Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

MBLEDHJA E QEVERISE RAMA NE VLORE, MUNGUAN MINISTRAT E LSI

by

Shumë i mbresuar pozitivisht nga puna përgatitore, paraqitja e planeve të ministrave dhe diskutimi i ideve në grup.”Kështu shkruan Rama në faqen e tij e tij zyrtare në rrjetin social “Facebook” dhe “Twitter”, pas përfundimit të mbledhjes me anëtarët e kabinetit të tij në Vlorë.Pas 10 ditësh reflektimi që u ka lënë në dispozicion Ministrave të tij, shefi i ri i maxhorancës Edi Rama ka zhvilluar sot në  orën 15:00  mbledhjen e parë me të gjithë kabinetin e tij, vetëm pak metra larg dallgëve të detit, në plazhin e vjetër të Vlorës ku ka nisur dhe aksioni për prishjen e ndërtimeve pa leje.E fiksuar në pasditen  e 21 gushtit në një nga hotelet e qytetit bregdetar, mbledhja e Kryeministrit të ardhshëm dhe Ministrave të PS dhe LSI do të zgjasë 2 ditë, por deri më tani dhe për vetë kabinetin, detajet e mbledhjes janë të pakta.

Burime të “Ora News” thanë se në qendër të mbledhjes do jetë programi i ri qeverisës PS-LSI, ku secili nga anëtarët e kabinetit do të njihet me shtyllat emergjente që do vihen në zbatim me marrjen në dorëzim të qeverisë. Edhe vetë shefi i së majtës, Edi Rama, e ka komentuar takimin dy ditor në rrjetin social “Facebook” dhe “Twitter”, ku shkruan:“Vlorë. Takim dy ditor i qeverisë së re. Reforma rrënjësore, shpirt skuadre, qytetari europiane në komunikim. Kurajo integritet transparencë”.Data 20 Gusht, ishte përcaktuar si kohë e lënë në dispozicion të Ministrave të përzgjedhur, për të hartuar programin specifik të 100 ditëve të para të ekzekutivit të majtë dhe mësohet se gjatë këtyre ditëve Ministrat kanë hartuar projektin e diskastereve që do drejtojnë. Në këtë pikë, rëndësi të veçantë marrin ndarjet e strukturave.Temë e nxehtë e mbledhjes duket se do jenë edhe punësimet në administratë, pasi Edi Rama ka këmbëngulur se rekrutimi i punonjësve në administratë të kryhet vetëm përmes konkurseve të forta.

Në mbledhjen e parë të Kryeministrit të ardhshëm me Ministrat e rinj, jashtë diskutimeve nuk do të ngelet as kodi etik i Ministrave, i cili tashmë duket se është finalizuar dhe që siç ka premtuar kryesocialisti bazohet në modelet më të shkëlqyera të mirëqeverisjes demokratike.Ky është takimi i parë i kryeministrit të zgjedhur, Edi Rama, me të gjithë anëtarët e kabinetit. Një ditë pasi publikoi emrat e rinj të qeverisë, ai priti në selinë rozë për afro 1 orë Ministrat e rinj, por munguan ministrat e LSI.

 

GREQIA, PERVEC PRESIONIT DIPLOMATIK, NIS PRESIONIN MBI EMIGRANTET SHQIPTARE

by

‘Përmeti’, grekët presion emigrantëve, fshijnë pamjet e xhiruara nga grupi i News24/

