Kronike – Page 509 – Dielli

MOS-HARRESË: DIOGUARDI ME SENATORIN BOB DOLE, NJË ZË I FUQISHËM PËR KOSOVËN NË CAPITOL HILL

July 25, 2013 by dgreca

Më 15 maj 2007 ”Cekani i artë” për Senatorin legjendar Bob Dole, miku i madh i Kosovës dhe i të gjithë Shqipërisë. Në gusht 1990 ishte DioGuardi i cili u bë iniciator i inisiativës të vizitës së Bob Dole (ish kandidat për president i SHBA-1996, dhe gjashtë senatorë të tjerë amerikanë në Kosvoë./

NGA BEQIR SINA /

CAPITOL HILL – WASHINGTON D.C: Në një koment të “IWPR” thuhej pak vite më parë se Kosova të shpallte pavarësinë, se :”Diplomacia “vullnetare” e shqiptarëve dhe e serbëve në Shtetet e Bashkuara të Amerikës, ishte e përfshirë në një intensifikim të ashpër të luftës lobiste për çështjen e Kosovës. Gara atëhere ishte ndezur në zyrat dhe institucionet e Uashingtonit dhe Nju Jorkut, ku të dy kampet po tregojnin njëra tjetrës “muskujt”, por edhe kuletat – parat që shepzonin për lobim. Në fund “IWPR”, sqaronte se :” Kur vjen çështja te kjo pikë, sërbët kanë mbetur shumë më prapa kundrejt rivaleve të tyre shqiptarë, të cilët e kanë nisur punën me Kosovën qysh në vitet 1980″. Dhe për koicidencë kjo mori më shumë “zjarr” në fundvitet e 90′ kur në Shqipëri komunizmi u rrëzua dhe ish-Jugosllavia nisi të shkerrmoqej. Në dritë doli lobi i parë shqiptarë i udhëhequr dhe i krijuar nga një arbereshë – nga një shqiptarë, si e quan veten ai – pikërishtë Joseph DioGuardi.

Joseph Dioguardi në fillim dhe më pas kur u martuan së bashku, Shirli Klojes Dioguardi, kanë vite që punojnë për çështjet më të rëndësishme që preokupojnë shqiptarët në Ballkan. Organizata e parë e krijuar për të lobuar në interes të shqiptarëve në SHBA, e cila është Lidhja Qytetare Shqiptaro-Amerikane (AACL), e udhëhequr nga Xhozef Dioguardi, një ish-kongresmen amerikan me origjinë shqiptare, ka sensabilizuar dhe ka futur në Kongres, Senat dhe Administratën amerikane, pa dallim çështjen shqiptare . Dioguardi vetë si ish kongresistë i njohur në Capitol Hill, sponsorizoi një numër rezolutash të Kongresit Amerikan për Kosovën, ndërsa mbajti me qindra takime e dhjetra demostrata në Nju Jork e Washington, për Kosovën dhe çështjen shqiptare.

Ai ishte ndër të parët që organizoi vizitën e parë të një kongresmeni amerikan në Kosovë më 1990, ku mori pjesë Tom Lantosh, një tjetër lobist proshqiptar.” Dhe, në gusht 1990 ishte po DioGuardi, i cili u be iniciatori i vizitës së Bob Doll (Bob Dole), (ish-kandidat për President i SHBA në 1996) dhe gjashtë senatorëve të tjerë të senatit të SHBA në Kosovë.

Me rastin e 90-vjetorit të lindjes së Senatorit Bob Dole, do të ri sjell reportazhin nga Capitol Hill – i mbajtur ditën e enjte – 9 maj 2007, në një eveniment të veçantë, që tërhoqi vemendjen e këtij lobi, dhe të gjithë miqve të shqiptarëve në Capitol Hill. Ai ishte aktiviteti i inicuar prej dy lobistëve të njohur, ish-Kongresmenit republikan, Xhosef DioGuardi, presidenti vullnetar i Ligës Qytetare Shqiptaro-Amerikane, dhe Këshilltares së Çështjeve Ballkanike Shirli Klojes – DioGuardi, në kryeqytetin amerikan Capitol Hill – Washington D.C.

