Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova, si qenka shqiptarizuar ajo?

by

Nga Fahri Xharra/
“Në bazë të një raporti të Kombeve të Bashkuara, sot Kosova renditet në vendin e katërt në botë për sa i përket luftëtarëve që janë rreshtuar me grupin ekstremist të quajtur IS apo “Shteti Islamik”, në raport me popullsinë, me rreth 232 luftëtarë. 20 familje kosovare me gra e fëmijë në ISIS , ne Siri dhe Irak.
Janë këto vetëm disa raste nga dhjetëra të tjera, që i janë bashkuar ISIS-it. Faji për këtë situatë në shumtën e rasteve i hidhet Qeverisë dhe Bashkësisë Islame të Kosovës. Qeverisë për mosmarrjen e masave, për rritjen e varfërisë, dhe BIK-ut që lejoi imamë të ndryshëm që të predikojnë gjuhë të urrejtjes dhe që bënë thirrje për t’iu bashkuar luftës në Siri, thënë ndryshe “xhihadit”./Zeri/ Lajme , lajme ,lajme troditëse për një popull të lashtë europian !
A mos po përsëriten vitet e Rankoviqit ndaj shqiptarëve? vitet e dëbimeve të mëdha por një mënyrë tjetër . më të butë por për çudi me përkarahjen gjithëpopullore (“ xhemati i 98 % -ishit të kobit ( kombit) islamik kosovar “ )
A ishte Hasan Kaleshi i përzgjedhuri i qeverisë Jugosllave të kohës ,që me autoritetin e tij prej “ historiani shkencor “ të mbushë mendjen e një populli të tërë që jemi turq ?
Po sot kush po përsëritë të njejtat fjalë të Hasan Kaleshit ?: “Në fjalimin e tij propagandistik Irfan Salihu bën këto deklarata skandaloze :
– Osmanët u kanë dhënë shqiptarëve me hektarë tokë dhe i kanë sjellë të jetojnë në Kosovë.
– Osmanët i bënë shqiptarët sundimtarë të Ballkanit.
– Gjatë kohës së Rankoviqit shqiptarët “vetë kanë shku” në Turqi.
– Statistikat e vitit 1455 tregojnë se këtu, në Kosovë, vetëm 1 për qind e banorëve kanë qenë shqiptarë
.( Përpara ardhjes së Turqisë Kosova ka patur rreth 4-5 % shqiptarë (Hasan Kaleshi )
– Më 1389, kur erdhi osmanliu, ai këtu luftoi kundër hungarezëve dhe Car Llazarit. Osmanliu ia mori serbit Kosovën dhe ua la në dorë shqiptarëve.
Hasan Kaleshi pohon se “nga gjysma e shek. II (p.e.r.s.) deri në ardhjen e turqve, tokat e banuara me shqiptarë qenë pushtuar nga romakët, bizantinët, venedikasit, bullgarët dhe serbët. Deri në vendosjen e serbëve këtu kah fundi i shek. VI, gjuhë zyrtare në një pjesë ishte gjuha latine, ndërsa në pjesën tjetër gjuha greke. Nga kjo periudhë nuk posedojmë asnjë dëshmi rreth shtetbërjes, kulturës, shkrimit, organizimit kishtar dhe krijimtarisë së shqiptarëve”. Në kuadër të këtyre argumenteve, Kaleshi thotë se edhe vet Skenderbeu i cili njihet si heroi kombëtar i shqiptarëve, nuk ka shkruar asnjë fjalë në gjuhën shqipe, por të gjitha shkresat e tij shkruheshin në gjuhët greke, latine dhe sllave.
