Komunitet – Page 227 – Dielli

Ndihmë për shërimin e Anilës

March 15, 2016 by dgreca

Hija e brengosjes së kuptueshme dhe peizazhi i vrenjtur i vuajtjes së rënduar, studentes 20 vjeçare Anila Brahaj nga fshati Gjonaj i Hasit (Komuna e Prizrenit), i kanë mbuluar gëzimin dhe bukurinë e natyrshme në fytyrën dikur të hareshme të saj.

Ajo, që nga ditët e para, me shumë shpresë dhe sukses të lakmueshëm, vijonte studimet në fakultetin juridik, pranë Universitetit shtetërorë “Ukshin Hoti” në qytetin historik të Prizrenit.

Por, para pakë kohe, mu në vlugun e studimeve dhe moshën e saj më të mirë, ajo mjerisht mori lajmin e dhimbshëm për goditjen nga sëmundja e leukemisë akute.

Një lajm i hidhur, që zbehu ëndrrat e studentes së mrekullueshme 20 vjeçare, një pezullim i padëshirueshëm i mësimeve dhe largim i përvuajtur nga shokët dhe shoqet e Universitetit, mundim i rëndë edhe për prindërit, vëllezërit e motrat, si dhe tërë familjen e saj, që e duanë aq shumë Anilën, deri në adhurim.

Një goditje vërtetë e pafat, pikërisht në momentin kur të gjithë neve, na ndajnë vetëm edhe pak ditë nga fillimi kalendarik i Pranverës, stinës më të bukur të gjelbërimit dhe rilindjes së jetës në këto anë e më gjerë.Ajo nuk u ankua kurrë më parë, qoftë dhe njëherë të vetme, deri më tani,çdo gjë ishte në rregull me jetën e saj.

Anila ,vetëm, para pak ditësh, papritmas mori vesh diagnozën e trishtuese të sëmundjes që e mundon.Gëzimi i saj dhe shpresa e familjes u goditën fort nga ky lajm i papritur.

Studentja shembullore, nga një thesar i dijes u kthye në një mal me vuajtje për bashkëfamiljarët dhe të gjithë të afërmit e dashamirët e saj, të cilët duan ta shohin atë përsëri shëndosh e mirë.

Mjerisht leukemia, është shndërruar në plagën më të dhimbshme dhe “bestsellerin” më të hidhur në Kosovë, si në asnjë vend tjetër në rajon.

Shkaqet e kësaj sëmundje që në vendin tonë, kaq shpesh përsëritet, sigurisht duhet kërkuar te konsumimi i ushqimeve të dyshimta të cilat me lejen e pushtetarëve tanë të korruptuar, pa asnjë kontroll, për çdo ditë futen nga Serbia në Kosovë.

Në një vend të varfër me kaq shumë milioner të dyshimtë, në spitalet e të cilit mungojnë edhe barnat më elementare,ku nuk ekzistojnë sigurimet shëndetësore të banorëve as përkrahja institucionale e të sëmurëve, natyrisht ndihmat nga populli i varfër e i papunësuar, mbeten të vogla e të kufizuara.

Kurse, milionerët e rinj, kurrë nuk e hapin qesen e mbushur me parat haram të grumbulluara përmes hajnisë, të cilët po qese nuk bëhet fjalë për tenderë milionësh e me përfitime të mëdha për ta, për raste sëmundjesh të rënda si këto, edhe pse të pa kurueshme në vend, ata asnjëherë nuk e zgjatin dorën e tyre koprrace!.

Një paradoks trishtues ky, që edhe në shekullin XXI, e kthen këtë vend në përjetimet e kohës së Migjenit.

Megjithatë Anila ka shumë besim te njerëzit human dhe vullnetmirë, me ndihmën e të cilëve, ajo shpreson të shërohet përsëri.

Familja nuk ka mundësi financiare të përgjigjet për shërimin e Anilës kurse një ndërhyrje e suksesshme për kurimin e kësaj sëmundje, mund të bëhet vetëm jashtë vendit, në mënyrë që ajo të buzëqeshë përsëri dhe gëzoj vitet e rinisë që ka përpara,.