Kur mbas rreth 20 vitesh ish kongresmeni i Nju Jorkut, Joe DioGuardi, u pa të ulej sërish, me ish kongresmenët e kongresmen në karrigen e Kongresit(House floor), për të nderuar mikun e tij të madh Bob Doll (Bob Dole), (ish-kandidat për President i SHBA në 1996)

Me këtë rastë një grup i ish – kongresitëve nderojë me pllakatën “Çekani i Artë ” – “Golden Gavel Award”, senatorin e përjetshëm dhe ish kandidatin për president të SHBA-ës, Robert Jospeh Dole. “Senatori legjendar Doll, është “klasifikuar” si mik i madh i Kosovës, dhe i shqiptarëve i cili për tre dekada, e ka përkrahur çështjen e Kosovës për liri, pavarësi e demokraci.” Ish kandidati i Partisë Republikane për president të SHBA, Bob Dole, ka qenë dhe i emëruar si Ambasador Nderi i Kosovës në SHBA, nga ndjeri Presidenti i Kosovës Ibrahim Rugova, me një dekret të veçantë, ai emëroi Bob Dolin (Bob Dole), senator shumëvjeçar amerikan, Ambasador Nderi të Kosovës në SHBA, në ndërkohë që z Elmi Berisha, ka qenë atëhere ish përfaqësues i Presidentit të Kosovës dr. Ibrahim Rugova, në ish Zyrën e ambasadorit të nderit të Kosovës në Amerikë, Bob Dole.

Për koincidencë, dita e enjte 9 maj 2007, për dy lobistët e njohur, ish-Kongresmenit republikan, Xhoe DioGuardi, presidenti vullnetar i Liges Qytetare Shqiptaro-Amerikane, dhe mikut të tij Bob Doll në kryeqytetin amerikan Washington D.C. do të vazhdonte me takime, në të njëjtën sallë kuvendi, ku ata kishin diskutuar qysh më parë Kosovën, dhe rreth çështjeve të të drejtave të shqiptarëve në Mal te Zi, Luginën e Preshevës dhe shqiptarëve në Maqedoni .
Në këtë kuadër, dy lobistët e njohur që punuanë kaq shumë për çështjen shqiptare, thonin se duhet punuar më shumë, për të ndryshuar disa perceptime të gabuara që njerëzit kanë për shqiptarët, në, Shqipëri, Kosovë, viset shqiptare dhe në Amerikë. Ata mendojnë se një imazh pozitiv për shqiptarët si popull do të ndihmonte mjaft për të shpejtuar zgjidhjen e problemeve të tyre jetike. Dhe se duhej edukuar politika amerikane me çështjen shqiptare.

Lobimi i DioGuardit, nisi në fillim të viteve 1990, mbasi në Amerikë vepronin prej vitesh shoqata Vatra, partia Lëvizja e Legalitetit, Balli Kombëtar (Fronti Nacional), Bllokut i pavarur (Blloku Independet),Bashkimi Kombëtar Demokrat në SHBA-a, etj,. Këto ishin sa për të mbajtur gjallë çështjen shqiptare në mërgim, sepse ai që frymojë atë ishte një person – emri i të cilit tashmë është bërë mjaft i njohur në Amerikë, në Shqipëri, Kosovë dhe viset shqiptare, si lobues i fuqishëm i çështjes shqiptare. Ai është Joseph J. DioGuardi, ish kongresmen në SHBA nga pjesa e lartme e New Yorkut, dhe një miku i ngushtë i Senatorit Bob Dole, i cili sapo festoi 90 vjetorin e ditëlindjes së tij.

Ky ishte një kongresistë me origjinë shqiptare, që e nisi punën e tij me shqiptarët e Amerikës, me disa këshilla shumë të rëndësishme që shqiptarët e Amerikës, të cilët duke iu bashkëngjitur atij kan qenë në gjendje të bëjnë aq shumë sa bëri edhe vetë DioGuardi, në këto vite, mbasi u largua nga Capitol Hill dhe u lidh me shqiptarët për Shqipërinë, Kosovën, apo Çamëri, ose për shqiptarët në Luginën e Preshevës, Maqedoni dhe Mal të Zi, Josef DioGuardi ishte kyçi për të hapur dyert e qeverisë amerikane, Senatit dhe Kongresit, dhe i pari që solli liderit shqiptarë të Kosovës të dëshmonin gjendjen e tyre në Uashington në vitin 1990.
DioGuardi është pranuar shumë mirë nga shumë patriotë, demokratë, të cilët kishin qenë duke punuar për kombin dhe vendin e tyre për dekada të tëra, edhe pse ata e dinin se puna e tyre me rezultatet të cilat ata dëshironin dhe luftonin nuk kishin arritur deri atëhere pa ndihmën e pa kursyer të DioGuardit. Duke jetuar në Amerikë, shqiptarët e vjetër ishin të vetëdijshëm për mënyrën grupeve të diasporës dhe të lobimit në sistemin amerikan, megjithse kishin gjetur ish senatorin Bob Dole dhe ndonje senator apo kongresmen, ata asnjeher nuk arriten nivelin dhe rezultatet e udhëheqësit të parë dhe të vetëm në SHBA, Joe DioGuardit.

