KISHA E VAUT T’ DEJËS 1361

Pergatiti Fritz RADOVANI:

Kjo ishte Kisha Monumentale e vitit 1361, në Vaun e Dejës, pranë Shkodres, ku ishte kunorzue Heroi Kombtar i Popullit heroik Shqiptar, Gjergj Kastrioti Skenderbeu dhe Donika…

Ndoshta edhe sot vazhdon me u dridhë toka e Shqipnisë së 1967, kur “anadollakët” e shekullit të XX, u kujtuen se në ata Troje të lavdishme dhe të lame me gjak, duheshin shembë të gjitha Ato Kisha Monumentale shekullore të Shqipnisë Martire! 

Mbasi u fundosën në liqenin e hidrocentralit të Vaut të Dejës, mbi 32 Kisha Monumentale, “duhej hjedhë në erë edhe Kisha e Vaut të Dejës…”, dhe per këte veper terroriste u gjet monstra e anadollakut në PPSh e Shkodres nga Ramiz Alia, Fadil Ymeri. 

“Askush” në “pseudo-Akademinë Shkencave” të Tiranës, as sot “nuk e di se kush urdhëroi me i shembur Kishat Monumentale në Shqipërinë socialiste të turkoshakut terrorist Ever Hoxha!” 

Europa vazhdon me “heshtë”! Shqiptarët heshtin… Heshtja e turpi e kanë mbulue atë vend! “Rilindja” u ka sigurue pa triska “buk’ e marre”, sa po do, madje, dhe me eksportue. Me kusht: “Vetem të shfarosni e shkatrroni Shqipninë e Gjergj Kastriotit –  Skenderbeut dhe Nanë Terezes !” A doni edhe dokumenta? 

Edhe dokumentat ja ku i keni: 

JA TESTAMENTI I ANADOLLAKUT TIRAN EVER HOXHA: 

Tiranë, më 27 SHKURT 1967: 

Shenim F.Radovani: Falnderoj botuesin e letres së plotë të diktatorit:http://www.panorama.com.al/zbardhet-letra-sekrete-e-enver-hoxhes-kleriket-me-perjashtim-te-katolikeve-jane-injorante-dine-lutje-permendesh-si-hoxhallaret-por-do-i-rrafshojme-nga-faqja-e-dheut/Melbourne, 16 Janar 2022.

Dr. Ardita Hoxha (Jahja), Menaxhere e Kërkimit Shkencor dhe pedagoge në Universitetin e Shkencave Aplikative Savonia në Finlandë flet për “Diellin” e Vatrës në New York, në një rrëfim ekskluziv dhënë Editorit Sokol Paja, flet për sigurinë ushqimore në nivel global, konsumatori, projektin e kërkimit shkencor që të përdoret ushqimi i duhur me qëllim që emëtimet e metanit dhe azotit në mjedis të reduktohen. Dr. Ardita Hoxha (Jahja) udhëheq kërkimin shkencor në fushën e zinxhirit ushqimor, dhe ligjeron lëndët si: mirëqenia e kafshëve, bujqësia në nivel global dhe sfidat në zinxhirin ushqimor.

