Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

CARRIE HOOPER U DËRGON MESAZH SHQIPTARËVE PËRMES GAZETËS DIELLI

by

CARRIE HOOPER U DËRGON MESAZH SHQIPTARËVE PËRMES GAZETËS DIELLI/
Të dashur lexues,
Përshëndetje! Unë quhem Carrie Hooper dhe jam amerikane nga Elmira të shtetit të Nju Jorkut. Jam këngëtare dhe u bie pianos dhe çiftelisë. Ka pothuaj gjashtë vite që kam mësuar shqip dhe kam mësuar shumë këngë shqiptare, ndër të tjera Himni i flamurit, Luleborë, Valsi i lumturisë, Për ty, atdhe, Në zaman t’njasaj furie etj. Desha të ju njoftoja se do të isha e disponueshme për të kënduar në cilindo koncert ose cilëndo veprimtari që mund të organizoni në ndonjë komunitet shqiptar në ShBA ose në Kanada. Jam krejtsisht e verbër, prandaj udhëtoj me bus ose me aeroplan. Do të më duhej që dikush të më merrte në aeroport ose stacion të busëve si dhe një vend qëndrimi. Në të kaluarën kam kënduar te shkolla shqipe në Bronx të Nju Jorkut, te Kisha e Shën Gjergjit në Boston të Massachussetts-it, për shoqatën shqiptarokanadeze në Toronto, dhe me ansamblin Bashkimi Kombëtar në Detroit të Michiganit.
Kur këndoj shoqërj veten me piano dhe mund të përdor piano akustike ose elektrike. Nëse një vend nuk ka piano, do të mund të përdor çifteli ose do të mund të sillja një vegël me tela që quhet autoharp, një instrument amerikan folklorik që edhe u përshtatet mirë këngëve shqiptare.
Nga shtatori deri më fillimin e prillit, punoj çdo të hënë, të mërkurë, dhe të premte duke dhënë mësim në gjermanisht dhe italisht tek Elmira College në qytetin tim të lindjes. Prandaj gjatë këtyre muajve vetëm dita e së shtunës do të ishte dita më e përshtatshme për të marrë pjesë në aktivitete. Nga fundi i prillit deri më fundin e majit ose fillimit të qershorit ka një semestër që zgjat gjashtë javë dhe atëherë kam më shumë mundësi për të udhëtuar. Më tej këndoj me një kor në qytetin tim që prezanton tre koncerte në vit që zhvillohen çdo nëntor të shtunën pas festës amerikane të falënderime, të shtunën e fundit të marsit, dhe të shtunën e parë të qershorit. Prandaj në këto data nuk do të mund të vija në ndonjë aktivitet. Gjithashtu udhëtoj për në Alabama disa herë në vit për të vizituar shokë, zakonisht në prill ose maj, një javë gjatë verës, disa ditë në tetor, një javë në dhjetor ose në fillim të janarit, dhe një javë në mes të shkurtit. Në verë do të mund të udhëtoja më shumë.
Ja të dhënat për të më kontaktuar:
Carrie Hooper
Numri telefoni: 607-732-6788
Adresa emaili: hoot751@stny.rr.com
Nëse më dërgoni email, ju lutem të mos më dërgoni as fotografi as bashkëngjitje. Ju falënderoj për konsideratën tuaj në këtë çeshtje.

SHPIRTRAT NË PAQE, 2700 CAMËVE MARTIRË TË TRAGJEDISË GREKE!

