Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Iu dha Lamtumira zonjës Lili Skënderi, bashkëshortes të poetit Vehbi Skënderi

by

Nga Elida Buçpapaj/

Në një ceremoni shumë private, të premten, u përcoll për në banesën e fundit zonja Lili Skënderi, bashkëshortja e poetit Vehbi Skënderi dhe nëna ime.Me këtë rast, dua të shpreh mirënjohjen time të thellë dhe të familjes për mbështetjen dhe ngushëllimet e marra nga mikesha,miq e dashamir, nga të njohur, të afërt e të largët, nga Shqipëria dhe jashtë saj, që i kanë njohur personalisht prindërit e mij, nga shoqe, shokë e kolegët tanë, të cilët me praninë e tyre na e kanë bërë më të lehtë  dhimbjen.Ju shprehim falenderimet tona emër për emër! Qofshi të bekuar emër për emër!Zoti ju bekoftë ju, Familjet tuaja, fëmijët tuaj, të dashurit tuaj dhe ne paçim raste që t’jua shpërblejmë vetëm në gëzime e të mira.

Nëna ime iku me mall në zemër për shtëpinë në Tiranë të mbushur plot me kujtime, për mikeshat e saja me të cilat pinte kafenë e mëngjesit kur ishte aty, për motrën e saj, mbesën e madhe,  nipat e mbesat, për të afërmit tanë.

Nëna ime ishte një mama, vjehërr dhe gjyshe e lumtur që donte të jetonte, pasi ishte e rrethuar nga dashuria.

Ashtu sikur thoshte Steven Jobs: “Askush nuk do të vdesë, edhe sikur ta dijë se Parajsa po e pret, prapë nuk do që të vdesë, e megjithatë vdekja është destinacioni për të gjithë”.

A mund të na ngushëllojë ky përgjithësim që na përket të gjithëve.

Natyrisht që jo!

 

 

Tiranë- Proteste tek Liqeni artificial, Policia godet protestuesit

by

-Reagon Avokati i Popullit/

-PD: Dhuna ndaj protestuesve u urdhërua nga burracakë Rama e Veliaj/

-Ministri Tahiri kërkon lirimin nga detyra të policit që qëlloi me shuplakë qytetaren/

Aktivistët e shoqërisë civile që dolën në protestë kundër vendimit të kryetarit të Bashkisë së Tiranës, Erion Veliaj, për të ndërtuar brenda parkut të Liqenit Artificial, u dhunuan nga policia. Situata u veshtiresua kur një efektiv i policisë qëllon me shuplakë në fytyrë një grua, e kap me forcë për flokësh dhe tenton ta rrëzojë. Është një situatë sa kaotike aq edhe skandaloze që nxjerr në pah paaftësinë e policisë për të menaxhuar një protestë të shoqërisë civile kundër betonizimit të parkut të liqenit. Në fillim të javës protestuesit e rrëzuan rrethimin e zonës ku është parashikuar ndërtimi, por protesta e tyre nuk u shoqërua me konfrontime me policinë. Forcat e rendit e mbikqyrën situatën, pa ndërhyrë për t’u përplasur. Sot, pas deklaratës së Erion Veliajt se ai nuk do të ndalet në projektin e tij edhe pse ka akuza për korrupsion edhe pse qytetarët janë ngritur në protestë, policia reagoi dhunshëm.

Reagimi i Avokatit te Popullit

Dhunën e ushtruar nga uniformat e policisë e ka dënuar edhe Avokati i Popullit Igli Totozani. Nëpërmjet një njoftimi për mediat Totozani thotë se dhuna është e patolerueshme në çfarëdolloj rrethane, duke kërkuar shkarkimin e menjëhershëm të policit që ushtroi dhunë ndaj qytetares.

Po ashtu Totozani i bëri thirrje qytetarëve që të protestojnë qetësisht.

Reagimi i Avokatit të Popullit

Avokati i Popullit denon me force dhunen e ushtruar sot nga nje punonjes policie ndaj nje qytetareje gjate protestave tek zona e Liqenit.

