Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shqiptarët e Amerikës në lot e dhimbje përcollën në banesën e përjetshme Ornela Shehin dhe Florind Belliun

by

Sokol Paja/

New York – Më 10 Gusht 2022, familja, të afërmit, miqtë dhe komuniteti shqiptar në Amerikë, në lot, trishtim e dhimbje përcollën në banesën e përjetshme Ornela Shehin dhe Florind Belliun. Në homazhet që u zhvilluan në Bronx, përveç të afërmve, miqve e bashkëpunëtorëve, morën pjesë përfaqësues të komunitetit nga New York, Boston, Connecticut, New Jersey, Philadelphia, Washington, Detroit etj. Bashkëshortët Shehi e Belliu që u ndanë nga jeta tragjikisht duke lënë pas 2 fëmijë të mitur Schwibe e Rayan, lanë tek secili shqiptar një peng, një dramë, një dhimbje, një vuajtje, një tmerr, një tronditje të thellë jo vetëm për kohën e mënyrën sesi ikën prej nesh, por fatkeqësinë familjare që lanë pas. Keqardhja, dhimbja e vuajtja i kalojnë caqet e arsyes.

Një dashuri e lindur disa vite më parë në Tiranë, kthehet sot të pushojë përjetë në qytetin ku lindi.

Arkëmorti me trupat e vdekshëm të shpirtit të pavdekshëm të Ornelës e Florindit niset nga New York sot më 11 Gusht 2022 në orën 4.15 pm. Trupat pritet të mbërrijnë në Tiranë në orën 5.45 pm më 12 Gusht 2022.

Ornela dhe Florindi, ikën shpejt dukë lënë përveç dhimbjes e kujtimit të përjetshëm, mbresa të pashlyeshme tek të gjithë që i njohën. Një çift ëndërrimtarësh, pasionantë, artistë, të guximshëm, të bukur, kurajozë, dinamikë, të dashur e të respektuar në komunitet, dorëzuan shpirtin e tyre te krijuesi i gjithësisë si shpresë e jetës së pasosur e dëshmi e shekullit të rrejshëm në të cilin jetojmë.

Largimi për në amshim i dy të rinjve me shumë ëndrra në tokën e premtuar, shkaktoi një tragjedi të vërtetë për rrethanat, pasojat dhe misterin që morën me vete në qiell.

Shpirti i bukur i Ornelës e Florindit pushoftë në paqen e përjetshme, në mbretërinë e ëngjëjve e të shenjtërve. Zoti i forcoftë familjen Shehi dhe Belliu për humbjen e pazëvendësueshme të Ornelës dhe Florindit. U kujtofshin për të mos u harruar kurrë.

Djemtë e tyre Schwibe e Rayan jetofshin një shekull e qofshin jetëgjatë, për të jetuar jetën dhe ëndrrat që Ornela e Florindi lanë në mes.

SIMPOZIUM SHKENCOR: “100 VJETORI I MARRËDHËNIEVE DIPLOMATIKE SHQIPTARO-AMERIKANE”; VATRA: PËRJETË MIRËNJOHJE SHTETEVE TË BASHKUARA