(Më 1951 Hasan Kaleshi, diplomoi në Degën e Orientalistikës në Universitetin e Beogradit, kurse më 1960 përfundoi disertacionin e doktoraturës me titull “Najstariji vakufski dokumenti iz Makedonije na arapskom jeziku” (Dokumentet më të vjetra të vakëfeve të Maqedonisë në gjuhën arabe) në Fakultetin Filozofik në Beograd. )) Deri sa kaleshat përgaditeshin të thonë atë që deri atëherë e thoshin vet serbë në viset shqiptare zhvillohej një fortunë e madhe dëbimesh :” Sipas viteve, në Turqi nga terrori shtetëror serb shqiptarët janë shpërngulë: Më 1952 u shpërngulen 37000 shqiptarë; më 1953 , 19300 shqiptarë; më 1954 , 17500 shqiptarë; më 1955 , 51000 shqiptarë; më 1956 , 54000 shqiptarë; më 1957
, 57710 shqiptarë; më 1958 , 41800 shqiptarë; më 1959 , 32000 shqiptarë; më 1960 , 27980 shqiptarë; më 1961 ,31600 shqiptarë; më 1962 , 15910 shqiptarë; më 1963 ,25720 shqiptarë; më 1964 , 21530 shqiptarë; më 1965 , 19821 shqiptarë. (Shpërngulja e shqiptarëve në Anadoll 1951-1966, Prof. Dr. Hakif Bajrami )
Kurse Kaleshi e vazhdonte :në një vend tjetër të këtij punimi shkencor, pohon se sipas këtyre informacioneve që dihen shumë mirë, nga shek. I (p.e.s.) e deri në shek. e VIII, Shqipëria ka qenë nën sundimin e të huajve. Në këtë vend shohim përleshjen e gjuhëve dhe kulturave të grekëve, romakëve dhe sllavëve, si dhe gjatë kësaj periudhe nuk ekziston madje as një gjurmë që e karakterizon kulturën, gjuhën dhe traditën shqiptare.”
Kur sot në kohën e të mbërrimeve të mëdha elektronike ,kur çdo informatë na është në shuplakë të dorës , mashtrohemi aq leht sa që nuk njofim as diell e as hënë dhe bijmë në kurthën e disa të çpifurve hoxhallarë shqiptar ( special të përgatitur nga shërbimet ruso-turko-serbe ) , aspak nuk më duket e çuditshme koha e hasankaleshave kur ishim 98% analfabet :” Kaleshi në këtë punim në disa vende potencon faktin se deri në ardhjen e turqëve në Ballkan, shqiptarët nuk shquheshin si popull me ndonjë qytetrim apo kulturë origjinale shqiptare, ngase nga ilirët nuk kemi të trashëguar asnjë dorëshkrim a mbishkrim, poezi apo rrëfenj në gjuhën shqipe. Ai pohon se vetëm pas pushtimit turk, saktësisht “në shek. XVIII, qytetet bregdetare Ulqini, Shkodra, Vlora e Durrësi shndërrohen në qendra të kulturës orientale. Në këto vise lind një letërsi shqipe e shkruar me alfabet arab , gjithashtu në shumë raste shqiptarët veprat e tyre i shkruanin në gjuhët orientale”. Pra siç shihet, shqiptarët në kohën e P. Osmane fillojnë të krijojnë kulturë masive në gjuhën shqipe, ku vet Kaleshi në shkrime të ndryshme paska identifikuar rreth njëqind poet shqiptarë që kanë krijuar letërsi shqipe me alfabet arab dhe letërsi në gjuhët turke, arabe dhe perse. “ E shifni ? brengosëse për atë kohë.
