Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Edi po ecën vet

by

Ilir Levonja/
Me duart në xhepa. I gjatë si ai. Me bluzë herë me numrin e partisë në fushatë. Herë me stemën e OKB-ës. Herë me ngjyrën e rilindjes së tij. Po ecën. Më këmbë. Dhe ne që e postojmë me vrap në internet. Facebook, twitter, instagram. Kemi një kryeministër që ecën vet. Më këmbë. (Megjithëse në distance, truprojat mbajnë barkun me duar.) Vështrojnë sa majtas e djathtas. Edi po ecën në këmbë. Me duart në xhepa. Me ato buzëqeshjet e tia gjysmë të hidhura. Nganjëherë edhe nevrikoset. I bërtet, gazetarëve. Madje u tregon se sa për ibret të zotit janë bërë. Po ecën …, po shkon tek Iliri. Tek ai, me të cilin bëri gallatë për vite me radhë. Pozita dhe depozita etj.
1)Ndërsa po ndiqja mbrëmë deri vonë, një studio të radhës në Opinion. Ku njëri dëshmonte i gjallë. Dhe tjetri kërkonte fakte shkresore. Ku ziheshin për të folur. Ku në mënyrë përfekte sajohej një pyll zhaurimash. Një suferinë natyrale. Njëri ironik, tjetri pioner i devotshëm. Realiteti përpëlitej si puna e asaj presë’ në këmbët apo kthetrat e një grabitqari.
Pastaj sërish të njëjtin avaz. A ka krisje mes Edi Ramës dhe Ilir Metës? Përse iku ministri? Iku vet apo e detyruan.? Jepni përgjigje. Çfarë ka mes tyre.? Pastaj a vidhet në dogana? Vërtet, a keni dokumenta? Keni fakte? (Megjithëse përballë, në ekran një qënie e gjallë raportonte për kapjen e shtetit. Me emra… me aktivitet të deklaruar. Prapë, a keni fakte?). Shkurt, rrëmujë dhe paga të mira për të folur.
2)Sot vendi ynë është i kapur nga një ankth? Si po shkon humori I kryeministrit me kryeparlamentarin.? Duket sikur shëndeti jonë varet nga gjëndja e tyre shpirtërore. Ose të paktën kështu mendojmë ne. Një rast për debat të zjarrt. Mundësi për të treguar devotshmëri. Cili prej tyre është më i forti. Cili më i ndershmi.
Më pas e njëjta pyetje. Çfarë kërkon të tregojë Ilir Meta me lëvizjet në qeveri? Jo e ka kapur, jo nuk e ka kapur kryeministrin. Suferinë fjalësh. Kur është fare e thjesht. Qartësisht e dukshme. Kryeministri deklaron që nuk do ketë lëvizje ministrash. Kryeparlamentari bën të kundërtën. Prapë ne pyesim. Jo për çfarë e bën. Çfarë do t’i tregojë. Ndërkaq postojnë foto se si Edi ecën vet. Se si shkon tek zyra e padronit. Më këmbë, mes qytetarëve dhe truprojave. Moderni, kryeminstri ynë.
3)Me atë numër deputetësh, që ka … Ilir Meta jo që e kapur Edi Ramën prej fyti. Por me garipllëk i kërkon edhe takime. Madje me qetësi i thotë t’i bëj publike. Ta shikojnë shqiptarët se si ai ecën vet. Se i shkon në zyrë. Dhe keqardhjen më të madhe, sado që përpiqen ta lajnë e fshijnë nëpër studio e Opinionit. E kanë vet socialistët. I sillen vërdallë këtij buçkoje të rrëgjuar nga dietat. Gati ta mbysin. Por, çfarë të bëjnë? U desh kaq përpjekje bojkotike, kaq autobuzë ngjyrë violetë, kaq mund fushate, kaq guxim të fortish nëpër qytetet e Shqipërisë së lodhur. Që të vinin në pushtet. Sa inatin dhe duhmën për t’i dhënë shqelmin këtij buçkoje. E kthejnë në dhele idhnakësh. Edhe pse kombëtarja e Berishës është e shpërbërë. Nuk është larguar fantazma.
I pari që hallakatet kështu, që po u bën vetëm një shërbim të mbrapsht shqiptarëve. Socialistëve gjithashtu…, është Edi Rama.
Edhe pse është koha të tregojë largëpamësi politike. Ai nuk ka kurajo. Politkanë të tillë i vine rrallë një vendi. Do të jetë vonë kur ai të arsyetojë se…, (mbase kur të shkruaj librin e kujtimeve) prishja e një aleance. Çuarja e vendit në zgjedhje të parakohëshme. Nuk është fundi i botës. Përkundrazi një largëpamësi politike. Eshtë koha kur vendi, qytetarët kanë nevojë për një shanc. Që të largojnë të keqen.
4) Eshtë shanci i madh Edi. Me këtë krisje dhe ndarje që ka Pd-ja. Ca të Saliut, ca të Lulit. Ca në shtëpi pasi duan që të shkojnë e t’i luten. Ca në luftë për Primin elektoral. Dhe ca si e thashë, në një kombëtare të lodhur Kuvendi. Dhe po të kthehesh nga krahu tjetër, ku haraçi i aleancës me LSI e ka futur shqiptarin në një panik jetësor. Me rekorde ikjesh dhe aplikimesh pranë Llotarisë Amerikane. Me këtë karshillëk reformash etj. Nuk ke për ta çuar atë anije asnjëherë në Europë. Asesi ta rilindësh. Megjithatë, është shanci i madh…, për një politikan bashkëkohor. T’i japi qytetarëve mundësinë. Që ai të kuptojë nëse është apo jo një rilindas i vendit të vet.

