Protesta e opozitës në Gjilan

December 12, 2015 by dgreca

Bota Sot-Ka përfunduar i qetë manifestimi i opozitës në Gjilan, përmes së cilit u kundërshtuan marrëveshja për Asociacionin e komunave me shumicë serbe dhe asaj për Demarkacionin kufitar me Malin e Zi.Me thirrje “Duam shtet me sovranitet” dhe “Zajednica nuk kalon”, qytetarë të Gjilanit dhe Anamoravës ishin mbledhur në qendër të qytetit për të dal në mbrojtje të siç po thonë ata “sovranitetit të Kosovës”.Rikujtojmë se opozita të shtunën e kaluar kishte organizuar një manifestim të tillë edhe në komunën e Gjakovës ku morën pjesë qytetarë të shumtë.

Ymeri: Kryepolicët Mustafa e Thaçi po përdorin Policinë në shërbim të “Zajednicës”

Kryetari i Lëvizjes Vetëvendosje, Visar Ymeri ka thënë para protestuesve në Gjilan se dy kryepolicët, Isa Mustafa dhe Hashim Thaçi flasin vetëm me polici jo kundër krimit dhe korrupsionit po kundër opozitës duke e keqpërdorur policinë për ta kthyer atë kundër qytetarëve dhe për t’i vendosur ata në shërbim të “Zajednicës”.

Ai tha se qeveritarët argument nuk kanë përveç argumentit të forcës, pasi ata e dinë që qytetarët e Kosovës janë kundër këtyre marrëveshjeve dhe ata nuk e dëgjojnë qytetarin sepse nuk e duan atë.

“Këta kryepolic flasin vetëm me polici jo kundër krimit dhe korrupsionit po kundër opozitës duke e keqpërdorur policinë e qytetarëve të Kosovës për ta kthyer atë kundër qytetarëve dhe për t’i vendosur ata në shërbim të Zajednicës. Tashmë e kemi bërë të qartë se marrëveshjet nuk do të kalojnë asnjëherë sepse republika nuk mund ta donë atë Zajednicës dhe nuk mund të pranojë të ju falen tokat Malit të Zi. Dje kemi protestuar për ta mbrojtur Republikën, sot duhet protestuar për ta mbrojtur Republikën dhe ashtu do protestojmë edhe nesër deri të kthehet Republika”, ka thënë ai.

Ymeri shtoi se Isa dhe Hashimipo duan t’i frikësojnë duke i burgosur aktivistët e opozitÃ «s por ata duhet të dinë se nuk mund ta burgosin krejt popullin e Kosovës.

Limaj: Kosova e përgjumur po zgjohet

Kryetari i Nismës për Kosovën Fatmir Limaj ka thënë në manifestimin e opozitës që po mbahet në qytetin e Gjilanit përmes së cilës po kundërshtohet marrëveshja për Asociacionin e komunave me shumicë serbe dhe asaj për Demarkacionin kufitar me Malin e Zi se gjilanasit, familjet e dëshmorëve, e anamoravasit fuqishëm përmes peticionit dhe prezencës fizike po i thonë jo këtyre marrëveshjeve.

“Pjesëmarrja juaj është dëshmi se Kosova e përgjumur po zgjohet. Ju ftoj ti bashkohemi kësaj Kosove aktive, e cila është në mbrojtje të interesave tona. Opozita po forcohet edhe më shumë. Ngritni kokën sepse është momenti për të mbrojtur vendin tonë, Kosovën”, tha Limaj.

Haradinaj: Askush nuk mund t’i detyroj shqiptarët të pranojnë diçka të dëmshme

Ramush Haradinaj, kryetar i Aleancës për Ardhmërinë e Kosovës tha se vendi ynë është më i korruptuari. Sipas tij, Zajednica dhe demarkacioni nuk kalojnë sepse Kosova ka nevojë për dikë që të përkujdeset për qytetarët e saj.

