Ekonomi – Page 162 – Dielli

Kosova, zhvillim me Trepçën

April 13, 2018 by dgreca

-Kryeministri Haradinaj: Trepça të kthehet si një shtyllë kryesore e zhvillimit të Kosovës. Takim me Bordin Mbikëqyrës të “Trepça Sh. A.”/ 1 ramushi Trepça -Gjiganti ekonomik i Kosovës, gjatë historisë…/

Kosove-minatore-Trepçe1-300x200 PRISHTINË, 12 Prill 2018-Gazeta DIELLI-B.Jashari/ Trepça duhet të kthehet në funksion si një shtyllë kryesore e zhvillimit të Kosovës, tha sot kryeministri Ramush Haradinaj.“Qeveria e Kosovës është e interesuar që Trepçën ta kthejë në këmbët e veta, ngase Trepça ka rëndësi të madhe për Kosovën”, u tha ai anëtarëve të Bordit Mbikëqyrës të “Trepça Sh. A.”, të kryesuar nga Ardian Syla.Në takim, ku të pranishëm ishin edhe ministri i Zhvillimit Ekonomik, Valdrin Lluka dhe ministrja e Mjedisit dhe Planifikimit Hapësinor, Albena Reshitaj, u bisedua për punët që e presin Bordin e ri, për hartimin e statutit të Trepçës, regjistrimin e saj si shoqëri aksionare si dhe për zgjedhjen e bordit menaxhues, për të cilat kryeministri Haradinaj tha se duhet të përfundojnë shumë shpejtë.

Me këtë rast, kryeministri kosovar i inkurajoi anëtarët e ri të Bordit Mbikëqyrës “që të punojnë si ekip për ta rikthyer Trepçën në funksion të zhvillimit ekonomik dhe për t’ia rikthyer asaj namin e dikurshëm”.

Kryeministri Haradinaj tha se i kupton problemet të cilat i presin bordin e ri, për të cilat duhet angazhim të të gjithëve në zgjidhjen dhe tejkalimin e tyre.

Anëtarët e Bordit Mbikëqyrës të “Trepça Sh. A.” u pajtuan që të ketë një bashkëpunim edhe në të ardhmen, ndërsa kryeministri theksoi përkushtimin e qeverisë në mbështetjen e mëtejme për Trepçën.

Qeveria e Republikës së Kosovës në 4 prill 2018 ka aprovuar propozimin e Komisionit Rekomandues për emërimin e anëtarëve të Bordit Mbikëqyrës të “Trepça Sh. A.”, duke përmbyllur kështu zotimin për kompletimin e të gjitha bordeve.

Në 8 tetor 2016, Kuvendi i Republikës së Kosovës në seancën e dytë të veçantë, të nisur rreth mesnate, pas të pares një ditë më herët, shqyrtoi edhe për herë të dytë dhe miratoi me shumicë votash Ligjin për Trepçën.

Gjiganti ekonomik i Kosovës, Trepça, me minera plumbi, zingu, argjendi e ari, ka pasur mëse 22 mijë punëtorë deri në vitin 1990, kur administrata e dhunshme e instaluar nga Beogradi dëboi shqiptarët nga puna. Përfundimi i luftës në Kosovë para 19 viteve Trepçën e gjeti me shkatërrime të mëdha nga shfrytëzimi kolonial.

Pasuria minerare e nëntokës së Trepçës arrin vlerën së paku 13 miliardë euro, sipas një studimi të fizibilitetit të kryer nga ekpertë vendorë dhe ndërkombëtarë, vite më parë, por mendohet se është edhe shumë më e madhe e në vlerë më të lartë.

Ka pasur edhe deklarata që vlerësojnë se Trepça ka minerale në vlerë prej 2 trilionë dollarësh.

