Featured – Page 788 – Dielli

Një mbrëmje humane në Manhattan:Në ndihmë të Liliana Qose

December 21, 2013 by dgreca

Nga Keze Kozeta Zylo/

Në Manhattan në mjediset e “Inside park at St Bart’s restaurant” komuniteti shqiptaro-amerikan mori pjesë në një koncert human me pjesëmarrjen e shumë artistëve për të qenë pranë dhe ndihmuar zonjën Liljana Qose në momentet më të vështira të jetës së saj, e cila është prekur nga sëmundja e gjirit. Shqiptarë, miq dhe dashamirës të shumtë të Lilit u mblodhën së bashku në koncertin human për të mbështetur familjen Qose. Mbrëmjen e ka hapur z.Deni Blloshmi së bashku me bashkëshorten e tij të cilët ishin dhe organizatorët e këtij koncerti. Zoti Blloshmi ka falënderuar pjesëmarresit dhe tha se të gjithë e dimë përse jemi mbledhur sonte këtu, pasi çdo njeri prej nesh me zemër dhe me mendje është pranë Lilit. Të gjitha kontributet tuaja do të jenë në shërbim të shërimit sa më të shpejtë të saj dhe njëkohësisht në ndihmë të familjes e cila po përballet çdo ditë me vështirësi të ndryshme.

Mbrëmja ka filluar me muzikë shqiptare interpretuar nga artistja e shquar Merita Halili shoqëruar nga mjeshtri i fizarmonikës z.Raif Hyseni dhe orkestra. Edhe pse momentet e para janë të vështira në kësi rastesh, Lili ka gjallëruar atmosferën duke thirrur gjithë miqtë që të vallëzojnë dhe këndojne së bashku. Shpirti artistik i saj nuk mund ta lerë të qetë kur dëgjon tinguj të bukur muzikorë që ajo të mos këndojë dhe vallëzojë. Pas vallëzimit në grup Lili ka qenë në krahët e bashkëshortit të saj z.Luan të cilin e tradhtonte ndonjë pikë loti, por kurajoja dhe buzëqeshja e Lilit bënin që loti i tij të humbiste, të fshihej thellë, pasi ai dhe gjithë shoqëria e saj janë të bindur se Zoti bashkudhëtaren e tij të dashur do ta shëroje sa më shpejt.

Çdo qenie humane që i thotë vehtes njeri tronditet kur dëgjon për ndodhira të dhimbshme, sëmundje të shërueshme dhe të pashërueshme apo tragjedira dhe me siguri kërkon që t’ju ndodhet pranë njerëzve në nevojë. Këtë ndjenë dhe artistët e shumtë që moren pjesë në këtë koncert gala në mbështetje të Lilit. Këngëtarët që debutuan në skenë me zërin e tyre të bukur ishin: Merita dhe Raif Hyseni, Gëzim Nika, Amarda Arkaxhiu, Indrit Mlika, Lindita Halimi, Dëshira dhe Arian Kerliu, Valentina Ajdari, Ledi Vokshi, Did Tezha, Sidola Vataj, Haxhi Dauti nën drejtimin e orkestrës Hermes.

Debutimi i tyre human në skenë të kujton eseistin dhe poetin e famshëm amerikan Ralf Waldo Emerson i cili thotë: “Hape një derë miqësore se e tillë do të vijë pas teje dhe mos u përpiq ta bësh universin një rrugicë të verbër”.

Koha, takimet dhe bisedat me Lilin kalonin shumë shpejt, por emocionante ishte kur Lili së bashku me artistin e mirënjohur Gezim Nika kanë kënduar: Shqipëri o Nëna ime”. Më vonë Lili ka përshëndetur nga skena të gjithë të pranishmit, artistët, organizatorët dhe në emër të familjes së saj ka shprehur mirënjohjen e pakufishme për kontributet e tyre dhe këtë mbrëmje të bukur që po kalonin, të cilën njëkohesisht e bënte atë të ndihej e gëzuar.

