Kronike – Page 554 – Dielli

KNSh organizon konferencën shkencore ”Masakra e Tivarit 1945”

March 30, 2013 by dgreca

Portali nga Malësia – www.malesia.org njofton se Këshilli Nacional i Shqiptarëve në Malin e Zi organizon konferencën shkencore “Masakra e Tivarit 1945”.Konferenca do të mbahet në Ulqin me 30 dhe 31 mars 2013.

Më poshtë keni programin e plotë të kësaj konference, publikuar në faqen e internetit Malesia.org.

PROGRAMI
E shtunë, më 30 mars 2013

Ora 9:00 – 10:00 SEANCA HYRËSE
Hapja e Konferencës dhe përshëndetje

Udhëheqin seancën:
– Mehmet Bardhi
– Uran Butka
– Muhamet Shatri
– Lendita Ahmetaj
-Tahir Tahiri

– Fjala e hapjes: Mehmet Bardhi
– Fjala përshëndetëse: Tahir Tahiri, kryetar i Këshillit Nacional të Shqiptarëve në Malin e Zi
– Përshëndetje eventuale nga të ftuarit

Pushim për kafe

Ora 10:15 – 13:30 SEANCA I

Udhëheqin seancën:
– Beqir Meta
– Jusuf Bajraktari
– Ana Lalaj
– Qerim Lita
– Tahir Tahiri
—————————————————–
1. Jusuf Bajraktari
“Masakra e Tivarit-rast Sui generis”
2. Beqir Meta
“Masakra e Tivarit sipas dokumenteve jugosllave”
3 Ramë Manaj
„Burimet Arkivore në Agjencionin Shtetëror të Arkivave të Kosovës për Masakrën e Tivarit“
4 Uran Butka
“Masakra e Tivarit dhe përgjegjësia e shtetit Shqiptar”
5.Muhamet Pirraku
“Kush është përgjegjës për Masakrën e Tivarit 1945”
6. Qerim Lita
“Masakra e Tivarit në burimet e Arkivit shtetëror të Maqedonisë”
7. Sherbo Rastoder
8.Rrahman Parllaku
9.Endrit Musaj
“Pasqyrimi i Masakrës së Tivarit në historiografinë shqiptare pas vitit 1945 – 1990”
10.Mehmet Bardhi
“ Të ikurit që i shpëtuan Masakrës në Monopolin e Duhanit në Bregun e Tivarit dhe strehimi i tyre në familjet në rrethinë”
11. Zef Osmani
„Studimi i subjektit njeri-pjesëmarrës në Masakrën e Tivarit“
12.Ana Lalaj
“Masakra e Tivarit, tipar dhe kulm i dhunës ushtarake jugosllave në Kosovë”
13.Banush Pllana – dëshmitar

Ora 13:30 – 15:00 DREKA
( vetëm për referuesit në konferencë)

Ora 15:00 – 18:00 SEANCA II
Udhëheqin seancën:
– Mehmet Kraja
– Frasher Demaj
– Agim Vinca
– Endrit Musaj
– Basri Lika
————————————————————
14. Muharrem Dezhgiu
“ Roli i divizioneve e brigadave të Shqipërisë në ripushtimin jugosllav të Kosovës e viseve të tjera, si edhe në Masakrën e Tivarit”
15. Fehmi Rexhepi
“Masakra e Tivarit në historiografinë Shqiptare”
16 Mehmet Kraja
„Disa aspekte politike të masakrës së Tivarit“
17 Frasher Demaj & Lendita Ahmetaj
„ Masakra e Tivarit sipas deshmitarëve të kohës“
18. Zeqirja Neziri
“Ekzistenca, fiktivja dhe historikja” (Dy ngjarje lidhur me Tivarin në dy romane të Mehmet Krajës)
19. Zymer Neziri
20. Isa Xhaferi
21. Armando Boce
“ Roli i Partisë Komuniste Jugosllave në krijimin e konsolidimin e pushtetit komunist në Shqipëri”
22. Begzad Baliu
„Masakra e Tivarit e parë nga sytë e pjesëmarrësve të saj“
23.Romeo Gurakuqi
“Rrënjët historike të Masakrës së Tivarit”
24. Nail Draga
“Masakra e Tivarit, vazhdimësi e politikës antishqiptare”
25.Ahmet Halimi – dëshmitar

