Kronike – Page 321 – Dielli

” Tigri” i Tropojes çudit tiranasit

December 5, 2015 by dgreca

Nga Ahmet ZANI/

Griselda Marashi vajza tropojane vetëm 13 vjeçe ka tërhequr vemendjen e shumë apasonantëve të cirkut të Tiranës. Prej tre vitesh ” Tigri” siç e kanë pagëzuar dhe shoqet e saja të shkollës me talnetin e pashembullt në shfaqet e cirkut me akrobacirat e guximshme të vajzës.

Griselda studjon në klasën e tetë të shkollës Lagush Poradeci nxënëse e shkëlqyer në mësime dhe nga tre vite i përkushtohet akrobacisë në cirkun e Tiranës duke u renditur krah talentëve me përvojë.

Prindërit e saj tregojnë për talentin e rrallë të vajzës së tyre e cila nuk ka kohë të lirë duke ju përkushtuar mësimeve dhe stërvitjes si akrobate. Ne si prindër tregon mamaja e saj Leta jemin të kënaqur nga pasioni i saj si dhe iniciativa në guximin pë veprime shumë profesioniste. Sakaq ne si prindër jemi shumë mirënjohës mësueses Klea Rexhapi e cila kujdeset mjaft për Griseldën gjatë oravëve të mësimit dhe programit stërvitor. Që në vogli vjaza kishte mjaft pasion akrobacinë dhe tashmë realizon ushtrime të vështira.

Kjo nxënëse e shkollës nëntë vjeçare përpos talentit të akrobates është pasionante dhe e modelingut pranë samervestit në Tiranë.

Një artiste e lindur e ciula kërkon të krahasohet me artistë profesonistë mjaft emocionuese dhe ambicioze. 13 vjeçarja kjo vajzë e urtë mjaft punëtore e shkathët, e dashur për shoqërinë dhe familjen, me intuitën dhe p[asionin e saj pritet të bëhet e njohur në arenën e cirkut si dhe një modele e shkëlqyer.

Kremohet 103 vjetori i krijimit të Forcave të Armatosura të Republikës së Shqipërisë

December 4, 2015 by dgreca

Nga Shefqet Kërcelli/

Sot paradite, datë 4 dhjetor, në sheshin qëndror të Garnizonit “Skënderbej”, Tiranë, u organizua një ceremoni ushtarake për nder të 103 vjetorit të krijimit të Forcave të Armatosura të Republikës së Shqipërisë. Në këtë ceremoni morën pjesë trupa dhe personel nga të gjitha Forcat, Armët dhe Shërbimet, pjesë përbërëse të Forcave tona të Armatosura. Gjithashtu vec Ministrit të Mbrojtjes, znj.Mimi Kodheli dhe Shefit të Shtabit të Përgjithshëm, Gjeneralmajor Jeronim Bazo, në këtë ceremoni morën pjesë veteranë të FA, deputetë të Kuvendit të Shqipërisë, anëtarë të Komisionit për Sigurinë Kombëtare, Atashe ushtarakë të vendeve anëtare të NATO-s akredituar në vendin tonë, përfaqësues të medias, etj. Mbas përshëndetjes me rastin e 103 vjetorit, pjesmarrësit shoqëruan ekzekutimin e hymnit kombëtar nga tenori Ergys Mita. Në vijim të ceremonisë fillimisht pjesmarrësit i përshëndeti Shefi i Shtabit të Përgjithshëm Gjeneralmajor Bazo dhe më pas Znj.Mimi Kodheli. Në fjalën e tyre drejtuesit e ushtrisë shqiptare vlerësuan rrugën e lavdishme të Ushtrisë Shqiptare nga dita e krijimit, punët e përpjekjet e bëra për reformimin e FA shqiptare deri në pranimin si anëtare me të drejta të plota në NATO. Gjithashtu u evidentua roli i trupave shqiptare në misione të ndryshme paqeruajtëse krah me vendet e tjera si dhe kontributi i popullit shqiptar në luftën kundër terrorizmit dhe forcimin e paqes e sigurisë në botë. Në fund të fjalës, titullarët e MM i uruan ushtarakëve shqiptarë, Gëzuar 103 vjetorin e krijimit të ushtrisë shqiptare! Gjatë ceremonisë u prezantua dhe mënyra më e re e përshëndetjes nga cdo Forcë apo Komandë Mbështetje e Forave tona të Armatosura.

