Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Imzot Rrok Mirdita, Personalitet i shquar i Kishës Katolike,Vizionar Profetik!

by

Ribotohet me rastin e 7 vjetorit te kalimit ne amshim.

  Nga  Tonin Mirakaj-New York/

Që prej ndarjes nga jeta, më 7 Dhjetor 2015, është shkruar dhe folë me shumë dashuri dhe respekt për jetën, arritjet dhe meritat e të ndierit Imzot Rrok Mirdita, Argjipeshkëv Metropolitan i Tiranës dhe i Durrësit. Është e vërtetë e pamohueshme se sukseset e Shkëlqesisë së Tij, që nga shugurimi në Kathedralen e Shkodrës me datën 25 Prill 1993, nga Ati i Shenjtë Papa Gjon Pali i Dytë, janë monumentale në ndërtimin e Kishës Katolike, të cilën e gjeti gati krejtësisht të shkatërruar nga diktatura, në arsim, nga shkolla elementare tek Universiteti Katolik i Tiranës, në shëndetsi, klinika, spitale dhe shërbime të tjera sociale.E,që kunorëzon  arritjet e Tij,është ndërtimi i Kathedrales së Shën Palit në kryeqytetin e Shqipërisë,në Tiranë.

Analizat e përpjekjeve të Tij, për të ndërtuar një “Shqipëri me Zotin”, një Shqipëri për të gjithë shqiptarët, përshkruarjnë kryesisht periudhën afër 23 vjeçare, nga shugurimi Argjipeshkev deri në kalimin e Tij në Amshim. Është përmendë fare pak, periudha e jetës së Tij nga viti 1973 deri në 1993, 20 vjet shërbimi dhe dedikimi shembullor në Qendrën dhe Kishën Katolike “Zoja e Këshillit të Mirë”në New York, dhe sukseset që arriti gjatë kësaj periudhe në avancimin e komunitetit Katolik Shqiptar.

Ka qenë e natyrshme për shtypin dhe median vizive, ti japin rëndësi shërbimit Tij baritor në Atdhe, nga se janë dëshmitarë të përpjekjeve të Imzot Mirditës, në kondita shumë të vështira, ku gjeti përveç Kishës dhe Klerit në një gjendje të mjerushme, një popull që besimin në Zotin e kishte të ndaluar me ligj për afër një gjysëm shekulli, dhe ishte edukuar si adhurues i partisë dhe i diktatorit që e drejtonte, dhe mbi të gjitha, një fukarallëk të përgjithshëm në fshat, në qytet, nga Veriu në Jug i krijuar nga centralizimi i ekonomisë, dhe kontrolli i jetës njerzore, nga një sistem kriminal i quajtur “sigurimi i shtetit”. Ishte një fillim i zorshëm që kërkonte ndihmë nga “Provania Hyjnore”!

E them me bindje se Imzot Rroku,solli në Atdhe vizionin,guximin,vendosmërinë dhe vullnetin që pati këtu në New York,gjatë 20 viteve që shërbeu pranë Qendrës dhe Kishës “Zoja e Këshillit të Mirë.Mbi të gjitha Imzot Rroku kishte besim tek Ati që i shërbente,se në çdo ndërmarrje ishte dora e Atij që e drejtonte.Si një person shumë afër Tij (jo për merita të mija) mund të them me bindje të plotë se Imzot Rroku  parashifte të ardhmen me  vizion profetik. Çdo gjë që projektonte Imzoti, realizohej. Shpesh herë gjatë bashkëpunimit 20 vjeçar kam ra dakord me mendimet e Tij,me dyshim se mund të realizohen? Por,çka e profetizonte Imzoti, bëhej realitet!

Mbas shugurimit meshtar me 4 Korrik 1965, nga shkëlqesia e Tij Aleksandër Tokiç, Argjipeshkev i Tivarit, shërbeu ndër Kisha të vendlindjes në Salce dhe Kllezna për rreth 7 vjet. Erdhi pranë Qendrës Katolike shqiptare “Zoja e Këshillit të Mirë”, në Qershor të vitit 1973, me leje të Argjipeshkvit të Tivarit, për të ndihmuar të ndierin Monsinjor Joseph Oroshi, në kryemjen e detyrave shpirtërore emigrantëve shqiptar në New York, numri i të cilve po shtohej me besimtarë nga trojet shqiptare të Malit të Zi.

Këtu Dom Rroku gjeti të formuar Kishën “Zoja e Këshillit të Mirë”, si Qendër Katolike shqiptare, jo famulli.Për arsyena administrative ishte pjesë e famullisë së vendit “St. Joseph’s Parish”. Lokali në 4221 Park Avenue në Bronx, ishte i vogël por i mjaftueshëm për atë kohë, ble me çmim që mundsinat lejonin. Mesha e parë në “Kishën” tonë u celebru natën e Krishtlindjes vitit 1969, nga i ndieri Monsinjor Joseph Oroshi.Kjo që ishte ëndërr nga fillimi i “Lidhjes Katolike Shqiptare Amerikane” më 16 Qershor 1962, u realizua. Prej 25 Dhjetorit të vitit 1969, shërbimet  fetare që kryheshin ndër Kisha të vendit, vazhduan në Kishën tonë. Për tre vjet, Qendra funksiononte e kufizuar me një meshë të Dielën, mbledhje të Këshillit të Kishës simpas nevojës, një meshë për dëshmorët e kombit me rastin e festës kombëtare të 28 Nëndorit, dhe botimin e revistës “Jeta Katolike” që ishte filluar që nga viti 1966.Për të ardhshmen mendohej fare pak.

Arritjet që u përshkruan, ndonse quheshin sukses, nga se kishim diçka, shpejt u pa qartë se nuk ishin të mjaftueshme për komunitetin, as për një prift të ri, me aftësi dhe energji maksimale, dhe vullnet për arritje të reja.

Dom Rroku çmonte dhe respektonte autoritetin e administratorit të Qendrës të ndierit Monsinjor Joseph Oroshi, po e shifte qartë se Qendra duhet të përshtatet ndryshimeve të kohës që po kalonte Kisha Universale, mbas Këshillit të Dytë Ekumenik, dhe rregullave Diocesane për Kshilla të Kishave, dhe pjesëmarrjen laike në aktivitete jo religjioze.

