Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Nju Jork-Kosova përkrahje për anëtarësimin në INTERPOL

by

1 Pamje nga takimi

Pamje nga takimi,02.08.2017-1-Në Nju Jork, Ministri i Punëve të Brendshme,  Skender Hyseni, shoqëruar  nga Shefja e Misionit të Kosovës, Teuta Sahatqija,  ka takuar Përfaqësuesin e Përhershëm të Uruguajit në OKB, ambasadorin Elbio Rossi, pastaj ambasadorin e Etiopisë  Tekeda Alemu, atë të Bangladeshit, Masud Bin Momen dhe ambasadorin e Senegalit,  Fode Seck/Pamje nga takimi, 02.08.2017-2NJU JORK, 2 Gusht 2017-Gazeta DIELLI/ Ministri i Punëve të Brendshme të Kosovës,  Skender Hyseni, ka udhëtuar për një vizitë pune në Amerikë. Në Nju Jork ka filluar një varg takimesh të ndara me Përfaqësues të Përhershëm të disa shteteve anëtare të OKB-së.Njoftimi i dërguar thekson se, në fokus të bisedave dhe takimeve është kontraktualiteti dhe anëtarësimi i Republikës së Kosovës në mekanizma, institucione dhe organizata ndërkombëtare të bashkëpunimit në fushën e rendit dhe ligjit, përkatësisht bashkëpunimit policor.

Kryesisht bisedat janë përqendruar në sigurimin e përkrahjes për anëtarësimin e Kosovës në INTERPOL, e që pritet të votohet gjatë Asamblesë së Përgjithshme në shtator.
Dje, ministri Hyseni, i shoqëruar edhe nga Shefja e Misionit të Kosovës në Nju Jork, Teuta Sahatqija,  në takime të veçanta ka takuar dhe biseduar me Përfaqësuesin e Përhershëm të Uruguajit në OKB, ambasadorin Elbio Rossi, pastaj me ambasadorin e Etiopisë  Tekeda Alemu, atë të Bangladeshit, Masud Bin Momen, dhe me ambasadorin e Senegalit,  Fode Seck.
Në të gjitha takimet e deritashme është treguar gatishmëri e madhe për të përkrahur anëtarësimin e Kosovës në INTERPOL./b.j/

Edhe Presidenti i Kosovës në ‘US-Adriatic Charter’ (A5)

by

-Në Podgoricë, Thaçi në Samitin e Kartës së Adriatikut, takim me zëvendespresidentin e SHBA, Michael Pence/

1 presidenti_hashim_thaci

PRISHTINË, 1 Gusht 2017-Gazeta DIELLI/ Presidenti i Republikës së Kosovës, Hashim Thaçi, ka udhëtuar sot për në Podgoricë, ku do të marrë pjesë  në Samitin e Kartës së Adriatikut ‘US-Adriatic Charter’ (A5), i cili kësaj radhe bashkë-organizohet nga Maqedonia dhe Mali i Zi.Në mesin e shumë liderëve të rajonit, pjesëmarrës kryesor në këtë takim do jetë Zëvendës Presidenti i SHBA-ve, Michael Pence, thekson njoftimi dërguar nga Presidenca e Kosovës.

Në kuadër të këtij Samiti, Thaçi do të zhvillojë gjithashtu takime bilaterale me liderët e rajonit të cilët janë pjesëmarrës në këtë samit. Ndërsa takimin kryesor bilateral Presidenti i Kosovës do ta zhvillojë me Zëvendes Presidentin e SHBA-se./b.j/

IKU DHE SCARMUCCI, POR NUK KA KAOS NE SHTEPINE E BARDHE

by

*Përsëri ndryshime në stafin e presidentit, largohet shefi i Komunikimit/

1 Samucci 1

*Presidenti amerikan Donald Trump përmes një postimi në “Twitter” këmbënguli se, Shtëpia e Bardhë nuk ishte përfshirë nga kaosi/

Anthony Scaramucci, drejtori i ri i Komunikimit në Shtëpinë e Bardhë shkarkohet nga detyra vetëm 10 ditë pasi mori emërimin.Ky është rasti i fundit mes largimeve të bujshme që kanë trazuar Uashingtonin këto ditë. Shefi i stafit, Rains Pribas u largua javën e shkuar, duke u zëvendësuar me John Kellyn, dita e parë në detyrë e të cilit ishte të hënën.

Një zyrtar i Shtëpisë së Bardhë i cituar nga CNN tha se, ishgjenerali Kelly, i kishte kërkuar Presidentit Trump shkarkimin e Scaramuccit nga posti i drejtorit të Komunikimit, pasi atij i mungonte disiplina e duhur dhe se e kishte djegur kredibilitetin.Sccaramuci, një personazh kompleks e kontrovers, u bë shkak për polemika, menjëherë pas ardhjes në Shtëpinë e Bardhë, pasi u përfshi në një grindje me ish-shefin e kabinetit Pribas, të cilin ai e sulmoi ashpër duke përdorur edhe fjalë të papërshtatshme.

Dorëheqja e shefit te kabinetit dhe zëdhënësit Sean Spicer, erdhi pikërisht pas emërimit të financierit Njujorkez që me pamjen e deklaratën e tij ndezi imagjinatën hollivudiane.Shtëpia e Bardhë e njoftoi me një deklaratë të shkurtër largimin e Scaramuccit.“Anthony Scaramucci do të braktisë rolin e tij si drejtor i komunikimit. Ai mendon se është më mirë t’i japë mundësinë Shefit të ri të stafit John Kelly për të krijuar ekipin e tij. I urojmë gjithë të mirat”, thuhej në deklaratë.

Më herët, gjatë ditës, Presidenti amerikan Donald Trump përmes një postimi në “Twitter” këmbënguli se, Shtëpia e Bardhë nuk ishte përfshirë nga kaosi.

Kuvendi i Republikës së Kosovës, Seanca me 3 gusht

by

Janë ftuar deputetët për seancën konstituive të 3 gushtit, Ora 10.00/

1 Kuvendi

Janë ftuar deputetët e Kuvendit të Republikës së Kosovës për pjesëmarrje në seancën konstituive të Legjislaturës VI, e cila do të mbahet të enjten, më 3 gusht 2017.Seanca do të fillojë në orën 10:00, sipas rendit të ditës:

  1. Formimi i Komisionit të përkohshëm për verifikimin e kuorumit dhe të mandateve të deputetëve,
  1. Dhënia e betimit të deputetëve,
  1. Zgjedhja e kryetarit të Kuvendit dhe e nënkryetarëve të Kuvendit.

Zyra për media dhe marrëdhënie me publikun

Anglia dëboi 42 mijë shqiptarë në 8 vjet

by

kthimNjë numër i lartë shqiptarësh janë dëbuar nga Britania e Madhe për shkak të dokumenteve të parregullta. Eurostat, autoriteti i statistikave të Bashkimit Europian, ka publikuar shifrat e emigrantëve të dëbuar nga shteti ishullor.

Sipas shifrave, janë rreth 500 mijë emigrantë nga vendet jo anëtare të Bashkimit Europian, që u dëbuan në harkun kohor të 8 viteve. Në vend të parë renditen shqiptarët, të cilët janë rreth 42 mijë që janë dëbuar nga Anglia, duke u ndjekur nga 23 mijë ukrainas, 17 mijë irakenë, 13 mijë shqiptarë nga Kosova dhe 13 mijë serbë.

Në total janë gjetur 60 mijë emigrantë të paligjshëm në Britani të Madhe nga të gjitha shtetet. Nga këta, 36.500 janë dëbuar duke u kthyer në vendet e tyre të origjinës.