(Sipas Seksionit të Pasaportave nga Jugosllavia për t’u shpërngulë në Anadoll nga viti 1951 e deri më 1966 janë shpërngulë 414500 shqiptarë, turq dhe boshnjakë. Sipas të njëjtit burim (MPJ, në Turqi deri më 1967 mbi një gjysmë milioni “jugosllavë” janë shpërngulë nga Jugosllavia. Lidhur me këtë duhet të shikohet gazeta “Nova Makedonia” 1950-1957, ku janë evidentuar të shpërngulurit që merrnin “shtetësinë maqedonasit” dhe detyroheshin nga Shtabi i Rankoviqit dhe K. Cervenkovskit të emigrojnë me detyrim. Lidhur me këtë, dokumentet vërtetojnë se në trojet e atyre që ishin shpërngulë, titistët i kolonizuan 65000 sllavë. Në bazë të statistikave që janë mbajtur saktësisht janë kolonizuar në pronat shqiptare si “zotërinj” të rinj 53220 kolonë sllave. (AJ. Fondi : KE 1954-1974). Prof. Dr. Hakif Bajrami )
“Në kohën që po finalizohej pushtimi turk i Ballkanit, populli shqiptar ndodhej para sprovës më të rëndë historike, pra rrezikonte të asimilohej i tëri.” shkruan Kaleshi. /Ora.mk”
(Se nuk është vetëm varfëria që po i nxit rininë të shkojnë në ISIS, e dëshmon edhe historia rrëqethëse e Faik Uksmajlit, nga fshati Neredime e Epërme (Ferizaj), dy djemtë e të cilit në vitin 2014 i janë bashkuar ISIS-it, njëri prej të cilëve ka marrë me vete edhe gruan me dy fëmijë, 1 dhe 3 vjeç.
Shteti që e injoroi skajshmërisht e nuk i ndihmoi edhe atëherë kur ai i paralajmëroi që djemtë e tij janë radikalizuar, Uksmajli shet pasurinë i bën rreth 20 mijë euro dhe niset vetë drejt Sirisë për t’i gjetur djemtë dhe për t’i kthyer në Kosovë. (Zëri.inf) )
“ Hasan Kaleshi :Shqiptarët do zhdukeshin po mos vinin osmanlijtë Në punimin e tij shkencor me temë “Ardhja e turqve në Ballkan dhe përhapja e Islamit, shkaqe themelore të vazhdimësisë etnike të shqiptarëve”, profesor Hasan Kaleshi ka thënë se pushtimi i Ballkanit nga osmanlijtë ka ndalur zgjerimin e popuvje sllav dhe atij grek. “ haj medet për ne dhe për shpetimtarët e kombit ! “Në anën tjetar osmallaku eka mbrojtur popullin shqiptar nga zhdukja dhe humbja e traditave të veta.”
Vërejtej publike : “Filozofia e historisë për t’u marrë me diplomaci në kohë paqe dhe lufte kërkon rreshtim rigoroz për të pas sukses ushtruesi i diplomacisë të punojë-nuhatë: çfarë është e nevojshme, çka është e domosdoshme dhe çka është e pashmangshme. Konceptet e dëmshme dhe e dobishme janë më tepër kategori ekonomike dhe shoqërore (sociale) që e ndihmojnë politikën dhe diplomacinë në kohë paqe dhe lufte. “Arsimimi, përvoja dhe forca janë kërkesa evolutive, që duhet të lidhen me konceptet e nevojshme e domosdoshme dhe e pashmangshme.(” Fenomeni i kthesave historike në Kosovën e robëruar 1945-1999” Hakif Bajrami ) E pashmangshme është vetëm lindja, jeta dhe vdekja. Prandaj, ngjarjet dhe datat historike, nga aspekti i filozofisë së historisë në shikim duken të pashmangshme dhe pa këtë jeta ka kuptim kur jetohet shkolla, përvoja dhe forca kur arrihet, në dobi të njeriut dhe për njeriun, për mirëqenien e tij jetësore.
Ne fund rastësi apo diçka tjetër çdo të thot kallesh (kalleş =colloq. treacherous, backstabbing. Tregon se do të thotë “tradhtar” dhe që “ta ngul thikën pas shpine”, pra “treacherous” dhe “backstabbing” Njeri i pabesë domethënë (http://www.turkishdictionary.net/?word=kalle%FE)
Korrik 2015,
Gjakovë

