New York, 1 mars 2024 – Kryetari i Federatës Pan-Shqiptare të Amerikës Vatra z.Elmi Berisha shtroi një darkë në nder dhe respekt të Presidentes së katërt të Republikës së Kosovës, znj. Atifete Jahjaga. Gjatë bisedës së ngrohtë e vëllazërore, Z.Berisha në emër të Vatrës, vatranëve e shqiptaro-amerikanëve shprehu vlerësimet më të larta për punën e presidentes Jahjaga, për rolin e saj si presidente e Kosovës dhe veprimtaritë e jashtëzakonshme shtetformuese, sociale, edukative, kulturore e shoqërore ku ajo është angazhuar pas mandatit të saj si presidente. Kryetari i Vatrës z.Elmi Berisha e vlerësoi Presidenten Jahjaga për angazhimet e saj në përmirësimin e imazhit të Kosovës në arenën ndërkombëtare, promovimin e vlerave më të larta të kombit tonë dhe rritjes së bashkëpunimit me aleatin strategjik të kombit shqiptar, Shtetet e Bashkuara të Amerikës. Zonja Jahjaga vlerësoi rolin e kontributin e Vatrës në çështjen kombëtare dhe komunitetin shqiptar në mërgatën e Amerikës. Gjatë darkës u bisedua imtësisht situata e sigurisë në Veriun e Kosovës, rrugëtimi dhe sfidat e Kosovës në rrugën e integrimit europian, bisedimet me Serbinë dhe roli kyç i Shteteve të Bashkuara të Amerikës.

Prof. Xhelal Zejneli/

Çështja shqiptare në Maqedoni duhet të shtrohet në rrugën politike demokratike dhe paqësore. Ajo mund të zgjidhet me realizimin e kërkesave të poshtëshënuara:

1. Të krijohen në Maqedoni dy entitete: entiteti shqiptar dhe entiteti sllavo-maqedonas. Kufijtë e entitetit shqiptar do të shtriheshin deri aty ku flitet gjuha shqipe, e ajo flitet në pjesën veriperëndimore të Maqedonisë: në Kumanovë, në Shkup, në Tetovë, në Gostivar, në Dibër, në Kërçovë, në Strugë. Shqiptarët jetojnë në trojet e tyre etnike edhe në Ohër, në Prespë, në Resnjë, në Manastir, në disa fshatra të Velesit dhe të Prilepit; ose

2. Të krijohet në Maqedoni njësia politiko-territoriale shqiptare në të cilën do të përfshiheshin qytetet e sipërthëna, prej Kumanove deri në Strugë;

3. Federalizmi i Maqedonisë;

4. Të krijohet një Maqedoni dykombëshe, përkatësisht binacionale;

5. Shqiptarët të jenë popull vendimmarrës;

6. Zyrtarizimi i gjuhës shqipe në mbarë territorin e Maqedonisë;

7. Nxënësit maqedonas ta mësojnë shqipen si lëndë detyruese, që nga klasa e tretë e arsimit fillor, njashtu siç e mësojnë edhe nxënësit shqiptarë maqedonishten;

8. Themelimi i një parlamenti dydhomësh: dhoma e qytetarëve si dhe dhoma e dy bashkësive etnike, në të cilën ligjet dhe aktet e tjera normative do të miratoheshin njëzëri apo me konsensus. Me fjalë të tjera, bashkësitë etnike do të kishin të drejtën e përdorimit të vetos;

9. Të bëhet denacifikimi i Maqedonisë, ngase është shteti më i nacifikuar në Evropë;

10. Ndryshimi i flamurit të shtetit, për arsye se me të identifikohet bashkësia etnike sllavo-maqedonase;

11. Ndryshimi i himnit të shtetit, për arsye se me të identifikohet bashkësia etnike sllavo-maqedonase;

12. Ndryshimi i stemës së shtetit, për arsye se ajo nuk përmban asnjë karakteristikë të bashkësisë etnike shqiptare;

13. Lufta e 2001-shit të zërë vendin e merituar në historinë e Republikës së Maqedonisë dhe të përfshihet në tekstet shkollore dhe universitare të këtij vendi;