Robotët “folën” pas mesnate

by

Nga Axhem Ymeri/
Në fakt nuk folën fare me gojë por me kartona. Ata ngritën duart lart.Në to mbanin kartonin jeshil.Ishte ora 01:18 minuta e datës 06 Nëntor 2015.Një femër e veshur me të bardha,me pamjen e një “ëngjëlli” të plagosur; njoftoi se tani do votohej për ligjin e ri të pronave(Valentina Leskaj).
Robotët dukeshin tëlodhur, mezi qëndroninnë karriket e tyre,disa anash,disa shtrembër e vetëm pak ballas.Gjysëm ore më parë dikush mori guximin dhe kërkoi mbylljen e diskutimeve për buxhetin e vitit 2014, me pretendimin se problemet dolën plotësisht , por ky propozim nuk u pranua. Nuk u pranua sepse truri i robotëve kishte akoma pak vetëdije.ata duhej të votonin vetëmkur të dallonin kartonin jeshil nga objektet e tjera dhe të mos kuptonin asgjë tjetër.
Ata nuk duhej ta kuptonin se çfarë po votonin.Sipas padronëve të politikës, deputeti duhet të jetë vetëm ushtar, pa të drejtë të mendojë, thjesht robot. Për këtë janë komanduar në listën e partisë.
Ne, vërtet duam të shkojmë në kapitalizëm, por rrugën për atje e gjejmë vetë, nuk ka nevojë të jetë ajo që kanë ndjekur të tjerët.Duke studjuar si krijohet mbivlera në kapitalizëm,më kujtohet se kapitalistët kishin gjetur një mënyrë që ndihmonte rritjen e fitimit (punës së papaguar). Në orën e pestë të punës, kur lodhja sjell uljen e rendimentit të punës tek punëtorët, ata ndalonin punën në fabrikë dhe punëtorët kalonin në mencë. U jepnin falas një bërxollë dhe një pije stimuluese për të shtuar fuqinë, me qëllim që edhe orët e tjera të punës tëvazhdonin me ritmin e mëparshëm.
Kostoja e ushqimit falas mbulohej dyfish nga rritja e rendimentit të punës.Nëkëtë mënyrë,kapitalisti i mbante punëtorët e vet të freskët për punë.
Por, “kapitalizmi” ynë komunist nuk e do trurin e freskët. Truri i freskët mendon dhe pastaj lindin pyetje e më vonë telashe.Padronët e partive, punët e “mira” i bëjnë kur truri mpihet, kur deputeti kthehet plotësisht në robot,kur ngre vetëm kartonin jeshil dhe asgjë tjetër.Edhe sonte kështu duhej të ndodhte.
Padroni i shikonte nga llozha e vet,duke mbllaçitur nëpër gojë mbeturinat e fundit të ushqimit që kishte gëlltitur shpejt e shpejt, pasi kishte shpëtuar nga ankthi i pyetjeve me “spec” të katër gazetarëve në studion e Sokol Ballës.
Dukej pozant e triumfator, i sigurt se kishte zbritur nga lart, jo produkt i njëmilion votave të dhuruara nga ata që nuk dallonin shumë nga robotët e sallës.
Padroni gjykoi se erdhi çasti kur robotët donin vetëm të votonin e jo të mendonin.Të votonin e të iknin. Pagjumësia ishte gati t’i rrëzonte poshtë karrikeve.Padroni dha sinjalin. Ora 01:18, “ëngjëlli” me të bardha foli: – “Votoni për fatin e pronarëve”
Votimi elektronik u bllokua për faj të teknikës.U ngritën kartonat jeshilë.Ora 01:20 gjithçka mbaroi.Vetëm dy minuta dhe ligji u votua. Robotët u lehtësuan dhe me shpejtësi braktisën sallën, nga frika e ndonjë urdhëri tëri. Por padroni, i kënaqur, i la të lirë.
Robotët votuan por deputetët nuk i pamë e nuk i dëgjuam ku ishin. Deputetët nuk idëgjuam në Kuvend, por as në komisionin parlamentar të ligjeve. Padroni urdhëroi qëky draft të kalonte me proçedurë të përshpejtuar, pa kaluar fare në komisionin e ligjeve. Nuk u dëgjua as zëri i grupeve tëinteresit nga qeveria. Nuk u tërhoq as mendimi i institucionit të avokatit të popullit.
Vallë kështu mbrohen të drejtat e njeriut? Kështu e mbjell drejtësinë e vet partia socialiste? Kështu është “Rilindja” e Edi Ramës? Po Europa ku duam të integrohemi, a e shikon këtë lloj “drejtësie”? Një komision për çështjet ligjore, nga Kuvendi dje miratoi projekt ligjin “për ratifikimin e protokollit nr.15 të Konventës Europiane për mbrojtjen e të drejtave tënjeriut dhe të lirive themelore”.Çfarë konçidence! Tjetërfytyrë para Europës dhe tjetër para popullit të vet. Kyështë kryeministri ynë dhe kjo është “rilindja” tij!
Por, vallë a do ta kuptojnë ndonjëherë këta robotë se çfarë votuan? Historia përsëritet vazhdimisht për ne shqiptarët. Kjo ndodh se ne nuk dimë të nxjerrim mësime prej saj.
…..Pak histori