by

“Nëse përpara pak vitesh këtu nuk kishte një varrezë për të respektuar ata që u vranë nga fashisti Zerva, sot ne kemi një vend ku të vendosim lule” – tha z. Muhedini./
Java e Historisë dhe Kulturës së Çamërisë përfundoi në Varrezat Monumentaletë Shqiptarëve të Çamërisë në fshatin Kllogjer të Sarandës, ku prehen eshtrat e më shumë se 2700 shqiptarëve të Çamërisë që vdiqën nga etja dhe uria pas gjenocidit të kryer ndaj tyre. Në këtë aktivitet përmbyllës morën pjesë një delegacion i Shoqatës “Çamëria” kryesuar nga kryetari i shoqatës,z. Ardian Tana, i shoqëruar edhe nga deputetët e PDIU-së, z. Tahir Muhedini dhe z. Omer Mamo.
Kryetari i Shoqatës “Çamëria”, z. Ardian Tana vlerësoi kujtimin e të gjithë atyre që humbën jetën nga kalvari i rëndë i rrugëtimit pas genocidit ndaj shqiptarëve të Çamërisë. “Ne kujtojmë ata gjyshër, prindër, paraardhësit tanë që humbën jetën nga etja dhe nga uria, por kujtojmë edhe të gjithë ata që u vranë barbarisht nga forcat zerviste në Çamëri. Janë rreth 3 mijë të vrarë në genocid dhe po aq që humbën jetën këtu” – tha z. Tana.
Deputeti Tahir Muhedini vlerësoi se si çdo vit, shoqata “Çamëria” dhe PDIU organizojnë këtë ceremoni përkujtimore në respekt të atyre që ishin vrarë.
“Nëse përpara pak vitesh këtu nuk kishte një varrezë për të respektuar ata që u vranë nga fashisti Zerva, sot ne kemi një vend ku të vendosim lule” – tha z. Muhedini.
Deputeti Omer Mamo theksoi në fjalën e tij se nderimi ndaj paraardhësve është një detyrë e shenjtë për cilindo dhe ngenocidi ndaj shqiptarëve të Çamërisë duhet të përkujtohet çdo vit, në shenjë respekti ndaj atyre që dhanë jetën vetëm pse ishin shqiptarë.
Në Kllogjer të Sarandës dhanë jetën rreth 2700 shqiptarë të Çamërisë nga etja dhe uria, pas kalvarit të mundimshëm të dëbimit nga Çamëria, teksa aty ishte ngritur kampi që priste refugjatët. Rreth tre mijë të tjeër humbën jetën nga genocidi i ushtruar nga forcat zerviste në Çamëri, duke bërë që thuajse 20 për qind e popullsisë shqitpare të Çamërisë të ketë vdekur në genocid.
Java e Kulturës dhe Historisë së Çamërisë është një javë përkujtimore që
zhvillohet çdo vit, përgjatë javës kur është 27 qershori, dita e nisjes së
genocidit, me Masakrën e Paramithisë më 27 qershor 1944 dhe që prej vitit
1994 është njohur me ligj të shtetit shqiptar si “Dita e Genocidit ndaj
Shqiptarëve të Çamërisë nga Forcat Shoviniste Greke”.
Këtë vit, Java Çame nisi njëkohësisht në Tiranë dhe në Prishtinë, që u
dekoruan me “I Love Çamëria” dhe “70 vjet Genocid”, për të treguar se i
gjithë kombi shqiptarë është i bashkuar kur vjen fjala për çështjen çame,
si pjesë e pandashme e çështjes kombëtare. Ajo mblodhi për herë të parë të
gjithë aktorët politikë, duke bashkuar kryetarët e partive parlamentare në
mbështetje të kësaj kauze në Ekspozitën e mbajtur në Muzeun Historik
Kombëtar. Java Çame u pasurua me botimin e një libri nga studiuesit më të
njohur të fushës për çështjen çame, simpozium shkencor për rilindasin Hasan
Tahsini, mbajtjen e një minutë heshtjeje nga të gjithë deputetët në
Parlament dhe kulmimin e vetë një tubim madhështor në qendër të Tiranës,
përpara se të përfundonte si çdo vit në Kllogjer të Sarandës, pak kilometra
nga kufiri në Qafë Botë.
Shprti ne paqe, 2700 cameve martire të tragedise!

PSE KOSOVA NUK PRODHON XHERDAN SHAQIRA?