14. Të zgjidhet statusi i dëshmorëve të luftës së 2001-shit;

15. Të zgjidhet statusi i invalidëve të luftës së 2001-shit;

16. Të zgjidhet çështja e ndërrimit të emrit në mënyrë që Maqedonisë t’i hapet shtegu i integrimit euro-atlantik;

17. Sllavo-maqedonasit janë popull me identitet të diskutueshëm;

18. Sllavo-maqedonasit nuk mund të jenë mbartës të vetëm të shtetësisë;

19. Sllavo-maqedonasit nuk mund të jenë trashëgues të vetëm të shtetësisë;

20. Të bëhet regjistrimi i popullsisë sipas standardeve evropiane;

21. Buxheti i shtetit të ndahet në mënyrë proporcionale si dhe në bazë të kontributit ekonomiko-financiar të shqiptarëve në krijimin e tij, duke përfshirë edhe mjetet financiare të diasporës shqiptare që derdhen çdo vit në Maqedoni;

22. Investimet e huaja të realizohen në pjesën veriperëndimore të Maqedonisë, në përputhje me potencialin demografik të shqiptarëve si dhe me kontributin e tyre ekonomiko-financiar;

23. Të intensifikohen marrëdhëniet e gjithanshme midis Maqedonisë dhe Shqipërisë si dhe Maqedonisë dhe Kosovës;

24. Studentët e dalluar shqiptarë në ngarkim të buxhetit të shtetit, të dërgohen për ngritje profesionale dhe për specializime në botën e jashtme;

25. Pjesa shqiptare e mjeteve, e harxhuar për projektin “Shkupi 2014”, t’u kthehet shqiptarëve;

26. Të themelohet Gjykata Speciale e cila do të merrej me procedimin e rasteve që burojnë nga përgjimet;

27. Të zgjidhet statusi i ish të burgosurve dhe i të përndjekurve politikë shqiptarë në Maqedoni që kanë vuajtur dënime nëpër burgjet jugosllave, që nga viti 1944 e këndej;

28. Të lirohen nga burgjet e Maqedonisë të gjithë të burgosurit politikë shqiptarë;

29. Një pjesë e të dënuarve shqiptarë t’i nënshtrohen rigjykimit, në mënyrë që e vërteta të dalë në shesh;

30. Të ndërtohen në pjesën veriperëndimore të Maqedonisë zona të lira ekonomike;

31. Të ndërtohen vija hekurudhore moderne me të cilat Maqedonia do të lidhej me Shqipërinë dhe me Kosovën;

32. Të bëhen investime infrastrukturore kapitale në pjesën veriperëndimore të Maqedonisë, duke ndërtuar autostrada moderne në vijat:

– Gostivar – Qafa e Thanës;

– Tetovë – Glloboçicë, deri në kufirin me Kosovën;

– Tetovë – Prizren, duke çelur tunel nëpër malin Sharr;

– Shkup – Prishtinë;

– Të ndërtohen rrugë automobilistike në fshatrat e rrethit të Kumanovës që lidhen me Kosovën lindore (Preshevë, Bujanoc, Medvegjë);

* * *

Refuzimi i kërkesave, nga pala sllavo-maqedonase, për një status shtetformues të shqiptarëve, mund t’i shtyjë ata:

– të veprojnë politikisht – jashtë institucioneve të shtetit;

– të zbatojnë politikën e mosbindjes civile pasive;

– të ndjekin politikën e mosbindjes civile vepruese;

– të krijojnë sistem paralel;

– të realizojnë të drejtën për vetëvendosje.

Zgjidhja e çështjes shqiptare në Maqedoni është në interes të paqes dhe të qëndrueshmërisë së shtetit.

Zgjidhja e çështjes shqiptare në Maqedoni është në interes të qëndrueshmërisë së rajonit.

Pa u zgjidhur çështja shqiptare, Maqedonia kurrë s’ka për të qenë shtet i qëndrueshëm dhe demokratik.

Pjesa veriperëndimore e Maqedonisë paraqet vazhdimësi të pashkëputur etnike, gjuhësore, historike, kulturore dhe etnografike të trojeve kombëtare shqiptare në gadishull.

Asllan Bushati/

Sic njoftoi “Zëri Amerikës” më 29 shkurt 2024, dhe pothuaj të gjitha mediat botërore, Presidenti rus Vladimir Putin, përpara parlamentarve dhe drejtuesve më kryesor të Rusisë u zotua të përmbushë objektivat e Moskës në Ukrainë.

Duke iu kundërvënë me sa duket deklaratës së bërë më herët këtë javë nga presidenti francez Emmanuel Macron se “nuk duhet të përjashtohet mundësia e dislokimit të forcave tokësore perëndimore në Ukrainë”, paralajmëroi për pasoja tragjike për vendet që vendosin ta ndërmarrin këtë hap duke deklaruar:

“Thonë pa turp se Rusia synon të sulmojë Evropën. Por thjesht e kuptojmë se thonë gjëra pa kuptim, ndërkohë që ata vetë zgjedhin objektiva për t’i goditur brenda territorit tonë, siç thonë ata vetë, me mënyrat më efikase të shkatërrimit. Ata filluan të flasin për mundësinë e dërgimit të kontigjenteve ushtarake të NATO-s në Ukrainë. Por, ne na kujtohet fati i atyre që dikur dërguan kontigjente në territorin e vendit tonë, por tashmë pasojat ndaj këtyre ndërhyrësve të mundshëm do të jenë shumë më tragjike”.