Për të zhvilluar aktivitete shoqërore, duhej vend më i madh dhe më komod.Zmadhimi i qendrës ishte problem i parë, që kërkonte përpjekje të meshtarve, Këshillit të Kishës dhe krejt shoqërisë. Në fillim të vitit 1975 doli në shitje një ndërtesë që ndodhej ngjitur me qendrën tonë.Meshtarët dhe Këshilli vendosën ta blejnë, dhe në vend të saj të ndërtohej Kisha e re, ngjitur me lokalin që kishim.

Plani i ndërtimit të Kishës së re, kërkonte 300 mijë dollarë.

Për të përballuar shumën e nevojshme meshtarët dhe Këshilli i Kishës, në Maj të vitit 1975, vendosën të kërkojnë një “kusht” prej 500 dollarësh për familje, për të filluar ndërtimin e objektit të ri. 136 familje u përgjigjën me nga 500 dollarë, dhe 16 me nga 1000, që sollën Shumën rreth 84 mijë dollarë.Pagesa e rregullt vjetore prej 100 dollarësh për familje vazhdonte nga viti 1968, që sillte shumën afërsisht 50 mijë në vit.Për atë kohë dhe gjendjen ekonomike të mërgatës,këto ishin shuma të konsiderueshme që siguruan suksesin e inisiativës.

Mbasi u siguruan lejet e nevojeshme kishtare e juridike, puna për të ndërtuar Kishën e re filloi me 15 Maj 1976, nën drejtimin e meshtarve Mons. Joseph Oroshi dhe dom Rrok Mirdita, duke pasë përkrahje të plotë të Këshillit të Kishës.Gjatë punimeve, vazhdonte fushata për mbledhjen e shumës së nevojshme për të përballuar shpenzimet e ndërtimit, që gjithmonë dilnin më shumë se ishin paraparë.Punimet vazhduan për afër dy vjet dhe u kunorëzuan me inagurimin e Kishës së re me 24 Shatator 1978, mbajtë në “Chateau Pelham” në Bronx, me pjesëmarrje të 800 personave, ndër të cilët udhëheqsit kryesor të komunitetit shqiptar të New Yorkut.Kremtimi u kryesua nga Dom Rrok Mirdita. Dedikimi i Kishës së re, u bë me 14 Janar 1979, nga Eminenca e Tij Terence Cardinal Cooke, Argjipeshkev i New Yorkut.

Dom Rrok Mirdita luajti rol vendimtar në suksesin që u arrit në një periudhë të shkurtë, dhe mund të thuhet pa dyshim se ishte krah i djathtë i administratorit Mons Joseph Oroshit, në përpjekje për realizimin e këtij objekti fetar dhe kombëtar, që solli shumë kënaqësi në komunitet.Gjatë kësaj kohe njoftësia, influenca dhe dashuria për Dom Rrokun në bashkësinë katolike dhe atë shqiptare,u shtua me përmasa të admirueshme,dhe siguroi vazhdimësi udhëheqje në Kishën “Zoja e Këshillit të Mirë”. Pa vonesë u bë e kjartë se Dom Rroku kishte aftësi udhëheqje dhe vision për të ardhmen e komunitetit. Kjo u provua me kontributet dhe gjenerozitetin që realizojë ndërtimin e objektit të ri.

Në Bronx, që nga fundi i vitit 1973, funksiononte Qendra e dytë Katolike shqiptare e “Shën Palit dhe Shën Pjetrit”, formuar nga Dom Lazër Sheldia, e cila i kryente shërbimet fetare pjestarëve të Qendrës, në Kishën Amerikane “Holly Rosary”, në Eastchester Road.Kjo nuk solli ndonjë ulje të pjesëmarrjes së komunitetit në Kishën “Zoja e Këshillit të Mirë”,nga se ardhja e emigrantëve të rinj  vazhdonte,dhe shumica frekuentonin Kishën “Zoja e Këshillit të Mirë”.

Në këtë kohë Qendra kishte vend të mjaftushëm për të zhvilluar aktivitete shoqërore, kështu që fillojë një gjallëri e re, kryesisht meritë e priftit të ri dhe energjik Dom Rrokut. Ky, formoi korin e Kishës, që u shoqërua me grupin muzikor, grupin e kërcimtarve “Rozofati” dhe shoqatën e prindërve.Këto aktivitete sollën rritjen e vazhdueshme të pjesëmarrjes në Kishë.Dom Rroku krijoj një rreth të gjerë bashkëpuntorësh e aktivistësh që bënë të mundur avancimin e idenave të Tij, që përvec kënaqësisë në komunitet, sollën rritje në ndihma financiare të nevojshme për mbajtjen e Kishës.

Më 19 Qershor 1981, në marrëveshje me Diocesin e Tivarit, Eminenca e Tij Terence Kardinal Cooke, Argjipeshkëv i New Yorkut, me dekret special e inkardinoj Dom Rrok Mirditen prift i Arkidiocesit të Tij, me detyrë pranë Qendrës Katolike Shqiptare “Zoja e Këshillit të Mirë”, në Bronx, New York.

Administratori i Qendrës Mons Joseph Oroshi dhe Këshilli i Kishës vendosën ta kremtojnë inkardinimin me një “Mbramje Vallëzimi” që u mbajtë me datën 10 Janar, 1982 në lokalin “Alex and Henry’s Roman Gardens” me një pjesemarrje të  gjerë të komunitetit. Argëtimin e bëri grupi muzikor “Rozofati”, krijuar nga Dom Rroku, që drejtohej nga Fran Shala.Mbrëmja u kryesuar nga Tonin Mirakaj, kryetar i Këshillit të Kishës.

Që nga fillimi, Këshilli i Kishës, zgjidhej nga administratori, simbas krahinave, njoftësive, rekomandimeve e tjera kësisoji, por jo aftësive që ishin të nevojshme për drejtimin dhe udhëheqjen e bashkësisë.Kjo mënyrë zgjedhjesh nuk ishte e pranushme për priftin e ri, dhe duhej ndryshuar që t’i përshtatej  situatës që solli ardhja e emigrantëve të rinj, dhe udhëzimet që vinin nga zyra e Diocesit për Kshillat e Kishave.

