Selaniku na ngjall kujtime për të kaluarën e lavdishme të lëvizjes sonë patriotike, e cila gjeti strehë edhe në këtë qytet. Selaniku na ngjall kujtime edhe për arkitektin e shtenddërtimit shqiptar, Hasan Prishtina, i cili përpos që ishte një bashkëpunëtor i ngusht i Fan Nolit, ai ishte edhe përçuesi i ideve të mëdha kombëtare, ku komponenta fetare ishte hallka që lidhte harmoninë brendakombëtare të shqiptarëve.Shkruan Mehmet PRISHTINAKomuniteti Shqiptar i Selanikut po i rikthehet lavdisë historike të popullit tonë e cila ishte motori lëvizës edhe i Rilindjes sonë kombëtare. Sepse vetëm duke kujtuar të kaluarën e lavdishme ne mund të sigurojmë një të ardhme të mirë, si për vete ashtu edhe për fqinjët tanë me të cilët bashkëjetojmë.E përgëzoj mikun tim të dashur, Dr. Luan Zykën, për organizimin e kësaj ngjarjeje mjaft të rëndësishme me impakt direkt në begatimin shpirtëror të komunitetit shqiptar të Selanikut, ngjarje kjo që hedh dritë në një ngjarje tjetër madhore që kishte ndodhur para 115 viteve, konkretisht më 22 mars të vitit 1908, në sallën e “Kalorësve të Nderit”, në Boston, kur Fan Noli shqipëroi liturgjinë hyjnore, duke thënë me atë rast: “I këndoni lutjet ashtu si dini, shqip, pa pastaj lartë i rregullon perëndia.” Me mbajtjen e meshës e parë në gjuhën shqipe , e cila tingëllonte bukur dhe kuptohej aq mirë nga besimtarët e pranishëm, u themelua Kisha Ortodokse Shqiptare e Shën Gjergjit, në Boston, dhe kjo vërtetonte vizionin largpamësi që kishte Fan Noli kur filloi përpjekjet për autoqefalinë e Kishës Ortodokse Shqiptare të Amerikës.Për të nderuar kujtimin për meshën e parë në gjuhën shqipe, elita shqiptare e Selanikut po hap një faqe të re në historinë e organizimit fetar e kulturor, duke shkuar hapave të Nolit të madh në organizimin e një meshe në gjuhën shqipe këtu, e cila do të përçojë mesazhe paqe, dashurie e mirëkuptimi në mes të njerëzve.E çmoj lart këtë organizim tuajin, aq më tepër kur Selaniku na ngjall kujtime për të kaluarën e lavdishme të lëvizjes sonë patriotike, e cila gjeti strehë edhe në këtë qytet. Selaniku na ngjall kujtime edhe për arkitektin e shtenddërtimit shqiptar, Hasan Prishtina, i cili përpos që ishte një bashkëpunëtor i ngusht i Fan Nolit, ai ishte edhe përçuesi i ideve të mëdha kombëtare, ku komponenta fetare ishte hallka që lidhte harmoninë brendakombëtare të shqiptarëve.Fan Noli dhe Hasan Prishtina bashkëpunuan ngusht, edhe atëherë ku Noli ishte anëtar i kabinetit qeveritar të Hasan Prishtinës, si ministër i Jashtëm, por edhe atëherë kur Hasan Prishtina nuk ishte pjesë e kabinetit qeveritar, por u arratis dhe ishte prijës i luftës për ribashkim. Porositë hyjnore bëhen më domethënëse kur shqiptohen në gjuhën amtare, sepse kjo e ndihmon edhe procesin e kohezionit të brendshëm shpirtëror të diasporës sonë. Vetëm atëherë kur Hyjnorja dhe Tokësorja gjejnë harmoni në mes veti, njerëzit do ta pranojnë si diçka normale edhe dallimin në mes tyre. Por përkundër dallimeve, njerëzit duhet të kenë të përbashkët synimin për të jetuar në paqe e harmoni mes veti, duke iu dhënë më tepër përparësi komponentëve që i bashkojnë se sa i ndajnë njerëzit.Edhe Selaniku mund të bëhet një agorë ku njerëzit mund të komunikojnë dhe bashkëpunojnë mes veti, duke dhënë nga vetvetja më të mirën për dobinë e tjetrit. Edhe Grekët dhe shqiptarët kanë shumë çka të përbashkët, duke filluar nga mikpritja, solidariteti e deri te fryma integruese në procese të përbashkëta euro-atlantike.Në emër të kësaj fryme të përbashkët, uroj që komuniteti shqiptar i këtushëm të vazhdojë të kultivoj bashkëjetesë të mirë me grekët, duke iu shërbyer kauzave të përbashkëta humane e shoqërore.(Fjalë përshëndetëse mbajtur në Selanik me rastin e organizimit të meshës së parë në gjuhën shqipe në Greqi) Selanik, 02 prill, 2023