PROJEKTI QË SYNON TË RRISË EKSPERTIZËN E NEUTRALITETIT TË KARBONIT TË FERMAVE BLEGTORALE

Ndryshimet klimatike janë një shqetësim gjithnjë e në rritje në mbarë botën. Për ta frenuar atë, ka nevojë për të gjetur zgjidhje të arsyeshme. Emetimet e metanit nga ripërtypësit dhe çështjet e mirëqenies së kafshëve në veçanti janë shqetësuese si për fermerin ashtu edhe për konsumatorin. Masat për nxitjen e sekuestrimit të karbonit janë fokusuar në prodhimin e bimëve. Nga ana e ushqimit të kafshëve, ka shumë pak risi në reduktimin e metanit nga tretja, duke synuar rendiment dhe rrjedhimisht gjurmë të ulët karboni. Grupi ynë kërkues  synon të gjejë mënyra të reja për të reduktuar emetimet e metanit nga blegtoria. Janë marrë rezultate premtuese nga bota mbi efektet e thëngjillit të drurit (biochar) në fiziologjinë e ripërtypësve. Përveç kësaj, plehu i bagëtive që përmban biokarbon dihet se përmirëson gjendjen në rritje të tokës në afat të gjatë. Në ushqimin e kafshëve, biochari është raportuar se përmirëson efikasitetin e ushqimit dhe shëndetin e përgjithshëm të ripërtypësve. Me përdorim më të mirë të ushqimit, emetimet e metanit dhe azotit në mjedis reduktohen. Efektet pozitive në sistemin tretës bazohen në aftësinë e karbonit për t’u lidhur në rumen. Karboni i përdorur në ushqim mund të ndikojë në uljen e sasisë së karbonit nga lopët qumështore dhe ato për majmëri (mish)si dhe në shëndetin e kafshëve, kështu që në një situatë optimale do të ndikohej edhe përfitimi i prodhimit blegtoral. Biochar vështirë se është testuar në një shkallë praktike në fermat e qumështit. Përshtatshmëria e tij në të gjithë zinxhirin ushqimor, duke përfshirë ruajtjen, përzierjen, homogjenitetin, përbërjen e plehut organik dhe funksionin e mbetjeve të plehut organik, duhet të përcaktohet dhe testohet. Projekti synon të adresojë sfidat që lidhen me disponueshmërinë, përdorshmërinë dhe ndikimin e biochar në ushqimin e lopëve qumështore. Qëllimi i studimit, në bashkëpunim me profesionistë të fushave të ndryshme, është të lehtësojë futjen me sukses të një komponenti të ri ushqimor, biochar, në fermat e qumështit. Për më tepër, projekti synon të rrisë ekspertizën e neutralitetit të karbonit të fermave blegtorale në të gjithë zinxhirin e vlerës.

YNDYRAT ME ORIGJINË SHTAZORE TË PASURA ME ACIDE YNDYRORE TË NGOPURA SHKAKTOJNË SËMUNDJE KORONARE

Kërkimet shkencore dhe studimet e doktoratës i kam përfunduar në universitetin e Hohenheim-it në Gjermani. Kam pas fatin të jem pjesë e këtij universiteti me renome në fushën e shkencave bujqësore. Qëllimi kryesor ka qene shqetësimi i vazhdueshëm që yndyrat me origjinë shtazore të pasura me acide yndyrore të ngopura shkaktojnë sëmundje koronare. Një konkludim i tillë rrezikon uljen e konsumit të të produkteve me origjinë shtazore duke shpier në disa raste në kërkimin e burimeve të reja të proteinave. Kjo një sfidë kryesisht pë popullsinë e vendeve në e vendeve në zhvillim. Por, rezultatet nga kërkimet e doktoratës sime dhe të tjera të tilla indikojnë qartë se pasurimi i produkteve me origjinë shtazore  me acide yndyrore omega -3 mund të paraqes një mundësi për të rduktuar rreziqet shëndetësore tek njerëzit. Pasurimin e vezëve me acide yndyrore omega-3 mund ta shohim si burim të mirë ushqimore për konsumatorë e vendeve që kanë qasje të ulët në ushqimet nga deti, që janë të pasura me acide yndyrore te pa ngopura. Në kuadër të tezës, kam studiuar efektet e kombinuara të dietave me përmbajtje të ndryshme të acideve yndyrore omega-3 dhe aktivitetit fizik mbi performancën, profilet e acideve yndyrore në të verdhën së vezës, karakteristikat e kockave dhe kam analizuar parametrat fiziologjik. Bazuar në rezultatet e marra, mund të arrihet në përfundimin se:

1. Burimi i yndyrës në dieta ndikoi qartë në peshën e vezës, përqindjen e të verdhës së vezës dhe profilit te acideve yndyrore në vezë. Në ndryshim nga dietat, aktiviteti fizik rutinor shkaktoi një ulje të marrjes së ushqimit dhe prodhimit të vezëve, por nuk ndikoi në peshën e vezës, profilet e acideve yndyrore të të verdhës. Prandaj, burimi i yndyrës dietike ka efekt kyç në performancën dhe cilësinë e produktit.

