Një delegacion i zgjeruar i Këshillit të Ambasadorëve Amerikanë (KAA), i drejtuar nga Presidenti i këtij Këshilli Ambasadori Timothy Chorba, po qëndron për një vizitë një javore faktmbledhëse në rajonin tonë, me ftesë të Këshillit të Ambasadorëve Shqiptarë (KASH).

Në Tiranë, Delegacioni Amerikan u takua e zhvilloi bisedime rreth procesit të integrimit evropian të Shqipërisë, por edhe të zhvillimeve rajonale e atyre politike të brendshme me Presidentin e Republikës, Sh.T.Z. Bajram Begaj, me Kryetaren e Komisionit të Jashtëm të Kuvendit, Znj. Mimi Kodheli, me ish-Presidentin Meta, si dhe me përfaqësues të partive të tjera politike të opozitës.

Delegacioni i Ambasadorëve Amerikanë morri pjesë edhe në ceremoninë festive të dt. 8 maj të 5 vjetorit të themelimit të Këshillit të Ambasadorëve Shqiptarë, me të cilin ka një partneritet të ngushtë institucional.

“Këshilli ynë i Ambasadorëve Amerikanë në Uashington ka patur nderin t’u ofrojë këshilla homologëve tanë shqiptarë në Tiranë gjatë gjithë evoluimit të Këshillit tuaj dhe shndërrimit në këtë Organizatë të jashtëzakonshme që është sot”, u shpreh Ambasadori Chorba në fjalën e tij përshëndetëse në këtë ceremoni.

Vizita në rajon vijoi në Kosovë, në Prizren dhe në Prishtinë. Delegacioni u prit në Prizren, në kryeqytetin historik të kombit tonë nga Kryetari i Komunës Shaqir Totaj dhe vizitoi Shtëpinë e Lidhjes Shqiptare të Prizrenit.

Delegacioni i KAA vizitoi edhe Kantinën e Verës “Stone Castle” në Rahovec, një nga investimet më të mëdhaja të diasporës shqiptaro-amerikane në Kosovë.

Më dt. 10 maj, Delegacioni Amerikan zhvilloi takime në Prishtinë me Kryetarin e Kuvendit Konjufca, Kryeministrin Kurti, Ministren e Punëve të Jashtme dhe Diasporës Gërvalla-Shvarc, Kryetarin e Komunës së Prishtinës Përparim Rama, si dhe me partitë politike të opozitës.

Ambasadorët Amerikanë vlerësuan zhvillmet demokratike në Kosovë, konsolidimin e institucioneve demokratike dhe faktin që Kosova është tashmë një kontribuese e sigurisë e stabilitetit në Ballkanin Perëndimor, si dhe shprehën pa ekuivoke përkushtimin e SHBA-së edhe në të ardhmen në funksion të forcimit të gjithashëm të Republikës së Kosovës.

Delegacioni Amerikan zhvilloi një vizitë të posaçme në kampin ushtarak amerikan të Bondsteel-it, i cili është shndërruar në një element sigurie e stabiliteti për Kosovën e rajonin.

Në përfundim të vizitës në Kosovë, Këshilli i Ambasadorëve Shqiptarë (KASH), së bashku me Këshillin e Ambasadorëve Amerikanë (KAA), zhvilluan në Kolegjin AAB në Prishtinë, një aktivitet të veçantë me rastin e 101 vjetorit të Marrëdhënieve Diplomatike Shqiptaro-Amerikane dhe 15 vjetorit të vendosjes së marrëdhënieve diplomatike ndërmjet Kosovës dhe Shteteve të Bashkuara të Amerikës.

Ndër të tjerë, kontribuan me vlerësimet e tyre në këtë aktivitet edhe Rektori i Kolegjit AAB, Prof. Lulzim Tafa, Presidenti i Këshillit të Ambasadorëve Shqiptarë, Ambasador Besnik Mustafaj, Presidenti i Këshillit të Ambasadorëve Amerikanë, Ambasador Timothy Chorba, Zv. Presidenti i KAA, Ambasador Philip Hughes, Ambasador Avni Spahiu, ambasadori i parë i Kosovës në SHBA, etj.

