Opinion – Page 275 – Dielli

17 vjet më parë u vunë themelet Shoqatës”Trojet e Arbrit”

June 13, 2021 by dgreca

Nga Nue OROSHI/ Pikërisht sot e 17 vite më parë në Hamburg të Gjermanisë mbajtëm sesionin e parë shkencor.Aty ju vunë themelet Shoqatës së Intelektualëve Shqiptarë “Trojet e Arbrit” që për 12 vjet me radhë me plotë suksesë e udhëhoqi prof.dr.Muhamet Shatri që e falënderojmë për nje punë të madhe përkushtuese.Gjithashtu falënderojmë të gjithë ata studius,veprimtar,akademik e profesor të cilët kush më shumë e kush më pakë na ndjekën me përkushtim për 17 vjet me radhë.Për këto 17 vite Shoqata´´ Trojet e Arbrit ´´i mbajti 20 sesione shkencore të rregullta dhe të vecanta, në te gjitha viset etnike shqiptare,10 akademi përkujtimore dhe shkencore në Evropë.Frytet e këtyre sesioneve shkencore sollën 20 vepra enciklopedike me mbi 14.000 mijë faqe materiale shkencore.Me punimet e tyre kush më shumë e kush më pak u angazhuan dhe botuan mbi 300 studiues shqiptar nga të gjitha viset etnike shqiptare dhe diaspora atdhetare në Evropë dhe Amerikë.Shoqata ´´Trojet e Arbrit ´´më, 28 Nëntor 2020 e vendosi në Prizrenin e Besëlidhjeve shqiptare Monumentin e Gjergj Kastriotit -Skënderbeut, duke e rikthyer Kastriotizmin në Prizrenin historik pas me shumë se pesë shekujve. Këtë vit planifikojmë botimin edhe te pesë titujve të rinj shkencor.Po ashtu më 18 Korrik në Qendër të Drenicës në Skenderaj do ta mbajmë sesionin gjithëkombtarë shkencor me temën:´´Masakrat serbo-malazeze dhe të tjerve në trojet shqiptare 1912-1999´´.Ku e kanë paraqitë pjesëmarrjen shumë studiues, dhe ku dita dites kemi rritje të numrit të pjesëmarrësve.Këtë vit do të fillojmë edhe aksionin për Muranën e Gjergj Kastriotit- Skënderbeut në Prizren.Gëzon fakti se Shoqata ´´Trojet e Arbrit ´´është shënderruar në një Akademi Shkencore dhe kombëtare ku për cdo vit po botojmë libra me vlerë historike dhe enciklopedike.Shpeshherë nga të gjitha viset e Shqipërisë Etnike më pyesin se si po mundeni ti dilni në krye një vëllimi kaq të madh te punëve shkencore dhe atdhetare ku një punë të tillë nuk po munden me arritë as Akademitë e Shkencave dhe Institutet e Historisë, edhe pse financohen nga buxhetet e shteteve në Shqipëri dhe Kosovë.Kurse Shoqata ´´Trojet e Arbrit´´ po arrin të kryen projekte shkencore dhe atdhetare, për cdo vit.Përgjigjja është shumë e thjeshtë.Idealizmi për arritjen e një qëllimi kombtarë shpeshherë ka mposhtur veshtirsitë qoftë materiale apo veshtirsitë e tjera që nuk janë të pakta dhe që po na dalin në rrugë.Por jemi mësuar që për keto 17 vite ti largojmë me kujdes nga rruga edhe shumë cungje që po na dalin kohë pasë kohe.Pa e zgjatur shumë deshiroj ti falënderoj të gjithë ata intelektual,veprimtar e personalitete kombëtare që për 17 vite me radhë na u gjetën afër dhe na ndimuan që historia jonë e vërtetë te dalë në dritë.Në mblodhëm historinë tonë të shpërndarë në të katër anët e botës dhe e bëmë bashkë në librat enciklopedik që po botohen tash e 17 vite me radhë.Po ashtu dua të falënderoj të gjithë ata donator që na ndihmuan dhe na përkrahën tash e 17 vite me radhë.Për përkrahje financiare që ju është bërë Shoqatës ´´Trojet e Arbrit´´ nga donatorët idealist dhe atdhetar ju jemi mirënjohës dhe falënderues për jetë të jetëve.Përkrahja e juaj financiare ka bërë që të dalin në dritë mijëra atdhetar të harruar dhe të përsektutuar e të masakruar shqiptar.Veprimtaria e tyre tash ka hyrë në analet e historisë.Gjatë këtyre 17 viteve na shkuan në amshimë edhe shumë studieus e veprimtar atdhetarë.Ata dhanë kontribut të cmuar.I kujtojmë me dhimbje të madhe.Shumica e tyre pervec që ishi studiues ata ishinë edhe atdhetar të mirfilltë.Ndihem i privilegjuarë që pata fatin te punoj shumë vite me ta.Ata e shkruan dhe e dëshmuan historin por edhe vet mbetën në histori.Shtatëmbëdhjetë vite nuk janë pak që te mbahet një organizim intensiv dhe i pandalur asnjëherë në formë vullnetare,edhe unë kur e filluam për herë të parë këtë organizim isha 17 vjet më i ri në moshën 34 vjeqare e tash veqse i kam kaluar 51 vite të jetës.

Ne jemi nisur gjithmonë nga motoja se punët duhet kryer me përkushtimin më të madh profesional dhe atdhetar.Asnjëherë nuk kemi shikuar se si mendojnë dhe se si e interpretojnë të tjerët punën tonë.Historia është ajo që do të dëshmon për punën e të gjithëve.Motoja e jonë është „Të punojmë ngadalë e punët ti kryejmë shpejt“.Qka do të thotë kjo?Kjo do të thotë se duhet punuar ngadalë dhe me perkushtim.Duhet punuar qdo ditë nga pak dhe punët kryhen shumë shpejt.Urime studiues e studiuese idealistë e idealiste dita e lindjes se Shoqatës ´´Trojet e Arbrit´´.Ju ishit ata që për 17 vite na përkrahët dhe e ngritet shoqatën ´´Trojet e Arbrit ´´në një shoqatë gjithëkombëtare e cila nuk ndalet asnjëherë në arritjen e qëllimeve për shkrimin e historisë tonë.Kësaj radhe dua ti falënderoj edhe televizionet, mediumet e shkruara dhe elektronike, që e prezentuan punën tonë.Shoqata ´´Trojet e Arbrit ´´është e nisur nga studiuesit idealist dhe urojmë që ky koncept atdhetar të vazhdoj edhe për shumë dekada dhe shekuj sepse është koncept i pastër kombëtar i cili rrënjet i ka në burimine ujit të pastër të krojeve arbërore.

