Përmes “Gift of Life International” deri më tani janë mjekuar 40 fëmijë me probleme me zemër, ndërsa pritet që 20 deri 25 nga 100 të tjerë që po kontrollohen, të fillojnë trajimin në klinika të ndryshme të botës./
Nga Beqir SINA New York/
WESTCHESTER NY : Mbi katërdhjetë fëmijë kosovar me sëmundje kongjenitale të zemrës janë shëruar në Amerikë, Israel, Kore të Jugut dhe në Itali. Kjo ndihmë po realizohet nga mjekë, profesorë dhe humanistë amerikan, të cilët kanë krijuar një korridor humanitar për popullin e Kosovës, të ndihmojnë në nevojat e shëndetësisë dhe edukimit mjekësor.
Në kuadër të programit Gift of Life International për né jet të re nga Prishtina në Nju Jork, erdhi edhe vogëlushja katër vjeçare Uerda Zena.
Ajo ka mbrritur në aeroportin ndërkombëtar JFK, të Nju Jorkut, së bashku me nënën e saj Fatbardhën – e pritur siç tregojnë edhe fotografitë nga punonjësit e Rotary Club “Gift of Life”, konsulli i Republikës së Kosovës në Nju Jork, Ylber Kryeziu, humanistja e njohur shqiptare në Nju Jork, Albana Krasniqi dhe veprimtari i komunitetit Fatmir Rama.
Uerda, nga Kosova, këto ditë ka për të u operua ashtu si dhe 25 fëmijë të tjerë nga Kosova – që vuajtën nga sëmundje të rënda të zemrës, dhe kan marrë kujdesin e mjeksisë amerikane, falas – duke iu kthyer jetës normale, asaj të përditëshme si gjithë fëmijët e botës.
Uerda Zena, ka lindur me defekt në zemër, mbasi është konstatuar nga mjekët dhe specialistët në Kosovë, se kishte një “vrimë” në zemër – por operacioni i saj nuk mundet të bëhet në klinikat e Kosovës andaj është e nevojshme ndërhyrja kirurgjiklae e mjekësisë më të përparuar në botë – ajo e Shteteve të Bashkuara .
Për këtë ajo ka patjetër të nevojshme, një ndërhyrje krirugjikale korrektuese, quhet ajo, e cila bëhet vetëm në SHBA, megjithëse në Kosovë, e kanë përcaktuar mjaft mirë diagnozën e saj, por nuk qenë në gjendje për të marrë përsipër një operacion kaq të vështirë, ”..në një kohë që gjendja e saj shëndetësore, e 4 vjecares Uerda Zena– ka vazhduar të bjerë çdo ditë” .
Tani, që çdo gjë ka përfunduar me sukses në përcaktimin e problemit, dhe dokumentacionin përkatës me ndihmen e Klubi Rotari në Bronx, në faqen e internetit të kësaj organizate, thuhet se ata jan të lumtur për të njoftuar se morën përsipër të shëroinë me ndihmën e mjekëve në Spitalin “Maria Fareri Children’s Hospital” në Westchester Medical Center, edhe Uerda Zena, e cila është pjesë e programit të saj për Kosovën.
Organizata “Gift of Life International”, e cila ka ndihmuar mbi 18,000 fëmijë nga 67 vende të ndryshme të botës në katër dekadat e fundit dhe tash ndihmon mbi 1000 femijë në vit të cilët vuajn nga sëmundjet e zemrës dhe problemet e saj qysh në fëmijëri, në kuadër të programit të saj deri tani ka kuruar rreth 60 fëmijë nga Kosova nëpëpërmjet degës së saj në Kosovë “Gift of Life Kosova” e cila udhëhiqet nga Dr. Mazllum Belegu.
Përmes “Gift of Life International” deri më tani janë mjekuar 40 fëmijë me probleme me zemër, ndërsa pritet që 20 deri 25 nga 100 të tjerë që po kontrollohen, të fillojnë trajimin në klinika të ndryshme të botës.
Personi kryesor që ka përkrahur shumicën e këtyre projekteve është edhe Governatori i Rotary International për Boston, Klaus Hachfeld, si dhe profesorë të tjerë në kuadër të Universitetit dhe spitaleve te Harvardit.
Ndërsa, njeriu që ka inicuar dhe është bërë udhëlidhëse ndërmjet SHBA-ve dhe Kosovës, është doktori nga Kosova, që është i angazhuar në “Children’s Hospital Boston” që është një nga spitalet universitare të Harvardit, Gani Abazi i cili në një intervistë të tij, për shtypin kosovar, ka bërë të ditur se janë realizuar dhe po vazhdojnë të përkrahen disa projekte për shëndetësinë e Kosovës dhe edukimin shëndetësor përmes Rotary International në Boston dhe Institucioneve dhe Spitaleve të Harvardit.Kurse, për rastin më të ri, Uerden Zena, duke përshëndetur vogëlushen nga Kosova në NY, e cila ka ardhur për një ndërhyrje kirurgjikale, për të shpëtuar jetën e zemrës së saj, konsulli i Kosovës Ylber Kryeziu shkruan në profilin e tij në facebook :” Mireseardhje për Uerden dhe nënën e saj Fatbardha Zena. Falenderime pa fund për Gift of Life me Joe DeVincent, Robbie Donno dhe Albana Krasniqi që po bëjnë të mundur të rrah lirshëm zemra e saj! e kësaj vogëlushe nga Kosova”.