Në këtë mbrëmje nderoi me pjesëmarrjen e tij Ansambleisti shqiptaro-amerikan z.Mark Gjonaj i cili të befason me pjesëmarrjen e tij aq aktive në shumë aktivitete të rëndësishme të Komunitetit shqiptar. Zoti Gjonaj, Dr.Xhakli, znj.Qose pranë kamerave të TV Alba Life sensibilizuan gratë shqiptare si dhe të gjithë komunitetin që ta kontrollojne vehten tek mjeku vazhdimisht, pasi shëndeti është pjesa më e domosdoshme e jetës.

Zonja Qose duke qenë e prekur nga sëmundja e shekullit (breast cancer) tregoi përvojën e saj dhe ftoi të gjitha gratë të bëjnë analizat dhe mamogramën në kohën e duhur, pasi kapja e sëmundjes së gjirit në kohën e caktuar e bënë më të thjeshtë dhe më të shërueshme sëmundjen. Dy djemtë simpatikë të Lilit e shikonin në dritë të syrit mamanë e tyre të bukur dhe shprehnin mirënjohjen për pjesëmarrësit në këtë mbrëmje.

Ndërsa motra e Lilit e ardhur nga larg nga Italia ishte tepër e befasuar me miqtë e shumtë, ndërkohë ju kishte dërguar tekste motrave të tjera, të afërmëve të saj se ishte nje mrekulli që njerëz të shumtë i ndodheshin pranë në këto momente të vështira të jetës së saj.

Në fakt kur interviston njerëz që janë të sëmurë në momente të caktuara apo sheh lot në sytë e të afërmëve të tyre, jo rrallë e kam ndërprerë intervistën, çka të bën që për momentin se vazhdon dot. Megjithatë përballë tyre ne jemi njerëz dhe populli thotë se sëmundjet për njerëzit janë, por njëkohësisht të kujton dhe thënien e humanistes botërore, shenjtores shqiptare Nënë Terezës e cila shprehet: “Unë kam gjetur një paradoks që në qoftë se unë të dua deri në dhimbje, atëhere nuk është dhimbje, por është më shumë dashuri”.

Kjo dhimbje që është më shumë dashuri për njerëzit në nevojë, kishte pushtuar zemrat dhe mendjet e pjesëmarrësve që kishin ardhur në këtë koncert dhe mbrëmje humane për miken e tyre Lilin, aktivisten e dalluar, për të cilën të gjithë flisnin fjalë miradie.

Ata u ndanë me urim zemre duke i uruar me gjithë shpirt Lilit:

SHËRIM SA MË TË SHPEJTË!

21 dhjetor, 2013

Manhattan, New York

OKB: Protestë dhe peticion i dibraneve kundra devijimit të Lumit të Radikës

December 20, 2013 by dgreca

Nga Beqir Sina/

OKB : Pranë selisë së OKB-së në Nju Jork, sheshin e njohur Dag Hamarskjold Plaza sot pas dite u mblodhën dhjetra shqiptar, përfaqësues nga disa shoqata dhe organizata të komunitetit për më shumë se dy orë për të protestuar si thanë ata:” kundra Planit të Qeverisë Maqedonase, për të ndrruar rrjedhjën e lumit historik të Radikës, ku uji i këtij lumi sipas planit maqedonas – do të derdhej në Vardar dhe më tej drejt detit Egje, në vend të rrjedhjes natyrore drejt perëndimit.

Protesta ishte organizuar nga Shoqata Atdhetare “Dibra”, e cila i bëri thirrje me anë të medias dhe rrjetit social Fb dhe Twitter, të gjithë shqiptarëve në SHBA, që ti bashkëngjiteshin protestës së ditës së sotme para OKB-së, në mbrojtje të lumit Radika. Megjithëse pjesmarrja ishte e vogël – protestuesit e ngrizën zërin e tyre për një të drejt që thyen edhe ligjet ndërkombëtare, “ajo për kontrollin e ujrave në mes dy shteteve”.

