“Adrion-Livex-2015”, marrin pjesër: Shqipëria, Kroacia, Greqia, Italia, Mali i Zi dhe Sllovenia., Iniciativa “ADRION”, është një nismë bashkëpunimi midis vendeve të Adriatikut dhe Jonit dhe ka për qëllim rritjen e bashkëpunimit në fushën e sigurisë detare./
Më datën 29 janar 2015, në Komandën e Forcës Detare u zhvillua konferenca e parë planëzuese e stërvitjes rajonale “Adrion-Livex-2015”. Në këtë konferencë morën pjesë kuadro drejtues dhe organizues të kësaj stërvitje nga vendet pjesmarrëse të iniciativës “ADRION”, konkretisht nga Shqipëria, Kroacia, Greqia, Italia, Mali i Zi dhe Sllovenia. Iniciativa “ADRION”, është një nismë bashkëpunimi midis vendeve të Adriatikut dhe Jonit dhe ka për qëllim rritjen e bashkëpunimit në fushën e sigurisë detare. Këtë vit është edicioni i 10-të i kësaj stërvitje, ku bazuar në sistemin e rotacionit të vendeve pjesmarrëse, vendi organizator i kësaj stërvitje është Shqipëria. Është hera e dytë kur detarët tanë, mbas stërvitjes “Adrion-Livex” të zhvilluar në vitin 2009, do të jenë protogonistë dhe mikpritës të kësaj stërvitje, ndaj ky event kërkon përkushtim dhe përgjegjsi të madhe. Për realizimin me sukses të kësaj stërvitje janë marrë të gjitha masat organizative dhe teknike nga Komanda e Forcës Detare dhe strukturat përkatëse në Flotilje dhe anije. Ky seriozitet u pa dhe në konferencën e parë të kësaj stërvitje ku u prezantua dhe diskutua qëllimi, objektivat, pjesmarrësit, mjetet, situatat detare, rajoni, formacioni i anijeve, radiokomunikimi,etj. Ishte vecori që për herë të parë në këtë stërvitje po bëhen përpjekje maksimale për të përmbushur STANAG-et e NATO-s. Në ndihmë të këtij objektivi madhor është dhe Qëndra jonë e Simulimeve Shqiptaro-Amerikane në Komandën e Doktrinës dhe Stërvitjeve. Kështu specialistët e kësaj qendre, zoti Tony Darlington dhe major Lulëzim Salihi i shpjeguan pjesmarrësve radhën dhe modalitetet që përdorin sektorët përkatës në strukturat e NATO-s për këto lloj stërvitje. Gjithashtu në mars të këtij viti në këtë Qendër do simulohen të gjithë skenarët e mundshëm të kësaj stërvitje të madhe detare, e cila do finalizohet në qershor të këtij viti. Gjatë konferencës specialistët e Degës së Planifikimit dhe Operacioneve në Komandën e Forcës Detare, si dhe përfaqësuesit e Flotave pjesmarrëse të kësaj inciative, Ai i Kroacisë, Lt.Nikola Basic, i Italisë, Lt.Paulo Calvaruso, i Greqisë Kapiten i Rangut të II-të Iosif Papadakis dhe i Malit të Zi, Lt. Ivan Lakovic, prezantuan dhe disktuan variantet dhe detajet e mundshme për realizimin me sukses të stërvitjes detare rajonale “ADRION-Livex-2015”. Konferenca u drejtua nga Kapiten i Rangut të I-rë Adnand Agastra, Shef Shtabi i FD, i cili vlerësoi punën cilësore që është bërë në përgatitjen e kësaj konference përgatitore nga grupi planëzues, gjë që garanton zhvillimin normal të kësaj stërvitje rajonale detare. Në fund të konferencës paraprake, Kapiten i Rangut të I-rë, Adnand Agastra, në emër të Komandantit të Forcës Detare, i falenderoi pjesmarrësit e kësaj konference për diskutimet dhe mendimet e vlefshme që ndihmojnë zhvillimin normal dhe realizimin e objektivave të stërvitjes “ADRION-LIVEX-2015”.