Ndaj,lutjeve të saj për ndihmë, drejtuar të gjithë bashkëkombësve shqiptar kudo janë ata, u bashkohet edhe autori i këtyre rreshtave, me dëshirën më të mirë që Anilës ti buzëqesh përsëri fati, të trajtohet sa më shpejtë me sukses dhe kthehet familjes plotësisht e shëruar, e mbushur me shpresa të reja dhe gëzim e hare që ajo i meriton, si dhe të shijojë bukurinë e luleve të kësaj dhe shumë pranverave tjera

Për të gjithë njerëzit e vullnetit të mirë që kanë mundësi të ofrojnë ndihmën e tyre dashamirëse për shërimin e Anilës, këtu më poshtë, po vendosë edhe Numrin e Gjirollogarisë si dhe IBAN Numrin e Bankës ku mund ti depononi ndihmat tuaja, menaxhues i të cilave është Prindi i Anilës, Isen Brahaj.

Kontoja për kontribuuesit në Kosovë;

Nr. i llogarisë: 1501090003545035

Ndërsa për ndihmat nga diaspora, luteni të përdorni konton me këtë:

SWIFT CODE: RBKOXKPR

IBAN dhe Nr. të llogarisë: XK051501090003545035

Edhe për ata që dëshirojnë të pyesin, kërkojnë sqarime të nevojshme apo të komunikojnë drejtpërdrejtë me prindërit, lidhur me ndihmat apo gjendjen e Anilës, numrat e telefonit janë: +386 49 377 173 dhe +386 49 292 688.

Për ndihmën dhe mbështetjen tuaj ,sado modeste dhe të çfarëdo shume apo natyre qofshin ato, të gjithë kontribuuesit nga cilado anë e trojeve shqiptare, të çdo moshe dhe gjinie, do të mbeten përjetësisht të falënderuar, nga Anila Brahaj dhe Familja e saj.

SHQIPTARËT NË NY, EDHE $ 270 MIJË PËR KATEDRALEN “NËNA TEREZË NË PRISHTINË

March 14, 2016 by dgreca

Shqiptarët e Nju Jork-ut, më të dalluarit në diasporë për kontribute në ndërtimin dhe kompletimin e Katedrales”Nënë Tereza” në Prishtinë,bashkuan edhe një herë kontributet e tyre bujare për përfundimin e punimeve.Në një darkë fonmbledhëse të organizuar nga Këshilli Organizator nën drejtimin e z. Marjan Cubi, Kryetarit të Qendrës Kulturore”Nënë Tereza” të Kishës Katolike Shqiptare ‘Zoja e Shkodrës”, arritën që të mblidhnin një shumë të konsiderueshme që do t’i cojë më tej punimet në Katedrale.

Komisioni i darkës i përbërë nga Marjan Cubi, Mark Shkreli, Lekë Përlleshi, Ismer Mjeku, Lekë Gojani, Zef Balaj, arritën që të konkretizonin një pjesmarrje masive në tubimin fondmbledhës të së Dielës.

Në darkë mori pjesë edhe Ipeshkëvi i Kosovës Imzot Dodë Gjergji, i cili prej disa ditësh ndodhet në Nju Jork.Imzot Dodë Gjergji e ka përgëzuar Mërgatën Shqiptare të Amerikës, në mënyrë të vecanët atë Nju Jork-ut, e cila është donatorja më me peshë në ndërtimin e Katedrales në qendër të Prishtinës, që mbanë emrin Nënë Tereza dhe që është pasuri Kombëtare mbarëshqiptare.

Një mesazh të vecantë dhe thirrje për kontribute bujare ka përcjellë në fillim të darkës Famullitari i Kishës Katolike Shqiptare “Zoja e Shkodrës” në Nju Jork, don Pjetër Popaj.

Darka u moderua nga këngëtari i mirënjohur Gëzim Nika. Të pranishëm ishin edhe diplomatë shqiptar nga Misioni i Përhershëm pranë Kombeve të Bashkuara dhe nga Konsullata e Kosovës, të cilët përshëndetën gjatë darkës.