Me këtë rast, pjesëmarrsit nënshkruan edhe një Peticion të Komunitetit Dibran në SHBA i cili do ti dorëzohet në mënyrë zyrtare, të hënën, Sekretarit të Përgjithshëm të OKB-së, Ban Ki Moon dhe zyrës së OKB-së për ujrat (UN Water). Peticioni, është kundër projektit të hidrocentralit “Fusha e Lukovës”, që parashikon ndryshimin e rrjedhës së lumit Radika, duke i`u shmangur rrjedhjes së tij natyrore nëpër Dibër.

Një kopje e këtij peticioni, sqaroi organizatori i kësaj proteste, është paraparë t’i drejtohet edhe Presidentit të Asamblesë së Përgjithshme të OKB, ambasadores amerikane Susan E. Rice në OKB, administratës së Presidentit Obama, si dhe ambasadave të shteteve të mëdha në Kombet e Bashkuara, Britanisë së Madhe, Francës, Gjermanisë e Italisë,etj,.

Protesta fillojë në orën 1:00 të mesditës sipas orës amerikane, dhe 19:00 të mbrëmjes me orën lokale në Dibër të Madhe, ajo zgjati e deri në ora 3 pasdite. Këtë protestë e udhëhiqën anëtarët nga Komisioni organizator, Din Radoveshi, Ylber Pilku, Haxhi Maqellara, që u ngrit në takimin e Shoqatës Atdhetare “Dibra”, javën e kaluar, kryesuar nga kryetari i saj Musa Paçuku.

Protestën me telegrame nga Dibra e Madhe, e përshëndetën dhe Kryetari Komunës së Dibrës së Madhe, maxhistër Ruzhdi Lata dhe Kryetari i Këshllit të Komunës Bashkim Mashkulli

Këtë protestë e hapi këngëtari i njohur dibran Haxhi Maqellara me një përshëndetje rasti. Më pasë dy hymnet kombëtare të Shteteve të Bashkuara të Amerikës dhe Shqipërisë, shënuan zyrtarisht fillimin e protestës e cila u shoqërua më pas me fjalime dhe thirrjet ” Stop Lumit të Radikës”. Kurse e moderojë gazetari i komunitetit Beqir Sina. Peticionin në gjuhën anglisht e lexoi anëtari i kryesisë së shoqatës Dibra zoti Murat Mela. Kurse, telegramet përshëndetëse, i lexoi; zoti Qenan Ame.

Plani të paligjshëm i cili, është miratuar nga qeveria Maqedonase, në kundërshtim me konventat Ndërkombëtare të Ujarave – ruajtjen dhe Mbrojten me Ligj të ujrave natyrore, e quajti në fjalën e tij, kreu i dibranëve Musa Paçuku, pra Planin e Shkupit, i cili sipas tij, është edhe në kundërshtim të papërgjegjëshëm me Ligjet nderkombetar mbi Ujarat (resolution adopted by the UN, 63/124, (2009) anksi, Article 10).

“Ne, shqiptarët e Amerikës, kemi jetuar dhe jetojmë gjithmonë me shetësimet e vëllezërve e motrave tona në vendlindje, tha zoti Paçuku, dhe përcjellim me vëmëndje të madhe çdo gjë që shkon në dëm të popullatës shqiptare, kudo si në Kosovë, Mal të Zi, Maqedoni, Luginën e Preshevës dhe në Çamëri. Ne me protestat tona – por edhe me reagimet tona nuk do të lejojmë që edhe pushtetarët tanë, që për shkak të “kolltukut” të bëhen palë me qeveritaret Maqedonas. Ne do të përkrahim dhe mbështesim pushtetarët dhe politikanët shqiptar, vetëm atëhere, kur at atë jenë njësh me popullin e tyre, të punojnë dhe dëgjojnë popullin e tyre, i cili u ka besuar dhe u ka dhënë votën” tha ai.