 KAPSHTICË- Pala greke në pikën kufitare të Kapshticës ka ndaluar sot për më shumë se 1 orë grupin e xhirimit të televizionit News 24.
Mësohet se grupi i News 24 ishte duke intervistuar qytetarë që pretendojnë se nuk lejohen të kalojnë në kufi nga pala greke, për shkak të konfliktit të krijuar para disa ditësh në Përmet, ku kisha ortodokse u zhvendos nga godina e Pallatit të Kulturës me një vendim gjykate, por edhe incidenteve të ndodhura dje, ku persona të panjohur hodhën gurë në ndërtesën e Konsullatës së Përgjithshme të Greqisë në Gjirokastër.
Mësohet se një oficer policie ka shoqëruar në doganën greke gazetaren e News 24 Enkeljeda Skënderasi dhe operatorin Bledar Cenolli, me qëllim sekuestrimin e xhirimeve e realizuara gjatë ditës së sotme në kufi.
Në pamjet e xhiruara nga News 24, emigrantët shprehen se që në orët e para të mëngjesit të sotëm janë ndaluar të kalojnë në kufi, pa ndodhë arsye konkrete nga pala greke. Madje ata shprehen se oficerët e policisë greke në kufi i kanë marrë në pyetje edhe në lidhje me konfliktin e Përmetit.
Gazetarja dhe operatori i News 24 u mbajtën në ambienet e doganës greke për më shumë se 1 orë, nuk janë lejuar të kontaktojnë me redaksinë e tv News 24, si dhe i janë sekuestruar telefonat celularë.
Pala greke, sic raportoi gazetarja Enkelejda Skënderasi la të lirë grupin e xhirimit pasi fshiu xhirimet e News 24. Më herët sic shtoi ajo, ata i dëgjuan intervistat dhe shprehën revoltën e tyre ndaj fjalëve të qytetarëve. Pala greke ka pretenduar që pamjet janë realizuar në tokën greke, por sic shpjegon gazetarja ky ishte një justifikim, pasi si gjithnjë grupi i xhirimit ka filmuar në token neutral.

RRËFEHET GAZETARJA E NEWS 24: JA PSE MË NDALOI POLICIA GREKE
Pasi është lënë e lirë nga autoritetet e doganës greke, gazetarja e News 24, Enkelejda Skënderasi në një lidhje telefonike rrëfen arsyet e ndalimit. Teksa e quan ngjarjen të pazakonte, ajo shprehet se qëllimi i vetëm pse është ndaluar është fshirja e materialeve filmike, ku qytetarët denonconin ndalimet e padrejta dhe presionet e plaës greke për ëështjen e Përmetit.
“Ngjarja është e pazakonte,ne po punonim si zakonisht në tokën neutrale. Ndalimi dhe shoqërimi për në godinën e doganës greke ka ardhur pasi siguruam intervistat e qytetarëve të kthyer dhe të pyetur për ngjarjet e Përmetit. Realizuam 5 intervista, qytetarët u shprehën se pala greke i ka fyer, ju ka thënë ju jeni njerëz të ligë, e fjalë të tjera të rënda. Ata i kanë thenë se ju na morët kishën dhe s’do kaloni më në kufi, s’do hyni më në tokën greke”, shprehet gazetarja e News 24.
Enkelejda vijon më tej rrëfimin, duke shtuar se, “Kur ishim duke kryer punën tonë, na kanë shoqëruar me pretendimin se jemi në tokën e tyre, por në fakt ne kemi qënë në tokë nutrale, na kanë marrë telefonat dhe na kanë kërkuar mjetet e identifikimit. Na mbajtën më tepër se një orë. Na pyetën pse po bënim intervista, kanë dëgjuar intervistat e regjistruara prej nesh dhe u revoltuan edhe më tej duke fshirë filmimet”, tha ajo.

Policia private rimerr Pallatin e Kulturës në Përmet, dritaret izolohen me tulla

by

Ministria e Jashtme Greke i ankohet Ministrise se Jashtme Shqiptare/

 PERMET- Policia private rimerr godinën e Pallatit të Kulturës së Përmetit, që prej vitesh ishte shndërruar në kishë me emrin “Shën Maria e Pazarit” dhe që para disa ditësh iu rikthye Bashkisë së qytetit që fitoi betejën gjyqësore me Kishën mbi pronësinë e objektit.
Mësohet se pasi janë larguar besimtarët ortodoksë që hynë dje forcërisht në këtë ndërtesë, policia private ka vendosur sërish kontrollin e saj mbi këtë objekt të kthyer tashmë në një mollë të vërtetë sherri.
Mësohet se pas rimarrjes së godinës nga policia private kanë nisur përgatitjet për izolimin e dritareve të Pallatit të Kulturës me tulla.