“Po duan të na kthejnë Serbinë në Kosovë, e Mali i Zi po thotë që nuk do tokë por qeveritarët tanë po duan tia japin. Kanë arrestuar deputetë, nënë të fëmijëve vetëm për të na frikësuar neve, por gabojnë sepse nuk munden ti detyrojnë shqiptarët të pranojnë dicka të dëmshme. Na kanë quajtur banditë e kriminel, në mënyrë që ju mos të na përkrahni, por e kanë gabim”, tha Haradinaj.

Kurteshi: Populli është me shtetin e jo me pushtetin

Deputeti i Kuvendit të Kosovës nga Vetëvendosja, Smajl Kurteshi tha gjatë manifestimit se sot janë mbledhur sikurse në të gjitha rastet e vështira për Kosovën deri më tani.

Ai theksoi se sot po e kryen detyrën e qytetarit dhe atë të deputetit, i cili e ngarkon atë ta mbroj Republikën e Kosovës, të cilën me gjak e sakrifica e kanë sjell deri këtu.

“Republikën do ta mbrojnë qytetarët në cdo mënyrë. Qeveritarët po ikin vetëm drejt hoteleve, e sikur ata që na përfaqësojnë të mos pranonin të bisedonin me Serbinë, atëherë sot ajo nuk do të ishte hisedare në Kosovë”, tha tutje Kurteshi.

Sipas tij, nëse qeveritarët mos të dialogonin me Serbinë, Kosova do të ishte shtet funksional dhe Republika nuk do të zëvendësohej me fusnotë.

“Heqin dorë nga evokimi me Serbinë, dhe kthehuni me popullin sa nuk është vonë. Populli është me shtetin e jo me pushtetin. Ne nuk i falim sovranitetin që e fituam”,potencoi ai.

Kadriu: Asociacioni e dëmton në mënyrë drastike Gjilanin

Ne Gjilan ka filluar manifestimi i opozites kundër marrveshjeve per asociacionin e komunave serbe dhe demarkacionin me Malin e Zi.

Nënkryetari i komunës së Gjilanit, Rexhep Kadriu, i cili është edhe kryetar i degës së AAK-së në Gjilanë, ka thënë në manifestimin e opozitës që po mbahet në qytetin e Gjilanit përmes së cilës po kundërshtohet marrëveshja për Asociacionin e komunave me shumicë serbe dhe asaj për Demarkacionin kufitar me Malin e Zi se sot kur duhet të diskutohej për të arriturat, qytetarët janë detyruar të dalin në rrugë.

“Sot Gjilani manifeston me dinjitet për ruajtjen e integritetit territorial të Kosovës. Në vend që sot të diskutojmë për të arriturat tona, jemi detyrua të dalim në shesh për ti thënë jo dy marrëveshjeve që cenojnë integritetin e Kosovës. Ne gjilanasit gjithmonë kemi reaguar kur është cenuar territori ynë. Asociacioni e dëmton në mënyrë drastike Gjilanin sepse jemi të rrethuar me tri komuna serbe dhe nuk e pranojmë këtë”, tha ai.

Qindra protestues në Gjilan

Numri i protestuesve në Gjilan tanimë është rritur në qindra. Së shpejti fillon manifesti i opozitës në Gjilan, ku do të kundërshtohet marrëveshja për Asociacionin e Komunave Serbe dhe demarkacionin me Malin e Zi, marrëveshje këto të nënshkruara nga Qeveria e Kosovës.

Kurse, në protestë po marrin pjesë edhe tre liderët e opozitës, Visar Ymeri, Ramush Haradinaj dhe Fatmir Limaj.

Protestuesit po mbajnë në duar pankarta me mbishkrimin ”Poshtë Zajednica”, “Nuk i falim tokat tona”, “Hasha e nisi, Isa e bitisi”, e të tjera.

Gjilani para protestës së opozitës

Së shpejti pritet të filloi manifesti i opozitës në Gjilan, ku do të kundërshtohet marrëveshja për Asociacionin e Komunave Serbe dhe demarkacionin me Malin e Zi, marrëveshje këto të nënshkruara nga Qeveria e Kosovës.