Sipas historikut të Trepçës, hulumtimet gjeologjike kanë filluar në vitin 1924 nga gjeologët anglezë, ndërsa dy vite më vonë (në 1924) në Londër formohet një shoqëri aksionare e njohur me emrin “Trepça Mines Limited”, e cila merr në koncesion shfrytëzimin e këtij vendburimi minerar për 50 vjet, e në vitin 1930 fillon prodhimi provues i minirealizimeve të sulfurit dhe plumbit…

Kosovë-Dekorohen hartuesit e Kushtetutës

April 10, 2018 by dgreca

-Hartuesit e Kushtetutës së Kosovës në 10 vjetor dekorohen me Medaljen Presidenciale/
-Presidenti Thaçi: Kushtetuta e Kosovës është ndër më modernet në Evropën Juglindore/

-Kryeministri Haradinaj: Kosova është krenare me bazën e vet kushtetuese të kësaj kohe/Gazeta DIELLI nga korrespondenti në Kosovë Behlul Jashari/PRISHTINË, 10 Prill 2018/ Hartuesit e Kushtetutës së Republikës së Kosovës janë dekoruar sot në mbrëmje me Medaljen Presidenciale Jubilare të dhjetëvjetorit të pavarësisë nga presidenti Hashim Thaçi.Me këtë rast u bë e ditur se të dekoruarit janë: Prof. Dr. Arsim Bajrami. Prof. Dr. Hajredin Kuçi, Prof. Dr. Gjylieta Mushkolaj, Ilaz Ramajli, Prof. Dr. Kadri Kryeziu, Ylber Hysa, Prof. Dr. Eqrem Kryeziu, Mahir Yagcilar, Ramë Manaj, si dhe Nekibe Kelmendi (pas vdekjes). Dekoratat u ndanë në pritjen solemne për shënimin e Ditës së Kushtetutës, të organizuar nga Ministria e Drejtësisë, e ku mori pjesë edhe kryeministri i Kosovës Ramush Haradinaj, ambasadori i SHBA-ve, Greg Delawie, ministra të kabinetit qeveritar, anëtarë të Gjykatës Kushtetuese, deputetë, e shumë personalitete të tjera.

Në ceremoni, presidenti Thaçi tha se një dekadë më parë kemi vendosur të ndërtojmë të ardhmen tonë, si një vend i lirë, demokratik dhe paqedashës, që u bë atdhe i të gjithë qytetarëve.“Dita e miratimit të Kushtetutës nuk ishte vetëm legjitimim i shtetësisë sonë, por edhe jetësim i një ideje, i një projekti dhe i ëndrrave të shumë gjeneratave që u flijuan dhe punuan për këtë ditë”, u shpreh presidenti Thaçi, duke shtuar se “ajo ditë shënoi rrugëtimin tonë të pandalshëm për ndërtimin e një shteti demokratik, ku pronarë janë të gjithë qytetarët, pa dallime etnike dhe përkatësie fetare”.Kreu i shtetit theksoi se Kushtetuta e Kosovës është ndër më modernet në Evropën Juglindore dhe mishëron vlerat e të drejtave të njeriut, të qytetarëve të barabartë, duke garantuar liritë qytetare dhe barazinë para ligjit.“Sot, ashtu sikurse dhjetë vjet më parë, nuk ishte vetëm një ditë feste, por edhe një ditë zotimi se do të ndërtojmë një shtet, i cili do të sjellë paqe dhe stabilitet afatgjatë në Evropë”, theksoi ai.Dhjetë vjet më parë, sipas presidentit Thaçi, u projektua rruga euroatlantike me synimin që shteti i Kosovës të jetë anëtar i BE-së dhe i NATO-s.“Një dekadë është shumë pak për një shtetndërtim të suksesshëm, por mjaftueshëm që në rastin e Kosovës të vërehen përparimet që janë bërë. Kushtetuta e Kosovës që nga dita e parë ka qenë burim i konsensusit qytetar dhe politik në vendin tonë. Prandaj, qytetarët e Kosovës, të gjitha institucionet, e kanë ruajtur dhe e kanë mbrojtur atë si themelin kryesor të shtetit tonë”, u shpreh presidenti Thaçi.

