Mhill Velaj

Me rastin e Ikjes në amshim në moshen shumë të re te njëpinjolli të kësaj familje, Rrustem Shala Familja e Sadri Shales nga Barani i Pejës është një nga familjet më të shquara të kombit tonë gjithëandej trojeve tona e cila ishte kala Shqipërie, dhe halë në sy për regjimin vrastar Titos dhe Rankoviçit ku kujtojmë lexuesit e nderuar se Sadri Shala mbajti vite të tëra burg dhe u torturua si familje vetem pse nuk u pajtua kurrë me regjimin pushtues jugosllav.

Si shkrimtar vendas dashamir i kësaj familje tejet të nderuar dhe si koleg i dikurshëm i z.Smajl Shala gjithmonë kam ushqyer ndjenjat më te larta ndaj kesaj familje me taban kombëtar liridashes e arsimor me civilizim e emancipim . Kjo familje nuk u thye kurrë as në vitet 50-ta e as në vitet e 90-ta e gjerë sot duke qëndruar konsistent. Familja e mikut shokut vëllaut tim Smajl Shales në vitet e 90-ta ishte pjesë e rëndesishme e organizimit të shtetit paralel ishin aleat besnik të Presidentit Ibrahim Rugova, dhe bartes funksionesh të LDK -së duke organizuar referendumin e 1991 , mandej zgjedhjet dhe funksionimin e sistemit arsimor e shëndetsor në Lug të Baranit dhe me gjerë.

E terë kjo familje u shkollua dhe u edukua me njemije peripeti dhe Vëllezerit Shala siç i njohim ne u bastisen dhjetra herë vitet 90-ta , dhe në një atentat mizor në maj 1998 vritet Rifat Shala dhe plagoset vëllau Smajl Shala i cili mandej vuajti burgjeve serbe një kohë të konsiderushme. Të gjithë familja janë intelektual Zeneli jurist, Rrustemi ekonomist e afarist i nderuar ishte, Smajli historian, Xhema ekonomist, Rifati tashmë dëshmor martir ishte kimist dhe Sali Shala kimist. Udhën e nderit dijes atdhedashurisë e vazhduan dhe nipërit e mbesat e familjes të cilët shquhen në çdo pore jete.

Kur u bë e domosdoshme lufta e lavdishme e UÇK-Së kjo familje nderoi emrin e babes Sadriut dhe nderoi lart flamurin kuq e zi të Gjergj Kastriotit Skenderbeut ku Xheme Shala dhe Rrustem Shala i cili na la keto ditë vdiq duke na pikëlluar ne këtu në Amerikë dhanë kontribut epokal. Përkundër zemres së thyer per vëllaun Rifatin Vëllezerit Shala nuk u ndalen ne shtetëndertim dhe pavaresi të Kosoves, ku me vite Smajli ishte zv kryetar i Pejës së djegur nga okupatori serb ku dha kontribut meritor ne shume fusha.

Për kontributin e kësaj dere te madhe te kombit nuk mjaftojne artikujt e librat e terë botes andaj bashkëndjej me ju dhe jam pranë juve në këto dite merzie dhe pikëllimi.

