Friday Albania and the United States of America submitted to the Security Council a draft-resolution on the act of aggression Russia has committed against Ukraine.This act is in clear and blatant violation of Article 2, paragraph 4 of the Charter of the United Nations — the obligation to refrain from the threat or use of force against the territorial integrity or political independence of any State.11 members of the Security Council voted yes, and only one country said no, the aggressor. 81 states co-sponsored it, cross-regionally. We thank all these states for their support and for standing up to defend principles and norms that make us friends and not enemies; that make us embrace peace, not aggression.We are here in the General Assembly today to continue our efforts and rally the world to condemn aggression and hold the perpetrator accountable.Dear Colleagues,We stand in admiration before the courage of Ukrainians, men and women, defending their country, with whatever they have, in a war they did not choose.They are in their right and will prevail, since they know that never in history did Russians tanks win when they were not welcome. This time will be no exception!The Soviet Union is dead and nothing, no fantasy, no nostalgia, no war will never ever bring it back. We condemn the involvement of Belarus in this aggression against Ukraine and call on it to abide by its international obligations.As the Albanian Minister of Foreign Affairs stated yesterday, “this war is more than just a war for the freedom of Ukraine. It is a struggle for the future of a democratic Europe, for the architecture of security and cooperation in our continent, as well as rules based international order”. Therefore, it concerns us all.Dear Colleagues,Russia had been warned: if you go to war, you will face severe and massive consequences. Albania has joined the concert of nations that has imposed sanctions and other restrictive measures against Russia. We have subscribed to the entire package adopted by the EU. We have closed our air space to Russian operators, have joined the individual sanctions on the freezing of assets of individuals up to the Russian President and which will apply to 654 individuals and 52 entities.Economic sanctions include restrictive measures in finance, energy, transport and technology. Albania will no longer participate in any sports activity facing the Russian Federation until Russia ceases its aggression against Ukraine.Also, given the worsening humanitarian situation, we have also committed to shelter refugees.Dear Colleagues,If we agree, willingly or by indifference, to let what is commonly agreed unravel, in front or our eyes as this act of aggression does, what respect do we have for what has been built during 76 years since the world war II?What hopes we do cherish that we can continue to defend our rights, individually and collectively;what assurance there is that we will not be condemned to be just a name plate or end up a dry number in this room?Instead, if we think and maintain that, despite size, might or wealth, we are equal members and responsible actor of this Assembly of Nations, truly committed to uphold norms and values of our civilization working for peace, harmony and cooperation among nations, we need to show it.Albania has cosponsored the draft Resolution and we call on all members States to do so.Russia must immediately stop its military actions, withdraw all forces and military equipment from the entire territory of Ukraine and respect Ukraine’s territorial integrity, sovereignty, and independence within its internationally recognized borders.Thank you.

Poeti e piktori i madh akademik ukrahinas Taras Shevçenko

March 1, 2022 by s p

Poeti i e piktori i madh akademik ukrahinas Taras Shevçenko (1814 – 1861) një pjesë të jetës e kaloi si ushtar i thjeshtë në repartet e ushtarake ruse, në stepa e shkretira, i fyer dhe i munduar nga oficerët e kapterët rusë. Me urdhër nga lartë iu hoqën gradat oficerit dhe u ndalua të shkruante e të pikturonte. Por në fshehtësi ai krijoi poezi nga më të dhimbëshmet përmallimi për atdheun e dashur, Ukrainën.

Shënim: Taras Shevçenko në disa krijime poetike, nuk rimon, por ritmi eshte i pranishëm në çdo poezi.

Perktime nga: Agim Xh, Dëshnica

C:\Users\Agim\Desktop\Documents\1_files\Scan_20211208 (5).jpg

MENDIMET E MIA

Mendime, mendimet e mia,

Mjerë, me ju!

Ç’u shtruat nëpër letër

Me radhë të zymtë ashtu?

Pse era s’u shpërndau,

Si pluhur në hapësirë?

Pse, mjerimi s’u shtroi të flinit

Si fëmij të mirë?

Mos u lindëm nga mjerimi?

E lotët i derdhëm çurk … Si s’u mbytëm?

Si s’vërshuam si det e nuk gërryem fushat?

Njerëzit s ‘pyetën se ç’më dhimbte në gji,

E përse mallkoj fatin tim të mbrapsht,

Përse mundohem… “S’prish punë, ec!”