Pse 4 dhjetori shënon krijimin e Ushtrisë shqiptare? Vetëm pak ditë nga akti historik i shpalljes së pavarësisë, 28 nëntor 1912, më 4 dhjetor 1912, Kuvendi Kombëtar i Vlorës, në mbledhjen e tij të parë zgjodhi grupin ekzekutiv të Qeverisë së Përkohëshme të Vlorës. Në përbërje të kësaj trupe bëntë pjesë dhe Dikasteri i rëndësishëm i Luftës {Mbrojtja Kombëtare}, me në krye Gjeneral karriere dhe Komandanti i shquar i kryengritjeve shqiptare të viteve 1911-1912, Mehmet Pashë Dërralla.{Tetova}. Ky dikaster në bashkëpunim me atë të Punëve të Brendëshme do organizonte mbrojtjen e territoreve të vendit, sigurimin e rendit publik, njëkohësisht dhe formimin e organizmave drejtuese të strukturave të Forcave të Armatosura Shqiptare.

Kosova 2015, qeveria miratoi 68 projektligje

December 4, 2015 by dgreca

-Kuvendi: Realizuam gjithë programin legjislativ të cilin qeveria e Kosovës e ka proceduar deri më tani/

-Po bëhet një vit që nga zgjedhja e qeverisë së re në Kuvendin e Kosovës në 9 dhjetor 2014, gjashtë muaj pas zgjedhjeve të parakohëshme parlamentare të 8 qershorit/

Nga Behlul Jashari/ PRISHTINË, 4 Dhjetor 2015/ Qeveria e Republikës së Kosovës, në një deklaratë të dërguar sot bën të ditur se, deri më tani, gjatë këtij viti, ka miratuar 68 projektligje.Qeveria e Kosovës thekson se, do të punojë me përkushtim maksimal deri më datë 31 dhjetor 2015, në mënyrë që të kompletohet axhenda legjislative e saj dhe që projektligjet të dërgohen në Kuvendin e Kosovës. Përpos ligjeve të miratuara, sipas evidencave të qeverisë janë edhe 32 projektligje që duhet të kalojnë procedurat në Kuvend, meqë qeveria i ka miratuar dhe proceduar. Qeveria e Republikës së Kosovës e sheh të nevojshme krijimin e kushteve dhe kontributin e të gjitha subjekteve politike në Kuvend, në pozitë dhe opozitë, në mënyrë që të përmbushet axhenda legjislative, e cila ka rëndësi themelore për vendin, si dhe që këto akte, pas shqyrtimeve dhe debatit kualitativ në Kuvend, të jenë sa më të kompletuara dhe në interes të qytetarëve dhe shtetit. Qeveria e Kosovës e konsideron të nevojshme dhe të domosdoshme miratimin sa më të shpejt të këtyre akteve ligjore, të cilat kanë rëndësi parësore për zhvillimin ekonomik, proceset integruese evropiane, arsimin, sigurinë, luftën kundër korrupsionit dhe avancimin e shumë proceseve të tjera të rëndësishme për të ardhmen e vendit, përfundohet në deklaratë. Në 1 dhjetor, Kuvendi i Kosovës deklaronte se me seancën e 30 nëntorit të Kuvendit, në të cilën u shqyrtuan 16 projektligje, u ratifikuan dy marrëveshje ekonomike ndërkombëtare dhe u shqyrtuan një numër raportesh mbi punën e agjencive të ndryshme shtetërore, gjithsej 35 pika të rendit të ditës, realizoi të gjithë programin legjislativ të cilin qeveria e Kosovës e ka proceduar deri me tani në Kuvend. Me miratimin e Ligjit të Buxhetit të Kosovës për vitin 2016, Kuvendi më nuk ka asnjë projektligj të dërguar nga qeveria për shqyrtim e miratim në Kuvend. Sipas Kushtetutës së Republikës së Kosovës, qeveria është instanca që sponsorizon projektligjet në Kuvendin e Kosovës.Po bëhet një vit që nga zgjedhja e qeverisë së re kosovare në Kuvendin e Kosovës në 9 dhjetor 2014, gjashtë muaj pas zgjedhjeve të parakohëshme parlamentare të 8 qershorit. Pas zgjedhjes, qeveria e Kosovës, e koalicionit të dy partive më të madha PDK e LDK, ku përfshihen edhe minoritetet, për vitin 2015 kishte paraparë të përgatisë dhe të dërgojë për miratim në Kuvend rreth 100 ligje.

