Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

HIPOKRIZI E CINIZËM

by

1 Sabit Abdyl
Shkruan: Sabit Abdyli/
S’ka prototip hipokrizie më të përkryer se qëndrimi hipokrit i Serbisë në bisedimet me Kosovën në Bruksel. Hipokrizi e cinizëm i llojit të vetë  është  ulja e tyre  në tavolinë për të biseduar sa për sy e faqe, nënshkrimin e marrëveshjeve dhe mos jetësimit e tyre kurrë , fituar në kohë, me shpresa mos po del diçka më shumë, shtirur se është për marrëveshje në sy të botës dhe pas shpine punon 24 orë pandërprerë kundër Kosovës e shqiptarëve me gjitha forcat politike, ekonomike, fetare, kulturore (përfshirë këtu edhe  sportin) etj. Hipokrizi e llojit të vet se Serbia është pro Evropës dhe do të jetë pjesë e saj. (do të jetë pjesë e Evropës vetëm për të zhvatur fonde prej saj se me zemër dihet me kënd është). Deri sa bisedon në Bruksel, diplomacia e jashtme serbe me krejt qenien e saj angazhohet te  shtetet (ku mundet) për të mos pranuar Kosovën (te ato që ende nuk e kanë njohur) e për të tërhequr njohjet (te ato që e kanë njohur), pengojë anëtarësimin në asociacionet ndërkombëtare, mohojë gjenocidin, mbajnë të vrarit fshehur ne varreza masive, ngrehin fletë padi fals për shqiptarët, pengojnë lëvizjen e lirë, financojnë ekstremizmin fetar, bëjnë propagandë, presion ndaj serbëve në Kosovë të mos pranojnë shtetin në të cilin jetojnë dhe gëzojnë të gjitha të drejtat. Cinizëm e përtej është edhe për Kosovën të bisedojë e mendoj se po zgjidh problemet me ata që ishin pjesë e qeverisë që vrau e shkatërroi, masakroi e nxori nga shtëpitë e tyre një milion shqiptarë dhunshëm, minoi rrugë, fusha e sheshe dhe për gjitha këto mizori nuk kërkoi falje, por përkundrazi avancon në pozita kriminelë lufte, madhëron e mbanë si heronj. Cinizëm e përtej janë lëshimet e Evropës Serbisë, cinizëm e përtej është i Evropës që Kosovën e gabimet e saja i shikon me llupë dhe e mban mbyllur. Cinizëm e përtej është krekosja e Kosovës se me dialog Kosova po fiton, se kemi arritje të mëdha, se shpejt do hiqen vizat, se asociacioni i komunave serbe nuk prek shtetësinë e Kosovës, se korrupsioni po luftohet, se do bëhen korrigjime në lidhje me demarkacionin me Malin e Zi, se po hapen vende pune etj. Evropa ndërmjetësues e di realitetin, di metodat efikase, po vazhdojnë ta le në lojë “shtegun hapur” për përfitime të veta ose presin kohën e pakushtueshme për “mbylljen e shtegut”  të dobishme edhe për ta.
Maj, 2018

Diktaturë në veprim

by

Nga Astrit Lulushi/

Jeta në tokë qarkullon. Besëtytënitë, legjendat janë të lidhura me realitetin. Njeriu, kjo qenie e vetëvënë në qendër, s’është gjë tjetër veçse si çdo gjë në tokë. Shpirti kalon nga trupi në trup pas vdekjes, pavarësisht nëse është njeri a kafshë. Kur themi se kafsha mendon, bëjmë historinë tonë, dhe kafsha bën historinë e saj. Historia është e përbashkët. Të dy janë robër të këtij planeti, edhe ky vetë i mbyllur në qeli, sepse gjithësia s’është gjë tjetër veçse një burg pa anë e pafund. Prandaj ekzistojnë edhe mendime të shumta, sepse njeriu në vetmi ka kohë të mendojë.
Natyra është varr i njeriut. Njeriu ha kafshën dhe në fund kafsha bluan njeriun. Çdo gjë riclikohet. E bukura bëhet e shëmtuar dhe anasjelltas. Trupi është asgjë. Shpirti endet. Aty ku fryma hyn sendi vihet në jetë, jo vetëm njeriun, por çdo gjë. Kur fryn erë, gjethet e pemës lëvizin, për ndryshe, ato qëndrojnë në vend, bëhen pa mendim, siç ndodh me trupin pa jetë të njeriut.

