Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Miku është i shejtë….

by

Miku është i shejtë për shqiptarët dhe Amerika do të jetë përgjithmonë e tillë/ 
Nga Jahja LLUKA/
Sa herë flasim për Amerikën, ne shqiptarët kemi emocion të veçantë i cili me kalimin e kohës sa vjen e forcohet. Ndoshta nga fakti që ne si komb jemi s’provuar shumë duke qenë në armiqësi të përhershme me fqinjët tanë në Ballkan, dikur ka qenë e pamundur të mendohet se do arrinim aleance dhe miqësi me një komb të madh si ai amerikan. Por në çaste kritike për kombin tonë, politika amerikane ka qenë shpëtim për ne. Ndërkaq me 1999′ veç politikës dhe populli amerikan tregoi gatishmëri në raport me shqiptarët të cilët nga vuajtja dhunshëm kishin marrë rrugën e pakthim. Sot në 242 vjetorin e Pavarësisë, dua të shprehë falenderimin tim,ndaj SHBA-ve, sepse po të mos kishim përkrahjen e tyre do ishte i pamundur shtet-formimi i Kosovës, vuajten tonë dhe saktificën të cilen e dhamë për liri, Amerika e çmoi, duke na hapur derën në çastin më kritik në historinë tonë më të re. Andaj tani e jona është që të ndjekim rrugën tonë duke marrë shembull demokracinë amerikane dhe shtet-ndërtimin. Miku ka qenë dhe është i shejtë për shqiptarët dhe Amerika do të jetë përhere e tillë. Uroj që në rrugëtimin tonë si kombe dhe shtete të lira, do arrijmë ti përmbushim objektivat tona. 4 Korriku është festë dhe e kombit shqiptarë.

Ngjarja e 2 korrikut 1990, paraqet një akt sublim në historinë më të re shqiptare

by

Nga Jahja LLUKA/1Kuvendi-Qeveria-foto-Gazeta-DIELLI-Behlul-Jashari
Një shekull robëri nuk arriti ta shuaj etjen e një populli shqiponjash që të zgjidhin krahët e tyre nga regjimi serbo -sllavë. Kombe dhe popuj janë shuar, janë harruar gjuhë e kultura, duke mos i qëndruar vuajtjeve dhe torturave. Fatin i tillë e patëm dhe ne por me një dallim, sepse në vuajtet e mëdha, kombi ynë nuk u shua por u rritë. Një dhimbje shekullore u shenjtërua në forcë edhe atëherë kur këmbanat binin në melodinë e qyqeve. Në çaste kritike kur gjithë skenaret e historisë dhe rrethanave botërore shkruheshin me gjakun tonë, një energji thyente ligjet duke i dhënë goditje të keqes që haptas donte të përbijë gjithçka shqiptare. Një frymë mençurie dhe atdhedashurie na mbajti edhe atëherë kur çasti vinte rrëmbyeshëm duke na e mohuar vet ekzistencën. Me 2 Korrik 1990, Kosova ishte para një faze kritike dhe jo vetëm sikurse asgjë nuk mjaftonte për ti shtruar zullumin një populli që pikonte gjak. Duhej guxim dhe mprehtësi për të marrë vendime që kushtonin me jetë. Duhej sakrificë për të çelur derën e s’ë ardhmes e cila nuk shihej në horizont sepse një sistemi të madh sikur ai i ish -Jugosllavisë, kishin filluar ti dridhen themelet. Fati i shqiptarëve të Kosovës matej si një fije e hollë peri e cila nëse këputej do sillte pasoja të hidhuna për Ballkanin dhe Evropën. Për ta filluar një lëvizje dhe për të marrë fatin -e një populli mbi supe duhej guxim i rrallë, urtësi dhe saktificë deri në vetëflijim. Delegatët e atëhershëm të Kuvendit të Kosovës ishin të vetëdijshëm për rrethanat në të cilat gjendeshin e që kishte vetëm dy mundësi : heshtje përballë fatkeqsive të regjimit serb apo lëvizje revolucionare e cila poashtu do të ngjizte dhe të tjera pasoja, faturën e të cilave do e paguanin shqiptarët. Me gjithë këtë guximi për të miratuar publikisht Deklaratën Kushtetuese, me të cilën Kosova u shpallë njësi e veçantë në kuadër të federatës jugosllave, paraqet një akt sublim. Dy muaj më pas me 7 shtator të njejtët delegatë nxorën aktin më të lartë juridik -Kushtetutën e Republikës s’ë Kosovës, vendim ky që formalisht i dha Kosovës statusin e Republikës. Këto ngjarje në historinë tonë më të re duhet trajtuar në mënyrë të veçantë, sepse pas tyre filluan lëvizjet e gjëra me karakter popullor të cilat kishin një synim të përbashkët “rrënimin e regjimit serbo-sllavë” deri në pavarësinë e Kosovës e cila ishte mohuar një shekull vuajtje, lotë, gjak e robni. Populli shqiptarë u tregua largpamës dhe I matur sepse ndryshe do ishte e pamundur të mbijetonin n’ato kohë.