Te Teatri i Gjilani ku pritet të mbahen fjalimet kryesore, për momentin janë dikur rreth 30-40 qytetarë që janë mbledhur.

Rruga ende nuk është bllokuar edhe pse sipas policëve rrugorë, do të bllokohet vetëm nëse ka numër të madh të qytetarëve.

Po ashtu, në këto momente në Gjilan nuk vërehet numër i madh i pjesëtarëve të policisë së Kosovës.

Kosovë-Regjistrim i popullsisë në veri në 2016-tën

December 11, 2015 by dgreca

PRISHTINË, 11 Dhjetor 2015/ Gjatë vitit të ardhshëm në veri të Kosovës, në katër komuna me shumicë serbe, do bëhet regjistrimi i popullsisë, i refuzuar në vitin 2011. Këtë e paralajmëron sot media serbe duke iu referuar drejtuesëve të qeverisë kosovare dhe të Eurostatit.

Sipas regjistrimit të popullsisë të pranverës 2011, në Kosovë, pa veriun, u numëran 1.739. 825 banorë rezidentë, 92.93 % shqiptarë. Pjesa tjetër e përqindjeve iu takon komuniteteve pakicë, 1.58% boshnjakë, 1.47 % serbë, 1.08 % turqë, etj.

Por, numri i banorëve-shtetasëve të Kosovës është më i madh, meqë regjistrimi i popullsisë nuk ka përfshirë një të tretën e kosovarëve që vlerësohet se jetojnë e punojnë jashtë vendit.

Përqindja e komunitetit serb do ishte më e lartë me përfshirjen e veriut në regjistrim. Në veri të Mitrovicës dhe tre komuna tjera veriore – Leposaviç, Zubin Potok e Zveçan, ku është refuzuar regjistrimi i popullsisë, sipas një shifre që e kanë përmendur autoritetet kosovare, jetojnë rreth 40 mijë serbë./b.j/

QEVERIA SHQIPTARE PARAQET Pr/LIGJIN PER REGJISTRIMIN E EMIGRANTEVE

December 11, 2015 by dgreca

Pr/ligji për regjistrimin e emigrantëve, Rama: I hapim rrugë mundësisë së çdo shqiptari për të votuar/

TIRANË, 11 Dhjetor/ATSH-Gjergji Mima, I. Vata/ – Kryeministri Edi Rama mori pjesë sot në tryezën e diskutimit për “Projektligjin për regjistrimin e adresës së shtetasve shqiptarë që jetojnë jashtë Shqipërisë”.

Në fjalën e tij kreu i qeverisë nënvizoi se, “me këtë pr/ligj ne i hapim rrugë pas 25 vjetësh si një vend që bashkëjeton me emigracionin, mundësisë së çdo shqiptari, jo vetëm brenda, por edhe jashtë atdheut për trajtuar atdheun në radhë të parë si hapësiën, ku secili ka të drejtën kushtetuese për të vendosur me votën e tij”.

“Nga ana tjetër ky është një proces, fatkeqësisht historik, edhe për faktin se jemi i vetmi vend i Europës dhe besoj nga të paktët vende të botës, pa sistem adresash. Jemi i vetmi vend i Europës dhe besoj nga të paktet vende të botës me një sistem, ku tjetërkund je , tjetërkund banon dhe tjetërkund shfaqesh”, tha Rama.

Kjo, u shpreh ai, “është detyra më parësore e një shteti. Ta dijë ku i ka njerëzit e vetë dhe t’u japë shërbimet e merituara”.

Kudo në botën normale, e cila rëndom propagandohet gabimisht se ne i përkasim, ata që emigrojnë në kërkim të një ëndrre për të realizuar një shpresë, janë një pasuri që asnjë shtet dhe asnjë shoqëri nuk ka luksin ta lërë jashtë inventarëve”, theksoi Kryeministri.

