Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJOFTIM PER TE PAME

by

GANIUNjoftohet Komuniteti Shqiptar se me rastin e ndarjes së parakohshme nga Jeta e më së dashurës së tyre BUKURIE( TREZHNJEVA) HAXHAJ(1 GUSHT 1966-29 PRILL 2017), e cila u varros në Nju Jork, me nderime nga Familja, të afërmit, miqtë dhe dashamirët e Familjes HAXHAJ nga Fshati BEGAJ i rrethit të Tropojës me datën 2 Maj 2017.

Familja HAXHAJ me Kushërinj dhe të Afërm të Famijes hapin të  PAME për Burra dhe Gra, të DIELËN me 21 MAJ 2017, prej orës 10.00 AM deri në 5.00 PM në EastWood Manor .

ADRESA: 3371 EASTCHESTER ROAD, BRONX, NY 10469

TEL I FAMILJES: 646-271-4275(Dielli)

ISIS masakron dhjetëra gra dhe fëmijë, copëton trupat

by

Ekstremistët e të ashtuquajturit Shteti Islamik kanë ekzekutuar dhe më pas kanë copëtuar trupat e dhjetëra grave dhe fëmijëve mes frikës grupi terrorist po planifikon një valë masakrash në fshatrat shiite.1 ISIS

Ekstremistët i prenë kokën disa të burgosurve dhe përdorën tulla për të vrarë fëmijët përpara se të copëtoheshin nga gjymtyrët e tyre gjatë sulmeve të tmerrshme në provincën në Hama në Sirinë qendrore.

Më shimë se 50 persona mbetën të vrarë, përfshirë 24 gra dhe fëmijë në fshatra ku shumica e banorëve i përkasin degës Ismaili, pjesë e rrymës shiite.

Kjo ka ngritur frikën e një mizorie të re që pasqyron ato të kryera më herët ndaj komuniteteve të tjera përfshirë pakicat etnike Yazidi në Siri dhe Irak. Fshatrat, Aqareb dhe Al-Mabujeh, janë të vendosura pranë qytetit Salamiyeh dhe autostradës që lidh kryeqytetin, Damaskun, në qytetin verior të Aleppos.

Të dy fshatrat janë shtëpi për anëtarët e disa sekteve të pakicave fetare, dhe Al-Mabujeh është vënë në shënjestër nga IS përpara.

Në mars të vitit 2015, grupi vrau dhjetëra njerëz dhe rrëmbeu rreth 50 civilë në një sulm atje.

Raportet e medias dhe mjekët në zonë thanë se disa nga ata që u vranë në bastisjen e fundit ishin prerë koka dhe të tjerët u copëtuan.

Të paktën tre nga civilët, një burrë dhe dy fëmijët e tij, u ekzekutuan me thika, sipas Observatorit Sirian për të Drejtat e Njeriut me bazë në Britani.

Ekstremistët e ISIS-it janë të njohur për gjymtimin e trupave të kundërshtarëve të tyre, veçanërisht të pjesëtarëve të sekteve të tjera sesa islamit sunit.

UNIONI I JURISTEVE TE PAVARUR KERKON DOREHEQJEN E TOTOZANIT

by

L E T Ë R   E   H A P U R  /*

 Drejtuar: Z. IGLI TOTOZANI/

2 igli TotozaniKRYETAR I KOMISIONIT TE PAVARUR  AD-HOC PER REFORMEN NE DREJTESI  /

UNIONI I JURISTEVE TE PAVARUR TE SHQIPERISE/

 Veprimtaria e te cilit është e fokusuar ne :

  1. Pavarësinë e Pushtetit Gjyqësor.
  2. Mbrojtjen e Lirive dhe te Drejtave të Njeriut .
  3. Luftën kundër korrupsionit dhe abuzimit me pushtetin.
  4. Ngritjen e imazhit , profesionalizmit dhe rolit te Juristeve Shqiptare është ne dijeni te fakteve si me poshtë:

Ju me cilësinë e kryetarit te Komisionit te Pavarur Ad – Hoc  për Reformën ne Drejtësi keni emëruar z. Arian Salati ,si anëtar nga radhët e Avokatisë, i cili rezulton si e provuar plotësisht dhe botërisht se është avokati i familjes së Kryetarit te Ekzekutivit Shqiptar dhe i propozuar nga Ai ne disa borde Ekzekutive .

Caktimi i tij nga ana Juaj, cenon rende pavarësinë dhe integritetin e procesit dhe për pasoje pavarësinë e pushtetit gjyqësor, duke e vene nen kontroll te pushtetit ekzekutiv e partiak , dhe kjo vërteton se edhe ju jeni nen ndikim dhe varësi te ekzekutivit .