Në këtë kohë, po afrohej pensionimi i administratorit  të Qendrës, dhe drejtimi gradualisht po kalonte te Dom Rroku.Organizimi i Këshillit të Kishës dhe i zgjedhjeve ishte pikë me rëndësi që kërkonte një rregullore të bazuar në udhëzimet zyrtare dhe shembulla, si veprohej ndër Kisha të vendit. Dom Rroku u vu në kontakt me Kishën “Shën Philip Neri” në Bronx, ku merr orientimin e nevojshëm, dhe mbas studimit që pasoj, përgatiti “Rregulloren e Këshillit të Kishës Zoja e Këshillit të Mirë”, që përcakton mënyrën e zgjedhjeve, afatin në Këshill dhe rregulla të tjera të nevojeshme për drejtimin dhe pjesëmarrjen e komunitetit në udhëheqje. Ajo rregullore vazhdon prej asaj kohe, me plot sukses.

Një ngjarje që pritej me shumë gëzim, në atë kohë ishte shugurimi i gjakonit Pjetër Popaj, meshtar.Dom Rrok Mirdita ishte i vendosur me e kremtu shugurimin në mënyrë madhështore.Sa u caktua data e shugurimit 16 Nëndor 1985, filluan përgatitjet nga një komision që vepronte nën direktiva dhe udhëzime të Dom Rrokut.

Me datën 24 Nëndor 1985, prifti i ri Dom Pjetër Popaj, do kremtonte meshën e parë, në Kishën “Zoja e Këshillit të Mirë”. Komisioni prëgatitës me pëlqimin e Dom Rrokut vendos që kremtimi të bëhet në mbrëmje të datës 24 Nandor. U sigurua lokali “Imperial Manor” në Rt 4, New Jersey, që kishte vend të mjaftuarshëm për më se 1000 persona, që parashifej pjesëmarrja.U bënë lajmërimet me anë të mjeteve të komunikimit të kohës.U siguruan dy orkestra, njëra Amerikane dhe tjetra Shqiptare. U ftuan personalitete të Kishës dhe të komunitetit.U ftua Dom Simon Filipaj, nga Mal i Zi, Dom Prenk Ndrevashaj nga Detroiti e të tjerë.U ftua kryetari i shtetit të New Yorkut, i ndershmi Mario Cuomo. Ishte një rast gëzimi që Dom Rrok Mirdita dhe komisioni përgatitës dëshironin që të dilte sa më i suksesshëm. Më se 1000 persona morën pjesë në“Darkën Gazmore”të këtij rasti.

Kryetari i shtetit lëshoj një “proklamatë”, në të cilën vinte dukje se ishte rasti i  parë në histori, që shugurohet një prift shqiptar në Amerikë.Proklamatën e solli asistenti i kryetarit Cuomo për mardhënje ethnike z.John Nikas.

Për të gjithë organizimin prej fillimit, ishte kujdesi dhe dëshira e Dom Rrokut që gjithcka të dalin sa më mirë, kështu që ky rast gëzimi të mbetet kujtim për priftin e ri Dom Pjetër Popaj dhe gjith komunitetin Shqiptar të New Yorkut.

Më 1 Korrik 1986, administratori i Kishës Mons. Joseph Oroshi del në pension.Eminenca e Tij John Kardinal O’Connor emroj menjëherë Dom Rrok Mirditën administrator në Qendrën dhe Kishën “Zoja e Këshillit të Mirë”.

Aktiviteti i parë i administratorit të ri, ishte përcjellja e Mons. Oroshit me një darkë gazmore, me pjesëmarrje të gjërë të komunitetit, me qëllim që ti jepej nderimi qe meritonte.Kjo “darkë gazmore” u mbajtë me 21 Shatator 1986 në “Eastwood Manor”, ku morën pjesë më se 700 persona, ndër të cilët Mons.John Doherty, Vicar Episkopal i Bronxit, Dom Prenk Ndrevashaj i ardhur nga Detroit, Anthony Athanas nga Boston Mass. Dr.Rexhep Krasninqi kryetar i Komitetit “Shqipëria e Lirë”, Imam Isa Hoxha dhe të tjerë personalitete të shquara të komunitetit.

Me 4-6 Korrik të vitit 1986, në New York u mbajtë “Harbor Festival” me rastin e 100 vjetorit të Statutit të Lirisë, me pjesëmarrje grupesh muzikore nga më se 120 shtete të Botës.Me datën 6 Korrik,grupi i kërcimtarve Rozofati, i prëgatitur nën kujdesin e Dom Rrokut, performoj për 14 minuta në platformën madhështore të ngritur në Maiden Lane, përpara mijra spektatorve.Në prezentimin e grupit shqiptar, moderatori vuri në dukje aktivitetin e shkëlqyeshëm të Dom Rrokut në avancimin e komunitetit shqiptar të New Yorkut.

Sukseset e arritura nuk ishin të mjaftuarshme për Dom Rrokun.Ai gjithmonë mendonte si do të jetë komuniteti në të ardhmen.Ishte e qartë se zona e Bronxit ku ishte Qendra dhe Kisha shqiptare, nuk kishte shumë prespektivë për të ardhmen. Emigrantët shqiptar, që avancuan shpejt ekonomikisht, kishin filluar të largoheshin nga Bronxi, për në zona të klasës së mesme, në Westchester e vende më të preferuara.Frekuentimi i Kishës, në atë kohë ishte i kënaqshëm, por, për një vizionar si Dom Rroku, që parashihte të ardhmen me qartësi,nuk ishte i pranushëm, qëndrimi në vend-numëro! Duhej menduar për të ardhshmen e komunitetit, e këtë situatë Ai e studionte me seriozitetin më të madh.

The Faith Power 100

by

New York’s most influential religious leaders.

By CITY & STATE

DECEMBER 5, 2022

When the Rev. Calvin O. Butts III died this fall, he left behind a legacy that extends far beyond the decades he spent preaching at Abyssinian Baptist Church. He helped launch the Abyssinian Development Corp., which invested more than a billion dollars to improve housing in the Harlem community surrounding his church. He revitalized SUNY Old Westbury, a diverse, public institution on Long Island, while serving as its president for two decades. And he cultivated and leveraged relationships with powerful politicians at City Hall, in Albany and in Washington, D.C., delivering on behalf of his fellow Harlemites and Black New Yorkers.