Ansambleisti Mark Gjonaj gjithashtu përshëndeti gjatë darkës duke i përgëzuar bashkatdhetarët për kontributin që po japin për Katedralen e Prishtinës.

Po ashtu mori pjesë dhe përshëndeti edhe deputetja e Kuvendit të Shqipërisë, Mimoza Hajdarmataj. Përshëndeti dhe kryetari i Vatrës dr. Gjon Bucaj.

Miss Nju Jok, Serena Bucaj, pjesmarrëse në këtë darkë, ka përcjellë mesazhin e saj.

Në ekran është ndjekur mesazhi i sopranos me famë botërore Inva Mula, enkas për shqiptarët e kësaj mbrëmjeje, ndërkohe që është trasmetuar Himni “Lamtumirë” sipas poezisë të Nënë Terezes, interpretuar nga Sopranoja me famë botërore Inva Mula me 5 Shtator 2015 me rastin e 18 vjetorit të vdekjes së nobelistes Nënë Tereza.

Sopranoja Dëshira Ahmeti Kerliu ka prezantuar koncertin e Sopranos me fame Boterore Inva Mula, koncert që do të organizohet me 26 Mars 2016, në sallën presitigjioze të Town hall NYC në adresën: 123 43 rd .St, New York, NY 10036 ( Ajo informoi se biletat shiten në Ticketmaster si-Inva Mula in new York ose me telefon 866-448-7849 800-745-3000..Per me shume Info vizitoni kwtë Website:artistcpromotions.org/events).Të pranishëm në këtë koncert do të jenë gjithashtu pianisti virtuoz Genc Tukici dhe dirigjenti i mirënjohur Maestro Bujar Llapaj.

Pjesë e koncertit do të jenë edhe artistët:

– Dëshira Ahmeti Kerliu, Soprano

– Kreshnik Zhabjaku, Baritone

– Riad R. Ymeri, tenor

Sopranoja Dëshira Ahmeti Kerliu ka pershendetur pjesmarrësit me Ave Maria.

Në fund të darkës u luajt edhe një llotari e drejtuar nga Mhill Velaj, ku ndihmoi dhe Miss Nju Jork 2016 Serena Bucaj, llotari që i shërbeu shtimit të fondeve.

Katedralja Nënë Tereza në qendër të Prishtinën konsiderohet si imazhi evropian Shqiptar.Me 26 gusht të vitit 2003 është vënë gurthemeli i Katedrales nga Presidenti Rugova,bekuar nga Ipeshkëvi Mark Sopi, ndërsa ndërtimi i Katedrales ka filluar me 5 shtator 2007, dne 10- vjetorin e kalimit në amshim të humanistes shqiptare Nënë Terezës.

Shqiptarët e Nju Jork-ut bashkuan përafërsisht 270 mijë dollarë në darkën fondmbledhëse të 13 Marsit 2016, ndërkohë që më parë kanë dërguar më shumë se 1 milonë e 400 mijë dollarë. Detaje për dhuruesit do të japim në Gazetën Diellit të printuar.(Korresp i Diellit)

PANAIR NË DITËN E VERËS NË LAÇ

March 14, 2016 by dgreca

Nga Ahmet ZANI/

Atmosfera festive në ditën e verës në qytetin e Laçit është shoqëruar me panairin e prodhimeve bujqësore, blegtorale si dhe nga artizanati. Mjalti, nënproduktet e qumshtit dhe vreshtarisë, gatimet tradicionale të zonave, qendistaria ishin disa nga prodhimet e shfaqura në panair. Qytetarët e shumtë laçianë kanë shijuar prodhimet dhe produktet sidomos nga zonat e malësisë, dhe konkretisht nënproduktet e qumshtit si djathin e dhisë dhe lopës, mjaltin mjaft cilësor, si dhe disa nga gatimet e servirura posaçërisht me rastin e ditës së Verës.

Zef Pjetri me profesion mësues në fshatin Skuraj ka demonstruar prodhimet si dhe gatimet tradicionale nga bashkëshortja e tij dhe kjo me profesion mësuese. Cifti i bashkëshortëve kanë ekspozuar dhe disa prodhime të tjera tadicionale të zonës si rakia e thanës, kumbullës, produkte të natyrës si çaji i malit, luleblini etj.