Dhuna ndaj qytetareve ne cdo rast dhe rrethane eshte e patolerueshme. Avokati i Popullit kerkon shkarkimin e menjehershem te efektivit te policise sepse njerez me prirje te tilla dhune nuk jane te denje per te mbajtur veshur uniformen e policise.

Edrejta per te protestuar eshte nje e drejte e njeriut qe duhet te respektohet maksimalisht  nga cdo kush.

Nga ana tjeter Avokati i Popullit ju ben thirrje qytetareve te protestojne me qetesi.

Nderkohe nje grup ekspertesh te Avokatit te Popullit jane nisur ne vendngjarje dhe po hetojne mbi rrethanat e ngjarjes.

PD: Dhuna ndaj protestuesve u urdhërua nga burracakë Rama e Veliaj

Partia Demokratike ka reguar për dhunën e ushtruar nga policia ndaj aktivistëve të shoqërisë që protestuan kundër ndërtimit planit të Erion Veliajt për të ndërtuar në territorin e Parkut të Liqenit Artificial. Sipas PD, dhuna është urdhëruar nga Edi Rama dhe Erion Veliaj, të cilët PD i quan burracakë. Partia Demokratike i bën thirrje prokurorisë të hetojë dhunën, kërkon lirimin e protestuesve të ndaluar dhe u bën thirrje qytetarëve t’i bashkohen protestës së saj ditën e nesërme para Bashkisë së Tiranës, kundër disa vendimeve të Erion Veliajt, që rëndojnë mbi xhepat e qytetarëve.

Deklarata e plotë e PD/

Partia Demokratike dënon ashpër dhunën e ushtruar sot ndaj të rinjve, ndaj të moshuarve, ndaj burrave e grave të Tiranës, që kanë dalë në mbrojtje të pasurisë së tyre, kanë dalë në mbrojtje të Parkut të Liqenit. Kjo dhunë e shëmtuar burracakësh është urdhëruar nga Edi Rama dhe Erion Veliaj, për të mbrojtur aferën korruptive të ndërtimit të paligjshëm.

Partia Demokratike mbështet qëndresën e shoqërisë civile dhe qytetarëve të Tiranës. Ne jemi në krahun e tyre në këtë lëvizje vendimtare për të ardhmen e qytetit dhe të demokracisë në vend.

Partia Demokratike kërkon hetim të menjëhershëm nga prokuroria dhe vënie para ligjit të policëve që kanë ushtruar sot dhunë si dhe eprorëve të tyre. Kërkojmë lirimin e menjëhershëm të qytetarëve që janë shoqëruar në polici.

Protesta e qytetarëve të bashkuar në mbrojtje të pasurisë publike jo vetëm nuk ndalet, por do të përshkallëzohet  deri në ndaljen e oligarkut lokal të Edi Ramës, mashtruesit të korruptuar Erion Veliaj. Ju bëjmë thirrje qytetarëve të Tiranës të bashkohen nesër në orën 10 para Bashkisë dhe më pas në marshimin e protestës drejt Parkut të Liqenit.

Ministri Tahiri kërkon lirimin nga detyra të policit që qëlloi me shuplakë qytetaren/

Ministri i Brendshëm, Saimir Tahiri ka kërkuar pezullimin dhe lirimin nga detyra të punonjësit të policisë, i cili ushtroi dhunë ndaj një qytetareje gjatë protestës kundër ndërtimit të parkut të fëmijëve tek Liqeni.“Eshte e papranueshme te sulmohet uniforma e Policise se Shtetit, qofte edhe nga nje grua, por absolutisht edhe me e papranueshme dhe e patolerueshme te reagohet fizikisht, sidomos ndaj nje gruaje.Kam kerkuar pezullimin e menjehershem te punonjesit e policise dhe lirimin e tij nga detyra.Policia qe duam nuk mund te jete kjo qe na treguan pamjet e konfliktit mes punonjesit te policise dhe nje qytetareje.Cdo punonjes policie duhet ta dije kete dhe kushdo e harron nuk do te tolerohet ne asnje rast e per asnje arsye”, shkruan Tahiri në FB.