Butts, who drew inspiration from Martin Luther King Jr., is now a model for today’s faith leaders whose works extend beyond the walls of their church, synagogue, mosque or temple. Like Butts and King, Black ministers are often called to be civil rights leaders. Similarly, rabbis are indispensable advocates for a people with a long history of facing persecution – including the current rise in antisemitism. In the wake of the 9/11 terrorist attacks, imams defended Muslims and forged interfaith partnerships in pursuit of peace and understanding. Leaders of these and many other religions in New York shape debates over critical policy questions, from culture war issues like abortion and same-sex marriage to public safety concerns like gun violence and criminal justice reform and budget-related matters like education and

The must-read daily newsletter for NY’s political community.

City & State’s inaugural Faith Power 100 features scores of religious leaders representing the remarkable diversity of faiths and systems of belief in New York. The list, researched by City & State staff and written by journalists Aaron Short, Aimée Simpierre, Asar John and Erica Scalise, highlights the most influential faith leaders in New York as well as key figures at institutions with strong religious ties or a clear faith-based mission.

Imam Tahir Kukaj

Imam and Head of Department of Islamic Studies, Miraj Islamic School

This year, when political and faith leaders across the city celebrated the convergence of Passover, Ramadan and Easter, Imam Tahir Kukaj’s Albanian Islamic Cultural Center hosted the event. Kukaj regularly represents the Islamic faith at interfaith convenings both in his home borough of Staten Island and across New York City. He also serves as a chaplain for the New York City Police Department and was selected by Mayor Eric Adams to sit on the clergy committee of his transition team.

Në Amazon dhe Barnes & Noble botohen dy libra kushtuar Presidentit Donald J. Trump shkruar nga studiuesi e publiçisti Klajd Kapinova

by

Tomë Mrijaj/

Eshtë rasti i radhë në historinë e publiçistikës shqiptare në vendlindje dhe diasporë, që një shqiptaro-amerikanë shkruan dy libra voluminoz kushtuar një figure të madhe dhe të shquar amerikane Presidentit të 45-të të SHBA republikanit Donald J. Trump. 

Autori Klajd Kapinova, për 30 vjet me radhë, është një aktivist dhe bashkëpunëtor i ngushtë i Kishës dhe Shtypit Katolik Shqiptar në vendlindje dhe SHBA, duke qenë editor dhe autor i disa librave dhe qindra shkrimeve mbi historinë e kishës martire shqiptare në Shqipëri dhe kontributin e shquar të Klerit Katolik Shqiptar gjatë shekujve deri në ditët tona.

Lexuesit shqiptaro-amerikanë dhe në vendlindje me anën e librave: “Presidenti Trump dhe këneta globaliste” (Edicioni i Parë në vitin 2021 në Shkodër dhe Edicioni i Dytë SHBA, 2022) dhe “Trump kishte të drejtë për gjithçka”, (Këndvështrime), të shkruar me shumë kujdes dhe përkushtim nga penda e publiçistit Klajd Kapinova, mund të mësojnë shumë gjëra interesante mbi kulturën, historinë dhe politikën bashkëkohore amerikane. 

Unë si redaktor i librave, mendoj se veprat e reja, që lexuesit kanë në dorë, mund të quhen ditare dhe analiza të mprehta historiko-politike, të pasura në brendsi me përshkrimet interesante të ngjarjeve dhe datave mbresëlënëse, të cilat gjërësisht pëfshijnë periudhën e suksesshme historike 4-vjeçare 2016-2020 të Presidentit të 45-të të SHBA-së republikanit Donald J. Trump, i cili, me fakte dhe prova (për të mirën e popullit amerikan), radhitet si kyetar shteti më më i suksesshëm, në të gjithë historinë e presidentëve të Amerikës.

Unë qysh me marrjen e shtetësisë amerikane, katër dekada më parë, jam rregjistruar si votues me bindje demokrate. Historinë e lavdishme të Amerikës përparimtare e kam ndjekur me shumë kujdes, qysh në bankat e shkollës së mesme në vendlindjen time në Kosovë dhe për shumë dekada në SHBA… 

Sikurse mësojmë edhe në libër autori e vë theksin ndër të tjera tek fryma dhe praktika konservatore amerikane e Presidentit Trump kundër abordit, një plagë serioze dhe shqetësuese sot në botë, me të cilën Kisha Katolike dhe Selia e Shenjtë në Vatikan janë përballur vitet e fundit në SHBA dhe Europë, ku forcat politike liberale, komuniste dhe ateiste janë shfaqur hapur pro abordit, duke i hequr të drejtën e jetës fëmijëve të palindur dhe porsalindur.

Në saj të politikës së zgjuar dhe largpamëse të Presidentit Trump, SHBA arritën një zhvillim ekonomik shumë të lartë si asnjë vend tjetër i botës, duke mbuluar edhe prapambetjen që la si trashigim admistrata demokrate e presidencës Obama-Biden 1 dhe 2. 

Këto aspekte pozitive shumë të rëndsishme të sukseseve të Presidentit Trump, ka zbardhur përmes faqeve të librave të ri autori i komunitetit tonë. 

Ai, i ka hartuar shkrimet e tij të bazuar në burime e fakte të sakta historike amerikane dhe dëshmive të ndryshme nga shtypi periodik dhe librat e reja në ditët tona. 

Gjatë vitit 2020, asnjë lider demokratë, senatorë, kongresmenë, governatorë, dhe kryetar bashkie si dhe funksionar të tjerë zyrtrë demokratë, nuk kanë kritikuar protestat e dhunshme, djegiet e flamurit amerikan, djegiet e bisneseve të gjithë njerëzve me ngjyrë, të bardhë, spanjolë etj., rrëzimin e 185 monumenteve të historisë amerikane, ku janë vrarë 30 policë dhe plagosur 700 të tjerë në të gjithë vendin nga protestuesit e dhunshëm marksistë.