by

Nga Dimal Basha – New York/
Secili prej nesh ka të drejtë të pyes pse Kosova po dështon gjenerata të tëra dhe gjasat për të prodhuar artistë, sportistë apo biznismen të suksesshëm janë shumë të vogla? Si ka mundësi që Kosova me 1.8 milion banorë arrin të nxjerr shumë pak talent derisa diaspora shqiptare korrë suksese në të gjitha sferat pavarësisht se janë minoritet në secilin shtet ku ata jetojnë?
Një mik në rrjetet sociale me shaka tha se sikur Xherdan Shaqiri të kishte jetuar në Kosovë ai me siguri se ishte duke shitur fara të zeza. Sigurisht se nuk ishte qëllimi denigrmi i të rinjëve shqiptarë në Kosovë, apo përulja e Shaqirit që e dëshmon të kundërtën, por një përshkrim i një gjendje reale e një vendi ku talenti vdes i paeksploruar.
Kjo vie rrjedhimisht nga krahasimi i suksesit të shqiptarëve në diasporë dhe dështimi i të njejtit popull në Kosovë. Shembulli i parë është kombëtarja e Zvicrrës. Shteti helvetikë që ka gati 8 milion banorë besohet të ketë përafërsisht 150 mijë shqiptarë. Nëse zbërthehet më tutje kjo i bie se shqiptarët nga të gjitha trevat Ballkanike përbëjnë jo më shumë se 6% të populates zvicerrane. Të njejtën kohë, jemi dëshmitarë të sukseseve të shumta të shqiptarëve atje dhe njëra prej tyre është kombëtarja e futbollit të Zvicrrës që dëshmon se edhe pse shqiptarët përbëjnë vetëm 6% të popullatës totale, ata kanë arritur që të kenë gati 40% të kombëtares që fillon në njëmbëdhjetëshen e parë.
Nëse kaloni përtej Atlantikut, gjithashtu gjeni rrëfime të shumta suksesi të diasporës shqiptare. Shqiptarët në SHBA, për shembull, vazhdojnë të citohen në shtypin amerikanë si shembull i suksesit në biznes pavarësisht numrit të vogël të tyre. Vitin e kaluar gjatë një takimi me z. Mark Gjonaj, asembleistin e pare shqiptaro-amerikanë në asamblenë e New York-ut, ai tregonte për suksesin e madh të shqiptarëve në New York. Përveq tjerave, ai citoi një reviste revistë të njohur biznesi në New York ku theksonte se shqiptaro-amerikanët janë pronarë të mbi 30% pronave komerciale në Bronx. Kjo komunë ka përafërsisht 1.5 milion banorë derisa, sipas burimeve të vitit 2009, komuniteti shqiptarë përbënë vetëm 3% të popullsisë totale. Pra, 3% të komunitetit shqiptarë janë pronarë të mbi 30% të pronës komerciale me një komunë që ka mbi 1.4 milion banorë.
Diaspora shqiptare gjithashtu ka prodhuar intelektual e nobelistë të shquar. Shqiptarët kanë talentin dhe aftësitë të jenë edhe biznismen, edhe intelektual por edhe sportistë me renome botërore. Gjatë fushatës zgjedhore shpesh u përsërit nga elita politike se “ne nuk mundemi të prodhojmë kompjuterë, makina apo makineri të përsosur.” Unë besoj se është një pikënisje e gabuar dhe mesazh i keq i politikës që synon ndryshime me sllogane “nuk mundemi. Jam i bindur se nëse shteti ofron mundësitë dhe kushtet gjithçka është e mundur. Dallimi kryesorë pse Xherdan Shaqiri “nuk shet fara” por është një sukses janë kushtet dhe mundësitë që i ka ofruar shteti helvetikë. Të njejtën kohë arsyeja pse shqiptaro-amerikanët vazhdojnë të jenë rrëfim i suksesit në biznesin amerikanë është mundësia dhe kushtet që ofrojnë SHBA-të për të gjithë qytetarët e saj.
Çka është me rëndësi të theksohet është se populli shqiptarë duhet të kuptojë se shteti nuk krijon fabrika, biznese apo sportistë. Kanë përfunduar kohërat ku shteti është punëdhënësi kryesorë me dhjetëra ministri e zavendësministra koti. Roli kryesorë i pushtetit është të krijojë kushtet dhe mundësitë bazike për secilin individ që të zhvilloj talentin apo biznesin e tij, diçka që Kosova vazhdon të dështoj tash e sa vjet. Raporti i individit me shtetin janë sikur natyra me bimët. Sikurse drita, ajri dhe uji që janë faktorë që ofrojnë zhvillimin e një bime dhe mungesa e njëra prej tyre shkakton vdekjen e bimës dhe rrjedhimisht shteti gjithashtu duhet të ofroj kushtet bazë ku individi është i lirë të zhvillohet.
Prandaj, është e domosdoshme që pushteti i ardhshëm të mos vazhdoj traditën me qeveri të madhe dhe të funksionalizoj një pushtet të vogël që punon mençur dhe ofron kushte dhe mundësi te barabarta për zhvilllimin e individit, përndryshe, nëse vazhdohet me këtë qasje, sikur bimët, rinia do të vazhdojë të “thahen” në mungesë të kushteve dhe mundësive bazë.