Mhill Velaj -SHBA

Kryetar i SHSHSHA,

Stamford, Dhjetor 2021

Forumi i Ushtarakëve  Shqiptar të “Bijve të Shqipes” në FILADELFIA

Ushtarakët Shqiptarë të liruar ose në pension, me banim në Filadelfia të SHBA,(nën drejtimin e kryetarit të forumit ushtarak z.Eqerem Murati,n/kryetarit z.Ali Sopi dhe sekretari i këtij forumi z.Lutfi Brami ky dhe moderatori i këtij aktiviteti), përkujtuan dhe festuan me madhështi 109 vjetorin e krijimit të ushtrisë shqiptare 4 dhjetor 1912, në lokalin “AMIÇI resorant në Cerrihill të Neë-Jersit” me pronar birin e Radomirës Kalasë së Dodës të nderuarin z.ASTRIT SHEFIT SELIM DAKU. Në ketë takim entuziast vëllazëror merrnin pjesë antarë të Forumit të ushtarakëve shqiptar të “Bijve të Shqipes”në Filadelfia, bashkë me zonjat e tyre të nderuara,miqë të ftuar nga shoqata e ushtarakëve “Skënderbeg”të Neë-Yorkut të kryesuar nga zv/presidentia e kësaj shoqate kolonele në rezervë zj.Nadire  Xhakolli,me ekipin e saj të përbërë nga antarët e kryesisë të kësaj shoqate, ish Pedagogu i Akademisë Forcave Tokësore dhe mik i shoqates dhe i Forumit të ushtarakëve shqiptar të “Bijve të Shqipes”z.Mihal Jano, veteranët ushtarak Agim Piro, Përparim Sahitaj dhe Veri Taushllari), Kryetari i Shoqatës “Bijtë e shqipes” z.Bujar Gjoka, zv/Kryetari i shoqatës z.Dritan Matraku dhe “Kryetari i Nderit” të kësaj shoqate z.Tajar Domi,ideatori,themeluesi i forumit të ushtarakëve ky dhe “Kryetar Nderi”i shoqatës dhe i Forumit të ushtarakëve z.Petrit Zanaj. Në hyrje të resorantit ishte vendosur një panoramë bukur ku valviteshin flamujt shqiptar dhe Amerikan si dhe një parullë e shkruar “Gëzuar 109 vjetorin e ushtrisë kombëtare shqiptare”, ”Forumi i ushtarakve shqiptar te Filadelfias, kënd i ndërtuar me një kompozim të  bukur nga “Kryetari i Nderit” të Forumit z.Haki “Haxhi” Daut Çollaku. Të gjthë pjesëmarrësitë zunë vend në tavolina dhe ata dukeshin shumë entuziast e të gëzuar që po takonim e festonim së bashku pas një periudhe gati 2 vjeçare që nuk kemi festuar për vetë kushtet që na krijoi e mallkuara Pandemi Covid-19. Vërtetë dukej se do të ishte një ceremoni e bukur, një festë e mirë organizuar në një mjedis të ngrohtë familjar e shoqëror, mes ushtarakësh që vite me radhë kanë punuar e sakrifikuar së bashku në Atdheun mëmë dhe prapë janë bashkë edhe në Atdheun e 2-të”Amerikën e lirisë e demokracisë”. Ketë mbrëmje festive e hapi sekretari i Forumit të ushtarakëve shqiptar të “Bijve të shqipes”k/komisari i rendit publik shqiptar i respektuari z.Lutfi Brami. Ai pasi na uroj mirseardhjen në ketë takim vëllazëror dhe na ftoj që të ndigjonim e të këndonim bashkarisht Tingujt e Hymnit Kombëtar Shqiptar dhe Hymnit e Kombëtar Amerikan,ku të gjithë pjesëmarrësit  u ngritën në këmbë  e me dorë në zëmër ,i përcollëm me shumë emocion. Pas hymneve kombëtare të Shqipërisë dhe Amerikës z.Lutfi ja dha fjalën Kryetarit të Forumit të ushtarakëve shqiptar të Filadelfias z.Eqerem Murati për të përshëndetur pjesmarësit,i cili i  bëri  një përshkrim të rrugës lavdishme të Ushtrisë Shqiptare në këto 109 vite, duke u ndalur në momentet më të ndritshme të kësaj rruge, si në luftratë që ka bërë populli ynë në luftë për liri pavarësi e demokraci, në organizimin strukturor të ushtrisë në vitet e Mbretërisë, organizimin ushtrisë gjatë luftës antifashiste N-Çl dhe fitoren mbi nazifashizmin si pjesë krenare e Aleancës Anglo-Sovjeto-Amerikane, modernizimin në vitet e Luftës së Ftohtë dhe ristrukturimin e saj si pjesë e Aleancës së NATO s. Ai përshëndeti djemtë e vajzatë shqiptare sot nën uniformë, pjestarë të denjë në misionet luftarake e paqeruajtëse në botë, dhe po aq të paepur në detyra në raste emergjencash e fatkeqsishë natyrore brenda vendit dhe mbi sukseset e sotme të ushtrisë shqiptare në përbërje të aleancës atlantike si krenari e ushtrisë shqiptare në NATO. Fjala e tij u dëgjua me kënaqësi dhe u duartrokitë nga pjesmarrësit. Dhe pastaj muzikë, valle e vallzim, përplasje gotash e biseda shokësh e kolegësh, kujtime që shtrihen edhe përtej 50 vjetësh, kur ishin djemë e vajza të reja, skënderbegas e studente e studentë ushtarakë, oficere e oficerë të rinj kudo në Shqipëri. Në emër të shoqatës atdhetare kulturore të “Bijve të shqipes”përshëndeti pjesëmarrësit n/kryetari z.Dritan Matraku,i cili midis tjerash vlerësoi punën dhe kontributin që japin antarët e forumit ushtarak ,duke qenë shëmbull në gjitha aktivitet që organizohen e sidomos në ndërtimin e riparimin e ndërtesës së re të shoqatës. Në emër të shoqatës ushtarake “Skëndërbeg” përshëndeti ketë takim festiv kolonele në pension zv/presidentia zj.Nadire  Xhakolli,e cila falenderoi kryesinë e Forumit për ftesën dhe prezencën e saj e të  ekipit që ajo kryeson ,në ketë takim festiv vëllazëror organizuar për “109 vjetorin  e krijimit ushtrisë shqiptare” si dhe na solli përshëndetjen e Presidentit të kësaj shoqate kolonelit në (R) z.Bujar Hasani me urimin :’Gëzuar festën e ushtrisë shqiptare”dhe kështu festofshim bashkarisht në festat tjera në të ardhmen si dhe përjetofshim vetëm shëndet cilësor,jetgjatësi, mirësi,gëzime e lumturi familjare”. Mes këtij gëzimi familjar e vëllazëror vazhduan të kërcejnë e hedhin valle ish ushtarakët me zonjat e tyre, të cilët me shumë emocion i përjetuan këto 4-5 orë gazmore me këngë e valle,vallzim nga gjitha trevatë shqiptare. Drejtuesit e forumit dhe të Shoqatës kalonin nga një tavolinë në tjetrën, duke u takuar e çmallur me këta  vëllezër e kolegë,ku pati disa përshëndetje e takime e përgëzime me të ftuarit e nderit zotrijtë e shoqatës “Skënderbeg”,ku me rradhë çdo pjesëmarrës erdhi dhe i takoi dhe trokiti gotën e verës ,rakisë apo birrës me këta motra e vëllazër, që na e hijeshuan e shtuan gëzimin e festës sonë.  