Ndërsa Gjet Velaj një rritës i njohur i bletarisë ka demostruar mjaltin produkt mjaft i preferuar dhe cilësor, si dhe prodhime nga pemtaria, arra, mollët prodhime të stinës pranverore.

Disa individë të tjerë do të pomovonin në panair artikuj qendistarie të prodhuara në mënyrë primitive si në tezgjah, si dhe kostume kombëtare tradicionale nga zona e malësisë së Kurbinit.

Këtij panairi nuk i kanë munguar dhe prodhimet e vegalve muzikore si çiftelia instrument i preferuar nga zona kurbinase.

Filmi “Besa” shfaqet në Florida

March 13, 2016 by dgreca

Beqir SINA – New York/

Hebrejtë u mbrojtën me trimëri nga shqiptarët, një akt i pashembullt ky se si shqiptarët mbrojtën të hebrejtë gjatë Luftës së Dytë Botërore.

SARASOTA – FLORIDA : Filmi shqiptaro izraelitë “Besa”, i cili flet për shpëtimin e hebrenjve nga shqiptarët gjatë Luftë së Dytë Botërore, gjatë rrugëtimit nëpër festivale të ndryshme, në SHBA, pas New Yorkut, Los Angelos, Uashingtonit, Çikagos, Bostonit, Filadelfias, mbrriti këto ditë për të marrë pjesë edhe në festivalin e filmit hebraik :”Jewish Film Festival of Sarasota-Manatee”, të Floridës, i cili nisi më 6 Mars dhe përfundoi ditën e diel më 13 Mars.

Me regji të Rachel Goslin, filmi flet mes të tjerash, për historinë e një shqiptari mysliman, të cilit i duhet të përmbushë premtimin ndaj një familjeje hebraike. Kjo është familja, që i ati e tij e ka strehuar gjatë luftës.

Producenti i filmit, Jason Williams ka thënë se ajo që e shtyu të bëjë një film të till, si filmi BESA- ka qenë rrefen ai një arsye e fortë, për t’u marrë me këtë dokumentar: “Filmi u bë shpjegon Williams, ngaqë ai ka një histori e cila është ndër ato historitë e jashtëzakonshme të cilën e di çdo shqiptar, por pjesa tjetër e botës nuk e ka dëgjuar kurrë. Është një ndër ato histori që duhet treguar, aq më tepër që është një histori e cila po harrohet.”

Një nga protagonistet e këtij filmi e mbijetuara e holokastit Johanna Newmann, tregon se ishte fare e vogël kur familja e saj mori një vizë nga ambasada e Mbretit Zog në Berlin për të ardhur në Shqipëri, kohën kur Mbreti Zog urdhëroi të gjitha mabsadat shqiptare në Europë, të paisnin hebrenjët me pashaporta shqiptare me vizë për tu larguar. Familja, tregon ajo me një kthjelltësi nga mendja megjithse është e moshuar, mendonte se do të mund të udhëtonte nga Shqipëria për në Amerikë, por më 7 prill 1939 vendi u pushtua dhe ata u bllokuan dhe mbetën në Durrës.

Johanna, tregon në film se si familja u mbrojt nga shqiptarët. Por kur vendi u pushtua nga Gjermania, gjendja për hebrejtë në Shqipëri, thotë ajo u bë jashtëzakonisht e rrezikshme.

Personazhet e filmit tregojnë se :“Fakti është se jo vetëm populli shqiptar me bujari dhe trimëri shpëtoi hebrej gjatë luftës, por qeveria e tyre e asaj kohe bashkëpunoi me këta individë, që hebrejtë të mos kishin frikë se mund t’i dorëzonin tek gjermanët kur këta kishin pushtuar Shqipërinë. Pikërisht, ky bashkëpunim bëri të mundur që të gjithë ne të shpëtoheshim në Shqipëri.” tregon filmi Besa me producenti i filmit, Jason Williams dhe regji të Rachel Goslin.