 2. Kombinimi i dietave të pasuruara me burime të ndryshme të acideve yndyrore and aktivitetit fizik të pulave vojse ul rastet e osteoporozës dhe thyerrjes së eshtrave. Prandaj duket se ushtrimet fizike kompensojnë nivelet e ulëta të acideve yndyrore n-3. 

3. Burimi i yndyrës në dietë ka ndikim në peshën e pulave vojse dhe disa parametra fiziologjik të gjakut.

NJË SHQIPTARE NË KRYE TË  “AGRI-FOOD CLUSTER NORTH SAVO”

Tash e tetë vite unë jetoj e veproj në rajonin perëndimor të Savos. Një rajon ku bujqësia dhe sektori i ushqimit është shumë i zhvilluar. www.agrifoodclusterns.fi Këtë sektor të veçantë e bëjnë inovacionet e shumta. Bashkëpunimi në mes të aktorëve të zinxhirit ushqimor është për çdo lavdatë dhe me shumë suksese të përbashkëta. Por, pë ta bërë këtë të njohur në nivel të bashkimit evropian është dashtë një iniciativë që ky bashkëpunim të jetë formal dhe i bashkuar në cluster dhe ekosistem të clustereve tjera të vendit e EU-së. Nën ushëheqjen time, bashkë me kolegët, pas një pune maratonike me të gjithë akterët e zinxhirit ushqimor kemi arritur të pranohemi ne EU Cluster Collaboration Platform. Ndjehem tejet krenare që në krye të kësaj, sapo të klikoni në platform rezulton emri i një shqipëtareje nga Kosova. Ky angazhim më sjellë shumë mundësi e njohje të reja me biznese, industri ushqimi, fermer e institucione shkendore.

Sherbimet kryesore të klusterit janë:

• Shpërndarja periodike e informacionit 

Agri-Food Cluster ofron rregullisht një buletin për të informuar në lidhje me temat aktuale rajonale, kombëtare dhe ndërkombëtare në lidhje me bujqësinë, zonat rurale dhe bizneset, dhe sektorin e ushqimit në rajonin verior të Savos. Anëtarët janë të mirëpritur të përdorin buletinin për komunikim. 

• Promovimi i aktiviteteve (marketingu) 

Nëpërmjet Agri-Food Cluster, anëtarët bëhen pjesë e European Cluster Collaboration Platform. Anëtarët kanë mundësinë të marrin publicitet falas gjatë ngjarjeve të organizuara nga Agri-Food Cluster. 

• Mbështetja e transferimit të njohurive

Nëpërmjet Agri-Food Cluster, anëtarët kanë akses në informacion rreth inovacioneve në bujqësi, bizneset rurale dhe sektorin e ushqimit. Nevojat dhe kërkesat trajtohen nga grupi dhe u dërgohen partnerëve të duhur të kërkimit shkencor, zhvillimit dhe këshillimit. Grupi mund të transferojë gjithashtu informacione dhe kërkesa për projektet e studentëve, tezat dhe punë praktike për të rinjtë.

ANGAZHIMI POLITIK NË KUVENDIN KOMUNAL TË QYTETIT IISALMI

Në qershor të këtij vitit 2021 janë mbajtur zgjedhjet komunale në gjithë Finlandën. Partia e qendrës “Keskusta” më nominoi edhe mua për kandidate si asambleiste për qytetin e Iisalmit. Duke pas parasysh që numëri i qytetarëve me origjinë shqipëtare është tejet i vogël (familja ime dhe nje familje tjetër), pastaj i shtoja faktin që si banore e re, 7 vjet në këtë qyet, pritjet për rezultat i kisha minimale. Por, befasia e rezultatit ishte interesante. Nuk arrita të merrja votat si asambleiste por mjaftueshëm që të jem anëtare e bordit të mirëqenies për rajonin dhe përfaqësuese në bordin per edukimin në rajon. Kontributi im në këto borde është proporcionale me atë që mësoj vazhdimisht nga kolegët dhe pasuroj njohuritë në bërjen e politikave për zhvillimin rajonal, me theks të veçantë në mirëqenie, e fokusi im është në konceptin “One Health”- Mirëqenia për kafshët dhe njerëzit në harmoni me mbrojtjen a ambientit.  