Ora 18:00 – 18:30 Diskutime
Pushim për kafe

E dielë, më 31 mars 2013

Ora 9:00 – 10:00 SEANCA III

Udhëheqin seancën:
– Muhamet Pirraku
– Ramë Manaj
– Romeo Gurakuqi
– Ismail Doda
– Mehmet Bardhi
————————————————
26. Agim Vinca
“Masakra e Tivarit në letërsinë shqipe”
27. Muhamet Shatri
“Masakra e Tivarit kulminacion i dhunës dhe terrorit kundër shqiptarëve në gjysmën e parë të vitit 1945”
28. Demë Mulliqi
„Përjetuesit e komunës së Pejës të Masakrës së Tivarit, sipas dëshmitarëve të gjallë”
29. Metë Shatri
„Masakra e Tivarit: e kurdisur dhe e gjykuar me harresë“
30.Daut Bislimi
“Masakra e Tivarit ne historiografinë shqiptare”
31. Ismail Doda
“Burime gojore për Masakrën e përgatitur në Tivar (1 prill 1945 ) dhe pasojat e saj”
32. Smajl Smaka
„Masakra e Tivarit, sfidë për historinë“
33. Basri Lika
“Masakra e Tivarit, vendimet që e shkaktuan”
34. Ibrahim Berjashi
“Tragjedia e fshehur”
Ora 10:15 – 10:45 Diskutime
Ora 10:45 – Fjala e mbylljes
Pushim për kafe

Ora 11:30 -14:00 Vizitë në vendin e masakrës
– Monopoli i Duhanit, Tivar (në Breg të Tivarit)

Ora 14:00 – 15:00 DREKA
( vetëm për referuesit në konferencë)

Shënim 1: Studiusit nga jashtë Ulqinit do të akomodohen në hotelin “Mediteran”
Pritja nga organizatori prej orës 17:30 të premten, më 29. 03. 2013
Shënim 2: Konferenca punimet do t’i zhvillojë në sallën e hotelit “Mediteran”
Shënim 3: Koha për leximin e kumtesës është deri në 10 min.
Kumtesat e shkruara dhe një kopje e tyre në formë elektronike i dorëzohen sekretarisë për botimin e tyre
Vërejtje: Akomodimi dhe ushqimi janë të parapara vetëm për referuesit në konferencë.

U MBLODH GRUPI NISMËTAR PER ORGANIZIMIN E DEGËS SË VATRËS NË QUEENS, NY

March 30, 2013 by dgreca

NE Foto: Nga takimi i komisionit organizator për krijimin e degës së Queensit/

Të enjten me 28 mars 2013, në klinikën e dr. Skënder Murtezanit, i anëtarësuar në Vatër që në vitin 1990, në Flashing, Queens, u mblodh grupi organizator për krijimin e degës së Vatrës për Queensin, New York. Inisiator ishte dr. Skënder Murtezani, juristi Bashkim Musabelliu, anëtar i këshillit të Vatrës, vatrani Halit Shpuza, dhe miq të tjerë të Vatrës.

Në mënyrë simbolike nisja e punës për organizimin e degës në Queens, dr. Skënder Murtezani kishte porositur edhe një tortë, që shënonte rilindjen e degës, e cila vite të shkuara ka qenë aktive, por për më shumë se dy dekada, e ka pushuar veprimtarinë.

Në takimin e parë të komisionit organizator, u fol për rëndësiën e organizimit të degës, për historinë e Vatrës dhe përkushtimin e saj për cështjen kombëtare.