Specialistja-Si mund të ndikojë televizioni në ushqyerjen e fëmijës tuaj?

by

Shumica e fëmijëve e kalojnë një pjesë të madhe të kohës së tyre përpara televizorit. Ata, zakonisht, shohin reklama që promovojnë ushqime ose pije të ndryshme dhe kjo mund të ndikojë tek preferencat e tyre.

1 AjsheShkruan: AJSHE LEKA/

Disa nga ushqimet e reklamuara nuk mund të jenë pjesë e ditës së të ushqyerit të shëndetshëm për trurin dhe trupin e tyre. Shumë prej ushqimeve, siç janë ushqimet e shpejta (fast food), patatinat dhe pijet e gazuara, duke e pasur parasysh se përmbajnë yndyra të larta, kanë shtesa të sheqernave, natrium dhe kalori, kurse shpesh u mungojnë vitaminat, mineralet dhe fibrat dietale.

Si mund të përballohen tundimet televizive dhe të nxitet të ushqyerit e shëndetshëm?

1.Shmangeni shikimin e televizorit gjatë kohës së ngrënies. Si familje, mund të dakordoheni të mos shikoni TV (ose të përdorni pajisje të tjera elektronike) gjatë kohës së ngrënies.

2.Hani së bashku rregullisht, sepse kështu keni mundësi për të promovuar ushqim të shëndetshëm dhe lidhje familjare.

3.Shikoni programe të fëmijëve pa reklama. Merrni në konsideratë blerjen ose huazimin e DVD-ve për fëmijë, ose regjistrimin e programeve, në mënyrë që të ecni përpara përmes reklamave.

4.Kaloni kohë së bashku duke mësuar rreth ushqimeve. Provoni të vizitoni apo punoni në një kopsht, të vizitoni tregun e një fermeri ose të shihni pjesën e prodhuar në dyqan ushqimor.

5.Fëmijët më të rritur mund të mësohen se si të kontrollojnë etiketën e të dhënave të një prodhimi dhe të ndihmojnë në blerjen e ushqimeve të shëndetshme.

6.Përfshini fëmijët në kuzhinë. Fëmijët e vegjël kanë gatishmëri për të mësuar dhe një dëshirë të sinqertë për të ndihmuar. Kjo është një mënyrë e mirë për të rritur sigurinë e ushqyerjes përmes larjes së duarve para përgatitjes ose përdorimit të ushqimit si dhe caktimit të detyrave të thjeshta, si vendosja e tryezës ose heqja e gjetheve të maruleve për një sallatë.

7.Vendosni kufij sa i përket kohës së qëndrimit para ekranit, sepse fëmijët e të gjitha moshave kanë prirje të shpenzojnë më shumë orë para televizorit dhe pajisjeve të tjera elektronike, nëse lihen pa kontroll, pavarësisht se disa prej këtyre programeve mund të jenë edukative. Dilemat dhe shqetësimet mbeten në faktin se sa mund të ndikojë kjo në shëndetin dhe zhvillimin e fëmijëve.

Akademia Amerikane e Pediatrisë rekomandon jo më shumë se një orë në ditë qëndrim para ekranit për fëmijët 2-5 vjeç dhe përdorimin e një plani mediatik për fëmijët e moshës shkollore.

Fëmijët mësojnë shumë duke vëzhguar thjesht të tjerët. Një prind, duke zgjedhur ushqime dhe pije të shëndetshme, duke kufizuar përdorimin e pajisjeve elektronike, mund të bëhet një shembull i mirë për fëmijët e tij.

…………………………

(Autorja është konsulentë për nutricion dhe dietologji: fb.com/nutricistedietologe ) 

KOSOVA JUBILE, 10 VJET SHTET ME HIMN

by

KOSOVA JUBILE, 10 VJET SHTET ME HIMN(PA TEKST)/

Himni-Kosove

-Kosova në jubileun e parë të Pavarësisë 10 vjet edhe me Himn Shtetëror/

 -Himni i Kosovës ka edhe tekstin, por Limitet e Pakos Ahtisari e kane censuruar/

PRISHTINË,  11 Qershor 2018-Gazeta DIELLI-Behlul JASHARI/ Në vitin e 10 vjetorit të shpalljes së  Pavarësisë së Kosovës në 17 shkurtin historik 2008 edhe Himni Shtetëror i Republikës së Kosovës mbush poashtu 10 vjet nga miratimi në Kuvendin e shtetit të ri.

Propozimi me shifrën “Europa” u miratua pikërisht para 10 viteve në 11 qershor 2008 në një seancë të veçantë të Kuvendit 120 anëtarësh si Himn shtetëror i Republikës së Kosovës, me 72 vota pro, 15 kundër dhe 5 abstenime.