Emigrantë shqiptarë kanë qenë të organizuar në grupe të ndryshme duke u përpjekur të ndihmojnë kauzën kombëtare shqiptare, por ajo kurrë nuk ka ndodhur me ta për të kërkuar me një kongresmen ose senator në Amerikë, i cili do të ishte me origjinë shqiptare. Këto grupe ishin të etiketuara si armiq të vendit nga ana e regjimeve komuniste në vendet e tyre, dhe të vetmin mik në atë kohë kishn Bob Doll.
Tani, pyetja është ndoshta nga ajo që bënë çdo njeri nga ne; pse ka bërë për shqiptarët kaq shumë DioGuardi ? Përgjigjëia mendojë se është fare e thjeshtë:” Joseph J. DioGuardi, është i vetmi nga politikanët më të njohur me origjinë shqiptare në Amerikë, i cili vjen nga ai “Gjaku i shprishur” Greci, Itali . DioGuardi është i vetëm shqiptarë që ka shërbyer ndonjëherë në Kongresin e Shteteve të Bashkuara të Amerikës. Themeluesi dhe udhëheqësi i të parit dhe të lob shqiptarë në Shetet e Bashkuara të Amerikës, miku i ngushtë i Senatorit Bob Dole, dhe sa e sa kongresmenve dhe senatorëve të tjerë, presidentëve dhe zyrtarëve të lart të administratës amerikane. Ai është pikërishtë njeriu që në gusht 1990 u be iniciatori i vizitës së Bob Doll (Bob Dole), (ish-kandidat për President i SHBA në 1996) dhe gjashtë senatorëve të tjerë të senatit të SHBA në Kosovë. Kur populli i Kosovës do të dilte dhe të presinin Sentorin Bob Dole në Prishtinë,në vitin 1990 duke vrarë frikën e regjimit gjaktar të Serbisë.

Nis kthimi i emigranteve nga Hungaria,mbërritën 110 të parët

July 25, 2013 by dgreca

Të enjten në mëngjes, është kthyer në Prishtinë kontingjenti i parë prej 110 migrantëve të Kosovës nga Hungaria. Ata janë kthyer nga një kamp për refugjatë në Hungari në Aeroportin e Prishtinës. /