Presidentja Jahjaga dekoroi një numër personalitetesh dhe organizatash

by

-Ndër të dekoruarit edhe ish Kryeministri PANDELI MAJKO/

-Nga Diaspora ne SHBA: Shoqata Atdhetare “Malësia e Madhe” në Detroit dhe New York, Shqipe Biba/

Në vazhdën e aktiviteteve për shënimin e tetëvjetorit të pavarësisë së Kosovës, Presidentja e vendit, Atifete Jahjaga, ka ndarë dekorata për një numër të madh personalitetesh dhe organizatash, që kanë dhënë kontribut të jashtëzakonshëm për Kosovën.Dhënia e dekoratave u bë një ceremoni solemne, të organizuar sot, në të cilën Presidentja Jahjaga ua dha dekoratat të dekoruarve, familjarëve apo përfaqësuesve të organizatave.

Dekorimi u bë në bazë të nenit 84 pika 28 të Kushtetutës së Republikës së Kosovës, të Ligjit Nr. 04/L-070 për Dhënien e Dekoratave nga Presidenti i Republikës së Kosovës, si dhe në bazë të neneve 3 dhe 4 të Rregullores mbi Llojet e Dekoratave që i Jep Presidenti i Republikës së Kosovës dhe Procedurat Për Dhënien e Tyre.

Në një fjalë mbajtur me këtë rast, Presidentja Jahjaga tha:

Të nderuar laureatë dhe ju familjarë të të gjitha personaliteteve që me veprën jetësore lanë gjurmë të pashlyera në historinë e Kosovës; për lirinë, pavarësinë e shtetndërtimin dhe për zhvillimin e saj të gjithmbarshëm.

Të nderuar të pranishëm,

Jam thellësisht e nderuar që sot në këtë tetëvjetor të shpalljes së Pavarësisë, të nderoj të gjitha personalitetet dhe veprimtarët që kanë dhënë kontribut të jashtëzakonshëm që ne të kremtojmë si çdo komb i lirë – shtetësinë tonë.

Kjo është dita më e shënuar e historisë së Kosovës, për të cilën janë sakrifikuar gjenerata të tëra, që me idealin e tyre për liri e pavarësi kanë vënë themelet e shtetit të ri, një faktori të rëndësishëm jo vetëm të paqes por edhe të sigurisë e stabilitetit edhe në rajon e edhe më gjerë.

Shteti i Kosovës është gjaku, djersa dhe angazhimi i të gjithë atdhetarëve  që e deshën atë, që i dhanë fuqinë për ta ndërtuar mbi gërmadhat e një lufte të gjatë e të rëndë, të gjithë atyre që i vunë themelet e shtetit të pavarur, të qytetarëve të barabartë, shtetit me synime të qarta për të qenë pjesë e pandashme e botës së përparuar.

Me këtë ceremoni të ndarjes së medaljeve së bashku, edhe Institucionet por edhe populli i Kosovës, vlerësojmë, nderojmë dhe kujtojmë kontributin e jashtëzakonshëm, të të gjithë juve edhe laureatë edhe familjarë, për të mirën tonë të përbashkët.

Kosova është vendi ynë, të cilin e bëjmë të përparuar dhe të zhvilluar vetëm ne së bashku. Është në duart tonë që amanetin e atyre që na kanë hapur rrugën e sotme ta çojmë përpara; për ta bërë Kosovën një shtet demokratik, ku sundon ligji dhe rendi; ku qytetarët e gjejnë perspektivën e tyre pa e kërkuar tjetërkund; ku mirëkuptimi është thelbi i zgjidhjeve dhe ku dashuria për atdheun tonë të përbashkët bëhet fuqia jonë për të ardhmen.