Dhe më pas me butaforizmin që e karakterizon e ngriti stegën e deklarimit akoma më lart duke theksuar me qësëndisje se: “Kemi edhe ne armë. Ata e dinë këtë. Siç sapo e thashë, ka edhe armë që mund të godasin objektiva në territorin e tyre… Këta janë njerëz që nuk kanë kaluar sprova të vështira. Ata e kanë harruar tashmë se çfarë është lufta… Ata mendojnë se këto janë ndonjë lloj filmi vizatimor”.

Edhe në të kaluarën Putini i është referuar fuqisë bërthamore të Rusisë që pas dërgimit të forcave ruse në Ukrainë në shkurt 2022, me synimin për ta dekurajuar Perëndimin nga zgjerimi i mbështetjes ushtarake për Kievin. Në vazhdim të kësaj trysnie edhe gjatë fjalimit në fjalë kërcënoi përsëri se: “njësitë bërthamore të ushtrisë ruse janë në gatishmëri të plotë dhe se ushtria ka futur në përdorim armë të reja të fuqishme, disa prej tyre të testuara në fushëbetejat në Ukrainë”.

Në të njejtën kohë, Putini hodhi poshtë duke e quajtur mashtrim e falsitet pretendimet e udhëheqësve perëndimorë për rrezikun e sulmit rus ndaj vendeve të NATO-s dhe akuzat nga Uashingtoni se Moska po përgatit dërgimin në hapësirë të armëve bërthamore duke theksuar se:“Kemi dëgjuar gjithnjë e më shumë rishtazi akuza të pabaza ndaj Rusisë se p.sh. po vendosim në hapësirë armë bërthamore. Këto falsitete nuk janë asgjë më shumë se falsitete. Janë një kurth për të na tërhequr në negociata sipas kushteve të tyre, nga të cilat përfitojnë vetëm Shtetet e Bashkuara”.

Gjatë fjalimit Putini pa përmendur humbjet e pësuara në forca e mjete, la të kuptohet se megjithse ndjehet i fortë në fushbetejë, ka dëshirën për të negociuar dhënien fund të luftimeve në Ukrahinë. Por paralajmëroi se Rusia pa asnjë mëdyshje do t’i mbajë territoret e marra (pushtuara).

Kjo tregon se ai ka një straregji të përcaktuar mirë, ku pjesa e parë e ambicjeve të tij si një Car i ri i perandorisë së re ruse në formim, është realizuar. Pjesa vijuese e Rusisë madhe nuk dihet, pra mbetet për tu parë, por e riparalajmëroi Perëndimin “kundër një përfshirjeje më të madhe në luftime, duke thënë se një lëvizje e tillë sjell rrezikun e konfliktit global bërthamor”.

Putini pëlqen të tallet me të tjerët (perendimorët), duke ju thënë se punët e luftës nuk janë film vizatimor. Por nga ana tjetër, vetë përsërit herë pas here përdorimin e armëve bërthamore sikur ato të jenë të shtime me armë gjahu dhe jo shkatërrueset e këtij qytetërimi.

Koha po tregon se Putini është i pabesueshëm, me ambicje të mëdhaja dhe tepër i rrezikshëm. Ai nuk njeh norma, ligje ndërkombëtare dhe as marrveshje. Fakti që në zgjedhjet e ardhëshme të 15-17 marsit e ka rrugën e hapur për edhe një mandate tjetër e bën ate një rrezik potencial deri në fillimvitet tridhjetë.

Good evening. Thank you to our hosts: Speaker Adrienne Adams, Councilmembers Holden,Carr, Borelli, Marmorato, Special guest, Congressmember Alexandria Ocasio-Cortez Ambassador Blerim Reka, Dignitaries from Kosova Ilir Ferati, Mayor of Istog Ali Nimanaj, Kushtrim Buleshkaj, Arben Kabashi, Driton Alihajdaraj, Deputy Ambassador of Albania to the UN Arian Spase. A special thank you to Daniel, Chief of Staff to Councilmember Bob Holden, and the NY City Council Staff. Honorees, Performers, Staff, Volunteers.

Welcome to the recognition of the 16th Anniversary of Kosova’s independence in the greatest country in the world, in the greatest city in the world, the beacon of freedom and democracy, City Hall, NYC!