DIELLI me shqiptarët në Suedi- SFIDAT PSIKOLOGJIKE TË PADEMISË

June 11, 2021 by dgreca

Imri Demisai, mjek specialist në Mjekësinë Familjare dhe në Psikiatri në Suedi, rrëfen ekskluzivisht për gazetën Dielli – Organ i Federatës Panshqiptare të Amerikës VATRA, New York, panikun, stresin dhe pasigurinë e njerëzve gjatë pandemisë, si ka ndryshuar natyra njerëzore në pandemi dhe si mund të jetë vazhdimësia, sfidat e shëndetit publik, vaksinimi dhe rikthimi i njerëzve në gjendjen e mëparshme. Me Imri Demisai bisedoi gazetari i Diellit Sokol Paja.

PANIKU, STRESI, PASIGURIA DHE PAQËNDRUESHMËRIA E BOTËS NË KOHËN E COVID

Historia e njerëzimit është një udhë shumë e gjatë, e mbushur me ngjarje të rënda e të papritura. Në këtë ekspeditë të madhe evolutive ne jemi pajisur me aftësi të ndryshme mbijetuese dhe i kemi trashëguar edhe mënyrat e reagimit ndaj katastrofave të ndryshme. Duke u nisur nga këto fakte, mund të themi se edhe pandemia si fenomen natyror nuk është diçka e panjohur për kujtesën tonë kolektive. Problemi me stresin dhe panikun e shkaktuar nga covid 19, qëndron aty se njeriu modern ka një botëkuptim që nuk është në harmoni me realitetin. Arritjet shkencore na ndihmojnë që pasojat e pandemisë të mos jenë të përmasave që kanë qenë dikur, por kjo nuk do të thotë se shkenca ka rol vendimtar për fatin e njeriut. Individi mund të ndjejë njëfarë rehatie relative kur e di se ndihma mjekësore sot është e nivelit më të lartë të mundshëm, por kjo nuk ia heq ankthin ekzistencial, të cilin kërkon ta zbusë në mënyra të ndryshme, vet apo së bashku me të tjerët. Nga ana tjetër, një pjesë e atij ankthi mund të ketë lidhje edhe me njëfarë faji kolektiv, bazuar në vetëdijen e shtuar se njerëzit janë bërë qeniet më problematike në rruzullin tokësor. Sipas botëkuptimit tim ekziston një shpirt i madh, një udhë e ndritshme drejt një qëllimi fisnik: lartësimi i njeriut. Por, kur kjo lëvizje e perëndishme pengohet seriozisht, na shfaqet një forcë madhore për të na e treguar rendin edhe vendin. Një nga hipotezat e mia është se një qëndrim më i natyrshëm ndaj këtyre dukurive do të na bënte më të arsyeshëm e më të qëndrueshëm në këtë fushatë mbrojtëse nga virusi. Unë e shoh këtë si një fundament mbi të cilin ngrihen strategjitë tjera mjekësore dhe psikologjike. Secili prej nesh duhet ta gjejë veten në një kontekst më të madh, duke menduar mirë se çfarë themi dhe si i ndikojmë të tjerët në momentin e pikërishëm. E di se ku ka ankth e frikë ka edhe shaka pa kripë, por të gjitha këto kanë ndikim në ambientin tonë. Nuk jam as për atë që të fshihen faktet nga frika se mund të na tremben njerëzit. E kam fjalën këtu sidomos për psikologët dhe ndihmësit e tjerë profesionistë të cilët i trajtojnë klientët e tyre sikur të ishin viktima të traumatizuar në luftrat më të tmerrshme. Sapo fola me një shok i cili mezi shpëtoi gjallë nga covid 19, falë përkujdesit maksimal në një spital amerikan. Fliste ngadalë. Rrinte, rrinte dhe lëshonte nga një uratë. Po nuk m´u duk si viktimë, përderisa e do edhe më shumë jetën, dhe e çmon atë si një dhuratë.

TIPOLOGJIA E NJERIUT PAS PREKJES NGA COVID

Pandemia na ka shkundur mirë dhe besoj se përveç rasteve fatale do të shohim edhe efekte pozitive, para së gjithash një ndryshim në mendësinë e njerëzve, ashtu që vlerat më themelore të peshojnë më shumë. Njerëzit janë larguar shumë nga njëri – tjetri, në kuptime të ndryshme dhe ky distancim që po na kushtëzon pandemia është si një inskenim i problemit thelbësor, me një simbolikë të fortë: ‟Shikoni si është të mos jesh afër me tjetrin”!

BOTA E SHOKUAR, NJERËZIT E PAPËRGATITUR, NDRYSHIMI PAS PANDEMISË

Njerëzit të cilët janë në kontakt të mirëfilltë me realitetin, e jetojnë jetën dhe rrallë mendojnë për vdekjen. Ata, qëndrojnë, si të thuash me këmbë në tokë, se e dinë mirë se janë kalimtarë në këtë botë. Njerëzit e tillë nuk ‟shokohen” nga katastrofat e as nga një pandemi si kjo. Disa besimtarë mund të nguten të thonë se meritë të veçantë për këtë ka feja e tyre. Unë mendoj se kjo dukuri nuk është as fetare e as ateiste por ka të bëjë me një botëkuptim që i jep rëndësi filozofisë së jetës, përtej përkufizimeve dogmatike. Në realitet, kemi një përzierje ndjenjash e mendimesh në rrafshin kolektiv, ndonëse ka edhe disa aspekte kulturore specifike, për shembull, që shqiptarët të reagojnë në mënyrën e vet, ashtu si kanë reaguar para, gjatë dhe pas trandjeve të mëdha. Qëndrimi naiv se virusi është mashtrim dhe manipulim i të vegjëlve nga të mëdhenjtë, nuk është edhe aq i huaj për mentalitetin tonë. Mohimi i fakteve nga njëra anë dhe dyshimi paranoik nga ana tjetër, shkakton habi. Shkaqet duhen kërkuar në histori. Përgjithësisht mund të themi se njeriu ka aftësi të madhe përshtatëse, nëse e ka kohën e duhur për ta bërë këtë. E njëjta gjë vlen edhe për virusin. Coronavirusi bën çmos për tu përshtatur dhe për të na shoqëruar për një kohë të gjatë.

PANDEMIA DHE VAZHDIMËSIA, FRIKA NGA VAKSINA DHE BESIMI TEK SHKENCA

Pandemia do të vazhdojë. Virusi ka ardhur për tu bërë pjesë e jetës sonë ashtu si dhe disa nga virusët e tjerë. Ekspertët thonë se me kalimin e kohës do të zbutet edhe egërsia e virusit. Vaksinimi mendohet të jetë një nga strategjitë më të rëndësishme për ta arritur atë zbutje. Njeriu ndeshet sërish me ankthin ekzistencial, se fundi mund të vijë edhe nga një efekt fatal i vaksinës. Kjo na bën të mendojmë edhe njëherë se jemi të vdekshëm dhe na afron më shumë me jetën. Mosbesimi ndaj deklaratave të ekspertëve mund të varet nga mungesa e një besimi në thelbin e shpirtit të individit por kjo dukuri mund të jetë edhe si shenjë e një psikoze kolektive, sipas një skenari të vjetër mosbesimi dhe dëshpërimi, pas një humbje të madhe.