(Foto: Qeveria dhe Kuvendi i Republikes se Kosoves, foto Behlul Jashari – Gazeta Dielli)

Pejë, përurohet restaurimi i Mullirit të Haxhi Zekës

December 3, 2015 by dgreca

PEJË, 3 Dhjetor 2015-B.Jashari/ Në qytetin e Pejës, nën organizimin e Komunës dhe me mbështetjen e Zyrës së BE-së në Kosovë, u përuruan sot restaurimi i Mullirit të Haxhi Zekës dhe hapësirave publike.
Me ftesë të Kryetarit të Komunës së Pejës, Gazmend Muhaxheri, në cilësinë e organizatorit të inaugurimit të këtyre projekteve, ministri kosovar i Punës dhe Mirëqenies Sociale, Arban Abrashi, mori pjesë në këtë përurim, ku, përveç përfaqësuesve të Ministrisë, Komunës së Pejës, Zyrës së BE-së, ishin të pranishëm edhe përfaqësues të ndërmarrjeve përfituese nga këto dy projekte.
Axhenda e programit të sotëm u karakterizua nga një ecje e organizuar nëpër shtigjet e ndërtuara për ecje dhe një ndalesë në ekspozitën fotografike, për të vazhduar pastaj te Mulliri i Haxhi Zekës të restauruar në kuadër të këtyre dy projekteve.
Ministri Abrashi, gjatë fjalës së tij, theksoi efektin pozitiv multidimensional të këtyre dy projekteve, prej të cilave përfitues nuk janë vetëm qytetarët e Pejës, në shërbim të të cilëve do të jetë hapësira publike e restauruar si dhe një pjesë e trashëgimisë kulturore, si Mulliri i Haxhi Zekës, por edhe oferta për punësim të përkohshëm për personat e regjistruar në qendrën për Punësim të Ministrisë së Punës e Mirëqenies Sociale, mes të cilëve edhe persona me aftësi të kufizuara, e përfaqësues të pakicave kombëtare.

Bashkë me shefin e Bashkëpunimit nga Zyra e Bashkimit Evropian në Kosovë,Christof Stock, ministri Abrashi dhe kryetari Muhaxheri, sot në Pejë edhe kanë vizituar ndërmarrjet përfituese nga programi MSME “Arta Tex” dhe “Lumi”. Me këtë rast u theksua se, të dy keto kompani janë shembull i frymës së ndermarresisë në Kosovë dhe i perkrahjes së tyre të pakusht nga qeveria e Kosovës dhe Bashkimi Evropian. Shuma totale e këtyre investimeve arrinë në 4.5 milionë euro.

Ndërron jetë njeriu që këshillojë Presidentin Clinton për bombardimet kundër Jugosllavisë

December 3, 2015 by dgreca

Shqiptarët e Amerikës me ndihmën e Sandy Berger, u takuan në Shtëpinë e Bardhë, për ndërhyrjen e Natos me në krye SHBA në Kosovë./

Beqir SINA – New York/

WASHINGTON D.C: Ish-këshilltari i Presidentit të SHBA Bill Clinton për Sigurinë Kombëtare, Sandy Berger, i cili në vitin 1999 ka luajtur rol kritik në sulmet ajrore kundër Jugosllavisë për shkak të masakrave të forcave serbe në Kosovë, ka vdekur në moshën 70-vjeçare pasi vuante nga kanceri.

Në një reagim në Twitter, Clinton e ka përshkruar Bergerin si “mikun e tij të mrekullueshëm dhe më të mençur”. “Askush nuk ka qenë më i ditur për politikën dhe më i mençur se ai për ta formuluar atë”, ka thënë Clinton në një deklaratë.

New York Times shkruan se Berger ka luajtur rol kritik në strategjinë për përdorimin e fuqisë amerikane dhe sulmeve ajrore për përfundimin e luftës kundër Presidentit të Jugosllavisë Sllobodan Milloshevic.