Nga Luljeta Krasniqi – Veseli/
Shumica e të kthyerve ishin të moshës 20 deri në 30 vjeç. Në mesin e tyre, disa të rinjë tregonin për kushte jo të mira në kampet e azilkërkuesve në Hungari.
“Kemi qenë në Kiskunhalas në Hungari, atje kemi kaluar shumë keq. Ujë të bojlerit kemi pi. Edhe shumë shqiptarë kanë mbetur atje, ndoshta edhe 500 apo 600. Ka edhe fëmijë të vegjël një vit e gjysmë, që as qumësht nuk kanë për të pirë, sallame të kalbur po ju japin. Ne jemi ikë nga Kosova sepse këtu nuk ka punë”, ka thënë një prej tyre.
Të kthyerit janë pritur nga ministri i Punëve të Brendshme, Bajram Rexhepi dhe Ambasadori i Hungarisë në Kosovë, Lorent Balla, cilët kanë mohuar deklaratat e të rinjve të cilët thonë se janë keqtrajtuar nga autoritetet hungareze.
Ministri Bajram Rexhepi ka shtuar se të gjithë ata që kërkojnë nga Kosova azil në vende te Evropës do ta kenë fatin e njëjtë sikurse 110 personat e kthyer, duke inkurajuar kështu kosovarët për të mos marrë rrugën e migrimit.
Rexhepi ka shtuar se koha e azilit ka përfunduar. Megjithatë, trendin e në rritje të emigrimit të kosovarëve, ai e sheh edhe si rezultat i marrëveshjes me Serbinë për lëvizje të lirë.
“Përveç të mirave që ka marrëveshja me Serbinë për lëvizje të lirë, anën e keqe të saj e ka për arsye se tash qytetarët lëvizin legalisht nëpër territor të Serbisë, vetëm me letërnjoftime, me çmim minimal të transportit, 35 euro deri në Suboticë, prandaj ky vit është mjaft kritik”, theksoi Rexhepi.
Ministri Rexhepi, ka shtuar se kërkesat e mëdha për azil, mund ta rrezikojnë në masë të madhe procesin e liberalizimit të vizave.
Ai iu ka bërë thirrje qytetarëve që të mos bien pre e grupeve të caktuara të krimit të organizuar, të cilët siç, thotë ai, ‘abuzojnë dhe e keqpërdorin gjendjen e tyre sociale të tyre’.
Sipas njoftimeve të Ministrisë së Punëve të Jashtme, në Hungari kanë qenë 500 migrantë, që nënkupton se pritet kthimi i organizuar edhe i personave të tjerë.
Rritja e numrit të refugjatëve kosovarë muajve të fundit është shtuar edhe në Austri, Francë dhe vende tjera.
Përfaqësuesit e këtyre shteteve u kanë bërë thirrje qytetarëve të Kosovës që të mos e marrin rrugën e migrimit, duke i porositur ata se nuk do të fitojnë ë drejtën e azilit.
Ambasadori i Hungarisë në Kosovë, Lorent Balla, ndërkaq ka ritheksuar se baza për dhënien e azilit për qytetarët e Kosovës nuk ekziston më.
“Këtu nuk ka luftë, nuk ka shkelje masive të të drejtave të njeriut kështu që në asnjë rast nuk është dhënë azili. Hungaria përpiqet që t`iu ofrojë sa më shumë këtyre njerëzve që kanë hyrë ilegalisht dhe kanë shkel ligjet e Hungarisë dhe këto çmime i paguajnë taksapaguesit hungarezë”, thotë ai.
Ditë më parë Drejtoria për Hetimin e Krimit të Organizuar nën udhëheqje të prokurorit publik, ka bërë arrestimin e tetë personave të dyshuar nën dyshimin e bazuar se të njëjtit kanë kryer veprën penale ‘kontrabandim me migrantë’ dhe ‘krim të organizuar’.
Të dyshuarit thuhet se shfrytëzonin vijat e rregullta të udhëtimit kryesisht nga qytetet e Kosovës në drejtim të Serbisë, për të kaluar fillimisht në Hungari e më pastaj në shtetet tjera evropiane.

SHOQATAT E SHKRIMTAREVE TE DIASPORES, VEPRIMTARI LETRARE NE KOSOVE

July 25, 2013 by dgreca

Sipas nje njoftimi qe ka marre gazeta Dielli nga shkrimtari Shaban Cakolli, ne fillim te muajit gush shoqatat e shkrimtareve ne diaspora do te bashkohen ne Koosove, ku do te kene veprimtari te perbashketa me krijuesit e vendlindjes. Ja njoftimi:

Agjendë e përbashkët e krijuesve gjegjsisht poetëve të Diasporës:

Lidhja e Shkrimtarëve, Artistëve dhe Krijuesve Shqiptarë – Gjermani

Lidhja e Shkrimtarëve dhe Krijuesve Shqiptarë “Aleksandër Moisiu” – Austri

Shoqata e Shkrimtarëve, Artistëve dhe Krijuesve Shqiptarë “Papa Klementi XI” – Suedi

Shoqata e Shkrimtarëve Shqiptarë – Zvicër,

Lidhja e Shkrimtarëve, Artistëve dhe Krijuesve Shqiptarë – Norvegji, si dhe

krijues gjegjësisht poetë nga Mërgata e gjërë…

* * * * *

I. Deçan: e premte, 2 gusht 2013

“ORË LETRARE DHE PROMOVIME”

Ora 11.30 – Shtëpia e Kulturës “Jusuf GËRVALLA”, ora 11.30

Junik: e premte, 2 gusht 2013

“ORË LETRARE DHE PROMOVIME”

Ora 15.00 – “Kulla e Gurit”

* * * * *

II. Fushë Kosovë: e shtunë, 3 gusht 2013

Ora 18.00 – ”KALAJA” – Harilaq (afër Aeroportit),

ORË LETRARE: “SERENADË POETIKE”

