Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

“Kraja” mblodhi qindra shqiptarë në parkun “F.D.Roosevelt”, New York

by

Nga Keze Kozeta Zylo/

Është bërë traditë e bukur ndër emigrantë të Diasporës që në ditën përkujtimore të të rënëve në Amerikë që përkon me të hënën e fundit të Majit të organizohet piknik ku mblidhen shqiptarë të shoqatave të ndryshme te Malit tëZi, ku vlen të përmenden shoqatat si Ana e Malit, Fondacioni Plavë e Guci, Fondacioni Dom Simon Filipaj, Malësia e madhe etj…

Pikërisht në ditën e hënë, më 30 Maj shoqata atdhetare “Kraja” mblodhi në parkun “Franklin D. Roosevelt State Park” qindra shqiptarë të cilët festuan dhe u gëzuan së bashku me të gjitha familjet krajane, etj.

Kryetari i shoqates “Kraja” z.Hamid Alaj së bashku me kryesinë dhe aktivistët e dalluar si Ahmet Vela, Dul Perashi, Mirsad Kovaci, Safet Doci, Naim Haxhimurati, Shuqo Braca, Shpëtim Bardhi etj i kishin marrë masat në mënyrë perfekte edhe pse koha gjatë natës ishte me rreshje të vazhdueshme, por duket se dhe natyra mori pjese së bashku me familjet e mrekullueshme krajane duke sjellë rrezet e diellit pranë tavolinave të mbushura plot dhe fushave të gjelberta ku luanin dhe hidhnin valle fëmijët shqiptarë.

Eshtë e magjishme kur sheh fëmijë me bluzat kuq e zi dhe shqiponjën dykrenore në gjoks çka tregon transmetimin e kulturës shqiptare ndër breza.  Ndërmjet fëmijëve të shumtë kishte dhe nxënës nga Shkolla Shqipe “Alba Life” si Rilind Bardhi, Jaedin Doçi, Rona Kovaçi etj, të ciët detyrimisht të sjellin ndër mendje Krajën me rrënjë të lashta dhe culture të epërme, të sjellin Krajën ku lindi Gjon Buzuku autori i parë i njohur deri më sot i letërsisë shqiptare, shqipëruesi i një libri kishtar, që është quajtur “Meshari” (1555).  Kjo vepër cilësohet si vepra letrare më e vjetër shqipe e botuar dhe ruajtur deri sot.  Gjoni ishte prift katolik për nga besimi, famullitar i një kishe në Shqipërinë Veriore jo aq larg nga vendi i botimit. Për autorin, e mësojmë vetëm nga parathënia e librit dhe gjuha e tekstit. “u Doni Gjoni, i biri i Bdek Buzuku”.

Sipas të dhënave në webin e Krajës thuhet se Kraja është një trevë shqiptare e Malësisë së Mbishkodrës, shtrihet nga Taraboshi, përgjatë bregut Jug Perëndimor të Liqenit të Shkodrës, dhe shpateve verilindore të kurorës së Maleve të Rumisë (1.959m), Malit të Gjanë (1.323m) e Shëngëllisë, nga Cermnica e deri në Shirokë. Në aspektin më të ri tipologjik, në kuptimin e gjërë, ndahet në dy Bashkësi Lokale. Në anën Perëndimore të saj, është Bashkësia Lokale e Shestanit me fshatrat: Krricë, Dedaj, Gurëz, Pinç, Muriq dhe Ljare. Ndërsa në anën Lindore të saj gjendet Bashkësia Lokale e Ostrosit me fshatrat: Ftjan (505m), Kështenjë (245m), Bobosht (48m), Martiq (174m), Ostros i Madh (279m), Ostros i Vogël (240m), Arbnesh (302m) dhe Skje (109m) [fshati Zogaj dhe Shirokë nga ndarja kanë mbetur në territorin e Shqipërisë]. Përveç kësaj ajo ndahet edhe në tërësi rajonale të Krajës së Poshtme, me fshatrat: Krricë, Muriq, Bobosht, Sjerrç dhe Skje, si dhe në Krajën e Epërme me fshatrat Kështenjë, Martiq, Ostros i Madh, Ostros i Vogël dhe Arbnesh. Është edhe një tërësi e tretë me fshatrat: Shestan, Draçevicë, Rjeps, Pinç, Muriq i Epërm, Ljare, Brisk dhe Ftjan. Dokumentet e vjetra, duke përshkruar Krajën, fillojnë me fshatin Shirokë në lindje dhe përfundojnë me fshatin Selcë në perëndim. Në Kadastrin e Shkodrës për vitin 1485 përmendet si fshat, kurse në atë të vitit 1582, shënohet si një Krahinë e përbërë prej 18 fshatrave me 927 familje.  Marian Bolica më 1614, “Krajë” i quan fshatrat nga Ura e Bunës deri në Carnicë. Ndërsa sipas Nikolla Ericos, më 1692.