Nga artopolanti buçet kënga labe “Çobanët mbi Gjeneralë” dhe ajo për trimat e Drenicës,Tropojës, Dibrës dhe krahinava të tjera, ngrihen shëndete për shokë e miq.Mendoj se këtu një meritë të veçantë pati moderatori i këtij aktiviteti  k/komisari veteran Lutfi Brami, i cili me zgjuarësi e kopetencë  drejtoi ketë aktivitet. Sejcili pjesëmarrës kishte dëshirë të bënte foto me shokë e shoqe, sidomos tek këndi mes flamujve kombëtar shqiptar dhe amerikan. Shumë foto u bënë me të ftuarit për t’i patur si kujtim vëllazëror. Në ketë aktivitet u dhanë edhe disa “Çetërfikata Mirnjohje “ dhe “Nderi i Ushtarakut” për antar të forumit të dalluar dhe për kontribut pozitiv në shoqatë dhe në aktivitet e Forumit ushtarak. Moderatori i aktivitetit z.Lutfi Brami fton kryetarin e shoqatës”Bijtë e shqipes”z.Bujar Gjoka që të jap “ ”ushtarakut veteran z.Ahmet Shaban Shahut  “ÇETËRFIKATËN E MIRNJOHJES”,me motivacion:”Për kontributin,sakrificën dhe përkushtimin për të kultivuar virtutet dhe traditat më të spikatura shqiptare në komunitet,duke qenë një model e simbol,i cili duhet të ndiqet në jetën e Forumit e më gjërë”të firmosur nga kryetari e sekretari i Forumit ushtarak. -Moderatori fton “Kryetarin e Nderit” të Forumit z.Haki Çollaku për t’i dhënë “Çetërfikatën e Mirnjohjes “NDERI I USHTARAKUT SHQIPTAR” ,veteranit ushtarak z.Haziz Kuliçi me motivacion:”Për respektin dhe mbajtjen lartë të vlerave e virtuteve më të shejta të ushtarakut shqiptar në gjirin e komunitetit shqiptar të Filadelfia USA”,të firmosur nga kryetari e sekretari i Forumit ushtarak. -Moderatori fton Kryetarin e Forumit z.Eqerem Murati për t’i dhënë “ ÇETËRFIKATËN E MIRNJOHJES” ushtarakut në rezervë z.Rifat Sula me motivacion:” :”Për kontributin, sakrificën dhe përkushtimin për të kultivuar virtutet dhe traditat më të spikatura shqiptare në komunitet, duke qenë një model e simbol,i cili duhet të ndiqet në jetën e Forumit e më gjërë”të firmosur nga kryetari e sekretari i Forumit ushtarak. -Moderatori fton zj.kolonele Nadire  Xhakolli që t’i jap Çetërfikatën e mirnjohjes,”NDERI I USHTARAKUT SHQIPTAR”, veteranit z.Kastriot Hysko me motivacion:” :”Për respektin dhe mbajtjen lart të vlerave e vituteve më të shejta të ushtarakut shqiptar në gjirin e komunitetit shqiptar të Filadelfia USA”të firmosur nga kryetari e sekretari i Forumit ushtarak. -Moderatori fton “Kryetarin e Nderit” të forumit të ushtarakut z.Petrit Zanaj të jap “ÇETËRFIKATËN E MIRNJOHJES” zonjushës Hatixhe Haki “Haxhi “ Çollakut me motivacion:”Për përcjelljen e vlerave dhe virtuteve që na jep ne si veteranë të ushtrisë shqiptare dhe mbarë komunitetit shqiptar të Filadelfias,duke qenë një model e simbol,i cili duhet ndiqet nga të rijtë shqiptar dhe antarët e forumit tonë ,për të qenë qytetar të devotshëm mikut më të  madh të kombit tonë “Shteteve të Bashkuara të Amerikës”, të firmosur nga kryetari e sekretari i Forumit.  Prindërit  zj.Dhurata dhe z.Haki Çollakut në nderim të vajzës së tyre, Hatixhes, e sapo diplomuar për të shërbyer në radhët e USA Army! Jo vetëm sytë e Dhuratës, por edhe të të pranishmëve mbushen me lotë, lotë krenarie e nderimi. Të dy prindërit krenarë i përqafon edhe kolonelia në (R)Nadire Xhakolli, ushtarake në pension edhe ajo, por edhe djali i saj, Tani dhe bashkëshortja e tij, gjithashtu shërbejnë në FA të SHBA. Ja pra, edhe brezi i ri i emigrantëve shqiptarë, po ecën në shtigjet që hapën brezat e mëparshëm duke u bërë pjesë e FA të SHBA. -Moderatori fton “Sekretarin e Nderit”TË Forumit z.Hys Hasa për t’i dhënë “ÇETËRFIKATËN E MIRNJOHJES”, z.Jakup Domi me motivacion:” :”Për kontributin, sakrificën dhe përkushtimin për të kultivuar virtutet dhe traditat më të spikatura shqiptare në komunitet, duke qenë një model e simbol,i cili duhet të ndiqet në jetën e Forumit e më gjërë”të firmosur nga kryetari e sekretari i Forumit ushtarak. Zotrive te shoqates “Skenderbeg”ju dha nje “Çeterfikate mirnjohje” dhe nje flamur kombetar shqiptar. Në ketë aktivitet poeti e shkrimtari ushtarak Veri Taushllari i dhuroi shoqatës “Bijtë e shqipes”dhe Forumit të ushtarakëve shqiptar të Filadelfias,nga një libër me autografin e tij përfshi dhe bibliotekën “Anastas Dodi”të shoqatës. Një falenderim të veçant meritoi edhe drejtuesi i muzikës e këngës me digjej që na e kënaqi shpirtin me këngë e valle shqiptarie. Ne kete takim vellazeror antari i Forumit te ushtarakeve z.Bujar Çela(ky dhe antar i keshillit drejtues te shoqates”Bijte e shqipes”bashke me zonjen e tij ,sot pikerisht ne kete date kishin dhe 20 vjetorin e marteses,te cilet jane bashkshort,prinder e atdhetar shembullor, te cileve ju uroj edhe edhe 100 vite qofshin e gezofshin familjarisht duke qene te lumtur e te gezuar me femijte e tyre sot nxenes shembullor si ne shkollen shqipe”Gjuha jone “dhe ne shkollat e Filadelfias. Ja kështu u vazhdua dhe u mbyll kjo ditë e bukur gëzimi, nderimi e feste, ku shokë, miq e mikesha,si Ahmeti,Bujari, Tajari,Dritani, Asllani,Xhemaliu,Kastrioti,Lutfiu,Aliu, Përparimi, Jakupi, Luiza, Hysa, Mihali e të gjithë të tjerët ndanë disa orë të këndshme dhe jetuan me kujtime dhe rininë e tyre.

