Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PIKNIKU TRADICIONAL I SHOQATËS KRAJA NË NEW YORK MBLEDH KRAJANËT NË NJË SOFER

by

Hysen Kraja/

Shoqata Kraja me seli në New York edhe një her dëshmoj se është kampione e komunitetit shqiptar ne New York reth organizimeve të aktiviteteve kulturore.Pikniku tradicional mlodhi mbi një mijë krajan në FDR State Park, Yorktown Hights, NY duke tejkaluar çdo pritëshmeri.Ky aktivitet që numëron plot 30 vite traditë dëshmonë përkushtimin e krajanve për ruajtjen e vlerave të tyre kulturore e kombëtare e që ruhen me fanatizëm dhe plotë krenari.Shoqata Kraja tashmë është një tregim suksesi por edhe një model se se gjithçka është e mundur kur interresat e komunitetit janë i vetmi prioritet.Po sa hynë në park dëgjon tingujt e muzikës shqipe, shikon kostume popullore, flamuj kuq e zi që valviten gjith andej e që të japin një krenari te pa përshkruëshme që më shum se kurrë e lartësojnë slloganin “O sa mir me qenë shqiptar”DJ Jasmin Kanaqi kujdeset për muzikën ku dominojnë këng popullore shumica nga repertuari i këngetarve nga Kraja.Mjafton vetëm një shetitje në park dhe të shikosh me qindra e qindra fëmi se si argtohën me njëri tjetrin por edhe komunikojnë shqip, vallzojnë e këndojnë shqip, fryt ky i një investimi masiv i familjeve krajane për të ruajtur gjuhën, kulturën por edhe lidhjet më njëri tjetrin.Kryetari i Shoqatës zotri Samih Kanaqi shprehet i kënaqur me pjesmarrjen dhe organizimin duke falenderu komunitetin krajan për perkrahje të vazhdueshme dhe besim të plotë në projektet e Shoqatës.Organizimi i një pikniku madheshtor si ky i Krajës kerkon mundë e sakrificë por antarët e shoqatës vulllnetarisht japin maksimumin duke u kujdesur që çdo vit organizimi i piknikut të ngritet në nivele më të larta.Ajo që më jep më shum kurajo janë të vegjlit tanë që kanë nje mundësi të mirë të njihën dhe të komunikojnë me njëri tjetrin, krijojnë lidhje shoqërije që do zgjasin një jetë të tërë perfundon zotri Kanaqi.Në sy të biejn fëmi të të gjitha moshave qe vallzojnë valle popullore, fëmi që gravitojnë nga projekti i vallëzimit edhe mësimit të gjuhës shqipe. Ky projekt javorë që Shoqata Kraja mban në Staten Island është nën mbikqyrjen e zonjës Venera Gjenashi njëherit eshe nën kryetar e Shoqatës. Fëmijët e ndarë në grup mosha mësojnë këngë dhe valle shqipe të udhëhequr nga instruktoret Nadia Hoxha dhe Hana Demiri.I njëjti program ofron edhe orë mësimi të gjuhës shqipe ku mësueset Linda Sukaliqi dhe Merita Gjokaj vullnetarisht për çdo javë edukojnë me qindra fëmij me dije dhe frymë kombëtare.Safet Doçi sëbashku me dhjetra bashkëpuntor kishte mbi supe pergaditjen e ushqimeve tradicionale e për të gjith të pranishmit. Zotri Doçi shprehet për gazetën Dielli se konaku i krajanve gjithmonë ka qenë i mikut dhe ketë traditë e vazhdojmë edhe sot. Të gjitha ushqimet dhe pijet freskuese i kemi falas sepse të gjith janë mysafir. Bujaria dhe mikëpritja është ajo që i veçon familjet krajane dhe këtë duam të ju trashigiojmë brezave të ardhëshëm perfundon zoti Doçi.Nuk munguan as aktivitetet sportive dhe lojrave popullore nën udhëheqjen e Agim Canës, Skender Perës, Lulzim Popit, Bekim Berjashit dhe Adnan Hutit me bashkëpuntor.Në finalen e madhe të futbollit u takuan Ostrosi – Besi ku fitues doli ekipi i Ostrosit me rezulltatin minimal 1:0Ndërsa në finalen e volejbollit për femra ekipi i Ostrosit mposhti ekipin e Skjes me rezultatin 2:1Për organizimin e futbollit për fëmi u angazhua futbollisti i mirnjohur krajan zotri Bledi Bardhi.Si përfundim ishte një ditë kushtuar familjës, komunitetit dhe traditës.Një ditë që i ka rrenjët thellë në atëdhe dashuri e kultivim vlerash.Krajanët edhe një here treguan se dinë më së miri të bejnë me të mirën e që tashmë kanë një gurëthemel të fuqishëm për ardhmërin e tyre duke fituar betejat ditore e duke mbajtur asimilimin larg në horizont.