“Protestën, theksojë Paçuku, po e mbajmë, mbasi këto ditë janë duke protestuar edhe qytetarët dibranë, pra edhe ne jemi duke iu bashkëngjitur me këtë rast, kërkesave të bashkëqytetarve tanë, në Dibër të Madhe, dhe kryetarit tonë të Komunës së Dibrës së Madhe, zotit Ruzhdi Lata, Këshillit të Komunës, zotit Bashkim Mashkulli, si dhe shoqërisë civile, duke menduar se kjo protest është vetëm fillimi dhe se do vazhdojë deri në arritjen e qëllimit tonë, për të qenë në krah të qytetarve tanë në çdoher që qeverija anashkalon transparencën me qytetarët e Dibrës” tha Paçuku.
Qëndrimin e Shkupit me shqiptarët, sidomos me ata të Dibrës së madhe, kryetari i debranëve në SHBA, e krahasoi me atë të Ish “Jugosllavisë” dy dekada më parë. “Shkupi, tha ai nuk i pyet fare, për shqiptarët dhe për Dibrën, ashtu si vepronte edhe nën ish”Jugosllavinë” që u shkerrmoq dhe nuk egziston më, kur shqiptarët ishin qytetar të dorës së dytë apo të tretë…apo ku di unë si na konsideronin ata atëhere, dhe këta e sot!” theksoi Paçuku.

Dibra e Madhe, në fjalën e Paçukut, është sot nën Maqedoni! dhe ka mbetur për fatkeq ashtu si ishte ajo nën vitet e 90-ta, e ndoshta ma keq kur ishte ish “Jugosllavia” e cila falemintoi, dhe u shkërrmoq, sikur të mos kishte qenë dhe kjo republikë, e cila mbeti si një mbetje e saj me emrin që e thërrasin sot në OKB – Republika e Maqedonis e ish Jugosllavisë, ka ngelur edhe sot pa emër…..?

“Kësaj rradhe, u shpreh kryetari i Shoqatës Atdhetare Dibra, nuk është rasti të flasim për këtë çështje dhe për atë se çfarë bën shqiptarët për këtë shtet, që të ndahet nga e ashtuquajtura “Jogusllavia” dhe 20 vjetëve më parë, se Maqedonia, të shpallte pavarësinë e saj – por që fatkeqësisht mund t’ju them se ky vend që pretendon te jet shtet dhe t’i bashkëngjitet BE, dhe Nato-s, ende ka mbetur pa emër dhe po thirret IRJM, dhe kjo a e dini pse ? falë atij nacionalizmit të sëmurë të Shkupit, dhe sidomos të Kryeministrit ultranacionalist Nikolla Gruevskit, që shpenzon qindra milionë dollar nga parat e popullit të vet, për të mbushur Shkupin me statujat e nacionalizmit Maqedonas, dhe të “Car Dushanit”.

Kryetari i dibranëve, bëri thirrje duke thënë se sot ne Shqiptarët dhe sidmos ne Shqiptarët e Amerikës që jetojmë këtu në vendin kampion të lirisë dhe demokracisë, këtë vend të bekuar Shtetet e Bashkuara të Amerikës, kemi të drejtë të pyesim dhe t’i drejtohemi Shkupit, : “ Çfarë bëri kjo Maqedoni për Shqiptaret, çfar ka bërë për Dibrën tonë! Që të mos mbetet ashtu si na thërrasin neve sot ‘Zorra Qorre” – nën Ish “Jugosllavi” dhe Zorra Qorre, sot nën Maqedoni…!

Në emër të FederatësPan Shqiptare të Amerikës VATRA, protestën e dibranëve, e përshëndeti kryetari i saj Dr. Gjon Buçaj.