Në faqet e librit historik, mësojmë se në mesnatën e mbrëmjes së 3 nëntorit 2020 gjatë zgjedhjeve presidenciale, Presidenti Trump ishte përpara me më shumë se 110,000 vota në Wisconsin dhe më shumë se 290,000 vota në Michigan. Në shtetin Georgia, epërsia e tij ishte në avantazh me 356.945 vota; dhe sërisht Trump udhëhoqi në Pensilvani me 600,000 vota. 

Kështu në gjashtë shtete kryesore konservatore Presidenti Trump doli fitues me diferencë të madhe votash, në zgjedhjet e vitit 2016, si: Arizona, Georgia, Michigan, Nevada, Pennsylvania dhe Wisconsin. Trump, arriti të marrë mbi 75 milion vota reale. Gjatë asaj nate ndodhi absurdi. 

Mbas 2 vjetëve, pikërisht manipulimi dhe vjedhja masive e votave po vërtetohet sot në dhjetor 2022 nga bossi i ri i Twitter multi bilioneri i suksessshëm Elon Musk me publikimin e dokumenteve sensitive korruptive të Skandalit të Madh të Shekullit nga ish bossi i rrjetet sociale si Twitter, Facebook, Google, YouTube etj., të cilat po bëjnë bujë kudo në botë në ditët tona.  

Big Tech, FBI etj., me paramendim fshehën me qëllim të vërtetën e u bënë pjesë e lojës së madhe manipulative të korrupsionit, që ata organizuan hapur kundër zgjedhjeve presidenciale në SHBA dhe ndaj vetë Presidentit Donald J. Trump. 

Një aspekt i rëndsishëm i librave, është tema e ebrejve në trojet etnike shqiptare, ecuria e tyre deri në ditët tona. Dihet se populli i lashtë ebrejt dhe ai iliro-shqiptar, historikisht kanë pasur marrëdhënie shumë të mira me njeri-tjetrin edhe pse në territorin iliro-arber-shqiptar, besimi islam-otoman, zë përqindjen më të lartë të popullisë.

Praninë e hershme të ngulimeve hebreje në Kosovë kryesisht në territorin e Novobërdës e dëshmon defteri otoman i vitit 1498-1499, në të cilin përmendet se aty kishte gjashtë shtëpi hebraike. 

Asokohe pushtuesi kolonizator osman ankohej se gjatë revoltave shqiptare kundër shtetit islamik perandorak turk në vitin 1911, pakicat hebraike në Shqipëri u akuzuan se kishin bashkëpunuar dhe mbështetur rebelët shqiptarë. Kosova u bë si pikë tranziti e rëndsishme për emigrantët ebrejt. Mijëra hebrenj, që shkuan në Shqipëri asokohe e përdornin territorin e Kosovës si pikë tranziti. 

Si pasojë e marrëdhënieve shumë të mira Kosova dhe Izraeli vendosën marrëdhëniet diplomatike. Meritë për këtë ngjarje historike të madhe ka Presidenti i 45-të i SHBA-së republikani Donald J. Trump. Më 4 shtator në Shtëpinë e Bardhë, Kosova dhe Serbia, fatmirësisht nënshkruan dakordimin, për normalizimin ekonomik, ndërmjet tyre në praninë e presidentit amerikan Donald J. Trump. 

Pjesë e mirëkuptimit ishte edhe dakortësia e Izraelit, për njohjen e Kosovës dhe vendosjen e marrëdhënieve diplomatike, e cila e bën Izraelin shtetin e 117 që e njeh Republikën e Kosovës.

Fatmirësisht deri tani administrata Trump, falë një pune përkushtuese, arriti të bej realitet platformën elektorale të republikanëve patriotë, nën moton e suksesshme: America First. 

Shumë pak shqiptaro amerikanë e mbështeten kandidatin republikan Donald J. Trump, sepse nga vendet ku kishin origjinën ish emigrantët nga Shqipëria dhe Kosova, historikisht nuk kanë pasur asnjëherë sistemin kapitalist dhe levizjen politike me traditë të mirëfilltë të djathtë patriotike përparimtare. 

Megjithatë duhet thënë ana pozitive, se shtetet tona si Shqipëria dhe Kosova, vazhdimisht janë ndër vendet kryesore në botë, për simpatinë dhe respektin e veçantë, që tregojnë gjithnjë për SHBA-në, pavarësisht se kush drejton politikisht shtetin republikanët patriotë apo ekstremistët e majtë demokratë.

Trump dhe administrata e tij, me enërgji të pashtershme bëri investime të mëdha në bujqësi, për fermerët amerikanë. Mallrat e prodhuara me marken Made in USA, janë cilësore, të forta dhe me garanci prodhimi, në krahasim me produktet e dobëta dhe të lira kineze etj.

Gjatë kësaj periudhe, sipas shifrave të pavarura mujore, del se papunësia ra në masën 3.6%, duke qenë një rekord në të gjithë historinë e SHBA-së për gati 50 vjet, duke hapur mbi 10 milion vende të reja pune. 

Këto tema interesante dhe të tjera, janë bërë objekt i këndvështrimeve edhe në këtë libër enciklopedik, të veçantë në llojin e vet në botën shqiptare.

Amerika, me gjithë baticat dhe zbaticat e veta historike, shpreson dhe beson shumë në Zotin dhe drejtësinë, se një ditë ajo do të fitoj. 

Trump kishte të drejtë për gjithçka

Libri i dytë: “Trump kishte të drejtë për gjithçka”, me autor Klajd Kapinovën, është një vepër e re me këndvështrime të historisë dhe politikës bashkëkohore amerikane, e cila trajton në gjërësi dhe thellësi, me fakte serioze shkaqet e rënies drastike të demokracisë dhe krenarisë SHBA-së, nga paafësia e Joe Biden, gjatë periudhës së shkurtër nga muaji janar 2021 dhe deri në ditët tona.

Të gjithë arritjet pozitive të Presidentit Donald J. Trump, gjatë vitëve 2016-2020, sot nën Biden, janë përmbysur dhe zhdukur me shpejtësi të gjithë aspektet e sukseseve të brendshme dhe të jashtme të politikës, jetës, ekonomisë, shoqërisë amerikane.