Gjithashtu, në kuadër të misionit të tyre faktmbledhës, Këshilli i Ambasadorëve Amerikanë u takua respektivisht në Tiranë dhe në Prishtinë me përfaqësues të partive politike shqiptare të Malit të Zi dhe atyre të Luginës së Preshevës, me të cilët shkëmbeu mendime rreth zhvillimeve rajonale dhe promovimit të të drejtave të shqiptarëve në shtetet përkatëse.

Vizita e KAA-së, shoqëruar nga Bordi drejtues i KASH, vijon turin e tij në rajon në dt. 11 dhe 12 maj në Republikën e Maqedonisë së Veriut, ku do të takohet me autoritetet më të larta dhe faktorët e tjerë politikë në vend.

https://www.albanianambassadors.al/keshilli-i…/

See Insights and Ads

Boost post

Like

Comment

Share

Ndriçim Kulla/

Dita e votimit po afron dhe çdokush përpara se të zgjedhë kandidatin e tij të preferuar për kryetar të bashkësisë ku jeton, do të duhej të bënte një analizë dyplanëshe: njërën duke këndvështruar partinë që e kandidon dhe tjetrën duke u fokusuar tek vetë kandidati, tek personaliteti dhe aftësitë e tij.

Në rastin e parë duhet të kihet parasysh se Shqipëria në këtë pikë ku gjende, ka ardhur koha të thuhet qartësisht dhe të bërtitet me zë të lartë, se ka përjetuar padrejtësinë më të madhe të mundshme në kurriz të qytetarëve të saj dhe mungesën më të thellë të mundshme të demokracisë që mund të përjetojë një popull, përsa i përket zgjedhjes së administratorëve të 61 bashkive të territorit të tij. E kjo për faktin e thjeshtë se zgjedhjet e mëparshme ose u bënë pa kandidatë ose me kandidatë fiktivë. E gjitha kjo jo vetëm që s’duhet harruar për pasojat e tmershme që ka sjellë në punën, performancën, përgjegjësinë dhe mënyrën e qasjes ndaj qytetarëve përgjatë gjithë këtyre viteve, të cdo kryebashkiaku të pazgjedhur socialist, por edhe për diskriminimin e opozitës së sotme me anathema nga më të ndryshme. Për t’i vënë vulën këtij denigrimi dhe diskriminimi, shërben sllogani i fushatës që Edi Rama trumbeton me valle “tallava” në çdo takim të tij, duke paragjykuar gjoja kthimin prapa të Shqipërisë me përfaqësuesit e lartë të opozitës. Kjo bamirësi ofendimesh dhe negativiteti, ndaj kundërshtarëve të vet që para 4 viteve as nuk ishin përballë tij, por parësisht ndaj qytetarëve të këtij vendi, të cilëve iu mohua demokracia e zgjedhjes dhe iu servir me mburrje e lëvdatra të ecjes përpara, tragjedia e autokracisë në një administrim 60 me 1 të bashkive, tregon përmasën e frikshme të diskriminimit me të cilën hyn sot opozita në zgjedhje. Ky diskriminim i padrejtë, i dëmshëm, kobsjellës për cdo qytetar të këtij vendi duhet të jetë “parrulla e parë e rrezikut” me të cilën duhet të përballet cdo analizë e tij se për kë duhet të votojë. Nevojitet urgjentisht një korrigjim masiv, në cdo vend, në çdo bashki, i kësaj anomalie kaq të keqe të demokracisë sonë që na dhurroi Edi Rama dhe monopoli i propagandës së tij të kthyer në tallava politike për kaq shumë vjet. I detyrohet parësisht popullit të vet t’ia parashtrojë këtë anomali diskriminuese, këtë flluskë papërgjegjshmërie tiranike brenda së cilës kanë lëvrirë krybashkiakët e tij, e pastaj të flasë e të dërdëllitë për shkim mbrapsh apo parsh në këto zgjedhje. Kënga e famshme e ndryshimit epokal “Wind of change” duhet të këndohet përfundimisht në të