* * * * *

III. Prishtinë: e hënë, 5 gusht 2013

Ora 10.00 Hotel SIRIUS (pas Teatrit Kombëta

“Sukseset dhe sfidat e autorëve shqiptarë në mërgatë

Ora 13.00 Panairi i Librit nga krijuesit e Diasporës në

Bibliotekën Kombëtare të Kosovës

Ora 14.00 Promovime librash dhe autorësh

Biblioteka Kombëtare e Kosovës

Ora 17.00 – Artanë: “ Ora e madhe letrare” me karakter garues

Nis takimi në Bruksel, Thaçi optimist për marrëveshje për telekomin

July 24, 2013 by dgreca

Nga Zijadin Gashi/

Kryeministrat e Kosovës dhe Serbisë, Hashim Thaçi e Ivica Daçiq, kanë nisur në Bruksel një raund të ri negociatash nën ndërmjetësimin e shefes së diplomacisë evropiane, Catherine Ashton.
Para takimit me homologun e tij nga Serbia, kryeministri Thaçi ka shprehur optimizmin e tij se do të arrihet marrëveshje për çështjen e telekomit, si dhe ka paralajmëruar se do të qartësohet çështja e zgjedhjeve lokale dhe pjesëmarrja e serbëve në komunat veriore.
Madje, Thaçi ka shprehur besimin e tij se marrëveshje mund të arrihet edhe për çështjen e energjisë, edhe pse në këtë temë palët nuk kishin arritur përparime të mjaftueshme, siç ishte rasti me telekomin.
“Unë shpresoj që sot do të arrijmë marrëveshjen sa i përket energjisë dhe telekomunikacionit. Kanë diskutuar ekipet teknike dhe profesionale, por sot besoj në nivel politik do të përmbyllim këtë proces të rëndësishëm”.
“Është me rëndësi që zbatimi i marrëveshjes së 19 prillit ka filluar së implementuari në shumë segmente, por natyrisht që duhet të bëjmë edhe më tepër. Ndërsa do të bisedojmë edhe për qartësimin e tërë procesit të zgjedhjeve të 3 nëntorit ku kam besim të plotë që edhe serbët e veriut do të jenë pjesë e këtij procesi”, ka deklaruar Thaçi.
Kryeministri Thaçi ka përmendur disa nga hapat pozitiv, sipas tij që Serbia dhe Kosova po ndërmarrin për zbatimin e marrëveshjes së 19 prillit.
Inkurajimi i serbëve në veri nga ana e Serbisë për pjesëmarrjen e tyre në zgjedhje dhe Ligji për amnistinë, i miratuar nga Kuvendi i Kosovës, janë veçuar nga Thaçi si dy zhvillime me rëndësi në drejtim të implementimit të marrëveshjes.
“Është me rëndësi që edhe Serbia i ka ftuar serbët që të marrin pjesë në procesin zgjedhor, ndërsa Kosova do t’i kryejë të njëjtën kohë të gjitha obligimet e veta kushtetuese dhe ligjore. Kosova ka përmbyllur procesin e Ligjit mbi Amnistinë në Parlament gjë që do t’u ndihmoj edhe serbëve që të jenë më të sigurt për t’u integruar në të gjitha institucionet e Kosovës”, ka thënë Thaçi.
Ndërkohë, edhe Maja Kocijançiq, zëdhënëse e shefes për Politikë të Jashtme të BE-së, Catherine Ashton, pak para takimit Thaçi- Daçiq ka thënë se telekomi dhe energjia janë pika të diskutimit, por jo të vetmet.
“Sot do të takohen edhe grupet punuese për telekom dhe energji. Unë pres që për këtë temë të flasin edhe zonja Ashton dhe të dy kryeministrat”, ka thënë Kocijançiq.
Sipas saj, takimi në nivel të kryeministrave ka si qëllim diskutimin rreth nivelit të zbatimit të marrëveshjes ndërmjet Prishtinës dhe Beogradit.
“Sot në Bruksel ata do të bisedojnë rreth implementimit të marrëveshjes së prillit dhe për të parë se si të shkohet tutje. Ne kemi edhe planin e zbatimit dhe do të shohim se çfarë është arritur deri më tani dhe çfarë është e nevojshme të ndodhë gjatë muajve të ardhshëm me qëllim që ai plan të zbatohet në tërësi”, ka deklaruar Kocijançiq.
Takimi i sotëm Thaçi – Daçiq me ndërmjetësimin e baroneshës Ashton është i 14 me radhë.
Përveç çështjeve që kanë të bëjnë me zgjedhjet e lira dhe pjesëmarrjen e serbëve nga veriu, palët mund të dakordohen më në fund në lidhje me marrëveshjen për telekomin.
Sipas asaj që deri më tani është paralajmëruar, një vend anëtar i Bashkimit Evropian nga vjeshta e këtij viti mund të aplikoj tek ITU-ja për kodin +383, të cilin më pas do t’ia falte Kosovës.
Por, çështje problematike deri vonë ishte kërkesa e Beogradit që Serbia të kishte një operator të saj brenda Kosovës, qoftë ai edhe virtual. Sidoqoftë, pritet të shihet se cila do të jetë zgjidhja që mund të prezantojnë dy kryeministrat në fund të takimit.