VAKSINIMI NË SUEDI DHE VAKSINIMI NË SHTETET E VARFËRA

Fushata e vaksinimit dhe e masave të tjera mbrojtëse duhet të jenë detyra parësore e të gjitha vendeve. Edhe shtetet më të prapambetura kanë përgjegjësi të kenë plan mbrojtës ndaj çdo katastrofe natyrore. Nëse, për shembull Shqipëria, ka mundësi ekonomike për disa lukse të tjera, atëherë është përgjegjëse për mbrojtjen e jetës së njerëzve në situata të tilla. Po Shqipëria nuk ka përgjegjësi(!) Përgjegjësia është e njerëzve që jetojnë në Shqipëri. Unë jetoj në një vend të organizuar mirë, siç është Suedia por as këtu nuk ka vaksina me bollëk. Erdhi koha të shkojmë në pushime dhe unë ende nuk e kam marrë as dozën e parë.

KOSTOJA EKONOMIKE E PANDEMISË DHE SKENARËT E RIMËKËMBJES

Në kuptimin e mëkëmbjes psikologjike besoj se për botën ka gjithmonë zgjidhje, se vrulli i jetës është i pandalshëm. Disa do të vdesin, të tjerë do të lindin dhe jeta vazhdon. Pandemia ushtron një trysni pozitive në lumin e jetës, duke ndikuar që të rinjtë ti lënë mënjanë planet afatgjate dhe të përqëndrohen në vlerat më të rëndësishme siç është lindja e fëmijëve. Sa i përket rimëkëmbjes ekonomike le ti besojmë prognozave që japin ekspertët e asaj fushe.

SHËNDETI PUBLIK GLOBAL

Rreziku më i madh për shëndetin global nuk është covid 19 por devijimi marramendës nga disa parime kryesore të domosdoshme për mbarëvajtjen e rracës njerëzore. Ne të gjithë jemi të vetëdijshëm se cilat vlera janë të rëndësishme për ne, por prapë se prapë duam që dikush tjetër të veprojë për të mirën tonë dhe në pritje indinjohemi ose flasim me një gjuhë fataliste. Kjo pandemi ngjan në njëfarë mënyre me një gjendje lufte dhe bota duhet të ketë buxhet rezervë për të kapërcyer kriza të këtilla.

MESAZHI JUAJ PËR VATRËN, DIELLIN DHE SHQIPTARËT NË AMERIKË

Faleminderit që ma besuat mua këtë intervistë. Përshëndes Vatrën, redaksinë dhe lexuesit e revistës Dielli si dhe gjithë shqiptarët në Amerikë. Një përshëndetje të veçantë kolonisë strugane, sidomos vëllaut tim Nazmi Demisau, kushërinjve, miqve dhe dashamirëve.

KUSH ËSHTË IMRI DEMISAI

Imri Demisai është strugan që jeton në Suedi prej 33 vitesh. Fakultetin e mjekësisë e ka kryer në Prishtinë. Në Suedi ka kryer specializimin në Mjekësinë Familjare dhe në Psikiatri, gjithashtu ka studiuar disa metoda të punës psikoterapeutike, ka edhe një punim shkencor në proces. Punon si mjek prej 28 vitesh dhe këto nëntë vitet e fundit në ordinancën e tij, Actavita RehabDialog. Ka pasion poezine dhe shkruan poezi. Ka botuar së pari “Nervi i jetës” te Toena, Tiranë 1999, dhe sapo ka dorëzuar për shtyp te Dukagjini Bookstore, 66 poezi të zgjedhura, “Jam strugan”.

SHBA: Urdhër i ri Ekzekutiv për sanksione në Ballkan, shtohet Shqipëria…

June 9, 2021 by dgreca

-ShBA intensifikojnë përpjekjet kundër korrupsionit në Ballkanin Perëndimor/

Një urdhër ekzekutiv i Presidentit Joe Biden për bllokimin e pasurive dhe pezullimin e hyrjes në Shtetet e Bashkuara të personave që kontribuojnë në destabilizimin e Ballkanit Perëndimor, përfshin tashmë edhe Shqipërinë dhe zgjeron objektin e saj, duke përfshirë personat që kryejnë korrupsion dhe minojnë institucionet demokratike.

“Urdhri zgjeron hapësirën gjeografike të regjimit ekzistues të sanksioneve, duke përfshirë edhe Shqipërinë dhe zgjeron kriteret për kërcënimet aktuale ndaj sigurisë kombëtare të Shteteve të Bashkuara dhe interesave të politikës së jashtme në rajon, duke përfshirë pengimin e proceseve demokratike dhe gjyqësore, korrupsionin dhe krimin e organizuar”, thuhet në një njoftim të Shtëpisë së Bardhë.

Ky Urdhër Ekzekutiv i cili është vazhdim i atij fillestar të vitit 2001, që parashikon sanksione për individë të Ballkanit Perëndimor që shihen si rrezik për sigurinë kombëtare të Shteteve të Bashkuara, për herë të pare përfshin Shqipërinë, i cili është shteti i vetëm që përmendet me emër.

Sipas urdhrit, veprimet që minojnë marrëveshjet dhe institucionet e pasluftës pas shpërbërjes së ish-Jugosllavisë, si dhe korrupsioni i përhapur brenda qeverive të ndryshme dhe institucioneve në Ballkanin Perëndimor, pengojnë përparimin drejt qeverisjes demokratike dhe integrimit të plotë në institucionet transatlantike.

Për këtë arsye, vazhdon urdhri ato “përbëjnë një kërcënim të jashtëzakonshëm për sigurinë kombëtare dhe politikën e jashtme të Shteteve të Bashkuara”.

Sipas Shtëpisë së Bardhë, korrupsioni dëmton drejtpërdrejt politikën e jashtme dhe sigurinë kombëtare të Shteteve të Bashkuara dhe të partnerëve e aleatëve të tyre. tanë.

“Shtetet e Bashkuara janë të përkushtuara për të nxitur llogaridhënien dhe për të luftuar korrupsionin në Ballkanin Perëndimor dhe në të gjithë botën”, thuhet në njoftimin e Shtëpisë së Bardhë.

Presidenti Biden shprehet në urdhrin ekzekutiv se “është e nevojshme të bllokohen pronat dhe interesat mbi pronat e çdo personi për të cilin Sekretari i Thesarit, në konsultim me Sekretarin e Shtetit, ka arritur në përfundimin se minon proceset ose institucionet demokratike, apo marrëveshjet ose kornizë rajonale për sigurinë, paqen, bashkëpunimin, njohjen reciproke, ose mekanizmat e llogaridhënies, janë të përfshirë në shkelje serioze të të drejtave të njeriut, apo të përfshirë drejtpërdrejt ose indirekt në korrupsion”.