We thank the United States, its allies, and NATO, for without them Kosova’s independence wouldn’t have come to be. On this 16th anniversary, we are reminded of the hurdles and challenges Kosova has faced to emerge from the war as a new country founded on the Albanian fight for freedom. This is an independence that was not won, but was paid for by decades of blood, sweat, and tears. A war in which all gave some and some gave all. We recall the heroic KLA fighters and the Atlantic Battalion, who rose to the occasion and answered the call of their motherland. Let us acknowledge commander Gani Shehu of the Atlantic Battalion. We recall the bravery of Vasfije Krasniqi, a survivor of Serbia’s use of rape as a weapon of war by the criminals Jovica Dejanovic and Djordje Bojkovic. We recall the fate of the Bytyci brothers: Agron, Mehmet, and Ylli. Three American citizens who were kidnapped, tortured, executed and dumped into a mass grave after the war by Goran Radoslavjevic. We recall the 1.5 million Albanians who were displaced and subject to ethnic cleansing, the 14,000 that lost their lives, the 20,000 raped, and the 2,000 still missing. Let us remember the pain and suffering of our people. Let us honor them and embody their legacies. Although it has been 25 years since the end of the war and 16 years of independence, Kosova still finds itself at the forefront of Serbian provocations and undermining. We are still fighting for justice against Serbian atrocities.

In 2023 alone:

On May 29, Serbia orchestrated violent protests in northern Kosova that 6 resulted in unprovoked attacks on NATO-led peacekeeping force KFOR, with over 90 peacekeepers injured.

On June 14, three Kosova Police Officers were kidnapped deep in Kosova’s territory by Serbian paramilitaries and detained on false charges. They were only released following international intervention.

On September 24, more than 30 terrorists and paramilitary units from Serbia, with an arsenal of military-grade weapons and gear, carried out a terrorist attack in Kosova that resulted in the murder of Kosova Police Officer Afrim Bunjaku, and injuries to others.

This well-prepared and Serbian supported terrorist group was led by notorious criminal, Milan Radoicic, a close ally of Serbian President Aleksandar Vucic. Appallingly, Serbia responded to the terrorist attack by declaring a day of mourning, canceling sporting events, and lowering flags to half-mast for the deaths of three Serbian terrorists, hailing them as “martyrs”. Serbia spends $50 million dollars a year in the United States… Spends hundreds of millions of dollars a year in Europe lobbying to ensure that their crimes go unprosecuted… And these criminals are free today… While KLA heroes Hashim Thaci, Kadri Veseli, Jakup Krasniqi, and Rexhep Selimi Are currently detained in the Hague for the last three years on the basis of false accusations, with no prosecution in sight. No amount of money will ever be enough to prevent the truth from coming out. JUSTICE WILL BE SERVED.

The time has come for Serbia to pay its reparations and cooperate in bringing these war criminals to justice. The United States, its partners, and the international community must require Serbia to:

– Immediately cease all actions that undermine Kosova and the Balkans.

– Cease from protecting, aiding, and abetting those responsible for the May 29th attack on the NATO-led peacekeeping force KFOR

– those responsible for the September 24th terrorist attack

– those that used “rape as a weapon of war” to rape more than 70,000

– And the murderers of three U.S. citizens, the Bytyqi brothers.

They must:

– Make reparations for their genocides and war crimes.

– Cooperate with the prosecution of Serbian war criminals.

This is not a call for violence. This is a cry for overdue justice and closure that the people of Kosova deserve.

To the people of Kosova, “Do not fear, your day of justice will come, because you have sons and daughters in America and around the world that will never forget.”

God bless America. God bless Albania. God bless Kosova. God bless Albanians wherever they may live.

Nga Rafael Floqi/

Ditën e shtunë me 24 shkurt në sallën Gjergj Kastriot Skënderbeu të Kishës së Shën Palit në Michigan, Organizata Studentore Shqiptaro Amerikane organizoi eventin e saj të 4-t Global të Bamirësisë, kësaj here fondet e bamirësisë të kësaj shoqate do të shkojnë në ndihmë të Motrave të Nënës Terezë të vendosura në Pukë.

Sipas kryetares të shoqatës dhe Kryetare e degës së Universitetit të Oakland në Michigan, Floriana Palushaj, çdo vit ata kanë organizuar një event të tillë gala dhe kanë caktuar një shoqatë shqiptare të cilës do t’u dërgojnë ndihmat e tyre humanitare. “Ne këtë vit ne zgjodhëm Pukën, tha ajo dhe qendrën e Motrave të nënës Terezë, pasi Puka është një nga krahinat e varfëra të Shqipërisë dhe motrat e Nënës Terezë i shërbejnë të gjithëve, aty pa dallime fetare, pasi dhe Puka në masën 70 % është me përkatësi fetare myslimane.