AKADEMIA E SHKENCAVE INJORON FIGURAT KOMBETARE

by

Me rastin e 90 vjetorit të lindjes – PROF. SAMI REPISHTI OSE NDËRGJEGJA E KOMBIT/
Nga ELIDA BUÇPAPAJ/
Viti i nëntëdhjetë vjetorit të lindjes, do të duhej të shpallej nga Akademia e Shkencave e Republikës së Shqipërisë „Viti i Prof.Dr.Sami Repishtit“. Kështu ndodh në vendet e civilizuara. Por Akademia e Shkencave e Republikës të Shqipërisë vijon të mbetet një atavizëm i Akademisë të kohës së diktaturës. Luftën kundër Korifejve të Kombit, ky institucion e ka zëvendësuar me luftën përmes injorimit të Figurave, një akt ky makabër dhe po aq kriminal sa burgosjet dhe vrasjet e intelektuelëve.
Ky vit do të duhej të shpallej nga qeveria e Shqipërisë dhe nga institucionet e saj „Viti i Prof.Dr. Sami Repishtit“, nëse kjo qeveri do të iluminohej sikur pretendon nga idealet e Rilindjes tonë Kombëtare, sepse Prof.Dr. Sami Repishti, sikur thotë me të drejtë Peter R.Prifti, „është pasardhësi i denjë i Rilindasve tanë, sepse ka zbatuar me besnikeri idealet e tyre te larta“.
Nëse “Dekorata e Flamurit Kombëtar”, u jepet personaliteteve shqiptare dhe të huaja për merita të jashtëzakonshme për lartësimin e shtetit dhe të kombit shqiptar, atëherë kjo Dekoratë nga Presidenti i Republikës së Shqipërisë i duhet dhënë Prof.Dr.Sami Repishtit.
Presidenti i Republikës ka nderuar me këtë medalje në vitin 2015 Emirin e Katarit dhe Presidentin e Turqisë por as që e ka vënë ujin në zjarr për Kolosin e Iluminizmit të Mendimit Shqiptar në krizën më thellë identitare që po përjetojmë si komb këtë treçerek shekulli.
Prej aliazhit diktaturë, pushtim, tranzicion e abuzim pushteti, ne si komb rrezikojmë kalbjen – për të cilën disa ditë më parë foli edhe Papa Françesku, dhe vetëm Mendimtarë të formatit Iluminist si Prof.Dr. Sami Repishti mund ta na shpëtojnë nga degradimi, shuarja apo zhbërja. Sepse të heqësh dorë prej vlerave identitare dhe parimeve të Humanizmit Perëndimor, do të thotë të pushosh së ekzistuari.
Prof.Dr. Sami Repishti lindi më 5 korrik 1925. Me jetën dhe veprën e tij, Ai u bë Shëmbëlltyra e Luftëtarit që nuk bën asnjë kompromis me të keqen. Edhe sot kur posa i ka mbushur 90 vjeç, Ai i paepur lufton me dije e dituri, me gjithë forcat e mendjes, shpirtit dhe arsyes njerëzore duke i bërë apel mendjeve të shëndosha të ndriçohen prej dritës që vjen prej idealeve të lirisë e vlerave të demokracisë.
Kredoja e lirisë e bëri Prof.Dr.Sami Repishtin që t’i mbijetojë apokalipsit të burgjeve dhe torturave të diktaturës. Kredoja e lirisë e bëri Prof.Dr.Sami Repishtin që t‘i shpëtonte vdekjes prej plumbave të rojeve kufitare të shtetit komunist, ndërsa do t’i shihte për herë të fundit sytë e nënës, sy që do ta ndjekin kudo në rrugëtimin që ngjan i pamundshëm e Ai nuk ndalet si Misionar për të treguar të vërtetën dhe për t’i orientuar shqiptarët, të cilët enden e enden sikur të jenë në mesin e oqeanit e të pabusull nga çoroditja politike.
Prof.Dr. Sami Repishti nuk bëri kompromis me diktaturën. Ishte viti 1946 dhe ai vetëm 21 vjeç kur regjimi komunist e dënoi me 15 vite burg duke e shpallur si armik. Sa krenari të jesh armik i diktaturës! Ai i pa dhe i provoi krimet e diktaturës. Ishte vetë viktimë e saj. Prej atëhere atij iu hapën plagë të shpirtit që edhe sot e kësaj dite nuk janë mbyllur, sepse viktimat lypin drejtësinë e munguar. Në burg, diktatura ia vrau shokët, Qemal Draçinin, që u vetëhelmua me DDT për t’i shpëtuar torturave çnjerëzore. Në burg i vranë burrat më të mirë të kombit, duke e kthyer Shqipërinë një një Gulag të gjithin. Në burg ai i premtoi At Çiprian Nikajt se do t’i tregonte të gjitha çka i kishin parë sytë e ballit dhe të shpirtit. Sami Repishti nuk do të rrojë veç për me tregue, por do të rrojë për me e luftue diktaturën! Përmes Mendjes së Tij të Ndritur.