SHOQATA KRAJA FTON PATRIOTËT SHQIPTARË NË PIKNIKUN VJETOR

by

Shoqata Atdhetare Kraja fton patriotët shqiptarë në Piknikun Vjetor të organizuar nga Shoqata Kraja në New York. Pikniku tashmë është një traditë e Krajanve, kur mblidhemi vit për vit për të festuar traditën, kulturën dhe për promovimin e sportit si mënyrë e shëndetshme e jetesës. Në këtë Piknik Tradicional do të ketë ushqime tradicionale, gara sportive si dhe muzikë argëtuese, thuhet në njoftimin dhe ftesën zyrtare të Shoqatës Atdhetare Kraja.

“Gjergj Kastrioti Skënderbeu” përjetësohet në New York

by

Luljeta Xhediku/

Emri i heroit tonë kombëtar, Gjergj Kastrioti Skënderbeu, përjetësohet në një nga rrugët e metropolit botëror, qytetit që kurrë nuk fle, New York. Emocione të papërshkrueshme me fjalë ato që çdo shqiptar që ishte i pranishëm sot në inaugurimin e rrugës me emrin “Gjergj Kastrioti Skënderbeu”, në lagjen Bronx të qytetit të New York-ut, por akoma më të forta këto emocione ishin për anëtarët e shoqatës shqiptaro-amerikane “Skënderbej” Inc., të cilët nën drejtimin e kryetarit z. Imer Lacaj dhe kryesisë së saj morën pjesë në këtë event madhështor për të gjithë shqiptarët. Shoqata shqiptaro-amerikane “Skënderbej” Inc., nën një organizim tepër dinjitoz, ku të gjithë anëtarët ishin veshur me ngjyrat e flamurit kuqezi, për të nderuar heroin tonë kombëtar dhe popullin shqiptar ishin pjesë dhe sponsor të këtij eventi. Kjo ngjarje historike për popullin shqiptar u hap me parakalimin me kuaj të policisë amerikane dhe më pas me këndimin e dy himneve kombëtare, atë amerikan edhe atë shqiptar nga këngëtarja  që mban titullin Mjeshtër i Madh, Merita Halili. Interpretimet e shkëlqyera të grupit arbëresh, “Shqiponja”, të cilët jo vetëm kënduan e vallëzuan në tingujt e muzikës shqipe, por edhe folën gjuhën tonë të bukur emocionoi pjesëmarrësit. Me duartrokitje të zjarrta u mirëprit lideri i shqiptarëve, ish-këshilltari i Bashkisë së New York-ut, z. Mark Gjonaj. Z. Gjonaj u shpreh se “Kjo është një ditë shumë e rëndësishme për komunitetin shqiptar në New York, sepse ne rikujtojmë heroin tonë kombëtar, Gjergj Kastriot Skënderbeu. Unë shpresoj se kjo ngjarje do të lerë kujtime të paharruara për ju dhe brezat që do vijnë”. Z. Gjonaj ftoi të ngjitet në podium kryetarin e Bashkisë së New York-ut, z. Eric Adams. Kryetari i Bashkisë së New York-ut, z. Eric Adams, duke bërë me duar shqiponjën dykrenare tha: “Ky është një komunitet i mrekullueshëm, ndërsa unë ec nëpër qytet, unë flas për njujorkezët e mirë, unë flas për njujorkezët që zgjohen çdo ditë, shkojnë në punë çdo ditë, ngrenë qepenin e dyqanit, fshijnë,  punojnë 14-15 orë, ata nuk shkojnë nëpër dyqane të qëllojnë, por  janë pronarë të këtyre dyqaneve, dhe hapin vende pune për njujorkezët, ata nuk flasin kundër policisë, por ata e mbështesin policinë, unë kur flas për njujorkezët e mirë e kam fjalën për komunitetin shqiptar, të cilët prezantojnë njujorkezët e mirë,  që janë punëtorë të zotë e të dedikuar, që jetojnë një jetë cilësore që ne meritojmë në qytet. Kjo ditë e vënies së emrit të heroit tuaj kombëtar të një rruge është një ditë e rëndësishme, dhe çdokush që kalon në këtë rrugë do të shikojë emrin dhe do të thotë se ne duam të njihemi në qytet nën këtë emër që simbolizojmë. Më pas fjalën e mori senatori amerikan, Chuck Schumer.  Senatori Schumer në fjalën e tij theksoi “Unë e dua këtë komunitet, sepse ju jeni më të mirët e Amerikës, shumë njerëz erdhën këtu në vitet ’60, ’70, ’80 edhe gjëja e vetme që donit të bënit ishte të punonit shumë dhe të siguronit një jetë më të mirë për fëmijët tuaj dhe ju ja dolët. Unë dua të përgëzoj një shqiptar të mrekullueshëm që e filloi si një recepsionist dhe sot është pronar i ndërtesave të tij. Senatori Chuck Schumer vijoi se ne duhet ta mbajmë mend historinë tonë, “historia e shqiptarëve është një histori shumë e bukur, sepse shumë kombe u përpoqën ta copëtonin Shqipërinë, por Shqipëria rezistoi”. Në fund, senatori u uroi jetë të gjatë shqiptarëve kudo janë dhe kërkoi bekimin e Zotit mbi shqiptarët  dhe premtoi se do të ngrinte zërin për ata në Uashington çdo ditë. Aktiviteti vijoi me interpretime dhe performanca nga artistë të shquar shqiptarë, si dhe valle të ndryshme nga trevat tona. Të gjithë të pranishmit u ndien krenar që një rrugë në New York, qyteti i ëndrrave për të gjithë shqiptarët, mban emrin “Gjergj Kastrioti Skënderbeu”. Anëtarët e shoqatës pas këtij eventi u mblodhën së bashku për të diskutuar për aktivitetet  e ardhshme të kësaj shoqate që ka si mision ruajtjen e identitetit tonë kombëtar dhe përcjelljen e vlerave në brezat e ardhshëm.                           