Kraja përfshin gjithë pjesën e vendit, të rrethuar prej detit, prej lumit të Bunës e Liqenit të Shkodrës, që kufizohej në veri me Malin e Zi, përfshirë këtu edhe Tivari e Ulqini…”.

Në këtë piknik të bënte përshtypje se të gjitha ushqimet ishin përgatitur falas nga kryesia e shoqatës atdhetare “Kraja”, ku shërbimi ishte tejet i kënaqshëm për të gjithë pjesëmarrësit.  Në këtë ditë feste u organizua gjithashtu kampionati i futbollit dhe i volejbollit çka solli një atmospherë të bukur sportive dhe mjaft entuziaste.  Pjesëmarrësit u argëtuan me lojëra të ndryshme të traditës si dhe nën interpretimin e kengëtarëve Sead Asllani, Hejdi Mehmeti si dhe muzikanti Lydi Boli.

Krajanët dhe shqiptarë të tjerë kaluan një ditë të mrekullueshme argëtimi që do t’ju ngelet gjatë në kujtesën e tyre.

 

30 Maj, 2016

New York

 

 

VOTA SHQIPTARE MUND TA KUALIFIKOJE Serena Buçaj SI MISS USA 2016

by

Votoni MISS USA 2016 – Princeshën shqiptare fituesen e kurorës në New York, Serena Buçaj/
Nga Beqir SINA – New York/
LAS VEGAS – NEVADA : Princesha shqiptare fituesja e kurorës në New York, Serena Buçaj, këto ditë është duke jetuar në momente të veçanta të jetës së saj në andrenalinën për të fituar edhe kurorën tjetër të bukurisë MISS USA 2016.
Konkurrenca paraprake MISS USA 2016 do të zhvillohet gjatë kësaj jave, duke nisur qysh mbrëmë të mërkurën, më 1 qershor dhe do të mbyllet të dielën më 5 qershor në 7 të darkës, ku do të jetë i transmetuar në kanalin televizivë kombëtar ABC, ndërkohë që ju mundet ta ndiqni çdo episod në medien sociale në Facebook, dhe në faqen e internetit në www.missuniverse.com. ;
Garuesit nga të gjitha 50 shtete, përfshirë dhe D.C. Distriktin e Kolumbias, do të konkurrojnë në skenën e mahnitshme dhe gjigande të pallatit të sportit “T-Mobile Arena” në Las Vegas – Nevada, të gjitha veshjet, duke nisur prej nga ato në rroba banje dhe në fund me fustanet e mbrëmjes fustan .
Ndërkohë që për një vend për të fituar kurorën e Princeshës së më të bukurës në Shtetet e Bashkuara, do të konkurojnë në “Top 15” pesëmbëdhjet vjazat më të bukura, njëra prej të cilave edhe do të shpallet gjatë emisionit televiziv MISS USA 2016, të dielën, më 5 qershor.
Këtë vit, për herë të parë ka edhe një fituese tjetër , do të jetë ajo e kurorës “FindingMiss52”, i pari-në këto spektakle të bukurisë mbarëkombëtare, në SHBA, ku vajzat më të bukura do të dalin në sfilatën e tyre për një garë mes 52 konkurenteve, për të nxjerrë edhe një bukuroshe me fat për t’u bashkuar me konkurrencën në Las Vegas.
Në mesin e konkurruesve për herë të parë në historinë e emigracionit është edhe një shqiptare e cila ndohet në Las Vegas e cila i ka hyrë garës për ‘Miss USA 2016’. ‘
