Featured – Page 625 – Dielli

Anija amerikane “USS Porter, DDG-78” në Vlorë

September 27, 2015 by dgreca

Zv/Ministri i Mbrojtjes Petro Koci dhe Zv/Ambasadori i SHBA në Tiranë, David Muniz vizituan anijen amerikane “USS Porter”/

Ditën e djeshme Zv/ministri i Mbrojtjes Petro Koci dhe Zv/ambasadori amerikan David Muniz zhvilluan një vizitë në bordin e anijes “USS Porter, DDG-78”, ku u pritën nga Komandanti i anijes dhe pjesëtarë të ekuipazhit. E vecantë e kësaj vizite ishte dhe pjesmarrja e një grupi anëtarësh të këndit amerikan në Vlorë dhe nxënës të Shkollës Internacionale të këtij qyteti. Zyrtarët, diplomatët, ushtarakët dhe nxënësit vlonjatë u transportuan nga porti i Vlorës për në anijen amerikane me anijen Patrulluese “Butrinit”, P-133. Të shoqëruar nga Shefi i Zyrës së Mardhënieve me Publikun në Ambasadë, zoti Ryan Roberts, të rinjtë vlonjatë zhvilluan vizitë në ambientet e anijes, ku u njohën me disa karakteristika teknike të saj, armatimi, aparaturat dhe detyrat që kryen. Gjithashtu pjesëtarë të ekuipazhit të anijes amerikane i shpjeguan vizitorëve se si ju bashkuan marinës amerikane, eksperiencën, specialitetin, mundësitë dhe perspektivat që të afron shërbimi në marinën amerikane, dashurinë për profesionin dhe shtetin amerikan etj. Anija e SHBA vizitoi vendin tonë në kuadrin e bashkëpunimit dypalësh ushtarak mes të dy vendeve.{Sh.K}

Deputetja Mesila Doda: Lamtumirë PD!

September 26, 2015 by dgreca

TIRANE, 26 Shtator/ATSH/- Pas 25 vitesh në krah të së djathtës, deputetja Mesila Doda largohet nga Partia Demokratike. Përmes një letre të hapur të cilën e ka postuar në rrjetin social në Facebook, deputetja Doda shprehet se largohet me keqardhje nga partia të cilën e bashkëthemeloi me të djathtët 25 vite më parë.

Pavarësisht se “de juro” nuk pati një përjashtim të saj nga PD-ja, Doda thotë se është përjashtuar “de facto” nga kreu i grupit parlamentar, Edi Paloka, menjëherë pasi deputetja, ndryshe nga grupi i saj, votoi në Kuvend për heqjen e imunitetit të deputetëve Tom Doshi e Mark Frroku, të cilët u vune para drejtësisë. Këtë përjashtim Doda e ka ndjerë edhe gjatë zgjedhjeve lokale të 21 qershorit, ku Paloka nuk e përfshiu në fushatën e Tiranës, shtuar këtu humbjen e doktor Halim Kosoves, të cilin e cilëson si mikun e saj, ku fajëson drejtuesit më të lartë të PD-së për rezultatin në garën e tij elektrorale me Erion Veliajn.

Në sytë e Dodës tashmë në PD mbretëron klientelizimi, ndërsa humbja e zgjedhjeve, sipas saj, nuk u analizua kurrë. “Ndryshoni qasje ose do rithemelojmë të djathtën që e dërrmuat ju, thotë Doda. Deputetja Doda thotë se në 2 vitet e fundit ka thënë të vërteta të hidhura të papranueshme për shumëkënd.

“Largohem me keqardhje nga një parti që e krijuam bashkë me studentë dhe pedagogë 25 vjet më parë, por që sot e shoh të rithemeluar larg kontekstit, boshtit dhe qëllimit politik, për të cilin u krijua. Tash është klientelizmi mbret i situatës së re dhe shpresoj fort që njerëzit politikë që ende po rezistojnë edhe për pak, të arrijnë të kthjellojnë individët përgjegjës për dëmin e madh që po shkaktojnë. Shpresoj që edhe ky largim do i shërbejë vendimarrësve partiakë të kenë nje qasje tjetër ndaj figurave të vërteta politike, burra e gra të mençura që i shoh shpesh kur fyhen, anashkalohen, mallkohen e sulmohen me dhe pa intriga, për të vetmen arsye, sepse ende nuk kanë pranuar kodin e heshtjes dhe pranimin e disfatës së rradhës.
Nëse jo, do duhet të shihemi jo shumë shpejt, kur ta kuptoni që zgjerimi dhe pranimi i tjetrit si i ndryshëm me ty është fuqi dhe të vendosni që gjithë ata që s’i deshët e që qëndruan si njerëz me dinjitet përballë, do duhet të krijojnë së bashku me ju e si të barabartë edhe më shumë se ju, rithemelimin e së djathtës që e dërrmuat ju”, shkruan Doda.