Në Shqipëri, pas 75 vjet diktaturë e tranzicion, ne kemi Akademi Shkencash, pa Akademikë. Në Shqipëri ne kemi Universitete, pa Luminarë. Sepse po të ishin, asnjëri nuk do ta lindte vendin në obskurantizmin e Mesjetës që vjen prej shpërdorimit të pushtetit politik, që po e lë popullin në terrin e injorancës dhe varfërisë.Bash si diktatura.
Nga burgu i diktaturës Prof.Dr.Sami Repishti doli në vitin 1956, kur ishte 31 vjeçar. Diktatura ia përpiu dhjetë vite të jetës dhe kur doli prej hekurave të burgut e priti me barbarinë e mjeteve të saj perfide të depersonalizmit, duke e dërguar të punonte si punëtor krahu. Kësisoj, si viktimë, Ai nuk do të mund ta çonte në vend amanetin e Qemalit dhe të At Çiprian Nikajt me shokë, e prandaj merr vendimin verdikt të jetës së tij, të largohet nga Nana, vëllau e familja, akti më sublim i këtij njeriu të madh, e të kalojë kufirin e t’i mbijetonte një kalvari tjetër, atë të refugjatit në kampet e ish-Jugosllavisë, ku nuk e priste asgjë e mirë. Atëherë vendos të arratiset e kalon në Itali, ku fiton të drejtën e azilantit politik, e prej andej në vitin 1962 mbërrin në SHBA.
Posa ndjen se ka fituar lirinë e di se vetëm duke iu kushtuar dijeve, do të mund të bëhet përçues i Idealeve të Lirisë për popullin e tij të prangosun. Në Shkodër kishte kryer Liceun e At Gjergj Fishtës, në Universitetin e Firences kishte studjuar për Histori Moderne. Ai e di se popullit të tij të vramë e të vujtun i dilte në krah veç si Njeri i Elitës. Andaj i palodhun Prof.Dr.Repishti iu përvesh punës dhe studimeve, për të sfiduar kohën e vrarë prej diktaturës, dhe triumfoi si Njeri i Letrave, i Kulturës, i Shkencës, si Mbrojtës i të Drejtave të Njeriut, si Humanist, si Zë i besuar dhe i fuqishëm pranë Kongresit Amerikan, Departamentit të Shtetit, Shtëpisë të Bardhë si Njëri prej Përfaqësuesave më Elitar në historinë e diasporës shqiptaro-amerikane që qendron me dinjitet në krahun e djathtë të Faik Konicës.
Prof.Dr.Sami Repishti me kontributin e tij si shkrimtar, shkencëtar, dijetar dhe humanist i ka shoqëruar që të gjitha ndryshimet thelbësore që kanë ndodhur kur kapërthyet shekulli me milenarin, sa i përket çështjes shqiptare, kombit shqiptar dhe integrimeve shqiptare në institucionet Euro-Atlantike.
Librat e tij me dëshmi nga burgu « Pika Loti » dhe « Nën hijen e Rozafës » janë Literaturë e pastër Nobelistike, sepse tregojnë tragjedinë njerëzore shkaktuar nga diktatura në mënyrën më autentike të mundëshme, kur shkrimtarët e Shqipërisë vazhdojnë të heshtin, duke fshirë kështu nga memoria kombëtare faqen më tragjike të jetës të kombit. Kush i lexon këto libra, i qan shpirti me kuja. Kush i lexon këto libra bëhet njeri.
Ky zhanër i letërsisë duhet të hyjë urgjentisht në shkollat shqiptare, nëse duam të mbijetojmë si komb. Sepse vetëm duke u njohur e vërteta, do të arrihet dekomunistizimi dhe do të marrë fund trushplarja e popullit.
Për të ndriçuar mendjen e popullit, duke dhënë shembullin në vetën e pare, Profesor Dr.Sami Repishti, rrnon duke i shpallur luftë konformizmit pseudointelektual. Esseistika politologjike e sociologjike e Profesor Dr.Sami Repishtit është brilante, të hap sytë e mendjes, të çliron nga hallkat e presionit të censures dhe autocensurës dhe është liberatore e të shpëton prej kakofonisë të korit të bretkosave të Tiranës, që të zhytura në baltën e lluksit personal, bëjnë kompromis me vetë qoftëlargun.
Prof.Dr. Sami Repishti është Ndërgjegja e kombit shqiptar, është Ndërgjegjia Kombëtare që mban qendrim kritik ndaj të gjitha vonesave të pajustifikuara këtë tranzicion shkaktuar nga abuzimi me pushtetin duke na treguar se shteti demokratik, ndërtohet vetëm mbi themele të mbrojtura nga vlerat dhe parimet universale të demokracisë e mbrojtjes të të drejtave të njeriut, nga shqiptarët më të mirë që janë dashuruar dhe ia kanë kushtuar jetën Lirisë! Ashtu si Prof.Dr.Sami Repishti!