Në histori ka periudha përkohësisht pa jetë, pavarësisht se si duam t’i paraqesim. Në historinë e ndonjë vendi ka edhe periudha të vdekura. Vdekja vjen kur trupi dekompozohet, kalbet. Kështu ndodh me një vend që nuk di të përtërihet, apo kur mësohet me gjendjen e nderë. Diktatura shënon gjendjen e vdekur. Asgjë nuk lëviz, çdo gjë paralizohet nga frika. Askush nuk është i qetë a i lumtur në kuptimin e vërtetë të fjalës, madje as diktatori, për të cilin, pas vdekjes, thonë se mjekët e tij e vranë. Jeta e një tirani, krahasuar me jetën e nje njeriu të thjeshtë, është aq e dëshpëruar sa pas krimeve në masë, atij nuk i mbetet gjë tjetër veç të vrasë veten. Prandaj, edhe nëse vdes natyrëshëm, gjithmonë dalin zëra që thonë se krey vetëvrasje. Këto nuk janë thjesht analogji. Edhe shkrimtarët dhe autorët e çdo gjëje artistike të periudhës depresive nën diktaturë i shërbyen qëllimit për ta bërë diktatorin të ndjehej mirë kur ky ishte i dëshpëruar. Veprat e tyre ishin fjalime drejtuar diktatorit nga njerëz plotësisht nën thundrën e tij. Ato vështirë se ishin të sinqerta, prandaj sot duhen hedhur poshtë si të rreme e të turpshme. Çdo gjë filloi me propagandë, dhe vetëm me shfarosjen e saj, kjo periudhë helmuese në rrënjë mund të marrë fund, përndryshe diktatura vazhdon.

Dhjetëra imamë do t’iu ligjërojnë të dënuarve kundër terrorizmit

by

1 ImametNe Foto: Xhamia Sultan Mehmet Fatih në Prishtinë./

Ndërkohë, kreu i Bashkësisë Islame të Kosovës, Naim Tërnava tha se BIK-u, do të jetë i angazhuar në dhënien e kontributit në luftimin e çfarëdo forme të radikalizmit fetar.
Tërnava është shprehur i bindur se të 20-të imamët e përzgjedhur do të ndihmojnë në deradikalizimin e të burgosurve pasi sipas tij radikalizmi dhe ekstremizmi fetar nuk kanë asnjë lidhje me Islamin.
Personat që u kthyen nga zonat e konfliktit u përballën me procese gjyqësore, dhe disa prej tyre tashmë janë duke vuajtur dënimet.

Të pabesët dhe të pafetë bëjnë të pabesueshmen!

by

Albina Deda Gjoci: Të pabesët dhe të pafetë bëjnë të pabesueshmen!.

1-albina-deda1 Komunistet

E tronditur si nënë vendosa të reagoj me neveri ndaj një statusi sa shpirtëzi po aq dhe me ngjyrat histeriko-politike të një eksponenteje të ‘Rilindjes’ së Edi Ramës me emrin Genta Kaloçi.

Ajo përqeshi dhe proklamoi gëzimin e saj që tejkalon tmerrin human për humbjen e jetës së një të riu 18 vjeçar-djalë i vetëm i poeteshës e shkrimtares Flutura Açka.Nuk kam fjalë të them dhe as mallkime nuk përdor se nuk janë fjalor i genit tonë.Veç për diçka të rëndë e të zezë po i paralajmëroj shqiptarët njerëzisht dhe politikisht.Monstra Kaloçi dhe monstruoziteti i saj nuk janë lajthitje personale. Aspak.Aq sa nuk ishte rrugaçëri individuale përfshirja e Sajmir Tahirit në kanabizimin e vendit.

Është taktikë e strategji e cila tashmë ka dalë në sipërfaqe.

Është hakmarrje e enveristëve dhe kryeperversit enverist Edvin Rama kundër shtresës më fisnike, më krenare e më të vuajtur të kundërshtarëve të regjimit diktatorial.Kaloçja e Edvinit nuk përbën sensasion se kryekaloçi i Kristaqit e Spiro Kolekës është kryeministër, ndërsa kaloçët e tjerë të qeverisë janë bijtë biologjikë të bllokmenëve duke filluar nga nipat e Hysni Kapos e deri te vajza e Llambi Gegpriftit.Ndaj dhe reagimi i Genta Kaloçit le të përcillet jo vetëm me neveri por me një zgjim ndjenje të veçantë ndaj asaj që po instalohet:

Diktatura e krimit shpirtëror dhe e luftës së re të klasave.

Këta nuk janë injorantët e partizanë kriminelë të ish-zonës së parë operative të veshur me rroba të robërve italianë të pushkatuar, por bijtë e tyre miliarderë të ngjyrosur e kapardisur me ‘Valentino’ e ‘Armani’!

NDRYSHIMI

by

1 Astrit Lulushi

Nga Astrit Lulushi/

Si valë të vogla që formohen në lumë, kështu janë lëvizjet e ndryshimit; proces i vazhdueshëm, i thyer në forma të tjera nga goditjet me pengesa. Kjo jep arsyen pse ndryshimi duhet të jetë ose i vërtetë a i plotë, ose hiç fare; ndryshe nga ëndrra e keqe gjatë gjumit pas ngrënies. Ndryshimi pasqyrohet qartë vetëm kur lëvizja e valëve pushon. Në periudhën kur njeriu fle dhe trupi bie në qetësi, pamjet e ëndrrave në tru reflektohen duke shfaqur imazhet e pamjeve të ditës. Në këto ëndrra, herë herë njeriu duket i hutuar, i çuditshëm, palidhje, i ethshëm, a si i dehur. Ka ëndrra që nxisin e frymëzojnë. Ka edhe nga ato që shkaktojnë trazira e shqetësim. Këto të fundit i ngjajnë ndryshimit që shfaqet si imazh i pasqyruar në mënyrë plotësisht të shtrembëruar, duke sjellë pamje krejt ndryshe nga origjinali. Ndryshimi i vërtetë, që duhej të ishte shfaqur, ende nuk ka ardhur.