“Illyrian Society of Law Enforcement”, me drejtues te rinj

September 23, 2015 by dgreca

Ylli Dautaj, zgjidhet Presidenti i Shoqatës Amerikane Shqiptare të Policisë Iliriane – nën kryetar Florin Kuka/

Shoqata, “Illyrian Society of Law Enforcement”, ka anëtarë të saj përvec atyre në polici , ka edhe nga ata që punojnë në FBI, policinë sekrete, marshallë, e etj. Pra, janë qindra shqiptaro – amerikan, që ushtrojnë këtë profesion në Amerikë, dhe shumica në New York me shtetet për rreth.

Nga Beqir SINA New York City/

NEW YORK CITY : Shoqata shqiptaro-amerikane, e policive shqiptarë, e krijuar dy vjet më parë me punonjës të rendit e sigurisë, “Illyrian Society of Law Enforcement”, anëtarë të të cilës janë shqiptarët që punojnë në organet e policisë njujorkeze dhe në strukturat e tjera – policore, në SHBA, që merren me ruajtjen e rendit dhe sigurisë, më 3 shtator , ka bërë edhe zgjedhjen e presidentit të ri.

Tubimi për zgjedhjen e presidentit të ri, është mbajtur më 3 shtator 2015

Kurse, kryetar i kësaj shoqate, është zgjedhur në mënyrë unanime oficeri i policisë Ylli Dautaj, me gradën Lejtnant në NYPD – duke zvendësuar mbas përfundimit të mandatit , dy vjeçar oficerin e policisë me gradën Kapiten z. Flamur Cani, i cili ka punuar afro 25 vjet në NYPD (Departmenti i Policisë së New York-ut).

Kurse, nënkryetar është zgjedhur Florin Kuka.

Në mesazhin e tij, Presidenti i Shoqatës Amerikane Shqiptare të Policisë Iliriane – “Illyrian Society of Law Enforcement”, zoti Dautaj, e ka quajtur marrjen e kesaj detyre një nder për t’u zgjedhur dhe për të shërbyer si President i Shoqërisë Ilire e zyrtarve për zbatimin e ligjit.

“Unë, falenderoj për besimin jo vetëm si miqtë e mi, por të gjithë kolegët, vëllezërit dhe motrat e mia. Mbasi, ne kemi një mundësi unike të madhe dhe historike për të treguar historinë e mrekullueshme e njerëzve dhe kulturës sonë, duke qenë shoqata integruese e shqiptarëve në zbatimin e ligjit. Ne jemi këtu jo vetëm për njëri-tjetrin, ne jemi këtu për të bërë historinë, duke treguar ato tiparet tona të vyera, të ndershmërisë, përvojës dhe sinqeritet ndaj komuniteteve të cilëve u shërbejmë. Unë ju falënderoj të gjithëve për përkushtimin tuaj dhe mbështetjen, me ndihmën tuaj ne do të kemi sukses!”, tha ai për gazetën tonë.

Presidenti Dautaj – portretizohet në një njoftim – sepse ai u dallua që në krijimin e kësaj shoqate, duke përfaqësuar me dinjitet e cilësi, detyrën e tij – për të udhëhequr me nder, përkushtim dhe integritetin e një organizate, vëllazërore, që i shërben jo vetëm anëtarëve të saj, por të gjithë atyre të cilët dëshirojnë dhe përpiqen për të bërë kudo jetën tonë në një vend më të sigurtë.

Shenjë dalluese e karrierës së tij, në këtë portret ka qenë se ai është shumë i respektuar dhe i nderuar. “Presidenti Dautaj – është dalluar për vendosmërinë e tij, në llogaridhënie, përkushtim dhe këmbëngulje, si në zbatim të ligjit dhe atë profesionale të sigurisë dhe ruajtjes së rendit në qytet. I angazhuar, gjithnjë për rolin e tij në përkrahje të njerëzve, sigurinë dhe rendin në radhët e uniformave blu të Departamentit të Policisë së Nju Jorkut”.