Ajo është Serena Buçaj vajza pukjane, që e quan veten nga Kosova( mbasi prindërit e saj kan jetuar kur u arratisën nga Shqipëria në Kosovë) e cila, tani po sfidon bukurinë e vajzave shqiptare në njëren ndër garat më të mëdha në botë të modës, MISS USA, duke synuar kurorën e artë.
Serena është 22 vjeçare dhe ajo është zgjedhur në janar të këtij viti fituese e kurorës së artë ‘Miss New Yourk-u’, mirpo kjo duket se vetëm sa e ka motivuar Serenën për të konkurruar për’ Miss USA 2016’, ku bukuroshja shqiptare do të përballet me konkurrente nga gjithë SHBA, të cilat kanë një synim të qartë, të rrëmbejnë kurorën.
Mirpo, tani në fazën paraprake Serenës i duhet përkrahja më shumë se kurr, për të arritur qëllimin e saj. Faqja e ‘Miss USA’ tani ka hapur linkun “http://vote.missusa.com” ku ju mund të votoni edhe 10 herë – për të preferuarën tuaj, dhe t’i ndihmoni Serenës për tu shpallur ‘Miss USA’
The New York Times,  :”Shqiptaret janë raca më e bukur në Evropë”
Vajza Shqiptaro-Amerikane – Serena Buçaj , me origjinë nga Puka – Shqipëri, – e cila u kurorërzua për herë të parë si Miss Nju Jork USA 2016, në fund të konkursit të bukurisë të mbajtur ne 17 Janar, 2016, në metropolin botëror qytetin e Nju Jorkut, është duke ecur në rrënjët e saja në Amerikë.
Serena Buçaj – prej se kur fitojë kurorën e bukurisë në Nju Jork, ka faleminderuar të gjithë komunitetin shqiptarë për mbështetjen! që po i jep asaj, dhe, tani përsëri kërkon ndihmën e tyre duke votuar atë.
Buçaj prej se kur ka fitur kurorën e më të bukurës së New Yorkut, “Miss New York – USA 2016, një qytet ky me 12 milion banorë, një botë e terë në miniaturë, i ka shpeshtuar takimet e saj me komunitetin shqiptarë.
Kujtojmë me këtë rast, prezencën e saj në shfaqjen e filimit Shok në New York, festën e 8 Vjetorit të Pavarësisë së Kosovës , nga Asamblesti Mark Gjonaj në, Bronx, pjesmarrjen e saj në meshën e së dielës në Kishën Katolike Shqiptare Zoja e Shkodrës, dhe takimin e fundit në shtëpinë e Vatrës.
Ajo në një intervistë ekslusive me gazetën tonë, pranojë me kënaqësi se është krenare që ishte shqiptare, dhe e rritur me vlerat shqiptare.
Gjithashtu, thotë ajo ndjehem e bekuar, që kam lindur e jam rritur në Shtetet e Bashkuara. “Unë kam me vete të mirën e të dy botëve! Shqiptare dhe Amerikane ! Do të dëshiroja shumë të vizitoja Shqipërinë, që mbart rrënjët e mia dhe është vendlindja e tim eti.”
Por , ajo e pohonë, gjithmonë këtë, madje e ka përsëritur edhe në televizionet, gazeta dhe revistat me prestigjoze në SHBA, se ajo është, krenare që është shqiptare, dhe me prindër nga Puka e Shqipërisë, të cilët kan jetur në Kosovë.
Teksa ajo tregonë se prindërit e saj u arratisën nga Shqipëria nën sundimin e regjimit komunist – rreth gjashtë dekada me parë, duke qendruar fillimisht në Kosovë, për disa vjet, deri sa emigruan këtu në Shtetet e Bashkuara, ajo çdo herë flet për prindërit e familjen e saj shqiptare.