Shtëpia e Bardhë thotë se Departamenti i Thesarit, në konsultim me Departamentin e Shtetit do të vazhdojë të përditësojë listën e individëve që u nënshtrohen sanksioneve sipas këtij urdhri.

“Garantimi i sigurisë dhe stabilitetit politik të rajonit të Ballkanit Perëndimor është në përputhje me angazhimin e administratës Biden për avancimin e interesave thelbësore të sigurisë kombëtare të SHBA, përfshirë mbrojtjen e institucioneve demokratike”, thotë Shtëpia e Bardhë.

Urdhri që zgjeron kompetencat për të marrë masa ndaj personave që janë të përfshirë në këto kategori, pason vendimin e Shtëpisë së Bardhë javën e kaluar për ta shpallur luftën kundër korrupsionit si një përparësi themelore të interesave të sigurisë kombëtare të Shteteve të Bashkuara.

Urdhri fillestar ekzekutiv i vitit 2001 nga ish-Presidenti George W. Bush, pas luftrave në Ballkan, parashikonte sanksione në lidhje me ekstremizmin e dhunshëm, shkeljen e Marrëveshjeve të Dejtonit dhe Rezolutën 1244 të OKB-së për Kosovën dhe kërcënonte stabilitetin në rajon.

Ky urdhër është rinovuar çdo vit që atëherë nga Presidentët amerikanë.

****.

ShBA intensifikojnë përpjekjet kundër korrupsionit në Ballkanin Perëndimor

Sekretari amerikan i Shtetit Antony Blinken ripohon angazhimin e Uashingtonit për të luftuar korrupsionin në vendet e Ballkanit Perëndimor.

“Shtetet e Bashkuara janë të ndërgjegjshme se korrupsioni kërcënon barazinë ekonomike, luftën kundër varfërisë, përpjekjet për zhvillimin ekonomik, si dhe vetë demokracinë. Korrupsioni, kudo që të jetë, dëmton drejtpërdrejtë politikën e jashtme, sigurinë kombëtare dhe ekonominë e Shteteve të Bashkuara, si dhe aleatët e partnerët tanë”, thekson zoti Blinken, në një deklaratë të lëshuar pas Urdhërit Ekzekutiv të Presidentit Biden për të zgjeruar hartën dhe kriteret e vendosjes së sanksioneve ndaj individëve dhe organizatave që përfshihen në korrupsion dhe krim të organizuar në Ballkanin Perëndimor.

“Shtetet e Bashkuara”, thekson zoti Blinken, “janë të angazhuara për të nxitur llogaridhënien si dhe për të luftuar pandëshkueshmërinë ndaj atyre që janë përfshirë në raste madhore korrupsioni në Ballkanin Perëndimor dhe kudo në botë”.

Duke e shpallur luftën kundër korrupsionit si një prioritet të sigurisë kombëtare të Shteteve të Bashkuara, administrata Biden duket se është e përgatitur të mbajë ndaj individëve, që beson se përfshihen në akte madhore korrupsioni dhe që minojnë shtetin ligjor, të njejtin qëndrim si ndaj atyre që kanë rrezikuar paqen në Ballkanin Perëndimor.

Sipas zotit Blinken, urdhëri i fundit ekzekutiv i Presidentit Biden zgjeron hartën e sanksioneve në Ballkanin Perëndimor duke përfshirë disa marrëveshje të viteve të fundit, siç është ajo e Prespës e vitit 2018, apo zgjatja e mandatit të Gjykatës së Hagës për Krimet e Luftës në ish Jugosllavi.

Veç atyre që rrezikojnë paqen e sigurinë, sanksione mund të vendosen tani edhe ndaj individëve që destabilizojnë rajonin duke minuar insitucionet demokratike dhe shtetin ligjor, ose që shkelin të drejtat e njeriut.

Për të goditur në mënyrën më të mirë rrjetet e korrupsionit të shtrira në Ballkanin Perëndimor, thekson Sekretari Blinken, Urdhëri Ekzekutiv përfshin tani edhe Shqipërinë.

Deri tani, Urdhëri Ekzekutiv, një vazhdimësi në vite e qëndrimeve të administratave të ndryshme amerikane që nga viti 2001, përfshinte vetëm vendet e dala nga shpërbërja e dhunshme e ish Jugosllavisë.

Sipas Sekretarit Bliken “Urdhëri Ekzekutiv autorizon vendosjen e sanksioneve ndaj individëve, apo enteve, që janë përgjegjëse për korrupsion në rajon, që janë përfshirë në përvetësim fondesh publike, tjetërsim pronash private për përfitime personale apo politike, ose të përfshirë në ryshfete. Pronat, ose interesat në prona të ndryshme, që personat e përcaktuar në bazë të Urdhërit Ekzekutiv, kanë në Shtetet e Bashkuara, ose që kanë lidhje me Shtetet e Bashkuara, apo bien në duar të personave në Shtetet e Bashkuara, do të bllokohen dhe shtetasit amerikanë janë të ndaluar të kryejnë transaksione me ta. Veç kësaj, individët, që përcaktohen në bazë të këtij urdhëri, nuk do të lejohen të hyjnë në Shtetet e Bashkuara”, thekson Sekretari Blinken.

Judiciary Ranked as Most Corrupt, Political Parties Rank Lowest in Trust

June 9, 2021 by dgreca

IDM Opinion Poll 2020/

Judiciary Ranked as Most Corrupt, Political Parties Rank Lowest in Trust /

By Rafaela Prifti/

The Institute for Democracy and Mediation has issued the findings of its “Trust in Governance” opinion poll. The public survey was conducted in November–December 2020 across the 61 municipalities of Albania, using a randomly selected and nationally representative sample of 2,500 citizens, write the report authors Leonie Vrugtman and Marsela Dauti.

The publication is part of a Public Service project made possible by “a donor pool fund implemented by the Government of Albania in partnership with the United Nations Development Program (UNDP), and with Austrian Development Cooperation (ADC) as key contributor, together with UNDP,” the report states. The disclaimer is that “the content of the report is the responsibility of the authors, and does not necessarily reflect the official policy or position of the Albanian Government, UNDP, or ADC.”

The 137-page report issues findings on public trust in governance, accountability, corruption, citizen engagement etc. The authors disclose the impact of the November 2019 earthquake in Albania, and the COVID-19 pandemic in all government and civil sectors, reflected in their report.