Dom Gjergj META: Në Xhenet apo në Parajsë, dua të jem me mikun mysliman

by

Sot telefonatën e pare ia bëra Durit. Kështu e thërras shokun tim të ngushte me të cilin kam kaluar adoleshencën time e prej asaj kohe jemi ende shoke! Ai feston sot bashkë me familjen e tij Bajramin, madje edhe djalit të parë ia ka vu emrin Bajram, thotë prifti katolik, Dom Gjergj Meta.
“Kur mendoj shpesh për ekstremizmin fetar me shkon mendja menjëherë te Durimi dhe them me vete: Sido të jetë puna edhe në qofshin të gjithë përreth meje ekstremistë, myslimanë apo katolikë qofshin ata, që presin koka a vrasin me kallashnikov, Durimi (e bashkë me të edhe Romiri, Luani, Genti etj.) do të vdisnin bashke me mu dhe ne nuk do ta linim njëri-tjetrin vetëm. Në Xhenet apo në Parajsë, ta quajmë si të duam, do të donim te shkonim bashkë sepse edhe jetën e jetuam bashkë…! Të kesh guxim të jetosh jetën me të tjerët, është mënyra më e mirë për t’i thënë jo edhe te keqes, ekstremizmit, përjashtimit, inatit dhe urrejtjes”, thuhet në urimin e tij.

Ministri grek, Nikos Koxhas ofendoi rëndë shqiptarët

by

Opinion Nga Arben LLALLA/
Disa ditë para se ministri i jashtëm i Greqisë Nikos Kotzias do vizitonte Tiranën pata shkruar se Koxhas është nazistë dhe ka lidhje të ngushta me partinë ruse Fronti Nacionalistë Bollshevik. Gjatë intervistë dhënë një tv Nikos Koxhas ofendojë rëndë shqiptarët duke i quajtur jo normal. Këtë etiketim ai e bëri për popullsinë shqiptare të përzënë me dhunë nga Çamëria. Por deklarata e Nikos Koxhas për ndarjen e shqiptarëve në normal dhe jo normal nuk janë të rastësishme, ato burojnë nga ndjenjat e tij fashiste që janë të njohura tashmë. Nikos Koxhas është mik i ngushtë me nazistin Aleksandër Duginin një racistë i dëshmuar.
Koxhas ka lidhje të ngushta me partinë Fronti Nacionalistë Bollshevik në Rusi dhe me Putinin. Gjatë pak muajve që Nikos Koxhas drejton ministrinë e jashtme të Greqisë ka bërë disa takime me vendet të cilat njihen si pro ruse dhe antiamerikane-evropiane. Failos Kranidhitotis ka thënë: “Nikos Koxhas është ende fëmi, kjo nuk është rastësi aksidentale. Ai ka në zemër dhe mendje qartë nacionalizmin“.
Në Prill të 2013, Nikos Koxhas e ftoj në Greqi për të mbajtur një ligjërat në Universitetin në Pireut, Aleksandër Dugin, ideatori i partisë Fronti Nacionalistë Bolshevike. Koxhas e shoqëroj disa ditë në Greqi Aleksandër Duginin dhe i siguroj atij një takim me drejtuesit e lartë të nazistëve të Agimit të Artë. Aleksandër Dugin është këshilltar i Putinit dhe i ka sugjeruar që Rusia sa më shpejtë të pushtoj Gjeorgjinë e Ukrainën duke i rithemeluar Perandorinë Ruse. Një tjetër këshillë ekstremiste që Dugin i tha Putinit ishte heqja e shtetësinë ruse për të gjithë liderët opozitar dhe disidentëve.
Sulmi ndaj partisë PDIU nga ana e Nikos Koxhas dhe të shqiptarëve nga Çamëria nuk është i rastësishëm, ai përgatit terrenin në Shqipëri për përçarjen e shqiptarëve. Por Nikos Koxhas bënë mirë të shikohet në pasqyrë dhe ti bëj pyetje vetes se si mbërriti Greqia në falimentim me borxhe gjigante. Koxhas duhet të kujtoj deklaratën e ministrit së Kulturës së Italisë në vitin 1998, se çfarë ka thënë për Greqinë kur Athina fitoj të drejtën për organizimin e Lojërave Olimbike. Unë po e pyes ministrin grek se Greqia se si i ndan ai grekët në hajdut, dhunues, mashtrues, vrasës, etj? Sepse në këtë tragjedi që ka arritur populli grek tregon se diçka nuk ecën mirë brenda vetë grekëve. Ministria e Jashtme e Shqipërisë bënë mirë të reagoj zyrtarisht për ndarjen e shqiptarëve në normal dhe jo normal nga ministri grek Nikos Kotzas i cili na ofendoj brenda sofrës tonë.
Ministri i Jashtëm grek, Nikos Kotzias nuk vjen në Tiranë për të qetësuar situatën e ftohjes të marrëdhënieve midis dy vendeve, por vjen për të grabitur pasurinë e shqiptarëve me gjuhën e diplomacisë. Greqia si vend i BE asnjëherë nuk e ka shfrytëzuar postin e saj në këtë organizatë për të mirën e paqes dhe fqinjësisë së mirë me fqinjët, por për të diktuar politikat e saja grabitqare në çdo aspekt. Një vend i vogël dhe i varfër siç është Greqia nuk mund të mbajë mbi supet e saja barrën e rëndë të liderit Ballkanik, ky rol i vetmarrë nga Greqia pas viteve 1990 solli shkatërrimin e saj ekonomik dhe politik. Roli i liderit në Ballkan i Greqisë tashmë është shteruar sepse me gënjeshtra dhe mashtrime nuk mund të luhet roli i madh i liderit.