MINISTRIA E JASHTME: HOMOLOGËT GREK TË SHQETËSUAR PËR SITUATËN

Ministria e Jashtme e Republikës së Shqipërisë reagoi sot në lidhje me konfliktin mbi pronësinë e Kishës Ortodokse në Përmet si dhe incidentin me konsullatën greke në Gjirokastër.
Ministria e Jashtme bën me dije se pala greke ka thirrur ambasadoren shqiptare në Athinë znj. Ermira Braho, për ti shprehur shqetësimin lidhur me ngjarjet. Nga ana e saj, diplomacia shquare ka kërkuar që ngjarjet të analizohen sipas fakteve me gjakftohtësi dhe vetëpërmbajtje dhe në kontekstin në të cilin ato ndodhin.
“Në mbrëmjen e datës 19 gusht, u thirr në mjediset e Ministrisë së Punëve të Jashtme greke zëvendës ambasadorja shqiptare në Athinë znj Ermira Braho. Gjatë takimit pala greke paraqiti shqetësimin lidhur me dy incidente, në Përmet si dhe goditjen me gurë të Konsullatës së Përgjithshme të Greqisë në Gjirokastër. Në vijim, diplomatja shqiptare në Athinë, ka sqaruar se te dhënat zyrtare flasin për situata të ndryshme. Sipas informacioneve zyrtare, në datën 19.08.2013, disa besimtarë ortodoks janë afruar tek godina e shtëpisë se kulturës në Përmet duke çarë rrethimin e forcave të policisë private, dhe pasi kanë hequr materialet rrethuese janë futur brenda në këtë objekt. Më tej, dy besimtarë ortodoks janë paraqitur të plagosur në Spitalin Civil të Përmetit. Autoritetet përkatëse shqiptare kanë marrë në pyetje shtetasit në fjalë, për të sqaruar rrethanat e plagosjes së tyre, por asnjë prej tyre nuk ka pranuar të shpjegojë asnjë rrethanë hetimi. Lidhur me sulmin me gurë të pretenduar, rezulton se në oborrin e Konsullatës ka rënë një gur i përmasave relativisht të vogla, që sipas hetimeve paraprake, mendohet se ka rënë si pasojë e fërkimit me gomën e ndonjë makine. Ministria e Punëve të Jashtme shqiptare kërkoi që ngjarjet të analizohen sipas fakteve me gjakftohtësi dhe vetëpërmbajtje dhe në kontekstin në të cilin ato ndodhin”, thuhet në deklaratën e shpërndarë për media të Ministrisë së Jashtme

NGJARJA DJE
Rreth orës 11:00 dy autobusë me afro 40 besimtarë dhe priftërinj ortodoksë nga qarku i Gjirokastrës kanë zbritur në Përmet dhe i janë drejtuar Shtëpisë së Kulturës për të rimarrë godinën. Fillimisht ata janë konfliktuar me rojet private që ruanin objektin, të cilët ushtruan dhunë ndaj tyre. Një prej policëve privatë ka hedhur sprajt me gaz lotsjellës në drejtim të protestuesve ç’ka ndikoi në tensionimin e situatës dhe nisjen e konfrontimeve fizike. Sipas dëshmitarëve në vendngjarje 2 priftërinj dhe 2 besimtarë janë parë të gjakosur. Ata janë Ilia Mavro nga Mursia dhe Stefan Koti nga Xara e Sarandës. Të dy të plagosur lehtë me thikë, Mavro në pjesën e ballit, i cili pasi ka marrë mjekimin ka dalë nga spitali, ndërsa Kotit iu bë qepje poshtë veshit. Të plagosurit pretenduan se ishin goditur nga policia private, por zyrtarisht kjo mbetet ende e pakonfirmuar.

