Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Venizelos-Nishanit:Greqia do të mbështesë Shqipërinë për statusin në qershor

by

”Shqipëria e meriton statusin e vendit kandidat në Bashkimin Evropian dhe se Greqia do të vazhdojë mbështetjen e saj dhe përpjekjet diplomatike me partnerët evropianë që Shqipëria ta arrijë këtë objektiv në qershor”.

Kështu u shpreh të premten zv/kryeministri dhe ministri i Jashtëm i Greqisë, Evangjelos Venizelos, gjatë një takimi me Presidentin e Republikës, Bujar Nishani. Z. Venizelos, nga dita e djeshme, ndodhet për një vizitë në Tiranë, në kuadër të Presidencës greke të BE-së.

Gjatë takimit, Presidenti Nishani tha se integrimi në BE përbën një interes kombëtar strategjik për Shqipërinë dhe shqiptarët dhe e siguroi z.Venizelos për vendosmërinë e institucioneve dhe shoqërisë shqiptare në vazhdimin e reformave të nevojshme për arritjen e standardeve, duke nënvizuar gjithashtu angazhimin për bashkëpunim të plotë me Presidencën greke dhe gjithë institucionet e partnerët evropianë në synimin e përbashkët për përshpejtimin e procesit të integrimit të Shqipërisë në BE.

Presidenti Nishani shprehu besimin në angazhimin e Presidencës greke për marrjen nga Shqipëria të statusit të vendit kandidat në qershor 2014, ndërsa vlerësoi lart objektivat e Presidencës greke dhe, në mënyrë të veçantë, bashkëpunimin e Greqisë dhe Italisë për shpalljen e vitit 2014, “Vitin e Mesdheut”.

Duke vlerësuar marrëdhëniet dypalëshe si shumë të rëndësishme për vendet tona, për integrimin evropian të Shqipërisë dhe për rajonin, Presidenti u shpreh optimist në një afrim dhe zhvillim të shpejtë të bashkëpunimit të mëtejshëm mes dy vendeve dhe popujve tanë, bazuar në vullnetin dhe angazhimin praktik konkret për zgjidhjen e çështjeve të hapura, si edhe në objektivat e përbashkëta.

Kryediplomati grek nënvizoi se midis dy vendeve tona ka arsye historike e sociale dhe një bazë ekonomike solide për forcimin e marrëdhënieve, ndërsa mbetet që politikanët të vazhdojnë të zbatojnë politikat e duhura në mbështetje të zhvillimit të mëtejshëm të këtij bashkëpunimi.

Në lidhje me qasjen rajonale të vendit të tij, z. Venizelos u shpreh se Athina i gëzohet dhe mbështet fort dialogun Beograd-Prishtinë, duke veçuar se ka një plan ambicioz bashkëpunimi dypalësh mes Greqisë dhe Kosovës, ndërsa vuri në dukje se Greqia mbështet integrimin evropian të të gjitha vendeve të rajonit.

 

Fajon-Çitaku: Kosova do ndihmohet në rrugën drejt integrimit në BE

by

Nga B.Jashari/.- Eurodeputetja Tanja Fajon, sot në Prishtinë, theksoi se së bashku me kolegët e saj nga Parlamenti Evropian do të bëjë gjithçka që është e mundur për të ndihmuar Kosovën në rrugën e saj drejt integrimit në Bashkimin Evropian. Gjatë një takimi me ministren kosovare të Integrimit Evropian,Vlora Çitaku, Fajon theksoi rëndësinë që fokusi i angazhimit të institucioneve të vendit të jetë në implementimin e standardeve të caktuara për këtë proces.

