Ilir Levonja/

Në Shqipërinë tonë bullizmi është kulturë shekujsh. Mund ta keni vënë re kudo edhe për prirjet politike. Hiqeni këtë nga puna se është komunist, se është demokrat, apo hiqeni se është socialistë i thekur etj. Kjo ka krijuar atë botën noprane ku sado profesionalizmit, sado intelektualizmit a kulturës, ne jemi mundur nga preferencat politike. Për ta qartësuar këtë botë vini re sot se nga kjo gjindje bulliste nuk ka asnjë ndjesë a tërheqe veshi publike nga bota e majtë. Dhe ajo që është më paradoksalja, kjo shefja e madhe që ka alergji nga maloket vjen nga e ajo klasë sociale që ka përfituar nga ata (malokët), më shumë se kushdo tjetër. Këta janë kategoria e ishave, që sot kanë alergji nga prejardhja e shefave të tyre. Vjen nga klasifikimi ish Berishët. Vini re se sot kundërshtarët më të mëdhenj të Berishës janë ish Berishët. Kanë marrë poste të rëndësishme, kanë marrë objekte, tendera, miliona, rryshfete si ndërmjetës, kanë qënë taksidarë publik ndërmjetësues etj., në emër të Sali Berishës. Sot i keni aty si syri, veshi, dora dhe ligji i Edi Ramës. Këta janë ajo shtresa noprane që të gjitha çfarë kanë, i kanë nga bythëlëpirja ndaj gjënden gjithmonë pranë njëshave. Eshtë ajo racë noprane që thotë se je i mirë vetëm kur më bën ndere mua. Kur më lë dorë të lirë të bëj çfarë të dua unë me robtë etj. Dhe ju prisni reformë në drejtësi. Eshtë juriste e lartë tjetra dhe shkruan mesazhe vulgare si, një maloke më pak. Duhet të kishte dhënë dorëheqjen menjëherë por nuk e bën. Madje do jetë duke komunikuar me kanalet politike për të shpikur një skandal paralel publik që të harrohet skandali i saj. Nuk e di përse jemi kaq të prirur pas bullizmit por po e coptojmë atë pak Shqipëri aq sot fyerjet më të madha janë poronomet lalucë, malok, kosovar, çam, grek muti, muslimanë të trashë, kaurrë të poshtër, katolik të pabesë etj. Për më keq akoma, konceptet gjeografike ku Shkodra a Tropoja konsiderohen si veriu i malokëve etj. Ca më sipër tyre ka akoma Shqipëri, e veriu i bie në Luginën e Preshevesë. Mirëpo, nënën ku e kemi na e lërojnë të huajt, kurse ne vet, vetes tonë, me nënë e babë ku i kemi. Dhe për më keq akoma nuk vëmë mend as nga konfliktet në rajon për të kuptuar se sa të varur jemi edhe pse sot jemi dy shtete. Ju prisni që këta të rinj, këto rioshe të bëjnë reformën në drejtësi që më në fund edhe Shipëria të ketë institucione të forta që ballancojnë pushtetin, ja çfarë del. Që përzgjidhen kandidatë po ashtu, je me ne apo jo. Eshtë i yni apo nuk është i yni. Je tironcë apo jo? Je kundërshtar i Berishës apo jo? Je maloke apo myzeqare? Kaurre apo myslimane? Vari hejbet aftësive profesionale dhe përkushtimit ndaj ligjit.