Shqipëria, vijoi Rama, “për shkak të mungesës së një shteti serioz, ka 25 vjet që këtë pasuri të paçmuar e ka lënë jashtë inventarëve dhe që shqiptarët jashtë atdheut i ka trajtuar njësoj si shetas të huaj”.

“Na duhet t’i bëjmë gjërat me themel dhe nëse kërkohet që t’i bëjmë gjërat me themel kërkohet kohë. Po bëjmë një proces që brenda dy vjetësh vendi ynë të bëhet normal një shtet që ka të regjistruar çdo individ, që ka çdo adresë për çdo frymë të gjallë, brenda dhe jashtë vendit. Dhe kjo sigurisht është ekonomi, veç të tjerave, sepse bën kapërcim epokal me një kohë tjetër, ku detyrimet që shteti merr janë të barabarta dhe ku barra ndahet mes të gjithëve”, tha Rama.

Tahiri: Regjistrimi dixhital i adresave për emigrantët një detyrim për tju shërbyer qytetarëve

Ministri i Brendshëm, Saimir Tahiri prezantoi projektin për “rregjistrimin e shtetasve shqiptar që jetojnë jashtë Shqipërisë”.

Ministri i Brendshëm, Saimir Tahiri në fjalën e tij u shpreh se, “Një pikë e fortë është dhe regjistrimi i emigrantëve për të gjitha shërbimet që i nevoiten dhe që shteti t’i shërbejë është të regjistrohet, se kjo është kontrata e re që ne ofrojmë që nëpërmjet regjistrimit shteti t’i shërbejë qytetarit dhe të ndryshojmë mardhëniet me shqiptarët që jetojnë jashtë Shqipërisë. Lëshimi i çertifikatave për emigrantët jashtë Shqipërisë është njëra mundësi, por gama është më e gjërë në shërbime, po ashtu shërben si dritare e re patriotike e shtetit shqiptarë dhe emigrantëve”.

“Regjistrimi i emigrantve është shumë i thjeshtë, pasi nga kompiuteri mund të aplikojë dhe shteti shqiptar merr detyrën për ta regjistruar. Si dhe ekziston mënyra e regjistrimit fizik pranë institucioni, por ajo që është më modernia dhe koherentja është regjistrimi dixhital. Sigurisht regjistrimi është falas, një detyrë patriotike dhe ndihmon për të bërë një bazë themeli të shtetit shqiptar”, tha Tahiri.

Shqipëria numëron mbi 4.4 milionë banorë të regjistruar në gjendjen civile dhe prej këtyre një pjesë e madhe jetojnë dhe punojnë jashtë kufijve shtetërorë. Shifrat e shtetasve shqiptarë në emigrim përllogariten në mbi 1 milionë, por asnjëherë nuk ka patur një shifër të saktë të tyre në 25 vitet e fundit.

Ministri i FSK priti Ambasadorin e Kanadasë

December 11, 2015 by dgreca

Prishtinë, 10 dhjetor 2015/Ministri i Ministrisë për Forcën e sigurisë së Kosovës, Haki Demolli priti në vizitë zyrtare në ministri, ambasadorin fuqiplotë të Mbretërisë së Kanadasë, rezident në Republikën e Kroacisë, i akredituar për Republikën e Kosovës, Daniel Maksymiuk.
Ministri i FSK-së, Demolli fillisht, në emër të Ministrisë dhe FSK-së i shprehu mirëseardhjen dhe falënderimin ambasadorit Maksymiuk për gjithë angazhimin dhe mbështetjen që shteti mik i Kanadasë i ka ofruar shtetit të Kosovës në gjitha periudhat e vështira të saj si dhe për interesimin dhe gatishmërinë e vazhdueshme për të qenë afër dhe e gatshme për ta përkrahur Kosovën në rrugën e saj drejt zhvillimit dhe aspiratës euroatlantike.
Ministri kosovar në takim i shprehu ambadadorit kanadez mirënjohje për ftesën, pritjen si dhe për ofrimin e takimeve dy dhe shumë palëshe me Ministrin e Mbrojtjes të Kanadasë e ministra tjerë të Mbrojtjes, pjesëmarrës në Konferencën Ndërkombëtare për Siguri dhe mbrojtje që u mbajt në Halifaks të Kanadasë muajin e kaluar.
Më tej ministri Demolli pasi e njoftoj mysafirin e lartë, ambasadorin e shtetit mik të Kanadasë mbi zhvillimin e FSK-së, planet për të ardhmen i shprehu interesimin dhe përkushtimin që MFSK-ja dhe Ministria e Mbrojtjes së Kanadasë të punojnë në drejtim të arritjes së marrëveshjes së bashkëpunimit, si akt zyrtar që rregullon dhe precizon fushat e bashkëpunimit për të ardhmen.