Eurodeputetja Tanja Fajon dhe ministrja Çitaku diskutuan për progresin në Kosovë, liberalizimin e vizave dhe për avancimin e proceseve integruese evropiane.
Ministria e Integrimit bën të ditur se Çitaku dhe Fajon kanë biseduar më në detaje për finalizimin e procesit të liberalizimit të vizave për Kosovën, në mënyrë që ky kapitull të përfundojë sa më parë dhe të fillojë realizimi i lëvizjes së lirë për qytetarët e Kosovës. Po ashtu, u diskutua për Marrëveshjen e Stabilizim Asociimit, por edhe subjektivitetin ndërkombëtar të Kosovës, duke marrë për bazë qasjen proaktive dhe kontributin e Kosovës në raport me përmirësimin e marrëdhënieve fqinjësore dhe progresin rajonal.
Duke vlerësuar lart kontributin dhe përcaktimin e Fajon për avancimin e Kosovës në raport me integrimin evropian, ministrja Çitaku tha se “institucionet e Republikës së Kosovës janë duke bërë maksimumin për t’i përmbushur rekomandimet dhe obligimet që dalin nga udhërrëfyesi për liberalizimin e vizave për Kosovën”.
Ministrja Çitaku shprehu vullnetin e qeverisë së Kosovës për fuqizimin e gjithanshëm të bashkëpunimit bilateral me të gjitha vendet anëtare të Bashkimit Evropian, gjithashtu theksoi edhe rëndësinë e bashkëpunimit me Parlamentin Evropian.

Baleti i Kosovës rikthehet pas 34 vitesh në Tiranë

by

Trupa e Baletit Kombëtar të Kosovës, për herë të parë pas 34 vitesh  do të performojë në Tiranë.

Në muajin mars interpretuesit do të shfaqin dy koreografi të Ilir Kernit “Balloja e diplomës” dhe “Dashuria që vret” në skenën artistike të sallës së Teatrit të Operës dhe Baletit në Tiranë.

Ishte viti 1980, kur Baleti Kombëtar i Kosovës shfaqi për herë të fundit në këtë sallë shfaqjen koreografike të titulluar “Halili dhe Hajria” që ishte realizuar nga kompozitori Tish Daija në vitin 1963. Sot, pas kaq vitesh ata rikthehen në skenën operistike të Tiranës, në kuadër të kalendarit artistik të përbashkët Shqipëri-Kosovë. Ilir Kerni, drejtor i TKOB-së ka qenë disa herë në Kosovë për të realizuar tre premiera që kanë qenë në programin vjetor të Baletit Kombëtar të Kosovës. Në Tiranë do të vijnë vetëm dy prej tyre,  baleti klasik “Balloja e diplomës” dhe ai modern “Dashuria që vret”

KOMITETI PER MBROJTJEN E AUTOQEFALISE: DARKA E POROSIVE, JANULLATOS –VENIZELLOS

by

DEKLARATE PER MEDIAT NGA KISHA ORTODOKSE E PAVARUR KOMBETARE SHQIPTARE SHEN MARIA ELBASAN/

Ftesa  per darke nga Anastas Janullatos per ministrin e Jashtem grek zoti Venizellos eshte tregues i bashkpunimit te ngushte te Janullatosit me shtetin grek ne dem te kishes ortodokse shqiptare.

Ftesa per darke qe ben janullatos ka si qellim te marre mbeshtetje politike nga shteti grek ne emer te kishes shqiptare. Kjo ftese eshte tregues i qarte se Kisha e Janullatosit eshte kishe greke me horizont Vorio-Epir.

Ne e denoncojme kete ftese si kopromentim te kishes ortodokse te Janullatosit ne dem te Shqiperise. Ftesa per darke dhe protokolli i saj, nuk do te njihet kurre nga Kisha ortodokse e vertete shqiptare.

Gjate konsumimit te darkes, eshte biseduar per ngjarjet e fundit ne dem te Shqiperise si Permeti, Kelcyra, eshtrat e ushtareve, ujrat territoriale, investimet, fitimet e bizneseve greke etj.

Kushdo qe ka marre pjese ne ate darke te organizuar nga Janullatos jane  sherbetore te shovinizmit kostant grek ne dem te Shqiperise, shume shpejt do te pergjigjen perpara Kombit shqiptar.

Athina zyrtatre, ende nuk e njeh pavarsine e Kosoves, sepse eshte bashkuar me ata qe duan zhdukjen e kombit shqiptar nga Ballkani.