by

New York 28 Korrik 2022 – Federata Panshqiptare e Amerikës VATRA në kuadër të 100 vjetorit të vendosjes së marrëdhënieve diplomatike mes Shqipërisë dhe Shteteve të Bashkuara të Amerikës, organizoi Simpozium Shkencor kushtuar kësaj date historike e ngjarjeje të jashtëzakonshme për kombin shqiptar, partneritetin, miqësinë e bashkëpunimin mes dy vendeve aleate. Me pjesëmarrjen e drejtuesve të shoqatave shqiptare kryesore në New York, veprimtarëve të shquar të komunitetit shqiptar në Amerikë, vatranëve të shumtë, patriotëve, Simpoziumi Shkencor arriti një pritshmëri spektakolare përsa i përket temave të trajtuara, risive, seriozitetit e pjesëmarrjes masive duke shkaktuar shumë interes te të gjithë të pranishmit në sallë. Përveç patrioteve te spikatur në New York e më gjërë, Simpoziumin e nderoi me pjesëmarrjen e tij edhe Konsulli i Kosovës në New York, z. Fatmir Rrahmanaj. Nën prezantimin e Editorit të Diellit, fjalën përshëndetëse e mori kryetari i Vatrës Elmi Berisha i cili u ndal te roli jetik i mbështetjes së kombit shqiptar prej Shteteve të Bashkuara të Amerikës dhe ndihma e pakursyer shekullore në proceset historike ku ka ecur e ngecur kombi shqiptar. Z.Berisha u ndal te Kosova në marrëdhëniet e shqiptarëve me Amerikën në 1 shekull miqësi e marrëdhënie diplomatike duke u fokusuar kryesisht te ngjarjet e pas viteve 90-të e deri në Pavarësinë e Kosovës. Z.Berisha u ndal edhe te roli i shqiptaro-amerikanëve dhe ndihma e tyre e pakursyer në dobi të çështjes kombëtare siç ishte rasti i Jim Xhema i cili në çdo kohë ka kontribuar për çështjen kombëtare e komunitetin shqiptar në Amerikë. Të gjitha kumtesat sollën risi shkencore, kohëzgjatje historike, trajtesa shumë interesnate dhe për studiuesit e tjerë në vazhdim dhe perspektiva të marrëdhënieve mes Shqipërisë dhe Shteteve të Bashkuara të Amerikës në të ardhmen. Komisioni i Organizimit të 100 vjetorit të Marrëdhënieve Shqiptaro-Amerikane: Elmi Berisha – Kryetar, Agim Rexhaj, Alfons Grishaj, Frank Shkreli dhe Ervin Dine anëtarë, falenderojnë të gjithë kërkuesit shkencorë, hulumtuesit e gazetarët për interesin e treguar me kumtesat e tyre me 100 vjetorit të marrëdhënieve diplomatike mes Shqipërisë dhe Shteteve të Bashkuara të Amerikës. KUMTUESIT E SIMPOZIUMIT u paraqitën me këto kontribute shkencore: Elmi Berisha: “100 VJETORI I MARRËDHENIEVE DIPLOMATIKE SHQIPTARO-AMERIKANE, ROLI I MËRGATËS SHQIPTARO-AMERIKANE NË VITET 1990-2008”. Akademik Vasil S. Tole: “BANDA KOMBËTARE “VATRA”, DHE ROLI I SAJ NË MARRËDHËNIET SHQIPTARO-AMERIKANE”. Ndriçim Kulla (Nderi i Kombit): “TAKIMI NOLI – WILSON NJË EPISOD I VEÇANTË NË MARRËDHËNIET SHQIPTARO – AMERIKANE”. Frank Shkreli: “KOMUNITETI SHQIPTARO-AMERIKAN NË 100-VJETORIN E MARRËDHËNIEVE SHQIPËRI-SHBA DHE VLERAT E PËRBASHKËTA”. Idriz Lamaj: “ZERI I AMERIKES NË SHERBIM TË MARRËDHËNIEVE SHQIPTARO – AMERIKANE”. Dr. Adelina Nexhipi, Dr. Ardiana Miçi: “KONTRIBUTI I FEDERATËS “VATRA” NË MJEDISIN POLITIK DHE KULTUROR TË VITEVE 20’ NË SHQIPËRI”. Dr. Atdhe Hetemi: “KOSOVA NË MARRËDHËNIET SHQIPTARO-AMERIKANE, SFIDA DHE PERSPEKTIVA”. Akri Çipa: “SHQIPËRI-SHBA: PARTNERITET QË SENDËRTON NJË PROTAGONIZËM TË RI SHQIPTAR”. Rafaela Prifti: “AN ANTHROPOLOGICAL EXPEDITION THROUGH THE LENS OF ALBANIAN AMERICAN RELATIONS”. Melsen Kafilaj: “100 VJETORI; SHQIPËRIA: ATY KUR LETËRSIA I NDËRTONTE URAT E MIQËSISË PËRPARA DIPLOMACISË”. Sokol Paja: “ANTI-AMERIKANIZMI NË PROPAGANDËN ATEISTE, NË SHTYPIN KOMUNIST SHQIPTAR NË VITET 60-70-TË”. Simpoziumi Shkencor u mbyll me një koktejl të përgatitur enkas për këtë rast nga vatrani Toni Musaj i cili në çdo moment e ka mbështetur Vatrën në të gjitha organizimet komunitare e patriotike. Me këtë aktivitet dhe me aktivitete të tjera kombëtare, Vatra tregoi seriozitet, lidership dhe sukseses të jashtëzakonshëm duke u kthyer në bashkimin patriotik më të rëndësishëm e më serioz në të gjitha diasporat shqiptare në botë.