Nga ana e tij, ambasadori i Kanadasë, Daniel Maksymiuk u shpreh se shteti i Kanadasë është shumë i gatshëm që ta vazhdojë dhe thellojë bashkëpunimin me Republikën e Kosovës, e konkretisht edhe me ministrinë për FSK si dhe me FSK. Ambasadori Maksymiuk konfirmoj gjithashtu edhe mbështetjen e Kosovës në përpjekjet dhe rrugën e saj për anëtarësim dhe integrim euro atlantik./b.j/

IMZOT RROK MIRDITES IU DHA LAMTUMIRA

December 11, 2015 by dgreca

*Papa Françesku dërgoi telegram ngushëllimi për imzot Mirditën/

*Ambasada shqiptare pranë Selisë së Shenjtë: kurorë në nderim të imzot Mirditës/

Besimtarët katolikë, Tirana dhe e gjithë Shqipëria i dhanë te Enjten, 10 Dhjetor 2015, lamtumirën e fundit, kryeipeshkvit metropolit, imzot Rrok Mirditës, i cili u nda nga kjo jetë më 7 dhjetor, pas një sëmundjeje të rëndë. Dhimbja, por edhe mirënjohja për rrugën e bërë së bashku, qenë ndjenjat me të cilat, besimtarët e kleri shoqëruan trupin pa jetë për në banesën e tij të mbrame, në kriptën e katedrales së Shën Palit në Tiranë.

“Të rroni e ta kujtoni”, janë fjalët e zakonshme ngushëlluese të popullit shqiptar. Vërtet, shqiptarët do ta kujtojnë ipeshkvin si bariun e parë pas komunizmit, që e drejtoi Kishën e rilindur në rrugën e përtëritjes e të zhvillimit; do ta kujtojnë për kontributin e dhënë në harmoninë fetare, siç tha edhe presidenti i Republikës, Nishani, gjatë homazheve; do të kujtojnë se shërbimi i tij nisi me shën Gjon Palin II e përfundoi me Papën Françesku, që deshi, edhe ai, të vijë në Shqipëri; do të kujtojnë kishat e strukturat e ndërtuara gjatë këtyre viteve, duke filluar nga katedralja, por sidomos, rrjetin njerëzor që krijoi rreth vetes, për të cilin e konsideronte veten me fat, sepse Hyji i kishte dhënë në dorë kujdesin për shpirtra njerëzish të martirizuar, që Hyjin ua kishin mohuar… Natyrisht, Zoti do të kishte ardhur sërish në Shqipëri edhe pa imzot Mirditën, por zgjodhi pikërisht atë, për ta shoqëruar vendin në rrugën e dashurisë së krishterë e të fesë, duke e bërë kështu, edhe bashkësinë katolike të kryedioqezës së Tiranë-Durrësit, së bashku me gjithë besimtarët shqiptarë, pjesë e Popullit të vet. Tani, ky popull do të ketë edhe një zë tjetër, që i lutet Atit Qiellor për të.