gjithë Shqipërinë,duhet të bëhet si një hymn kombëtar për momentin, për të rihapur të ardhmen, për të rikthyer lirinë dhe demokracinë e përmbysur nga intrigat në tavolinë mes Ramës dhe Bashës dhe ndihmën e dukshme dhe të pa drejt të lobistëve amerikanë dhe për ta nxjerrë popullin nga makthi pafund i tranzicionit. Nuk ka asgjë që mund të quhet e vjetër, e prapambetur në politikë, kur fuqia më e madhe e saj është ndryshimi. Dhe opozita shqiptare është krejtësisht e ndryshuar përballë fytyrës së demokracisë sonë, sepse të gjithë kandidatët e saj kanë dalë nga zgjedhjet e primareve, dicka e padëgjuar ndonjëherë në traditën tonë politike, një leksion i madh demokracie, që tallavaja e Ramës akoma nuk arrin dot ta pranojë e jo më ta përqafojë si një standard ndryshimi. Që këtu, gjithcka bëhet e qartë si drita e një agimi të ri që po i pret shqiptarët, agimi i primareve të demokracisë. Që këtu qytetarët janë të thirrur të vlerësojnë jo një akt, një rastësi, por një vullnet konkret, politik, një proces të tërë transformimi. Është ky ndryshim i madh konceptual ai që e bën pluhur e hi slloganin socialist, e për më tepër ai që shërben si garanci edhe për qytetarët se të zgjedhurit e opozitës i kanë të gjitha cilësitë e njerëzve të dalë nga gjiri i votuesve dhe përfaqësojnë zërin e tyre të vërtetë dhe asgjë nuk e mbulon dot më të bukurën ,të renë demokratiken mjergulla mc megonigalliane as hija makbethiane me kamë në dorë për të goditur pabesisht natën në errësirë kundërshtarin . Kjo është një tjetër forcë ndryshimi në këto zgjedhje: pastërtia e figurës, e dinjitetit, pastërtia ndaj korrupsionit dhe nepotizmit, dy plagët e tmershme që rregjimii Ramës ia përplasi në fytyrë shqiptarëve, gjatë gjithë kohës së rregjimit të tij. Formula e tij e pështirë dhe tallëse që të dyja këto gjëma demokratike, ekonomike dhe sociale i fshihte si përgjegjësi personale të të zgjedhurve të vet i la qytetarët për plot 4 vjet pa rrugëdalje, të pafuqishëm para padrejtësive dhe pabarazisë. Përkundrazi, bashkëjetesa me krimin dhe korrupsionin, me autokracinë dhe oligarkët është emblemë e sistemit që ai ka ndërtuar dhe për të cilin mban përgjegjësinë kryesore, që e ka shpënë Shqipërinë prapa në kohë. Ndaj plejada e djemve të rinj, të aftë e kulturuar, Belind Këlliçi në Tiranë,Bardh Spahia në Shkodër, Ardit Cikuli në Sarandë, Arjan Hoxha në Kamëz e gërshetuar me plejadën e figura të shquara akademike dhe qëndrestare të historisë së opozitës Luçiano Boçit në Elbasan, Igli Carës në Durrës, Zef Hilës në Vaun e Dejës , Zija Ismailit në Berat etj , nuk mund të mos përbëjë një tjetër risi ndryshimi përpara syve të zgjedhësve. Ata nuk mund të mos i përgjigjen kësaj zgjedhjeje me “duar të pasta” që kanë bërë bashkëkombasit e tyre, ata nuk mund të mos i besojnë nuhatjes dhe instiktit popullor të së vërtetës, që merr zë në këtë zgjedhje. E së fundi, ata nuk mund të mos i bashkohen gjithë kësaj energji revolte pozitive, që ka përfshirë të majtë e të djadhtë, për të rivendosur balancat e prishura me dhumë dhe padrejtësisht, mes njerëzve, zgjedhësve dhe hallkave administrative, që rezultari 60 me 1 i zgjedhjeve apo mos-zgjedhjeve të shkuara, i bëri të durojnë mbi kurrizet e tyre me aq shumë vuajtje dhe zemëratë.