PROGRAMI I SIMPOZIUMIT SHKENCOR: “100 VJETORI I MARRËDHËNIEVE DIPLOMATIKE SHQIPTARO-AMERIKANE”

by

Federata Panshqiptare e Amerikës VATRA në kuadër të 100 vjetorit të vendosjes së marrëdhënieve diplomatike mes Shqipërisë dhe Shteteve të Bashkuara të Amerikës, organizon Simpozium Shkencor ditën e Enjte më datë 28 Korrik 2022 ora 7.00 PM, në Selinë Qëndrore të Vatrës me adresë: 2437 Southern Blvd, Bronx, NY 10458. Komisioni i Organizimit të 100 vjetorit të Marrëdhënieve Shqiptaro-Amerikane : Elmi Berisha – Kryetar, Agim Rexhaj, Alfons Grishaj, Frank Shkreli dhe Ervin Dine anëtarë, falenderojnë të gjithë kërkuesit shkencorë, hulumtuesit e gazetarët për interesin e treguar me kumtesat e tyre me këtë rast.

Ftohet komuniteti, media dhe publiku i gjërë që të marrë pjesë.

KUMTUESIT E SIMPOZIUMIT:

Elmi Berisha: “100 VJETORI I MARRËDHENIEVE DIPLOMATIKE SHQIPTARO-AMERIKANE, ROLI I MËRGATËS SHQIPTARO-AMERIKANE NË VITET 1990-2008”.

Akademik Vasil S. Tole: “BANDA KOMBËTARE “VATRA”, DHE ROLI I SAJ NË MARRËDHËNIET SHQIPTARO-AMERIKANE”.

Ndriçim Kulla (Nderi i Kombit): “TAKIMI NOLI – WILSON NJË EPISOD I VEÇANTË NË MARRËDHËNIET SHQIPTARO – AMERIKANE”

Frank Shkreli: “KOMUNITETI SHQIPTARO-AMERIKAN NË 100-VJETORIN E MARRËDHËNIEVE SHQIPËRI-SHBA DHE VLERAT E PËRBASHKËTA”.

Idriz Lamaj: “ZERI I AMERIKES NË SHERBIM TË MARRËDHËNIEVE SHQIPTARO – AMERIKANE”.

Dr. Adelina Nexhipi, Dr. Ardiana Miçi: “KONTRIBUTI I FEDERATËS “VATRA” NË MJEDISIN POLITIK DHE KULTUROR TË VITEVE 20’ NË SHQIPËRI”.

Dr. Atdhe Hetemi: “KOSOVA NË MARRËDHËNIET SHQIPTARO-AMERIKANE, SFIDA DHE PERSPEKTIVA”.

Akri Çipa: “SHQIPËRI-SHBA: PARTNERITET QË SENDËRTON NJË PROTAGONIZËM TË RI SHQIPTAR”

Rafaela Prifti: “AN ANTHROPOLOGICAL EXPEDITION THROUGH THE LENS OF ALBANIAN AMERICAN RELATIONS”.