Ishte viti1991. Robotët e komanduar direkt nga komunizmi Ramizian nxorën ligjin nr.7491 dt.29 prill; për dispozitat kryesore kushtetuese. Ky ligj i kaloi pronat nëstatusin e vitit 1946, pra, pronat u kthyen private. Europa(dhe ne) menduam se filloi kthesa për mirë edhe për shqiptarët, por zhgënjimi erdhi shpejt. Fill pas 2 muajsh e gjysëm, më 19 korrik 1991, robotët shqiptar nxorën ligjin komunist nr.7501. Nëpërmjet këtij ligji ata i dhanë tëdrejtë vetes të ndanin pronat private të shqiptarëve.Dy gabime fatale:
a) Shteti e quan veten pronar, ndërkohë që pronat ishin private
b) Shteti zbaton një reform të re (socialiste) agrare në kurriz të pronarëve. Kjo ishte direktiva Ramiziane e Katovicës.
Pyesim: Ku e gjetënfuqinë ligjore robotët e vitit 1991?!
Dhe rezultati erdhi shpejt.
– Deri tani mbi 9000 njerëz të vdekur nga konfliktet për pronat.
– Tokat bujqësore u lanë djerrë dhe u braktisen, nga mosbesimi se ishin pronë bote.
– U zaptuan forcërisht tokat bujqësore (mall pazot) nga fshatarët e malësive veriore e jugore, filluan ndërtimet pa leje.
– Lindi informaliteti në ekonomi e për pasojëhumbjet në buxhet u shtuan, sepse nuk vilesh taksa mbi pronën.
– Mungesa e titujve të pronësisë, pamundësonte marrjen e kredive dhe solli rënie ekonomike.
– Lindën legalizimet me urdhër shteti në pronat private (çudi vetëm shqiptare)
– Humbi besimi për jetë normale në këtë vend akoma komunist dhe filloi largimi masiv plot dhimbje e pa dinjitet.
…..pas 25 vjetësh
– Shqipëria përditë po braktiset. Biznesmenët shtrëngojnë rripin e fukarait që të pasurohen për tu bërë deputet.
– Partitë politike ia mbajnë thikën nën mëngë njëra-tjetrës.
-Profesorët e huaj të politikës shqiptare janë të habitur, të lodhur, mospërfillës.
Për tu futur në listën e deputetit nuk ka nevojë të jesh idealist dhe i përkushtuar.Mjafton të kesh para, të zbardhësh dhëmbët para padronit e të ulësh kokën. Prakticizmi i tyre sot ju sjell pushtet e para, pavarësisht se u ndërron emrin nga deputet në robot.
Kjo ishte kopeja e robotëve që mbushnin sallën e parlamentit shqiptar në datën 5 Nëntor 2015, deri në orën 01:20 të datës 6 Nëntor. Këta janë kopje besnike të robotëve të vitit 1991. Edi kënaqej duke i parë kështu, të urtë e të bindur, të gatshëm për të jetësuar ambicjet e padronit.Truri i tij diabolik nuk i pranon të barabartët pranë vetes. Euforia e tij shkon në progresion gjeometrik me gjatësinë e trupit. Në fshatin tonë , kur haseshin çuna të tillë, u thoshin: “kujdes nga hundëleshët”.
Ajo seancë kuvendi pati edhe disa robotë që u treguan pak dinakë. Profesori i vjetër i politikës, i largoi ata pa i zënë mirëgjumi, pa u hedhur në votim projektligji i pronave.
S’kish si bëhej ndryshe.Ata bëjnë pjesë në grupin e finokëve që të vrasin natën dhe të qajnë ditën.
Profesori i tyre që ishte protagonist kryesor në sallatën e vitit 1991, megjithëse e pranoi gabimin me ligjin 7501, nuk do ta pastrojë gëlasën që ka bërë bashkë me Nano drogën sepse i ikin pronat e grabitura.Hiqet sikur i jep të drejtë pronarëve duke menduar se ne kemi harruar të kaluarën. 14 vjet pushtet nuk janë pak po të duash të korrigjosh gabimet. Të gjithë kanë dëgjuar që politikaështë kurvë, por politikanët tanë janë kthyer në pronarë bordellosh. Kjo është e padurueshme, por ne akoma nuk jemi bërë Rumunë dhe ata e dinë këtë, ndaj bëjnë si u don qejfi.
Dhe robotët mbyllën seancën në orën 01:20 të 6 Nëntorit, pa kuptuar çfarë votuan dhe pa e vrarë mendjen për ta kuptuar. Detyrohem unë të lodhem për t’ju kujtuar atyre dhe kujtdo tjetër që dëshiron ta dijë, se përse u votua në ato dy minuta.
Në ato dy minuta u votua që:
– Litari që lanë jashtë varrit robotët e vitit 1991, të marri jetë të tjera.
-Plagët ekonomike të mos shërohen kurrrë tek ne, duke i lënë shqiptarët në mëshirën e importeve nga jashtë,
-Pasuritë e pronarëve t’i gëzojnë përjetë bijtë e diktaturës së vjetër dhe votuesit e tyre.
– Kullotat, livadhet e pyjet që deri dje ktheheshin me ligj tani u bënë komplet shtetërore.
– Çobanët që deri dje rrisnin bagëti në kullotën e tyre, detyrohen ti paguajnë qera shtetit për ato kullota.
Kështu që në vend që shqiptarët të vetpunësoheshin këtu,do marrin rrugët e botës përfundimisht, të zhgënjyer totalisht.
Populli thotë:”U ruajtëm nga shiu e ramë në breshër.Kë quan më të mirin, ai të del më m…t se të tjerët”.
Këtu do ngelën vetëm robotët dhe kryeroboti “largpamës” me teorinë e tij ekonomike të zhvillimit “rilindase”. Çdo ditë e më tepër, pronarët e politikës shqiptare po i afrohen diktaturës të kohës së Çausheskut.Shpresojmë të (mos) kenë fatin e tij.