Në ketë festë pjesëmarrësit mbetën shumë të kënaqur nga gatimet ushqimore dhe shërbimi i kulturuar i këtij lokali shembullor me pronar shqiptar në ketë vend të largët.Të gjithë u larguam me respektin e mirnjohjen maksimale për organizimin, drejtimin e moderimin e këtij aktiviteti vëllazëror festiv të 109 vjetorit të krijimit të ushtrisë shqiptare dhe me urimin:”Faleminderit zotrijë drejtues të Forumit të ushtarakëve shqiptar të shoqatës”Bijtë e shqipes”në Filadelfia që na dhatë kënaqësinë të shijojmë e përjetojmë ketë aktivitet emocional vëllazëror.Të gjithë u larguam me përshtypjet më të mira me dëshirën që të gëzohemi e përjetojmë edhe në takimet tona në të ardhmen e përbashkët vëllazërore. Takime e festime të tilla na ulin stersin që përjetojnë gjithë emigrantë kudo në botë largë njerzëve të tyre të dashur të gjakut në vendlindje. Shumë faleminderit për mirkuptimin të dashur z.Eqerem Murati, Ali Sopi dhe Lutfi Brami.Zoti i bekoftë gjithë ushtarakët shqiptar kudo në botë, familjet e njerzit e tyre të dashur.