Among the top listed findings are:

International organizations like NATO, the UN and the EU, rank as the most trusted institutions,

84.1% reported ‘grand’ or high-level corruption to be widespread. Judicial institutions ranked as the most corrupt in 2020, followed by healthcare institutions, law enforcement, and parliament, as 7 in 10 Albanians reported they do not have confidence in the prosecution of grand corruption cases.

There are disturbing findings with regard to immigration. According to the survey: “The percentage of the Albanian population wanting to move to another country remains high: 44% of respondents reported that they want to emigrate.” In terms of safety, the report states that “70% of the Albanian population surveyed did not feel safe in everyday life. The main reasons for feeling unsafe were crime, health-related concerns, employment insecurity and injustice.” With reference to the primary source of news on current affairs for the Albanian population, the IDM report indicates that while “social media (36%) and portals (15%) are becoming more popular, television (58%) remained the most popular media outlet in Albania.”

Below are the IDM findings grouped and summarized by the authors of the report.

Trust in Governance 2020 at a Glance

In its eighth annual edition, the ‘Trust in Governance’ opinion poll was conducted by the Institute for Democracy and Mediation (IDM) in November–December 2020 across the 61 municipalities of Albania, using a randomly selected and nationally representative sample of 2,500 citizens. The year was marked by the aftermath of the devastating earthquake in Albania in November 2019, and the COVID-19 pandemic which caused major disruption to all facets of life in the country including governance, citizen engagement, and public service delivery. This affected the findings of the annually recurring sections, and also resulted in the inclusion of a new section: natural disasters. The findings are grouped into nine main sections and summarized as follows:

Trust in Institutions

→International organisations like NATO, the UN and the EU, ranked as the most trusted institutions

→Religious institutions (69.8%) were the domestic institutions most trusted by the Albanian population, followed by educational institutions (54.1%), the armed forces (54.0%), and civil-society organisations (52.6%).

→Political parties (20.4%), the courts (23.8%), the president (23.9%), parliament (24.1%), and the prosecution (24.3%) were among the lowest ranking institutions in terms of trust.

→Compared to 2019, trust in the police, healthcare institutions, the media, central government, and the army has decreased, while trust in religious institutions has increased.

→A mere 28.7% of the Albanian population surveyed believed that judicial reform is being implemented correctly and 52.8% of respondents believed that judicial reform will have a positive impact on the development of the country.

→Although social media (36%) and portals (15%) are becoming more popular – even among people over 65 years old – as the primary source for news on current affairs for the Albanian population, television (58%) remained the most popular media outlet in Albania.

→One in three Albanian citizens believed that the information provided by Albanian media is accurate/true

Transparency and Accountability

→The majority of Albanians surveyed perceived the central government (64.3%) and municipality (62.2%) as not transparent, though this is an improvement of 2 and 1 percentage points (p.p.), respectively, compared to 2019.

→The majority of the Albanian population polled (64.1%) were aware that the right to information is guaranteed by law. Albanians over 65 years old or with an income of 50,001–70,000 ALL were more likely to be aware of this legislation.

→Compared to 2019, the proportion of Albanian citizens that perceived local government as accountable increased by 6 p.p. to 37% in 2020 and for central government the proportion increased by 4 p.p. to 35% in 2020.

→The Albanian population surveyed tended to believe that the most effective domestic accountability mechanism is the Albanian Supreme State Audit Institution (60.7%), followed by the media (52.8%), parliament (48.1%), civil society (44.8%), and the Ombudsman (44.3%).

→On the whole, the Albanian population believed that international organisations hold the government to account better than the organizations listed.

Corruption in Public Institutions

→86.7% of Albanian citizens reported that they perceive ‘petty’ corruption to be widespread, while 84.1% reported ‘grand’ or high-level corruption to be widespread.

→Judicial institutions were ranked as the most corrupt in 2020, followed by healthcare institutions, law enforcement, and parliament.

→Compared to last year, the percentage of the Albanian population that did not have confidence in the prosecution of petty corruption increased – from 61.1% in 2019 to 64.5% in 2020.

→7 in 10 Albanians reported they do not have confidence in the prosecution of grand corruption cases.

→The proportion of Albanians that reported having paid a bribe to receive a service from the central government increased from 19% in 2019 to 32% in 2020. More Albanians reported to have received a service from the central government in 2020, 41% compared to 32% in 2019

Citizen Engagement

→In 2020, a smaller percentage (49%) of the Albanian population was interested in participating in the decision-making process of public institutions than in 2019 (57%).

→Albanians with a university degree (or higher), students, public sector employees, and members of political parties were more likely to report being interested in participating in the public decision-making process.

→Most Albanians felt that they do not have sufficient opportunities to participate in the decision-making of public institutions.

→Approximately 1 in 8 Albanian citizens reported that they used the online portal ‘www.konsultimipublik.gov.al’ in 2020 to obtain information or give their opinion on draft legislation or draft strategies/action plans.

→The majority of the Albanians surveyed believed that ‘citizens have sufficient knowledge to understand government decisions’ (71%).

→Although 38% of respondents believed that suggestions from civil society are taken into consideration, 65% felt that local public hearings are formal events. Meanwhile, 35% agreed with the statement ‘municipal councilors represent local communities’.

→22% of the respondents attended a demonstration/rally or signed a petition in 2020. →67% were willing to engage in voluntary work, particularly those younger than 45 years old, attending a university, working in the public sector, or living in rural areas.

→The percentage of the Albanian population wanting to move to another country remains high: 44% of respondents reported that they want to emigrate.

Satisfaction with Public Service Delivery

→38% of Albanian citizens, on average, were satisfied with the delivery of core public services. The delivery of education services (49%) and cleaning services (49%) were perceived as most satisfactory.

→45% of Albanian citizens that had used an administrative service in 2020 were satisfied or very satisfied with the delivery of this service. Particularly the delivery of civil registry (68%), road transportation (56%), and social insurance (54%) services received higher ratings.

→Compared to last year, a smaller percentage of respondents submitted a complaint to institutional public service providers (12% in 2020 versus 17% in 2019).

→12.4% of the citizens surveyed directed complaints to the online platform shqiperiaqeduam.al. Albanians with an income of over 70,001 ALL/month were more likely to have submitted complaints to the platform.

→Similar to 2019, approximately 1 in 4 Albanians believed that institutions ‘listen to’ and properly address citizens’ complaints.

→57.2% of respondents said that the quality of social services delivered by the municipality had not changed, while 23.6% said that the quality of social services had improved and 19.2% said that it had worsened. Compared to 2019, a higher percentage of the Albanian population reported visiting an Agency for the Delivery of Integrated Services (ADISA) service window (29% versus 24%). Among those who visited an ADISA service window, 73.4% indicated that they were ‘satisfied’ or ‘very satisfied’ with the service they received, an increase of more than 4 p.p. compared to last year.

→70% of the Albanian population surveyed did not feel safe in everyday life. The main reasons for feeling unsafe were crime, health-related concerns, employment insecurity and injustice.