Kjo është me se e mjaftueshme për te kërkuar largimin e menjëhershëm të z. Salati nga ky komision.

Ky fakt të ngarkon me përgjegjësi për te vepruar menjëherë . Por dhe me kaq Ju keni përgjegjësi morale publike ndoshta edhe ligjore për cenimin e procesit ne kundërshtim me parimet e ndarjes se pushteteve dhe qëllimit te reformës. Ne jemi duke mbledhur fakte nëse z. Salati, është emëruar konform nenit 23/c te ligjit 115/2016 dhe ne përfundim te analizimit te fakteve do te veprojnë sipas ligjeve ne fuqi dhe moralit publik .

Gjithashtu jemi ne dijeni te faktit te njohur botërisht se juve  ju ka mbaruar mandati si Avokat i Popullit me 23.12.2016 dhe sipas nenit 61 te Kushtetutës nuk keni te drejtë për te marre vendime madje as për te qëndruar simbolikisht në detyrë. Si Jurist “i spikatur”  duhet te kishit dorëzuar detyrën me 23.12.2016 dhe t’i tregonit politikes dhe popullit qe i “shërbeve” se ne Juristet respektojmë Kushtetutën Aktin Themeltar te Shtetit .

Mos largimi juaj ne afatin kushtetues nga detyra ul imazhin dhe emrin e juristeve ne përgjithësi dhe me veprimet tuaja jashtë afateve kushtetuese , për të vepruar po dëmtoni dhe cënoni pavarësinë e pushtetit gjyqësor . Vendimet tuaja shërbejnë si fakte juridike ,te cilat jemi duke i  analizuar nëse je subjekt i veprës penale te parashikuar nga neni 249  i Kodit Penal. E  gjitha kjo tregon bindshëm dhe pa asnjë ekuivok se integriteti juaj nuk mund te vlerësoje integritetin e kandidateve për anëtarë te KLP dhe KLGJ etj, prandaj i vetmi akt qe duhet te merrni menjëherë është dorëheqja juaj, qe shpëton procesin e reformës nga kontrolli partiak e ekzekutiv dhe nga delegjitimiteti, akt qe na nderon te gjithëve si Juriste, akt që të nderon edhe ty, por nuk te shpëton nga përgjegjësia morale, publike, ndoshta dhe ligjore. Duke u bazuar në parimet e ndarjes se pushteteve dhe parimet e drejtësisë si legjitimiteti, paanësia dhe sidomos pavarësia, UJPSH duke u nisur nga qëllimi dhe misioni i organizatës dhe sidomos nga interesi i larte publik e shtetëror, për mos cenimin e mëtejshëm te pavarësisë dhe integritetit te procesit te Reformës se Drejtësisë me qëllim konsolidimin e pushtetit gjyqësor dhe te pavarësie se tij ne veçanti dhe si rrjedhim të shtetit të së drejtës në përgjithësi publikisht ju kërkojmë ;

  • Dorëheqjen Tuaj te menjëhershme Zoti  Totozani .

Tiranë me 18.05.2017

UNIONI I JURISTEVE TE PAVARUR TE SHQIPERISE

 * Derguar ne Redaksine e Diellit me 17 Maj 2017

David McAllister i kënaqur me Shqipërinë

by

Europarlamentari David McCallister përshëndeti arritjen e ujdisë mes kryeministrit Rama e kreut të opozitës, Basha. Edhe agjencia gjermane e lajmeve, dpa shkruan mbi dhënien fund të krizës politike në Shqipëri.

Brüssel Mitglieder der europäschen Parlament (DW)

Zv. Presidenti i Partive Popullore Evropiane, iniciatori i marrëveshjes Rama – Basha, David McCallister reagoi për herë të parë, disa orë pasi Rama dhe Basha gjetën gjuhën e përbashkët duke i dhënë fund krizës politike David McCallister, paketa e të cilit, me disa integrime të reja, solli edhe rezultatin e shumëpritur. Ai shkruan se është i kënaqur që përpjekjet e tij, të BE-së dhe SHBA-ve i dhanë fund krizës.

“Unë jam i kënaqur që përpjekjet dhe ndërmjetësimi i Bashkimit Evropian dhe Shtetet e Bashkuara për t’i dhënë fund krizës politike në Shqipëri kanë qenë të suksesshme.” “Mesazhi kryesor është se zgjidhje të qëndrueshme mund të arrihen, kur qeveria dhe opozita kërkojnë dialog të drejtpërdrejtë me njëri-tjetrin”, shkruan McCallister.