Ra UNESCO e u pamë!

by

Nga Fahri Xharra/
Për fillim” “Nevojtarët shqiptarë nuk duhet të pranojnë të mbeten skllevër i biznesit të maskarenjve. Raca shqiptare është zot dhe jo skllav. Shqiptari duhet të filloj ta njoh veten si njeri të suksesit; të mposhti frikën e fatkeqësisë që mund të sjellë zgjimi nga gjumi i tepruar (Aurel Dasareti )
Agron Bala shkruan: “Kosova shitet nga Serbia dhe miqtë e saj si vend “islamik”, me që 90% e popullsisë se saj janë myslimane ( ? fxh ), por paradoksalisht 90% e vendeve islame votuan kundër pranimit te saj ne UNESCO !!! Porsa i perket vendeve “komuniste” si Kuba, Venezuela, Koreja e Veriut, etj. ata votuan 100% kundër !!! Dhe ne kërkojmë armiqtë e kombit shqiptar me qiri ne mes te ditës! Hajde shpjegoje këtë!!!”
“Nëse do të isha kryeministre e Austrisë, pas kësaj që ndodhi unë do të shkoja në Beograd e do të thoja se kështu nuk shkon e më pas do të shkoja edhe në Bruksel dhe t’u thoja se Serbisë duhet t’i bëhet më shumë presion që të jetë konstruktive dhe të mos t’i bëhet pengesë Kosovës pasi këto veprime nuk do t’i bëjnë dobi asnjërës palë”, ka thënë Lunacek.
Për Lunacek, sot ka qenë një ditë e trishtuar, për shkak të mos anëtarësimit të Kosovës në UNESCO.
(Teoritë e konspiracionit parashikojnë edhe një luftë të re ballkanike, më së largu deri në vitin 2018, e cila ndërlidhet me shpërbërjen e Evropës, ringjalljen serbe dhe me rikthimin e “ariut rus” në Ballkan, e cila për ata duket krejtësisht e besueshme pas rikonsolidimit ushtarak dhe politik në Siri. Pra, ëndrra mesjetare serbe ka për personazh Putinin! nga Fadil Lepaja)
Nuk duhet të çuditemi nëse kjo gjë ndodh. Kthimi mbrapa njihet ne histori. Varfëria e skajshme qe po i imponohet popullit shqiptar sipas nje strategjie te mirëmenduar, e favorizojnë kthimin tone prapa. Karl Poper thotë se një gjenerate e vetme mund te shkatërroje punën e dhjete gjeneratave. Prandaj, shqiptare, jini vigjilentë
Dëshmi e qytetërimit tonë perëndimor, andaj të ëndërrosh ta rikthesh ferrin në këto hapësira është çmenduri që duhet qortuar publikisht dhe kolektivisht! Shqiptarët nuk do të rikthen në varrë, por fo të ecin krah-përkrah me popujt e qytetëruar, si kultivues të paqes dhe të dashurisë midis popujve!
Kafshët e egra mishngrënëse, në mungesë të mjeteve më të avancuara, përcaktojnë territorin e tyre duke pshurrur në drunjtë përqark. Dhe, mjerë për kafshët tjera që guxojnë të shkelin në pronën e tyre. Ndërkaq ne, as që kemi përcaktuar kufijtë, as që dimë se ku gjenden dhe as që mbrojmë oborrin tonë nga ardhacakët e paftuar që na kolonizojnë gjithnjë e më tepër, por si kozmopolitë budallenj, edhe pse vetë gjendemi nën robëri, për hatër të “vëllezërve të fesë” luftojmë për Siri, Serbi, Turqi, Rusi e Greqi.
Nuk jermi kundër vendeve arabe e as Turqisë , nuk jemi kundër marrëdhenjeve ekonomike ,kulturore dhe poltike të atyre shteteve. Por një gjë që duhet të bindemi përfundimisht është se “agjentët” e tyre ( hoxhallarët , jo të gjithë ) në të gjitha trojet shqiptare janë në shërbim të shërbimeve të tyre sekrete të cilat e kanë për qëllim të shfrytëzojnë naivitetit tonë për trampoline në Europë , Nuk e di se se e kuptojnë e “besimtarët “ fanatikë të myslimanizmit por me bindje të fortë e ndaj mendimin me Z. Aurel Dasareti : ” Hoxhallarët tane janë , një nga personalitetet më komplekse, më të çmendur dhe të çuditshëm që ndonjëherë kanë ushtruar propagandë dhe spiunim politik në tokat shqiptare në favor të Shërbimeve Sekrete të boshtit pan-ortodoks Athinë-Moskë-Beograd “ .Me vetëdije apo pa te neve po na zhysin në shërbimin më të keq kundër kombit dhe tokave tona (Spiunazh është mbledhje informacionesh nga burimet e hapura dhe të mbyllura të kryera në fshehtësi. Vëzhgimi bëhet në mënyra të ndryshme dhe nga shumë subjekte. Spiunazhi bëhet nga shtetet, nëpërmes kompanive dhe organizatave të të gjitha llojeve dhe nga individët). “
Kemi shembuj shokues , të cilët duhen të na bindin përfundimisht që hoxhallarët ( jo të gjithë ) janë në shërbim boshtit islamik-ortodoks!
Ja një nga mijëra shembujt : “Për të katandisur shqiptarët myslimanë të ikin në Turqi, autoritetet greke kishin blerë dhe bërë për vete klerin mysliman, hoxhallarët dhe myftinjtë shqiptarë. Këta bënin propagandë në popull për të mërguar në Turqi. “Kur qeveria greke (nën presionin e Lidhjes së Kombeve – red), urdhëroi të deklarojmë racën tonë – thoshin përfaqësuesit në fjalë – çamët vrapuan të deklarojnë racën e tyre të vërtetë (shqiptare – red), por si u pa ky sulm, doli myftiu u Filatit, Mehmet Zeqiraj dhe ish myftiu i Gumenicës, Halil Hilmiu, duke gënjyer popullin që të mos rrëfejnë se janë shqiptarë”.» (Luan Malltezi.” Roli i hoxhallarëve në shpernguljen e shqiptarëve )
Pataj : “Mësojmë që se tanë q’erdhi komisioni Turk në Athinë për të vënë në zbatim nomin e ndrimit, të përmëndurit Mehmet Zeqirja e Halil Hilmin erdhën në Athinë si Komisjon të dërguar nga Çamëria që të gënjejnë turqit se Çamët duan të venë në Turqi që për këtë komision kemi protestuar më telegram ndanë qeverrisë greke si dhe komisjonin që të mos mirren parasysh ankimet e këtyre se nukë përfaqësojnë gjithë popullin Çam veç një pakicë që janë sot refygjat pa mall veç nga një kalive që kanë, dhe dy të përmëndurit nuk dijnë nga janë të paguar ose më mirë s’mundin të rrëfejmë. “
“Qeveria Greke, pas nomit të ndrimit ndaloj shitjen e niqasjen nga gjithë myslimanët pa ndarë shqiptarët, të cilët s’janë në këtë nom. Kërkuam nga qeverria përjashtimin t’onë nga ky nom me që jemi shqiptarë e për këtë duhelt të jemi të lirë si dhe të tjerët. Mbi këtë, qeverria dha një urdhër që myslimanët e Çamërisë të deklarojnë zyrtarisht racën t’onë (duke) mare parasysh që të gjithë Çamët flasin vetëm shqip. Çamërit vrapuan të deklarojnë racën e vërtetë të tyren, po si u pa ky sulm, dolli Myftiu i Filatit, Mehmet Zeqiraj dhe ish Myftiu i Gumenicës Halil Hilmiu duke gënjyer popullin që mos të rrëfejnë se janë shqiptarë se kush të thotë shqiptar e të mbetet këtu, greku do i djegij dhe na që do të vemi në Turqi do marrim pallate e shumë mallra që ne mot mot do bëhemi miljonerë duke dhënë në besën përpara e shtrëngimet e qeverisë me nomin e ndrimit zunë njerëzia të ftohen.
Me këshillat q’u dhanë popullit të paditur se këto që u thanë hoxhët janë propagandë për të përzënë Çamët nga vatrat e tyre. Na që do të mbetemi do rojmë më të lirë se sa kemi rojtur dhe gjithë të drejtat tona dot na mbrohin nga Lidhja e Kombeve e cila ishte e detyruar për këtë që të mbrojë të drejtat e pakicave që rojnë nënë shtete të huaja qe më këto njerëzia zuri të kuptojë të drejtën veç ata që janë muhaxhirë që sot. “
A është lufta serbe për “trashëgiminë kulturore serbe” në Kosovë – pyet Fadil Lepaja , fillimi i një lufte të re si po e paralajmëron dhe si kërcënon Patriarku serb dhe konspiracionit e tjerë serbë apo është vetëm fundi i ëndrrës mesjetare serbe për Kosovën dhe “ardhjen ruse në Ballkan”, kjo mbetet të shihet ?!
Pse ne shqiptarët të bëhemi shërbëtorë ,në shërbim boshtit islamik-ortodoks!