I cili, tha se :”Në kohën e tanishme, ne shqiptarët kemi shumë çështje me interes kombëtar, që duhet t’i adresohemi seriozisht,komunitetit ndërkombëtar, por sot ne jemi mbledhur këtu, para OKB-së të ftuar nga Shoqata Atdhetare “Dibra”, për të ngritur zërin tonë të unifikuar në solidaritet me popullin e qytetit të Dibrës së Madhe, të cilët janë të kërcënuar me pasojat e dëmshme nga planii Qeverisë së Maqedoanisë, për të ndërtuar një digë mbi lumin historik të Radika, e cila do të çojë edhe në ndryshimin në rrjedhën e tij natyrore.” Kjo, theksoi ai do të rezultojë në tharjen e lumit Radika në rrugën e saj drejt perëndim, e cila ka qenë një rrugë natyrore e përshkrimit të këtij lumi historik, që është i rrethuar nga fshtarat dhe banorët e tyre do të vuajnë dëmet lehtësisht të parashikueshme, ekonomike dhe ekologjike, të këtij devijimi.
\ “Për mendimin tonë tha kryetari i Vatrës, Dr. Gjon Buçaj, lumi Radika që derdhet në Shqipëri, duke ndryshuar drejtimin e saj tërrjedhës, ka për t’u bërë edhe një çështje ndërkombëtare dhe mund të ndikojë negativisht edhe në marrëdhëniet mes dy vendevefqinje, Shqipërisë dhe Maqedonisë.Prandaj tha kreu i Vatranëve në Shtetet e Bashkuara, le të të bashkohemi të gjithë shqiptarët e Amerikës, duke i bërë thirrje Qeverisë së Maqedonisë për të braktisur planin e saj që do të ketë implikime të padëshiruara tëbrendshme dhe ndërkombëtare.”

Një solidarizim të fuqishëm me dibranët shprehu në fjalën e tij, edhe kryetari i Akademise Shqiptaro Amerikane te Shkencave Porf. dr Skender Kodra. Protestën e përshëndetën edhe ish- kryetari i shoqatës Dibra, zoti Lavderim Cami, kryetari i Fondacionit Palvë e Guci, Esat Gjonbalaj. Zoti Grid Rroji – Kandidat për Ph.D. aktualisht Lektor i Ideologjisë dhe Propagandës në Departamentin e Politikës në Universitetin NYU, përshëndeti në emër të FSHAD. Ndërkohë, edhe Kryetari i Këshillit Kombëtar Shqiptaro-Amerikan, Martin Shkreli, Sekretari i Përgjithshëm i shoqatës Çamëria inxhinier Sali Bollati, dhe Ish Kandidati për Kongresmen Emin Eddie Egriu, Kryetari i PUSH. përshëndetë gjithashtu protestën

. Në emër të komunitetit të artistëve shqiptarë në Amerikë foli Roland Uruçi, producent dhe skenarist me origjinë nga Dibra e Madhe, sikurse edhe Përparim Prapaniku, që në fund foli në emër të komunitetit Dibran në Dibër të Madhe dhe atij në Shtetet e Bashkuara të Amerikës.

President Obama: 2014 is the year of action

December 20, 2013 by dgreca

By: Ermira Babamusta, Ph.D./

Washington DC, White House (December 20, 2013)- This afternoon, President Obama held a press conference at the Brady Press Briefing Room in the White House, to address the nation. President Obama talked about the accomplishments of 2013 and the challenges ahead. The President emphasized successes such as many as 8 million Americans are employed over the past 45 months and millions more are insured despite the problems on the health care website. Employment rates grew at its strongest paste and that overall unemployment has fallen over the 5 years.

The President stated that the economy is stronger than when he first took office. “For the first time in nearly two decades we produce more oil here at home, than we buy. We are heading to a stronger economy next year, with new business growth and new jobs,” said President Obama.

President Obama stated that 2014 is the ‘year of the action’ and he will focus his agenda on bringing more jobs, secure wages for workers that lead to financial security and provide more education opportunities for workers to get the skills they need to get hired.

Looking ahead the President is hopeful to bring immigration reform on a bipartisan front. “We have the task to fix the broken immigration system,” he said and “I will focus my efforts on boosting our economy, attract more investment and bring better opportunities for the middle class.”

