Në hotel Tirana u promovua libri i ri i diplomatit dhe studjuesit Shaban Murati “Aleanca e duhur Shqiperi -Kroaci”, organizuar nga Fondacioni Cameria “Hasan Tahsini”, qe është edhe botuesi i librit. I ftuar i posacem i nderit ishte ish-presidenti i Kroacise Stjepan Mesic, qe erdhi posacerisht nga Kroacia.

Fjalen e hapjes e mbajti kryetari i Fondacionit Cameria “Hasan Tahsini”, Alket Veliu. Pastaj mbajten fjalet e rastit ish-presidenti Stjepan Mesic, i cili u shpreh se “libri po del në momentin e duhur dhe tregon marrëdhëniet mes shqiptarëve dhe kroatëve”. Per librin dhe krijimtarine e autorit folen ish-presidenti Bamir Topi, ish-ministrja e jashteme Arta Dade, kryetarja e komisionit te politikes se jashteme ne Kuvendin e Shqiperise Mimi Kodheli dhe prof.dr. Ksenofon Krisafi.

Kryetari i Fondacionit Cameria “Hasan Tahsini” Alket Veliu i akordoi ish-presidentit te Kroacise Stjepan Mesic medaljen e argjente “Miku i madh i kombit shqiptar”.

Ne fund autori falenderoi per vleresimet e librit dhe te krijimtarise se tij.

Shqiptaro-amerikania e mirënjohur, nga Deçani i Kosovës dardane, BESA TAFILAJ – PINCHOTTI në Washington D.C., Drejtore Ekzekutive e Organizatës së Familjeve të Ushatarakëve të Shteteve të Bashkuara të Amerikës (NMFA), një ndër organizatat elitare më të mëdha në SHBA, ishte në mëngjezin e sotëm të 11 Nëntorit 2023, në Ditën e Veteranëve të Amerikës, e ftuar e veçantë në ceremoninë e lartë zyrtare në Shtëpinë e Bardhë.

Në këtë ditë solemne përkujtimore të Veteranëve të Amerikës, sipas traditës protokollare, përshendeti Presidenti Amerikan, Joe Biden- mik i shquar i Shqiptarëve, i cili njiherit është dhe Familje e Veteranëve të Luftës, pasi djali i tij Joseph “Beau” Biden III, që shërbeu për pak kohë edhe në Kosovë, ishte një Veteran i Luftës në Irak, çka kjo e lidhën edhe me Organizaten e Familjeve të Ushtarakëve të Amerikës.

Në mëngjezin e sotëm të Ditës së Veteranëve të Amerikës, përgjatë ceremonisë zyrtare solemne në Shtëpinë e Bardhë, Besa Tafilaj-Pinchotti, u takua miqësisht edhe me një grua 102 vjeçare, veterane e Luftës së Dytë Botërore, me një kapiten sikh i Trupave Detare Amerikane-mbrojtës i të drejtave fetare, me një veteran që nga i pastrehë u kthye në kampion kombëtar, me veterane simbol për femrat amerikane, e me të tjerë të pranishëm.

Kjo personalitete e mirënjohur shqiptaro-amerikane, Besa Tafilaj-Pinchotti, thotë në rrjetin social FaceBook Meta, se Dita e Veteranëve është Festa e Heronjëve që e bënë madhështor këtë vend, Amerikën.

Shqiptarja e Deçanit, Kosovës e Kombit, Besa Tafilaj-Pinchotti, Drejtore ekzekutive amerikane e NMFA, ish gazetarja e ekranit dhe e terrenit në rrjetet e mëdha televizive amerikane TV ABC dhe TV NBC, që ka spikeruar dhe përgaditë emisione televizive edhe për luftën dhe periudhën e pasluftës së Kosovës, pergjatë dy viteve të fundit është takuar disa herë me Presidentin e sotëm të Amerikës, Joe Biden, me të cilin familja e madhe Tafilaj ka lidhje të mira shoqërore e zyrtare prej nga koha kur ishte Senator i shtetit Delaware të SHBA.

Besa Tafilaj-Pinchotti është e martuar me ushtarakun e qytetarin amerikan David J. Jr. Pinchotti– oficer i Marine Corps të Shteteve të Bashkuara të Amerikës dhe kanë tre fëmijë të mrekullueshëm me emra të bukur shqiptarë: Lira, Zana e Loriku; e ka babain e saj, Ramiz Tafilaj. një qytetar, biznesmen, humanist, botues e veprimtar të shquar në Amerikë, Kosovë, Shqipëri, Maqedoni e Veriut e Malin e Zi, që mban dekorata- medalje presidenciale të Amerikës e Shqipërisë, tituj “Qytetar Nderi” në Kosovë e Shqipëri, çmime të ndryshme të larta në Kosovë, Shqipëri, Malin e Zi; është botues i “Jalifat Publishing” në Huoston-Teksas dhe Drejtor i Përgjithshëm i “Gazeta e Alpeve” (media Rajonale-PanShqiptare-NdërBallkanike) në Tiranë-Prishtinë, si dhe, tashti, Kryetar i Këshillit Kombëtar Organizativ të “Takimit të Madh të Tiranës”, Takim PanShqiptar-NdërBallkanik-EuroAtlantik; ka nënën e saj, prof. Diana Tafilaj, një misionare amerikane përkrah të shoqit të saj të jetës, që ka kontribuar shumë edhe për Kombin Shqiptar.