As me të qeshur nuk më thanë.

Lulet e mia, fëmijtë e mi,

Pse ju kam ledhatuar

e pse ju kam mbrojtur?

A qan një zemër në botë,

Ashtu siç kam qarë unë me ju?

A mud të gjendet një vashë

Zemra e saj e sytë e zi,

Të qajnë me ju mendime?

A lypet më tepër?

Vetëm një lot të binte….

Mendime, mendimet e mia.

Mjerë, me ju!

LART NË MAL KUJTOJ UKRAINËN

Kur vjen e diela, ia mbaj pas shkëmbinjsh

Në fusha, si kusar në fshehtësirë,

Përmes shkuresh zallit të Uralit*

E dal te stepë e gjerë dhe shfreh i lirë…

Zemra e tronditur, përpëlitet

Si peshku mbi ujë e sëmurë.

Qesh në heshtje e fluturon

Si pëllumb ashtu si dikur.

Në liri në hapësirën e huaj

Përtërihem, gjaku më gufon,

Ngjitem e ngjitem

Malit lart vrapoj,

Të shoh, tej në mjegull Ukrainën,

Tmerr kur e kujtoj!

Stepat këtu- të kuqe e gjembore,

Të kaltra e qiellore atje.

Livadhe të endur me blerim,

Lugina në muzg në perëndim.

Këtu- gëmusha, driza, rërë e shkretë,

Një kodër-varr,

Për të shkuarën flet.

Ndoshta prej fillimit të jetës

Frymë njeriu s’ka pasur askund

E kjo shkreti fshihej nga bota.

Gjithsesi mbërritëm këtu

E ngritëm fortesa – qyteza kudo,

Pra edhe varre do të ketë

E punët do të ecin më shpejt!

O vendi i dashur, fati im,

Kur do të kthehem në Ukrainë?

O Zot, medet, do të kalbem,

Larg te kjo greminë!

Fortesa Orska 1847

*Pranë lumi Ural në stepat përtej Kaspikut, ndodhej

Fortesa Orska, ku poeti e piktori i madh ukrainas Taras

Shevçenko ishte internuar për një kohë të gjatë, si ushtar

i thjeshtë, me urdhërin e Carit, i ndaluar rreptësisht të

shkruante apo të pikturonte.

PA LIRI

Mos nëm , mos i jep askujt

Atë që fati i jep plakut.

I dëbuar larg e në vetmi

Vitet ikin kot e pa liri.

Tej në stepa do të vete

Të harroj çdo trishtim më vete.

Por oh! ç’ prapësi e sa mëzitje!

Kapterët, të ndalin në çdo shetitje.

MIRË MBETSH,

O KOS ARAL!

U hapën velat…

Tartana me sandallin

Si rrëshqitën nëpër ujëra,

Mes kallamesh në Sir Dar,

Lundrojnë tashmë në kaltërsi.

Mirë mbetsh, o Kos Aral i mjerë,

Dy vjet trishtimin tim të thellë,

Sadopak, munde ta lehtësoje!

Faleminderit, krenohu, pra,

Se njerëzit, pasi të gjetën,

Se ç’duhej bërë për ty, e dinin!

Mirë mbetsh, o mik!

Jo, atë vend

As e lëvdoj, as e mallkoj!

E ndoshta brenga,

Do t’më trazojë sërish.

Ajo që njoha te ajo tokë!

Veç tashti prej saj jam larg.

Bllokadë ekonomike ndaj Rusisë

March 1, 2022 by s p

Dr. Igli Tola/

Luftës konvencionale që Rusia nisi të enjten e kaluar duke mësyrë si nga ajri dhe toka territorin e Ukrainës, Perëndimi i unifikuar duket se nuk mund ti përgjigjet me të njëjtën ‘monedhë’. Ligji III i Njutonit na kujton se veprimi dhe kundër-veprimi janë gjithnjë të barabartë, por në kahe të ndryshme; Në zbatim të tij kundër-veprimi i ShBA-ve dhe BE-së do të jetë po aq i fortë në rrafshin ekonomik dhe politik, për ta dobësuar dhe rrënuar ekonomikisht Moskën dhe detyruar kështu të kthehet pas nga kjo ofensivë e rrezikshme për paqen dhe stabilitetin botëror.