On the question regarding Snowden the President replied: “This is an important conversation we needed to have. United States is a country that abides by the rules of law that cares about our civil liberties and constitution. It is important to keep in mind this has done unnecessary damage to US diplomacy and US intelligence. I will leave it to Attorney General to follow up on the issue”.

President Obama also discussed foreign policy stating, “we are also standing up for our interests around the world. We demonstrated principled diplomacy in pursuing new paths for no nuclear weapons in Iran and destroying the stockpiles in Syria.” The president said that by the end of next year more troops will come home. He ended by thanking the men and women overseas for their service, who are spending the holidays away from their families. “We want to thank you! Your country stands united in being grateful for your service and sacrifice,” said President Barack Obama.

Presidenti Obama: Ekonomia amerikane më e fortë se para 5 viteve

December 20, 2013 by dgreca

Nga: Ermira Babamusta, Ph.D., Eksperte e Punëve të Jashtme/

Washington DC, Shtëpia e Bardhë: Të premten me 20 dhjetor 2013, Presidenti Barack Obama dha fjalimin për kombin amerikan me rastin e mbylljes të vitit dhe festave. Takimi u zhvillua tek Shtëpia e Bardhë, dhoma ‘Brady Press Briefing Room’. Presidenti foli për sukseset e vitit 2013 dhe vështirësitë që do hasi përpara. Presidenti theksoi suksese si mbi 8 milion amerikanë janë punësuar gjatë 45 muajve të fundit, dhe miliona të tjerë janë të mbuluar me inshurancë shëndetësore.

Presidenti shtoi se papunësia ka rënë dukshëm gjatë këtyre 5 viteve të fundit dhe se ekonomia është forcuar që kur ai filloi postin e tij si president. “Për herë të parë për këto dy dekada të fundit ne prodhojmë më shumë naftë sesa blejmë nga jashtë. Po e fillojmë vitin e ri me një ekonomi më të fortë, me më shumë biznese dhe vende pune.”

Presidenti Obama tha se 2014 do jetë ‘viti i aksionit’ dhe se do përqendrohet në agjendën e vitit tjetër të sjellë më shumë vende pune, të sigurojë rroga më të larta për sigurim financiar dhe më shumë edukim ku punëtorët të marrin aftësitë e duhura për punë.

Presidenti ka shpresë se do sjelli reformë imigracioni nga të dyja palët, demokrate dhe republikane. “Kemi detyrën për të rregulluar sistemin e imigracionit,” tha Presidenti dhe se “do përqendrohem të rris më shumë ekonominë, të sjell më shumë investime dhe mundësi më të mira për klasën e mesme”.

Për çështjen rreth Snowden Presidenti u shpreh, “Kjo është një bisedë e rëndësishme që duhet të ndodhte. Amerika është një shtet që zbaton ligjin, përkrah të drejtat civile dhe kushtetutën. Ka shkaktuar shumë dëme në diplomacinë amerikane. Këtë çështje e ka në dorë Avokati i Përgjithshëm.”

Presidenti gjithashtu foli edhe për punët e jashtme duke thënë “jemi duke mbrojtur interesat tona nëpër botë. Kemi përdorur diplomaci parimore për të gjetur rrugë të reja për një Iran pa armë bërthamore dhe për të shkatërruar rezervat e Sirisë”. Presidenti u shpreh se nga fundi i vitit tjetër do të sjelli ushtarët në vend si dhe i falenderoi për shërbimin që po i bëjnë vendit nëpër botë duke i falenderuar dhe uruar festat. “Dua t’ju falenderoj. Vendi juaj qëndron i bashkuar në mirënjohjen që kemi për shërbimin dhe sakrificën tuaj,” tha President Obama.