Autorët: Nusret Pllana dhe Agim Aliçkaj/

Në Bibliotekën Kombëtare të Kosovës “Pjetër Bogdani” Prishtinë, 24 Mars, 2022-Për nder të përkujtimit të Epopesë së UÇK-së. Përulemi para luftëtarëve të lirisë.-Në shenjë respekti e falënderimi për NATO-n dhe Amerikën.-Gjenocidi serb ishte i tmerrshëm i vazhdueshëm dhe i planifikuar nga shteti kriminal serb bashkë me Akademinë e shkencave dhe Kishën ortodokse serbe.-Serbia është bombarduar dhe dëbuar nga Kosova, por nuk është dënuar për gjenocid. Kriminelët e luftës shëtiten të lirë nëpër Serbi dhe udhëheqin me Serbinë.-Evropa po vazhdon me përkëdhelje të kriminelëve dhe ende nuke është lodhur nga rrenat dhe mashtrimet serbe. Amerika e zënë me probleme, sidomos me Ukrainën ende po e lejon Evropën të vazhdojë me dialog të padrejte dhe te dështuar.-Deklarata e shteteve të QUINT-it është bërë për interesa të caktuara politike, e bazuar në fantazinë e disa qarqeve evropiane për tërhjekjen e Serbisë nga Rusia. Kot e kanë, kjo nuk do të ndodhë kurrë. Serbia është satelit rus, edhe nëse hyn ndonjëherë në Evropë do të jetë “kali i Trojës”. Është deklaratë e padrejtë dhe e pabazë. Është nënçmuese dhe ofenduese për popullin e Kosovës. Nuk ka asgjë të përbashkët me të drejtat e minoriteteve, demokracinë dhe zgjedhjet e lira.-Qeveria e Republikës së Kosovës nuk e ka refuzuar të drejten e minoritetit serb për të votuar. Ka kërkuar të respektohen rregullat ndërkombëtare dhe ligjet e shtetit të Kosovës, gjë që është në pajtim të plotë me vlerat demokratike.-Kritikat joparimore të shumicës së opozitës dhe disa fytyrave të tjera të errëta për qeverinë, jan anti-shtetërore dhe anti-kombëtare.-Nuk ka forcë që mund t’a detyron popullin shqiptar të bëj kompromise, pa pëlqimin e tij, me lirinë, pavarësinë, sovranitetin dhe integritetin teritorial të Kosovës.Falenderime zemrore per te gjithe pjesmarresit!

Presidentja e Republikës së Kosovës, Vjosa Osmani ka pritur sot në takim kancelarin federal të Austrisë, Karl Nehammer, nga i cili mori mbështetje për përshpejtimin e procesit të anëtarësimit të Kosovës në BE.

Temë e diskutimit me kancelarin Nehammer ishte edhe agresioni ushtarak rus në Ukrainë dhe efektet e tij në Ballkanin Perëndimor. Presidentja Osmani ka potencuar rrezikun e destabilizimit të rajonit nga Rusia dhe aleati i saj Serbia, të cilin duhet ta parandalojmë në koordinim me aleatët tanë. Më tej, Presidentja ka theksuar se me agresionin e paprovokuar rus ndaj Ukrainës, siguria në Evropë është kritike. Presidentja Osmani tutje theksoi se unifikimi i Bashkimit Evropian kundër agresionit rus ndaj Ukrainës duhet të përcillet me veprime të unifikuara të BE-së ndaj Ballkanit Perëndimor për të përshpejtuar anëtarësimin e shteteve të rajonit në BE.

Sipas Presidentes Osmani, qëndrimi i Kosovës për Ukrainën është në përputhje të plotë me qëndrimin e BE-së, SHBA-së dhe të gjitha vendeve demokratike.

Në takim me kancelarin Nehammer, është diskutuar edhe për bashkëpunimin ndërmjet dy shteteve në fusha të interesit të dyanshëm.

-Kryeministri Kurti priti në takim z.Arianit Shehu, ligjërues dhe ekspert ndërkombëtar/

PRISHTINË, 16 Mars 2022-Gazeta DIELLI/

Kryeministri i Republikës së Kosovës, Albin Kurti, priti në takim z.Arianit Shehu, ligjërues dhe ekspert me përvojë të gjatë ndërkombëtare në projekte për forcimin e demokracisë, shoqërisë civile, parlamentit, zgjedhjeve dhe avokimit me bazë qytetare.