Instrumentat që kanë në duar për të arritur këtë qëllim janë të shumta:

Më e përfolura e këtyre ditëve ishte aksioma e largimit nga SWIFT të bankave me kapital rus.

SWIFT (Shoqëria Mbarëbotërore për Telekomunikacionin Financiar Ndërbankar), është ‘çelësi’ që mundëson ekzekutimin e transaksioneve financiare dhe pagesave (xhirimeve bankare) ndërmjet bankave të ndryshme në mbarë botën. Me seli qëndrore në La Hulpe, Belgjikë, por në pronësi të akordit prej më shumë se 11 mijë institucionesh financiare, nga mbi 200 shtete dhe territore në gjithë globin.

Duke qenë një shoqëri kooperative e mbi 11 mijë ‘aksionerëve’ detyrimisht vendimin për të përjashtuar një apo disa banka nga ky rregjim i takon bordit drejtues të shoqërisë; as Presidentit Biden, apo Kryeministrit Johnson. Megjthatë ka një truk ligjor që mund të bëj të mundur përjashtimin nga SWIFT-i të bankave ruse (Sherbank me të ardhura vjetore 761 miliardë rubla, VTB me 80 miliardë, GPB me 56 miliardë, PromSvyaz me 26 miliardë etj), pa pritur për unisonitetin e anëtarëve të bordit, që mund të vonojë në kohë dhe dihet se në këto kushte çdo minutë, orë a ditë vonese është ‘oksigjen’ për financat dhe pushtetin në Rusi: Zgjidhja është një vendim detyrues i dalë nga Komisioni Europian, organi më i lartë i BE-së. Vendim për nga tagri i obligueshëm për tu zbatuar nga çdo entitet që vepron dhe rezulton i regjistruar në çdonjërin nga shtetet anëtare të unionit, për rrjedhojë që ushtron aktivitetin konform (nën) juridiksionin e BE-së. Kështu, SWIFT-i duke qenë i regjsitruar dhe seli në Belgjikë, shtet anëtar me të drejta të plota në BE, duhet të zbatojë urdhëresën që pritet të dali nga ‘Italia, Gjermani, Franca and co’.

Ky akord do ta bënte pothuajse të pamundur për institucionet financiare në Rusi të ‘komunikonin’ me botën; dërgonin para dhe ekuivalentë të tyre brenda ose jashtë vendit, duke shkaktuar një tronditje të fortë për kompanitë ruse dhe klientët e tyre. Mungesa e likujditetit dhe pezullimi i importeve-eksporteve do të sillte ‘ishullizimin’ e kompanive dhe ekonomisë ruse në tërësi, situatë që do të kishte si efekt zhvlerësimin e skajshëm të rublës, ’emoragji’ masive e të pakontrolluar të kapitalit etj. Kujtojmë këtu çfarë ndodhi me Iranin në 2012. SWIFT-i i shkëputi bankat iraniane, pas sanksioneve që iu vendosën Republikës Islamike të Iranit nga Bashkimi Europian për pasurimin e programit bërthamor; Vendi humbi pothuajse gjysmën e të ardhurave të tij nga eksporti i naftës dhe 30% të tregtisë së jashtme pas kësaj mase.

Prognoza se çfarë do të ndodhi me Rusi, ilustrohet qartë me rastin e mësipërm të Iranit. Ekonomia e tetë në botë pritet të ‘tkurrej’ në bilancin tregtar dhe do të humbiste stabilitetin në treguesit makroekonomik: mbi 407 miliardë dollarë eksporte, kryesisht drejt BE-së dhe Turqisë do të bëhen ‘pending’, njësoj edhe importet 230 miliardë dollarë. Në mungesë të flukseve dhe impulseve monetare, kompanitë do të humbasin tregje, pamundësohet pagimi i punonjësve dhe detyrimeve në arkën e shtetit etj; duke rrënuar ekonominë përditë.

Rusia, mbase duke ‘endur’ prej kohësh këtë skenar të Ukrainës, ka vite që punon në rritjen e rezervës valutore. E katërta më e madhja sot, vlerësuar më shumë se 630 miliardë dollarë, ku zotërimet në dollarë amerikanë zënë një peshë specifike gjithnjë e më të vogël. Një rezervë që ‘per capita’ do t’ia kishte zili çdo shtet tjetër, e aftë të mbuloj zbulimin e eskporteve për më shumë se 1 vite dhe që mund ta kthej Bankën Qendore në ‘kordonin umbilikal’ të ekonomisë dhe luftës në Ukrainë.