Use of Information and Communications Technology (ICT)

→63% of the Albanian population were aware that their municipality had a website, an increase of 20 p.p. compared to 2015.

→The main reason for using the website of the municipality was ‘to receive information on available services and where and how to access them’.

→Compared to 2019, a higher percentage of the Albanian population indicated that they are aware that the government administration offers electronic services through the e-Albania portal (93% in 2020 versus 71% in 2019)

→74.3% of the citizens that were aware of the existence of e-Albania indicated that they have received electronic services through the portal in 2020.

→Compared to 2019, a smaller percentage of Albanians assessed electronic services as being functional, easy to use, and providing citizens the opportunity to express comments/suggestions.

Gender and Social Inclusion

→50% of men and 39% of women agreed that there is equality between men and women, as did a smaller overall proportion of respondents than last year (45% in 2020 versus 54% in 2019).

→74.5% of men and 68.2% women believed that men and women have the same access to public services, which represents a slight increase on 2019 when 71.1% of the men and 66.4% of the women agreed with the statement.

→A majority of the Albanian population surveyed (67.8%) believed that public servants serve with the same devotion and ethics to women and men.

→1 in 8 Albanians reported being treated differently by an institution or public official on the basis of gender, age, ethnicity, sexual orientation, a disability, or something else. Of those that had suffered discrimination in 2020, most were treated differently because of their age or gender.

→80% of the Albanian population surveyed thought that women and men are equally capable of holding any public position. Women, younger people, and those with university degrees (or higher) were more likely to indicate that women and men are equally capable of holding any public position.

→Similar to 2019, in 2020 around 6 in 10 Albanians thought that an increased number of women in municipal councils has a positive impact on local governance.

DREJTËSIA, GUR I VARUR NË QAFËN E KRYEMINISTRIT

June 9, 2021 by dgreca

Nga PIRRO LOLI/Edi Ramës i është prishur qetësia. Në fillim nga dehja e fitores pastaj nga frika; Ka filluar të trembet nga fitorja e zgjedhjeve. Dhe sikur i ka ikur zëri; nuk flet më duke u çjerrë, e bërtitur me duar e këmbë e me ato gjeste aktoreske provuar në pasqyrë. Edhe ata të dashurit e tij, banditë, ishër, drogaxhinj, oligartësh e simpatizatësh që i serviloseshin më parë po i duken të frikshëm, “harroje Skëndërbeun e asaj zonjëzës, që i falej me temena; (Dikush i tha, laj gojën, “Skendërbeu nuk ishte hajdut); frikë i vjen dhe nga Lali Eri dhe nga Tao Tao-ja që imitojnë atë dhe në lëvizjet dhe në tonet e fjalorit të tij. Nuk e donte me kaq muzikë këtë fitore që akoma pa dhënë rezultatet e mori vesh bota mbarë si masakër zgjedhore. Propaganda mashtruese i ka këputur frenat dhe nuk ngjit më. Ajo drejtësia e tij po katandiset si thes i shpuar e sherri kërkon sherr

***

Pika më strategjike e programit të tij (pa program) është reforma në drejtësi. Dhe, ua tha shqip me sinqeritet, “ Doni drejtësi të pavarur, votoni mua, votoni numurin 12., 12 , mos harroni”. Doni të shpëtoni nga virusi pandemik, votoni mua, numurin 12, mos harroni…Ja, ata votuan e ne fituam, po tani? Me sa duket drejtësia është thembra e Akilit për qeverisjen oligarkike të Rilindjes dhe nuk e kupton i ngrati se “sukseset” e qeverisjes së tij tetë vjeçare, varur në qafë si varëse zbukurimesh, po bëhet gjithnjë e më tepër gur i rëndë…Ndryshimet me pikatore , në drejtësi, një sot e një mot, më përziejnë zorrët..

***

Nuk harrohet. Sapo mori pushtetin, që në vjeshtën e vitit 2013, Edi Rama nisi sulmet ndaj pushtetit gjyqësor dhe sidomos ndaj Këshillit të Lartë të Drejtësisë, që , për hir të së vërtetës. ishte i tej mbushur me gjykatës e prokurorë të korruptuar. Duhet të pranojmë që drejtësia drejtohej nga politika dhe se politikanët ( peshqit e mëdhenj)mbeteshin gjithmonë të pa prekur. Të gjitha rotacionet, hiq e mos këput, synonin ta kishin drejtësinë me vete, ose nën vete. Kjo bënte që sistemi demokratik të mbetej i plagosur, i pa balancuar mbërthyer në një tranzicion të gjatë. Degradimi i drejtësisë kishte ardhur galopant në të gjithë strukturën sidomos pas vitit 1997, ku rrugaçëria e shoqërisë shqiptare me shumicë majtist-o-komuniste, nën stimulimin serbo grek, dhunshëm diktonte ligjin dhe veprimin. Rrëmbehej kirurgu nga operacioni, mësuesja nga klasa, kasaforta nga banka; kujtojmë shembullin më ekstrem e aq të rrezikshëm kur, kryetari i gjykatës kushtetuese R. Gjata u nxorr forcërisht nga zyra dhe në vend të tij u emërua Fehmi Abdiu, xhelati i fundit i komunizmit që dënoi me varje poetin Havzi Nela..