Ai tha se në këtë dekadë të funksionimit kanë qenë dhe do të jenë të domosdoshme edhe ndryshimet kushtetuese, si një nevojë për forcimin e institucioneve dhe shtetësisë sonë.“Unë dua ta shfrytëzoj edhe këtë rast që t’i inkurajojë të gjithë për të zhvilluar një debat të brendshëm, në mënyrë që vendimet e marra për ndryshime kushtetuese të reflektojnë në të mirën e përgjithshme dhe konsensusin shoqëror e politik”, tha presidenti Thaçi.

Ndër ndryshimet kryesore që, sipas presidentit Thaçi, i presin qytetarët e Kosovës janë edhe ndryshimet e nevojshme për themelimin e Forcave të Armatosura të Kosovës, përfshirja e komunitetit kroat dhe atij malazez në Kushtetutën e Kosovës dhe ndryshimet që kërkohen për të përmbyllur reformën elektorale.Presidenti Hashim Thaçi i ka falënderuar vendet mike për përkrahjen e pa rezervë dhe i ka uruar të gjithë ata që me punën e tyre e mbrojnë dhe e forcojnë Kushtetutën – themelin e shtetit të Kosovës.

Kryeministri Ramush Haradinaj tha se Kosova si shtet i ri është krenare me bazën e vet kushtetuese të kësaj kohe, duke shtuar se shqiptarët kanë traditë të normave e të kodeve dhe i takojnë popujve më të hershëm që kanë pasur norma e kode me të cilat e kanë rregulluar jetën e vet, disa prej të cilave kanë bërë bujë në botë në kohën e vet.“Duke qenë kështu, shqiptarët kanë pasur norma e kode ekuivalent me normat e kodet e avancuara të popujve të përparuar nëpër shekuj, nëpër mijëvjeçar. Kjo është e vërteta e jetës sonë. Ata që janë studiues të shkencës, të drejtësisë, të ligjit, kushtetueshmërisë, e dinë këtë”, tha kryeministri Haradinaj.Por, ajo që është karakteristikë për kushtetutën tonë të re, e të cilin e theksoi kryeministri, është se ajo ka fuzionuar standardet më të larta të kushtetutave të sotme, siç është respektimi i të drejtave të njeriut, atyre të drejtave që në disa vende ende janë tabu, pastaj integrimin dhe respektimin e komuniteteve.“Unë mendoj se është niveli më i avancuar në botë dhe këtë e them me plotë guxim. E di se bota është e madhe, por nuk e di një vend tjetër në botë që i ka dhënë pozita kaq të garantuara, me kaq privilegje komuniteteve etnike që jetojnë në vend. Duke qenë kështu, vërtet ne sot ne jemi ndër popujt e kontinentit tonë, por edhe të botës që kemi Kushtetutën më të avancuar me plot të drejta që u dedikohen edhe kategorive të margjinalizuara”, tha kryeministri Haradinaj.
Duke uruar të pranishmit e shumtë për Ditën e Kushtetutës, kryeministri Haradinaj tha se do të kishte dëshirë që edhe Kosova ta kishte një Kushtetutë sikur ajo e Amerikës që ka pak nene, që i dinë gjithë, e që nuk ndërron, por Kosova është bërë shtet së voni.Në ceremoni fjalë rasti mbajtën edhe ministri i Drejtësisë, Abelard Tahiri dhe kryetarja e Gjykatës Kushtetuese të Kosovës, Arta Rama-Hajrizi.