Mungesa e transparences, dhe mos prania e mediave ne ate darke, darke e helmatisur ne permbajtje, me helmin qe helmoi Petro Nini Luarasin, tregon qarte se ishte nje darke  bosesh e politikanesh, per te marre falenderimet per punen shembullore me skandalet qe po kalojme cdo dite nga prifterinje e sherbetore  me ne krye Janullatosin.

Darka, pervec pergezimeve per pune te mire anti shqiptare ne jug te Shqiperise, sigurisht qe la dhe porosite e reja.

Porosite e darkes Janullatos – Venizellos besoj se kuptohen nga te gjithe. Ato qe do te shohim do te jene ngjarje dhe skandale per te krijuar imazh te rreme dhe negativ per Shqiperine perpara muajit qershor, muaj ne te cilin do te vendoset per statusin e vendit kandidat ne bashkimin europian. Athina nuk duhet te jete kryeqyteti i Ballkanit per integrimin e shteteve si Shqiperia, Kosova, Maqedonia.

Tashme Janullatos veprimet po i ben hapur me darken me Venizellosin si minister i jashtem i Greqise, kjo praktike nuk ka ndodhur me asnje minister te jashtem tjeter.

Koha ka treguar se darkat e posacme nuk dalin per mire, darka qe sjellin fatkeqsi me vone si ajo e Jezus Krishtit, darka e gabuar apo dhe darka Meta-Berisha e shume te tjera.

KOMITETI PER MBROJTJEN E AUTOQEFALISE

LIDHJA E INTELEKTUALEVE ORTODOKSE

FAMULLTARI I KISHES  AT NIKOLLA MARKU

 

Ne Arizona u kremtua solemnisht gjashtevjetori i pavaresise se Kosoves

by

Koncerti festiv kushtuar shenimit te pervjetorit te pavaresise se Kosoves, u karakterizua me nje performance te shkelqyer te kengetareve te mirenjohur nga Kosova,Shkurte Fejza dhe Nysret Mulliqi/

