Komente – Page 373 – Dielli

Pritje dhe takime të ngrohta për delegacionin e Kuvendit të Kosovës në Washington

February 5, 2016 by dgreca

nga Washington D.C Beqir SINA/
Kosova me fat, që kishte ka shumë miq në Amerikë ! – Shqiptarët e Amerikës me kontribut historik në lirinë dhe pavarësinë e Kosovës!/
WASHINGTON D.C: Në kuadër të vizitës, këto ditë në Washington D.C: delegacioni nga Kosova është pritur me nderime të larta dhe i është rezervuar një pritje mjaft ngrohtë nga ata që njihen mitë e mëdhenjë të shqiptarëve në Amerikë, në takime pune me personalitete të ndryshme si Kongresmen, Senator, Ushtarak dhe diplomat të ndryshem.
Delegacioni nga Kuvendi i Kosovës në këtë event të udhëhequr nga Presidenti Obama, ku morën pjesë rreth 3200 mysafirë, nga mbarë nga 130 vende, deputetët e pozitës Adem Grabovci, Armend Zemaj, Besim Beqaj, Flora Brovina, Enver Hoxhaj dhe Teuta Rugova, u kan shprehur faleminderimet dhe mirënjohjen e popullit të Kosovës miqve amerikanë në SHBA.
“Nëse ka pasur një Mëngjez Lutjeje, që ia ka vlejtur në veçanti, ka qenë pikërisht ky i sotmi”, ka thënë për gazetën shqiptaro-amerikane, “Illyria”, Lazim Destani, president i komapnisë së njohur ndërkombëtare, ECOLOG, i cili ishte pjesëmarrës në këtë ngjarje të madhe.
“Presidenti Obama, praktikisht ka shqiptuar sot mesazhin që tradita shqiptare e harmonisë ndërfetare ka shqiptuar prej shekujsh”, shkruan Illyria sot, duke cituar biznesmenin Destani duke shtuar “Si shqiptar u ndjeva krenar që udhëheqësi i aleatit tonë më të madh promovon të njëjtat vlera që ne i mbajmë të shenjta”.
Në këtë Mëngjez Kombëtar të Lutjes, ashtu si edhe në vite të tjera, kanë qenë të pranishëm edhe disa politikanë shqiptarë nga rajoni.
Ndertimi i marrëdhënjeve të mira mes Shteteve të Bashkuara të Amerikës dhe Kosovës , rritja dhe bashkpunimi i ndersjelltë tema të diskutimit në të gjitha takimet, duke treguar edhe një herë se Kosova ka një mike të fortë SHBA dhe popullin amerikan, ku një rolë dhe kontribut të jashtëzakonshëm – pa tjetër që kan shqiptarët e Amerikës.
Meqënse jemi në prag të 8 vjetorit të Pavarësisë së Kosovës, sjell me këtë, rast një dokument të publikuar në rrjete sociale nga Ilir Zenku, ku tregohet se çfarë kontributi të madh kan dhënë shqiptarët e Amerikës për pavarësinë e Kosovës
Këto dokumenta që janë publikuar këto ditë nga bisedat telefonike mes President Bill Clinton dhe Tony Blair dëshmojne sa fat kemi pas që këta dy ishin në pushtet në kohën e luftës në Kosovë, shkruan në statussin e tij në rrjetin social “Facebook” Zenku.
Ai thotë :” Mund të shikoni si bashkëpunojne të bindin udhëheqësit e tjerë botëror, si bashkëpunojnë të menaxhojnë Rusinë, sa kohë i dedikohet çështjes të Kosovës në këto biseda në krahasim me çështjet e tjera… Presidenti Klinton në një moment i përmend Kryeministrit Toni Bler si në Detroit i ishin mbledhur 40,000 Shqiptarë në protestë për presion me kërkesa për intervenim në Kosove. Biseda shumë interesante dhe leksion për të gjithë ne që duhet t’a meritojmë e ndertojmë lirinë. Ky angazhim nga SHBA dhe Britania e Madhe nuk besoj që mund të përseritet” shkruan Zenku.