MOTORÇIKLISTËT SHQIPTAR NË CHICAGO, UDHËTIM 6 ORËSH

by

*Gjatë këtij udhëtimi, motorçiklistët me krenari mbanin të veshur Shqiponjën dy krenarshe në bluzat kuq e zi./

MOTORÇIKLISTËT SHQIPTAR NË CHICAGO të udhëhequr nga artisti Bujar Bobani (Buki) morrën një rrugë bukur të gjatë prej përafersisht 6 orësh vajtje-ardhje nga Chicago, IL deri në Madison, Wisconsing. Piknisja ishte nga restaurant i mirnjohu shqiptar North Star me pronar Bashkim Kabashin ku të pranishëm me motorçikleta ishin: Kryetari i grupit z. Bujar Bobani (Buki),  Afrim Sejdiu, Afrim Imeri, Enes Hoti, Ledio Bregu, Senti Sentiliano, Lulzim Paloja, dhe Agim Baftiri.

Gjatë këtij udhëtimi, motorçiklistët me krenari mbanin të veshur Shqiponjën dy krenarshe në bluzat kuq e zi. Kjo bukuri  e rrallë në rrugët e SHBA-ve la mbresa të mira tek të gjith kalimtarët e rastit që i shikonin nga makinat e tyre. Motorçilistët e lartpërmendur u përcollën edhe me disa makina gjatë tërë Kohës.

Pas disa pushimeve të rregullta, ata u ndaluan në Madison, Wisconsin në Restaurantin Legends Spots Bar me pronar Dulin nga Kërçova. Nga kjo pike pushimi grupit iu bashkangjitën edhe dy motorçiklistë shqiptar z. Fadil Muçolli dhe z. Ardian Gashi ku pastaj u nisën për në Sauk City tek destinacioni final në Restauantin Black Hawk me pronar z. Gani Ahmetaj. Z. Gani Ahmetaj si përherë me mikpritjen e tij bujare Shqiptare, shtroi një drakë për musafirët ku edhe i përshëndeti dhe i përuroj për këtë nismë. Në këtë pikë ndalimi, grupit iu bashkangjiten edhe tre motorçiklistë tjerë shqiptar: z. Elton Ademi, Besnik Ibraimi, dhe Shkelqim Ibraimi.

Në këtë takim të pranishëm ishin edhe krytari i Komunitetit Shqiptar në Madison z. Ahmet Gashi si dhe aktivist të tjerë. Z. Ahmet Gashi dhe kryetari i Komunitetit Shqiparo-Amerikan në Illinois z. Bujar Breznica biseduan për mënyra të mundshme bashkëpunimi në mes dy organizatave për të ardhmën.  U shkëmbyen ide të ndryshme për rritjen e aktiviteteve me karakter kombëtar dhe educative për gjeneratat e reja.

Kryetari i grupit të motorçiklistëve tha se do të organizojnë edhe aktivitete tjera gjatë vitit ku edhe shpreson të ketë edhe më shumë pjesëmarrje. Ky grup promovon gjyrat kombëtare shqiptare si dhe zgjon ndjenja të veçanta tek komuniteti jonë sepse vet motorçikletat simbolizojnë ndjenjën LIRI (FREEDOM).

BE-Kosovë, korniza e dialogut reformohet

by

Foto Gazeta DIELLI – Behlul Jashari: Prishtina, maj 2016/

Komisioni Evropian dhe qeveria e Kosovës, takimi i fundit i DPSA. Diskutojnë për ekonominë, statistikat dhe reformat strukturore/

-Me hyrjen në fuqi të Marrëveshjes për Stabilizim Asociim në mes të BE-së dhe Kosovës, korniza e dialogut do të reformohet – diskutimet do të zhvillohen në kuadër të kornizës së Komiteteve për MSA/

 PRISHTINË, 31 Maj 2016-B.Jashari/ Komisioni Evropian dhe qeveria e Kosovës mbajtën sot takimin e tyre të fundit në kuadër të Dialogut për Procesin e Stabilizim Asociimit (DPSA), ku diskutojnë për ekonominë, statistikat dhe reformat strukturore.  Njoftimi i dërguar thekson se, ky takim u përqendrua në çështjet ekonomike dhe financiare, statistika dhe kontroll financiar. Me hyrjen në fuqi të Marrëveshjes për Stabilizim Asociim në mes të BE-së dhe Kosovës, korniza e dialogut do të reformohet – diskutimet do të zhvillohen në kuadër të kornizës së Komiteteve për MSA.

Përfaqësuesit e Komisionit dhe të qeverisë së Kosovës kanë diskutuar një numër fushash të politikave, përfshirë këtu zhvillimet makroekonomike të Kosovës, politikat fiskale dhe financiare, reformat strukturore dhe zhvillimin e sektorit privat, sistemin statistikor dhe kontrollin financiar.