NGA LULZIM MULLIQI/Te organizuar nga komuniteti shqiptar i qytetit Phoenix”Shqipe e Arizones”,shqiptaret e shtetit te Arizones,kremtuan solemnisht,6-vjetorin e pavaresise se Kosoves.Manifestimi kryesor u mbajt ne ambientet e “American Banquet Pallace”ne 19 ave,Thunderberd te qytetit te Phoenix-it,me pjesemarrjen e nje numri te konsiderueshem te shqiptareve nga Kosova,Shqiperia,Maqedonia dhe Mali i Zi.Ne kete manifestim kushtuar pervjetorit te gjashte te pavaresise se Kosoves merrnin pjese shqiptare jo vetem nga Arizona,por edhe nga shtete te tjera si nga Kalifornia,Minesota,Nevada etj.Shenimi i pervjetorit te pavaresise se Kosoves,tashme eshte bere nje tradite e mire edhe per komunitetin shqiptaro-amerikan te shtetit te Arizones,per ta kremtuar ate ne menyre sa me dinjitoze dhe madheshtore.Keshtu gjashte vjet me pare,me 17 shkurt,2008 ne Parlamentin e Kosoves u mbajt nje seance solemne,me e rendesishmja per popullin e saj,ku te zgjedhurit e popullit shpallen krijimin e shtetit te pavarur dhe sovran te Kosoves,qe ishte edhe nje kurorezim i idealeve dhe sakrificave te vashdueshme te popullit te Kosoves per liri dhe pavaresi.Ne kremten e ketij komuniteti te organizuar enkas per 6-vjetorin e pavaresise se Kosoves ishte pergatitur edhe nje program i larmishem kulturo-artistik per te gjithe te pranishmit.Moderatori i mbremjes e hapi kete program festiv duke shprehur mireseardhje per te gjithe te pranishmit,kengetaret,mysafiret dhe te ftuarit e tjere.Ai me pas  ftoi ne skene kengetarin e mirenjohur nga Kosava,Nysret Muqiqin i cili kishte ardhur enkas per t’i argetuar bashkekombasit tane ne kete dite te rendesishme per Kosoven dhe shqiptaret ne pergjithesi.Kengetari,Nysret Muqiqi ne fillim te fjales se tij i pershendeti te gjithe bashkeatdhetaret tane,duke theksuar se pas heronjeve, deshmoreve dhe martireve te kombit,ju diaspora shqiptare e Amerikes jeni me meritoret ne realizimin e lirise dhe pavaresise se Kosoves.”Ju edhe pse jetoni larg atdheut tuaj,me respekt dhe perkushtim te madh i ruani traditat,gjuhen e bukur dhe kulturen e lashte shqiptare”theksoi ai.Me pas kengetari ,Nysret Muqiqi filloi me interpretimin e kengeve atdhetare si kenge kushtuar pavaresise se Kosoves,kenga e flamurit,kenga e Hajredin pashes etj,te cilat zgjuan interesim ne mesin e mergimtareve tane.Zeri i embel,karakteristik dhe melodik i tij shpertheu me duartrokitje dhe ovacione te shumta ne fund te interpretimit virtuoz te tij.Ky koncert festiv i pervjetorit te pavaresise se Kosoves sikur u gjallerua,u freskua dhe mori harene kur para bashkeatdhetareve tane u shfaq,Shkurte Fejza,nje nga kengetaret idhull te shqiptareve te te gjitha viseve tona etnike,te cilet ate e adhurojne pafundesisht.Kengetarje e mirenjohur ,Shkurte Fejza kishte perzgjedhur kenget me te bukura atdhetare nga repertori i saj i pasur per ti argetuar bashkeatdhetaret tane ne kete koncert festiv.Zeri i saj i embel  melankolik dhe karakteristik kumboi fuqishem ne skene kur filloi t’i kendoj kenget e preferuara nga te gjithe shqiptaret si kenga:Mbahu nene,mos ke frike,se ke djemte ne Amerike,pastaj kenge per memedhene,oj,Kosove,oj nena ime,faleminderit Amerike!etj.Pastaj komunikimi midis saj dhe spektatorit ishte mjaft i ngrohet dhe vellazeror,me kete rast  e gjithe salla kendonte shqip,madje edhe duartrokitjet flisnin vetem shqip ne kete feste te paharruar te komunitetit shqiptaro-amerikan te Arizones.Ndersa ne pauzat e krijuara gjate koncertit ajo ka takuar adhurues te shumte te saj ,te cilet deshironin te kishin nga nje fotografi ne kujtim te kesaj feste me kengetaren tone te madhe dhe legjenden e muzikes shqiptare,Shkurte Fejzen.Gjate gjithe ketij koncerti festiv,kengetarje jone e mirenjohur,Shkurte Fejza eshte percjellur me duartrokitje frenetike nga te gjithe te pranishmit ne salle si nje shenje mirenjohje dhe respekti per kenget e bukura qe ajo i dhuroi publikut.Nderkaq,kengetarja jone e madhe cila njihet qe me pasion u ka kenduar trimave,heronjeve dhe martireve te kombit,si dhe bashkimit tone kombetar eshte shprehur se festa e pavaresise se Kosoves dhe festa e flamurit mbeten festat me te dashura per kengetaren,mbase ne kete pervjetor ajo ishte angazhuar neper koncerte te shumta muzikore.Angazhimet e saj kane nisur nga data 14 shkurt,duke performuar ne Toronto te Kanadase,pastaj ne SHBA,si ne: Nju jork,Cikago dhe se fundmi ne kryeqytetin e Arizones-ne Phoenix.Vlene te permendet se kengetares se mirenjohur,Shkurte Fejzes,vitin e kaluar iu eshte akorduar cmimi ” Mjeshter e Madhe ” me motivacionin per arritje dhe suksese te larta ne fushen e krijimtarise muzikore ,nga Presidenti i Republikes se Shqiperise,Bujar Nishani.Kenga dhe zeri interpretues i Shkurte Fejzes do te mbetet ikone e muzikes shqiptare,ajo per 40 vite me radhe mbetet njera nga kengetaret me te sukseshme dhe me brilante te skenes muzikore shqiptare ne pergjithesi.