Dr. Mazllum Belegu, Drejtor për Kosovë i organizatës ndërkombëtare bamirëse “Gift of Life Kosova”, shkruan për rastin Uerden në statusin e tij në rrjetin social facebook, se :”Pas një pauze bukur të gjatë, vazhdon dërgimi i fëmijeve me defekte të lindura të zemrës për mjekim në SHBA. Sot në mëngjës, ka udhëtuar për në New York Uerda Zena, bashk me nënën e saj, Fatbardha Zenën, thot Belegu.
Ndërkoh, vazhdon se “Bukuroshja katër vjeçare, nuk kuptonte se çka po ndodhë rreth saj. Ishte mëngjez me mjegullë, por me kohë, u largua mjegulla dhe u hap rruga drejtë shërimit të Uerdes së bukur, e cila sot kah ora 17.00, sipas kohës lokale, do të arrijë në New York, dhe do të vendoset në një familje( amerikane) e cila do të kujdeset për të dhe nënën e saj.”
Dr Belegu shkruan se i dëshirojmë të gjithë intervenim të lehtë dhe të suksesshëm, ndërsa ka postuar në vijim disa foto nga përcjellja e Uerdes për rrugë të gjatë dhe lutur për një kurim të suksesshmë në Amerikë.
Falenderojmë nga zemra – shkruan Dr. Mazllum Belegu, familjen nikoqire Anita dhe Bill Thomas, Rob, Robbie, Albanen, Sue Palo dhe të gjithë të tjerët që ndihmuan femijet me nevojë nga Kosova – të u mundesohet trajtimi që ua shpëton jetën atyre.
SHBA- Dr. Gentian Lluri, një studiues kardiolog nga Durrësi në Los Anxhelos
Nga Gëzim KABASHI/
“Mjekësia është shkencë dhe art”./
Kështu e nis komunikimin dr. Gentian Lluri, mjeku kardiolog shqiptar që punon në Los Anxhelos, në Universitetin e Kalifornisë. Pas një përvoje 15-vjeçare ai ka bindjen se për të fituar betejën me sëmundjen, një mjek i mirë, bashkë me shkencën duhet të shfrytëzojë edhe artin për të fituar besimin e pacientit.
40 vjeç, me gjysmën e jetës kaluar në auditoret e disa prej universiteteve dhe spitaleve më të njohura në SHBA, Gentiani nuk i ka ndërprerë asnjëherë studimet mjekësore, jo vetëm në fushën e kardiologjisë, por edhe në ato të kirurgjisë dhe neurologjisë.
Bashkë me doktoraturën në neurobiologji, që nga viti 2005 ai ka botuar një sërë artikujsh shkencorë në disa nga revistat e specializuara amerikane, duke u kthyer në një pikë referimi për të rinjtë që kanë zgjedhur profesionin fisnik të mjekut.
Një vit më parë kolegët e tij me prejardhje nga Shqipëria e zgjodhën në postin e presidentit të Shoqatës së Mjekëve shqiptarë në Amerikë. Një vlerësim i merituar për dr. Llurin ky i Shoqatës, ku bashkë me mjekë dhe studentë shqiptarë bën pjesë edhe Nobelisti Ferid Murat.
Po cilat janë stacionet e jetës së studiuesit kardiolog?
Shqipëri – Tunizi – SHBA/
Pasionin për shkencat ekzakte Genti, siç e thërrasin të afërmit, e fitoi nga babai i tij, Kujtimi, mësues fizike mjaft i njohur në qytetin e Durrësit, e po aq edhe nga e ëma, Jalldizi, inxhinjere ndërtimi.
Nxënës i shkëlqyer në të gjitha ciklet shkollore, ai nuk u mendua aspak, kur në vitin 1993 zgjodhi degën e Mjekësisë në Universitetin e Tiranës. Mund të zgjidhte degën që dëshëronte, dhe megjithë prirjet e dukshme në elektronikë, Genti preferoi Mjeksinë, duke respektuar edhe dëshirën e hershme të gjyshes së tij, infermiere në spitalin e qytetit bregdetar.