11.11.15 Gjakovë

GËRSHËRË NË RRËNJËT E ORIGJINËS

by

Nga Rasim Bebo/Chikago/
Të nderuar bashkatdhetarë, po ndaj me ju një shqetësim: më datën 3 nëntor 2015 në ”Gazetën Shqiptare”plasi si një bombë, që mohon origjinën tonë pellazge, që mohon “Perandorinë Pellazge me kryeqytet Dodonën në Çamëri”, artikulli i zotit Kristo Frashëri : “Ilirët nuk janë pasardhës të pellazgëve”,
Zonja Nevila Nika shkruan: “ky botim vjen në bashkëpunim me Qendrën Kërkimore “Ligji, Norma dhe Tradita””, pranë Fakultetit Juridik në UET, që drejtohet nga unë. Libri është pjesë e projektit “Çamëria si një çështje shkencore”. Ju zonja Nevila, shkruani në ngjashmëri si për Kartagjenën e shkatërruar nga konsulli romak në antikitet, në analogji me Napolon Zervën që shkatërroi Çamërinë para shtatëdhjetë vjetëve. Ju vlerësoni botimet e reja në këtë fushë: “EpiriI jugut, Çamëria” me një grup autorësh dhe librin e Mentor Nazarkos, “Lufta e fundit”, për pronat e shqiptarëve në Greqi, i cili nuk flet për ligjin agrar 7501 të ndarjes së tokës në Shqipëri, që dekretoi ish kryeministri Sali Berisha, për dhënien në pronësi të tokave shqiptare për familjet minoritare greke në jug të vendit, duke i kthyer ato në “troje greke”. Madje në vitin 1994, pas një pakti me qeverinë greke, lejoi me ligj regjistrimin e këtyre trojeve shqiptare edhe në kadastrat e pronësisë greke. Dhe shumë privilegje të tjera të lëshuara nga ky ish kryeministër. Të cilit, kisha greke i jep Sali Berishës titullin e lartë:“Bekimi ynë i artë” për shërbime të shquara ndaj Greqisë, (28/dhjetor/2011 speciale nga AMA news).
Zoti Kristo Frashëri dhe zonja Nevila Nika, nuk i përmendin autorët e historisë shqiptare të përkthyer në gjuhën shqipe përgjatë të quajturës “demokraci”, si Edwin Jaskues “Shqiptarët”, Mathieu Aref “Shqipëria” (historia dhe gjuha) “odiseja e pabesueshme e një populli parahelen” bot. 2007, dhe “Mikena”; Xhan Klod Faverial “Historia” 2004; Tajar Zavalani “Historia e Shqipërisë” bot. 1998; Dhimiter Pilika “Pellazgët, origjina jone e mohuar” bot. 2005; Robert Anxheli me shtatë volume përmbledhje e librit “Enigma”; Karl Rainhold “Netët pellazgjike”. Këto libra dhe të tjera, ju nuk i keni përfillur, se ato i vënë grekut kufirin te thana.
Zoti Kristo, ju rrëmbyet gërshërën për të prerë rrënjët e origjinës me stërgjyshin tonë pellazg. Por shqiptarët rrjedhin nga ilirët dhe këta nga pellazgët që ishin banorët e parë, para se të vinin semito-egjiptianët (grekët). Perandoria Pellazge me epiqendër Dodonën në Çamëri, ka luzmuar (lumturuar) në rajonet ballkano-danubiane, në pellgun e Mesdheut, në Azinë e vogël, në gadishullin Apenin, në gadishullin Iberik, në Kaukaz, Palestinë…etj.
Herodoti, “babai i historisë” i ka përmendur shumë herë pellazgët. Të gjitha trevat që më vonë u quajtën Greqi, fillimisht quheshin Pellazgji… ai pohon se vendi i kultit apo vendi i shenjtë parahelen, më i lashti dhe i vetmi i njohur, ishte ai i pellazgëve në Dodonë. Kjo është vërtetuar nga Homeri (Iliada XVI. 234), i cili e trajton Zeusin jo vetëm si pellazg për nga origjina, por ai e cilëson më tepër “Dodonas”. (Aref Mati “Mikena” f.67) dhe më tej “Ilirët kanë për stërgjysh “pellazgët”, të cilët bashkë me “etruskët” (një fis tjetër pellazg), përbëjnë themelin e dy qytetërimeve më të mëdha perëndimore: atij grek dhe romak. Është provuar se qytetërimi grek ka lindur pas shek VII- pes. (“Pellazgët antik.. “ Paris 7/6/2007).
Robert D’Anxheli shkruan: “…populli i racës pellazge kudo fliste me dallime të vogla dialektore të njëjtën gjuhë: pellazgjishten… , ka qenë po ajo gjuhë kudo në këtë epokë dhe nuk e vëmë në dyshim, kemi gjithashtu, të shohim dhe dëshminë e Biblës që thotë tekstualisht: “para shpërhapjes, që ndodhi në Kohën e ndërtimit të kullës së Babilonisë, gjithë njerëzimi fliste një gjuhë të njëjtë të vetme”(“Enigma” f. 200).
Edwin Jasques shkruan: “Tukididina thotë: se Akropoli më i njohur i botës, ai i Athinës fqinje, nuk u ndërtua nga grekët, por nga këta pellazgë, banorët e parë u vendosën aty para vitit 2000 pes.” “Shqiptarët” f.67.”
Për të thënë të vërtetën, Greqia ka nisur të quhet zyrtarisht dhe përgjithësisht Hellas për gjithë botën, vetëm shumë vonë, kur u krijua si mbretëri e pavarur më 1830. Më parë, dhe sidomos gjatë perandorisë Bizantine, ajo asnjëherë nuk është quajtur Hellas ose Grecia, as Perandoria Greke, ose Helenike, po gjithmonë Perandoria Bizantine dhe Perandori Bizantin, kurrë nuk është cilësuar si grek ose hellas. Ato që shkruhen për të, janë manipulime greke.
Po tregojmë hartën e vërtetë të Greqisë të marrë nga Enciklopedia Amerikane vol. 13 f.377 bot. 1828. Korrigjimi në vitin 1971, tregon shtetin grek që fitoi pavarësinë në vitin 1826, me kufirin që kalon në jug të Epirit, të Thesalisë dhe në veri të Eubesë dhe në Detin Egje. Prof. Dr, Hasan Kalleshi shkruan: “Vilajeti i Janinës nuk iu bashkëngjit Greqisë. Në vitin 1826 dhe deri në vitin 1913 greku nuk mundi të zgjerohej në veri në territorin e Epirit, Thesalisë dhe Maqedonisë. Për këtë duhet lavdëruar Abedin Pashë Dino”.
Ka disa autorë që flasin vetëm për ilirët, se janë një pjesë e tërësisë pellazge, shkruajnë për pjesën dhe nuk e zënë fill të tërën, nga kjo e tërë, kanë lindur tre shtete pasardhës të pellazgëve ilirët, maqedonët dhe epirotët.