Ju laureatë, dhe ju familjarë,

T’i mbani me nder dhe krenari nga gjenerata në gjeneratë, këto dekorata dhe medalje presidenciale, si mirënjohje më e lartë shtetërore për punën tuaj dhe kontributin për atdheun.
Zoti ju bekoftë!

Zoti e bekoftë Kosovën!

Në emër të të dekoruarve falënderoi mulla Xhevat Kryeziu, përfaqësues i Lëvizjes për Faljen e Gjaqeve.

Në vijim lista e të dekoruarve:

Të dekoruarit me Urdhrin “Hero i Kosovës”, i cili u jepet personave që kanë bërë vepra sakrifice dhe trimërie për lirinë dhe pavarësinë e Kosovës:

  1. Abaz Thaçi
  2. Adem Ukëhaxhaj
  3. Afrim Selim Xhuraj
  4. Behajdin Myrteza Allaqi
  5. Besim Adem Ndrecaj
  6. Daut Idriz Zagragjaj
  7. Faruk Zymer Zekaj
  8. Feriz Faik Guri
  9. Hajrush Mehmet Elezaj
  10. Haxhi Hoti
  11. Hysen Nahit Rexhepi
  12. Ismet Mustafë Bicaj
  13. Sadik Ramë Rrustemaj
  14. Shaban Sali Manaj
  15. Shaban Zeqë Mazrekaj
  16. Tasim Ukë Elezaj

Të dekoruarit me “Urdhrin e Lirisë”, i cili u jepet personave për kontributin e tyre të lartë për liri të Kosovës.

  1. Avdi Kelmendi
  2. Avdullah Polloshka
  3. Azem Jashanica – Bellaçevci
  4. Dëshmorët e Gadimes 1944 – 1946
  5. Familja Rama – Shkabaj, Obiliq
  6. Familjen Shala – Jeshkovë, Prizren
  7. Halit Hasani
  8. Idriz Rrecaj
  9. Ismail Raka
  10. Jashar Haxha
  11. Jusuf Bahtijari
  12. Latif Smajli
  13. Lëvizja Kryeziu
  14. Mehmet Agë Rashkoci
  15. Mulla Zekë Berdynaj
  16. Qamil Fejzi Hoxha
  17. Sefer Vesel Shabani
  18. Sylë Mehmeti – Nikçi
  19. Shefki Popova
  20. Shoqatën Atdhetare “Malësia e Madhe” në Detroit dhe New York
  21. Tahir Zajmi
  22. Vehbi Dibra (Agolli)
  23. Zija Shemsiu
  24. Zymer Daut Hasi

Të dekoruarit me “Urdhrin e Pavarësisë”, i cili u jepet personave për kontributin e tyre për pavarësinë e Kosovës.

1- Pandeli Majko

2 Xhavit Ahmeti

Të dekoruarit me Urdhrin Luftëtar i Lirisë “Adem Jashari”, i cili u jepet personave për trimëri në luftën për liri.

  1. Adnan Nexhmedin Krasniqi
  2. Ajdin Selam Rrahmanaj
  3. Alajdin Nevzat Xhezairi
  4. Ali Ahmet Berisha
  5. Avni Zhabota
  6. Bashkim Ismail Suka
  7. Besnik Sadri Kastrati
  8. Bujar Visoqi
  9. Elfir Maliq Behrami
  10. Enver Nebi Buqaj
  11. Ersan Mehmet Mazreku
  12. Feriz Abdurrahman Susuri
  13. Hajdar Abaz Shala
  14. Halil Muhamet Gashi
  15. Hamit Shaip Thaqi
  16. Heshim  Nuhi Gashi
  17. Hysni Rexhep Morina
  18. Ismet Selman Gashi
  19. Jeton Idriz Dedushaj
  20. Kadri Ramadan Karaçica
  21. Malush Halil Ahmeti
  22. Nexhmi Brahin Llumnica
  23. Perparim Ali Thaçi
  24. Skender Mehmet Latifi
  25. Shaip Jahir Pacolli
  26. Shkëlzen Imer Dragaj
  27. Tahir Haki Gashi
  28. Ymredin Smail Çengaj

I dekoruar me Urdhrin për Paqe, Demokraci dhe Humanizëm “ Dr. Ibrahim Rugova”, i cili u jepet personave, vepra jetësore e të cilëve cilësohet si kontribut i veçantë për ndërtimin e paqes, zhvillimin e demokracisë dhe kultivimin e humanizmit.