Po ashtu u rrahën mendime se si të organizohet dega, u përpiluan lista me emra të njërëzve që kanë kontakte me Vatrën, ka ndër ta të anëtarësuar, janë të abonuar në gazetën Dielli dhe janë të përkushtuar për cështjen kombëtare.

Takimi promovues i degës së Vatrës për Queensin do të bëhet në ditët që vijnë.(Korresp. I DIELLIT)

NDAHET NGA JETA PUBLICISTI I NJOHUR, MARASH HAJATI

March 29, 2013 by dgreca

Nga: Prof. Murat Gecaj

Sot në mesditë, në kryeqytetin Tiranë, iu dha lamtumira e fundit, publicistit e shkrimtarit të njohur, birit të denjë dhe të paharruar të krahinës Nikaj-Mërtur, në Malësinë e Gjakovës (Tropojë), Marash Hajati. Ai u nda përgjithnjë nga jeta, në moshën 79-vjeçare, si shkak i një sëmundjeje të pashërueshme.

Trupi i pajetë i tij u vendos në hollin e Radiotelevizionit Shqiptar, ku ai sherbeu me përkushtim drejtues, për disa vite radhazi. Kishin ardhur familjarë të tij, kolegë e miq gazetarë dhe botues, punonjës të arsimit, kulturës e shkencës dhe bashkëkrahinës të shumtë etj. Homazhet për nder të tij zgjatën dy orë. Në ceremoninë e rastit, për përcjelljen në banesën e fundit, nga Radiotelevizioni Shqiptar foli Engjell Ndocaj dhe nga Unioni i Gazetarëve të Shqipërisë, Aleksandër Çipa. Ndërsa, në emër të kryesisë së Shoqatës atdhetare e kulturore, “Nikaj-Mërtur”, foli M.Gecaj. Mbi varrin e të ndjerit Marash Hajati u vendosën kurora dhe buqeta me lule të freskëta.

***

Lindi në qytetin e Shkodrës, në vitin 1934, ku ishin vendosur prindërit e tij, të shpërngulur nga fshati Salcë i Nikaj-Mërturit. Aty kreu arsimin 7-vjeçar e të mesëm. Pastaj, ndoqi dhe mbaroi me sukses studimet e larta, në degën e gazetarisë, në Universitetin e ish-Leningradit (sot: Petërburg). Pas kthimit në Shqipëri, e caktuan me punë redaktor dhe drejtues në gazetën qendrore të kohës “Puna”, si dhe instruktor për shtypin. Në vitet 1974-1988, fillimisht, shërbeu drejtor i Televizionit edhe më pas drejtor i Përgjithshëm i Radiotelevizionit Shqiptar. Në vazhdimësi, për dy vjet, drejtoi gazetën “Zëri i Popullit”. Gjatë asaj periudhe, për afër 14 vjet, ka qenë kryetar i Bashkimit të Gazetarëve të Shqipërisë.

Gjatë jetës së tij, Marash Hajati është marrë jo vetm me publicistikë, por dhe me studime e krijimtari letrare. Ka shkruar skenarë për dy dokumentarë dhe për ata u nderua me “Çmimin e Republikës”. Gjithashtu, publikoi disa libra publicistikë, ndër ta edhe jetëshkrimorë. Me skenarët e tij janë realizuar disa dokumentarë televizivë, si “Tërmeti tundi mallet, por jo zemrat tona” dhe “Fitimtarë mbi tërmetin, të cilët u ndëruan me “Çmimin e Republikës”. Libri i parë i tij, me shkrime publicistike, ishte “Bijtë e tokës sime”(1982). Në librin “Dera e pasme e shtypit”(1998) pasqyroi ngjarje të ndryshme nga puna afër 40-vjeçare në këtë sektor. Ndërsa një vit më vonë publikoi librin, “Shqipëria në kapërcimin e Shekullit”, me analiza e komente, parë me syrin e një gazetari. Libri i fundit i tij është “Dritëro: Kohës i falemi për këtë ditar” (Kujtime).