Rezultatet e shkëlqyera të vitit të parë mundësuan vijimin e studimeve në të njejtën degë në një nga Universitetet e Tunizisë, ku qëndroi disa muaj. Por Genti tashmë e kishte kuptuar se formimi i tij qoftë në Evropë, apo edhe në Afrikën veriore do të ishte i mangët.
Ishte 20 vjeç, kur mbërriti në Amerikë për një qëndrim të përkohshëm.
Etjen profesionale e “shuan” në Universitetin e Ilinoisit, në profilin Paramjekësor. Janë shkolla mjaft të shtrenjta, por Genti nuk ndalet. Punon në restorante, në ndërtim, apo në një fabrikë montimi pajisjesh elektroshtëpiake. Familja, që ka mbërritur pak kohë më parë nga Durrësi në “kontinentin e ri” e mbështet me gjithçka mundet.
Djaloshi e quan vetën me fat, kur punësohet në laboratoret kompiuterikë të Universitetit. Aty mund të studiojë dhe të paguhet njëkohësisht. Diplomohet me medalje të artë dhe përfshihet në Librin e studentëve më të mirë.
Stacioni i radhës bëhet Universiteti i Vermontit, ku falë rezultateve të larta, Gentiani pranohet të ndjekë njëkohësisht studimet për dy grada shkencore: MD Doktor në Mjekësi dhe PhD, Doktor në Filozofi.
Shteti amerikan përmes Ambasadës së tij në Tiranë kujdeset që ti akordojë qëndrim të përhershëm në SHBA, tregues i rezultateve të larta të Gentian Llurit në shkollat më të mira perëndimore.
Studime e botime nga mjeku i ri shqiptar/
Djaloshi nga Durrësi mbron doktoraturën në neurobiologji. Gjatë kësaj kohe boton artikuj shkencorë si “Regulation of TIMP-2, MT1-MMP,and MMP-2 ,expression during C2C12 Differentiation” në revistën”Muscle @ Nerve”(tetor 2005); në revistën “Neuro biology”(tetor 2006) boton artikullin “Tissue inhibitor of metalloproteinase-2(TIMP-2) via a B1 Integrin – Mediated Mechanism”. Pas diplomimit si mjek(MD) dhe mbrojtjes së doktoraturës (PHD) ai fillon praktikën 3-vjeçare si mjek i përgjithshëm (Internal Medicine) ne UIC “University of Illinois at Chicago”.
Shpallet mjeku më i mirë rezident i vitit, duke fituar të drejtën të thellojë njohuritë e tij për kardiologjinë në “UCLA” (University of California at Los-Angeles).
Gjatë kësaj kohe boton “Left and Right Ventricular Diastolic Function in Adults with Surgically Repaired Tetralogy on Fallot. A multi- institutional study” në revistën “Canadian Journal of Cardiology” (qershor 2013 ). Studim tjetër nga fusha e shkencës së Kardiologjisë është “Coronary Arterial Development. A Review of Normal and Congenitally Anomalous Patterns” në revistën “Clinical Cardiology” (shkurt 2014).
Adrioni, lidhja e re me atdheun/
Gentian Lluri nuk i ka humbur asnjëherë lidhjet me atdheun. Ai vjen shpesh në Durrës me familjen e tij të vogël – tregon Vera, halla e tij. Takon shokë e miq, ndërsa një pjesë të mirë të qëndrimit në Shqipëri ia kushton bregdetit.
Me bashkëshorten mjeke patologe, Ria Vergara-Lluri, dhe djalin e vogël kanë filluar të eksplorojnë plazhet e Adriatikut dhe po programojnë edhe bregdetin e Jonit.
“Djali ynë quhet Adrion dhe ka nisur të mësojë shqipen-tregon Genti. Kështu do ti mësojë më mirë edhe brigjet nga e ka marrë emrin”.
Mjeku i suksesshëm shqiptar thotë se interneti i ka shkurtuar distancat dhe kontaktet me homologët në atdhe janë plotësisht të mundshme. “Në punën tonë shkencore ne bashkëpunojmë me universitete e spitale thuajse nga e gjithë bota, edhe në Australi e Japoni – sqaron Genti, duke theksuar se për lidhjet me Shqipërinë mund të ndihmojë edhe Shoqata e mjekëve shqiptarë në Amerikë.
“Kjo është një shoqatë vullnetare, që synon të bashkojë e të ndihmojë anëtarët e saj të fushës së mjekësisë. Ka shumë shqiptarë të talentuar në SHBA që kontribuojnë në fushën e mjekësisë-shprehet dr. Gentian Lluri, president i kësaj Shoqate.
****
Mjekësia, profesioni i sakrificave njerëzore/
-Intervista me dr. Gentian Llurin, president i Shoqatës së Mjekëve shqiptarë në SHBA-
-Cfarë i ka dhënë SHBA dhe cfarë i ka dhënë Shqipëria Gentit?