Ipeshkevi i Kosoves midis nesh ne “Zonjen Pajtore”

by

“…EJA EJA SHPIRTI I SHENJTE E NA FAL DASHURI!”/
NGA ZEF PERGEGA/
Eja, eja shpirti i shenjte e na jep dashuri!. Kjo kenge e korit te kishes katolike “Zonja Pajtore” degjohet nga larg. Ajo perzihet embel ne gumzhimin e vargut te makinave qe i drejtohen grigjes se kishes, duke ua mbushur shpirterat me kete thirrje qe shpresen e ardhjes se shpejte midis nesh e mban te gjalle.
Nje kolone e gjate femijesh te moshave shkollore, u qesh fytyra, u kendon zemra ne balle te celura, drejtohen nga salla e kishes me kryqa ne qafe dhe ne medje mesimet e fese, te cilet i kane formuar keta filiza shqiptar ne boten e lire me udhen e shenjte…te gjuhes dhe tradites kombetare, ku ne krye pa u lodhur asnjehere me shallin vjollce e me doren e ngrohte te bekimit dallohet meshtari Dom Ndue Gjergji. Nuk eshte thjeshte meshtar, por edhe akitekt i lidhjes se brezave me platformen e tij te trashegimise se vlerave fetare e kombetare.
Ai bekon popullin e tij. Ne Lter shikoj se mbidhet nje re bekuese e korpit dhe hiri i saj behet nje tek lartohet ne kupen e nje drite qe zbret me embelsi mbi sofren e Krishtit. E aty eshte Dom Ndue Gjergji, Ipeshkevi i Kosoves Imzot Dode Gjergji dhe sekretari i tij, Dom Fatmir Koliqi, qe sebashku celebrojne meshen me rastin e dites se Rrshajave.
Kete dite te shenjte Imzot Gjergji e permbledh me keto fjale:…”Diten e Rrshajave Shpiri i Zotit zbriti tek Apostujt dhe ne shpirtin e Zonjes qe eshte Pajtorja e juaj. Paqja e Zotit ka ra ne zemren e Apostujve. Kete dite nuk ka patur me asnje dyshim mbi fjalen e Krishtit e mbi jeten e tij, i cili u kryqezue per ne. Te mos kene frike edhe ato qe e denuan me vdekje se Ai u ringjall per me fal. Ky Shpirt qe zbriti mbi Apostujt e ka ruajtur kishen, fara e te ciles u ruajt neper male, te mohuar, te poshteruar dhe te rrenuar. Ne nuk e kemi dashur ate vuajtje, por kemi patur guximin me shpresue per diten e ktheses, e cila ka mabrritur ne mesin tone. Ne nuk jemi per hakmarje. Te qendrojme ne fe me forcen e urtise se Krishtit, me forcen e shpirtit te Apostujve dhe me forcen e kurajon e te pareve tane. Ta shohim njeri tjetrin si dhurate e dashurise se Zotit. Kontributi me i madh i secilit prej nesh eshte me e kthye Zotin ne zemrat tona. Rreziku i sotem eshte se nuk po perpiqemi sa duhet me marr paqen e Zotit, por miradinat e botes. Paqja e sheron shpirtin!”
Imzot Gjergji kishte shfaqur nje mendim qe te takohet me keshillin e kishes dhe disa veprimtare. Nje fjalen e tij Dom Ndue Gjergji nder te tjera tha: “Qe prej rreth 50 viteve me apostullin e madh Dom Prek Ndrevashen me keshillin e kishes dhe disa veprimtare kemi mbajtur gjalle emrin shqiptar ne fe e ne atdhedashuri. Ardhja juaj Imzot Gjergji na jep force e kurajo per te ecur perpara. Fjalet tuaja jane nje inkurajim dhe vlersim per te gjithe angazhimin tone. Ashtu si ne te kaluaren dhe ne te ardhem famullia e kishes Zonja Pjatore do te jape kontributin e vet per popullin shqiptar dhe ne vecanti per Kosoven”
Mireseardhjen e Ipeshkevit Gjergji e pershendeti kryetari i keshillit te kishen Rrok Dedivanaj, i cili tha: “E them me kranari se ne jemi te lumtur qe sot ju kemi ne mesin tone edhe per fjalet shume te ngrohta ne Krisht qe thate per famulline tone e per famullitarin Dom Nduen. Me pelqej pa mase kerkesa juaj per tu takuar me keshillin e kishes c’ka nuk e ka bere dikush tjeter me pare!’’