KONFLIKTI
Godina dykatëshe, dikur krenaria e përmetarëve, ka heshtur së funksionuari në vitin 1997. Prej 16 vitesh objekti në fjalë është bërë “mollë sherri” midis Bashkisë së Përmetit dhe Kishës Orthodokse.Të dyja palët kanë pretenduar pronësinë, por Gjykata ka vendosur që kjo godinë t’i rikthehet bashkisë. Pallati i Kulturës u ndërtua 51 vjet më parë, në vitin 1962. Pas Luftës së Dytë Botërore, në truallin ky është ngritur Pallati i Kulturës dhe lulishtja e qytetit, jetonin në baraka 30 familje. Në vitin 1958 u shpërngulën, pasi sistemi komunist hartoi një plan rregullues. Në nëntor të vitit 1962 u inaugurua lulishtja e qytetit sëbashku me Pallatin e Kulturës. Gjykata Kushtetuese në vitin 2002 ka vendosur në favor të pushtetit vendor, por prej 11 vitesh ky objekt u përdor nga Kisha Ortodokse. Pallati i Kulturës funksionoi si objekt fetar prej 26 majit 1997, falë një vendimi të Komisionit të Pronave të rrethit të Përmetit. Pallati i Kulturës, me sipërfaqe rreth 6000 metra katror, figuron me Nr.pasurie 16/9, ndërsa Zyra e Përmbarimit ka tentuar 15 herë të ekzekutojë vendimin e Gjykatës Kushtetuese, por fatkeqësisht janë penguar nga përfaqësuesit e Kishës. Pak ditë më parë përmbaruesit të mbështetur dhe nga policia private kanë ndërhyrë me forcë, duke larguar nga Pallati i Kulturës, ikona të Kishës, këmbana, si dhe materiale të tjera. Përmbaruesit kanë hequr kryqin nga godina e Pallatit të Kulturës dhe kanë vendosur atje flamurin sh- Flamuri i krishterë i vendosur brenda ambienteve të Pallatit të Kulturës në Përmet qiptar, duke zbatuar kështu vendimin e gjykatës. Për largimin e objekteve të kishës dhe priftërishve nga kjo godinë ka pasur edhe reagime të Athinës zyrtare.
( Kortezi/BalkanWeb)

NJOFTIM I SHOQATES SE SHKRIMTAREVE SHQIPTARO-AMERIKANE

by

Shoqata e Shkrimtarëve Shqiptaro-Amerikanë organizon veprimtari me rastin e 100 vjetorit të lindjes së
Profesor Isuf Luzaj.
  E shtunë, 14 shtator 2013, ora 12.00, në Librarinë e qytetit të Stamfordit, (Adresa: Ferguson Library, 1 Public Library Plaza,Stamford, CT 06901) Në këtë takim do na nderojnë me pjesëmarrjen e tyre autoritete shkencore, studjues dhe familjarë të profesorit.
Do flitet për jetën dhe veprimtarinë e tij duke hedhur dritë edhe mbi librat e tij.
Jeni të lutur të merrni pjesë.
Nga Kryesia e Shoqatës

Përmet, ortodoksët sulmojnë policinë private, ‘zaptojnë’ me forcë Pallatin e Kulturës

by

PËRMET- Një grup besimtarësh ortodoksë mësohet se kanë hyrë sot forcërisht në Pallatin e Kulturës së Përmetit, i kthyer tashmë në një objekt sherri mes komunitetit Ortodoks në Përmet dhe Bashkisë së qytetit, pas vendimit të Gjykatës Kushtetuese, për t’ja kthyer këtë godinë Bashkisë së Përmetit.
Nga Përmeti, raportohet se 40 besimtarë kanë hyrë forcërisht në këtë objekt duke sulmuar rojet private që ruanin godinën. Ata kanë thyer dyer e dritare dhe kanë hyrë forcërisht brenda, ndërsa mësohet se nga sulmi ka edhe roje të plagosur.
Sipas gazetarit Artan Hoxha, sulmi ka ndodhur rreth orës 11;00 të së hënës, kur persona me veshje fetare por edhe civilë, të organizuar nga Mitropolia e Gjirokastrës kanë hyrë me forcë në Pallatin e Kulturës, duke sulmuar me sende të forta rojet private.
Këta persona mësohet të kenë mbërritur në Përmet me dy autobusë, ndërsa besimtarët ortodoksë të Përmetit nuk janë bashkuar me ta.
Raportohet se me të hyrë nbrenda ambienteve të Pallatit të Kulturës këta persona të shoqëruar edhe nga priftërinj kanë mbajtur një meshë.