“Kushtetuta ka përcaktuar të ardhmen e Kosovës, këtë të ardhme të cilën e kemi për obligim ta vendosim si të sigurt. Kjo Kushtetutë ka përcaktuar parimet më të larta të demokracisë. Ngjashëm si vetë shteti ynë qe në dekadën e parë e ka mbyllur me sfida të shumta, kjo dekadë ka qenë sfiduese edhe për zbatimin e Kushtetutës”, theksoi ministri i Drejtësisë, Tahiri.“Kushtetuta e Kosovës është shumë e avancuar, duke iu garantuar qytetarëve trajtim të barabartë. Mbrojta e të drejtave të njeriut është mision i vazhdueshëm dhe me sfida të kohëpaskohshme”, u shpreh Rama-Hajrizi.Ajo siguroi se gjyqtarët e Gjykatës Kushtetuese të Kosovës do të vazhdojnë të jenë gardianë të zbatimit të ligjit.Pritja solemne e shënimit të Ditës së Kushtetutës – 9 Prillit, u organizua mbrëmjen e sotme, ndërkohë që dje ishte ditë pushimi-festë shtetërore, sipas Ligjit për festat zyrtare në Republikën e Kosovës.Kosova para 10 viteve miratoi Kushtetën e Republikës, e cila në nenin 1 e përcakton “shtet i pavarur, sovran, demokratik, unik, dhe i pandashëm”.Ishte viti 2008 kur u miratua nga Kuvendi i Kosovës akti më i lartë juridik i shtetit në ditën e 9 prillit, më pak se dy maj pas shpalljes së pavarësisë në 17 shkurtin historik, ndërsa ka hyrë në fuqi në 15 qershor.“Duke u bazuar në votimin njëzëri të të gjithë deputetëve në sallë, sot në orën 10:45 u shpall solemnisht Kushtetutën e Republikës së Kosovës, e miratuar nga 107 deputetët e Kuvendit të Kosovës”, tha kryeparlamentari Jakup Krasniqi pas votimit, cituar në raportimin që kam bërë atëherë në 9 prill 2008.Raportimi theksonte se kryetari i Komisionit Kushtetues, Hajredin Kuçi, prezantoi përmbajtjen e Kushtetutës, e cila, siç bëri të ditur, ka 14 kapituj dhe 162 nene.“Kemi synuar të kemi një Kushtetutë moderne, te shkurtër, të qartë dhe të kuptueshme, që garanton vullnetin e qytetarëve të Kosovës dhe zotimet ndërkombëtare dhe që është funksionale”, tha ai.Para 10 viteve, në 9 prill 2008 raportoja edhe se, për Projektkushtetutën e hartuar nga Komisioni Kushtetues, i cili është ngritur nga Ekipi i Unitetit, është zhvilluar debat publik që nga 28 janari 2008, në fazën e parë, dhe që nga 19 shkurti, dy ditë pas shpalljes së pavarësië, në fazën e dytë.Gjatë debatit publik u është bërë e ditur qyetarëve se “Kushtetuta është hartuar mbështetur në dy vullnete, i pari që Kosova të jetë shtet sovran dhe i pavarur dhe i dyti që me Deklaratën e Pavarësisë të 17 shkurtit Kosova si shtet ka marrë obligime ndërkombëtare për zbatimin e Paketës së Ahtisaarit”.“Republika e Kosovës është shtet i pavarur, sovran, demokratik, unik, dhe i pandashëm”, thuhet në nenin 1 të Kushtetutës, e cila, sipas nenit të fundit – 162 – “hyn në fuqi më 15 qershor 2008”.