Zoti Kristo Frashëri, ju shkruani, se shqiptarët dhe grekët, pasardhës të ilirëve dhe helenëve të lashtë, banojnë në fqinjësi me njëri-tjetrin që nga periudha parahistorike dhe që vazhdon deri në shekullin e nëntëmbëdhjetë. Por nga Robert Tempel lexojmë: “grekët dhe hebrenjtë janë shumë të vonshëm në historinë e lashtë, sa që mund të themi se bëhet fjalë për mijra vite distancë, përpara se vetë emrat Greqi dhe Hebre të vinin në jetë” nga kjo kuptojmë se ilirët, me semito-egjiptianë (grekë) nuk kanë të njëjtën origjinë. Shqiptaro-pellazgët, grekët i quanin barbarë dhe asnjëherë nuk kanë bashkëjetuar në fqinjësi të mirë. Në vitin 1826 në Peloponez grekët kanë therur dhe zhdukur mbi pesëmbëdhjetë mijë shqiptarë, në vitin 1923 janë shpërngulur me forcë mbi gjashtëdhjetë mijë shqiptarë nga Çamëria: Follorina, Kosturi, Grebeneja, Janina, në këmbim me ortodoksit e Anadollit. Në vitin 1944-1945 greku masakroi Çamërinë dhe dëboi mbi tridhjetëmijë çamë myslimanë. Sot Greqia mban ligjin e luftës me Shqipërinë, dhe Çamërinë e quan inekzistente, vallë kjo është miqësia dhe qetësia me Greqinë?!
Dhe më tej, janë masakruar nga paraardhësit e Janullatosit, megjithëse e dinin që do të vriteshin nga banditët grekë që i udhëhiqnin, peshkopët që vazhdonin meshën në gjuhën amtare shqipe. Kundra këtyre pishtarëve të gjuhës shqipe, u përdor helmi, gropa e gëlqeres, thika, plumbi dhe sëpata. Helmuan Petro Nini Luarasin, me sëpatë i çanë kokën Papa Kristo Negrovanin dhe ia kthyen trupin ushqim për qentë, gjithashtu i prenë kokën dhe ia zhdukën At Staf Melanit, trupin e të cilit e varrosën pa kokë në kishën e Përmetit. Koto Hoxhin, që u mësonte fshehura nxënësve shqipen, peshkopi grek e spiunoj fshehur te kajmekami turk dhe pasi e arrestuan e varrosën në burgun e tmerrshëm të “Xhedikulit” në Kostandinopoje (nga Edwin Jasques).
Ju zonja Nevila, jeni funksionare në Universitetin UET, vallë ju nuk keni frikë kur ngrini zërin e Çamërisë në këtë universitet?… Në universitetin “Vitrina” para pesë-gjashtë vjetëve disa përfaqësues të Shoqatës “Qendra Studimore Pellazgjike”, i mbështetën krerët e Universitetit “Vitrina” për të shpallur të parën Konferencë të Qendrës Studimore Pellazgjike, por në këtë kohë në Universitet u bë një huliganizëm kundra Shoqatës Studimore Pellazgjike. Komisari i policisë, që e kishte në patronazh, vendosi aty situatën duke marrë masa kundër huliganëve. Ky komisar mbas pak ca kohësh është vrarë në Tiranë dhe vrasësi për të shpëtuar jetën u arratis në Greqi. Akoma kjo vrasje e dhimbshme nuk është zgjidhur.
Janë zhvilluar këtu në Tiranë tre mbledhje të Shoqatës së Studimeve Pellazgjike, ku kanë ardhur delegatë nga shtetet fqinje edhe unë kam ardhur nga SHBA-ja për të asistuar në këtë Simpozium në tetorin e vitit të kaluar. Fatkeqësisht, këtu nuk kishte ardhur asnjë i ftuar nga Qeveria dhe Akademia e Shkencave. Vallë kjo mospërfillje është vazhdimi i artikullit të Kristo Frashërit, që ju e mbështetni, se ilirët nuk janë pasardhës të pellazgëve?…
A ka më keq, se kur ministri i jashtëm grek, Venizellosi flet me ton urdhërues duke e ndjerë veten se është në shtetin e tij grek, brenda Shtetit Shqiptar. Nga zyra e Kryeministrit në Tiranë urdhëroi: “Dëgjoni, ju, shqiptarë!..kujdes, mos bëni naze për plotësimin e kërkesave të Athinës, siç janë: kufiri detar, problemi i çështjes çame, mosprekja e ligjit të luftës, ngritja e varrezave të reja, përvetësimi i Kishës ortodokse (prof. dr. Eshref Ymeri, internet: “Ministri i jashtëm grek… “ 24/10/2013).
Legjenda e Deukalionit u krijua për të fshirë plotësisht të kaluarën pellazge, një përmbytje që fshin gjithçka në mënyrë që të fillohet nga zero. Kështu si me magji, dolën në dritë Heleni i Deukalionit dhe Pirrhas: Helen, eponim i stërgjyshit të grekëve. (M. Aref “Shqipëria” bot. 2007 f.22.)
Grekët e kanë halë në sy emrin “pellazg”, sepse me zhdukjen e tyre, bëhen përvetësues të kulturës pellazge. Nuk duan të dëgjojnë emrin e Dodonës në Çamëri dhe kërkojnë ta vendosin në malin e Tomorit, për këtë shkruajnë disa persona në internet. Emri Çamëri iu vunë shumë historian grekë, duke i quajtur çamët kolonë turq dhe përfunduan në një rezolutë greke dërguar OKB-së, Kongresit Amerikan dhe BE-së duke ligjëruar se “Çamëria nuk ekziston”.
Gjatë kësaj kohe të “demokracisë” shumë çamër kanë dashur të shkojnë në Çamëri për t’u çmallur me vendlindjen e tyre, me varrezat e të parëve të tyre, me shtëpitë e tyre dhe me pasurinë e tyre. Por me pasaportën e tyre të paraqitur në sportelet greke, kur ata kur kanë parë emrin e Çamërisë dhe qytetin ku do shkonin në Çamëri, sportelisti grek i inatosur ua ka grisur pasaportën dhe ua ka hedhur në fytyrë, duke u thënë: “S’ka Çamëri!”… Qeveria dhe Akademia e Shkencave kanë heshtur dhe nuk e kanë bërë problem dhe as e kanë aprovuar rezolutën Çame për t’ia dërguar OKB-së, Kongresit Amerikan dhe BE-së. Kjo është fatkeqësi kombëtare.
Kështu, greku vazhdon dhe më tej: Ish PresidentiI Greqisë Stefanopullos thotë: “…unë shtoj bindjen time, se Greqia mirëpret shekullin e ri me kujtimet e luftës së përgjakshme për helenizimin, për çlirimin e të gjithë grekërve “skllevër”. Shqiptarët do të përsheshen të gjithë midis nesh dhe Serbisë së madhe, janë njerëz pa troje”. (Edit Harxhi dhe Mal Berisha shkurt-mars 1997) (Athinë 23/dhjetor/1999 marrë nga Athens News Agency (ANA)).
Si përfundim, hierarku ortodoks Janullatos, ka një detyrë të caktuar kishtare në Shqipëri. Ai e gjykon, se fronti më i mirë për t’i shërbyer Greqisë, do të ishte pikërisht qëndrimi në Shqipëri. Propozimi i Kryeministrit grek Cipras për zotin Janullatos, ishte një vlerësim i lartë për besnikërinë e tij ndaj Greqisë, sepse i ka kryer mirë detyrat në shërbim të kombit grek, kurse drejtuesit e Shtetit Shqiptar janë përulur dhe heshtur. Por deri kur do të vazhdojë kjo situatë poshtëruese?…
Rasim Bebo,Tiranë 10 nëntor 2015