Së pari po e filloj me më të rëndësishmen. Cfarë më ka dhene Shqiperia? Më dha gjithçka që kisha nevojë për të çarë në Amerikë. Shkollimi që pata në Shqiperi ishte çelës i suksesit. Ishte edukimi, sidomos në shkollë të mesme, edhe mësuesit e “Gjergj Kastriotit”, së bashku me “Sallën 50” ku bënim provimet e tmerrshme, që na dha kurajon edhe bindjen se asgjë nuk është e pamundur. ShBA më dha mundësinë që jo vetëm të vazhdoj studimet në mjeksi, por në të njejtën kohë mundësinë për avancuar kërkimet shkencore në fushën e sëmundjeve të zemrës. Mundësi që jo shumë vende në botë ta japin. SHBA më dha mundësinë, thjesht në bazë të rezultateve akademike, që të arrij majat e mjeksisë, pa më pyetur se nga vija apo kush isha.
-Cili ka qenë qëllimi kryesor i Gentit kur mbërriti në SHBA?
Qellimi kryesor gjithmonë ka qenë i njejtë. Të bëhesha mjek. Madje të shkoj edhe më tej: jo vetëm të mësoj fushën e mjekësisë, por edhe ta avancoj atë.
-Cila është sakrifica njerëzore që bën një mjek?
Jo vetëm në Amerikë, por kudo në botë një mjek i mirë, sakrifikon shumë vite të gjata studimi dhe trajnimi. Orë të tëra ditë edhe natë në spital, me qellimin e vetëm që çdo pacient, sado i sëmurë pavarësisht moshës, etnisë, statusit financiar, apo çdo gjëje tjetër të ketë mundesinë për tu shëruar dhe të ribashkohet me familjen e tij. Janë momente të tilla kur bëhet fjala për jetë a vdekje, që jo vetëm sakrifica fizike nga ana e mjekut, por edhe sakrifica emocionale dhe mendore janë shumë të rëndësishme për të mbrojtur shenjtërine e jetës.
-A ka diçka përtej profesionalizmit të një mjeku, Zoti psh.?
Mendimi im personal është që janë shumë faktorë perveç profesionalizmit. Dashuria për jetën, modestia, kurajo për të kërkuar ndihmë nga kolegët, respekti për kolegët, edhe pacientët. Gjithashtu mendimi im personal është besimi në Zot, por ka mjekë shumë të mirë që nuk janë besimtarë. Besimi në zot është diçka personale, që nuk është faktor kritik në cilësinë e mjekut.
-Si funksionon shoqata e mjekëve shqiptarë?
Shoqata e Mjekëve shqiptarë në Amerikë (Albanian American Medical Society) është një shoqatë, që unë e kam për nder që jam anëtar prej shumë vitesh, edhe presidenti aktual. Shoqata ka për anëtarë individë në fushën e mjeksisë, të cilët janë krenarë për origjinën shqiptare, dhe synimi i shoqatës është që nga lidhja, ndihmesa, dhe bashkëpunimi mes antarëve të shoqatës. Shoqata është joqeveritare, jopolitike, jo për qëllime biznesi. Anëtarët janë në të gjithë Amerikën; shpesh bëhen takime lokale, dhe çdo dy vjet bëhet takimi/darka e madhe, ku të gjithë anetarët e shoqatës marrin pjesë. Anëtarët janë nga të gjitha fushat e mjekësisë. Kemi anëtarë fitues të çmimit Nobel, por kemi edhe studentë të mjekësisë. Jemi të gjithë krenarë për origjinën tonë.
-A keni një këshillë për studentët e mjeksisë dhe mjekët e rinj?
Hmmm… Mjekësia është shkencë dhe art. Shkencë për të luftuar sëmundjen, dhe art për të fituar besimin e pacientit.
Ne Foto 3 Me bashkëshorten Ria Vergara dhe djalin Adrionin
NJU JORK : U mbajtë takimi i parë, publik i shoqatës së Mësueseve shqiptaro amerikan
Shoqata Shqiptare Amerikane e Mësuesve po punon që gjuha shqipe të hyjë zyrtarisht në programin e shkollave të Nju Jorkut – ku jetojnë shqiptarët – mundësin e hapjes së një shkollë dygjuhësore publike, ku në të gjitha subjektet ku jetojnë më së shumti shqiptarët në Nju Jork, të mësohet edhe në gjuhën shqipe si lëndë plotësuese./
Nga Beqir SINA – New York/
BRONX NYC : Më 23 tetor, 2015 – në qytetin e Bronxit – Nju Jork, Shoqata Shqiptare Amerikane e Mësuesve, mbajti takimin e parë publik, thuhet në njoftimin e saj në rrjetin social facebook. Takimi u zhvillua në mejdisin e zyrave të Federatës së Bashkuar të Mësuesve në Bronx, dhe u ndoq nga rreth 100 mësimdhënës dhe prindër – punonjës të arsimit dhe veprimtar të komunitetit.