Kjo katastrofë e pashembullt, në historinë e kombit tonë, shprehet me të gjithë treguesit negativ në politikën e jashtme dhe brendshme kontradiktore të qeverisë si shembull negativ i degradimit të vazhdueshëm të demokracisë dhe lirive të të drejtave të njeriut, fjalës etj., të cilat fatkeqsisht po shihen qartë dhe me keqardhje të madhe nga kushdo sot në botë.

Në ditët tona, niveli i inflacionit në SHBA, fatkeqsisht është rritur në shifra të frikshme të krahasuar me vitin 1970, duke risjellë fenomenin katastrofik të Recensionit të Madh, e shoqëruar kjo me çvlerësimin e monedhës dhe ngritjen e mëtejshme të çmimeve, në të gjitha fushat e jetës së qytetarëve amerikanë. 

Papunësia si plagë e madhe, gjatë periudhës së administratës së Presidentit Trump, ishte ulur shumë në shifrat rekord në të gjithë historinë e SHBA-së, kurse sot fatkeqsisht nën Biden ajo është rritur në shifra më të larta në shkallë kombëtare, brenda komunitetëve, grupmoshave dhe gjinisë së aftë për punë, si për shembull në komunitetin afrikano-amerikanë, komunitetin ispanjik (latin), komunitetin aziatik dhe më së shumti për vajzat dhe gratë amerikane. 

Libri i ri Kapinovës, me detaje, fakte dhe prova të marrë nga burime të pavarura amerikane trajton korrupsionin e familjes Biden ndër vite… Ky libër ri me risitë e tij, është një kronikë, këndvështrim dhe analize e detajuar e ngjarjeve dhe skandalëve të panumërta të ditëve tona në SHBA, të cilat janë zbardhur dhe argumetuar me një analizë të mprehtë dhe ilustruar me prova e fakte të ditëve tona. (New York, 2022) 

Një akt terroristo-socialist, godet Sali Berishën, dhe poshtron të gjithë Shqipëtarët

by

Dr. Zekri Palushi, Australi 7 dhjetor 2022/



Me 6 Dhjetor, 2022 -populli ynë, dhe e gjithë bota demokratike, u ballafaquan me një demonstrim të dhunës makabre të hienave të kuqe-socialiste ‘’shqiptare’’, që do t’jua kishin zili edhe fashistët e Musolinit, edhe nazistët e Hitlerit.  

Një skenë e mirë-organizuar, (të cilën, dirigjenti me një kujdes të veçantë, dhe budallallëk t’pa shoq), kishte vendosur ta hapte me një aktor militant socialist, gangster profesional, të pregatitur nga MAFIA qeveritare në pushtet, që jo vetëm të godiste Berishën, por njëherësh të ishte i vemendshëm, që ta  përdorte krahun e majtë, në mënyrë që të linte një hapësirë të majftueshme për kameramanët, për ta filmuar plotësisht këtë akt sadistik.

Edi Rama, –ky armik kombëtar, i pa shoq, -me punën e tijë anti-shqiptare, në bashkpunim me rrjetin ndërkombëtar anti-demokratik sorosjan, ka arritur që brenda 10 vjetësh të instalojë pushtetin e tijë kriminal, të korruptuar e imoral, -duke filluar me Këshillin e Ministrave (epiqendra e mafies), e deri në nivelet e pushtetit lokal, sistemin legjislativ parlamentar, sistemin e drejtësisë, …, -përfshi këtu edhe inkriminimin e shumë njerëzve të thjeshtë qe për ‘pesë para’ kanë shitur shpirtin dhe vlerat e tyre moralo-njerëzore.

Sot për sot, Edi Rama është virusi më rrezikshëm, kombëtar, e ndërkombëtar -i kultivuar në laboratoret e Georg Sorosit, dhe i përdorur nga George Sorosi, jo vetëm për të infektuar e shkatrruar liritë, dhe demokracinë e shqiptarëve, por, nëpërmjet Edi Ramës, -George Sorosi po arrinë të infektojë edhe liritë, demokracitë, paqën, dhe stabilietin Bllkanik dhe atë Europian. 

Këtë mund ta konkretizoj edhe me qëndrimin e Presidentes së Komisionit Europian, Ursula von der Leyen, e cila në një mesazh për median në Tiranë, ndër të tjera tha se ‘’kriza ekonomike, dhe energjitike që shkaktoj lufta në Ukrainë e bashkoj më shumë Europën,…’’, -Ajo, gati sa s’tha se, për hirë të këtij ‘’bashkimi’’ kjo luftë duhet t’mbahet gjallë.

Ndërkohë që ajo krenohej me arritjet e Samitit, nuk gjeti asnjë moment, sado të vogël, për të hedhur poshtë, e denoncuar, aktin kriminal, ndaj liderit të Opozitës Shqipëtare!

Pothujse të njejtën gjë bëri edhe governorja Kim, e cila shpreh jo direkt, por nëpërmjet një zëdhënësi të sajë se ‘’U skandalizuam nga sulmi fizik ndaj një antari të parlamentit,…’’ . 

Turp të keshë Zj Kim! Ky ‘antar parlamenti’, ka një emër, që ju s’guxoni t’ja shqiptoni. 

Ky ‘antar parlamenti’ është Sali Berisha, udhëheqësi legjitim i PDSH, dhe Opozitës Shqiptare, i zgjedhur në mënyrë demokratike, me votën e lirë, kundër dëshirës, dhe manipulimeve tuaja djallëzore.

Ky ‘antar parlamenti’, është simboli i përmbysjes së diktaturës komuniste, -dhe ish-president, dhe dy herë, ish- kryeministër i Shqipërisë.

Zj Kim, ju patët një rast ideal, për tu shkëputur nga rrjeti mafiozo-socialist, në të cilin, keni vite që keni aderuar, -por dukshëm, kjo s’paska qenë një rastësi, –vazhdimi i sjelljes suaj në të njejtën mënyrë, për sa vite që jeni në Shqipëri, do ti shkonte më së miri politikës së Koresë së Veriut, -por jo, SHBA, -këtij vendi të bekuar, frymzim, shpresë-dhënës, dhe rregullator, i demokracisë botrore. 