ANGAZHIMI NE KLUBIN E FUTBOLLIT PK-37

Duke qenë se jam nënë e tre djemëve është e pashmangshme të mos e dua futbollin. Unë jam rritur në një familje ku sporti zinte një  vend të rëndësishëm. Duke qene vajza e parë e babait, refer ndërkombëtar i hendbollit, unë u angazhova në hendboll qysh në moshën 9 vjeçare. Vazhdova këtë rrugëtim deri sa u bëra nënë vet. Të njejtë traditë e kam përcjellë tek fëmijët e mi. Djali i madh refer i futbollit, dhe dy të tjerë pjesë e klubit të futbollit për fëmijë, janë arsye e fortë që kam obligim të kontriboj për klubin. Tani para një muaji jam zgjedhur anëtare e bordit të klubit. Unë mendoj fuqishëm që puna vullnetare në vendin ku jeton është me shumë rëndësi, është lokomotivë për integrim në komunitet. Këtë e kam kuptuar edhe nga puna vullnetare që bëj për shoqatën ndërkombëtare të gruas “Zonta”.

FORMIMI PROFESIONAL DHE KARRIERA

Studimet bazë i kam ndjekur në Universitetin e Prishtinës ku edhe jam diplomuar si mjeke veterinare, pastaj vazhdova studimet Master në Universitetin e Perugias dhe diplomova në fushën e Sigurisë ushqimore me origjinë shtazore dhe finalizimi në organizmin human. Këtu edhe fillon kurreshtja ime për të vazhduar kërkimet edhe më tutje. Me këtë qëllim vazhdoj tutje me studimet e doktoratës në Univeresitetin e Hohenheimit në Gjermani, ku edhe marr titullin Doktor i shkencave bujqësore. Gjatë doktoratës kam arritë të specializoj edhe në Universitetitn e Missourit ne Shtetet e Bashkuara të Amerikës, në Universitetin e Hiroshimës në Japoni dhe të jem pjesë e shumë projekteve ndërkombëtare. Për shtatë vite me rradhë kam punuar si asistente ne Fakultetin e Bujqësisë dhe Veterinarisë në Universitetin e Prishtinës dhe tash e 8 vite jam pjesë e Universitetit të shkencave aplikative Savonia në Finlandë. Këtu udhëheqi kërkimin shkencor në fushën e zinxhirit ushqimor, si dhe ligjeroj lëndët si: mirëqenia e kafshëve, bujqësia në nivel global dhe sfidat ne zinxhirin ushqimor. Udhëheqi disa projekte ndërkombëtare dhe punën e tezave te displomimit të studentëve. Pjesa më e vlefshme e rrugëtimit tim në karrierë janë familja ime që më përkrahin e motivojnë vazhdimisht. Arritjet në karrierë janë rrugë përplotë sfida por me perkushtim arrihen. Tani mbi supe kam shumë përgjegjësi sepse të ligjerosh në një vend si Finlanda, ku arsimi është vula e cilësisë, thotë e kërkon shumë për mua e nga unë. Siguria e ushqimeve që ne konsumojnë sot, çdo ndodh, teknologjia, ndotjet e ambientit, pse po rriten çmimet etj. Siguria ushqimore në nivelin global gjendet në udhëkryq. Nevoja për ushqim të mjaftueshëm me vlera ushqyese, ndotja ambientit dhe zhvillimi i shpejtè i teknologjisë janë në anët e ndryshme të këtij udhëkryqi. Tani kur duhet të shtohet edhe fakti i pandemisë unë shoh ngritje të çmimeve dhe sfidë që mos të kemi rezistencë në antibiotikë, si një rrezik i mundshëm i rradhës. 