Akademik Hys Hasa

Filadelfia

Mbresa pas nje shfaqje te suksesshme

Diar Xani

Shfaqja “Planeti i Gjelber” eshte mbajtur ne dy termine si premiere me date 12.18.2021 ne hapsirat e Qendres Kulturore ne Greenwich Connecticut organizimin e kesaj e ka bere Albanian Youth Center ne kryete z. Richard Lukaj dhe stafit professional te kesaj qendre. Ndersa reprizen e kemi shfaqur te merkuren me date 12.22.2021 ne New Jersey, ne qendren kulturore Albanian Cultural Center ne Riverdale New Jersey, ne bashkpunim me kryetarin e kesaj qendre z. Astrit Zhaku. Pas kesaj  jam ne bisedime qe edhe ne muajin shkurt te vitit qe vjen me e vazhdu me perseritur pasi qe tani do te fillojne dhe festat e fund vitit dhe eshte e pamundur me vazhdu per momentin. Organizmin e ketij projekti e kam bere bashke me organizaten O.J.Q. ON-art te cilin kete projekt financiarisht e ka mbeshtetur Ministria e Kultures, Rinise dhe Sportit te Republikes se Kosoves. Shfaqja eshte Monodrame qe luhet me nje aktor dhe shumicen e gjerave me eshte dashur ti beje vete por me ndihmen edhe te disa kolegve per te cilat kam pasur shume konsultime. Pra Regjine dhe lojen si aktor i kam bere une Diar Xani. Ndersa tekstin e ka shkruar dramaturge Arife Haliti. Ideja dhe qëllimi i dramës për fëmije “Planeti i gjelbër”: Planeti toke çdo ditë e më shumë po përballet me ngrohjen globale. Edhe pse vetëdijshëm për këtë, asnjëherë nuk janë marre masa konkrete qe një gjë e tille te këtë zgjidhje të përhershme. Ajri i ndotur, tymi, djegiet e ndryshme te cilat shkaktohen nga vete njeriu, ka ndikuar qe shëndeti ynë të vihet në rrezik. Shumica e njerëzve si pasoje e ajrit të ndotur vuajnë nga sëmundjet e organeve të frymëmarrjes, përkatësisht te mushkërive. Prandaj, ideja dhe qëllimi i kësaj drame është thirrje për sensibilizim të të gjithë njerëzimit, pa marre parasysh moshën, gjininë, përgatitjen intelektuale dhe përkatësitë tjera identitare që të kujdesemi për ambientin ku jetojmë dhe veprojmë. Kjo ide përçohet nga personazhi e dramës i cili si mision e tij human ka marre përsipër t’i prezantoj demet e cilat ia shkakton ajri i ndotur planetit tone, dhe te gjejë zgjidhje dhe mënyra qe një gjë e tille të hiqet apo edhe të reduktohet, ashtu që i gjithë njerëzimi të jetoj në një ambient me te pastër ku e gjelbër është kryefjala e çdo mjedisi i cili na rrethon. Femijet kan qene teper te kenaqur dhe te intersuar per kete shfaqje, ata edhe pas shfaqjes kan qen te interesuar lidhur me shfaqjen me aktrimin, me kan bere shume pytje. Femijet kur shohin shfaqje aty vrehet edhe talenti edhe imagjinata e tyre. Ata shfaqjen e shohin me sy te drejte dhe e kuptojne shume drejte. Pra ata nuk mund ti genjesh. Prandaj ne si profesionist kemi kujdes se sa her qe bejm diqka per femije mendojme shume se si do te duket sepse ata nuk mashtrohen, ata e gjykojn drejt e gjithe ngjarjen se cka shohin. Per mua ka qen teper i rendesishem ky projekt sepse me ka shtyre te mendoj qe te filloj si nisme e pastaj shpresoj shume se do ta arrij qellimin sepse me shume se shumecka kishte me qen atraktive dhe e qelluar nese kishim mundur ta bejme ose te fillojme dhe ta krijojme teatrin per femijet apo te rinjeve. Mendoj qe mjaft më me koncerte dhe me kengetar e me kenge te njejta qe nga pas lufta asgje nuk po ndryshon, mendoj qe asgje spo ka te re, asnje organizim me ndryshe. Te gjitha shoqatat pergatitjet dhe eventet po i bejn te njejta ne shumicen e vendeve te diaspores prandaj mendoj qe rinia ose femijet duhen qe te ket edhe nje pikpamje me te gjere se sa ajo. Une do te shpresoj se shume shpejt edhe do te vazhdoj projektin dhe do ta shfaqi edhe neper shume vende apo shkolla ku ka femije shqiptar, do te beje workshop apo puntori me femijet si dhe pas kesaj edhe shpresoj se do te punoj bashk me femijet e disa shkollave qe te bej ndonje shfaqje bashk me ta e qe ne te ardhmen te ken pse jo teatrin e te rinjeve ne New York. Ata kan nevoj te shohin shfaqje, ata kan nevoje te luajn (aktrojne), te kuptoj se cka eshte teatri cka eshte aktrimi, cka eshte regjia etj etj. I lutem te gjithve se kush do qe ta lexoj kete infromim qe ata qe kane mundesine ta bejne organizimin per ta shfaqur kete shfaqje per femije atehere une jam i gatshem te bashkepunoj dhe ta pranoj ftesen nga kushdo qofte ndonje qender kulturore apo individ qe mund te organizoje qe femijet te kene mundesine te shohin kete shfaqje per femije.