Melsen Kafilaj: “100 VJETORI; SHQIPËRIA: ATY KUR LETËRSIA I NDËRTONTE URAT E MIQËSISË PËRPARA DIPLOMACISË”.

Sokol Paja: “ANTI-AMERIKANIZMI NË PROPAGANDËN ATEISTE, NË SHTYPIN KOMUNIST SHQIPTAR NË VITET 60-70-TË”.

Remarks at Worcester’s Photo Exhibit honoring 100 years of Albanian American Diplomacy

by

Rafaela Prifti

Vatra President Elmi Berisha regrets not being able to attend in person this evening. As seen in some of the photos of the exhibit, Vatra Federation has a long history with Worcester Albanians organized as Branch Nr. 5. Mr. Berisha thanks and congratulates the organizers, contributors and the Vatra chapter in Worcester. He has a gentle reminder to all, that, on July 28, the headquarters in New York is hosting a symposium to mark the 100 anniversary of Albanian American diplomatic relations.

As the English Editor of the Albanian American Newspaper Dielli, I am proud to be at this event that, among other things, recognizes the importance of the past in our present. Tonight’s opening is proof that our Albanian predecessors made the right choices to get us here. That means, where we go from here, it’s up to us.

On a personal note, I feel slightly envious to many of you in the room. I was named after my paternal grandfather, Rafail, who migrated to Philadelphia at the turn of the 20 century. Seeing the remarkable photographs from 1909-1911-1920, I couldn’t help feeling that my grandfather would have been in one of the pictures at the exhibition, had he first come to Worcester. So, projects like this open the door to future projects and to other parts of the country.

Lastly, one of the forefathers of Vatra and indeed our nation, Fan Noli, who has gifted us with an incredible legacy, has a strong presence in Worcester, not least of which is the Church of St. Mary’s Assumption. Speaking anecdotally to acknowledge the role and support received by Worcester Albanians, Noli called Worcester the heart of the community. And, years later, we are gathered here thanks to the efforts and perseverance of the Albanian Americans, witnessing that the heartbeat of Worcester is among us and it comes loud and clear.

Congratulations!

Photo Credit Ardian Murraj

PS Dielli is publishing the remarks which were not delivered at the venue on account of a miscommunication.

VATRA PËRSHËNDET REZOLUTËN E KUVENDIT TË SHQIPËRISË KUNDËR RAPORTIT TË DIKC MARTYT

by

Federata Panshqiptare e Amerikës VATRA përshëndet rezolutën e Parlamentit të Republikës së Shqipërisë që votoi kundër raportit të ish -të dërguarit të Këshillit të Evropës Dikc Martyt duke i konsideruar të pabaza pretendimet e ngritura në këtë raport. Federata Vatra është e bindur se lufta e Ushtrisë Çlirimtare të Kosovës kundër okupatorit serb dhe regjimit gjenocidal të Millosheviçit ka qenë luftë e pastër, e ndershme, e drejtë dhe çlirimtare. Vatra shpreh bindjen e thellë se pretendimet e ngritura në Raportin e Dick Martyt janë të paargumentuara, të paprovuara dhe të pabazuara në prova dhe fakte. Federata Vatra u bën thirrje edhe institucioneve kombëtare e ndërkombëtare që ta rrëzojnë këtë Raport si të pavërtetë. Vatra, vatranët dhe shqiptaro-amerikanët krenohen me luftën heroike të UÇK-së. Askush nuk do të guxojë asnjëherë që ta njollosë apo baltosë luftën e UÇK për çlirimin e Kosovës. Vatra është e bindur se Lufta e UÇK ishte një luftë e drejtë dhe heroike për t’u çliruar prej gjenocidit e pushtuesit serb.

Me bindje të thellë e respekt

Kryetari i VATRËS

Elmi BERISHA