Ndërkohë Barack Obama ka thënë se ai personalisht ka përfituar nga këshillat e Berger duke thënë se ai ishte një nga liderët më të mirë të kombit për çështje të sigurisë kombëtare.

Ndërkohë, për vdekjen e Sandy Berger kanë shprehur ngushëllime edhe ish-Sekretarja Amerikane e Shtetit Madeleine Albright dhe Sekretari Aktual i Shtetit John Kerry.

Shqiptarët e Amerikës me ndihmën e Sandy Berger, u takuan në Shtëpinë e Bardhë, për ndërhyrjen e Natos me në krye SHBA në Kosovë.

Ka qenë data 1 prill 1999, kur rreth 2.000 shqiptarë, nga Uashingtoni, New Yorku, zona e Tri- Shteshit, Detroiti, Çikago, Florida, Teksasi, e tjerë u mblodhën jashtë oborrit të Shtëpisë e Bardhë, për të ngritur zërin ndaj asaj që po ndodhte në Kosovë –

Ish-këshilltari i Presidentit të SHBA Bill Clinton për Sigurinë Kombëtare, Sandy Berger, doli para protestës duke kërkuar nga liderit e saj – një përfaqësi, që do t’i përcillte Presidentit të SHBA, Bill Klinton – shqetësimet dhe kërkesat e tyre për zgjidhjen e çështjes së Kosovës,

Liderët shqiptarë amerikanë zgjodhën një përfaqësi, e cila përbëhej nga : Kryetari i Vatrës, Agim Karagjozi, Kryetari i KKSHA, Ilir Zherka, veprimtarët Avni Mustafaj, Harry Bajraktari, Musa Daka, Luigj Gjokaj, Ekrem Bardha, Zini Erbeli, Valbona Sherifi, e tjerë,( ashtu si duken edhe në këtë fotografi historike, që mban edhe firmën me nëshkrimin Bill Clinton).

Ky është ndoshta një nga momentet më historike, kur liderët shqiptarë amerikanë u takuan në Shtëpinë e Bardhë me Presidentin e Shteteve të Bashkuara Bill Klinton, dhe këshilltarin e sigurisë kombëtare Sandy Berger dhe stafin e Këshillit të Sigurisë Kombëtare të SHBA, në takimin që zgjati më shumë se 15 minuta vetëm për Kosovën.

Mbas takimit në Shtëpinë e Bardhë më 31 Mars 1999, Mustafaj citohet të ketë thënë se Presidenti Clinton, u kishte thënë atyre se është shumë i rëndësishëm suksesi i SHBA në Kosovë. “Ne nuk mund të humbasëm këtë. Ne duhet ta fitojmë këtë, “, citohej simbas shtypit amerikan Mustafaj, të këtë thënë për presidentin Klinton,gjatë atij takimit historik ku u folë për Kosovën, lirinë dhe çlirimin e saj nga Serbia.

Takimi u zhvillua më 31 Mars 1999, një javë mbasi SHBA dhe NATO nisën furishëm bombardimet ajrore që zgjatën 78 ditë pa pushim mbi Serbinë, dhe caqeve të tyre ushtarake në Kosovë,

Kjo ishte hera i dytë, kur shqiptarët e Amerikës, udhëheqësit e komuniteteve, ndër ata dhe kryetari i Vatrës, Fan S Noli, u zgjodhën si përfaqësi për të ngritur zërin e shqiptarëve, kudo, në Shtëpinë e Bardhë, në vitin 1918 në takim me Presidentin e SHBA, Woodrow Wilson.

Demonstruesit Shqiptaro-Amerikanë, të cilët u mblodhën në sheshin para Shtëpisë së Bardhë në Lafayette Park, më pas demostruan edhe nëpër rrugët e Uashigtonit me flamujt shqiptar dhe amerikan – duke mbajtur pankarta ku thuhej: “Ne duam të tregojmë solidaritet me shqiptarët e Kosovës”- “UÇK – UÇK”, “Poshtë Millosheviqi” dhe ” NATO largoje, Serbinë jashtë Kosovës”.

Ndërsa një grup protestuesish po atë ditë kan djegur edhe një flamur jugosllav – por, nuk ka pasur konfrontime apo arrestime.(Fotografia eshte edhe ne arkivin e Vtares)