Rrugët dytësore si relike muzeale

April 6, 2018 by dgreca

Nga Ilir Levonja/

Gjatë këtyre ditëve, karshi opinioneve të mia rreth taksës a tarifës në rrugën e kombit…, kam marr shume e-maile, mesazhe ku midis shumë e shumë syresh, më pyesin se po ti, a nuk paguan taksë rruge aty ku jeton? Pse bën kështu? Pse je kundër taksave etj. Po e vërtetë paguaj. Paguaj kur futem dhe kur dalë. Por prapë thelbi nuk është ky në rastin tonë. Dhe krahasimeve sot ka ardhur koha që, tu vihet veshi jo për metaforizëm por si realitet. Çfarë dua të them. Këtu unë paguaj por tarifa nuk është që të më bjeri kokës. Nga ana tjetër rrugët janë disa, e kam fjalën me pagesë dhe pa pagesë. Pra, sikundër ka rrugë me pagese, produkte a investime qofshin këto konçesionare a shtetërore, ka edhe nga ato pa pagesë. Që domethënë, je ti ai që e zgjedh drejtimin. Në punë, tek miku, a në një qytet tjetër mund të shkosh si të zgjedhësh, përmes një rruge me pagesë, por edhe një rruge pa pagesë. Zakonisht rrugët me pagesë janë më pak të rënduara nga trafiku për rrjedhoj arrihet më shpejt destinacioni. Kurse rrugët pa pagesë më të ngarkuara dhe para se të niset gjithkush e di që e pret një lloj trafiku a koha e rrugës do marri ca më shumë. Tani si i bëhet halli kur ti ke vetëm një rrugë. Dhe kur qeveritari jot vendos arbitrarisht, pa asnjë konsultim paraprak për një pagesë e cila vërtetë është e lartë për popullatën aty. Ku kryekëput mungojnë edhe elementet më minimale të komunikimit, siç janë mbikalimet dhe rrugët dytësore. Ose këto pa pagesë. Ne, filluam investimet, por në atë entuziazmin tonë, rrugët dytësore i groposëm, ose i aneksuam. E keni vënë re, që duken si relike muzeale karshi urave të reja të superstradave tona. Pra askush, sidomos qytetarët nuk kanë mundësi zgjedhje. Jam i bindur se, nëse do të kishin, jo vetëm Edi Rama, por cilido kryeministër bashkë me partnerët e tij mund të vinin çfarë takse të donin. Asnjë kuksian nuk do të ngrihej e të protestonte. Por edhe nëse do ta bënin, nuk do kishin këtë solidarizim social. Dhe të jeni të bindur se fal atyre marrëveshjeve mes Ramës e Bashës, mbi kohën në pushtet , sot ka një mëdyshje që shprehet me plasje shpirti. Se me siguri me një opozitë tjetër, kam parasysh këtu fytyra të merituara, jo të përfolura, që ju kanë lodhur, do e kishin rrëzuar që atë ditë në qafën e Morinit Edi Ramën. Por shqiptarët në përgjithësi, jo vetëm kuksianët aktualisht, nuk kanë mundësi tjetër operimi përmes rrugëve me dhe pa pagesë. Jepjani këtë, se në fund të fundit, janë pjesë e konkurrencës së ekonomisë së tregut. Problemi tek ne qëndron tek arbitrariteti dhe tek insistimi kaq dhe pikë. Shikoni vetëm një detaj, paralel ”ndjesës” së kryeministrit tonë në studion e një televizioni, ai i Kosovës pohonte se nuk kemi pasur asnjë lloj njoftimi a kërkese për të diskutuar rreth taksës së rrugës së kombit, pasi po të kishim do të arrinim një marrëveshje, madje edhe subvencioni për qytetarët shqiptarë të Kosovës. Çfarë mund të presësh më nga një ndarje kaq flagrante e pikëpamjeve dhe interesave ekonomike brenda shteteve të shqiptarëve. Asgjë, veç dështim. Dhe korrupsion galopant që fillon pikërisht me këtë mënyrë të dhunëshme të vendosjes së tarifave dhe taksimit. Ndaj e them se nuk bëhet krahasimi midis nesh dhe rrugëve të botës. Kjo i ka vendosur në shina. Do të shkosh shpejtë diku, paguan. Por komunikimi është shumaplanësh. Jo një rrugë dhe aq.

Judicial Watch: State Department Records Show Obama Administration Helped Fund George Soros’ Left-Wing Political Activities in Albania

April 4, 2018 by dgreca

Obama USAID Used U.S. Taxpayers’ Funds to Back Soros Group’s Effort to Give Albania’s Socialist Government ‘Full Control Over Judiciary’/

(Washington, DC) April 4— Judicial Watch obtained 32 pages of records showing the Obama administration sent U.S. taxpayers’ funds to a group backed by billionaire George Soros, which used the money to fund left-wing political activities in Albania, including working with the country’s socialist government to push for highly controversial judicial “reform.” The records also detail how the Soros operation helped the State Department review grant applications from other groups for taxpayer funding.

