Featured – Page 535 – Dielli

Ambasadorja amerikane ne OKB: Kosova të anëtarësohet në OKB

February 22, 2017 by dgreca

– NATO, aleanca më e fuqishme në histori /

Ne Foto: Ambasadorja amerikane në OKB, Nikki Haley /

“Kosova meriton të zë vendin që i takon në bashkësinë ndërkombëtare të vendeve…përfshi anëtarësinë e plotë në Kombet e Bashkuara”, ka thënë më tej ambasadorja Haley. Kjo deklaratë e ambasadores së re amerikane në organizatën botërore është bërë derisa Këshilli i Sigurimit i OKB-së ka diskutuar konfliktet dhe situatën në Evropë. Gjatë fjalimit të saj para anëtarëve të tjerë të Këshillit të Sigurimit, ambasadorja Haley e ka cilësuar NATO-n si “aleanca më e fuqishme në histori” dhe se SHBA-ja mbetët e përkushtuar ndaj aleancës në Evropë. Shtetet e Bashkuara po punojnë që ta bëjnë Organizatën e Traktatit të Atlantikut Verior (NATO) “sa më shumë efektive”, ka thënë Haley. Sipas saj, dallimet në qëndrime me aleatët evropianë nuk duhen parë si asgjë tjetër pos “përkushtim total të aleancave të SHBA-së në Evropë”.

Protesta e opozitës si një rrugë pa kthim

February 22, 2017 by dgreca

Nga Armand SHKULLAKU/Partia Demokratike po përgatitet prej ditësh për një tubim- protestë që do të zhvillohet këtë të shtunë në Tiranë. Ky manifestim i opozitës po pritet si një provë e forcës së saj dhe po shihet si një sfidë e PD pas katër vitesh plot ulje- ngritje në përballjen me mazhorancën e Edi Ramës.

Për shumë arsye, protesta e 18 shkurtit mund të konsiderohet si një sfidë për PD. Ajo vjen pas një mungese të gjatë të reagimit në rrugë, ndonëse zërat që e kanë kërkuar një gjë të tillë brenda opozitës kanë qenë të shumtë. Si e tillë, projektorët e opinionit publik janë drejtuar me një interes edhe më të madh për të parin manifestim pas “agjërimit” që Basha ka mbajtur për shumë kohë në selinë e partisë së tij.

Protesta do të jetë një shenjë gjithashtu për të testuar se në çfarë niveli ka mbërritur pakënaqësia qytetare ndaj qeverisë dhe se sa kjo pakënaqësi është në sinkron me politikën e lidershpit të opozitës. Ajo do të jetë pra edhe një sfidë numrash, ku masa e protestuesve do të interpretohet edhe si cilësi e vetë protestës.

Por më tepër se pjesmarrja, testimi i pakënaqësisë ndaj qeverisë apo efikasiteti i protestës si mjet politik, 18 shkurti është sfida e PD për të ngjallur më në fund frymëzim pas katër viteve problematike në opozitë. Dhe frymëzimi nuk matet as me numrin e protestuesve dhe as me entuziasmin e radhëve të para. Nëse PD do ta mendojë protestën e 18 shkurtit si një mjet për të afruar ditën e ardhjes së saj në pushtet, si një formë për t’a përkthyer pakënaqësinë ndaj qeverisjes në një mbështetje për të apo si një taktikë për të povokuar ndonjë reagim të pakontrolluar të qeverisë, edhe kjo ngjarje do të regjistrohet në arkivën e aksioneve opozitare pa ndonjë rezultat.

Për PD, protesta duhet të jetë mjeti drejt një qëllimi më të madh, që është rifitimi i besimit tek qytetarët, zgjimi i frymës së kundërshtimit për të krijuar një front më të madh opozitar, ku të gjitha pjesët e shoqërisë, që nuk e pranojnë qeverisjen arrogante, korruptive dhe të inkriminuar të këtyre katër viteve, të kenë zë në kapitull.