Shqiptaro-amerikania Besa Tafilaj-Pinchotti, për kontributet e meritat e saj, është vlerësuar nga ACABS në një ceremoni elitare në Akademinë e Shkencave të Republikës së Shqipërisë me Çmimin “Madelene Albright” dhe në “Kuvendin Kombëtar të Alpeve” në Vermosh-Kelmend të Malësisë së Madhe (Shqipëri) me Çmimin e Lartë “Elena Gjika”. Andaj Besa Tafilaj-Pinchotti, nga mediat shqiptare, është krahasimuar me misionaren amerikane Rose Wilder Lane- shkrimtare, reportere lufte, aktiviste e të Të Drejtave të Njeriut, etj; dhe me tjetren misionare, britaniken Mary Edith Durham, shkrimtare, artististe, etnografe etj., dy mike të mëdha e të përjetshme të shqiptarëve.

2.

11 Nëntori, është shpallur 105 vjet ma herët, si Dita Kombëtare e Veteranëve në Shtetet e Bashkuara, është një festë e madhe federale, ditë pushimi zyrtar, është një ditë solemne e festive, ku nderohet personeli ushtarak që ka shërbyer në të gjitha Luftërat Amerikane, prej nga Revolucioni Amerikan i vitit 1776, nga Lufta e Parë dhe e Dytë Botërore, deri në ditët e sotme, përfshirë edhe Luftën e Kosovës, ku Amerika është vendimtare për Lirinë, Pavarësinë e Shtetësinë e Kosovës, për Kombin Shqiptar.

Amerika ka mbi 20 milionë Veteranë të Luftës, ku qindra prej tyre janë shqiptarë me origjinë nga Shqipëria e Kosova, Maqedonia e Veriut e Mali i Zi, nga Lugina e Preshevës e Çamëria, nga Arbëreshët e Italisë, veçanarisht në Luftën e Parë e të Dytë Botërore, në luftërat amerikane në Azi e Lindjen e Mesme, edhe në Luftën e Kosovës.

3.

Shqiptaro-amerikania Besa Tafilaj-Pinchotti, Drejtore Ekzekutive e Organizatës së Familjeve të Ushatarakëve të Amerikës (NMFA) në Uashington D.C. – kryeqytetin e Amerikës, me një karrierë të suksesshme edhe si gazetare (redaktore, spikere/prezantuese) në rrjetet televizive të mëdha amerikane Tv ABC dhe Tv NBC, e Ftuar Nderi edhe në “Kuvendi Kombëtar i Alpeve” në Vermosh dhe në “Takimin e Tretë Kombëtar të Plavë-Gucisë”, ka përshendet me video-mesazh edhe “Kuvendin Kombëtar të Alpeve” në Pejë dhe “Kuvendin e Madh të Ulqinit”, kësaj here, me 12 dhjetor 2023, do të hapin solemnisht, me një fjalë të shkurtër, “Takimin e Madh të Tiranës”, në gjuhën Shqipe dhe në gjuhën Angleze.

Me kontributet e meritat, me veprimtarinë e Besa Tafilaj-Pinchotit, ndihen krenarë shqiptarët e Deçanit e të Kosovës, të Shqipërisë, krejt Shqiptaria, edhe komuniteti shqiptaro-amerikan në Teksas e në Washington DC, në të gjithë Amerikën.

RAMIZ LUSHAJ

Tiranë, 11 nëntor 2023

Mërgata e Amerikës nderoi një ndër personalitetet më të shquara të kombit.

Photo Video By Dritan Haxhia

Rudina Bani

N/kryetare e “Shoqatës Bijtë e Shqipe” Filadelfia /

Një poezi është më e fortë se prangat, se telat me gjemba, se karakollet e përbindshme të rojave të burgut, se komanda, se dënimet dhe tmerri, Në fund të fundit edhe diktaturat bien dhe mbetet poezia e njeriut. (Visar Zhiti) 