Të quditëshme ishin edhe ‘’shqetësimet’’ e disa gazetarve, analistve, dhe opinionistve të majtë, që parashikonin se do të ndodhte një gjë e jashtzakonshme, -duke aluduar si protagonist ogurzi, protestuesit demokrat.
‘’Parashikimet’’ e tyre ishin vërtetë shqetësuese, -sepse, për mendimin tim, ata ishin në dijeni për ç’far mafia qeveritare po organizonte.

Të dashur bashkatdhetarë, -tashmë është koha për tu zgjuar, -Ju s’mund të mbështeteni në vende të tjera, për të zgjidhur problemet e shkaktuara nga qeveria juaj,-nën sundimin e së cilës, Ju s’mund të jeni të sigurt, as në rrugë, as në lokale, as në vendet e punës, e vende publike, dhe as në shtëpitë tuaja.

Harrojeni se dikush nga jashtë do t’ju ndihmojë! –Qeveritë e huaja, mësë shumti po luajn me qeverinë e Edi Ramës, po e përdorin, dhe shfrytzojnë atë, -në interesin e tyre, por gjithmonë në kurrizin tuaj.

 Po kështu, mos harroni se, -si Europa, ashtu edhe Amerika jonë e dashur, po përballohen me shumë probleme, -kryesisht të qëllimëshme, dhe të vet-shkaktuara.

Po kështu, Ju mos harroni se me këtë virus, që jo vetëm ju ka infektuar tash 10 vjet, por siq duket, edhe ka depërtuar në qëlizat tuaja, duke marrë peng ADN, dhe bërë modifikimin e sajë, -siq dihet, modifikimet e ADNsë janë mjaft të rrezikëshme për të gjithë strukturën gjenetike të kombit tonë.
Me këto modifikime, mbijetesa jonë kombëtare, s’do të zgjasë shumë. 

Po kështu, mos harroni se një popull që bashkjeton me krimin, -kriminalizohet edhe vetë.
Ju kujtoj se në Kolumbi, dhe Meksikë, ku zotrojnë kartelet mafioze të drogës, -populli viktimizohet vazhdimisht, dhe me dhjetra njerëz vriten pa-mëshirshëm, ç’do ditë, si në rrugë, shtëpi e kudo.     

Pra, le t’ju shërbejë kjo goditje vagabondteske, – si një mjet trishtues, ndaj të cilit duhet të mbroheni, e të kundërveproni të gjithë të bashkuar, dhe me shpejtësi, -tash, sa ndoshta s’është tepër vonë. 

Qëndrimi indiferent dhe parazitik, me idenë se të tjerët do ta bëjnë atë për ju, -nuk ju nderon aspak, e as nuk ju zgjidh asgjë.

Ju kujtoj se të gjitha vrasjet politike nëpër botë, (përfshi edhe vrasjen e kohëve të fundit të ish kryeministrit Japonez, Shinzo Abe, -si dhe vrasja e ish presidentit JF Kenedi), janë organizuar dhe ekzekutuar nga të majtit (pra, socialistët).

Po kështu, pritja për zgjedhje të lira, është një naivitet absurd.
Një qeveri mafioze, me rrënjë 10 vjeçare, mund të përmbyset vetëm nga një puç ushtarak, (që as që bëhet fjalë, kur dihet se ushtria, policia, drejtësia,…, janë në sherbim të Edi Ramës), -atëherë s’ju mbetet tjetër zgjidhje shpëtimi, me përjashtim të protestave determinuese, që duhet të përfundojnë me përmbysjen e shtetit, (nëse doni shembuj, -keni sa të duash), pastaj mund të proçedohet me organizimin e zgjedhjeve të lira.

 Të gjithë shqiptarët, -veçanërisht ata që s’ndjehen të korruptuar, apo pjesë e krimit, duhet të jenë thellësisht të shqetësuar për gjendjen ku kjo qeveri mafioze ka katandisur shqipërinë, ata duhet të distancohen, dhe të dënojnë urgjentisht këtë akt barbar- që ndodhë ditën-për-djellë, dhe bile edhe nën hundën e Samitit të Bashkimit Europian.

Kjo duhet të jetë një thirrje alarmuese edhe për grupin e Alibejajt.
Nëse atyre, tashmë u ka mbetur ndonjë qelizë nderi, apo demokratike në trupin e tyre, -është koha për të pastruar vehten…

Të dashur bashkatdhetarë, goditja e Sali Berishës, është një goditje e rëndë, dhe tepër e dhimbëshme, e poshtruese për sejcilin prej nesh, ose më mirë me thënë, për të gjithë ata që nderohen me emrin ‘shqiptar’, -po kështu, goditja kundër Berishës, është edhe një goditje pothujse vdekje-prurëse për liritë, demokracinë, dhe të gjithë kombin  Shqiptare, 

Kjo Goditje Politike, kundra Sali Berishës duhet të na bashkojë më shumë se kurrë, e njëherësh, t’na bejë që të vlerësojmë e nderojmë me një rrespekt të veçantë, më shumë se kurdoherë, këtë burrë fisnik, që me dijeni të plotë, ka vu në rrezik jetën e Tijë . 

Ky burrë, që ven në dispozicion të vendit, dhe popullit të Tijë, dashurinë për kombin dhe at’dheun, patriotizëmin, vendosmërinë, dhe guximin e tijë të jashtzakonshëm, -e mbi të gjitha, -për hirë të interesave kombëtare, pranon edhe të poshtrohet, -me një qëllim të vetëm: Ç’lirimin tuaj nga kthetrat mafiozo-socialiste shqiptare, e ndërkombëtare, kthimin e dinjitetit, moralit e prosperitetit,-pa as edhe ma të voglin interes personal, -duhet të mbështetet, të ndihmohet, e mbrohet në misjonin e vet-ngarkuar patriotik, nga ku do të përfitoni ju, dhe i gjithë kombi ynë. 