Mark Gjonaj sjellë Gjergj Kastriot Skënderbeun në kalë në Bronx të Nju Jork-ut

by

Nga Keze Kozeta Zylo/

Qindra shqiptare me flamuj kuq e zi dhe amerikanë, me veshjet kombëtare, me plisa dhe qylaf të bardhë në kokë vërshuan në lagjen “Arthur Avenue” e “Rescent Avenue” Bronx, një zonë e populluar nga shqiptarë.

Ishte ftesa e dërguar nga zyra e z.Mark Gjonaj që iu kishte bërë gjithë shqiptarëve për të marrë pjesë në këtë ditë të madhe kombëtare, emërimin e një rruge me emrin e Heroit Kombëtar Gjergj Kastriot Skënderbeun.  Z.Mark Gjonaj është dishepull i Fan Nolit dhe Rilindas i kohëve moderne duke treguar me punë kolosale dhe tejet dinjitoze dashurinë dhe përkushtimin për Kombin shqiptar dhe Amerikën.  Premtimi i tij u bë realitet dhe sot e gëzuam me duartrokitje dhe lot gëzimi emërimin e kësaj rruge duke na bërë të ndihemi shumë krenarë si shiqptarë. 

Vlen të përmendet puna e përkushtuar e ekipit të tij tejet mbështetës si dhe e zonjës Vera Mjeku që punuan fort për të realizuar këto projekte madhështore.   

Ja i shikoja kalorësit dhe ndjeja rrahje të forta të zemrës, në mendje më vinin vargjet e Atit të poezisë Naim Frashërit i cili i ka kënduar Kryeheroit si: 

Krujë, o qytet i bekuar,

prite, prite Skënderbenë!

Po vjen si pëllumb i shkruar,

të shpëtojë Mëmëdhenë.

Ja vjen një ditë pas plot 6 shekujsh dhe Skënderbeu vjen hipur në kalë në Bronx, në Amerikë të përshëndes Mark Gjonaj dhe gjithë shqiptarët që ishin mbledhur sot aty për ta mirëpritur dhe për t’ju thënë qëndroni të bashkuar.  Jini bashkë gjithmonë u tha Gjin-ave shqiptarë, sepse kështu edhe pa mua do të fitoni.  