Nga Ramazan Çeka

Mbresa nga Amerika me krajanë të nderuar dhe bashkëatdhetarë e aktivistë të shquar 

   Si asnjëherë tjetër ky udhëtim drejt Shteteve të Bashkuara të Amerikës kishte në fokus krajanët, emigrantë të rinj e të vjetër të ardhur nga Kraja, një krahinë që shtrihet në jugperëndim të liqenit të Shkodrës dhe që sot gjindet në territorin e Malit të zi.

   Për mua ishte një gëzim i dyfishtë, sepse përveç respektit për ta, kisha edhe një gëzim të papërshkruar, sikur të isha i ftuar në një dasëm familjare, pasi vendorigjina ime është nga Kraja, pra me shumë prej atyre miqve më lidhte edhe geni familjar. 

   Përtej peripecive të udhëtimit për shkak të kushteve të imponuara nga situata pandemike sërish do ta quaj udhëtimin më komod edhe pse udhëtoja për punë e me një përgjegjësi të dyfishtë, pasi me mua ishte edhe “Mjeshtri i Madh” Engjell Ndocaj me të cilin do realizonim një dokumentar televiziv me krajanët e për krajanët që punojnë e jetojnë në Shtetet e Bashkuara të Amerikës. Si dy të përhumbur në mendimet tona e fjalë pak, për gjatë gjithë atij udhëtimi, mendjen e kishim te puna me përgjegjësi që na priste në Amerikë. 

   Pas shumë orësh udhëtimi mbi oqean mbërritëm në destinacion, ku na priste Mirsad Kovaçi, kryetari i Shoqatës “Kraja” nga i cili kishim marrë edhe ftesat. Për t’u çlodhur pak nga udhëtimi u nisëm menjëherë drejt hotelit “Springhill Suites By Marriott”, i cili për hir të vërtetës për gjatë gjithë atij qëndrimi u bë edhe rezidenca jonë zyrtare, pasi të gjithë miqtë dhe bashkëpuntorët tanë vinin e na takonin aty. 

   Ishte pikërisht Mirsadi ai që ishte kujdesur jo vetëm për akomodimin, por edhe për gjithçka të nevojshme që lidhej me udhëtimin, punën dhe rehatinë tonë, madje për gjatë gjithë atyre ditëve Mirsadi u bë edhe shoqëruesi dhe ndihmësi ynë kryesor, duke na qëndruar gjatë gjithë kohës në dispozicion, që nga mbërritja, agjenda e punës, kujdesi i veçantë për mbarvajtjen e xhirimeve filmike, duke na lënë në dispozicion edhe kameramanin e talentuar Ardit Boli, por edhe nevojat tona, siç ishte edhe një vizitë mjekësore për mua tek Dr.Bahri Ceka, e cila u mundësua nga miku im z.Naser Nika dhe për të cilën i jam më shumë se mirnjohës. 

   Falë përkushtimit të Mirsadit arritëm të realizonim një sërë takimesh me doktorë, profesorë, menaxherë, avokatë, biznesmenë, aktivistë e këngëtarë të njohur në Amerikë, ku shumë prej të cilëve erdhën edhe nga vënde të largëta. 

   Falë tij na u lehtësua puna me xhirimet dhe intervistat e planifikuara në skenar nga ne dhe ajo që u bë kryefjalë e atyre ditëve dhe xhirimeve tona ishte mbrëmja festive e organizuar nga Shoqata “Ana e Malit” dhe Shoqata “Kraja” në nder të Festës së Flamurit dhe Pavarsisë së Shqipërisë me 28 nëntor 2021.     

   Gjithçka ishte veshur kuq e zi dhe frymonte shqip atë natë. Këngëtarë e valltarë të veshur me veshjet kombëtare, por edhe pjesëmarrës e të ftuar të të gjitha moshave  e pasuruan akoma më shumë atmosferen me patriotizëm e frymë kombëtare sa të dukej se një copëz Shqipëri ishte zhvendosur atje në Amerikë. 

   E gjithë atmosfera na bëri edhe më optimistë në realizimin e dokumentarit të pasur kulturor të nisur pak kohë më parë në Krajë e të përfunduar në Amerikë, në të cilin do paqyroheshin e arkivoheshin kujtime, mbresa, kontribute dhe dinjitet njerzor e që do ruhen në breza, çka më bëri edhe më krenar për krajanët e mi edhe për faktin se ky dokumentar më ishte besuar mua. 

   Si kurrë më parë jam ndjerë i vlerësuar dhe i nderuar për këtë mundësi, pasi arrita të depërtoj akoma më shumë në rrënjët e mia të lashta sa vetë vargmalet e Krajës e Rumija legjendare, të lavdishme si rrezet e arta të lindjes së diellit që përthyhen në Liqenin e Shkodrës dhe i falin shkëlqim atij vendi me të cilin për shekuj dhe breza me rradhë jemi ndjerë dhe do të ndjehemi krenar. 