Rama na dolli “më i suksesshmi”. Ky synonte që të bënte gjithçka me drejtësinë por, rreptësisht, djallëzisht e kategorikisht të mos prekej ai dhe rrethi tij i ngushtë, rilindasit, soristët, ministrat dhe oligartët e zgjedhur të tij, që arritën deri në Parlament, e me luftën e ashpër të opozitës dhe të opinionit ndërkombëtar, u arrit të aprovohej ligji anti korrupsion, që rrëzoi rreth 20 deputetë të tij hajdutë. Nën sqetullat e forumeve të drejtësisë ai arriti të aprovonte disa ligje sipas qejfit dhe interesit gjoja në emër të reformës dhe arriti ta lërë Republikën pa drejtësi funksionale. Djalli i dinte të tëra djallëzitë. Por koha po bënte të vetën. Dhe djalli nuk qëndronte dot u pazbuluar. Pas gërr-gameve të vazhdueshme të një propagande mashtruese, ai shkarkoi dy anëtarë të Këshillit të Lartë, (L. Lelczajn Dhe të riun E . Çefa) dhe i zëvendësoi me dy dy socialistë ( V. Kosta dhe S. Çomo). Me këtë zëvendësim që duket kaq i thjeshtë, E. Rama mori ( votën pro tij), kontrollin mbi KLD-në. Kjo manovër do të bënte të pa mundur akuzat ndaj oligartëve dhe të gjitha akteve korruptive të Rilindjes me në krye kryerilindasin ose kryeministrin sorist. KLD-a e korruptuar do emëronte dhe do shkarkonte çdo gjyqtar që mund të rrezikojë dikë nga administrata e lartë shtetërore. Milionerët punonin të qetë për të ngritur kulla dhe paraja pastrohet lirisht. Akti arbitrar “ala Ramë”, goditi thelbin e çdo vendimi të gjykatave me anë të votës, akt që flet qartë për një uzurpim pushteti me diktat shtetëror. Ky kurth që iu ngrit drejtësisë, tërhoqi mendimin Gjykatës Kushtetuese, që e quajti vendim anti kushtetues, megjithatë ndryshimi i anëtarëve nuk u bë. Pikësynimi i Ramës në drejtësi synonte dhe synon djallëzisht të bëhej diçka, sa me i dëgjue paksa ndërkombëtarët, aqë, ashtu sa me ly buzët me buzkuq por, në asnjë mënyrë kjo drejtësi të mos i drejtonte sytë lart nga oligarkia qeveritare. Pas këtij akti u kuptua manovra trashanike e kryeministrit; u fol hapur për dështim të tij por ai po përgatiste një kurth tjetër më djallëzor. ( Edhe nën hijen e ndihmës vllazërore të ndërkombëtarëve). Diçka të bëhet, mishi të piqet e helli të mos digjet; le të kapej ndonjë cironkë, t’u zihej ndonjë sy të huajve dhe ndonjë fakiri më tej, që nuk mbrohej dot e me këtë funksiononte dhe propaganda e, do s’do, të kënaqte dhe aleatët e jashtëm sidomos ata amerikanë me promotor Ambasadën Amerikane. Duke pasur një shumicë votash në Kuvend, mendja e tij fabrikoi një ligj ku do ngrihej një Byro Kombëtare (një farë “FBI” shqiptare) me kompetenca hetimore mbi krimin e organizuar dhe korrupsionin që po bëheshin dukuri të frikshme. Djalli po vepronte hapur. Në sy të të gjithë të huajve. Çudia do vazhdonte më tej. E pabesueshme: Kjo farë FBI-je “made in Ramë”, do drejtohej nga Ministria e Brendshme, nga ministri i brendshëm Sajmir Tahiri, më i suksesshmi i të gjitha pushtetarëve që s’mbahen mend, Kjo, jo vetëm që ngjante më tepër si gestapo ligjore ku, më i suksesshmi i qeverisë sipas Ramës, Sajmir Tahiri, me dhjetëra e qindra oficerë policie në shërbim të tij dhe të korrupsionit e mbushën dhe e mbrojtën Shqipërinë me drogë. (Dhe çudia nuk përmendet më, emri i tij i bllokon fytin kryeministrit. Në sukseset e Ramës, S. Tahiri, që në atë kohë kishte marrë superxhiro, gjoja në ballë të luftës së qeverisë kundër krimit dhe korrupsionit, aktualisht po gjykohet nga gjykatësit dhe policisë së tij të dashur. FB-në shqiptare e zuri covidi 19, që ka një të keqe që nuk e njeh atë që sulmon.) Ligji u miratua nga kufomat e PS-së, nën duartrokitjet e “Rilindjes” – ala tao-la-ntësh e spiro-palësh- Por dhe ky “sukses” kaq flagrant, nuk u pranua nga Gjykata Kushtetuese. Dështimi i dytë me emra të mëdhenj si në Amerikë e bëri Ramën të hidhte sytë më lart…Pse jo, ai kishte arrën dhe gurin, dhe paranë dhe kartonët e Kuvendit dhe deputetët e ardhur nga ferrat, ata që kishin mbetur nga mbetjet e mbetjeve, por vlera e kartonëve ishte e njëjtë. Sipas tij “duhej bërë” Reforma në Drejtësi, që kish kohë që kërkohej edhe nga faktori ndërkombëtar. Dhe menjëherë do ngrihej një grup me emrin “ekspertë të nivelit të lartë” U emëruan në të elementë , që kishin qenë hetues, gjyqtarë apo prokurorë, që vinin nga regjimi komunist dhe nga Sigurimi i Shtetit. Këta “ekspertë” do të hartonin një projekt për të reformuar tërë sistemin shqiptar të drejtësisë. Nuk u mor vesh pse u quajtën ekspertë, por të gjithë u zgjodhën nga fidanishtja e plakur e PS-së. Kokërr më kokërr. Për çudi, ndoshta dhe nga mos njohja, kjo reformë mori mbështetjen morale edhe financiare me fonde të mëdha nga SHBA. Faktori ndërkombëtar kish kohë që kish kërkuar të merrte fund krimi, korrupsioni sidomos pa ndëshkueshmëria ndaj administratës së lartë shtetërore, në veçanti për peshqit e mëdhenj. Por peshqit e mëdhenj notojnë në ujra të thella dhe nuk bien në rjeta. Krijohej përshtypja se Edi Rama ishte aktori dhe autori që po realizonte reformën në drejtësi. Dhe medaljet i vareshin atij në qafë. Atij vetë i dukej se çdo hap ( lexo çdo kurth) drejt reformës ishte si një meritë personale. Për këtë flisnin veçanërisht televizorët e uzurpuar nga ai. Siç dihet , propaganda artificiale tek ne është ushqim i përditshëm sepse të gjitha valët televizive kryeministri ia ka dhënë bandave që lëvizin paranë e madhe. ( Ai reciton vazhdimisht nga TV e tij personale (ER-TV) Dhe iso i mbajnë gazetat e analistët servilë e pseudo intelektualë interesaxhinj duke krijuar një situatë kundërshtish thelbësore midis opozitës dhe pushtetit. Domosdoshmërinë për një reformë të vërtetë në drejtësi e shfrytëzoi edhe fondacioni Soros, duke hedhur gurë e duke fshehur dorën. Sorosi e kish gjetur drejtësinë shqiptare në krizë dhe kish kohë që kish rrëmbyer të gjithë mbeturinat e sistemit komunist, ish oficerë të sigurimit, intelektualë të ndryshëm të çdo sektori me prirje të majta dhe me ndërhyrje në organika të shumta kuadri, një për një, me premtime e me para, pro komunistë e enveristë, duke u ofruar punë e roga qyli kudo në shoqërinë tonë që, gjithsesi influenconte në një njëanshmëri aspak demokratike. Të gjitha mund të ndryshojnë Shqipërinë mono partiake tani, por çdo veprim në drejtësi do bëhej nën ndikimin e mikut të Sorosit, E. Ramës, për ta ruajtur atë dhe oligartët rreth tij, brenda dhe jashtë vendit. Dua të besoj se ndërhyrjet tinëzare të fondacionit Soros, nuk janë të njëjta me ato të SHBA. Po kështu duket se këto ndërhyrje nga jashtë janë të ndryshme nga dëshirat dhe ndërhyrjet e kryeministrit Rama për reformën në drejtësi. Opinioni shqiptar ka besim të patundur në mbështetjen amerikane e financiare pavarësisht se, aty këtu, ka mos përkime e qëndrime të ndryshme aspak në përputhje me mendimet parimore të opozitës, që u detyrua të braktiste Kuvendin më mirë, se sa të katandisej në bishtin e të ashtuquajturës Rilindje. Kujtojmë rastin e emërimit të kryeprokurores A. Marku në kundërshtim flagrant me kushtetutën dhe, jo vetëm që nuk lëvizi kundër krimit dhe korrupsionit, por u bë mburojë për mos dënimin e krimeve qeveritare. Askush nga miqtë ndërkombëtarë nuk nxorri zë; po kështu absurde tingëlloi së fundi dekorimi i A. Dovranit nga departamenti i shtetit – që ishte pushuar me motivacione bindëse nga organet e drejtësisë, mbeten të pa shpjegueshme as nga ambasada amerikane.(!) Në sy të opinionit vendas , por dhe të huaj, kur direkt e kur indirekt, po përkëdhelej Edi Rama që , siç thamë më lart, po siguronte kontrollin mbi sistemin e drejtësisë dhe arriti gati për tre vjet, ta zeroi e ta nxjerrë plotësisht jashtë sistemit krejt Gjykatën Kushtetuese dhe Gjykatën e Lartë, akt ky i pa precedentë në çdo shtet dhe në organet e drejtësisë. Ritmet e reformës në drejtësi po ecin me hapat e breshkës dhe sigurisht që nuk mund të jetë nën kontroll të plotë të Ramës; me ne po eksperimentohet një drejtësi e njollosur që nuk mund të luftojë krimin dhe korrupsionin me oligartë e drogaxhinj që kanë uzurpuar krejt rrethin e Kryeministrit. Por, nuk mban më ujë pilafi. Edi Rama, sidoqë të vërtitet nuk i shmanget dot përgjegjësisë së tij në çdo pseudo reformë që ka ndërmarrë në këto tetë vjet të drejtimit të tij. Vetingu , vërtet selektiv e tmerrësisht i zvarritur nuk godet kokat e korruptuara të politikës dhe të korrupsionit galopant. Reformat ala Ramë, mbulohen me mjegull, kot kërkohet transparencë , gjarpri nuk i tregon këmbët…por thuhet se shpresa vdes e fundit… Skenat nuk mund t’i mbulojë gjithmonë mjegulla… Dikush , brenda apo jashtë vendit, që dëshiron të bëjë dhe rolin e guvernatorit në Tiranë edhe mund të krekoset se diçka po lëviz, por me sa duket dilemat nuk do na ndahen; e pranuam nusen e virgjër në dasmë, ngritëm dhe dolli, edhe pse e dimë se, e mirë dhe e virgjër është nusja, por është pak shtatzënë. Reformat në Vendin tonë janë përmbytur nga oligarkët Rilindjes. Shqipëria po lëngon pa Gjykatë Kushtetuese e Gjykatë të Lartë funksionale. Kemi arritur në këtë pikë, kur kryeministri ynë, edhe po të dojë të dorëhiqet, nuk e lënë milionerët e kriminelët. Se vjen një kohë që mafja ha vetveten, e ata zinxhirrët “e meritave” të varura në qafën e Ramës po kthehen në gurë të rëndë.