Presidenti Dautaj pas një procesi intensiv të përzgjedhjes, ka qenë i zgjedhur nga “Berretat blu” të Kombeve të Bashkuara më 1999 – për të pjesë e fushatës së forcave Multi-nacionale në Kosovë, duke monituruar Policin Ndërkombëtare, atje. Ku NATO e sanksionuar si forcë udhëheqse, me Shtetet e Bashkuara, ishte përgjegjës për t’i dhënë fund abuzimeve të drejtave të njeriut dhe krijimin e një force policore të përkohshme në një kohë veçanërisht të paqëndrueshme në Kosovë – në atë periudhë.

Pas kthimit të tij -nga Kosova -ku ai shërbeu në rradhët e uniformave të OKB-së – Berretat blu” Dautaj, vazhdoi me shërbimin e tij, në kuadrin e uniformave blu të policisë njujorkeze -NYPD, për të ruajtur rendin dhe sigurinë për qytetarët e Nju Jorkut, dhe u ngrit në detyrë për t’u bërë ekzekutiv i menaxhimit me departamentin NYPD, dhe konsoliduar veten si një profesionist i vërtetë.

Ylli Dautaj, me gradën Lejtnant në NYPD, i cili pas luftës së Kosovës shkoi atje nga Amerika me mision për të ndihmuar në themelimin e Departmentit të Policisë, tha se për themelimin e “Illyrian Society of Law Enforcement”, ai ka qenë nisiator qysh në vitin 2005 bashkë me vëllanë Ilir Dautajn, Sokol Biberajn, Naim Kacicin, Raymond Skermon, Florin Kukën, Brahim Dedushajn, dhe Walter Camajn.

“Mbledhja e parë për nismën, ka deklaruar ai për gazetën Illyria, në ditët e para të krijimit të kësaj shoqate, u mbajt në shtëpinë time. Qëllimi, i kësaj nisiative, ka thënë ai ishte t’i bashkonim shqiptarët, që punonin në organet e ruajtjes së rendit dhe sigurisë”, ka pohuar Dautaj.

Një burim brenda tyre, na tha se tani ata kan mbi 250 anëtarë, dhe planifikon të zgjerohet me anëtarë të rinj.

Disa nga anëtarët e themelues të shoqatës, janë: Flamur Cani, Elton Shametaj, Brahim Dedushaj, Naim Kacic, Ylli Dautaj, Ismet Hoxha, illir Dautaj, Florin Kuka, Visar Marku, Adriatic Xhidija, Marash Vucinaj ,Asmir Dragovic, Sokol Biberaj, Kreshnick Bakraqi, Walter Cacaj, Raymond Skermo….e të tjer.