Ne si kërkues shkencor duhet të punojmë shumë ngushtë në tri shtylla kryesore:

1. Zbulimin e burimeve të reja të proteinave
2. Zbulimin e burimeve të energjisë së riprodhueshme
3. Uljen e emetimit të gazrave nga aktiviteti bujqësor krahas industrive tjera.

Nga URSULA VON DER LEYEN/

Kanë kaluar tashmë njëzet vite që ne, evropianët, mbajmë Evropën në xhep. Euro nuk është vetëm një nga monedhat më të fuqishme të botës. Është para së gjithash një simbol. Mbi kartëmonedhat janë vizatuar ura dhe dyer, sepse këto dy shëmbëllesa tregojnë përsosmërisht se ç’është euro. Euro ndërton ura ndërmjet evropianëve dhe na hap dyert e botës. Euro është fuqia e jonë.

Kujtoj ende ndijimet e saj dite të njëzet viteve më parë: përshtypjen e të jetuarit të një fillimi të ri, një Evrope më të lidhur e më të bashkuar. Ende sot, mbas kaq kohe, është gjithmonë një kënaqësi të kuptosh se ke në dorë një euro të një tjetër  Vëndi. Italianët janë familiarizuar me fytyrën e Mozartit nga eurot austriakë, Sagrada Familja të kartmonedhave spanjole, me Marianën e atyre franceze. Më pëlqen shumë kur duke e kthyer nga ana tjetër kartmonedhën gjej burrin vitruvian të Leonardos apo Venerën e Botticellit. Në këtë kalim dorë më dorë arti italian ka arritur në çdo cep t’Evropës. Këto monedha vlejnë më shumë se vlera e tyre monetare. Janë shenja të një kulture të bashkëndarë e të një përkatësie të përbashkët. Euro e ka bërë më të prekëshm bashkimin tonë evropian.

Veç kësaj vlere simbolike dhe të ndjeshme, euro ka ndihmuar edhe në fuqinë ekonomike t’Evropës. Italia që është fuqia e dytë industriale e Evropës, ka patur mirësi të mëdha nëpërmjet shkëmbimeve tregtare në brëndësi të zonës euro. Në sajë të euros ndërmarrjet mund të besojnë në furnizues e klientë të huaj, pa pasigurinë e urdhëruar nga luhatjet e tregjeve valutore. Euro ka pakësuar koston e parasë: i ka bërë të kursejnë familjet që kanë marrë një financim dhe ndërmarrjet që kanë kërkuar një hua. Ka dhënë ndihmesën për t’i mbajtur të qëndrueshëm çmimet për ndërmarrjet dhe konsumatorët. Me një fjalë euro ka mbrojtur kursimet e evropianëve. Është një siguri për t’ardhmen tonë. Nëse euro ka luajtur një rol vendimtar për ekonominë evropiane, rëndësia e tij në nivel ndërkombëtar është e padiskutueshme. Qëndrueshmëria dhe besueshmëria e kanë kthyer euron në një valutë ndërkombëtare faturimi, një rezervë vlere dhe një vlerë rezerve. Sot euro përdoret në gati 40 % të pagesave ndërkombëtare dhe në më shumë se gjysmën e eksportimeve të Bashkimit evropian. E sot po punojmë për të përforcuar akoma më shumë rolin e tij ndërkombëtar. E kemi bërë euron valutën më të përdorëshme për investimet e gjelbëra: gjysma e “green bond” të lëshuara botës është në euro, një e dhënë në rritje në sajë të obligacioneve të reja me të cilët po financojmë NextGenerationEU, planin tonë për rimëkëmbjen. Sot euro është monedha e atyre që kanë në zemër planetin, një rezultat për të cilin jemi krenarë.

Euro është monedha e s’ardhmes, e në vitet që do të vijnë do të bëhet edhe një monedhë dixhitale – sepse ndërmarrjet dhe konsumatorët evropianë kërkojnë siguri e qëndrueshmëri edhe në pagesat e tyre online. Euro online do të jetë i sigurtë, i besueshëm dhe besimdhënës.