  1. Jean-Paul Carteron

Të dekoruarit me Medalja Humanitare “Nëna Terezë”, që u jepet personave që  kontribuojnë në çështjet humanitare.

  1. Lëvizja e Nënave
  2. Bedrije Berisha
  3. Elizabeth Gowig
  4. Fexhrije Graca
  5. Haxhere Hajrizi
  6. Hilmije Havolli
  7. Igballe Reqica
  8. Merzuqe Hana
  9. Nexhmije Sogojeva
  10. Nora Bytyqi
  11. Rabisha Belegu
  12. Ramize Salihu
  13. Rupert Neudeck
  14. Sadete Zeneli
  15. Shejnaze Gashi
  16. Shpresa Shala
  17. Shqipe Biba
  18. Xhevrije Krasniqi

E dekoruar me Medaljen e Paqes dhe Pajtimit “Anton Çetta”, e cila u jepet personave që kanë kontribuar dhe kontribuojnë për paqe dhe pajtim midis njerëzve

  1. Lëvizja Gjithëpopullore për Faljen e Gjaqeve

Të dekoruarit me Medaljen Presidenciale të Meritave, e cila u jepet personave që me punën e tyre kanë kontribuar në fusha të veçanta si arsim, shkencë, kulturë, rini, sport, siguri, shërbim civil.

  1. Abdylatif Fusha
  2. Agim Sarhati
  3. Agim Vatovci
  4. Agron Boriçi
  5. Agron Pustina
  6. Akil Koci
  7. Ali Sokoli
  8. Ali Zatriqi
  9. Amir Agani
  10. Arton Curraj
  11. Asene Agaj
  12. Avdyl Krasniqi
  13. Bedri Bakalli
  14. Behgjet Canhasi
  15. Besart Ahmeti
  16. Binak Kastrati
  17. Bosilka Lleshi
  18. Daut Mustafa
  19. Emine Gashi
  20. Enis Sabotic
  21. Enver Baraku
  22. Eshref Biqaku
  23. Fadil Hysaj
  24. Fehmi Henci
  25. Ferit Zekolli
  26. Florim Mejzinolli
  27. Gani Demolli
  28. Gazmend Shaqiri
  29. Hajredin Ukelli
  30. Hanife Bimbashi Sheremeti
  31. Hashim Maloku
  32. Hysen Ukmata
  33. Hysri Tafarshiku
  34. Imridin Gerdellaj
  35. Irfan Spahiu
  36. Irfete Spahiu
  37. Ismail Hoxha
  38. Isuf Dedushaj
  39. Izedin Osmani
  40. Izet Hima
  41. Jahja Kokaj
  42. Jashar Dula
  43. Josif Bageri
  44. Jusuf Rexhepi
  45. Jusuf Telaku
  46. Kajmak Gazideda
  47. Klinika Emergjente e SHSKUK-së
  48. Kompania e Kërkim Shpëtimit, Regjimenti i Mbrojtjes Civile i Forcës së Sigurisë së Kosovës
  49. Mark Kaçinari
  50. Mazllum Belegu
  51. Mehmet Begraca
  52. Mentor Disha
  53. Muhamet Guguli
  54. Muharrem Gashi
  55. Muharrem Kutllovci
  56. Muhedin Salihamixhiq
  57. Musa Haxhiu
  58. Nevruz Hasani
  59. Nexhdet Kryeziu
  60. Nysret Rahmani
  61. Omer Kaleshi
  62. Osman Hoxha
  63. Osman Imami
  64. Premtim Mustafa
  65. Qamil Haxhiu
  66. Qerkin Krasniqi
  67. Rauf Dhomi
  68. Resmije Vokrri
  69. Rifat Ymeri
  70. Riza Binishi
  71. Sadri Bajraktari
  72. Samedin Haxhijaha
  73. Selim Krasniqi
  74. Simë Dobreci
  75. Skender Boshnjaku
  76. Skender Boshnjaku
  77. Suel Salihu
  78. Shaban Geci
  79. Shaban Shabani
  80. Shpëtim Robaj
  81. Shtëpinë e Kulturës “Abdullah Krashnica”
  82. Tahir Z. Berisha
  83. Talat Pallaska
  84. Tef Vokrri
  85. Teuta Hadri
  86. Vjollca Hoti
  87. Xheladin Deda
  88. Xhemajl Ahmeti
  89. Xhemajl Bajraktari
  90. Ymer Koçinaj
  91. Zef Gjoni
  92. Zenel Kabashi
  93. Zenel Kelmendi