Fillimisht, Komisioni ka theksuar rëndësinë e zbatimit të Konkluzioneve të Përbashkëta për Programet e Reformës Ekonomike 2016-2018, të aprovuar javën e kaluar.

Në fushën e politikave ekonomike dhe fiskale, u diskutuan treguesit ekonomikë kryesorë, përfshirë rritjen e GDP-së, inflacionin, tregun e punës dhe bilancin e pagesave. Derisa rritja ekonomike e Kosovës është rritur në vitin 2015, kjo ka qenë kryesisht si pasojë e efektit të rritjes së pagave publike dhe pensioneve të vitit të plotë si dhe remitencave më të larta, derisa prodhimi bazë mbetet i dobët. Kosova do të duhet të fuqizojë prodhimin e saj bazë, në mënyrë që të përfitojë plotësisht nga hyrja në fuqi e MSA-së.

Qeveria prezantoi ndryshimet në politikat fiskale, në veçanti në reformat tatimore dhe ndryshimet në rregullin fiskal që do të mundësojë më shumë projekte kapitale të drejtuara kah zhvillimi dhe rregullin e pagave për të lidhur ndryshimet  në pagat publike tek rritja formale.

U diskutuan po ashtu projektet e mëdha infrastrukturore, të përfshira në listën e Tubacionit për Projektin e Vetëm. Komisioni ka theksuar nevojën për zbatimin e plotë të Marrëveshjes Rezervë të dakorduar me FMN.

Një shqetësim i veçantë u shpreh lidhur me rritjen e skemës së përfitimeve të ndërlidhura me luftën, e cila mund të rezultojë në një tejkalim të konsiderueshëm të shpenzimeve të buxhetit të aprovuar. Në këtë kontekst, Komisioni inkurajoi Kosovën për të gjetur masa kompensuese të nevojshme për të siguruar që buxheti mbetet në kuadër të rregullit fiskal dhe për të ruajtur një model shpenzimesh drejt rritjes.

Autoritetet prezantuan situatën aktuale të reformave strukturore kryesore në sektorët si shëndetësia, arsimi, administrata publike dhe privatizimi.

Komisioni uroi qeverinë për prioritetizimin e projektit më përkatës në kuadër të Tubacionit të Projektit të Vetëm. Prioritetizimi i tillë duhet të vazhdojë dhe është një parakusht absolut për përzgjedhjen dhe zbatimin e projekteve në mesin e nevojave të mëdha dhe urgjente. Komisioni nënvizoi progresin e shënuar dhe theksoi nevojën për adresimin e çështjeve urgjente, si përmirësimi i qasjes në financa, mungesa e sundimit të ligjit, përhapja e  ekonomisë joformale, arsimi profesional jo i duhur dhe implementimi i e-prokurimit.

Në fushën e statistikave, Komisioni theksoi nevojën për të miratuar ndryshimet në Ligjin për Statistika dhe miratoi Ligjin për regjistrim të popullsisë në katër komunat e Kosovës Veriore.

Situata e burimeve për prodhimin e Statistikave Zyrtare në Kosovë u diskutua po ashtu në drejtim të kërkesave për të dhëna dhe afatin e tyre.

Diskutimi është fokusuar po ashtu në kërkesën për të fuqizuar llogaritë kombëtare dhe për këtë qëllim edhe statistikat për biznese.

Komisioni po ashtu ka inkurajuar Kosovën që të ftojë Monitorim Ndërkombëtar për regjistrimin e popullsisë në katër komunat e Kosovës Veriore. Mbledhja dhe publikimi efikas i statistikave është një prioritet për politikën e bazuar në dëshmi.

Në fushën e Kontrollit Financiar, u diskutuan zhvillimet e fundit në kontrollin financiar të brendshëm publik. U theksua se duhet t’i kushtohet vëmendje sigurimit të reformave të kontrollit të brendshëm të financave publike dhe menaxhimit të financave publike dhe reformës së administratës publike. Komisioni po ashtu ka mirëpritur emërimet e fundit të Auditorit të ri të Përgjithshëm dhe miratimit të Ligjit për zyrën e auditivit kombëtar.