Papa Francesku, në SHBA

September 22, 2015 by dgreca

Papa do të pritet nga Presidenti i Shteteve të Bashkuara, Barak Obama me të cilin ishte takuar në Vatikan vitin e kaluar. Papa Françesku është vetëm Papa i tretë që viziton Shtëpinë e Bardhë. Çështjet mbi të cilat do të bisedojnë Presidenti amerikan dhe Papa do të jenë të shumëta dhe do të përfshijnë subjekte të ndryshme me të cilat sot përballet njerëzimi dhe të cilat shqetësojnë mbarë botën. Në një intervistë më heret, Presidenti Obama kishte deklaruar se, gjatë të vizitës së tij në Vatikan vitin që kaloi, ata biseduan, “mbi varfërinë dhe mbi mënyrta se si mund të ndihmohen të varfërit anë e mbanë botës. Mendoj se kjo është një temë për të cilën Papa do të jetë i interesuar të vazhdojë ta theksojë gjatë vizitës” në SHBA, tha Presidenti Obama. Presidenti amerikan shtoi gjithashtu se pret që ai dhe udhëheqsi I Kishës Katolike, Papa Françesku të biseodjnë në Shtëpinë e Bardhë gjithashtu edhe për ndryshimet klimaterike si dhe për çështje gjithmonë aktuale që janë lufta dhe paqa, përfshirë edhe mbrojtjen e të krishtervëe në zona lufte e konfliktesh. “Ne, shtoi Presdienti Obam, “këshillohemi shpesh me Kishën Katolike mbi mënyrat se si të mbrojmë minoritetet fetare në zona e prekura nga lufta dhe konfliktet”, ka theksuar më heret Presidenti ameirkan në lidhje mbi bisedimet aë qi do të zhvillojë të mërkurën në Shtëpinë e Bardhë me Papa Françeskun.
Ndër aktivitetet e Papës në Washington, ai ka në agjendën e tij celebrimin e një meshe në Bazilikën Kombëtare. Kjo bazilikë e cila i shërben universitetit të njohur Katolik Amerikan (American Catholic University) në Washington, është kisha më e madhe në Amerikë dhe njëra prej më të mëdha në botë.
Gjatë qëndrimit të tij në Washington, Papa Françesku do të mbajë një fjalim para dy Dhomave të Kongresit Amerikan, duke u bëre kështu Papa i pare që mban një fjalim të tillë para përfaqsuesve të zgjedhur të kombit amerikan. Papa e pranoi ftesën për të mbajtur një fjalim në Kongres, ftesë e cila i ihste dërguar atij nga udhëheqsi i shumicës republikane në John Boehner së bashku me udhëheqsen e pakicës demokrate, Nanc Pelosi, të dy të cilët i përkasin fesë katolike.
Pas vizitës dhe takimeve të ndryshme me udhëheqsit më të lartë të qeverisë dhe të shtetit amerikan dhe pas ceremonive të ndryshme në Washington, Papa Françesku do të udhëtojë për në New York ku do të mbajë një fjalim në Organizatën e Kombeve të Bashkuara me 25 shtator para udhëheqsve të mbarë botës, të cilët ndodhën në New York për takimin vjetor të radhës si çdo shtator. Edhe në këtë rast Papa Françesku i bashkohet një numëri të vogël të ish-udhëheqsve të Kishës Katolike që kanë folur para OKB-ës, Papës Palit të VI në vitin 1965, Papa Gjon Palit të II në vitin 1979 dhe Papa Benediktit në vitin 2008. Papa Françesku do të flasë para kryetarve të shteteve të qeverive të cilët do të marrin pjesë në takime të nivelit tëartë për të diskutuar mbi rritjen ekonomike dhe çështje të tjera të interest botëror. Papa Françesku është i interesua për ruajtjen dhe mbrojtjen e ambientit dhe lidhjet e Papës me organizatën botërore u përforcua edhe më shumë gjatë një vizite që udhëheqsi i OKB-ës, Ban Ki Moon bëri në Vatikan prillin që kaloi, ku ishin ftuar një numër shkencëtarësh, udhëheqës fetarë dhe të zyrtarë të lartë të OKB-ës për të biseduar mbi ndryshimet klimaterike. Interesimi i Papës për mbrojtjen e ambientit rrjedhë nga Bibla. Papa Françesku kishte deklaruar në vitin 2013, me rastin e Ditës së Ambientit, duke thënë se, “Kur flasim për ambientin, mbi krimijim e botës,, mendimet e mia shkojnë tek faqet e para të Bibles, ku thuhet se Perëndia vendosi burrin dhe gruan në këtë tokë për ta kultivuar dhe për ta mbrojtur… A jemi ne me të vërtetë duke kultivuar dhe mbrojtur planetin tone dhe krijesat në tokë, apo jemi duke lënë pasë dore dhe duke i abuzuar ato? Pritet që në fjalimin e tij para udhlheqsve botërorë në OKB, Papa Françesku të bëjë thirrje për masa më të forta në mbrojtje të ambientit dhe të luftës kundër ndryshimeve klimaterike në planetin tonë.
Gjatë qëndrimit të New York, Papa Françesku do të vizitojë gjithashtu vendin e sulmeve terroriste kundër kullave binjake në Manhatan të 11 shtatorit, 2001, ku pritet të lutet për kurajo, mençuri dhe shpresë për të punuar siç është shprehur para-ardhësi tij Papa Benedikti, për një botë ku paqa e vërtetë dhe dashuria të mbretërojnë midis kombeve dhe në zemërta e të gjithë njerëzve.
as vizitës së tij në Katedralën e madhe të New Yorkut, Shën Patrikut, Papa Françesku do të udhëtojë për në qytetin historik të Amerikës, në Filadelfia ku për një javë tani po mbahet Mbledhja Botërore e Familjeve, dhe ku do të mbajë meshën e rastin në Sheshin Benjamin Franklin, një ceremoni kjo me të cilën udhëheqsi i Kishës Katolike do të përfundojë vizitën e tij historike prej pothuaj një jave në Shtetet e Bashkuara të Amerikës.