   Ky dokumentar që lidhej me një punë madhore me shumë përgjegjësi, në pasqyrimin e ngjarjeve reale dhe personazheve dinjitozë iu besua atyre që kanë po kaq vlera, për çka iu shpreh me mirënjohje të sinqertë edhe në emër të shoqatës “Kraja” Kryetari i saj z. Mirsad Kovaçi, regjizorit z. Engjell Ndocaj, “Mjeshtër i Madh” si dhe operatorit të përkryer z. Ben Tafili për bashkëpunimin dhe përkushtimin e tyre për gjatë gjithë këtyre muajve. 

   Transmetimi i këtij dokumentari në RTSH do jetë padyshim një pasuri e vyer në pasqyrimin e vlerave mbarë kombëtare me të cilat të gjithë krenohemi se jemi shqiptar. 

   Dhjetor 2021

Nga Keze Kozeta Zylo

Shenjtorët e Gjuhes Shqipe

Sa e dua dhjetorin e festave,

Kur ajri mbushet me zëra shqip,

Ne skenë dëgjoj simfoninë e bilbilave,

Dhe fëshfërimën e Flamurit që përndrit.

Bota e fëmijëve është magjepsëse, sepse ata japin vetëm mirësi dhe pastërti kristalore si ujërat e pastra të maleve tona. Ata ndezin zemrat e shqiptarëve me palët e flamurit kuqezi që valëviten në hapësirat e Qendrës “Illyria” si dhe në mjedise të ndryshme në shkollat ​​publike amerikane në Nju Jork. Shkolla shqipe “Alba Life” dha të shtunën koncertin e madh tradicional të fundvitit në zemrën e shqiptarëve të Nju Jorkut në Qendrën “Illyria” dhuruar për Diasporën nga Z. Mark Gjonaj, Këshilltar në Bashkinë e Nju Jorkut.

Që në hyrje të Amfiteatrit ndihmuan në pritje të njerëzve dhe të organizimit dy koordinatorët e Shkollës Shqipe “Alba Life” në Bronx si Arta Xhaferri, Blerim Gjocaj dhe Dr.Manjola Duli.

Amfiteatri u skuq nga kostumet dhe flamujt si dhe u ndriçua nga veshjet kombëtare të studentëve. Në amfiteatër ishte një Shqipëri e vërtetë, një Shqipëri etnike e të gjitha trojeve, kishte Marigot që qëndisnin flamujt, Is Boletini nga Mitrovica,aty ishte një dishepull i Ismail Qemal Vlorës, Mark Gjonaj dhe studentët që e rrethuan me aq dashuri. Ia njohin mirë zemrën z.Gjonaj, e kanë ndjerë nga afër mbështetjen e tij. Dhe kur fëmijët ju duan, ata nuk do ta harrojnë kurrë atë që u keni dhënë. Mark Gjonaj erdhi me Mr.Grinch i cili është një personazh imagjinar i krijuar nga Dr. Seuss. Ai njihet më së miri si personazhi kryesor i librit për fëmijë në vitin 1957 dhe shpërndau dhurata jo vetëm për fëmijët, por edhe për të gjithë pjesëmarrësit. Z. Gjonaj i uroi nxënësit e Shkollës Shqipe “Alba Life” që të mos rrinë kurrë pa mësuar Gjuhën Shqipe, gjuhën amtare, por të ulen dhe ta mësojnë mirë.

Juve ju është krijuar një mundësi e madhe e jashtëzakonshme, ndaj vlerësojeni për të mësuar mirë historinë e Kombit tone tha z.Gjonaj. 

Z. Qemal Zylo themelues dhe drejtor i TV dhe Shkolles Shqipe “Alba Life” e vlerësoi me çmimin e lartë me motivacionin:

“Çmim për arritje të jashtëzakonshme, për kontributin e tij të shquar në çështjen kombëtare si dhe për misionin e tij si një mbështetës i madh i madh i Shkollës Shqipe “Alba Life” Ambasadori i Kombit që vepron në të gjitha lagjet e Nju Jorkut. Ju jeni një shembull për t’u ndjekur në të ardhmen dhe për t’u vlerësuar nga të gjithë ne që patëm fatin t’ju shikonim dhe dëgjonim.

Ju keni sjellë ndryshimin”!

Koncerti u mbajt për herë të parë në Amfiteatrin e Qendrës “Illyria”, megjithëse patëm nderin të parët të praktikonim mësimin e gjuhës shqipe në këtë qendër të madhe kulturore dhe të shfaqnim një program artistik në përurimin e saj.

Shkolla Shqipe “Alba Life” Ambasadori i Kombit me një përvojë 14-vjeçare e nisi me shumë sukses vitin e ri akademik 2021-2022. Ne kemi mësim kudo në Nju Jork, megjithëse vazhdojmë të jemi në kushte pandemie.  

Shkolla Shqipe Alba Life na mbledh në folenë e saj si dhe për të qenë bashkë me përkushtim të plotë në këtë mision kombëtar.