Megjithëse nuk kishte lindur në krahinën e prindërve, pra, në Nikaj-Mërtur të Malësisë së Gjakovës (Tropojë), por larg saj, ai nuk i shkëputi asnjëherë lidhjet me të. Kështu, ndër të tjera, kur ishte në pension, në detyrën e kryeredaktorit, u botuan disa numra të gazetës “Nikajmërtur”. Po kështu, ishte kryetar dhe veprimtar i palodhur i Shoqatës Atdhetare-Kulturore, po me këtë emër.

Jo vetëm familjarët e tij, bashkashortja e vajza, vëllezërit e motra, por të gjithë kolegët, dashamirësit e bashkëkkrahinësit dhe të njohurit e tij të shumtë, do ta kujtojnë Marash Hajatin: Për buzëqeshjen e çlitër dhe shpirtin njerëzor, për profesionalizmin e lartë, në punën e publicistit e shkrimtarit, por edhe të drejtuesit, të aftë e serioz. Prandaj, i ngushllojmë nga zemra, të gjithë këta.

U prehtë në paqe, shpirti i njeriut te mirë, Marash Hajati, i cili do të ruhet gjatë në kujtesën tonë!

Tiranë, 29 mars 2013

Bodigardi shqiptar në Zvicër shpallet i pafajshëm dhe dëmshpërblehet

March 29, 2013 by dgreca

Krahas lirimit nga akuza për shkaktim lëndimi, atij i paguhen 7821 franga si dëmshpërblim ndërsa për 28 ditët sa është mbajtur në burgun e hetimeve, i jepen edhe 4000 franga të tjera/

Në vitin 2010 në hyrjen e një diskoteke në qytetin Winterthur një mysafir turk po bënte probleme. Ai madje i sulet njërit nga katër rojet e portës të cilin e godet me grusht. Pastaj, njëri nga rojet e tjera, shqiptar nga Kosova e godet sulmuesin dhe e rrëzon, duke i thyer dhe hundën. Ndërsa rojet e tjera hidhen mbi turkun dhe e rrahin keq atë me grushte dhe shqelma. Ai pëson me këtë rast lëndime të ndryshme, veç tjerash edhe tronditje truri.

Gjykata e Qarkut në Winterthur u kishte shqiptuar bodigardëve dënime me kusht, me të holla. I vetmi që e kishte ushtruar të drejtën e ankesës ishte shqiptari. Dhe, të enjten e javes që shkoi ai po qëndronte para trupit gjykues të Gjykatës së lartë të Cyrihut duke këmbëngulur në pafajësinë e tij. Ai, sipas versionit të tij, ka reaguar vetëm për të qetësuar situatën por nuk ka marrë pjesë në rrahje. Kështu ka thënë edhe avokati i tij, i cili ka kërkuar lirim nga fajësia. Ai ka bërë fjalë për masat thjesht preventive dhe tejet profesionale që ka ndërmarrë i mbrojturi i tij. Këtë e tregon edhe videokamera, ka thënë ai.

Trupi gjykues është bindur nga kjo dhe ka shpallur të pafajshëm shqiptarin, duke i hequr dënimin e shqiptuar nga gjykata më e ulët. Sipas Gjykatës së Lartë të Cyrihut, Gjykata e Qarkut e Winterthurit ka vepruar në mënyrë paushalle, duke trajtuar njësoj të gjithë të përfshirët në zënkë. Kështu, ajo ka shpërfillur pamjet nga kamera që tregojnë se i përmenduri ka vepruar në qetësimin e situatës. Kryesuesi i trupit gjykues ka vlerësuar qëndirmin e të liruarit, duke konstatuar se ai ka vepruar ashtu si e kërkon profesioni i tij. Për këtë arsye, krahas lirimit nga akuza, shqiptarit i paguhen 7821 franga si dëmshpërblim ndërsa për 28 ditët sa është mbajtur në burgun e hetimeve atij i jepen edhe 4000 franga të tjera.(kortezi AlbInfo.ch)