Kryeministri tha se mërgata është pjesë integrale e fuqishme e planit të Qeverisë për zhvillim të qëndrueshëm, duke theksuar rolin e pazëvendësueshëm që ka mërgata për Republikën e Kosovës.

U bisedua për nismat e Qeverisë për të angazhuar mërgatën, dhe fokusimin në krijimin e programit nacional, që në bazë ka transferin e dijes dhe përvojës nga bashkatdhetarët në Kosovë.

Për kontributin e tij, si drejtor i lartë i Institutit Demokratik Kombëtar (NDI) për Lindje të Mesme dhe Afrikë Veriore, z.Shehu është shpërblyer me çmimin e nderit nga Kryeministri i Jordanisë, Omar Razzaz, me Medaljen e Nderit nga Armata Jordaneze dhe Mirënjohjen e Paqes nga Selia e Shenjtë.

Gazeta DIELLI nga korrespondenti në Kosovë Behlul Jashari/

PRISHTINË, Mars 2022/ Dita e Verëzës, si Dita e Verës në Elbasan – në Shqipëri në 14 Mars, është edhe në Kosovë në të njëjtën kohë e me rite dhe emërtim të ngjashëm, në rajonin e Prizrenit, të Zhurit, Vërrinit, përfshirë krahinën e Opojës  në malet e Sharrit në lartësi mbi nivelin e detit mëse 1.000 metra, në komunën e Dragashit, më jugoren në shtetin e ri të dytë të shqiptarëve.

Në Kosovë, edhe pse ka ide,  ende nuk ka organizime institucionale, për festimin e Ditës së Verëzës, por ritet e festës së lashtë pagane iliro-shqiptare tradicionalisht janë ruajtur brez pas brezi nga populli. 

Ndërkohë, Dita e Vërëzës prej pesë vitesh është festë zyrtare në Prizren, sipas vendimit të Kuvendit të Kumunës.

“Si festë tradicionale është e theksuar në fshatrat e Vërrinit, Lumës dhe të Opojës. Në 14 Mars, fillon ripërtëritja e natyrës dhe si festë do ia shtonte atraktivitetin Prizrenit si qytet turistik”, u theksua me atë rast.

Në mbledhjen e Kuvendit Komunal të Prizrenit në  23 Shkurt 2017, kur u mor vendimi, u lexua shkrimi i vitit 1911 i personalitetit të madh të kombit shqiptar, Faik Konica “Ç’është dita e verës?”, ku theksonte se  “Është dita në të cilën stërgjyshërit t’anë, kur s’kish lindur edhe krishtërimi, kremtonin bashkë me Romakët dhe me Grekët e Vjetër, perëndit’ e luleve, të shelgjeve, të krojeve”.

Në Agjencinë Shtetërore-Zyrtare të Lajmeve të Shqipërisë, në një raportim nga Kosova para 10 viteve,  në 14 Mars 2012, shkruaja për idenë se, Elbasani mund të jetë shembull edhe për Prizrenin, për organizime institucionale në festimet e Ditës së Verëzes.

“Kjo pyetje juaj është një ide e mirë për të ardhmen”, tha atëherë koordinatori për kulturën në Komunën e Prizrenit, Urim Ukimeri, duke u përgjigjur në pyetjen nëse ka ide apo iniciativa që në qytetin më të madh jugor të Kosovës Dita e Verëzes të shënohet edhe me ndonjë organizim institucional, si në Elbasan.

Në një foto ekskluzive arkivi të vitit 2010 shihet një fëmi në Opojë, ku në Ditën e Verëzes në dëborë me vezë të ngjyera është shkruar shkurtesa me shkronja të para të emrit në anglisht Albanian Telegraphic Agency – ATA e Agjencisë Telegrafike Shqiptare (ATSH) – Agjencisë Shtetërore Zyrtare të Lajmeve të Shqipërisë, për të cilën prej mëse çerek shekulli, nga pranvera 1992, raportoja nga Kosova edhe për festimet e Ditës së Verëzes.