Shqiptarët e Australisë, përcjellin një rrespekt të veçantë, dhe mirënjohje të thellë, për përpjekjet mbi-njerëzore të Sali Berishës, -(një dimension tjetër, në virtytet e Tijë), që në ato rrethana të jashtzakonshme provokuese, kur kishte jetën në rrezik, ai gjeti forca, dhe urtësi, për të qetësuar demokratët, e prevenuar kështu, një luftë të pa-shmangëshme civile, – aq të deshirueshme për të gjithë të korruptuarit socialist, që me ç’do kusht, e mjete të mundshëm, po tentojnë krijimin e një dominantje, qëllimi i vetëm i së cilës, është ruajtja dhe fshehja e pasurive të vjedhura.
Ky gjest burrnor, paqësor, e fisnik duhet të vlerësohet edhe nga socialistët e vërtetë Shqiptar, që duhet edhe të prononcohen haptazi kundër kësaj deshire të zjarrët që ka kaplluar udhëheqësit e tyre të pa moral.

Si mjek që jam, nuk mund ta mbylli këtë shkrim, pa komentuar pak rreth ‘’Rraportit Mjekësor’’ të të ‘’smurit’’, të paraqitur me aq zellë, e shpejtësi.
Është e turpëshme për një mjek, që të mos dijë të vejë një diagnozë, e aq më tepër, eshtë e turpëshme, e pa-pranueshme, dhe e rrezikshme për pacjentin, që ti jepen ilaçe, jo të bazuara në diagnozë. Për mendimin tim, ky mjek ka shkelur Betimin Hipokratik ‘’Së pari mos dëmto’’, për të cilin duhet të de-rregjistrohet, dhe të ndiqet penalisht. 

Megjithatë, ky rraport mjekësor , duhet të ndihmojë organet kompetente, dhe të përdoret si një dokument zyrtar, që verteton korrektësisht datën, (pra 16 Gusht, 2022), kur ky manipulimi mafioz kriminal, ka nisë rrugën e organizimit.

Dr. Zekri Palushi, Australi 7 dhjetor 2022
 

Këshilli i Ambasadorëve Shqiptarë përshëndet Samitin e Tiranës të 6 Dhjetorit BE – Ballkani Perendimor

by

Tiranë, më 7 Dhjetor 2022/

Dje Shqipëria mikpriti në Tiranë Samitin e parë jashtë kufirit europian midis BE-së dhe Ballkanit Perëndimor.

Këshilli Ambasadorëve Shqiptarë beson se ky Samit shënon dhe hapin e parë serioz të përfshirjes së vendeve të Ballkanit Perëndimor në tryeza të rëndësishme vendimarrëse europiane, ku diskutimi shkon përtej politikës tonë të brendshme.

Samiti i 6 Dhjetorit riktheu dhe një herë në axhendën e BE-së rëndësinë e posaçme që ka mbajtja hapur e dyerve të perspektivës europiane dhe përshpejtimi i procesit të zgjerimit me vendet e rajonit në axhendën e institucioneve më të larta të BE-së dhe Shteteve të saj Anëtare.

Liderët e BE-së dhanë disa mesazhe të fuqishme në këtë Samit, ku spikati mbështetja pa rezerva për popullin e Ukrainës dhe vendosja pa asnjë kompromis nga të gjitha vendet anëtare dhe kandidate të BE-së e sanksioneve ndaj Rusisë; po ashtu, shtimi i kujdesit dhe vëmendjes për vendet me demokraci të brishtë në Ballkanin Perendimor, për të shmangur çdo rrezik dhe kërcënim për paqen dhe sigurinë rajonal dhe më gjerë.

Gjithashtu, vendimet e Samitit të Tiranës rikthejnë vëmendjen në çështjet e mëposhtme themelore:

Përshkallëzimi i krizës ekonomike dhe energjitike, si pasojë e agresionit Rus ndaj Ukrainës dhe mbështetja për këta sektorë jetikë, si për familjet në nevojë dhe infrastrukturën është tejet e vlerësuar dhe e mirëpritur.

Vazhdimësia e zbatimit të projekteve të përbashkëta në kuadrin e Procesit të Berlinit, duke u dhënë mundësi të rejave dhe të rinjve në Ballkanin Perëndimor për të studiuar në Universitetet Europiane me tarifa më të ulëta është një lajm i mirë dhe premtues për integrimin e tyre në vlerat dhe arsimin europian.

Emigracioni dhe lufta kundër azilit të paligjshëm që po çojnë në shpopullimin e vendit është një tjetër çështje me rëndësi të madhe, veçanërisht për vende si Shqipëria; ndaj, bashkëpunimi me BE-në për të përshtatur legjislacionin tonë me korpusin e saj legjislativ “ Aquis Communitaire” dhe për të përftuar nga ekspertizat më të mira europiane është bërë më emergjente se asnjëherë tjetër.

Po ashtu, linjëzimi i politikës së vizave me atë të BE-së dhe veçanërisht menaxhimi i migracionit janë domosdoshmëri parësore, të cilat kërkojnë plane veprime të shpejta dhe reforma tërësore nga qeveria dhe autoritetet përkatëse në rajonin tonë.

Në këtë drejtim, do të ishte me shumë dobi që vendet e Ballkanit Perëndimor të shtojnë bashkëpunimin me BE-në për të adaptuar kuadrin e nevojshëm ligjor për punësimin sezonal të qytetarëve. Kjo do të ishte dhe një nga mënyrat për të dekurajuar dhe reduktuar emigracionin e paligjshëm, duke ndikuar që shtetasit tanë të mos shkelin rregullat e lëvizjes së lirë.

Në pritje të diskutimeve më konkrete në forume e BE-së gjatë ditëve të ardhëshme, Samiti rikonfirmoi mbështetjen për përpjekjet diplomatike që po bëhen nga BE-ja dhe SHBA-të, për arritjen e Marrëveshjes Përfundimtare për normalizimin e marrëdhënieve Serbi – Kosovë dhe vendimit të ardhshëm për liberalizimin e vizave me Republikën e Kosovës.

Më tej, ky Samit rikonfirmoi Procesin gjithëpërfshirës të Berlinit, si një proces tërësisht i mbështetur nga BE, i cili së bashku me Tregun e Përbashkët Rajonal të Ballkanit Perendimor nuk mund të zëvendësohet dhe kompensohet me asnjë nismë tjetër.

Së fundi, Këshilli Ambasadorëve Shqiptarë përfiton nga ky rast për të përgëzuar Qeverinë Shqiptare, për organizimin dhe mbarëvajtjen e Samitit të Tiranës, si një ngjarje e rëndësishme dhe me jehonë politike, diplomatike dhe mediatike.