Shoqata Shqiptaro-Amerikane e Mësuesve, shprehet në dekleratën zyrtare të shpërndar për medien shqiptare, është një organizatë zyrtare e regjistruar simbas ligjeve – sekcioni 503/1 për organizatat dhe shoqatat – jo qeveritare dhe jo përfituese, në Nju Jork.
Ajo është e përkushtuar për nxitjen e marrëdhënieve profesionale, organizimin e aktiviteteve, duke siguruar një rrjet lidhës të ndihmës së ndërsjelltë dhe mbështetjen e shqiptaro-amerikanëve, të cilët janë të përfshirë në fushën e arsimit, por dhe të komunitetit shqiptaro-amerikan në përgjithësi.
Ky takim i parë i hapur u mblodh për të promovuar organizatën për komunitetin shqiptaro-amerikan nëpërmjet njerëzve të përfshirë në fushën e arsimit, si mësues, administratorët dhe shërbimeve të tjera në këtë administratë.
Komuniteti shqiptarë, thuhet se ka numërin më të madh të femrave shqiptare në zonën e Tri-Shteshit, të cilat janë punësuar në arsim – mbasi jo zyrtarisht, flitet se më shumë se 1 mijë gra dhe vajza shqiptare, punojnë aktualisht si mësimdhënëse në shkollat e ciklit të ulët, tetë – vjeçar dhe shumë pak në nivelin e mesmë dhe të lart.
Takimi i 23 tetorit në Bronx, u ndoq nga Assemblymani Mark Gjonaj, dhe përfaqësues të Departamentit të Arsimit, në qytetsi dhe udhëheqes të sindikatës së arsimtarve – Federatës së Bashkuar të Mësuesve dhe personalitete të tjera të komunitetit shqiptaro-amerikan Shkolla Shqipe në Bronx.
Kryetaria e organizatës AAEU – Jacqueline Koka – Vieira foli për misionin e organizatës së arsimtarve shqiptar. Nënkryetarët Raza Sinanaj dhe Drita Gjongecaj Handocaj, si dhe anëtaret të Komitetit Ekzekutiv të kësaj organizate Vjosa Mujaj-Nikci, Violeta Sinanaj, Violeta Kajtazi, Ornela Hasandoçaj, Esmeralda Murati, Susana Boka, Cindy Sylaj, Lisa Nrekic, folën për objektivat dhe përgjegjësitë e tyre për të ardhmen e organizatës.
Në fjalën e tij, Assembleisti i njujorkut, Mark Gjonaj, theksoi rëndësinë e organizatave të tilla për komunitetin shqiptar dhe për qytetin e Nju Jorkut. Folësi kryesor ishte Prof. Shinasi Rama i NYU. Në fjalën e tij, Prof. Rama, theksoi rëndësinë e kësaj përpjekjeje të komunitetit shqiptaro-amerikan për rritjen e shpejtë të numrit të shqiptaro-amerikanëve në arsim – sidomos, për ata të cilët janë duke punuar në shkollat e qytetit rolin dhe kontributin e tyre.
Para këtij takimi, thuhet se përfaqësuesit e Shoqatës Shqiptaro-Amerikane të Mësuesve , zhvilluan një takim me përfaqësuesit e Departamentit të Arsimit të qytetit të New Yorkut, Chief of Staff e kancelares Farina, me të cilën u diskutuan çështje të ndryshme të rëndësisë së mësimdhënies. Ndër çështjet e ngritura nga ana e AAEU ishte çështja e programeve të gjuhës së dyfishtë, pra, mundësia e hapjes së një shkollë dygjuhësore publike, ku në të gjitha subjektet ku jetojnë më së shumti shqiptarët në Nju Jork, të mësohet edhe në gjuhën shqipe, si lëndë plotësuese. Gjithashtu, u diskutuan dhe çështje të shumta dhe të veçanta në lidhje me Komunitetin Shqiptaro-Amerikan, në fushën e arsimit dhe mësimdhënies.
Si konkluzion Shoqata Shqiptaro-Amerikane e Mësuesve, ka lëshuar një dekleratë zyrtare për këtë takim ku thuhet se :”Takimi ishte shumë i suksesshëm dhe i rendësishëm. Me këtë rast dhjetëra arsimtar të rinjë janë regjistruar si anëtarë të kësaj shoqate. Në javët e ardhshme, kjo shoqatë do të organizojë degët e saj për AAEU në të pesë lagjet e NYC. Komiteti Ekzekutiv, i saj ka hartuar një axhendë e cila synon ndërtimin dhe konsolidimin e organizatës përmes aktiviteteve dhe lidhjeve , me një axhendë në shërbim të komunitetit shqiptaro-amerikan si dhe ngritjen e një qendëre informative në faqen e internetit të kësaj shoqate”.