Nuk ka adhurues të librit apo letërsisë shqipe që të mos e dëshirojë dhe ëndërrojë takimin me poetin dhe krijuesin Visar Zhiti, i cili ndryshoi krejtësisht konceptin e poezisë sociale dhe lirike pas viteve ’90 të shek XX. Shoqata “ Bijtë e shqipes” mundësoi promovimin e romanit të fundit të këtij autori “Këpuca e aktorit”. Në data 4 nëntor, ora 6 pm, salla e shoqatës sonë ishte tejmbushur. Por jam e bindur se shumë e shumë të tjerë do të kishin dashur të ishin aty. Një atmosferë mikpritëse, shoqëruar me ndjenjën e adhurimit, respektit dhe mirënjohjes për autorin Kryetari i shoqatës, zoti Dritan Matraku i uroi mirëseadhjen shkrimtarit dhe bashkëshortes së tij Znj. Eda Zhiti dhe e falenderoi për pranimin e ftesës së Kryesisë së Shoqatës. Ai vlerësoi kontributin e Visar Zhitit jo vetëm në fushën e letrave, por edhe si gazetar, përkthyes dhe diplomat, duke theksuar edhe rëndësinë e këtij takimi për komunitetin shqiptar të Filadelfias. Më pas krjuesi dhe një nga themeluesit e shoqatës sonë, z. Vlashi Fili, prezantoi një biografi të shkurtër të jetës dhe krijimtarisë së autorit, duke theksuar se si Visar Zhiti erdhi në letërsinë shqipe, dënimin në kohën e diktaturës dhe rolin e tij në krijimin e një poezie të guximshme e shkruar që në kohën e burgimit e deri më sot. 

Dr. Sadik Elshani njohu të pranishmit me një përmbledhje të veprës së fundit të shkrimtarit, romanit “Këpuca e aktorit.” Ai përcaktoi karakterin e romanit si një rrëfim me elemente jetëshkrimore, një sagë e një familje në tri periudha historike të rëndësishme në jetën e Shqipërisë, duke u ndalur në simbolikën e personazheve, numrave, titullit. Dr. Sadik Elshani theksoi se është një roman me tematikë interesante e qasje moderne të të rrëfyerit me një gjuhë dhe nënkuptime filozofike. Shumë të pranishëm sollën kujtimet që kishin lidhje me shkrimtarin si mësues, si poet, si gazetar. Kujtime që lidheshin jo vetëm me ata drejtëpërdrejtë, por edhe me miqtë, shokët, të dashurit që disa prej nuk janë larguar nga ne. Kujtime të bukura, domethënëse, shpresëdhenëse edhe në momentet më të vështira dhe jonormale. 

Shumë emocione do të sillnin edhe recitimi nga të pranishmit të poezive më të bukura të këtij poeti të cilat përcollën mesazhin e dashurisë, faljes, mirëkuptimit, të vazhdimësisë dhe të ecjes përpara. I prekur nga fjalët, mikëpritja dhe respekti i treguar,i ftuari i nderit, krijuesi Visar Zhiti përshëndeti të gjithë të pranishmit. Ai theksoi se Shqipëria nuk është gjeografi, por shpirt, ndjenjë punë dhe përkushtim dhe vlerësoi Shoqatën “ Bijtë e shqipes”, bijtë e vërtetë të shqiponjës, si një faktor i rëndësishëm për bashkimin e shqiptarëve,duke vlerësuar rëndësinë e punës që bëhet për ruajtjen e gjuhës shqipe te të rinjtë. Sipas tij gjuha duhet të mbrohet se është atdhe, histori, kulturë. Z. Visar Zhiti përshkroi emocionet që i sollën rrëfimet e të pranishmëve. Midis të tjerash z.V.Zhiti përmendi se si krijuesit e guximshëm krijuan desidencën në Shqipëri edhe kur nuk u lejohej. Duke u ndalur te roli i Diasporës Shqiptare në USA, ai vlerësoi si më të fuqishmen diasporë që ndjek shembullin e A. Pipës, F. Konicës, F. Nolit,etj. Kemi përgjegjësinë që ta jemi qytetarë të Amerikës, por si shqiptarë të kthejmë sytë nga vendi ynë,ta kritikojmë por jo ta shajmë, -theksoi ai -duke marrë si modelin më të mirë, Nënë Terezën që kurrë nuk mohoi origjinën e saj. Vepra “Këpuca e aktorit” e cilësoi si një bashkëpunim i shqiptarëve në Chicago dhe prona e të gjithëve. Urimi i Visar Zhitit në fund të fjalës ishtë domethënës: Këtu në USA, qofshim gjithmonë bashkë shqiptarët e Shqipërisë, Kosovës, Maqedonisë nën këta dy flamuj të mëdhenj ( shqiptarë dhe amerikan)!  Kryesia e Shoqatës i kishte akorduar z.Visar Zhitit titullin Anëtar Nderi për kontributin si shkrimtar, poet, gazetar, përkthyes, diplomat, intelektual dhe qytetar i palodhur në shpalosjen e vlerave historike-kulturore- artistike si dhe për forcimin e marrëdhënieve Diasporë -Atdhe. Shumë emocion do të mbarte dhënia e autografëve nga autori për të pranishmit, kujtimi fotografik me këtë krijues kaq të rëndësishëm dhe tepër të vlerësuar në shkallë kombëtare dhe ndërkombëtare. Si miq të mirë dhe sipas traditës sonë do të vazhdonim të bisedonim deri vonë duke darkuar së bashku.  Burgjet edhe harrohen, shkatërrohen, edhe teatrot shemben, por jeta mbetet dhe katedralja e letësisë është më e parrëzueshmja se të gjitha. Të bekuar ata që ndërtojnë denjësisht këtë katedrale si Visar Zhiti.