I dekoruar me Çmimin për Inovacione, Kërkime dhe Zhvillim, që u jepet personave që tregojnë rezultate të jashtëzakonshme në fusha të caktuara të dijës, zhvillimit ekonomik dhe tekonologjisë.

  1. Projekti NATEV

Kosovo protesters demand government resignation on independence day

by

On the country’s eighth independence day, thousands of protesters in Kosovo have called for new leadership. The opposition supporters have accused the government of violating the constitution.

Shouting anti-government slogans, thousands of opposition-supporting protesters gathered in Kosovo’s capital, Pristina, on Wednesday to rally against the government.

“Kosovo will not allow itself to be led by people who have violated the constitution, its sovereignty,” said Visar Ymeri, leader of the main opposition Self-Determination Movement party.

Ymeri has given the government until February 27 to resign and announce new elections, or “our protests will not stop.”

Rally participants enthusiastically waved Albania’s red-and-black national flag and only a few Kosovo flags. The country is comprised of mostly ethnic Albanians.

The opposition party rejects an EU-brokered deal that the government made with Serbia last year which gives more powers to Kosovo’s ethnic Serb minority. In December, the Constitutional Court declared that part of the deal was unconstitutional.

They also oppose a border demarcation deal which was reached with Montenegro and have called for a referendum on the matter.

The rally participants dispersed peacefully, but another protest was called for Friday when Kosovo’s parliament might begin procedures to elect a new president Tear gas in parliament

The day began with a military parade at a government-held ceremony to celebrate the eighth anniversary of the country’s independence from Serbia.

President Atifete Jahjaga said the people have a “democratic right” to voice their opinions but appealed for a “dignified and peaceful protest”.

“Such a government has a clear mandate. It has the legitimacy to serve the citizens who trusted it with the majority of votes in a democratic process accepted by the whole political spectrum in Kosovo,” said Prime Minister Isa Mustafa.

Over the past four months, opposition members of parliament have sought to disrupt parliament by releasing tear gas into the main chamber and by blowing whistles.

Members of the international community have denounced the opposition party’s violent tactics, asking for them to resolve the political deadlock by working together in parliament.

Kosovo declared its independence from Belgrade in February 2008, a move which has been widely recognized by 111 countries, including the US and major European Union member states.

However, their claim to independence has been rejected by Serbia, along with the support of Russia. The two have successfully blocked Kosovo from becoming a UN member.

(AP, AFP, dpa)

 

 

Kosovë-Opozita: 100 mijë protestues kundër qeverisë-Policia ishin 15 mijë protestues

by

-Rreth 15 mijë veta kanë marrë pjesë në protestën e sotme në Prishtinë, sipas Policisë së Kosovës/

-Protesta e opozitës përfundon me thirrje për 27 shkurt nëse nuk dorëhiqet qeveria/

-Mustafa e Thaçi: Qeveria nuk do japë dorëheqje, e ka mandatin e votës së lirë të popullit të Kosovës/