The records were obtained in a May 26, 2017, Freedom of Information Act (FOIA) lawsuit against the U.S. Department of State and the U.S. Agency for International Development (USAID) after both the State Department and USAID failed to respond to March 31, 2017, FOIA requests (Judicial Watch v. U.S. Department of State and the U.S. Agency for International Development (No. 1:17-cv-01012)). Judicial Watch agreed to dismiss the lawsuit after it received the documents and payment of attorneys’ fees.

The new documents show USAID funds were funneled through that agency’s Civil Society Project to back Soros’s left-wing Open Society Foundations in Albania, particularly the Soros operation efforts to give the socialist government greater control of the judiciary. USAID reportedly gave $9 million in 2016 to the “Justice for All” campaign, which is overseen by Soros’s “East West Management Institute.”

In March 2017, a group of six U.S. Senators led by Sen. Mike Lee (R-UT) sent a letter to then-Secretary of State Rex Tillerson asking that he investigate charges that the U.S. government was using taxpayer funds to assist Soros in Albania. The letter said, “Foundation Open society-Albania and its experts, with funding from USAID, have created the controversial Strategy Document for Albanian Judicial Reform. Some leaders believe that these ‘reforms’ are ultimately aimed to give the Prime Minister and left-of-center government full control over the judiciary.” In the Albanian parliament, opposition leaders have labeled the Strategy “a Soros-sponsored reform.”

The new records released by Judicial Watch include an April 2016 memo from the U.S. Embassy in Tirana that reveals that the embassy “sponsored” a survey along with Soros’s Open Society Foundation to measure Albanian citizens’ “knowledge, support, and expectations on justice reform.” The Soros group survey reported that “91% of respondents either ‘fully support’ or ‘somewhat support’ the need for judicial reform.” The poll did not specify the type of reform the Soros group was seeking.

Also, records dated February 2017 show that the State Department used taxpayer funds to co-sponsor a second poll with the Open Society Foundation on judicial reforms that would essentially solidify the left’s control of the Albanian government. The report notes that the U.S. Embassy’s Public Affairs Section and the Open Society Foundation “each provided funding to a local organization to conduct a public opinion poll on attitudes towards the Judicial Reform effort.”

The records also reveal that the State Department gave the Soros organization direct input for its own program funding reviews in Albania. The February 10, 2017, report on “Engagement with the Open Society Foundation for Albania” notes that “As one of the major assistance providers in Albania, representatives from the Open Society Foundation are frequently asked to participate in technical reviews of application [sic] that we receive for funding.”

The U.S. Ambassador to Albania Donald Lu, a holdover from the Obama administration, has been closely linked to Soros and the socialist government in Albania. In May 2017, Lu helped undermine Albanian opposition party plans to protest the upcoming parliamentary election by declaring that the U.S. would recognize the election results even if opposition parties refused to participate. Lu has been described in the U.S. press as “a driving force behind Albania’s judicial reforms.”

“The Obama administration quietly spent at least $9 million in U.S. taxpayers’ dollars in direct collusion with left-wing billionaire George Soros’ backing of a socialist government in Albania. It is particularly outrageous that the State Department allowed the Soros operation to help direct taxpayer funds to other groups,” Judicial Watch President Tom Fitton said. “George Soros is a billionaire and he shouldn’t be receiving taxpayer support to advance his radical left agenda to undermine freedom here at home and abroad.”

In related cases, Judicial Watch is seeking information regarding Soros’ activities in Macedonia, Romania and Colombia.

Kosovë-“Viti i Gjergjit” me “Shije Shqiptare”

April 2, 2018 by dgreca

-Kryeministri Haradinaj: Kosova dhe unë nuk kemi hyrë në asnjë punë të brendshme të Republikës së Turqisë dhe kjo është mese e vërtetë, as në të kaluarën, as sot, dhe as në të ardhmen. Por, po ashtu punët tona të shtëpisë nuk do t’i bëjë kurrë askush në emër tonë në Kosovë, do t’i bëjmë vetëm ne, atëherë kur i bëjmë/

-Nën patrontin e Kryeministrit Ramush Haradinaj, në kuadër të Vitit Mbarëkombëtar të Gjergj Kastriotit Skënderbeut, sot në mbrëmje u bë promovimi i gatesave tipike shqiptare “Shije Shqiptare”/