Papa Françesku dërgon telegram ngushëllimi për imzot Mirditën

Papa Françesku i dërgon telegram ngushëllimi bashkësisë katolike shqiptare dhe klerit e besimtarëve të kryedioqezës metropolite të Tiranë-Durrësit, për vdekjen e imzot Rrok Mirditës. Sapo përfundoi funerali i kryeipeshkvit të ndjerë në Tiranë, i telefonuam një bashkëpunëtori tonë të vjetër, Ferdinand Ndocajt, i cili përshkruan me fjalë plot emocion ndarjen e bashkësisë katolike me ipeshkvin e vet. Duke kujtuar se programi shqip i Radio Vatikanit përfaqësohej në meshën e dritës nga kryeredaktori, don David Gjugja, po ia japim fjalën Ferdinandit për të informuar kështu, edhe ata, që nuk mundën të merrnin pjesë në salikimet e kryeipeshkvit metropolit të Tiranë-Durrësit.

Ambasada shqiptare pranë Selisë së Shenjtë: kurorë në nderim të imzot Mirditës

“Ju dërgoj nderimet tona dhe dhembjen tonë per kalimin në shtëpinë e Atit, të Imzot Rrok Mirditës. Ngushëllime për bashkëpunëtorin Tuaj e Mikun tonë të madh”. Këto dy rreshta janë shkruar nga I ngarkuari me punë i ambasadës së Shqipërisë pranë Selisë së Shenjtë, z. Visar Zhiti, i cili na dërgon një notë, apo “një kurorë me nderim”, siç e quan ai, për kryeipeshkvin e ndjerë të Tiranë-Durrësit. Por ja letra:

“Ambasada e Shqipërisë në Vatikan dërgon një kurorë me lule në Atdhe në nderim të Shkëlqesisë Tij, Imzot Rrok Mirdita, kryeipeshkv metropolit i Kryedioqezës Metropolitane Tiranë-Durrës, i cili ndërroi jetë në 7 dhjetor 2015 duke kaluar në shtëpinë e amëshuar të Atit.

Kurora është në emër të të Ngarkuarit me Punë pranë Selisë së Shenjtë dhe Urdhërit të Maltës, Visar Zhiti si dhe Zonjës së Tij, shoqëruar me ngushëllime Kryedioqezës Tiranë Durrës, Konferencës Ipeshkvnore të Shqipërisë, familjes Mirdita, bashkëpunëtorëve të tij, besimtarëve, me dhimbjen se iku një rilindas i palodhur i rimëkëmbjes së Kishës Katolike Shqiptare, vizionar e dinjitoz, i përzemërt dhe mik…

Kujtojmë takimet dhe pritjet e imzot Rrok Mirditës, bisedat me të dhe mirësinë e tij, qetësinë e shenjtë dhe bëmat.
Jeta e Tij është një përkushtim Hyut. E shfletojmë për ta patur shembull shelbimi dhe si mirënjohje për ato që arriti të bëjë për ne:

Lindi në Kllezën të Ulqinit në 28 Shtator 1939, ku kreu dhe studimet fillestare e ato të mesme, kurse studimet e larta filozofike dhe teologjike i kreu në Zagreb.
Imzot Rrok Mirdita e nisi si meshtar në vitin1965, kur u shugurua si i tillë nga kryeipeshkvi i Tivarit në Mal të Zi dhe më pas administrator i Kishës së Shën Pjetrit dhe Shën Palit në Salç dhe më 1970 famullitar i Kishës së Shën Gjon Pagëzorit në Klezë.
Dërgohet në Nju Jork për t’i shërbyer diasporës shqiptare katolike në Bronx në Qëndrën “Zoja e Këshillit të Mirë”, ku do të jetë dhe si meshtar i përhershëm në këtë Kryedioqezë, ku dhe themelon Radion “Zëri i Kishës Katolike Zoja e Shkodrës” për Nju Jorkun dhe rrethinat.
U njoh me emigracionin shqiptar, ndarjen e dhimbshme dhe persekutimin e familjeve të tyre në Shqipërinë diktatoriale, iu bashkua atyre, në shërbim të tyre, duke u dhënë shujtën e shpirtërore…