Presidenti Nishani uron besimtarët myslimanë për Fiter Bajramin

by

Presidenti Bujar Nishani, në kuadër të festës së Fiter Bajramit, ka uruar të gjithë besimtarët myslimanë.
“Është një kënaqësi e madhe dhe privilegj për mua, që në cilësinë e Kryetarit të Shtetit t’ju uroj nga zemra: Gëzuar Festën e Fiter Bajramit. Fiter Bajrami apo siç e kemi zakon ne shqiptarët ta quajmë, Bajrami i Madh, troket në dyert dhe vatrat tona familjare menjëherë pas Muajit të madhërishëm të Ramazanit, periudhës së shenjtë gjatë së cilës myslimanët e devotshëm anembanë botës kanë agjëruar duke sakrifikuar dhe duke u përpjekur të ripërtërijnë vlerat më të mira shpirtërore dhe njerëzore’, thuhet në mesazhin e urimit të Presidentit Nishani.
Sipas Nishanit, kemi detyrimin fetar dhe shpirtëror që t’u qëndrojmë pranë e të ndihim më të pafatët, më të vobektët, më të pafuqishmit e më të vetmuarit në mënyrë që të gjithë ne, duke bashkuar lutjet, besimin e palëkundur tek i Plotfuqishmi dhe tek vlerat më të mira njerëzore, të përpiqemi kush më shumë e kush më pak, për ta bërë botën në të cilën jetojmë, më të mirë e më të paqtë, më të begatë e më të bukur, edhe për fëmijët tanë si dhe brezat e ardhshëm.
“Kështu që pas muajit të agjërimit e të sakrificës suaj, të paqtimit e dashurisë pa interes për njëri- tjetrin si dhe duke pasur parasysh njërin prej virtyteve më të vyera të popullit shqiptar: bashkëjetesën dhe harmoninë fetare, dëshiroj me gjithë zemër duke ju uruar edhe njëherë ju, besimtarëve myslimanë si dhe të gjithë shqiptarëve, sa më shumë urtësi, harmoni, shëndet, mbarësi dhe mirësi’, uron Kreu i Shtetit