Dr. Gjeke Gjelaj nje nga me te vjetrit qe ne bekimin e gurthemelit te kesaj kishe qe ka qene dhe mbetet nje mbrojtes i forte i fjales se saj, e pershendeti Ipeshkevin e Kosoves me fjale zemre. “Nen udheheqjen e shpirtit te shenjte ne kemi qene kranar per aritjet tona dhe do te jemi kranar edhe ne te ardhmen. Na jemi krenar dhe te vlersuar edhe me prezencen tuaj sot ne kishen tone. Ne krenohemi me vepren e Dom Prek Ndrevashes, shpirti i te cilit shendrit mbi kete kishe, mbi cdo mergimtar dhe na fton te jemi te bashkuar perballe sfidave te reja qe na dalin perpara. Kisha ka nevoje per njerez modern sic jeni ju i nderuar Imzot Gjergji. Duhet te ecim dhe te levizim per te plotesuar misionin tone qe na la ne dore te sigurte Dom Preka me fjalen e Shelbuesit tone te pagabueshem!”
Nga ana e tij Imzot Gjergji tha: “Ju jeni dhurata me e madhe per kishen. Ne ju kemi dhene dy prifta, por i kemi dhene meshtar te gjithe botes shqiptare. Une jam gezuar qe jeni afrue me Kishen e Shenpalit dhe ajo me ju. Nuk duhet te ndaheni. Ndahet vellau me vella, por nuk ndahet gjaku dhe zemra. Ju pergezoj per kontributin qe keni dhene per Kosoven dhe te mos u dhimbset asgje per te ndimuar kishen. Ndihma duhet te shkoje edhe per Seminarin ne Shkoder qe pregatit meshtare te rinje. Sot ne kemi 8 Katedrale dhe 8 Dioqeza. Nuk duhet tu themi njerezve hapni kuleten, por hapni zemren!”
Gjate celebrimit te meshes se shenjte diten e diel me 8 qershor 2014, veprimtari i kishes Valentin Lumaj para besimtareve beri nje biografi te Imzot Dode Gjergjit. “Imazot Doda eshte nje figure elitare dhe mirenjohur e kishes katolike ne Kosove, Shqiperi dhe ketu ne Amerike. Pas gjashte vitesh e kemi ne mesin tone ne shtepine e vet ne shtepine e Zotit. Ai u lind ne Stubell te Kosoves. Studimet teologjike i perfundoi ne Zagreb. Shugurohet meshtar me 15 gusht 1988 nga Mons. Nikolle Prela ne Dioqezen Shkup Prezren. Gjate viteve 1991-84 eshte Kapelan i shqiptareve ne Kroaci. Me pas sherbeu si famullitar ne Kallmet te Lezhes. Me 5 shkur 2000, Ati i Shenjte e emeron Imzot Doden, Administrator Apostolik i Dioqezes se Sapes. Shugurohet Ipeshkev me 5 janar 2006. Gjate kesaj periudhe ai sherbeu edhe si Sekretar i Pegjithshem i Konferences Ipeshkvnore te Shqiperise, President i Karitasit si dhe drejtoi misionin per dialog nderfetar. Papa Benedikti i 16-te me 12 dhjetor 2006 e emron Imzot Dode Gjegjin Ipeshkev te Kosoves”

RAMUSH HARADINAJ, KRYEMINISTER,THAÇI NE OPOZITE?

by

Burime të Gazetës Express thonë se tashmë është nënshkruar marrëveshja mes Isa Mustafës, Ramush Haradinajt dhe Fatmir Limajt.
“Marrëvshja thotë: Ramushi bëhet Kryeministër, LDK merr Presidentin dhe kreun e Kuvendit, Nisma Zëvendëskryeministrin”, tha burim i Gazetës Express.
Arrihet marrëveshja mes opozitës që Ramush Haradinaj të jetë Kryeministër? – Burime të Gazetës Express ne Kosove bëjnë me dije se liderët e partive opozitare janë marrë vesh që Ramush Haradinaj të jetë Kryeministër i ardhshëm.
“LDK, AAK dhe Nisma janë marrë vesh që mos të hyjnë në një qeveri me PDK’në. Dhe, Mustafa dhe Limaj pajtohen që posti i Kryeministrit t’i takojë Ramush Haradinajt në një qeveri të përbashkët”, ka thënë një burim i gazetës.
Me këtë marrëveshje, Hashim Thaçi del në opozitë.