AASO (AASO Global) (shqip: Organizata e Studentëve Shqiptaro-Amerikanë) është një organizatë jofitimprurëse e krijuar nga studentë shqiptaro-amerikanë në Detroit, Miçigan me mision e përkushtuar për të nxitur midis anëtarëve ndjenjën e miqësisë dhe mbështetjes, promovimin e ndërgjegjësimit dhe vlerësimit kulturor dhe për t’i shërbyer komunitetit shqiptar pa dallime duke promovuar arsimin e lartë në komunitetin tonë. Ajo ka kapitujt e saj në Wayne (AASO) University of Michigan – Dearborn (AASO) Michigan State University (AASO) Oakland University (AASO) University of Michigan – Ann Arbor (AASO) Grand Valley State University (AASO) University of Detroit Mercy (AASO).

Sipas studentes Kristina Bzhetaj nga University of Detroit Mercy organizatore e këtij eventi dhe një këngëtare e shquar që këndoi me mjaft profesionalizëm himnet kombëtare në hyrje të mbrëmjes, por edhe organizoi programin e shkurtër të fjalimeve mbi këtë rast, shtoi se këto ndihma financiare janë mbledhur me mbështetjen e familjeve të studentëve dhe të donacioneve të bizneseve shqiptare.

Është interesant fakti në këtë mbrëmje gëzimi të të rinjve shqiptaro amerikanë të shohësh brezin e dytë të emigrantëve shqiptarë të përkushtuar arsimin në një sallë mbi 400 vendesh ku sheh vajza të reja, studente me rininë e tyre, me bukurinë karakteristike shqiptare dhe djem të veshur me taxido pasi që të gjithë e respektojnë këtë event, respektojnë rrënjët e tyre shqiptare, respektojnë vetveten dhe njeri tjetrin. Ata do të jenë inteligjenca e jonë e ardhshme e komunitetit, ata do te jenë mjekët avokatët, psikologët, ekonomistët dhe inxhinierët e shpikësit e ardhshëm.

Ja, një student që studionte për kompjuterë na tregonte se dashuria e tij me kompjuterët kish filluar, si sfidë me babain në moshën 10 vjeçare kur ai kishte ndërtuar kompjuterin e tij të pare, natyrisht për lojë.

Pak fjalime dhe përshëndetje nga Xheni Alibashi dhe Floriana Palushaj dhe një bekim pasionant i mbrëmjes nga i zoti i shtëpisë dom Fred Kalaj i cili i frymëzuar nga gjithë ajo rini e bukur, kujtoi rininë e tij dhe kur gjeti bekimin e vërtetë tek zoti në moshën 24 vjeçare.

“AASO Global është themeluar në Detroit, Michigan në vitin 1998. Organizimi u iniciua nga studentët shqiptaro-amerikanë në Universitetin Shtetëror Wayne. Objektivi i tyre kryesor ishte të promovonin shoqërinë mes studentëve shqiptaro-amerikanë, së bashku me studentët e tjerë përreth kampusit dhe të promovonin ruajtjen e trashëgimisë shqiptare. “ kujton Uillson Sinishaj një nga organizatorët e parë dhe sot një nga drejtuesit e shoqatës “Jehona e Malësisë”. Pas suksesit të këtij kapitulli, universitete të tjera shpejt vijon ai filluan të krijojnë kapituj të rinj në kampuset e tyre të kolegjit. Dhe më vjen mirë që kjo traditë vazhdon dhe sot”, shtoi ai.

Dhe pas këtij momenti vrulli rinor pushtoi sallën, ku djem e vajza shqiptar si yje e ngritën sallën në këmbë në një valle pogonishte e kënduar dhe kërcyer nga të gjithë të rinjtë në një kërcim sa emocional sa rinor edhe shqiptar nën tingujt e muzikantëve lokalë.

“Jemi racë e lashtë por dhe racë e bukur”- them me vete i përfshirë e kësaj dalldie të kërcimit të rinjve tanë. Sa domethënës fjalët e himnit kombëtar them me vete “ Se zoti vetë e tha me gojë se kombet shuhet për mbi dhe por Shqipëria do të rrojë për të luftojmë ne.” Po shqiptari do të mbetet shqiptar dhe në këtë “ meltin pot “ lirie që të krijon Amerika, ndërsa gëzimi dhe hovi rinor merrte udhë.