Dhe për këtë, të gjithë duan një provë. Protesta e 18 shkurtit duhet të jetë akti i parë një aksioni të gjatë që s’mund të ketë kthim mbrapa. Ajo nuk duhet konsideruar si detyra e radhës që opozita e kreu dhe më pas u rikthye në selinë e saj, e izoluar nga njerëzit dhe dukshme vetëm për kamerat e televizioneve. As si një demonstrim force që thyen monotoninë e daljeve pa ngjyrë në podiumin mediatik të selisë blu. Nuk duhet konsideruar gjithashtu as si një aksion për të trembur Edi Ramën dhe për të mbajtur gjallë zjarrin tek militantët.

Më 18 shkurt, PD ka shansin të nisë një rrugë të vështirë për të bindur njerëzit e thjeshtë që është në anën e tyre dhe jo anë e së njëjtës medalje që pushtetin e ka kthyer në qëllim dhe jo në mjet për të ndryshuar Shqipërinë. Nëse për shumë arsye, opozita nuk mundi të shkëputet nga e kaluara e saj, nuk ia doli të bindë plotësisht se është e aftë të ndërtojë një të ardhme tjetër pa qenë peng i pushtetit të kaluar, se reagimi i saj kundër qeverisë është për të njëjtat arsye si edhe reagimi qytetar, tani e ka një mundësi për ta bërë këtë.

Për këtë, 18 shkurti nuk duhet të jetë një datë në kalendarin e veprimtarive opozitare, por fillimi i një rruge, nga e cila s’mund të ketë tërheqje. PD dhe Lulzim Basha duhet të vendosin të përballen me pushtetin, jo nga selia e partisë, karriket e komisioneve parlamentare apo foltorja e Kuvendit, por aty ku e duan njerëzit, në rrugë.

Opozita flet për një qeveri që ka kapur dhe kontrollon gjithçka. Që përdor krimin dhe paratë e krimit për të mbajtur pushtetin. Që kontrollon drejtësinë dhe ka kapur mediat. Që ndan paranë publike për oligarkët e saj dhe këta e mbajnë në këmbë me anë të financimeve okulte. Që po abuzon me varfërinë e njerëzve dhe po u blen votën. Që po klonon parti klienteliste e që ka ndërtuar një makineri propagande që mbyt çdo zë opozitar. Me një pushtet të tillë, opozita nuk mund t’u kërkojë vetëm qytetarëve të përballen me të, të mos shesin votën, të qëndrojnë, të sakrifikojnë, të reagojnë. Ajo duhet të japë vetë e para provën që është me ta dhe është si ata.

Përballë një pushteti të tillë nuk mund të ketë dy reagime, një qytetar në rrugë dhe një opozitar në forume. Më 18 shkurt PD duhet të vendosë jo për fatin e një proteste, por për fillimin e një rezistence që me prova duhet të dëshmojë se është e njëhsuar me atë të qytetarëve. Çdo kthim pas, do të pillte një zhgënjim të ri dhe do ta rreshtonte PD tek ato parti që presin radhën për të ardhur në pushtet dhe jo tek ato forca që ngjallin frymëzim për të bërë ndryshime të mëdha.

IMZOT RROK GJONLLESHAJ, KRYIPESHKËV I TIVARIT, VIZITOI VATRËN

February 20, 2017 by dgreca

1 Ipeshkevi Të Hënën në mesditë, me 20 Shkurt 2017, Imzot Rrok Gjonlleshaj, Kryeipeshkvi i Tivarit, vizitoi Selinë e Federatës Panshqiptare të Amerikës”VATRA”. Ai shoqërohej nga Pater Pashko Gojcaj, famullitar në Kishën e Shën Ndout në Tuz, nga Fran Cotaj, Anton Raja, Gjeto Dushaj,dhe Isa Brijaj. Mysafirët u pritën nga zv/Kryetari i Vatrës z. Asllan Bushati dhe anëtari i Këshillit të Vatrës Zef Balaj, e editori Dalip Greca.