Në 25 prill 1993 shugurohet nga Papa Gjon Pali II për të filluar misionin si Kryeipeshkv i Durrës-Tiranës. Një vit më vonë do të jetë dhe President i Karitasit shqiptar
Në vitin 1996 zgjidhet kryetar i parë i Shoqërisë Biblike Ndërkonfesionale në Shqipëri si dhe kryetar Konferencës Ipeshkvnore të Shqipërisë për dy mandate me radhë si dhe në vitet 2006 e 2009.
Në janar 2005 Papa Gjon Pali II e lartësoi në rangun e Kryeipeshkvit metropolit dhe po atë vit merr palion e metropolitit nga Papa Benedikti XVI në Bazilikën e Shën Pjetrit.

Kryetari i Bashkisë së Tiranës i dha titullin “Qyetar Nderi”, po kështu dhe ai i qytetit të Rrëshenit

Në vitin 2006 Presidenti i Republikës së Shqipërise e dekoron me urdhërin “Nënë Tereza” dhe në vitin 2010 me Urdhërin “Gjergj Kastrioti Skënderbeu”.
Me nismën e tij dhe ideimin e tij mbahet në Tiranë për herë të parë në 2011 mbledhja e Këshillit të Konferencave Ipeshkvnore të Europës.
Në 13 maj 2013 Akademia Bonifaci VIII i dha titullin Akademik Nderi.

22 vjet në Shqipëri, Imzot Rrok Mirdita punoi me vetmohim për rilindjen e besimit në të gjithë vendin, nxiti arsimin, shëndetësinë kujdesin ndaj fëmijëve, familjes, qendrave sociale për fëmijët e braktisur, rehabilitimin e të rinjve të prekur nga droga, pa dallime fetare, iu desh të përballojë me përkushtim hallet dhe vështirësitë e Luftës së Kosovës, dyndjen si në bibël të refugjatëve nga Kosova dhe në vitin 1999 u bën thirrje institucioneve të ndryshme katolike të Europës për ndihmë, ku autoriteti i tij gjeti përkrahje dhe mbështetje.

Imzot Rrok Mirdita donte një Shqipëri euroantlantike me besim te Zoti, si një katolik i madh rizgjoi dhe risolli vlera humane e shpirtërore, punoi në forcimin e mëtejshëm të harmonisë fetare në Shqipëri, aq proverbiale në botë. Ai pati fatin të presë dhe dy papë në Tiranë, në vizitat e tyre apostolike dhe historike.

Së fundmi Papa Françesku i dërgoi Imzot Rrok Mirditës një letër me rastin e 50 vjetorit të gëzueshëm të meshtarisë së tij, që u kremtua në 4 korrik 2015 në Kishën Katedrale të Shën Palit Apostull në Tiranë, e cila dhe ajo u ngrit dhe me nismë të Imzot Rrok Mirditës.
“Vëlla i Nderuar” e quan me dashuri Papa Françesku.

Ai dinte t’i takonte njëlloj të gjithë. Shkonim në Katedralen tonë dhe bisedonim me Imzot Rrok Mirditën, shkëmbenim ide dhe libra, i kam dhënë përkthimin tim me lutje të Nënë Terezës, kam Biblën me autografin e tij, ndërkaq homelitë e Imzot Rrok Mirditës, shkrimet, përshëndetjet, fjala e tij, janë botuar në tri vëllime “Për një Shqipëri me Zotin…”, duke e pasuruar kështu këtë lloj literature në gjuhën amtare.
Imzot Rrok Mirdita interesohej dhe përkujdesej për mbarëvajtjen e Ambasadës tonë pranë Selisë së Shenjtë dhe, sa herë vinte në Romë, premtonte vizita duke qenë kështu mysafiri i nderuar i saj.

Bëmat e tij për Hyun dhe dritën e Tij do të jenë përgjithmonë në kujtesën apostolike të Kishës shqiptare dhe të gjithë shqiptarëve kudo në botë”.