PËLLUMB KULLA PROMOVOI LIBRIN” LUFTË PA FUND”

December 20, 2013 by dgreca

Në Universitetin Europian të Tiranës u promovua përmbledhja publicistike e Pëllumb Kullës. “Luftë pa fund” është botimi më i ri i UET-Press, i cili ka bërë bashkë, siç i quajti botuesi Çili “tre të tmerrshmit” e publicistikës shqiptare të këtyre 20 e ca viteve të fundit, autorin Pëllumb Kulla dhe Mero Bazen e Filip Çakulin që kanë shkruar parathënien. Të pranishëm ishin kryeministri Edi Rama, kreu i FRD-së, Bamir Topi, anëtarë të kabinetit, personalitete të tjerë të politikës, artit dhe medias, në njëfarë mënyre një “inventar miqsh” për autorin.

“Falenderoj me radhë që nga Mustafa Nano që u bë iniciator, te Henri Çili që e përqafoi menjëherë dhe që më bëri një nder shumë të madh, sepse unë e quaj një libër me vlera të mbledhësh tharmin satirik të 20 e ca vjetëve, si dhe drejtoreshën e Botimeve, Valbona Nathanailin. E zgjata qëndrimin në Shqipëri pikërisht që të dilte libri, i cili nuk do kishte dalë pa angazhimin e kaq njerëzve”, tha Kulla gjatë fjalës së tij të shkurtër përshëndetëse. Ndërkohë që botuesi Çili shprehu kënaqësinë e bashkëpunimit me një nga njerëzit e adhuruar së largu në fund të viteve ’80 për modernitetin e përhershëm. Në këtë libër ka pak për çdo shije lexuesish, shkrime politike, fjalime diplomatike, krijime të satirës dhe humorit, publicistikë, shkrime për figura të njohura të Shqipërisë. “Pëllumbi është një publicist “sui generis” sepse lëndën e vet e nakatos me një humor që mua më pëlqen shumë. Unë bëj pjesë te njerëzit e pakët që dinë ta shijojnë humorin e Pëllumbit. Unë vetë nuk shquhem për të bërë humor, por di ta shijoj atë të Pëllumbit. Pëllumbi është një njeri i ledhatuar nga Zoti në një kuptim, sepse Zoti përveç talentit për të bërë humor, i ka dhënë edhe talentin për të shkruar dhe kjo është një bujari që Zoti nuk e shfaq me shumë njerëz. Njerëzit që dinë të bëjnë humor dhe dinë të shkruajnë, janë sipas meje, njerëzit nga më të dobishmit për një shoqëri, sidomos për një shoqëri si e jona”, tha Mustafa Nano gjatë promovimit.

Publicistika, politika dhe satira e Kullës

Ky vëllim i Pëllumb Kullës, i 15-ti për të në gjini të ndryshme, ndryshe shtegtimi i tij nëpër qiellin politik, sjell një përmbledhje të artikujve, letrave, fjalimeve dhe intervistave të tij në këto 20 e ca vitet e fundit. Jo ato që janë të rëndësishme sot, siç thonë autorët e parathënies, por ato që kanë pasur vlerë në atë çast dhe që vazhdojnë të kenë. “Në këtë vëllim, autori ka bërë një shtegtim në jetën e tij dhe ka përzgjedhur në të, jo atë çfarë i intereson sot, por atë që për të ka qenë e rëndësishme kur ka ndodhur. Ky kriter i jep vlerë identitetit të autorit dhe respekton jetën, mendimet, vlerat dhe “marrëzitë” e tij në kohë, pa vrarë mendje nëse sot janë të përshtatshme ose jo”, thuhet në parathënie. Sipas autorëve të saj, Pëllumb Kulla, është nga ata “diktatorë” të skenës politike, artistike dhe publicistike të këtyre 24 viteve që nuk do të fshehë asnjë pjesë të kësaj jete publike, përkundrazi na i sjell ato me “arrogancën” e zotëruesit të së vërtetës dhe vlerave të qëndrueshme dhe si I tillë ai meriton të skanohet nga publiku shqiptar edhe sot, në këtë moshë. “Vëllimi “Luftë pa fund”, është një dëshmi e gjallë e mënyrës se si një intelektual shqiptar ka jetuar diktaturën dhe dështimet e demokracisë. “Libri është një pasqyrë e gjallë e asaj se si një intelektual nuk mund të heshtë, nuk mund të rrijë mënjanë, nuk mund të bëjë sikur nuk e ka mendjen, ose nuk e shikon çfarë po i ndodh shoqërisë së tij edhe kur ai jeton larg saj. Përkushtimi i Pëllumb Kullës ndaj artit, satirës, politikës dhe publicistikës është një standard, i cili i bën mirë shoqërisë shqiptare. I bën sidomos në këtë krizë të rëndë morale që po kalon, ku debati më i madh i saj është për lojërat e fatit, se sa për fatin e kulturës, për ndërtimet pa leje, se sa për ndërtimin e një shoqërie me vlera, për kultivimin e drogës më shumë se sa për kultivimin e dijes dhe kulturës”, thuhet mes të tjerash në parathënie.