Festivali i Filmit Hebraik, në Florida u zhvillua në bashkëpunim me organizatën e grave shqiptare në Amerikë, “Motrat Qiriazi” dhe Degën e Tampa Bay – Florida e Federatës PanShqiptare të Amerikës,VATRA, në bashkëpunim edhe me një qendër të komunitetit hebre në Sarasota Mantate – Florida.

Në median sociale Facebook, Dega e Tampa Bay – Florida e Federatës PanShqiptare të Amerikës, njofton se Filmi Besa – The Promise, është shfaqur në Festivalin e Filmit të Hebrenjve, dhe aty është prezantua me krenari dhe dinjitet edhe Dr. Anna Kohen, një anëtare e një familje hebre, që ka pasur fatin të merret në mbrojtjen e shqiptarëve, ku ajo u rritë dhe u edukua si shqiptare .

Ky film-dokumentar, i cili përshkron vuajtjet e Hebrenjve gjatë Holocaustit, sikurse dhe mbrojtjen e paparë, që i bëri i gjithë populli Shqiptar pavaresisht besimeve të ndryshme fetare, thuhet se ishte pritur shumë mirë nga komuniteti shqiptarë në Florida.

Ata thonë se “ Kanë qenë shumë krenare për kulturën dhe traditat tona edhe pse një nga vendet më të vuajtura në Evropë , shqiptarët janë njohur për humanizmin dhe dashurinë, kodin e tyre Besën, i cili është nga më njerëzorët, duke vënë edhe jetën e tyre në rrezik për çdo njeri në nevojë, dhe u kërkon Besë”.

Në njoftim thuhet se spektatorët ishin edhe disa familjarë të atyre që mbijetuan krimet e asaj periudhe. “Të gjithë, të pranishmit u perlotuan në ato momente prekëse kur mesuan për Shqipërinë dhe traditat e shenjta shqiptare”, thuhet në njoftimin e Degës së Vatrës në Tampa Bay – Florida.

Të pranishmit, thuhet se me këtë rast përgëzuan përfaqesuesit e Vatrës në Tampa në fund të shfaqjes, duke shprehur atyre mirenjohje dhe respektin për të gjithë shqiptarët. Ngaqë, thonë ata historia na mëson që vetëm me dashuri dhe paqe mbijetohet çdo vështirësi, qoftë edhe si ajo e Holokaustit, ku humbën jetën mbi 6 milion hebrenjë.

Dihet se përgjatë Holokaustit Shqipëria, ishte i vetmi vend në Europë që mbrojti dhe strehoi të gjithë hebrenjtë që hynë në territorin e saj. Qindra familje shqiptare nga Shqipëria, dhe Kosova, janë njohur nga shteti i Izraelit dhe nga Yad Vashem, dhe u përzgjodhën për të marrë vlerësimin më të lartë, “Të drejtë midis popujve”.

U deshën më shumë se 50 vjet, që ky akt i këtyre familjejeve të njihej dhe vlerësohej.

Mbasi sistemi komunist e zbehu komunikimin dhe pavarësisht kontakteve, dhe kjo lidhje nuk vazhdoi gjatë. Ajo që bie në sy në shumë tituj gazetash ndërkombëtare, sot është fakti se bëhet fjalë pavarësisht besimeve fetare, muslimane, katolike, ortodokse, e tjerë, ishin shqiptarët ata që strehuan dhe shpëtuan më shumë hebrenj në Shqipërinë e asaj kohe.

Komunitet- NDERROI JETE NE NEW YORK GJERGJ KALAJ

March 12, 2016 by dgreca

Ka nderruar jete ne Nju Jork bashkadhetari Gjergj Kalaj. Lajmi qe u shpernda sot ne rrjetet sociale ka hidheruar familjaret, te afermit, miqte dhe bashkepunetoret e te ndjerit.

Trupi i të ndjerit pushojë në Farenga Brothers Funeral Home, të Dielën (3/13/16) prej orës 2:00pm-9:00pm, ku miq, te aferm, bashkepunetore te tij, komuniteti shqiptare, ngushelloi familjen. Trupi i të ndjerit është përcjellë për në vorrezat familjare, në Grudë të Malësisë së Madhe.

I përjetshem kujtimi për të ndjerin Gjergj Kalaj !