Po hyjmë në një epokë të re për monedhën tonë të përbashkët. Është e natyrshme që euro duhet të ndërrojë veshjen. Kartmonedhat e reja do të vijnë në vitet e ardhëshme dhe qytetarët mund të thonë fjalën e tyre mbi pamjen e eurove të rinj. E di se sa italianët janë të dashuruar me fytyrat familiare të kartmonedhave të lirave të vjetra, nga Maria Montessori tek Caravaggio. Jam i bindur se edhe brezi i ri i euros do të dijë të tregojë më të mirën e historisë evropiane, dhe të jetë burim frymëzimi për t’ardhmen. Eurot që kemi në xhep janë dëshmitarë të ecjes që kemi kryer deri tani, dhe janë premtimi që kemi ende shumë për të ndërtuar së bashku.

“Corriere della Sera”, 31 dhjetor 2021 – Përktheu: Eugjen Merlika

Zef Preçi/

(Leter e Hapur gjithe dashnoreve te kontratave koncesionare qe thoine se keto kontrata nuk mund te anullohen).Dokumenti dhe citimi i meposhtem vijne nga Komisioni i Kombeve te Bashkuara mbi Ligjin Tregtar Nderkombetar (UNCITRAL) dhe sqarojne, nder te tjera, pikerisht rastet kur nje kontrate e llojit paertneritet publik privat (PPP) mund te anullohet. Per analogji me skandalin shqiptar te incineratoreve mendoj se perben nje baze ndihmese ne sqarimin juridkisht te problemit edhe nga SPAK, duke mundesuar keshtu hetim te pavarur, te paanshem dhe ligjerisht te argumentuar ne mbrojtje te interesave publike. Per me teper qe vendi yna ka nenshkruar edhe konventat e referuar anti-korrupsion dhe kunder krimit transnacional. Shqip edhe qarte: foksumi i hetimeve te korrupsioni perben nje pikenisje te mire per hedhjen drite mbi kete afere dhe simotrat e lidhura te saj ne Tirane dhe ne Fier, por qe gjithsesi ka nevoje te perfshije shpalljen e emergjences mjedisore dhe tere proceduren e ndjekur per te arritur te keto kontrata grabitqare mbi buxhetin e shtetit.Një kategori shkeljesh që ligjet vendase zakonisht e trajtojnë si mjaft serioze për të justifikuar përfundimin e kontratës PPP, pavarësisht nga faza e projektit në të cilën ato zbulohen, janë shkelje të rënda të ligjeve penale të vendit nga partneri privat dhe agjentët e tij, ose një dënim sipas ligjit te vendit të partnerit privat ose ligjit të një vendi të tretë. Korrupsioni dhe ryshfeti i zyrtarëve publikë në lidhje me dhënien ose menaxhimin e kontratës publike ose dhënien e licencave ose lejeve, pavarësisht nëse lidhen ose jo në mënyrë specifike me kontratën PPP janë arsye të njohura gjerësisht për përfundimin e një kontrate PPP. Që nga hyrja në fuqi e Konventës së Kombeve të Bashkuara kundër Korrupsionit, shtetet kanë marrë përsipër një detyrim ndërkombëtar për të luftuar praktika të tilla dhe shumë shtete do të ndeshkojnë korrupsionin dhe ryshfetin edhe nëse kryhen jashtë vendit në masën që autorët janë shtetasit e tyre, ose praktikat korruptive shkaktojnë dëmtimin e interesave të brendshme. Shembuj shtesë të veprave penale që shpesh justifikojnë përfundimin e kontratës PPP sipas ligjeve të brendshme përfshijnë: (a) pjesëmarrjen në një organizatë kriminale; (b) mashtrimi; (c) veprat terroriste ose veprat e lidhura me aktivitetet terroriste; (d) pastrimi i parave ose financimi i terrorizmit, ose (e) krime të tjera të rënda në kuptimin e nenit 2, nënparagrafi (b), Konventa e Kombeve të Bashkuara kundër Krimit të Organizuar Transnacional. Ndërprerja në raste të tilla do të justifikohej sa herë që partneri privat si person juridik ka kryer krime të tilla, por edhe në rastet kur personi i dënuar me vendim të formës së prerë është anëtar i organit administrativ, drejtues ose mbikëqyrës të partnerit privat ose ka kompetenca të përfaqësimi, vendimi ose kontrolli në të.