Komandanti Suprem i NATO-s sot në Kosovë

February 4, 2016 by dgreca

-Komandantin Suprem të Forcave Aleate për Evropë, Gjeneralin Philip M. Breedlove do ta presin pasdite në takime të veçanta presidentja e Republikës së Kosovës Atifete Jahjaga dhe kryeministri Isa Mustafa/
PRISHTINË, 4 Shkurt 2016-B.Jashari/ Komandanti Suprem i Forcave Aleate për Evropë, Gjenerali Philip Breedlove viziton sot Kosovën.
Nga institucionet e Kosovës bëhet e ditur për Gazetën Dielli se komandantin Suprem të NATO-s, Gjeneralin Philip M. Breedlove do ta presin pasdite në takime të veçanta presidentja e Republikës Atifete Jahjaga dhe kryeministri Isa Mustafa.
Ndërsa nga Shtabi qendror i KFOR-it, Zyra për marrëdhënie me publikun, në njoftimin e dërguar, përfaqësuesit e mediave janë të ftuar të marrin pjesë sot në një konferencë për shtyp me Gjeneralin Philip Breedlove, Komandant Suprem i Forcave Aleate për Evropë (SACEUR), dhe Gjeneral Majorin Guglielmo Luigi Miglietta, Komandant i Forcës së Kosovës (COMKFOR) në shtabin qendror të KFOR-it, kampin “Film City”, në Prishtinë.
Komandanti Suprem i Forcave Aleate për Evropë do të ndajnë informacione me gazetarët mbi misionin e KFOR-it në Kosovë dhe operacionet e NATO-s.
Aktualisht, KFOR-in e përbëjnë 5000 trupa nga 31 vende. Pjesëtarët dhe partnerët e NATO-s, nën mandatin e Kombeve të Bashkuara (OKB-së), vazhdojnë përpjekjet e tyre për të siguruar një ambient të qetë dhe të sigurt e liri të lëvizjes për të gjithë qytetarët dhe komunitetet në Kosovë.

AVOKATËT E KURBINIT NË PROTESTË

February 1, 2016 by dgreca

Nga Ahmet ZANI/*
Rritja e pageses për kontributet shoqërore në masen 400 % për profesionet e lira është kundërshtuar nga avokatet e Kurbinit. Ata kanë bojkotuar të gjitha seancat gjyqësore gjatë dites së hënë në shenjë proteste ndaj këtij vendimi të qeverise që ka hyrë sëfundmi në fuqi. Avokatet e Kurbinit e kanë konsideruar si masakren e radhes që qeveria po ndërmerr për të ndeshkuar Shqiptaret. Sipas tyre në një situate kur ekonomia është në momente të vështira, vlera prej 40 mijë lekesh nuk do të ishte e mjaftueshme sikur të përfitohej prej tyre dhe jo më qe të paguajnë këtë vlerë. “Rritja e takses në 400 % për sigurimet shoqërore është një taske e papranueshme për ne. Në këto momenti ekonomia e popullit Shqiptar është në gjendjen më katastrofike dhe është e papranueshme kjo mënyre me të cilen po vepron qeveria. Nuk ka komunikuar asnjëherë me grupet e interesit për këtë veprim të ndërmarrë dhe kjo është tepër absurde. Ne kemi bojkotuar punen gjatë gjithë dites nuk kemi marrë pjesë në asnjë gjyq në Gjykaten e Kurbinit. Këkrkojmë në mënyrë urgjenet reagimin e Qeverisë Shqiptare, pasi rritja e kësaj take ndikon drejtperdrejt në ekonominë tonë familjare. Ne do të vazhdojmë me protesta e deri në greve urie nëse nuk do të ketë reflektim nga qeveria” u shpreh Sami Dema Avokat në Kurbin Në të njejete linjë është edhe avokati Islam Ismaili sipas të cilir rritje e kësaj takse është një absurditet, duke ju referuar edhe faktit të gjendjes së vështirë që po kalon populli shqiptar. “Ne si avokat të Kurbinit jemi mbledhur të gjithë dhe kemi arritur në konkluzionin që kjo takse duhet të jetë shumë më ulet dhe jo në këtë nivel që është bërë tani. Ne po punojmë për mbijetese dhe më këtë profesion mbajmë familjet tona. Me këtë mënyrë veprimin shteti po na çon drejt falimentimit të plotë. Kërkojmë një reagim të menjehershem të qeverisë për ta parë këtë çështje, pasi kjo mënyrë veprimi është e papranueshme” tha Islam Ismaili Avokat i Kurbinit Pas ndryshimeve të paketës fiskale në fund të vitit të kaluar, qeveria ka miratuar edhe vendimin që përcakton pagat referencë, mbi të cilat do të llogariten kontributet e profesioneve të lira. Sipas vendimit, pagat referencë do të luhaten në varësi të kategorisë së bashkisë, madhësisë së aktivitetit dhe vjetërsisë së tij. Kjo do të thotë se kontributet për sigurimet shoqërore dhe ato shëndetësore, që kjo kategori individësh paguajnë në shtet do të rritet deri në 20 mijë lekë në muaj. Avokatet e Kurbinit do të vijojnë të bojkotojnë punen, deri në zgjidhjen e këtij problemi që sipas tyre ndikon drejteperdrejt në ekonominë e tyre familjare. Nga ana tjetër i kontaktuar me telefon kryetari i Gjykates së Kurbinit Alfred Gjoni ka bërë të ditur se seancat gjyqësore kanë vijuar normalisht në këtë gjykatë edhe pse nuk kanë qenë të pranishem avokatet.
* Bashkepunetor i Diellit nga Shqiperia