1 Ipeshkevi zefi katershe 1 priftat tavol flam 1 asllani em 2 prifat 1 Zefi me 2 priftat ok 1 antoni me 2 priftat ok 1 Dera Priftat Zv/Kryetari Asllan Bushati u uroi mirëseardhjen mysafirëve dhe i prezantoi me veprimtaritë dhe jetëgjatësinë 105 vjecare të Vatrës.Ai u ndal në bashkëpunimin për më shumë se një shekull të Federatës Panshqiptare të Amerikës Vatra me bashkësitë fetare në SHBA. Vatra e ka të shenjtë harmoninë fetare, që vjen që nga bashkëpunimi i Imzot Nolit me dom Zef Oroshin, Imam Vehbi Ismailin e Baba Rexhepin. Për më më shumë se 100 vite Vatra ne festimet e saj ka të pranishëm udhëheqësit fetarë. Bushati i prezantoi mysafirët edhe me qëndrimet e Vatrës për zhvillimet në trojet Kombëtare dhe kërkoi që të luftohet për qëndrushmëri për mosasimilim në trojet e rrezikuara nga ky fenomen.

Imzot Rrok Gjonlleshaj falenderoi për mikpritjen dhe vlerësoi veprimtarinë shekullore të Vatrës. Ai vecoi kontributin e shqiptarëve të Amerikës dhe Vatrës në drejtim të Kosovës dhe trojeve të tjera kombëtare. Shqiptarët e Amerikës tha Imzot Rrok Gjonlleshaj, Kryeipeshkëv i Tivarit, e kanë treguar veten për kontributin e madh që kanë dhënë për fe’ dhe Atdhe. Kontributi i tyre për Katedralen “Nënë Tereza” në Prishtinë është i jashtzakonshëm. Po ashtu ai vlerësoi dhe mbështetjen që po japin në këto momente shqiptarët e Amerikës edhe për Katedralen e Tivarit.

Editori i Diellit përshkroi shkurtazi rrugëtimin e Vatrës dhe kontributin e saj për cështjen Kombëtare. Ai u ndal në katër momente historike të veprimtarisë së Vatrës: 1- Fushata e madhe “Të shpëtojmë Shqipërinë” e 3 Qershorit 1917, ku Vatra mblodhi 150 mijë dollarë për të shpëtuar Pavarësinë e Shqipërisë(Më shumë se 2 milionë dollarë me kursin e sotëm) 2- Aksioni për Huanë Kombëtare të Vatrës për shtetin shqiptar më 1921,ku u grumbulluan 198 mijë dollarë(Me kursin e sotëm rreth 3,5 milionë dollarë) 3- Stërvitja dhe dërgimi i Trupave vullnetare në Shqipëri më 1920 për të mbrojtë kufijtë jugorë të Shqipërisë, si dhe i Bandës Muzikore”Vatra”-pjesmarrëse në Luftën e Vlorës( e cila kreu rolin e Bandës së Shtetit Shqiptar) 4-Manifetsimi i madh me 20-30 Nëntor 1969,me ratsin e 60 vjetorin e Gazetës”Dielli”, manifetsim që nisi me 20 Nëntor në Boston dhe përfundoi me 30 nëntor në Nju Jork, ku Vatra bashkoi shqiptarët e Italisë, arbëreshët me ata të Amerikës.

Presidenti Nishani dekoron grevistët e urisë të 1991

February 20, 2017 by dgreca

Kreu i Shtetit dekoron studentët dhe pedagogët pjesëmarrës në Grevën e Urisë së 18-20 shkurtit 1991 me Dekoratën e lartë “Nderi i Kombit”/

TIRANE, 20 SHKURT 2017- Presidenti i Republikës, Sh. T. Z. Bujar Nishani vlerësoi sot paradite me Dekoratën e lartë “Nderi i Kombit” studentët dhe pedagogët pjesëmarrës në Grevën e Urisë së Universitetit Shtetëror të Tiranës (18-20 shkurt 1991) me motivacionin: “Për rolin dhe kontributin e tyre jetik e vetëmohues në shembjen e mitit dhe kultit të individit të ish-diktatorit Hoxha; për depolitizimin e Universitetit Shtetëror të Tiranës; për shmangien e përplasjes së mundshme civile si dhe për dhënien e goditjes vendimtare së ashtuquajturës diktaturë të proletariatit dhe luftës së klasave në Shqipëri”.