Programin e ka hapur humanisti i nderuar z.Aleks Nilaj nga shoqata Shqiptaro Amerikane “Duart e hapura”.

Hymnet Kombëtare Amerikane dhe Shqiptare u interpretuan nga mjeshtrja e madhe Merita Halili shoqëruar nga Maestro Raif Hyseni.  

Aktivitetin e moderoi me kulturë dhe profesionalizëm z.Ardhmir Dula një djalë me perspektivë dhe plot të ardhme.

Me shumë duartrokitje janë mirëpritur grupi “Shqiponja” nga Arbëreshët e Italisë, të cilët e kanë ruajtur më shumë se pesë shekuj Gjuhën Shqipe.  Midis të tjerash ata sollën këngën 600 vjecare: “Moj e bukura More” që këndohet si:  Si të lash e më ngë të pash/ Si të lash, si të lash/ siç të gjeta ngë të lash/ Atje kam unë zotin At/ atje kam unë zonjën Mëmë/ atje kam dhe tim vëlla/ gjithë mbuluar/ nën dhe/ Ah e bukura More!

Një performancë të shkëlqyer solli artistja e shquar Dëshira Ahmeti Kerliu e cila ishte e ftuar enkas për këtë aktivitet. 

Është e pamundur të flasësh për morinë e personaliteteve më të larta që morën pjesë në këtë ditë kombëtare shqiptare ata ishin të shumtë dhe folën plot respekt dhe dashuri për shqiptarët që kanë një vend të veçantë në zemrën e amerikanëve.  

Nderoi me pjesëmarrjen e tij udhëheqës i shumicës së Senatit të Shteteve të Bashkuara të Amerikës Chuck Shumer, Kryetari i Bashkisë së Nju Jorkut z. Eric Adams, 

z.Erion Veliaj kryetar i Bashkisë së Tiranës i cili përshëndeti plot krenari këtë aktivitet tejet të rëndësishëm.

Kryetari i Bashkisë së Nju Jorkut z.Adams tha: “Ne jemi në shtëpinë më të madhe të komunitetit shqiptar në Amerikë. Shqiptarët janë pronarë biznesesh të vogla, punëtorë të vijës së parë dhe familje punëtore që e bëjnë qytetin tonë të gjallë. Është një nder të bashkohem sot me ju për të nderuar Heroin Kombëtar Shqiptar si Gjergj Kastrioti Skënderbeun.

Letra përshëndetje erdhën nga Kryeministri i Shqipërisë z.Edi Rama letër të cilën e lexoi z.Ferid Hoxha Ambasador i Shqipërisë në Kombet e Bashkuara.  Letrën përshëndetëse nga Kryeministri i Kosovës z.Albin Kurti e lexoi Konsulli i Kosovës në Manhattan z.Lulzim Krasniqi.

Në këtë ceremoni të inagurimit morën pjesë kryetari i Federatës Panshqiptare “Vatra” z.Elmi Berisha,  biznesmenë të suksesshëm dhe aktivistë të shquar z.Harry Bajraktari me bashkeshorten fisnike znj.Lisa Milicaj, z.Richard Lukaj, z.Sal Rusi etj, si dhe një numër shoqatash nga gjithë New Yorku dhe më gjerë. 

Program i pasur artistik

Në këtë program të pasur debutuan me plot dashuri Shkolla Shqipe “Alba Life” Ambasador i Kombit, përgatitur nga mësueset e dashura Tafaj, Krasniqi, Shiqerukaj, Hasanaj etj, dhe koordinatorëve Xhaferri dhe Gjocaj.  Debutuan gjithashtu Gëzim Nika Mjeshtër i Madh, Grupi i valltarëve “Rozafati” nga Angjelina Nika,  Merita Halili dhe Raif Hyseni Mjeshtër i Madh, Denis Delia, Agron Maqellara, Barbara Dini, Arben Krasniqi, Shoqëritë Ana e Malit, Kraja, Ulqini valle grup, Shoqata “Rugova”, nxënësit e shkollës “Children of the Eagle”, Qendra Rinore Shqiptare në Greenwich etj. Arbërie Hetemi dhe Ernest Muhaxhiri, grupi i valleve Nora e Kelmendit, Bukurije Funici, Xhemi Nokshiqi Muzai, Kristina Marku, Bashkim Vushaj,, Fran Vulaj, Besim Murriqi, Faikije Zogaj, Lisa Bujaj etj…

Fëmijët u argëtuan me lodra të ndryshme sjellë dhe organizuar perfekt për këtë ditë të rëndësishme kombëtare.