***

Zgjedhjet mbaruan u manipuluan dhe u fituan nga Rama, por masakra zgjedhore nuk mund të fshihet. Sherri vërtitet në të gjitha instancat e (pa)drejtësisë dhe tani radhën e ka opozita idealiste që, keq t’i njohë e keq të mos i njohë zgjedhjet pa zgjidhje. Drejtësia dhe ligjshmëria e zgjedhjeve mbetet përgjegjëse e masakrës zgjedhore e demokracia jonë përsëri po zhytet në një tranzicion më problematik. Dielli nuk mbulohet me shoshë. I gjithë sistemi i drejtësisë është mbuluar me një propagandë të dendur mashtruese. Faktet janë kokëforta e flasin vetë. Shqipëria ka pesë vjet që në të gjitha nivelet sistemi i drejtësisë nuk funksionon. Unë po shpreh mendimin tim se faktori ndërkombëtar ose nuk e njeh gjendjen, ose bën sikur, a më keq akoma, i mban iso një kryeministri që ju duhet atyre dhe që rrënjët i ka te istikamet e Sorosit. Shembujt janë alarmante: Gjykata e Posaçme Apelit Kundër Krimit Korrupsionit dhe Krimit te Organizuar aktualisht ka 4 anëtarë nga 11, Gjykata e Posaçme e Shkallës se Parë Kundër Krimit, Korrupsionit dhe Krimit te Organizuar, aktualisht ka 6 anëtar nga 16, Gjykata Kushtetuese ka vetëm 6 anëtarë të zgjedhur nga 9 që duhet te kishte. Gjykata e Lartë sot ka 7 gjyqtarë nga 19 që duhet të kishte. Në këtë gjykatë çështjet e mbartura vijojnë të jenë mbi 30 000 mijë dhe që datojnë prej vitit 2016.. Gjykata e Apelit Administrativ sot ka 8 gjyqtarë, nga 13 që duhet të kishte sipas organikës. Sipas ligjit, shqyrtimi në Gjykatën Administrative duhet të përfundojë 30 ditë pas administrimit të ankimit.. Gjykata e Apelit Tiranë sot ka vetëm 9 gjyqtarë, nga 31 që duhet të kishte. Edhe në këtë Gjykatë shqyrtohen çështje me vite vonesë (2016) dhe ka shumë probleme me formimin e trupave gjyqësore. Ka 14 000 dosje që presin gjykimin. Gjykatat e Apeleve në Rrethe funksionojnë me numër gjyqtarësh më shumë se të përgjysmuar. Ka Gjykata që nuk formojnë as një trup gjyqësore me 3 anëtarë, ndërkohë që në Gjykatat e Rretheve përditë reduktohet numri i gjyqtarëve për shkak të procesit veting. Edhe në Gjykatat e rretheve ka vonesa masive, me vite, në shqyrtimin e çështjeve. E kur kryeministri duhet të vinte kujën për këtë gjendje, guxon e thotë …”Reforma në drejtësi në Shqipëri është e pashembullt…” Kjo gjendje të kujton atë djalin nga fshati gjysmë budalla që nuk e pranonin në fshat dhe ai kërkonte vajzën e priftit për nuse…

Asnjë analize objektive nuk ka për këtë situate kritike. Asnjë kritikë brenda sistemit. Parlamenti hesht i kënaqur. Ndërkohë, deformimi është shumë i rëndë vonesat janë skandaloze dhe askush nuk mban përgjegjësi. Këto mangësi strukturore dhe funksionale askush nuk mund t’i mohojë. As shqip. As anglisht…