Ky takim u bashkë-kryesua nga Ministria kosovare e Integrimeve Evropiane dhe Drejtorati i Përgjithshëm i Komisionit Evropian për Ekonomi dhe Çështje Financiare dhe Zgjerim, si dhe Drejtorati për Fqinjësi dhe Negociata për Zgjerim.

Dialogu për PSA është një kornizë në kuadër të së cilës Bashkimi Evropian dhe administrata e Kosovës diskutojnë rregullisht çështjet teknike dhe politike lidhur me axhendën evropiane. Dialogu i PSA monitoron dhe përcjell rezultatet e Kosovës në reforma, dhe po ashtu identifikon mënyrën se si BE-ja mund të ndihmojë në këtë proces. Takimet sektoriale dhe plenare të Dialogut për PSA bashkë-kryesohen nga Komisioni Evropian dhe qeveria e Kosovës. Çdo takim rezulton në veprimet që do të ndërmerren nga autoritetet kosovare.

Komunitet- Takim me Titullaren e Lartë të Bashkisë, Bronx Aurelia Greene

by

Nga Mimoza Dajçi/Organizata e gruas në Bronx (The Women’s Organization “Hope & Peace”) zhvilloi një takim pune me Deputy Borough Aurelia Greene – Titullare e lartë pranë Bashkisë në Bronx dhe Drejtoreshën e Shërbimeve për Komunitetet në Bashkinë Bronx Tracy McDermott. Edhe pse ka kaluar kohë, ato si fillim uruan Presidentin e Bashkisë Bronx -Borough President Ruben Dias. Jr, për rizgjedhjen e tij në këtë post të rëndësishëm dhe treguan se e kanë mbështetur në fushatat e tij elektorale. Në bisedat që u shtruan aty u fol për punën e kryer deri më tani nga kjo organizatë, dhe përfitimet që kanë patur komunitetet e ndryshme në Bronx, për gruan dhe fëmijët, si dhe u kërkua mbështetje e mëtejshme për rastet specifike që kanë disa anëtare të kësaj organizate në familjet e tyre.

Gjithashtu ato ngritën si shqetësim rolin efikas që duhet të luajnë forcat e rendit, pasi sipas tyre uniformat blu të policisë duhet të jenë më të përkushtuara e më të ndërgjegjshme në detyrë e në gatishmëri të plotë për parandalimin e krimit. Këtë aspekt ato e argumentuan me fakte konkrete të një apo dy rasteve të neglizhencës së forcave të rendit, duke treguar në detaje raste kur policia kishte shkuar me vonesë në vendin e ngjarjes.

Mimoza Dajçi foli për ndryshimet në dukje të infrastrukturës në Bronx, ku shikon tha ajo shumë godina të reja banimi, ndërtuar kohëve të fundit në të cilat përfitojnë edhe familjet me të ardhura të pakta, gjë që tregon punën e mirë e të suksesshme të Presidentit të Bashkisë Bronx Ruben Dias. Jr dhe stafit të tij të palodhur. Ajo u ndal gjithashtu tek situata e gruas shqiptare në Kosovë, ku u fol për 20.000 viktimat e luftës nga makineria serbe gjatë periudhës 1998-1999 si dhe nevojat imediate që ato kanë akoma.

Znj. Aurelia Greene duke mirëpritur takimin udhëzoi organizatën tonë se ku duhet të drejtohet për ndihmat direkte që kërkojmë duke dhënë kontaktet e duhura si dhe mbështetjen që ky institucion ofron si kopetencë. Edhe znj. Tracy mMcDermott sygjeroi dhe orientoi anëtaret tona në rrugën që duhet të ndjekin për zgjidhjen e probleme duke vënë në dispozicion lidhjet e Bashkisë Bronx me Institucionet e tjera përkatëse.

Anëtaret e oganizatës së gruas shqiptare – amerikane “Hope & Peace” Lisa Puna, Anisa Gjelaj dhe Iris Dulo që morën fjalën gjithashtu në këtë takim falenderuan Deputy Borough Aurelia Greene dhe Drejtoreshën e Shërbimeve të Komuniteit Tracy McDermott për pritjen e ngrohtë dhe miqësore që u rezervuan.