Edhe agjencia gjermane e lajmeve, dpa shkruan se qeveria dhe opozita i dhanë fund konfliktit disa mujor në Shqipëri. Bazë për këtë ishte një kompromis i ofruar nga BE, por që u arrit me ndihmën e SHBA-së. Në thelb të kompromisit qëndrojnë garancitë për zgjedhje të lira. Opozita e bllokoi parlamentin, dhe refuzoi pjesëmarrjen në zgjedhje, pas akuzave të saj, se qeveria është e implikuar në kriminalitetin e organizuar. Opozitës i është ofruar posti i zëvendëskryeministrit dhe katër ministri të rëndësishme e pozicioni i kreut të Komisionit Qendror të Zgjedhjeve. Zgjedhjet e parashikuara për më 18 qershor shtyhen.

Sulmi ndaj Çitakut, akt i shëmtuar

by

-Ministri Hoxhaj dënon sulmin ndaj ambasadores Çitaku: Akt i papranueshëm që dëmton Kosovën/

1 vlora citakuPresidenti i Kosovës, Hashim Thaçi, tha sot se sulmet si ai ndaj ambasadores së Kosovës në Uashington, Vlora Çitaku, janë akte të shëmtuara dhe të dënueshme.

“Nxitësit dhe ekzekutuesit e veprimeve të tilla të shëmtuara, duhet të ndjehen të turpëruar”, tha Thaçi në një postim në Facebook.

Të mërkurën, ambasadorja Çitaku, pas një bashkëbisedimi në Koloardo, për situatën në Kosovë dhe Ballkan, u sulmua me vezë nga një aktiviste shqiptare.Kjo e fundit, siç tha Çitaku, e quajti atë kriminele dhe vrasëse, duke iu referuar vdekjes në burg të aktivistit të Lëvizjes Vetëvendosje, Astrit Dehari.

“Fyerja dhe sulmi ndaj ambasadores Çitaku ishte edhe një tjetër përpjekje e ulët e radhës për të dëmtuar imazhin e Kosovës në arenën ndërkombëtare”, tha presidenti Thaçi.

***

Ambasadorja e Kosovës në Washington, Vlora Çitaku, është sulmuar me vezë në “University of Denver”, në Kolorado. Ajo që e ka sulmuar është Vlerta Vdili.

Vdili, shprehet se këtë e bëri ngase vlerëson se “Çitaku është një nga aktoret më të mëdha që është e ngulitur në strukturën e dhunës në Kosovë”.

“Ajo ka marrë pjesë në fushata në mbështetje të komunitetit LGBT, por duke i përdorur ata e edhe duke përdorur edhe dobësinë e grave. Është një kriminele me taka të larta. E bëra atë sepse historia e plotë e Kosovës duhet të dëgjohet nga bota-tregimi i njerëzve tanë po shkon duke u mbytur nga politikanët tanë të korruptuar derisa ata mbesin të integruar në dhunën strukturore”, thotë ajo.

Ministri Hoxhaj dënon sulmin ndaj ambasadores Çitaku: Akt i papranueshëm që dëmton Kosovën/

-Sulmi ndaj një përfaqësuesit diplomatik i akredituar në një vend mik sikurse Shtetet e Bashkuara të Amerikës është i papranueshëm dhe i dënueshëm/

PRISHTINË, 18 Maj 2017-Gazeta DIELLI/ Ministri i Punëve të Jashtme i Kosovës, Enver Hoxhaj ka dënuar ashpër sulmin ndaj Ambasadores së Kosovës në Shtetet e Bashkuara të Amerikës, Vlora Çitaku, nga një aktiviste politike sikurse u prezantua e cila propagandonte në mënyrën më të turpshme kundër shtetit të Kosovës.

“Sulmi i tillë i ulët, përderisa Ambasadorja Çitaku po e përfaqësonte shtetin e Kosovës, në një bashkëbisedim me Ambasadorin Christopher Hill në një nga universitetet më prestigjioze amerikane, është sulm jo vetëm ndaj një përfaqësuesi të shtetit sikurse Ambasadorja Citaku por edhe ndaj institucioneve shtetërore dhe vetë imazhit të vendit tonë”, ka thënë Hoxhaj në deklaratën e dërguar.Ministria e Punëve të Jashtme fton të gjithë qytetarët kudo që janë jashtë Kosovës, të shprehin edhe pakënaqësitë e tyre në mënyrë të civilizuar por gjithnjë duke pasur parasysh interesat e shtetit të Kosovës.Sulmi ndaj një përfaqësuesit diplomatik i akredituar në një vend mik sikurse Shtetet e Bashkuara të Amerikës është i papranueshëm dhe i dënueshëm, përfundon deklarata./b.j/