Erion Muça/

1. Punësimi do të përqëndrohet tek multifunksionaliteti i aftësive dhe prezantimi/angazhimi për të punuar dhe përshtatur në dinamikë dhe intensitet me trentet e kohës2. Punët dhe profesionet tradicionale me një proces kryesisht të karakterit mekanik do të bëhen më pak të kërkuara pasi tendenca dhe kërkesa është për një integrim solid midis aftësive të zhvilluara profesionale dhe cilësisë së aftësive individuale duke spikatur në shërbim të çdo pune.3. Ka ardhur koha të forcohet fusha e kompetencës dhe specializimi i ngushtë në një segment të ngushtë të profesionit apo aftësisë së zhvilluar kryesisht në të për të cilën ke hulumtuar dhe kërkuar paraprakisht në treg dhe ju ka rezultuar që është domosdoshmëri.4. Zhvillimi i aftësive lidhur me të punuarin në distancë apo punën hibride në profesionin apo punën që bëni do të rriste alternativat tuaja të të punuarit duke shtrenjtuar rrjedhimisht edhe ofertën financiare të profilit që keni përballë punëdhënësit prezantuar si cilësi shtesë.5. Besoni në kapacitetet profesionale që keni dhe promovojini duke e shnërruar veten nga një punëkërkues në konsulent, qoftë dhe për të aksesuar një punë të mirë.6. Eksperienca do të jetë më pak e kërkuar para kreativitetit, inteligjencës në gjetjen e zgjidhjeve, apo dhe aftësive/cilësive të jashtëzakonshme operative, përshtatëse por edhe talentit që keni zbuluar tek vetja. Ju duhet të ofroni risi apo inovacion, në funksion të përmirësimit apo standartizimit të proceseve dhe procedurave të funksionimit të kompanive bazuar në modele bashkohore, në sinkron dhe me ndryshimet pas pandemike të tregut të punës.7. Shiteni veten shtrenjtë, synoni majat, vendosini vetes objektiva, qëllime dhe pritshmëri të larta që të arrini aq sa mund të arrihet në kushtet e tregut. Modestia dhe sinqeriteti në këtë aspekt para vrullit dhe mungesës së konkurencës së ndershme, ju lë prapa në kohë duke ju bërë të humbisni ritmin dhe tempin e kohës lidhur me suksesin e kërkuar.8. Pretendoni për kushte të denja pune dhe mundësi motivimi dhe promovimi në punë. Imponohuni dhe këmbëngulni duke reaguar kur duhet për ti kushtëzuar punëdhënësit të rikthejnë vemendjen në këtë drejtim nëse fokusi i tyre është tek fitimi me çdo mjet në kurriz të punonjësit e me raste edhe i shfrytëzimit të tij.9. Kërkoni të paguheni më mirë dhe kërkoni rritje page nëse angazhimi, kontributi, vjetërsia në një kompani, apo performanca, efiçenca dhe rezultatet e punës tuaj janë dhe kanë qenë progresivisht të larta dhe kur përkushtimi, serioziteti dhe korrektësia në punë nuk kanë munguar asnjëherë. Në këtë moment duhet të kërkoni dhe jo të prisni duke krijuar idenë e kënaqësisë dhe mjaftimit me pagën që merrni.10. Mos bini në rutinën e punës por gjeni forma, menyra, mjete dhe mekanizma sesi të jeni gjithmonë vitalë dhe energjikë, për të pasqyruar qartë dhe vazhdimisht dëshirën dhe pasionin për punën që bëni dhe profesionin që keni si forma më e mirë për të promovuar veten dhe afruar mundësinë për sukses dhe karrierë.