Në fjalën e tij gjatë ceremonisë solemne ku ishin të pranishëm ish-studentë dhe pedagogë të fakultevete të ndryshme të Universitetit Shtetëror të Tiranës, kryetari i Gjykatës Kushtetuese Bashkim Dedja, deputetë, etj. Presidenti Nishani u shpreh: “Ju falënderoj përzemërsisht për praninë tuaj të nderuar në këtë ceremoni aq shumë të domosdoshme në këtë Ditë Kombëtare të Kujtesës së Martirëve dhe Viktimave të regjimit komunist, pse jo edhe të një dite domethënëse për shembjen e simboleve të regjimit komunist! Si President i Republikës, në respekt të detyrimeve dhe atributeve kushtetuese, por edhe duke u mbështetur në bindjen time si qytetar i këtij vendi jam përpjekur vazhdimisht që të vë në pah dhe të vlerësoj institucionalisht shumë personalitete dhe kontribues të denjë të kombit, të cilët kanë lënë gjurmë të pashlyeshme në historinë shqiptare. Kështu edhe kjo ceremoni e thjeshtë, por mjaft domethënëse, ka për qëllim jo vetëm të nderojë e të vlerësojë përpjekjet dhe sakrificat e pashembullta të studentëve dhe pedagogëve pjesëmarrës në Grevën historike të Urisë së 1991-shit, por edhe t’i vendosë ata denjësisht në piedestalin e shqiptarëve liridashës dhe atdhetarë, me të cilët kombi ynë duhet të nderohet, të marrë shembull e të frymëzohet përjetësisht. Një ish-bashkëstudenti juaj ka shkruar një libër të titulluar: ‘Piedestale pa statuja’, ndoshta i frymëzuar nga ato piedestale që mbetën dikur bosh në vitet 1990-të si pasojë e rrëzimit nga populli të monumenteve pakuptim e pavlerë të diktaturës. Por të jeni mëse të sigurt se piedestalet e nderit të kombit tonë, nuk mbeten kurrë bosh, sepse kujtesa historike nuk i harron kurrë bijtë dhe bijat e tij, ata që janë më të ndriturit e më të emancipuarit duke u dhënë gjithmonë vendin e merituar.”

Kreu i Shtetit vuri në dukje se: “në këtë ditë të shënuar, që kremton shembjen e simboleve të komunizmit, jo vetëm të monumenteve të diktatorit Hoxha në çdo cep të vendit, por jemi mbledhur jo thjesht për të zhvilluar një ceremoni zyrtare, por edhe për të nënvizuar edhe njëherë rëndësinë dhe mesazhin e aktit tuaj të dikurshëm vetëflijues. Bertold Brehti ka thënë: ‘Mjerë ai vend që ka nevojë për heronj’! Por studentët e asaj kohe janë heronj! Ajo ishte kërkesa, thirrja e mijërave e mijëra banorëve të Tiranës dhe atyre të ardhur nga i gjithë vendi në Tiranë, në ato ditë të ftohta e të largëta shkurti, kur ju të gjithë ishit të ngujuar në Kino-Klubin e Qytetit ‘Studenti”, por kur njëkohësisht kishit mbi vete sytë, vëmendjen, merakun dhe admirimin e mbarë popullit shqiptar.

Benjamin Disraeli, ish-kryeministri i famshëm britanik këshillonte me mençuri: ‘Mëkojini mendjet tuaja me ide të mëdha! Heronjtë i bën të tillë besimi në heroizëm’! Ju ishit bijtë dhe bijat e zgjedhur të popullit në atë periudhë: studentë dhe pedagogë në Universitetin e Tiranës. Kishit shkuar aty për të dhënë mësim, për të studiuar e për t’u pajisur me dije, në mënyrë që më vonë të ndërtonit, të drejtonit jetët tuaja, por dhe vendin në tërësi në çdo fushë të jetës. Por në atë kohë ju zgjodhët diçka më të madhe: ju vendosët që për hir të idealit tuaj, të parimeve për një Shqipëri vërtet të lirë dhe demokratike, për një Shqipëri pa luftë klasash, pa terror të diktaturës komuniste, pa ideologjizim të tejskajshëm, pa përçarje ideologjike – Ju vendosët që të ngriheshit dhe të luftonit me mënyrën tuaj, të mundësonit zgjedhjet e para të lira e demokratike të marsit 1991, pa u vrarë mes njëri-tjetrit e pa derdhur asnjë pikë gjak.