Skënder Karaçica/

Sovrani i votës së lirë, në Kosovë, në hapësirën etnike në RVM-së dhe në Shqipëri e ka kuptuar mirë se udhëheqja shqiptare në institucionet e shtetit, tash e tridhjetë vjet nuk po e lëshon pushtetin!Presidentët në Amerikë: Klinton, Bush, Obama e përfunduan mandatin kushtetues, ndërsa udhëheqja shtetërore shqiptare ende në pushtet dhe, të njejtit i shohim përditë në karrigën e ngrohtë të pushtetit dhe në krye të partisë politike!Kështu flet sovrani i votës së lirë shqiptare…!Do të ishte në të mirë të frymës demokratike, të ligjeve kushtetuese dhe të shtetit ligjor do të thosha, që, përmes ndryshimeve kushtetuese të bëhet rregull si modeli i shtetit mik të Amerikës, mandatët shtetërore shqiptare të zgjasin jo më shumë se dy mandate dhe, pushtetet të marrin rrafshe të reja udhëheqëse në të dyja shtetet tona.Edhe politika është mall që hargjohet, thonë në kronikat e kohës njohësit ndërkombëtar të fushës së politikës.Për fund vlen të përkrahet mendimi i sovranit, jo pa fund në udhën e politikës dhe për pushtetin shqiptar…!Çikago,31 mars të motit 2023

• Keida Kostreci

---

ZERI I AMERIKES: https://www.zeriamerikes.com/a/7013134.html

Mangësitë me pavarësinë dhe integritetin e gjyqësorit; mungesa e mediave të pavarura; dhe korrupsioni i vazhdueshëm në qeverisje, në organet e zbatimit të ligjit dhe në institucionet lokale, ishin problemet kryesore në Shqipëri gjatë vitit të kaluar, sipas raportit të Departamentit amerikan të Shtetit për të Drejtat e Njeriut, të botuar sot.

Ndonëse kushtetuta parashikon një gjyqësor të pavarur, “presioni politik, frikësimi, korrupsioni dhe burimet e kufizuara e penguan gjyqësorin të funksiononte plotësisht, në mënyrë të pavarur dhe efikase”, thuhet në raport.

Në raport vëren se ka patur edhe përparim, duke përmendur Strukturën e Posaçme Anti-Korrupsion (SPAK) i cili gjatë vitit të kaluar ka hetuar, ndjekur penalisht dhe dënuar zyrtarët e lartë dhe pjesëtarë të krimit të organizuar, të përfshirë në korrupsion.

Korrupsioni, thekson raporti, ishte i pranishëm në të gjitha degët dhe nivelet e qeverisjes, përfshirë edhe prokurimin publik dhe partneritetet publiko-private.

Një nga problemet kryesore të përmendura në raport është gjendja e medias dhe trysnia ndaj saj.

Sipas raportit, vëzhguesit pohojnë se “qeveria, partitë politike, bizneset dhe grupet kriminale u përpoqën të ndikonin në media në mënyra të papërshtatshme dhe jotransparente”.