Ligji i mercenatit, si mbështetës i vlerave të vërteta

Çakuli dhe Baze ndalen në udhëkryqin ku gjendet sot shoqëria shqiptare, mes banalitetit të komercializmit dhe vlerave të qenësishme që ato kërcënojnë. “Do donim të falenderonim Shtëpinë Botuese të Universitetit Europian të Tiranës, që ka sjellë për publikun kohët e fundit një seri botimesh që nuk bazohet te komercialiteti, por te sistemi i vlerave, një botim i tillë është edhe ‘Lufta pa fund’ i Pëllumb Kullës, i cili është një leksion i hapur për studentët, për gazetarët për intelektualët, për mënyrën si duhet t’i përkasin shoqërisë”, thonë autorët e parathënies, ndryshe një nga “fjalët e vetme të mira ndoshta, thënë nga dy profile që nuk thonë asnjë fjalë të mirë për asgjë dhe asnjëherë”, do komentonte botuesi Çili. Ai shfrytëzoi praninë e Ramës për të propozuar si rregullatorin e trafikut të vlerave dhe jovlerave në këtë udhëkryq të rrëmujshëm, ligjin e mercenatit. “Ndoshta ka ardhur koha që mercenati, ose mbështetja e librave dhe gjithë veprimtarive të tjera kulturore, sportive, të shoqërisë civile të ishte vërtet një veprimtari e mbështetur nga shteti dhe sistemi ynë ligjor dhe fiskal. Kemi një kryeministër që na vjen njëkohësisht nga shoqëria civile, nga arti dhe nga sporti dhe më shumë se secilit do i takonte atij të sillte një erë të re në këtë drejtim, në mënyrë që vërtet të kemi një ekuilibër të ri mes atyre fenomeneve që i prodhon tregu dhe vlerave që shoqëria duhet të gjejë një mënyrë për t’i mbështetur dhe shteti është mbështetësi më i keq, më i dobët, më i padrejtë i këtyre vlerave. Duhet gjetur një mekanizëm nëpërmjet ligjit të mercenatit që sistemi ta bëjë këtë gjë vetë”, tha Çili.

“Shqipëria gjendet në një udhëkryq të rrezikshëm, mes banalitetit dhe komercializimit të vlerave vulgare nga njëra anë, dhe sqimës e sistemit të rrezikuar të vlerave në anën tjetër. Kryqëzimi është historik, pasi në anën e banalitetit dhe komercializimit janë miliona euro në dispozicion dhe një tabor njerëzish pa emër dhe pa fytyrë, kurse në anën tjetër ka pak njerëz që nuk lodhen së treguari se kush është sistemi i vlerave dhe standardi që duhet të respektojë shoqëria, edhe pse nuk paguhen për këtë gjë. Kjo është një betejë që shoqëritë perëndimore e kanë fituar duke hequr dorë nga komercializimi i vulgaritetit dhe duke çuar në bashkëjetesë vlerat me marketingun”, japin ata zgjidhjen që ende nuk ka ardhur në Shqipëri, për të cilën botuesi Çili propozoi një mekanizëm vetërregullues të sistemit.