Ju bëtë Grevë Urie jo thjesht për heqjen e një emri që në fakt ishte aq i urryer, por për eliminimin e kultit të individit, për shembjen e mitit fals të diktatorit, por dhe të makinerisë propagandistike që ende e mbante atë në këmbë, për depolitizimin e Universitetit dhe të mbarë shoqërisë. Ju në atë kohë vendosët të përdornit një nga format më të rralla të protestës, të mosbindjes civile dhe zgjodhët të vetëflijoheshit duke u ngujuar në Grevën e Urisë, në Qytetin Studenti, në oazin tuaj të lirisë që e kishit fituar me meritë që nga nisja e Lëvizjes në 1990, deri në përmbushjen e të gjitha kërkesave tuaja. Ju ia dolët mbanë me sukses! Edhe në saje të mbështetjes mbarëpopullore të qytetarëve shqiptarë, të punëtorëve sindikalistë, të intelektualëve, të artistëve, të pedagogëve tuaj, të prindërve tuaj, të njerëzve që ju rrethonin, qytetarëve tiranas dhe të mbarë Shqipërisë ashtu të mbledhur të gjithë së bashku pa dallime krahinore apo fetare si rrallëherë në historinë shqiptare të fundshekullit të njëzetë. Shumë prej jush, edhe ata që sot nuk mundën të jenë në këtë sallë për arsye të ndryshme, i ndryshuat kursin e historisë vendit, duke kërkuar me ngulm, por në mënyrë paqësore, që e ardhmja e Shqipërisë të ishte si e gjithë Evropa, që vendi ynë të ishte aty ku i takon – në gjirin e familjes së madhe evropiane me të njëjtat merita dhe duke e pasuruar atë me vlerat tona më të mira.

Misioni juaj historik i asaj kohe ende nuk ka përfunduar! Prandaj ju ftoj secilin prej jush dhe nëpërmjet jush të gjithë bashkëkohësit, bashkëpunëtorët, miqtë tuaj e asaj kohe dhe më pas që të mos i rreshtin përpjekjet dhe punën, që të mos i shmangeni përgjegjësisë – përgjegjësisë historike dhe përgjegjshmërisë shoqërore që dikur e nisët dhe e mbajtët me aq krenari e pa u lëkundur për asnjë çast mbi shpatullat tuaja të brishta, – por që të vazhdoni dhe të kontribuoni denjësisht, secili në fushën dhe me mundësitë e tij duke e pasuruar më shumë atë vlerë të madhe që ju i dhatë vetes, i dhatë vendit, i dhatë shoqërisë dhe i dhatë mundësi të ardhmes për Shqipërinë dhe shqiptarët, por dhe për të bërë të mundur që Shqipëria jonë me pasuritë natyrore të dhuruara nga Zoti të mos vuajë më atë padrejtësi zhvillimi ekonomik dhe social. Të bëhet një vend më dinjitoz e të begatë për të gjithë ne, për fëmijët tanë dhe për brezat që do të vijnë.

Heronj të vërtetë janë të gjithë ata që kur i thërret nevoja, ngrihen ballëlart e dalin në krye të ndryshimeve shoqërore, dhe pasi kanë kryer punën e tyre fisnike, largohen përkohësisht nga skena në heshtje, por gjithmonë të ndërgjegjësuar e të vetëdijshëm se roli dhe barra historike që morën përsipër në një moment historik, duhet mbajtur përjetësisht e me përgjegjësi maksimale. Duke shfrytëzuar edhe një herë këtë moment të nderimit dhe respektit të shtetit shqiptar ndaj jush personalisht dhe të gjithë atyre që u përpoqën, të gatshëm për sakrifica në momente shumë të vështira për vendin, duke ju falënderuar dhe nderuar për atë që ju nisët, kontribuat, por dhe e latë si vijimësi dhe vazhdimësi, dua të vlerësoj të gjitha kontributet e derimësotme që ju dhe gjithë të tjerët kanë dhënë në të mirë jo vetëm të imazhit, por të qenësisë së përbotshme të Shqipërisë dhe botës shqiptare. Ndaj, në cilësinë e Kreut të Shtetit, kam privilegjin, por edhe fatin e madh që të vlerësoj ndoshta me pak vonesë me Dekoratën e lartë ‘Nderi i Kombit’ të gjithë ata 723 pedagogë, studente e studentë sypatrembur e altruistë, që me vullnet të plotë hynë në një Grevë Urie masive e të pashembullt dhe dolën prej asaj fitimtarë, me objektiva të realizuara historike, por mbi të gjitha si heronj të heshtur lirie dhe demokracie! Faleminderit dhe Zoti i bekoftë ata studentë dhe pedagogë si dhe familjarët e tyre që i mëkuan e i rritën me aq atdhedashuri dhe kurajë qytetare! Zoti e bekoftë Shqipërinë tonë dhe mbarë popullin shqiptar!”