Ndërsa, para 26 viteve, në 18 Mars 1996, në gazetën e përditshme të rezistencës “Bujku”, të vetmes atëherë në Kosovë, themelues-kryeredaktor i  parë i së cilës isha, në reportazhin nga kufiri Kosovë-Shqipëri me titull “Muri ndërshqiptar si ‘fundi i botës’”,  i dërguar edhe në ATSH dhe që në “Paraqitje e shkurtër e regjistrimeve të gjetur” të Bibliotekës Kombëtare të Shqipërisë e gjejë se është botuar, në 19 Mars 1996, edhe në gazetën Rilindja që dilte në Tiranë pas ndalimit nga regjimi okupues në Prishtinë,  mes tjerash, kam shkruar:

“Një grup i të rinjëve dhe të rejave nga rrethi i Prizrenit, ditë më parë ishin penguar të shkojnë në Shqipëri, meqë nuk iu ishin dhënë vizat dalëse nga administrata e instaluar policore serbe në Prizren.

Qëllimi i udhëtimit të tyre në Shqipëri ishte të marrin pjesë në festën e njohur të qytetit të Elbasanit-të Ditës së Verës, Ditës së Luleve, të 14 Marsit.

Donin të shihnin se si kremtohet në Elbasan e njëjta festë që është edhe në Prizren e rrethinë”.

Në Opojën e njohur për dimrat me shumë dëborë e pranvera ca “të vonuara”, në prag të Ditës së Verëzes,  pasdite dhe në mbrëmje të rinjë, po edhe fëmijë, ngjiten bjeshëve, te krojet që nuk shterrojnë kurrë, mbledhin bimë, lule, drunj e  shkurre dëllinje, dhe ndezin zjarre.

Vezët e ziera e të lyera, cakërrohen me njëra-tjetrën në garën cila është më e forta, ndërsa të spërkatura me ujin e krojeve hahen në bjeshkë dhe në shtëpi për shëndet e jetëgjatësi.

Në Ditën e Verëzës zgjimi është i hershëm dhe vazhdojnë ritet e festës, pjesë e së cilës janë edhe këngët e vallet, edhe gatimet e traditës me miell misri apo gruri, por që nuk janë ballokume Elbasani, edhe pse të ngjashme janë.

Në drekën e Ditës së Verëzës në tryeza-sofra shtrohet edhe mishi i qengjit, sipas traditës së këtyre anëve me blegëtori të zhvilluar.

Dita e Verëzës festohet nëpër familje, së bashku, si dhe me vizita te fqinjët e farefisi, me besimin se sjell fat, shëndet, mbarësi, e dashuri njerëzore.

Në këtë ditë që është e verës së re, ritet, përfshirë edhe lulet e bimët që vendosen mbi portat e shtëpive, ndërlidhen edhe me zgjimin e bimësisë, gjallërimin,  kalimin nga dimri në pranverë.

Afër Prizrenit dhe në kufi me Shqipërinë, në rajonin e Vërrinit, në festime në fshatin Zhur, vezët e ziera i ngjyrosin fëmijët dhe bashkë me të rinjët dalin në zonat malore të afërta, ku mbledhin lulen e parë që lulëzon në pranverën e herëshme, luleborën.

Nënat zhurjane bëjnë gatimin tradicional, flinë, si dhe shumë gatime të tjera të veçanta për Ditën e Verëzës, që ështe edhe dita e vizitave të shumta mes të afërmëve dhe familjarëve.

“Ani mori Verë moj e lumja Verë

Ani dita e parë o ani e Pranverës o”.

Këto janë vargje të këngëve që këndohen në këtë festë të Ditës së Verëzës në Zhur, fshatin më të  madh të Kosovës afër vendkalimit drejt Shqipërisë në Vërmicë-Morin nëpër Autostradën e Kombit.

Verëzës i këndohet edhe në 13 Mars – në mbrëmjen e pragditës së saj, derisa në çdo lagje të fshatit të rinjtë ndezin zjarre “që t’i japin sa më shumë fuqi Diellit”…