Reeker uron Bashën

July 23, 2013 by dgreca

Zëvendës-ndihmës sekretari amerikan i shtetit, Philip Reeker uroi dje Lulzim Bashën për zgjedhjen si Kryetari i ri i Partisë Demokratike. Reeker ka qenë ndër të parët që kanë uruar Bashën për zgjedhjen në krye të partisë më të madhe në vend. Zëvendës-ndihmës sekretari amerikan i shtetit, Philip Reeker është një nga njohësit më të mirë të zhvillimeve politike në Shqipëri. Ai është takuar disa herë me Bashën si në Departamentin e Shtetit edhe në Tiranë.
Mesazhe të shumta urimi, Kryetari i sapozgjedhur, Basha ka marrë nga shumë personalitete të larta brenda dhe jashtë vendit, nga përfaqësues të trupit diplomatik etj. Kryetari i ri i PD ka marrë mesazhe urimi edhe nga Kryetarët e Partive Aleate të Partisë Demokratike, nga Kryetari i Partisë Republikane, Fatmir Mediu, Kryetari i PDIU, Shpëtim Idrizi, nga Kryetari i LZHK, Dashamir Shehi etj. Mesazhe të veçanta urimi Basha ka marrë edhe nga liderët e Kosovës.

Thaçi: Basha, zgjedhje përmes demokracisë dhe konkurrencës

Kryeministri i Kosovës, njëkohësisht, Kryetar i PDK-së, Hashim Thaçi uron Lulëzim Bashën me rastin e zgjedhjes kryetar i Partisë Demokratike të Shqipërisë.

“I nderuar kryetar Basha! Kam nderin dhe kënaqësinë që në emër të Partisë Demokratike të Kosovës dhe në emrin tim t’Ju përgëzoj pë zgjedhjen në krye të Partisë Demokratike të Shqipërisë. Zgjedhja juaj kaloi nëpër një proces demokratik, transparent dhe të konkurrencës së lirë, shenjë se kultura demokratike në shoqërinë shqiptare po krijon traditë të mirë edhe në këtë rrafsh të rëndësishëm të konsolidimit të vlerave. Duke shprehur urimet më të sinqerta Ju sigurojmë për vazhdimin e bashkëpunimit dhe thellimit të marrëdhënieve midis PDK-së dhe PDSH- së në shërbim të forcimit të raporteve midis dy vendeve tona, me synim për promovimin e vlerave të përbashkëta në planin e brendshëm dhe me vizion të integrimeve euroatlantike, në planin global. Partia Demokratike Shqipërisë nën drejtimin tuaj besoj se do ta luaj rolin adekuat në të gjitha proceset nëpër të cilat po kalon Shqipëria”.