Dekorata iu dorëzua nga Kreu i Shtetit disa prej ish-anëtarëve të Komisionit Drejtues të Grevës së Urisë

VATRA NË TAMPA FESTOI 9 VJETORIN E PAVARËSISË SË KOSOVËS

February 19, 2017 by dgreca

Ambasadori William Walker përshëndeti pjesmarrësit. Kryetari i degës së Vatrës Tahsim Ruko i dhuroi ambasadorit Walker një Pllakatë Mirënjohjeje per kontributin e tij të jashtezakonshem ne Pavaresine e Kosoves.

*I ftuari i nderit, Gjenerali Bryan Whiteof pershendeti pjesemaresit dhe tregoi per rolin qe luajti nderhyrja e forcave ajrore te NATO-s dhe ne vecanti USA ne vitin 1999. Roli i Gjeneral Whiteof si komandat i ketij operacioni sigurisht qe ka qene i jashtezakonshem./

Përmes vidos Zonja Teuta Sahatcija, Konsullja e Përgjithshme e Kosovës përshëndeti vatranët dhe komunitetin shqiptar në Tampa-Clearwater/

NGA PIRRO POLOSKA/*

Kryesia e Federates Vatra ne Tampa Bay, ne vazhdimesi te veprimtarive te saj per perkujtimin e momenteve kulmore te historise sone kombetare, organizoi me daten 17 Shkurt 2017 nje mbremje ceremoniale per festimin e 9 vjetorit te Pavareise se Kosoves. Ky aktivitet i organizuar dhe planifikuar deri ne detaje mblodhi se bashku bashkeatdhetaret e Tampa Bay me origjine nga te gjitha krahinat shqiptare. Gezimi dhe krenaria e ligjshme lexohej ne syte e te gjitheve.

Mbremja u hap ne menyre ceremoniale nga Sekretarja e Kryesise Vatra Tampa Bay, Zamira Rubjeka, e cila ftoi te gjithe pjesemaresit te nderojne ekzekutimin e Himneve Kombetare te SHBA dhe Shqiperise. Me pas Konsullja e Misionit te Kosoves ne NY Znj. Teuta Sahatcija, nepermjet nje video te regjistruar, pershendeti te gjithe komunitetin shqiptar ne Tampa Bay dhe Shoqaten Vatra ne Tampa Bay duke evidentuar ne fjalen e saj rendesine e madhe historike te shpalljes se Pavaresise se Kosoves dhe rolin e vecante qe Shoqata Vatra ne Tampa Bay po luan ne evidentimin e patriotizmit dhe ritjen e ndjenjes kombetare ne komunitetin shqiptar ne zonen ku vepron. Pershendetja e Znj.Sahatcija u duartrokit nxehtesisht nga pjesemaresit.

Drejtuesi artistik i mbremjes, kengetari Besim Limani si dhe kengetaret e ftuar Remi Jakupi, Valbon Ebibi dhe kengetarja vendase Sadete Shkodra krijuan nje atmosfere teper festive dhe argetuese me kenge te zgjedhura nga fondi i arte i tradites muzikore popullore Kosovare por edhe me gjere.