Në fund të dekleratës thuhet se :” Nëse keni ndonjë pyetje apo kërkes për informacion, donacionet, anëtarësisë, aktivitetet dhe mbështetje duhet të drejtohenni në postën elektronike në e-mail aaeany@gmail.co ose të vizitoni faqen e tyre në website: http://albanianamericaneducators.org
Shqiptarët, e suksesshëm përsëri në “Tapetin e Kuq”, New York
Kësaj rradhe, do të përfitojë nga përfitimet dhe Fondi i Fëmijëve Shqiptarë me Autizëm i Dr. Shpresa Xhaklit/
Shkruan:Beqir SINA/
NEW YORK CITY : Rrugëtimi i nisur një vit më parë në Nju Jork, i vazhduar me udhëtimin e saj në Prishtinë dhe Podgoricë, mbërrriti dje në mbrëmje përsëri në mjedisin amerikanë, i përthekuar në katër fjalë: “Albanian American Success Stories – Histori Suksesi Shqiptaro Amerikane”.Mbi këtë titull dinjitoz dhe motiv – impresionues, e ka ndërtuar projektin e saj – Drejtoresha Ekzekutive e këtij projekti, zonja Vera Mjeku, projekt të cilin ajo do ta shpaloste së bashku me bashkëpuntorët e saj – të përkushtuar dhe të talentuar, në njërën prej ambienteve më të frekuentueshme në New York – qendrën turistike Battery Gardens, lokalin e njohur të shqiptaro amerikanit Paul Nicaj.
Projekti vazhdon të udhehiqet nga i njëjti Bord, një grup entuziast profesionistësh të fushave të ndryshme, si Mjeshtri i madh i fotografisë Fadil Berisha, sipërmarrësi Giorgio Kolaj, financieri Nick Markola, avokatja Beti Beno, Dr. Kujtim Balidemaj, Avni Mustafaj, Etrita Ibroci, Mark Kosmo, Blerta Alikaj, Ismer Mjeku e Simon Vukel dhe Drejtoreshën Ekzekutive Vera Mjeku.
Projekti Histori Suksesi Shqiptaro Amerikan, është produkt i gërshetimit të shanseve, që të jep edukimi dhe kultura perendimore, dhe atyre që vijnë nga vendorigjina e shqiptarëve të Amerikës, prej edhe nga kan ardhur ata; Shqipëria, Kosova, Maqedonia, Mali i Zi, Lugina e Preshevës, Çamëria, Arbereshët dhe disapora, dhe kan bër sukses dhe emër të madh në SHBA, në disa fusha të jetës.
Duke, e jetësuar kështu edhe ëndrrën amerikane, tashmë të hartuar edhe në projektet dhe idetë e tyre, agjendën e përditëshme, të këtyre njerëzve, shume të suksesshëme në jetën, punën dhe veprimtarinë e tyre në Shtetet e Bashkuara. Madje disa nga këta shqiptar pjes të histori suksesit, janë tani në vendin dhe mesin e atyre njerëzve, që i njeh gjithë bota – aty ku janë ngritur lart emra të njohur të fushave të ndryshme të suksesit, në SHBA, në biznes, afarist, art, muzik, kultur, sport, edukim dhe, politik, finance e teknologji bashkohore.
“Albanian American Success Stories – Histori Suksesi Shqiptaro Amerikane”, është projekti, më i madh, deri tani, ku janë mbledhur shumë shqiptarë që kan bër një histori suksesi, dhe, që tani ata e ndajnë atë me detaje dhe këshilla nga historia dhe rruga e suksesit të tyre për të qenë aty ku janë sot, me të gjithë shqiptarët anemban botës.
“Kjo, platformë e nxitjes se bashkepunimit midis profesionisteve, të rinjve dhe studentëve dhe krijimi i mediumeve dhe eventeve të tilla, ka thënë drejtoresha Ezkzekutive, e ketij projekti, zonja Vera Mjeku, është vendi ku ata mund të lidhen dhe bashkëpunojnë, por edhe të frymezohen i cili është shumë i rëndësishëm. Mbrëmja është ideuar me ecje në tapetin e kuq, intervista nga mediat, mundësi për të komunikuar me panelin e zgjedhur, argëtim, pjesëmarrje në ankand dhe mundësi për përfshirje direkte në hapjen e procesit të nominimit për raundin e dytë”.
Parakalimi i thjesht në “Reed Carpet – Tapetin e kuq”, i më shumë se 500 të ftuarve, personalitete dhe figura të njohura të komunitetit, dhe në SHBA, në “breshërin” e blitzve, të aparateve fotografike dhe kamerave, intervistat dhe mesazhet e tyre, ishin pik-kontakti i parë, dhe, më së vonë i “Shpërblimeve!” të kësaj veprimtarie të rëndësishme.