Heroi Kombëtar na mblodhi të gjithëve bashkë ashtu siç e la në porosinë e fundit të tij: QËNDRONI BASHKË SE BASHKIMI BËN FUQINË.

15 Maj, 2022

Pranë rrugës “Gjergj Kastrioti Skënderbeu”

Bronx, New York

Miratohet Ligji mbi krimet e komunizmit ne Florida

by

Nga Moza Boletini

New York/


Governatori i Shtetit ne Florida, Ron DeSantis, njoftoi me date 9 Maj 2022, se ne te gjitha shkollat e mesme publike te Floridas do te perkujtohet cdo vit “Dita e Viktimave te Komunizmit” me 7 Nentor. Nxenesit do te informohen e edukohen mbi genocidin e persekutimin nen rregjimet komuniste neper bote, perfshi ketu edhe partine komuniste te Kines e Bashkimin Sovietik. Ky ligj u miratua unanimisht kete vit nga Senati dhe Kongresi i Floridas.Governatori DeSantis u shpreh se: “Qytetaret e Florides, sidomos studentet tane, do te mesojne per krimet e komunizmit, per diktatoret neper bote qe kane qene ne krye te regjimeve komuniste dhe per qindra miljona njerez qe kane vuajtur dhe ende vuajne nen peshen e kesaj ideologjie. Organizata e Viktimave te Komunizmit ka vleresuar se regjimet komuniste kane shkaktuar humbjen e rreth 100 miljone jeteve nepermjet persekucioneve politike apo religjioze, nga skamja dhe uria masive, si dhe duke kryer krime te renda ndaj njerezimit gjate shekullit XX. Ne krye te ketyre regjimeve – vijoi DeSantis – qendron partia komuniste e Kines, e cila eshte perllogaritur t’i kete marre jeten 80 miljone shtetasve kineze.Ligji amerikan aprovuar ne Florida kete vit, thote gjithashtu se “Mbi 100 vjet kane kaluar nga Revolucioni Bolshevik ne Rusi si dhe krijimi i qeverise se pare konuniste nga Vladimir Lenin, qe coi me pas ne dekada represioni e dhune nga regjimet komuniste neper bote. Ligji gjithashtu ve ne dukje se qeverite komuniste kane shkelur idealet e lirise, prosperitetit dhe dinjitetit te jetes njerezore dhe kane ngritur ne krye diktatore totalitare si Josef Stalini, Vladimir Lenin, Mao Zedong e Pol Pot. Sipas studiuesve e historianeve, regjimi Mao mund te kete shkaktuar me shume se 80 miljone viktima ne njerez midis viteve 1949 deri ne vdekjen e tij ne 1976.Grupime te te drejtave te njeriut si dhe disidente, thone qe partia komuniste e Kines, qe zyrtarisht eshte ateiste, vazhdon represionin me ligjet e Maos, duke persekutuar grupime njerezish perfshi ketu edhe Falung Gog, Uyghuret e te krishteret.Instruktimi mbi tmerret e komunizmit ne Florida do te nisi ne vitin shkollor 2023 – 2024. Sipas historise, komunizmi u instalua ne qeverine ruse nga bolsheviket pas rrezimit te Carit, qe coi ne krijimin e Bashkimit Sovjetik. Florida ka nje numer te konsiderueshem banoresh, te cilet jane larguar nga shtetet e tyre komuniste, sidomos shtetase te Kubes, te vendosur ne Amerike pas ardhjes se Fidel Kastros ne fuqi ne 1959. Te shumte jane gjithashtu shqiptaret e larguar nga Shqiperia, Kosova, Mali i Zi, Maqedonia e trevat e tjera shqiptare, per shkak te persekucionit sllavo-komunist, e jane vendosur ne Florida apo shtetete te ndryshme te Amerikes. Ky projektligj eshte mjaft i rendesishem, pasi femijet dhe brezat e periudhes post-komuniste, do te marrin informacionin e duhur mbi genocidin ne vendet ish-komuniste ku pershihet edhe Shqiperia, qe perjetoi nje nga diktaturat me te egra ne Europe.