ALIMADHI: TE NDERHYJE POLICIA E SHTETIT

Kryetari i zyrës Përmbarimore në Përmet, Fatos Alimadhi në një intervistë në News 24 për gazetarin Denis Minga komenton situatën e krijuar sot në lidhje me pronësinë e Pallatit të Kulturës.
Alimadhi, shprehet se zyra e Përmbarimit nuk ka bërë gjë tjetër veçëse ka zbatuar një vendim gjykate me nxjerrjen e objekteve të kishës nga godina e Pallatit të Kulturës. Sipas tij, priftërinjtë janë lajmëruar paraprakisht për të liruar ambientet e kësaj ndërtese por, sic shtoi ai është përballur me refuzime dhe kërcënime nga ana tyre.
“Kemi shkuar personalisht për t’ju komunikuar priftërinjve vendimin e gjykatës, duhet të lironi godinën ditën e premte ju thamë, kundërshtimi ka qënë i rreptë, na kërcënuan edhe nga familja. Na thanë që sa të jetë Janullatos nuk e merrni dot kishën, ai ben ligjin në Shqipëri na thanë “, shprehet Alimadhi.
Ndërsa marrjen e sotme me dhunë të kësaj godine, nga ana e besimtarëve ortodoksë, Alimadhi e cilëson një akt që shkel ligjin në mënyrë flagrante.
“Marrja me dhunë e Pallatit të Kulturës është shkelje flagrante e ligjit. I bëj thirrje presidentit dhe qytetarëve që ta marrin vatrën e kulturës. U fol që nga Greqia do vijnë grupe për të marrë kishën dhe fjalët paskan qënë të vërteta. Athina zyrtare nuk ka punë të përzihet me punët e brendshme të Shqipërisë. Policia e Shtetit duhet të veprojë, të marrë masa për këta persona që kanë hyrë forcërisht në ambientet e kishës”, shtoi ai.
Alimadhi shtoi më tej se, ‘Pëermbaruesit mund të ndërhyjnë sërish vetëm nëse Bashkia e Përmetit bën një tjetër kërkesë”.

Godina dykatëshe, dikur krenaria e përmetarëve, ka heshtur së funksionuari në vitin 1997. Prej 16 vitesh objekti në fjalë është bërë “mollë sherri” midis Bashkisë së Përmetit dhe Kishës Orthodokse.Të dyja palët kanë pretenduar pronësinë, por Gjykata ka vendosur që kjo godinë t’i rikthehet bashkisë.
Pallati i Kulturës u ndërtua 51 vjet më parë, në vitin 1962. Pas Luftës së Dytë Botërore, në truallin ky është ngritur Pallati i Kulturës dhe lulishtja e qytetit, jetonin në baraka 30 familje. Në vitin 1958 u shpërngulën, pasi sistemi komunist hartoi një plan rregullues.
Në nëntor të vitit 1962 u inaugurua lulishtja e qytetit sëbashku me Pallatin e Kulturës. Gjykata Kushtetuese në vitin 2002 ka vendosur në favor të pushtetit vendor, por prej 11 vitesh ky objekt u mbajt forcërisht nga Kisha Ortodokse. Pallati i Kulturës funksionoi si objekt fetar prej 26 majit 1997, falë një vendimi të Komisionit të Pronave të rrethit të Përmetit. Pallati i Kulturës, me sipërfaqe rreth 6000 metra katror, figuron me nr. pasurie 16/9, ndërsa Zyra e Përmbarimit ka tentuar 15 herë të ekzekutojë vendimin e Gjykatës Kushtetuese, por fatkeqësisht janë penguar nga përfaqësuesit e Kishës.
Pak ditë më parë përmbaruesit të mbështetur dhe nga policia private kanë ndërhyrë me forcë, duke larguar nga Pallati i Kulturës, ikona të Kishës, këmbana, si dhe materiale të tjera. Përmbaruesit kanë hequr kryqin nga godina e Pallatit të Kulturës dhe kanë vendosur atje flamurin shqiptar, duke zbatuar kështu vendimin e gjykatës. Për largimin e objekteve të kishës dhe priftërishve nga kjo godinë ka pasur edhe reagime të Athinës zyrtare.(Kortezi news 24 & Balkanweb)