Madje, aty kishin ardhur jo vetëm shqiptar e amerikan nga zona e Tri- Shtetshit, por edhe shqiptarë të suksesshëm këta nga shtete të largta, si Teksasi – Dallas, Miçigan – Detroit, Illinoi – Çikago, Kalifornia – Los Angelos, Ohaio – Klevenland, Uashingtoni dhe Vixhinia, biznesmeni i suksesshëm dhe veprimtari i njohur nga Dallasi- me grupin e tij – zoti Nazar Mehmeti President i Unionit Global i Biznesmenëve Shqiptar në Botë, biznesmen që kan investuar në vendlindje si , z Ismet Smaji, sekretar i këtij Unioni, dhe Ylber Korça, nga Struga, së bashku me shqiptaro amerikanin Dr Naim Dedushaj – Drejtor për Diasporën në qeverinë e Kosovës, ideator dhe kreatori i Rrjetit të Bizneseve Shqiptare në DiasporëKëtë projekt të madh organizatori dhe ideatori i saj, e kishte konceptuar madje si një platformë e nxitjes se bashkepunimit midis profesionisteve, të rinjve dhe studentëve dhe krijimi i mediumeve dhe eventeve të tilla.
Çka, e ka pohuar edhe vet drejtoresha ezkzekutive, e ketij projekti, zonja Vera Mjeku, e cila thotë se ky :” është vendi ku ata mund të lidhen dhe bashkëpunojnë, por edhe të frymezohen – këta njerëz, i cili është shumë i rëndësishëm. Mbrëmja është ideuar me ecje në tapetin e kuq, intervista nga mediat, mundësi për të komunikuar me panelin e zgjedhur, argëtim, pjesëmarrje në ankand dhe mundësi për përfshirje direkte në hapjen e procesit të nominimit për raundin e dytë”.
Madje projetktin “Albanian American Success Stories – Histori Suksesi Shqiptaro Amerikane”, kësaj rradhe (mbrëm në Battery Park ), duke parkaluar në karpetin e kuq dhe intervistave – e ka përgëzuar për suksesin e shqiptarëve të Amerikës, edhe senatori demokrat i Nju Jorkut, Charl Shumer, si dhe asambleisti Mark Gjonaj, i cili është shqiptari i parë në historinë e disaporës në postin më të lart në politik – Asamblenë e Nju Jorkut. Mbrëmja u moderua nga aktorja dhe producentja e Hollywoodit Masiela Lusha, me pjesëmarrjen dhe një performancë nga diva e operës ndërkombëtare Ermonela Jaho përkrah një paneli profesionistësh, më zë në fusha të ndryshme si Dr. Dennis Dimitri, President i Shoqatës së Mjekëve të Massachusetts, Bankieri dhe flinatropisti i njohur Richard Lukaj, Gazetarja e Fox5 Lidia Curanaj, Profesori Peter Christopher, Stilistja Katerina Bocci dhe Sipërmarrësi në fushën e teknologjisë Dr. Donald Leka. Kurse, në vazhdën të përfitimit nga ky projekt, ndërsa vitin e kaluar përfitoi Fondi Kosovar për Arsim, ndërsa nga kjo mbrëmje përfitojë Fondi i Fëmijëve Shqiptarë me Autizëm i Dr. Shpresa Xhaklit. Nëpërmjet një ankandi që u zhvillua në ambjetet e Battery Park Restaurant, gjatë mbrëmjes nën udhëheqjen e Miss Massachusets 2015 u promovuan edhe stiliste shqiptare nëpërmjet stilimeve të tyre apo personazheve nga projekti me produktet e tyre të dhuruara.
Ambasadoria e autizmit në botë Dr. Shpresa Xhakli, deklaroi se ajo po punon me Organizatën Botërore të Autizmit në Doha – që Kosova shumë shpejt të pranohet në këtë organizat, si dhe shtoj që një tenor i famshëm i Kalifornia këto ditë do të jet në Kosovë në një koncert bamirësie per femijet kosovar me autizem.
Drejtoresha e këtij projekti Vera Mjeku, mendon se :”Impakti nga faza e parë kanë qenë shumë pozitiv dhe konstruktiv dhe kjo ka bërë që ky Projekt, të promovohet dhe në Kosovë dhe Mal të Zi, brenda këtij viti. Historitë e suksesit shqiptaro amerikan janë burim frymëzimi dhe bashkëpunimi edhe për shqiptarët në Ballkan dhe për këtë arësye në bashkëpunim me Ambasadat Amerikane në Prishtinë dhe Podgoricë u mbajtën panele në universitete, tryeza të rrumbullakta, vizita në investime shqiptaro dhe amerikane dhe qendra për fëmijë me aftësi të kufizuara për të parë mundësitë se si anëtarë të projektit të inkuadrohen e të ndihmojnë në fusha të ndryshme. Projekti, synon që të krijojë shkëmbime të vazhdueshme grupe profesionishtësh dhe grupe mentorësh për studentë dhe profesionistë të ri” ka pohuar znj Mjeku.