Ka media të lira dhe një përhapje të madhe të organeve të medias, veçanërisht në internet, që përfaqësojnë një spektër të gjerë pikëpamjesh pa përgjegjësi, shpesh pa e atribuar informacionin.

“Megjithatë, janë të pakta mediat e pavarura, pasi shumica e mediave janë në pronësi të biznesmenëve me peshë që kanë interesa të mëdha, të cilët përdorin mediat e tyre për të avancuar interesat e tyre, përfshirë përfitimin dhe nxitjen e interesave që kanë me partitë politike”, thuhet në raport.

Departamentit i Shtetit thotë gjithashtu se ka pasur raporte të besueshme sipas së cilave, përfaqësuesit e lartë të mediave përdornin organet e tyre për të ushtruar shantazh ndaj bizneseve, duke i kërcënuar ato me pasqyrim negativ.

“Presioni politik, korrupsioni dhe mungesa e fondeve kufizuan median e pavarur të shkruar dhe gazetarët thuhet se kanë praktikuar autocensurë”, thuhet në raport.

Po sipas Departamentit të Shtetit, raporti i Misionit Ndërkombëtar të Vëzhgimit të Zgjedhjeve pas zgjedhjeve parlamentare të prillit 2021 vlerësoi se gazetarët mbetën të pambrojtur ndaj presionit dhe korrupsionit.

Duke iu referuar këtyre zgjedhjeve, në raport thuhet se sipas Misionit Ndërkombëtar të Vëzhguesve megjithëse zgjedhjet në përgjithësi ishin të organizuara mirë, partia në pushtet siguroi avantazhe të rëndësishme nga fakti i të qënit pushteti i saj, nga kontrolli mbi administratat vendore dhe nga keqpërdorimi i burimeve administrative”.

Raporti përmend gjithashtu përfitimin që shumica siguroi nga mbulimi pozitiv i institucioneve shtetërore në media, si edhe pretendimet e besueshme për blerje të përhapura të votave nga partitë politike dhe nxjerrjen dhe përdorimin e paligjshëm të të dhënave të ndjeshme personale.

Në raport thuhet se disa pronarë biznesesh, aktivistë të shoqërisë civile dhe politikanë akuzuan qeverinë për zbatim selektiv të ligjit për sekuestrimin e pronave për qëllime politike.

Aty përmenden si shembuj mbyllja me forcë e një ambjenti biznesi të një deputeti të opozitës, i cili tha se kompania e tij ishte vënë në shënjestër, pasi ai kishte akuzuar vazhdimisht dhe publikisht zyrtarët e qeverisë për korrupsion.

Po ashtu përmendet shembja në dhjetor e një hoteli nga Inspektorati Kombëtar për Mbrojtjen e Territorit , duke përmendur si arsye shkelje të rënda të ligjeve të ndërtimit.

Në raport përmendet fakti që pronari i hotelit, që është edhe pronar i disa mediave dhe bizneseve të tjera, pretendon se hoteli i tij u shkatërrua për të heshtur kritikat dhe kundërshtimet, ndërkohë që qeveria tha se veproi në përputhje me ligjet në fuqi.

Duke folur për të drejtat e grave, raporti vë në dukje se qeveria nuk e zbatoi ligjin në mënyrë efektive kur bëhet fjalë për përdhunimet.

Po ashtu raporti thekson se autoritetet nuk kanë publikuar të dhëna për ndjekjet penale për rastet e përdhunimit bashkëshortor. Koncepti i përdhunimit nga bashkëshorti nuk është kuptuar mirë dhe autoritetet shpesh nuk e konsiderojnë atë si krim, thuhet në raport.

Megjithëse ligji e ndalon ngacmimin seksual, zyrtarët rrallë e zbatuan detyrimiun që rrjedh nga ky ligj, sipas raportit.

Dërgoi për botim: Skënder Karaçica