A do digjet Shqipëria?

by

Nga Aurel Dasareti, USA/*
Apel të gjithëve me gjak shqiponje në damarët e zemrës të leni mënjanë ideologjitë, inatet, rivalitetet e sëmura, hakmarrjet, fanatizmat fetare, budallallëqet dhe dëshirat e juaja personale. Është koha për të lejuar Shqipërinë të vijë më parë. T`i largojmë kriminelët. Të dritësojmë Shqipërinë!
***
Sqarim: Kur them “SHQIPËRI” mendoj për të gjitha trojet, brenda dhe jashtë murit të arbrit. Kur them “unë” mendoj për secilin prej jush.
Unë nuk dua asgjë tjetër përveç se vendi ynë i përbashkët përsëri të bëhet i joni. Unë nuk dua që shqiptari edhe më tutje të ndjehet i huaj në vendin e tij. Ëndërroj që motrat/vëllezërit e mi të gjakut dhe gjuhës një ditë do ta duan përsëri njëri-tjetrin, dhe që askush prej nesh nuk do të tolerojë padrejtësinë, që të gjithë ata që venë re diçka të gabuar në këtë vend, do ta korrigjojnë atë përsëri dhe se zyrtari do të mendoj një mijë herë para se me goditur ndokënd në fytyrë.
Të gjithë do ta takojnë fatin e tyre, herët a vonë. Sipas meritave. Shpërblimet apo dënimet. Dhe siç thotë gjyshi im: “Ti nuk mund të zgjedhësh si të vdesësh. Ose kur. Por ti vetëm duhet të zgjedhësh si të jetosh”.
Jo të gjithë besojnë në atë që kam shkruar në mediumet shqiptare prej vitit 2001 deri më tani, por unë betohem se ajo vjen direkt nga zemra. Kam lindur, jetoj dhe veproj jashtë Shqipërisë, jashtë Evropës, por e dua pakufishëm edhe vendin e gjyshërve të mi dhe unë ëndërroj për kushte më të mira të jetesës për të gjithë shqiptarët e trojeve. Unë nuk dëshirojë për të filluar një revolucion ose të bëjë grusht shteti ushtarak dhe unë nuk e konsideroj veten si ndonjë formë e liderit politik. Unë jam ai që kam qenë dhe ai që do të jem. Thelbi i qëllimit tim është që unë vetëm dua të jem krenar se jam shqiptar dhe unë nuk dua që një qytetar i vetëm pa privilegje të rrahet nga kriminelët sa që ai të mos jetë në gjendje as të shprehë dhimbjen e tij.
Unë kam dhënë një betim përpara Perëndisë se do të shpenzojë kohën e duhur për të zbuluar të gjithë kriminelët, hajdutët, tradhtarët dhe spiunët në Shqipëri. Unë nuk do të lejojë djegien e vendit tim (tonë). Por këtë nuk mund ta bëjë vetëm. Unë dua që ne të punojmë së bashku që secili prej jush të ndjeni se ne duhet të ndryshojmë Shqipërinë. Unë u bëj thirrje të gjithë atyre atdhetarëve që u është dhënë një talent për të shkruar, ilustruar ose për të bërë film të unifikojnë veprimet. Le të bëjmë atë që mundemi për të përhapur mesazhin. Të dritësojmë Shqipërinë!
***
Të mos harrojmë amanetin dhe Gjakun e Dëshmorëve të Lirisë që gjatë rrjedhës së historisë flijuan jetën në luftërat e pabarabarta kundër pushtuesve barbarë.
Lavdi dëshmorëve! Ne të gjithë duhet të përpiqemi për drejtësi për ta.
Shqipëria! Ky është vendi im. Ky është vendi ynë. Secili prej nesh që jemi duke thënë se Shqipëria është e jona, duhet të jemi të gatshëm për të luftuar për të drejtat e Kombit dhe për sovranitetin e Atdheut, nëse jo për brezin tonë atëherë për të ardhshmin. Kërkesat tona janë: “Ikni”! Daljes në pension të politikanëve, qeveritarëve dhe zyrtarëve bastard është një kërkesë që duhet të mbështetet nga të gjithë ne.
Ndjenja e solidaritetit me vëllezërit dhe motrat tona të gjakut dhe gjuhës do të mjegullon dallimet në moshë, klasë, kulturë, arsim, krahinë, parti, fe. Të gjithë shqiptarët mund të besojnë në ëndrrat e tyre. Shqiptarët duhet të ngrihen së bashku për të fituar të drejtat e tyre dhe të realizojnë aspiratat e tyre. Përvoja e paparë dhe inkurajuese e unitetit, marrëveshjes tonë, do ta prezantonte popullin shqiptar me të gjithë dinjitetin dhe bukurinë e tij, në kontrast të qartë ndaj regjimit të prishur, ligësisë dhe tradhtisë. Gjëja kryesore tani është të mos tradhtojmë dëshmorët që dhanë jetën e tyre për atë që ata ëndërruan.