Ndaj, në planin e sanksioneve duhet të shihet dakortësimi për përfshirjen e masave për të siguruar që Rusia (Banka Qëndrore e saj) të mos mundet të përdorë rezervën valutore për të mbështetur monedhën Rubla dhe në këtë mënyrë të ‘minojë’ ndikimin e sanksioneve perëndimore.

Minimalisht, këto 2 operacione duhet të inicohen njëkohësisht, që të arrihet ‘tamponimi’ i sanksioneve.

Sa më shumë vijon lufta, aq më shpejt ‘digjet’ rezerva dhe përshpejtohet inflacioni. Rikujtojmë çfarë i ndodhi 8 vite më përpara Rusisë me zhvlerësimin drastik të rublës, ku iu desh të shpenzonte 25% të rezervës në vetëm pak ditë. Ndaj, nqs Banka Qëndrore Europiane vendos të ‘ngrijë’ (bllokojë) llogarinë në euro të Rusisë dhe FED-i amerikan ato në dollarë; e vetmja ‘armë ekonomike’ në dorën e Moskës do të ngelet rezerva e Arit, që llogaritet në pothuajse 120 miliardë dollarë. Në dukje Ari jep garanci, por ka vështirësi në këmbim dhe transportim. Të rrallë do të ishin ato që do të ofroheshin të blinin arin rus, jo vetëm për sanksionet që do të mund ti viheshin edhe atyre nga Perëndimi, por edhe vështirësisë për transportimin e sigurtë të qindra tonelatave lingota.

Së fundmi, përtej sanksioneve institucionale ndaj Kremlinit, duhen eksploruar edhe të gjitha mundësitë për të penalizuar efektivisht oligarkët e lidhur me pushtetin; pasuritë e investimet e tyre financiare jashtë vendit, veçanërisht në Europë. Vilat, apartamentet, jahtet, kompanitë dhe paratë në kontot e tyre, fëmijëve, apo personave të lidhur me to mund të vihen nën sekuestro nga autoritet e shteteve respektive. Goditja e oligarkëve, indirekt cënon autoritetet ruse, pasi dihet botërisht se oligarkët janë ‘shpikje’ dhe ‘levë’ e tyre.

Putini dhe oligarkët e lidhur me të kanë pasur dekada të tëra për ti transferuar pasuritë e tyre jashtë shtetit, pjesa dërmuese të fshehura në skema të krijuara posaçërisht për tu shmangur sanksioneve të mundshme që priteshin. Një studim i vitit 2017, i publikuar nga Byroja Ekonomike Kombëtare me bazë në SHBA vlerësoi se pothuajse 800 miliardë dollarë mbahen nga milionerët rusë në Mbretërinë e Bashkuar, Zvicër, Maltë, Qipro dhe të tjera qendra të ngjashme ‘off-shore’. Një pasuri faraonike, e mbajtur nga disa qindra individë ultra të pasur, të ashtu quajtur ‘oligarkë’; që tejkalon vlerën e pasurisë së 99% tjetër rus, gjithë pjesës tjetër të popullsisë ruse prej 144 milionë banorësh.

Një shembull i tyre është Roman Abramovich, ish-guvernator i një province në Rusi dhe aleat i hershëm i Putinit, i cili u bë një manjat çeliku dhe metalesh. Tani fshihet pas një nënshtetësie të dyfishtë izraelite, me një pasuri neto të vlerësuar në më shumë se 13 miliardë dollarë. Apo edhe Alisher Usmanov, një tjetër manjat rus i metaleve të çmuara, i cili ishte një investitor i hershëm në Facebook. Pasuria e tij vlerësohet në mbi 14 miliardë dollarë. Këtë dhe shumë të tjerë, janë si ‘kukullat Matrioshka’ që sapo i hap brenda fshihet një kukull tjetër, pushtetarët rus.

. . . . .

Aplikimi ‘on-block’ i këtyre sanksioneve ka efektshmëri më të lartë, duke qenë komplementare me njëra-tjetrën në rezultat të pritshëm. E ndërkohë, duhet edhe mbikëqyrje e rreptë gjatë gjithë kohës, pasi qoftë edhe një e ‘çarë’ e vogël të krijohet në Bllokadën e vendosur, një vend të toleroj disi nga zotimi i dakortësuar, kaq mjafton për ti dhënë ‘frymëmarrje’ ekonomisë ruse.