Nje moment kulmor i mbremjes, ishte momenti i shfaqjes se kronikes se Masakres se Recakut dhe ceremonia e inagurimit te shtatores qe populli i Kosoves i ka ngritur Z. William Walker, ish ambasador i Misionit te OSCE ne Kosove qe pati rolin e madh historik te ndergjegjesoje boten per cka po ndodhte ne Kosove, duke treguar me fakte masakren qe po ushtrohej mbi popullin e Kosoves. Ishte deshmija e Z .Walker qe ndergjegjesoj gjithe opinionin dhe diplomacine nderkombetare dhe beri te mundur qe forcat e NATO-s dhe vecanerisht SHBA te ndermarin sulmin ajror kunder forcave serbe ne Kosove. Me pas ishte nje surprize e madhe per te gjithe, kur vete Z Walker doli para te pranishmeve dhe evokoi edhe njehere heroizmin dhe sakrificat e panumurta te popullit te Kosoves per clirimin nga okupatori serb. Me modesti Z Walker pohoi se ai i tregoj gjithe opinionit nderkombetar se ngjarja e ndodhur ne Recak nuk ishte thjesht nje beteje lufte sic pretendohej nga pala serbe, por ishte realisht nje masaker dhe krim kunder njerezimit. Fjalimi i tij u percoll me teper emocion nga te pranishmit ku nuk munguan edhe lotet e mallengjimit dhe gezimit njekohesisht. Kryetari i Shoqates Vatra ne Tampa Bay, Z Tasim Ruko, i dhuroi Z Walker nje Pllakate Mirenjohjeje per kontributin e tij te jashtezakonshem ne Pavaresine e Kosoves.

Emocionues ishte dhe momenti kur i ftuari i nderit, Gjenerali Bryan Whiteof pershendeti pjesemaresit dhe tregoi per rolin qe luajti nderhyrja e forcave ajrore te NATO-s dhe ne vecanti USA ne vitin 1999. Roli i Gjeneral Whiteof si komandat i ketij operacioni sigurisht qe ka qene i jashtezakonshem.

Shoqata Vatra gjeti gjithashtu rastin qe te vleresoje punen e palodhur per mese 10 vjet resht, me komunitetin shqiptear, te qytetarit nga Mitrovica, Z.Isuf Spahija, duke i thuruar atij edhe nje Diplome Mirenjohjeje per kontributin e tij.

Jeton Azizi promovoi librin “Kosova” ku evokuohen traditat shumeshekullore te kosoves, historia e saj mijravjec are duke u ndalur ne kalvarin e gjate dhe te pergjakur qe populli i Kosoves duhej te kalone per te ardhur tek dita e madhe e Pavaresise. Nga nje kopje e librit ju dhurua Z. Walker and Gjeneral Whiteof.

Duke perfituar nga rasti, Sunset Grill Restorant tregoi nje gjest solidariteti, ndihme dhe perkrahje per anetaret e komunitetit duke ofruar tek pjesemaresit prodhime pasticerije dhe fondet e mbledhura shkuan ne ndihme te anetares se komunitetit Znj Mel Lika qe eshte e detyruar te perballet dhe te luftoje kunder semundjes se kancerit. Drejtuesi i mbremjes i njohu pjesemaresit me kete inisiative te Sunset Grill Restorant dhe pa hezitim nje numer i konsiderueshem pjesemaresit dhuruan fonde te menjehereshme duke bere te mundur grumbullimin e nje shume prej afro $3000 si ndihme per shpenzimet mjekesore te Znj Mel Lika. Kjo ngjarje ishte nje sukses tjeter i Shoqates Vatra ne Tampa Bay ne vazhden e kujdesit te saj per tu qendruar prane dhe per te ndihmuar bashkatdhetaret ne nevoje.

Suksesi i mbremjes nuk mundej te arihej pa knotributin materjal te sponsoreve te shumte qe ju bashkangjiten ketij aktiviteti. Gjejme rastin te falenderojme sponsorin kryesor Select Motors of Tampa, si dhe sponsoret e tjere:Jessi’s Restaurant, Eva’s Kitchen Restaurant, Real Estate agents e “The Poloska Team” dhe Due Amici Restaurant.

Ishte kenaqesi e vecante ne kete mbremje, te shihje shqiptare nga te gjitha trojet shqiptare te festonin per kosoven e pavarur dhe uronin njeri tjetrin per nje Komb shqiptar te bashkuar te cilen e meritojme. Mbremja festive ishte nje feste tjeter e bukur, ku mes tingujve te muzikes se zgjedhur komuniteti shqiptar kremtoi me mjaft dinjitet perkujtimin e nje feste teper sifinjikative te historise sone kombetare sic eshte 17 Shkurti, dita e Pavaresise se Kosoves.

*Piro Poloska, Anetar i Kryesise se Vatra Tampa Bay