-Kultura e gatimit dhe e mikpritjes është vlerë e padiskutueshme e shqiptarëve/

Gazeta DIELLI nga korrespondenti në Kosovë Behlul Jashari/

PRISHTINË, 2 PRILL 2018/ Kryeministri i Republikës së Kosovës, Ramush Haradinaj, me një fjalë rasti hapi ceremoninë e promovimit të gatesave tipike shqiptare “Shije Shqiptare”, organizim ky që u mbajt nën patronatin e Kryeministrit dhe që shënohet në kuadër të Vitit Mbarëkombëtar “Viti i Gjergjit”.Kryeministri Haradinaj, tha se kultura e gatimit dhe e mikpritjes është vlerë e padiskutueshme e shqiptarëve dhe këtë kulturë do ta ruajmë me përkushtimin më të madh. “Shije shqiptare” është darka simbolike e shënuar në nderim të kuzhinës dhe traditës shqiptare të mikpritjes dhe që ka bërë bashkë katër kuzhinierët më të mirë, që vijnë nga treva të ndryshme. Sokol Prenga, Faruk Neziri, Përparim Babalija dhe Naser Gashi u bënë bashkë për të sjellë para të ftuarve shijet më të njohura të gatimit shqiptar.Me këtë rast, kryeministri Haradinaj, tha se periudha e jetës së luftës dhe qeverisjes së Skënderbeut është një periudhë e artë shqiptare e vetëdijes së ngritur për të qenë vetja, njëkohësisht e përkushtimit, sakrificës për të ruajtur vetveten, atdheun, identitetin dhe bindjen e vet.Më tej, kryeministri Haradinaj tha se askush më mirë sesa shqiptarët nuk dinë t’i respektojë ata që jetojnë me ne, komunitetet në përgjithësi, identitetin kombëtar e fetar, gjuhën dhe çdo vlerë tjetër.“Duke kujtuar Gjergj Kastriotin Skënderbeun, dëshmojmë se i kemi rrënjët e thella, Kosova dhe gjithë shqiptarët kudo që janë. Për ata që nga larg na gjykojnë dua t’iu them se nuk na njohin, ju mungon njohja për shqiptarët në trojet e tyre, në atdheun e tyre. Bëjnë mirë të na njohin, sepse kur na njohin e dinë mirë se nuk është në traditën tonë me hy në punët e shtëpisë së dikujt tjetër. Kosova dhe unë nuk kemi hyrë në asnjë punë të brendshme të Republikës së Turqisë dhe kjo është mese e vërtetë, as në të kaluarën, as sot, dhe as në të ardhmen. Por, po ashtu punët tona të shtëpisë nuk do t’i bëjë kurrë askush në emër tonë në Kosovë, do t’i bëjmë vetëm ne, atëherë kur i bëjmë”, tha kryeministri Haradinaj.

Organizimi “Shije shqiptare” përkon edhe me Ditën ndërkombëtare të Autizmit, për çka kryeministri tha se nuk do të mungoj asnjëherë përkujdesja ndaj kësaj kategorie.Promovimi i gatesave tipike shqiptare “Shije Shqiptare” , është organizuar në kuadër të shënimit të Vitit Mbarëkombëtar dedikuar Skënderbeut, nismë kjo që ka bërë bashkë Qeverinë e Kosovës, atë të Shqipërisë dhe Maqedonisë dhe për të cilën nismë gjatë 2018- ës do të shënohen aktivitet të shumta në nderim të historisë dhe traditës shqiptare.Pjesë e kësaj ngjarje, të organizuar nga Jahja Lluka këshilltar i Kryeministrit, ishin përfaqësues të korit diplomatik, mes të cilëve ambasadori i Shqipërisë në Kosovë, Qemal Minxhozi e ambasadori i Malit të Zi në Kosovë, Ferhat Dinosha, përfaqësues të institucioneve nga vendi dhe rajoni, të organizatave joqeveritare dhe atyre humanitare, muzicientë, emra të njohur të artit, politikës e medias.