Se qeveritarët, politikanët dhe zyrtarët shqipfolës janë të zhytur në krimin e organizuar dhe tradhtisë ndaj vendit është një fenomen i njohur që ndihmon bastardët për të mbajtur edhe më tutje pushtetin. Zyrtarët publik, duke përfshirë administratën politike dhe gjyqësore, drejtuesit që kontribuojnë në krimin kundër të drejtave të njeriut në lidhje me një ose më shumë persona janë kriminelë që duhet ndjekur penalisht.
***
A e dini pse pronarët antikombëtar analfabet të portaleve/gazetave të “mëdha” nuk i publikojnë shkrimet e mia? Sepse unë nuk kam marrë lekë për të shkruar tregime të rreme siç u konvenojnë punëdhënësve dhe financuesve të këtyre servilëve të gërditshëm.
Mediumet e pavarura janë mjeti ynë për të shprehur mendimet, shpresat dhe ëndrrat, pa qenë të ndikuar nga presionet e gjithanshme me konflikt interesi.
Mediave “të mëdha – të pavarura” dhe “Analistëve” të cilët mbrojnë ligësinë e fundamentalistëve islamik apo ortodoks, të korruptuarve, kriminelëve, politikanëve dhe regjimeve të fëlliqura u them:
Ju nuk jeni gjë tjetër veçse plehra propagandistësh që përhapni gënjeshtra. Plehrat si ju duhet të gjendeshin të shtrirë në spitalet psikiatrike ose në burg e jo në mediume apo zyrën publike. Ju jeni pazgjidhshmërisht të lidhur ngushtë me politikanë shqipfolës, sllavo-folës, greko-fil, turko-fil dhe regjime gjakatare që kanë vrarë me gjakftohtësi qindra mijëra shqiptarë dhe po aq femra të dhunuara seksualisht.
***
Partia shqipfolëse e FYROM-it, BDI, të largohet nga qeveria e sllavo-folësve fashistë/nazistë/ terroristë sepse me vrasjen e fundit të shqiptarëve në masakrën e Kumanovës nuk kanë më kënd të vrasin përveç vetvetes.
***
«Vëllezërit» primitiv racist aziatik/afrikan-mysliman të shqipfolësve, përfshirë “Palestinën” për të cilën bastardët e trojeve arbërore derdhin pa ndërpre lot deveje të shkretëtirave arabike, favorizuan mikun e tyre Serbinë, votuan kundër anëtarësimit të Kosovës në UNESCO.
Qeveria kriminele antikombëtare e Hashim Thaçit dhe Isa Mu(t)stafës domosdoshmërish të ndërpresë dialogun me Serbinë dhe të shpall të pavlefshme nënshkrimet për “Asociacionin e Komunave me shumicë serbe në Kosovë” dhe “Demarkacionin e kufirit me Malin e Zi”.
***
Pasi Shqipëria nuk është anëtare e BE-së, nuk ka asnjë detyrim për të ndjekur vendimet që BE-ja miraton. Kjo do të thotë se nuk është obligimi dhe detyra e Shqipërisë lilipute të mbrojë “refugjatët” e gjithë rruzullit tokësor, por të mbrojë dhe strehojë ata qindra mijë “refugjatë” shqiptarë të cilët BE-ja ka filluar t`i dëbojë, dhe ata qindra mijë nevojtarëve të vendit që jetojnë nën kushtet më mizore. Skandaloze. Qeveria mos të përpiqet të kolonizojë vendin me ata 1-2 miliard aventuristë të huaj që kërkojnë fatin në Evropë. Askujt nuk i kemi borxh. Nuk është Shqipëria që gjatë historisë ka robëruar, kolonizuar, shfrytëzuar dhe masakruar Afrikën dhe Azinë, por Fuqitë e Mëdha kolonialiste: Gjermania, Anglia, Franca, Rusia, Austro-Hungaria dhe Italia, të njëjtët që në Kongresin e Berlinit (1978) dhe Konferencën e Londrës (1913) copëtuan edhe tokat tona duke mos i marrë aspak parasysh kundërshtimet dhe kërkesat e shqiptarëve. Edhe pse në Berlin dhe Londër luhej fati i popullit shqiptar, Fuqitë e Mëdha e injoruan qenien e tij. Prandaj, mos bëhemi edhe më tutje gaztorët e gjithë rruzullit tokësor. T`i kthehemi vetvetes. Kombit. Vendit.
***
Për të gjithë qeveritarët, politikanët dhe zyrtarët kriminel:
Ne nuk do të lejojmë shitjen e Shqipërisë te fqinjët apo kolonizimin e saj me “refugjatët” e paftuar afrikan/aziatik/arabik-islamik. Ne nuk do lejomë më të na manipuloni, mashtroni, shfrytëzoni, dëboni, keqtrajtoni, terrorizoni dhe masakroni. Nuk do të kënaqemi me reforma të vogla. Ju do të ikni vullnetarisht ose do ta paguani ligësinë e juaj. Mjaftë është mjaftë. Gjaku shqiptar nuk është i lirë. Ne betohemi se dëshmorët e viteve të fundit nuk do të kenë vdekur më kot.
Gjaku i vëllezërve dhe motrave tona që flijuan jetën për Komb e Atdhe nuk është i lirë, të dashur plehra.
*Ekspert i shkencave ushtarake-psikologjike (dasaretiaurel@yahoo.com.au)