SHBA, Shumica e amerikanëve mbështesin Obamën për kontrollin e armëve

January 30, 2016 by dgreca

Gjysma e amerikanëve aprovon veprimet ekzekutive të presidentit Barack Obama për kontrollin e armëve. Gjithashtu, shumica e kësaj gjysme shprehet se do të mbështesë masat e mëtejshme mbi këtë çështje nëse ato do të miratohen nga presidenti i ardhshëm i Shteteve të Bashkuara.
Kështu tregon një sondazh i agjencisë së lajmeve “Reuters” dhe kompanisë “Ipsos”, sipas të cilit 63 për qind e qytetarëve amerikanë do të donin që shefi i ardhshëm i Shtëpisë së Bardhë të bënte presion për ligje më të ashpra mbi pistoletat dhe pushkët. Sipas sondazhit, në radhët e demokratëve janë mbi 80 për qind ata që mbështesin veprimet e Obamës mbi armët, ndërsa nga republikanët 66 për qind janë në favor të masave të reja që duhet të merren nga pasardhësi i tij.
Por, pavarësisht mbështetjes qytetare, presidenti amerikan po has kundërshti të forta në Kongres dhe Senat, me republikanët që kërcënojnë se urdhërin e tij ekzekutiv do të dërgojnë në Gjykatën Kushtetuese.

EDHE TE VDEKURIT DO TE NGRIHESHIN NGA VARRET…..