“BIJTE E SHQIPES” NE FILADELFIA FESTOJNE 14 VJETORIN E PAVARESISE TE KOSOVES

March 1, 2022 by s p

Nga: Bujar Çela

Perkujtimi i 17 shkurtit te cdo viti, i kesaj date me te rendesishme per shqiptaret e Kosoves, eshte bere pjese perberese e veprimtarive te planifikuara nga kryesia e shoqates “Bijte e Shqipes”. Prej 14 vitesh, data 17 shkurt 2008 si data e shpalljes te Pavaresise, ka sjelle ne Qendren social – kulturore kujtime, vleresime e materiale te shkruara nga pjesemarresit dhe organizatoret ne kujtim te luftes, heronjve e deshmoreve te rene per liri. Edhe ne dy vitet e pandemise, keto veprimtari nuk u nderprene.

Por ky pervjetor, u mendua dhe u realizua pak me ndryshe. Per tu ngjasuar edhe me festimin e madh te 28 Nentorit, qe organizohet ne lokale me nje pjesemarrje shume te madhe ne numrin e bashkatdhetareve, kryesia vendosi qe edhe pavaresia e Kosoves, te festohet ne nje nga lokalet shqiptare me nje hapesire sa me te madhe. Nga grupi i punes i ngritur per organizimin e kesaj mbremjeje i perbere prej Dritan Matrakut, Mexhit Kobocit e Bujar Celes u zgjodh Restauranti “Il Villagio“ne Cherry Hill NJ me pronaret Andi Leli, Elton Leli, Arber Myrtaj e Artan Myrtaj, nje ambjent i kendshem, me hapesire e me nje sherbim korekt e te kulturuar. Bashkatdhetaret nga Kosova e Shqiperia, pak e nga pak filluan te hynin ne ambjentet e brendshme te lokalit ne oren e caktuar, e te zinin vendet e percaktuara. DJ Bujar Sadikaj, djali simpatik, i palodhur e i kujdesshem ne zgjedhjen e muzikes, ftonte me kenget nga Kosova duke krijuar atmosferen festive.

Z. Bujar Gjoka, kryetari i shoqates “Bijte e Shqipes”, duke i falenderuar te gjithe te pranishmit ne kete veprimtari (dreke), uroj diten e pavaresise te Kosoves per te gjithe shqiptaret me banim ne Filadelfia e kudo ndodhen ne bote, vecanerisht per shqiptaret e Kosoves te cilet duhet ti japin mbeshtetjen e vazhdueshme qeverise se tyre per ta cuar ate perpara ne cdo drejtim. Me pas ai ftoi ish kryetarin e kesaj shoqate z. Tajar Domi, qe te mbaje fjalen e rastit.

Z. Domi duke kujtuar disa nga momentet e qendreses historike per liri qe nga 1913 -ta kur Konferenca e Ambasadoreve shkeputi padrejtesisht Kosoven nga trojet amtare deri tek lufta clirimtare e vitit 1999 nga UÇK-ja, midis te tjerave theksoi se sot, 14 vite me vone, nuk ka cep te Kosoves pa lapidar, permendore, shtatore, varreza e komplekse memoriale qe deshmojne jo vetem roberine e thelle te ketyre trojeve, por edhe luften e perjetshme te kosovareve per liri. Te renet pergjate historise te Kosoves jane te panumert, ndersa deri ne ditet tona kane arritur jo te gjithe, por vetem emrat e atyre qe kane bere histori. Shteti i ri i Kosoves, ne vleresimet si heronj te Kosoves evidentoi 85 figura te rendesishme te ceshtjes kombetare ne periudha te ndryshme si Abdyl Frasheri, Hasan Prishtina, Azem Galica, Shaban Palluzha, Jusuf Gervalla, Sali Çeku, Fehmi Agani, Zamir Pajaziti e padyshim krye heroi i luftes clirimtare, legjenda shqiptare Adem Jashari me familjen e tij, ndersa Deshmor te Atdheut jane evidentuar mbi 2500 persona.