Shkolla shqipe “Alba Life” që funksionon në të gjitha lagjet e Nju Jorkut u ka ofruar nxënësve mjedise shumë të përshtatshme si dhe një mësimdhënie me metodat më moderne të kohës.

Të gjithë mësuesit ndihmojnë në përshtatje me format pedagogjike, psikologjike dhe intelektuale, sipas moshës dhe niveleve të tyre gjuhësore. 

Nxënësit janë thuajse shenjtorë të Gjuhës Shqipe, e mbrojnë duke mësuar dhe jo duke u asimiluar.

Programi

Mësues dhe nxënës kishin përgatitur një program artistik për festat e fundvitit të cilët interpretuan në mënyrë madhështore në skenë.

Mësuesja Entela Muda dhe nxënësi brilant Arelt Xhaferri e moderuan koncertin artistik me dinjitet, profesionalizëm dhe plot kulturë. Ata ishin moderatorët e këtij programi kaq të pasur, plot histori dhe art brenda tij.

Koncerti u hap me këngët: “Ty Flamur të duam shumë” si dhe me Himnin e Shkollës Shqipe “Alba Life” Gjuha Shqipe-Gjuha jonë!

Të pranishmit ndoqën një “Slide Show” për punën e Shkollave Shqipe “Alba Life” në Nju Jork dhe Online.

Studentët në Staten Island u përgatitën nën kujdesin e mësueseve Elona Alikaj, Anxhela Alushaj dhe Ariana Topallaj. Ata debutuan si: “Erdhi Babagjyshi i Vitit te Ri”

dhe “Kuq e Zi”.   

Në Brooklyn u përgatitën nga mësueset Adelina Lacaj dhe Gela Bulku të cilët sollën histori të ndryshme nga Viti i Ri dhe intepretuan këngë për festat. 

Në Queens u drejtuan në skenë nga mësuesja Enriketa Beluli të cilët ishin përgatitur nën kujdesin e mësuese Ariana Civilit dhe Eriola Shehaj.  Debutuan disa talente në violinë, piano dhe këngë si Morina, Delia dhe Salihu.

Në Bronx u përgatitën nga mësueset Fatbardha Shiqerukaj, Mirvete Krasnisqi Veselaj, Majlinda Tafaj dhe Jetona Reka. Në këtë shkollë u dramatizuan në skenë pjesë nga “Legjenda e Rozafës”, si dhe nga filmi “Nëntori i dytë”. Nxënësi Jozef Juncaj këndoi plot pathos: 

“Jam Ilira Jam Teuta”.

Kërcimet si “Vallja eTropojes” etj e bënë koncertin edhe më të hareshëm.

Vlen të falenderohen asistentet si Adelina Halimi Shahu, Davida Hasanaj etj.

Në këtë festë madhështore nderoi z.David Tubiolo Ligjvënës në Westchester County dhe një mik i madh i shqiptarëve. Ishte krenari ta kishim mes nesh.

Z. Qemal Zylo në emër të Bordit i ndau çmimin e mirënjohjes me motivacionin:

Çmim per arritje te jashtëzakonshme ne Amerike, një mbështetës i madh i komunitetit shqiptar si dhe i Shkollës Shqipe “Alba”, Nju Jork.

Çmimi u dorëzua nga studentja ekselente Saranda Halsted nga Long Island.

  Në këtë koncert ishin dhe filizat e Shkollës Shqipe “Alba Life” me mësuese Sonilda Koci. Ata ishin të vecantë pasi zhvillojnë mësime në Online dhe janë nga shtete të ndryshme në Amerikë.

Shkolla shqipe “Alba Life” e ka sfiduar me kohë pandeminë.

Në këtë koncert nderuan dhe debutuan mjeshtërisht artistë të njohur si Lindita Mezini Lole, me këngët: “Valsi i Lumturisë” dhe Kënga Arbëreshe”Marcelo”. Valbona Peraj interpretoi: “Më prit të vij”, Sopranoja Anila Hoxha Gjermeni e cila jeton dhe punon në Itali përshëndeti me këngën: “Malli matanë detit”, Dionis Delia interpretoi; “Më sillni pak Shqipëri”.

Koncerti ishte një festival i vërtetë realizuar me plot profesionalizëm, art nga të gjitha shkollat Shqipe “Alba Life” në New York.

Në fund sipas traditës z.Qemal Zylo ndau dhurata modeste në shenjë mirënjohje për të gjithë mësuesit, koordinatorët dhe anëtarët e stafit të TV “Alba Life”.

Pas kurorëzimit me sukses të koncertit tradicional me mësuesit dhe stafin e Shkollës Shqipe “Alba Life” darkuam dhe vallëzuam në restorantin “Ciao Joe Albanese” në Eastchester.

Koncerti u filmua nga Bujar Sadikaj, Valon Gërbeshi, Elton Xhaferri të cilët janë anëtarë të stafit të TV “Alba Life” me themelues dhe producent z.Qemal Zylo.

19 dhjetor, 2021

Qendra “Illyria” Bronx, NY