Kosovë- Seanca e Kuvendit shpallet e përfunduar

September 22, 2015 by dgreca

-AAK: Të mbrohen deputetët/

Nga Behlul Jashari/ PRISHTINË, 22 Shtator 2015/ Seanca e Kuvendit të Kosovës për katër marrëveshjet e 25 gushtit në Bruksel, e thirrur të vazhdojë sot, u shpall e përfunduar në pamundësi për të rivazhduar.

“Të nderuar deputetë, në rrethanat të tilla ne do ta ndërprejmë seancën këtu”, tha kryetari i Kuvenidit të Kosovës, Kadri Veseli, pak më parë, “rrethuar” nga opozita në sallë, që kishte bllokuar punimet duke qëndruar para foltores dhe kryesuesëve.

Në këto rrethana, ndonjë minutë më herët, edhe pse nuk zhvilloheshin punime të seancës, pati një “debat” mes kryeparlamentarit Veseli dhe liderit të LVV-së, Visar Ymeri, i cili bashkë me deputetë të tjerë të opozitës qëndronte në këmbë te udhëheqësi i seancës së Kuvendit.

“Me ‘Zajednicë” (bashkësi të komunave serbe në Kosovë) nuk ka Republikë… Ju kisha ftuar juve si kryetar i Kuvendit të deklaroheni rreth ‘Zajednicës’, por edhe ta mbroni Kuvendin nga kjo shkelje që bën qeveria”, u shpreh lideri i LVV-së, Ymeri, duke iu drejtuar kryeparlamentarit Veseli, i cili ia afronte mikrofonin e kryesuesit, që të dëgjohej.

“E dëgjuat kryetarin e Lëvizjes Vetëvendosje. Për të na dëgjuar të gjithë bashkërisht do të ishte mirë t’i hapni rrugë debatit”, tha kryeparlamentari Veseli, duke premtuar se në seancë, në debatin në Kuvend, nuk do kishte asnjë kufizim as kohor dhe as për askend.

Por, në pamundësi që të zhvillohej seanca u shpall e përfunduar.

Pasdite, sapo nisi rindërpreu për herë të dytë gjatë ditës rivazhdimin seanca e Kuvendit të Kosovës, e ndërprerë të enten e javës së kaluar, e rindërprerë sot para më shumë se tre orësh për “10 minuta pushim” të dhënë nga kryetari, Kadri Veseli, pasi opozita protestoi dhe e gjuajti me vezë kryeministrin Isa Mustafa derisa po informonte për katër marrëveshjet e 25 gushtit Prishtinë-Beograd në Bruksel.

Opozita përsëri protestoi, vendosi në “rrethim” kryesinë e seancës, ndërsa kryeparlamentari Vesli kërkoi “15 miniuta pushim për të bashkëbiseduar 5 minuta në zyrë”. Në zyrë ai i ftoi kryetarët e grupeve parlamentare, por deputetët vazhduan të qëndrojnë në sallën e seancës, nga e cila pastaj dolën, por ende nuk ka rivazhdim seance.

Në rifillimin e ndërprerë pasdite, kryeparlamentari Veseli u shpreh:“Kisha pasë dëshirë që kryeministri të largohet prej salle, ose sigurimi i kryeministrit (të largohet nga salla e seancës) që mos të ketë situata të tilla”. Por, kryeministri ka vazhduar qëndrimin në sallën e seancës së Kuvendit, ndërsa ndodhnin zhvillime të tjera.Në vazhdimin e seancës pak para mesditës, Mustafa gjatë pak minutave që foli në seancën e Kuvendit tha se marrëveshjet e dialogut në Bruksel më datën 25 gusht të vitit 2015 kanë të bëjnë me zbatimin e Marrëveshjes së parë të parimeve që rregullojnë normalizimin e marrëdhenieve (të 19 prillit 2013). Më herët, Aleanca për Ardhmërinë e Kosovës (AAK), deklaroi se, “është e shqetësuar nga njoftimet se policia munjd t’i largojë nga salla e Kuvendit deputetët e opozitës”.“Mandati i deputetit është i garantuar me kushtetutë dhe ai nuk zmbrapset me kurrfarë masash policore”, shtohet në deklaratën e dërguar.“Prandaj në një situatë të tillë kërcënuese, ftojmë qyetarët që të vihen në përkrahje të deputetëve, duke u mbledhur para Kuvendit të Republikës së Kosovës”, përfundon deklarata.Spas medias, “anëtarë të partive opozitare” duken në shesh para hyrjes kryesore të Kuvendit të Kosovës.