Le t’i kanalizojmë atëherë të gjitha këto ndjesi negative të qasjes ndaj qytetarëve prej rregjimit të sotëm, me shpresën e pozitivizmit të ndryshimit që fryma opozitare po përhap me vepra dhe projekte në çdo bashki, për të bërë që Shqipëria të mos vazhdojë të jetë një “geto” e demokracisë në zemër të Europës, një “toke e xanun” e korrupsionit dhe oligarkisë, por një oaz i përgjegjësisë më të thellë ndaj votës së qytetaerëve, që opozita brenda vetes tashmë e ka faktuar që mund ta sigurojë. Le ti japim besimin që i meriton ta sigurojë këtë demokraci edhe në gjirin e gjithë Shqipërisë, pasi është pikërisht demokracia nëna e të gjithë të mirave që ne mund të presim: përparimit, drejtësisë dhe barazisë. Qoftë e bërë, siç uronte dikur Noli për pavarësimin tonë, le të themi të gjithë sot, shpëtofshim nga ky rregjim.

Nga Keze Kozeta Zylo/

Mijëra shqiptarë u mblodhën së bashku në Panairin “Gjergj Kastrioti Skënderbeu” e organizuar nga z. Mark Gjonaj “Nderi i Kombit” në bashkëpunim me z. Aleksander Nilaj President i Shoqatës Shqiptaro-Amerikane “Open Hands”, drejtues të stafit si znj. Vera Mjeku akiviste e shquar dhe dhjetra organizata shqiptare që ndihmuan vullnetarisht këtë organizim madhështor.

Natyrshëm ndihem krenare për pjesëmarrjen aktive vullnetarisht si media me TV dhe gjithë shkollat Shqipe “Alba Life” në New York dhe në Online.

Prezantuesit si Mary Camaj, Jorinda Gocaj dhe Ardhmir Malziu kane sjellë në skenë dhjetra artistë, politikanë, nxënës shkollash për koncertin madhështor që u organizua në nderim të Kryeheroit Kombëtar “Gjergj Kastriot Skënderbeu”.  

Me emocione u mirëpritën punonjësit e polisicë së NY-ut, “NYPD Illyrian Society of Law Enforcement Officers” dhe kalorësit krenar që parakalonin pranë mijëra pjesëmarrësve.  

Ceremonia u hap me interpretimin e dy himneve amerikane dhe shqiptare interpretuar nga Fiorela Miria dhe Ilsi Ademi. 

Në këtë program të pasur debutuan mjeshtërisht midis shumë pjesëmarrësve si:  

Shkolla Shqipe “Alba Life” Ambasador i Kombit, Qendra kulturore Shqiptare Amerikane “Struga”, Ansambli Folklorik Autokton Rugova, Barbana, Nora e Kelmendit, Rozafati dhe shumë të tjerë.  

Në këtë ceremoni morën pjesë personalitete të shquara të artit si top modelja e famshme në Amerikë, znj. Emina Çunmulaj, fotografi me famë botërore Fadil Berisha, Humanisti i madh 

Dr. Bari Ceka, znj. Vasfije Krasniqi Goodman e cila eshtë dëshmitare direkte e përdhunimit seksual.  Zonja Vasfije Krasniqi Goodman deputete në Parlamentin e Kosovës është e mbijetuara e dhunës dhe e para grua që dëshmoi para botës se ishte viktimë e dhunës seksuale nga kriminelët serbë dhe genocidi serb.

Artistë të shquar si Gëzim Nika Mjeshtër i Madh, Arian dhe Dea Kërliu, Valbona Peraj, Hajro Ceka, Vedat Ademi, Dionis Delia, Nik Carku e shumë të tjerë si dhe DJ Edi argëtuan me plot profesionalizëm dhe kulturë pjesëmarrësit. 

Nderoi me pjesëmarrjen e tij Udhëheqës i Shumicës së Senatit të Shteteve të Bashkuara të Amerikës z. Chuck Shumer, Senatore e shtetit të Nju Jorkut znj. Natalia Fernandez, Ansambleisti z. John Zaccaro, Komisionere e Çështjeve Kulturore të NYC znj. Laurie Cumbo e shumë të tjerë.

Fëmijët u argëtuan me lodra të ndryshme sjellë dhe organizuar perfekt për këtë ditë të rëndësishme kombëtare.

Duke ecur në këtë udhë të ndritur të Panairit midis shumë veshjeve, asortimenteve ushqimore, kinkalerive, lodrave, bizhuterive, punimeve me dorë,  binte në sy Përkrenarja e Skënderbeut.