Kongresiti Engel: “Jam optimist për marrëveshjen midis Kosovës dhe Serbisë, në se arrihet me 2 Prill”

March 28, 2013 by dgreca

Biznesmeni dhe aktivisti Gjon Lleshaj organizoi një takim mbështetje me kongresistin Eliot Engel/

Nga BEQIR SINA, New York/

NEW YORK CITY : Kongresisti amerikan, Eliot Engel, në një takim me një grup mbështetsish të tij, mbrëmë në lokalin e famshëm në New York, Russian Tea Room, është deklaruar optimist rreth takimit më 2 prill dhe arritjes së një marrëveshje midis Kosovës dhe Serbisë, siç shpreson ai.

Kështu të paktën deklaroi zoti Engel, duke thënë se “Jam optimist dhe mendoj se për të dyja palët rruga më e mirë është marrëveshja dhe pastaj të implementojnë atë që kanë nënshkruar,” tha Engel në takimin që u mbajtë mbrëmë në New York, takim ky i cili u mbajt në mbështetje të fushatës së tij dhe ishte i organizuar dhe sponsorizuar nga afaristi i sukseshëm nga Kosova, në Amerikë, zoti Gjon Lleshaj.

Në këtë takim morën pjesë edhe gazetarët të komunitetit, si dhe Fatos Bytyqi vëllai i tre vëllezërve të vrarë në Serbi, gjatë luftës në Kosovë, vëllezërve Ylli, Agron dhe Mehmet Bytyçi, që u vranë barbarisht nga dora vrastare e regjimit të Millosheviqit në Petrovo Sello në vitin 1999. Mori pjesë edhe kandidati i ri shqiptar për Këshillin e Qytetit të Nju Jorkut, Ken Biberaj dhe avokati amerikan Charles Christophe.

Takimi kaloi në një bised të hapur rreth Kosovës dhe çështje të tjera të shqiptarëve në Ballkan. Anëtari i Dhomës së Përfaqësuesve, Eliot Engel, bashkë-kryetar i grupit të Kongresit për çështjet shqiptare, mik i dëshmuar i shqiptarëve në SHBA, u shpreh i kënaqur për arrtijet e deritanishme dhe u tregua optimistë për Shqipërin dhe Kosovën, duke shpresuar se ato do të bëjnë përparime, së bashku drejt anëtarësimit në të gjitha strukturat Euro – Atlantike.

Duke folur rreth dialogut mes Prishtinës dhe Beogradit, Engel tha se “Kosova dhe Serbia duhet të lëvizin paralelisht kah BE, duke shtuar se në konstatimin se Serbia pritet do të përfitojë nga marrëveshja me një rrugë të shkurtuar dhe shpejtuar kah Bashkimi Evropian, ndërsa Kosovës nuk i është premtuar asgjë të paktën publikisht,” tha zoti Eliot Engel anëtari i Dhomës së Përfaqësuesve, bashkë-kryetar i grupit të Kongresit për çështjet shqiptare, mik i dëshmuar i shqiptarëve në SHBA

Ai vlerësoi në të gjitha këndëvështrimet lidhjet e shkëlqyera dhe miqësin të SHBA, me Shqipërinë dhe Kosovën, dhe shqiptarët, duke i cilësuar ato si në kulmin e tyre. Më pas anëtari i Dhomës së Përfaqësuesve, Eliot Engel, bashkë-kryetar i grupit të Kongresit për çështjet shqiptare, mik i dëshmuar i shqiptarëve në SHBA, solli kujtime interesante rreth fillimit të njohjes së Kosovës dhe çështjes së saj në dy dekada e fundit – kur si u shpreh ai “asnjeri në Kongres nuk e dinte se ku binte Kosova e jo madje të dinte se çfarë po ndodhte në Kosovë”.