Haradinaj: Udhëheqje të sukseshme Bashës

Kryetari i Aleancës për Ardhmërinë e Kosovës (AAK), Ramush Haradinaj i përcolli urimet më të mira Kryetarit të sapozgjedhur të Partisë Demokratike të Shqipërisë, Lulzim Basha. Haradinaj i uroi kryetarit Basha punë të mbarë dhe udhëheqje të suksesshme në krye të PD-së, me bindjen se do të vazhdojë bashkëpunimin e deritashëm midis PD-së dhe AAK-së, në kuadër të memorandumit për bashkëpunim, që ekziston midis dy subjekteve, si përfaqësuese të spektrit të djathtë politik shqiptar. Haradinaj, gjithashtu, i ka shprehur kryetarit Basha suksese në konsolidimin e mëtejshëm të PD-së dhe të së djathtës në Shqipëri, si alternativë e zhvillimit dhe prosperitetit kombëtar në familjen madhe të vlerave euro-atlantike. Gjithashtu, kryetari Haradinaj e ka falënderuar dhe përgëzuar kreun e deritashëm të PD-së dhe kryeministrin Sali Berisha për punën e madhe dhe me ndikim të jashtëzakonshëm në krye të PD-së dhe të Republikës së Shqipërisë në të gjitha fazat dhe proceset e deritashme të tranzicionit, zhvillimit ekonomik dhe prosperimit demokratik të Shqipërisë, që prej rënies së komunizmit dhe deri sot.

Isa Musatafa: Zgjedhja e Bashës, shembull i vërtetë

Edhe Kryetari i komunës së Prishtinës, Isa Mustafa, njëherësh kryetar i Lidhjes Demokratike të Kosovës uroi Lulzim Bashën për zgjedhjen si Kryetar i Partisë Demokratike të Shqipërisë. “Kemi kënaqësinë e veçantë të konstatojmë se ky proces ishte një shembull i vërtetë i kulturës politike e demokratike jo vetëm për klasën politike në Shqipëri, por edhe për gjithë rajonin. LDK-ja e çmon lart kontributin e jashtëzakonshëm të PD-së dhe të kryetarit të deritanishëm të saj, kryeministrit Sali Berisha, për konsolidimin e shtetit shqiptar dhe integrimin e tij në strukturat euroatlantike, si dhe për mbështetjen e përhershme dhënë Kosovës, lirisë dhe pavarësisë së saj”, thuhet në kumtesën e LDK-së. Ai Në mesazhin e urimit vlerësohet se LDK dhe PD do ta vazhdojnë traditën e bashkëpunimit të ngushtë në mes vete, e cila është trasuar nga drejtuesit historikë, presidenti Rugova dhe kryeministri Berisha.

Topalli: Sa më shpejt demokratët drejt fitores

Kryetarja e Kuvendit, Jozefina Topalli i ka uruar kryetarit të ri, Lulzim Basha fitoren sa më të shpejtë të Partisë Demokratike nën udhëheqjen e tij. Në profilin e saj në Facebook, Topalli vlerësoi edhe ringritjen që anëtarësia i bëri me votën e dhënë më 22 korrik Partisë Demokratike. “Në një moment të vështirë të Partisë Demokratike, demokratët u ngritën për t’i dalë zot partisë së tyre! Me pjesëmarrjen e tyre në çdo takim, gjatë dy javëve të fushatës për zgjedhjen e kryetarit të ri të Partisë Demokratike, me qytetarinë dhe emancipimin e tyre, demokratët dëshmuan shpirtin e idealeve, mbi të cilat u lind dhe punoi kjo parti. Të vetëdijshëm për nevojën e ringritjes, të vendosur për t’i dalë zot asaj, në ditë të vështira, të bindur se Partia Demokratike kishte nevojë më shumë se kurrë për anëtarësinë e saj, demokratët e bënë garën një proces emancipues, të veçantë, të civilizuar dhe demokratik. Sot, Partia Demokratike ka një kryetar të ri dhe uroj që ai t’i çojë sa më shpejt demokratët drejt fitores! Mirënjohje të thellë anëtarëve dhe anëtareve të Partisë Demokratike për shpirtin e tyre të paepur, zemrën e tyre të madhe, besimin dhe vullnetin e fortë për t’u ringritur”, shkruan Topalli.

Selami: Basha do ta udhëheqë PD drejt fitores

Eduard Selami ka uruar kreun e ri të PD-së, Lulzim Basha, duke shprehur bindjen se ai do të udhëheqë PD-në drejt fitores në zgjedhjet e ardhshme. Në profilin e tij zyrtar në FB, Selami vlerëson procesin zgjedhor për kreun e ri të Partisë Demokratike. “Urimet më të mira demokratëve për zgjedhjen e kryetarit të ri. Kjo ishte një garë, ku PD shpalosi vlerat e saj më të mira. Uroj zotin Basha për detyrën e re dhe shpreh bindjen që do ta udhëheqë PD në fitoren e zgjedhjeve të ardhshme” shkruan ai.