Kompozitori Mendi Mengjiqi është autor i melodisë pa tekst, e përzgjedhur mes 134 propozimeve të paraqitura në konkursin publik për Himnin.

Komisioni për Simbolet Shtetërore të Kosovës kishte dërguar në Kuvend tre propozime, ndërsa Kryesia e Kuvendit dhe shefat e grupeve parlamentare nxorën në votim vetëm propozimin e parë – melodinë me shifrën “Europa”.
Në seancë plenare, deputetët u ngritën më këmbë për të nderuar Himnin e Republikës së Kosovës, të transmetuar në sallën e Kuvendit.
Në prag të 15 qershorit 2008, ditës së hyrjes në fuqi të Kushtetutës, shteti i ri i Kosovës me Himnin i plotësoi simbolet shtetërore, pasi Kuvendi kishte miratuar edhe Flamurin e Stemën që në 17 shkurt, në ditën e shpalljes së Pavarësisë.

Himni Shtetëror i Republikës së Kosovës kishte një konkurrencë të madhe,  nga 134 propozimet 110 ishin nga Kosova, ndërsa 24 nga shtetet tjera të botës: 7 prej Francës, 5 prej Shqipërisë, nga 2 prej Gjermanisë, Suedisë e Sllovenisë,  nga 1 prej SHBA-së, Britanisë së Madhe, Holandës, Rusisë, Zelandës së Re dhe Kroacisë.

Autori i Himnit, kompozitori Mengjiqi  menjëherë pas miratimit të melodisë ka thënë se pret që me kohë ajo të bëhet edhe me tekst.

 “Kur e kam punuar këtë himn tërë kohën kam menduar në tekst dhe me kohë ma merr mendja do  t’u mbetet poetëve që të shkruajnë vargjet për këtë muzikë”, ka thënë autori.

“Himni është një vepër solemne dhe ekzekutohet nëpër raste të veçanta,  duhet të jetë muzikë e mburrjes, e krenarisë, muzikë e paqes, dhe këtë ma merr mendja se e kam thënë përmes muzikës”, ka deklaruar Mengjiqi.

“Himni i Kosovës e ka tekstin”, ka shkruar shtypi kosovar në 6 vjetorin e shpalljes së Pavarësisë duke bërë të ditur se në fakt kur ishte propozuar melodia nga autori Mendi Mengjiqi, ajo shoqërohej edhe me vargje.

“Për shkak të limiteve të vendosura nga Pakoja e Ahtisaarit, komisioni përzgjedhës ishte detyruar që të heq tekstin”, shkruante shtypi, duke shtuar se “tashmë që kjo pako i takon së kaluarës, ka ardhur koha që qytetarët e Kosovës të mësojnë edhe tekstin e bukur që i kushtohet dashurisë për mëmëdheun”.

HIMNI I KOSOVËS

O mëmëdhe i dashur, vend i trimnisë

Çerdhe e dashurisë

N`ty shqipet fluturojnë dhe yjet ndriçojnë

Vend i të parëve tonë

Ti qofsh bekue për jetë e mot

O nënë e jonë

Ne të dalim zot

O mëmëdhe i dashur, vend i trimnisë

Çerdhe e dashurisë

Kosova para 10 vitesh u bë me Himn Shtetëror edhe në prag të Ditës së Lirisë – 12 Qershorit, ditës kur në vitin 1999 nisën të hyjnë forcat shpëtimtare të NATO-s.

Në 2018-tën e 19 vjetorit të Lirisë e të 9 vjetorit të  Himnit, Kosova me Pavarësinë e shpallur në 17 Shkurtin historik 2008 është e njohur deri sot nga 116 shtete të botës – anëtare të OKB-së.

Vazhdimësi

by

1 Astrit Lulushi

Nga Astrit Lulushi/

Të besosh do të thotë të mendosh, imagjinosh, dyshosh, supozosh, të arrish në një përfundim, të kuptosh. Besimi është pjesë e formimit të integritetit, i cili është thelbi i karakterit. Të besosh në diçka dhe të mos e jetosh, është e pandershme, e pafalshme ndaj vetes e tjetrit dhe ndaj jetës. Ndonëse ligjvënësit e politikanët, trashëgues të një regjimi të poshtër tiranik, përpiqen sot të shkatërrojnë qëllimisht çdo gjë që prekin, ata e vendosin veten në gjendje lufte me njerëzit, të cilët janë të çliruar nga çdo bindje, ose janë lënë për t’i zgjidhur problemet e tyre duke kërkuar çdo mënyrë, ose rrugën jashtë vendit, për të mbijetuar. Këto 30 vitet e fundit kanë treguar se e vërteta është më e rëndësishme se sa pasojat. Kjo është një nga gjërat më të vështira për t’u mësuar, ashtu si gënjeshtra nuk mund të na shpëtojë nga një gënjeshtër tjetër, prandaj dhe kjo gjendje vazhdon.