Nga Behlul Jashari/ PRISHTINË, 17 Shkurt 2016/ Protesta e opozitës kosovare në Prishtinë u shpall e përfunuar dhe qetë me paralajmërimin për protestë tjetër në 27 shkurt nëse deri atëherë nuk dorëhiqet qeveria e nuk shpallen zgjedhje të reja të jashtëzakonshme parlamentare. Por, protestuesit u ftuan në shesh edhe për të premtën, kur është seanca e Kuvendit të Kosovës, mbajtjen e së cilës e kundërshton opozita e bashkuar, e cila po bllokon seancat që nga fundvera e kaluar edhe me hedhje gazi lotsjellës në sallën plenare e jashtë saj. Qytetarët u ftuan që të pamundësohet zgjedhja eventuale e Presidentit nga Kuvendi i Kosovës.

Sipas komunikatës së përbashkët të tre partive organizatore, të dërguar pak më parë, më shumë se 100.000 qytetarë të Republikës së Kosovës dolën sot në protestën e thirrur nga opozita e bashkuar, për shtet me sovranitet dhe kundër qeverisë antikushtetuese.

 “Pjesëmarrësit kanë ardhur prej të gjitha anëve të Kosovës, prej qyteteve e fshatrave, e masivisht prej kryeqytetit, Prishtinës. Protesta nisi në orën 14:00 te Biblioteka Kombëtare dhe vazhdoi në formë marshimi deri te Sheshi Skënderbe. Aty qytetarëve iu drejtuan me fjalime deputetë e udhëheqës të subjekteve opozitare, Nismës për Kosovën, Aleancës për Ardhmërinë e Kosovës dhe Lëvizjes Vetëvendosje”, thekson deklarata.Populli i Kosovës, vijon opozita e bashkuar,  është ngritur në këmbë, masivisht, për t’i kundërshtuar marrëveshjet e dëmshme për Kosovën, dhe për ta kundërshtuar këtë qeveri që me çdo kusht po i shtyn këto marrëveshje përpara. “Një qeveri që e ka shkelur 23 herë Kushtetutën e vendit, nuk ka legjitimitet e as legalitet ta udhëheqë vendin”, thuhet në deklaratën e opozitës.Sipas opozitës së bashkuar, marrëveshjet tashmë janë anuluar prej verdiktit popullor, dhe kësaj qeverie i mbetet vetëm të largohet, menjëherë. “Këtë po e kërkon sot populli i Kosovës, në sheshet e Prishtinës, në protestën më të madhe të pasluftës në Kosovë. Nëse qeveria nuk e dëgjon fjalën e popullit, atëherë protestat do të bëhen intensive e të pandërprera. Sot populli me prezencën dhe zërin e tij e ka shkarkuar qeverinë e Kosovës”, përfundon komunikata e opozitës.

 Rreth 15 mijë veta kanë marrë pjesë në protestën e sotme në Prishtinë, sipas Policisë së Kosovës, derisa sipas organizatorëve, opozitës së bashkuar, ishin mbi 100 mijë.

Policia e Kosovës thekson se protesta e sotme është mbajtur nga ora 14:00 deri 16:00. “Policia e Kosovës njofton se protesta e mbajtur sot në Prishtinë ka qenë e qetë dhe nuk është shënuar asnjë incident. Në këtë protestë sipas vlerësimeve afërsisht kanë marr pjesë rreth 15 000 protestues”, thekson komunikata e dërguar.

Kryeministri  Isa Mustafa dhe zëvendëskryeministri Hashim Thaçi në një konferencë shtypi pas protestës së opozitës theksuan se qeveria nuk do japë dorëheqje se e ka mandatin e votës së lirë të popullit të Kosovës.

Ata u shprehën se, qeveria e Kosovës është e palëkundur në punën e saj, “duke respektuar votuesin dhe ata që u kanë dhënë mandatit që janë mbi 200 mijë votues të LDK-së dhe mbi 230 mijë të PDK-së dhe mijëra tjerë të partive tjera të koalicionit”.  

Foto- Prishtine 17 Shkurt 2016. Foto Gazeta Dielli-Behlul Jashari/