January 27, 2016 by dgreca

NDALIMI I HETIMIT TE KRIMEVE TE KOMUNIZMIT?! PROF.SAMI REPISHTI: “EDHE TE VDEKUNIT NGA VARRI DO TE PROTESTOJSHIN KETE PADREJTESI MONUMENTALE”/
Profesor Sami Repishti, intelektuali i njohur shqiptaro-amerikan, ish i burgosur politik i komunizmit ka reaguar ndaj ndryshimeve kushtetuese për reformën ne drejtësi ndaj një neni qe ndalon ndëshkimin e krimeve te komunizmit te parashikuar ne draftin e qeverise.
Ne një email drejtuar Drejtorit te ISKPKSH ( Institutit te krimeve dhe pasojave te komunizmit ne Shqipëri.Agron Tufa, z. Repishti shkruan :
“Miredita Z. Tufa
Uroj qe ky mesazh te ju gjej mire me shendet dhe aktiv si gjithehere.
Dje, lexova ne buletinin e Zeri i Amerikes kete paragraf nga fjalimi i Presidentit Nishani mbajte ne Malesine e Madhe ne perkujtim te kryengritjes se vitit 1945. Po ju perseris:
“E quaj te papranueshme hartimin dhe tendencen e nje neni te tille te ashtuquajturit eksperte te reformes ne drejtesi per te vendosur ne Kushtetuten e Shqipersie nje nen qe e ndalon njehere e pergjithemone hetimin e krimeve te komunizmit. Nga kjo treve dhe toke martiresh u bej thirrje deputeteve te ndergjegjshem te Kuvendit te Shqiperise ta refuzojne mbeshtetjen dhe miratimin e nje neni te tille ne Kushtetuten e Shqiperise.”….
Ky paragraf ashte shume shqetesues. Po te vertetohej do te ishte nji nga turpet ma te medha ne ish boten komuniste, dhe nji njolle e pashlyeshme per te gjithe ne shqiptaret, te rezistences anti-komuniste. Edhe te vdekunit nga varri do te protestojshin kete padrejtesi monumentale. Tashti, ajo qe mbetet nga sulmi prokomunist ashte kerkesa pe ri-arrestimin tone per “fajet” e se kaluemes….
E pabesueshme!
Opinioni i juej dhe çdo informate ne lidhje me kete “problem” do te me ndihmonte shume.
Me perzemersi
Sami Repishti
Ja fjala e presidentit Nishani ne Malësinë e Madhe qe solli këtë reagim të profesor Repishtit
,,,,,Deri para pak vitesh më parë askush prej nesh nuk mendonte se mund të vinte një ditë shpejt që vetëm pas 25 vitesh që ai regjim gjakatar ishte rrëzuar njëherë e përgjithmonë, të shihnim tentativat, një kurajë të paimagjinueshme për të na rishfaqur simbolet më të egra të asaj diktature. Askush prej nesh para pak vitesh nuk mendonte që mekanizmat më të egër të zbatimit të platformës gjakatare dhe vrastare ndaj shqiptarëve mund të tentonin të provokonin përsëri Shqipërinë dhe shqiptarët me tendenca për të rehabilituar ideologjinë, platformën dhe figurat e asaj kohe kriminale. Por ju jeni këtu, shqiptarët janë këtu, të zgjedhurit janë këtu për të mos lënë dhe për të mos toleruar asnjë shfaqje, asnjë provokim të kësaj natyre. Krimet e komunizmit janë pa hetuar dhe pa dënuar. Me plot të drejtë sot nuk e pranoj që në dyert e drejtësisë shqiptare dosje dhe çështje të ndryshme qëndrojnë një-dy apo tre vite pa hetuar dhe pa gjykuar si një mohim i drejtësisë që i bëhet qytetarëve. Dosjet e krimeve të komunizmit kanë 71 vite që mbeten pa hetuar dhe pa gjykuar. Ligji për hapjen e dosjeve ndonëse i dhe pa plotë ende nuk ka filluar të zbatohet. Ligji i hapjes së dosjeve nuk mund dhe nuk do të jetë kurrë i plotë pa ligjin e lustracionit. Ligji i hapjes së dosjeve dhe ligji i lustracionit nuk do ta përmbushin kurrë detyrën dhe misionin e tyre pa hetuar krimet e komunizmit dhe të Sigurimit të Shtetit. E kam përsëritur dhe do të vazhdoja ta përsëris disa herë të dashur miq, sepse kam bindjen më të thellë më së pari si qytetar i këtij vendi se hetimet dhe dënimet e krimeve të komunizmit posaçërisht të Sigurimit të Shtetit nuk janë dhe nuk mund të jenë çështje e retorikës. Nëse ne do ta kthejmë këtë kauzë në retorikë do të ofendojmë martirët tanë. Hetimi i krimeve të komunizmit dhe i sigurimit të shtetit nuk është çështje revanshi dhe hakmarrjeje. Nëse do ta konsideronim të tillë martirët tanë nuk do të na mbështesnin. Hetimet e krimeve të komunizmit dhe dënimi i krimeve të Sigurimit të Shtetit është pazgjidhshmërisht i lidhur me çështjet e interesit të sigurisë kombëtare të shqiptarëve në kontekstin strategjik sepse ata martirë kur u ngritën kundër atij mekanizmi, regjimi, ideologjie u nisën tek interesi i atdheut dhe u betuan mbi Fe dhe mbi Atdhe. Prandaj ne kurrë nuk mund të harrojmë, të qëndrojmë, të pushojmë së kërkuari bërjen e drejtësisë.
Para pak vitesh të gjithë ne dhe shumë si ne nuk do ta besonim që në vitin 2016 mund të vinte përsëri një ligj i Parlamentit shqiptar, që do të kërkonte rikonfiskimin e pronave të shqiptarëve.