Perjetesimi i kesaj historie tashme eshte pasqyruar edhe ne veprat obelisk te ngritura si ai NEW BORN ne qytetin e Prishtines qe simbolizon rilindjen e shtetit te ri te Kosoves; kulla e Obeliskut ne qytetin e Kukesit tashme “ Nderi i Kombit”, qe e mbushur me fotot e ngjarjeve te eksodit biblik te kosovareve drejt Shqiperise, ka shenuar daten 16 prill te cdo viti si dita e kthimit ne shenje falenderimi te shqiptareve matane Morinit. Ndersa ne anen tjeter te Kosoves, ne Hanin e Elezit, eshte inauguruar kohe me pare nje veper monumentale- artistike e emertuar “Muri i Kujteses” qe simbolizon sakrificen e Nenes Shqiptare dhe se bashku me emrat e disa prej personaliteteve qe kontribuan ne clirimin e Kosoves, shpreh me se miri kujtimin e respektin per te gjithe ata qe sollen lirine e pavaresine e shume pritur.

Duke sjelle ne kujtese edhe pak fjale nga pershendetja e presidentes te Kosoves znj. Vjosa Osmani per 14 vjetorin e pavaresise, pjesemarresit ndjehen me krenar e ngadhnjimtar: “Flamuri i Kosoves gjate ketij viti eshte valvitur me dinjitet e krenari ne te kater anet e botes. Permes Farije Hotit, Grave te Krushes, permes Yllkes, Duas, Rites, Majlindes, Nores etj, emri i Kosoves tingelloi shume me mire dhe u be sinonim i triumfit, i kampioneve, i sukseseve e ekselences”.

Tashme , gjithcka ishte ofruar ne tryezat e pjesemarresve , ndersa kenget popullore per deshmoret e Kosoves, Adem Jasharin, Xhamadani Vija- Vija e shume te tjera , bene qe salla te oshetinte ndersa shumica e pane veten ne pisten e vallezimit. Shumica e bashkatdhetareve ne kete feste vinin me origjine nga Kosova, qytetet shqiptare te Maqedonise (nje pjese vinin per here te pare ne organizimet tona), krahas atyre nga zonat e Shqiperise. Ndër to ishin vellezerit bisnesmen OSMANOLLAJ me babain e familjet e tyre nga Prizreni, te njohur per mbeshtetjen e shoqates “Bijte e Shqipes”, qe i dhane tonin kesaj mbremje te larmishme dhe ne fund kontribuan edhe me $ 1,140 per shkollen shqipe. Familja tjeter e madhe kosovare ÇOÇAJ ishte e pranishme edhe me miq te saj, gjithsej 24 veta, e ne respekt te kesaj veprimtarie z. Bekim Çoçaj u antaresua ne shoqaten tone “Bijte e Shqipes”, veprim qe u pasua nga zoterinjte Viljart Hoxha e Ilir Avdiu. Ne emer te shoqates, z. Bujar Gjoka i falenderoi tre te rinjte duke uruar suksese ne jetet e tyre, ndersa ftoi para mikrofonit z. Lavdrim Cami i cili se bashku me disa miq e familjar te tij na nderuan me pjesemarrjen e tyre. Z. Cami ka drejtuar per disa vite shoqaten atdhetare “Dibra “, nje shoqate me kontribute te medha ne komunitetin e saj ne NJ e NY si dhe ne vendlindje. Para tre vitesh duke ju pergjigjur thirrjes tone per te ndihmuar financiarisht ne fushaten fond mbledhese per Qendren e Re, si asnje organizate tjeter dergoi per kete qellim $1,000. Ai falenderoi “Bijte e Shqipes” per jeten aktive dhe punen kompakte e plot pasion qe bejne drejtuesit e saj ne sherbim te komunitetit vecanerisht me shkollen shqipe.

Ndersa pronaret shqiptar te lokalit “Il Villagio” te kenaqur me kete organizim atdhetar, pasi kontribuan me $1,000 ne ushqim shtese per te gjithe pjesemarresit, u shprehen se shume shpejt do te jene gjithashtu antar te shoqates duke e ndjekur me nga afer jeten e saj.

Duke shprehur kenaqesi e falenderime per kete organizim te bukur perkujtimor te 14 vjetorit te pavaresise te Kosoves, bashkatdhetaret filluan te shperndahen neper shtepite e tyre me urimin qe 15 vjetori ta gjeje ate me demokratike e me te konsoliduar, te njohur boterisht.

Filadelfia, me 20 shkurt 2022