Projekti që synon evidentimin dhe promovimin e historive të suksesit dhe krijimin e një rrjeti bashkëpunues të profesionistëve dhe sipërmarrësve shqiptare, një Mbrëmje e tipit Gala, në raundin e dytë, në lokalin luksoz Battery Gardens në New York, pronë e shqiptaro amerikanit Paul Nicaj, u shqoërua edhe me këngë e valle shqiptare, ku nën shoqërinë e DJ Bex – nga Bekim Xhaferri dhe Aida Gashi – Radio Emigranti, muzikant dhe këngëtar të njohur Merita Halili – Raif Hyseni , tenori Ergin Oda, preformuan për këtë mbrëmje.
Albanian American Success Stories – Histori Suksesi Shqiptaro Amerikane, do të promovohet shumë shpejt në Washington DC në një mbrëmje me anëtarë të Kongresit dhe Senatit , vitin e ardhshëm me anëtarë të organizatave të rëndësishme në Washington dhe më pas në Tiranë në Pranverë të vitit të ardhshëm – 2016.
USAID mbështet personat me aftësi të kufizuara në Shqipëri
Pjesë e këtij programi ndihme u bënë fillimisht 20 gra dhe vajza me aftësi të kufizuara në shikim, dëgjim dhe lëvizje. Ato morën këshilla mjekësore, sportive dhe vetëmbrojtje nga vullnetare amerikane. Diskriminimi dhe rreziqet janë ende të shumta në Shqipëri për personat me aftësi të kufizuara. Një grup vullnetaresh shqiptare dhe amerikane po zhvillojnë në Tiranë Programin Wild në dobi të grave dhe vajzave me aftësi të kufizuara.
Pjesë e këtij programi u bënë 20 gra dhe vajza me aftësi të kufizuara në shikim, dëgjim, lëvizje, të cilat morën këshilla mjekësore, sportive dhe vetëmbrojtje.
Anisa Proda, pjesë e këtij komuniteti dhe organizatore e programit Wild, është specialiste në drejtorinë e përkujdesit shoqëror dhe shërbimeve të integruara në ministrinë e mirëqenies sociale dhe rinisë. Ajo thotë se ky trajnim u organizua për të fuqizuar vajzat dhe gratë, që të përballojnë diskriminim e dyfishtë për shkak të gjinisë dhe për shkak të aftësisë së kufizuar. Pranvera Qyra nga Elbasani, studente për psikologji dhe është optimiste për jetën e saj. Ajo thotë se në këto takime mësojnë më shumë për të drejtat e tyre. Shqipëria ka aktualisht rreth 11 mijë të verbër. Por shumë prej tyre dobësia në shikim nuk i pengon të bëhen zot të vetes. Elida Çela nga Elbasani e sapodiplomuar master në shërbime sociale dhe tani po kërkon punë në shumë vende. Persona me aftësi të kufizuara, që përfitojnë një pagesa shtetërore janë rreth 162 vetë, por nevoja është shumë më e madhe. Megjithatë shoqëria po i mbështet ata përherë e më shumë. Irena Oruçaj thotë me gjuhën e shenjave se pengesat janë të mëdha dhe shumë njerëz ende nuk i kuptojnë vështirësitë e këtij grupimi. Sipas OBSH 13 për qind e numrit të përgjithshëm të popullsisë janë persona me aftësi të kufizuara. Në shtetet me varfëri të lartë edhe numri i tyre është më i lartë. Bonnie Scott është vullnetare nga SHBA jeton prej 18 muajsh në Shqipëri, duke ndihmuar personat me aftësi të kufizuara. “Ne këtu sot po zhvillojmë një trajnim vet-mbrojtje, si të kujdesen për veten, dhe këto janë mësime të domosdoshme për këdo” – tha ajo. Edhe në SHBA, shtoi Bonni, diskriminohen personat me aftësi të kufizuara. Diskriminimi për ta është i zakonshëm kudo. Mësimet mbi vetëmbrojtjen dhe mjekësinë janë me rëndësi por kryesorja është që këto vajza të zbulojnë fuqitë e tyre, të ndjehen të sigurta dhe të lira. Vullnetarët dhe programi Wild në Shqipëri kanë shumë mbështetës si agjencia amerikane për zhvillim ndërkombëtar USAID, Mobility International USA, Qendra Rinore e Tiranës, Organizata Rinore Rias dhe Fondacioni Shqiptar i Personave me Aftësi të Kufizuara dhe kështu ata ndjehen më pak të vetmuar dhe më shumë të sigurtë për jetën e tyre.
- « Previous Page
- 1
- …
- 256
- 257
- 258
- 259
- 260
- …
- 384
- Next Page »