Cfare shkëlqimi kishte marrë rruga!  Ja, e mora e vura në kokë dhe një zë tmerrues osman më gjëmonte veshët: Ai ishte Sulltan Mehmeti II, sundimtari i Perandorisë Osmane që pushtoi tokat Arbërore i cili ka thënë, kur vdiq Gjergj i madh se:  “Kurrë s’ka për të dalë më mbi tokë një Luan i tillë!”

Ishte njëFestival shqiptar, kuq e zi, me ngjyra të larmishme, që ka si qëllim të promovojë historinë, kulturën dhe traditat e mrekullueshme shqiptare.

Pjesëmarrësit me aparate në dorë shkrap e shkrup bënin foto në Rrugën me emrin “Gjergj Kastrioti Skënderbeu” emër që i ka bërë dhe do t’i bëjë krenar përjetësisht, ngase ai luftoi dhe fitoi për 25 vjet rresht kundër turqve.  

Duke qenë në Atdheun e dytë në Amerikë nuk ka se si të mos më kujtohen nga historia trimeritë e pashoqe të tij sjellë plot art dhe histori nga poeti i shquar amerikan Henry Wadsworth Longfellow i cili shkruan:  Nga kështjella shpejt ka rënë/ Flamuri me gjysmë-hënë/ Edhe populli shikon/ Që në vënt të tij valon/ Flamur’ i Skënderit n’erë/ Shkab’ e zezë me dy krerë…

Përkthyer nga Fan Noli.

Panairi u mbajt, më 7 maj 2023 nga ora 12:00 deri 18:00 mbasdite në Arthur Ave & Crescent Ave Bronx, NY.

Uroj që  Panairi me emrin e Kryeheroit Gjergj Kastrioti Skënderbeu të vazhdojë 

përjetësisht!

7 Maj, 2023

Bronx, New York

Kryetari i Kuvendit të Republikës së Kosovës, Glauk Konjufca, priti sot në takim Këshillin e Ambasadorëve Amerikanë, të kryesuar nga Timothy Chorba, kryetar i Këshillit.

Duke falënderuar diplomatët për kontributin e vazhdueshëm të tyre dhe të shtetit amerikan në zhvillimin e vendeve të Ballkanit Perëndimor, me theks të veçantë Kosovës, kryetari Konjufca theksoi se takime të kësaj natyre janë mundësi e mirë për të qëndruar më afër njëri-tjetrit dhe për të trajtuar tema që janë me interes vital për rajonin.

Referuar ndihmës që Kosova ka përfituar ndër vite nga Shtetet e Bashkuara të Amerikës dhe vendet demokratike evropiane, kryetari Konjufca u shpreh se Kosova është projekti më i rëndësishëm i faktorit ndërkombëtar i fundshekullit 20-të, i cili rezultoi me ndaljen e gjenocidit dhe trasoi rrugën drejt pavarësisë së Kosovës.

Intervenimi ndërkombëtar dhe pavarësia e Kosovës, shtoi kryetari Konjufca, nuk ishin vetëm domosdoshmëri e nivelit nacional, por kusht esencial për paqe dhe siguri në rajon dhe Evropë.

Duke folur lidhur me dialogun ndërmjet Kosovës dhe Serbisë, kreu i Kuvendit theksoi se Qeveria e Kosovës është jashtëzakonisht e përkushtuar për gjetjen e një zgjidhjeje të përbashkët e cila është në të mirë të të dyja shteteve dhe nga e cila vendet do të kenë prosperitet në të gjitha fushat. Por kryetari Konjufca tërhoqi vëmendjen se assesi nuk do të pranohen modele që kanë për qëllim zhbërjen e shtetit dhe zbehjen e kompetencave ekzekutive brenda territorit të Kosovës.

“Qeveria e Republikës së Kosovës është jashtëzakonisht e përkushtuar ndaj dialogut dhe gjetjes së zgjidhjes më të mirë për qytetarët e të dyja shteteve, por assesi, në asnjë rrethanë nuk do të pranohen modele që rrezikojnë shtetin dhe lirinë e qytetarëve të Kosovës”, tha ndër të tjera kryetari Konjufca.

Në anën tjetër, anëtarët e Këshillit të Ambasadorëve ritheksuan vazhdimësinë e mbështetjes së popullit dhe shtetit amerikan për Kosovën dhe aspiratat euro-atlantike të saj.