Politike – Page 155 – Dielli

VATRA BOSTON RIORGANIZOHET

March 27, 2023 by s p

Sokol Paja/

Federata Pan-Shqiptare e Amerikës VATRA filloi zyrtarisht riorganizimin e degës nr.1 të Vatrës në Boston. Dy vëllezër patriotë nga Kosova Albert dhe Mentor Maksutaj morën autorizimin zyrtar nga VATRA për të riorganizuar Degën në shtëpinë ku u themelua VATRA në Boston. At Theofan Koja, rektor i Katedrales Ortodokse Shqiptare, Shën Gjergj deklaroi se do të ndihmojë maksimalisht riorganizimin e degës së Bostonit e cila përveç vlerave historike që mbart është edhe vendi ku u ngjiz ideja kombëtare e bashkimit të shoqërive shqiptare nën umbrellën e Federatës Pan-Shqiptare të Amerikës VATRA.

Guri i budallait dhe mendja e zgjuar

March 25, 2023 by s p

Alfons Grishaj/

Te parët tanë na kanë treguar se si budallai hodhi një gurë në lumë dhe 100 të zgjuar nuk e nxorën dot. Kjo nënkupon se sa kohë e humbur është kur i mençuri merret me budallain dhe sa ngjashmëri ka në momentin kur pasioni errëson logjiken.

Në spitalin e të sëmurëve mendor të Shkodrës, një i sëmurë mendor rrinte me orë të tëra me sy tek një vrimë Dr . Sandër Ashta , bëhet kurjoz dhe mendon, dreq o punë çfarë sheh ai tek ajo birë ?! I afrohet të sëmurit, duke e pyetur, – a munem me e pa edhe unë atë biren që rri ti me orë tana ?! – Po more doktor , shihe ! Dr. Sandri, pasi e shikoi vrimën dhe nuk pa as insekt apo gjë tjetër i kthehet të sëmurit, – Po çka dreqin sheh në këtë birë !? I sëmuri i përgjigjet, – Ej ej doktor ! Unë kam nji vit qi po munohem me e gjetë e nuk po munem e ti po don me e gjetë për nji minut!…Dr. Sandri e shikoi me vëmendje , duke iu drejtuar me humor Shkodran, – nesër kam me të ba dalje nga spitali , – po përse ?, i përgjigjet i sëmuri .- du me të zëvendësu unë , ia ktheu, doktori…

Ashtu dhe siç kam shkrojtur në disa shkrime për paranojën, që mbetet furra e shkrirjes së çdo konceptimi normal, duke rënduar kolapsin e arsyes së humbur për çdo second , minut , orë e ditë. Në këtë udhëtim paranoja merr me vete dhe të tjerë që nuk e kuptojnë ose nuk e kanë nivelin e duhur intelektual… por dhe intelektualë që hiqen sikur e kanë të plotë panoramen e grigjes dhe psikologjisë njerëzore.

Mosbalancimi i shkallës së perceptimt të kuriozitetit sjell gjykim të varfër dhe tek më i zgjuari, duke e bërë palë me nonsensin.

Disa ditë më parë një paranojak paraqitet tek Teqeja Bektashjane si udhëheqësi i Organizates Vatra, duke kompromentuar dhe disa persona që i kishte rreth vetes, për të kamufluar qëllimin e tij të sëmurë. Sigurisht këta të fundit nuk e dinin çfarë kish psonisur paranoja që i udhëhiqte drejt turpit. I sëmuri mendor , në krye të viktimave hyn tek Teqeja dhe zë tavolinen e Vatres në emër të saj. Ai nuk mjaftohet me kaq, por sëbashku më të tjerët largohet duke i bërë bisht pagesës së biletave të darkës.

Babai i Teqesë, kërkoi shpjegim se kush ishin personat që kishin zënë tavolinë në emrin tonë, kur ne vetë qemë present në këtë takim. Anëtari i Kryesisë i tregoi se personat në fjalë nuk kanë lidhje aspak me Vatrën. Mjaftoi shpjegimi logjik i përfaqësuesit të Vatrës që paranojaku të bëhej nongrata në këtë institucion sikurse është nongrata prej muajsh në Vatër.

Saga vazhdon: cudibërësi i Teqesë paraqitet si përfaqësues i Vatrës tek një Television i djathtë në Shqipëri, dhe opa! Gazetari kurioz për lajme melodramatike e sensacionale e teori konspirative jo vetëm që i beson, por bie keq në gracken paranoide, duke bërë dhe grimasa me prononcim “kërcënues”, “ dmth, Vatra nuk e do Syrin !”, paditur se Vatra kish dhënë disa intervista tek ky Televizion si tregues vlerash nacionale.

Fatkeqësisht, sipas një informacioni te brendëshëm, gazetari para se të bënte këtë intervistë “ famoze interkontinetale” kish rënë prehë e Flër De Mari, mjeranja e përvuajtëshmerisë rrejshme që besimin e ka sanall në pellgun e kënetës së pistë.

Të zgjuarit nuk merren me bira muri e gardhi, nuk merren me fjalë boshe e shifra të stisura që nuk kanë as bazë logjike e shkencore. Nuk merren me aventurierë, të cilët mendojnë se revolucioni fillon me xhinkalla dhe udhëhiqet me dangalla. Nuk bëhen palë me parazitizmin dhe inkompetencën. Nuk trumpetojnë leckën mendim ndryshe dhe arnën, “arritje kualitative!”

Të zgjuarit, nuk e mbjellin të keqen si karafil në bahçet dhe institucionet e tyre, as në qytet, por përpiqen t’a sikterisin sa më larg kufinjve të shtetit të vet.

Bota është mbushur me provokatorë, budallenj e shpirtëhumbur. Shpirtëhumburi e ngre budallain, “lider, profesor!”. Ndërsa “profesori” e ngre shpirtëhumburin në panteon…Sarkazëm apo mjegull mëngjezi mbi pullazet tradicionale ? Mendoj se, sa më fallso të jetë ana deklamative e poemës së dashurisë hipokrite aq më zero bëhet ana narrative !

Bill Walsh, says : Someone will declare , “I am The leader!” and expect everyone to get in line and follow him or her to the gates of heaven or hell . My experience is that it doesn’t happen that way. Others follow you based on quality of your actions rather than magnitude of your declaration.”

Ligaçi, gjithnjë ka dëshirë që lëkurën e vet të konsumuar t’ia veshë dikuj tjetër, duke harruar se lëkura e gjarpërit mbetet gjithnjë gurëve e ferrave dhe shpesh në fund të bishtit si zile.…

Nuk është i zgjur ai person që hyn në punët e të tjerëve (pa asnjë të drejtë dhe kontribut), duke bërë rolin e ideologut, dekalogut dhe kritikut, bash në një shoqëri serioze që sakrifikon dhe punon për qëllime të larta, deri në sublimitet.

Në torfën e njerëzve të devotshëm mbin çdo fidan që zhvillohet shëndetshëm papasur nevojë për hijen fallso të Eminencave Gri.

Kënga dhe lira e artë e Orfeut bëri sirenat të pushojnë, por kur kënga dhe melodia njerëzore është e pafuqishme ndaj zhurmës “sirenave”, është më mirë që humanizmi të fanitet si aurora borealis, valltarja e ngjyrave që lind nga era e rreptë diellore, por që toka i kthen në mrekulli qiellore .

Mendoj se, njerëzit kanë format personale perceptive në lirinë e universit tyre që i ndihmon në arritje ose i shkërmoq në dështime. Sa më reale dhe krijuese të jenë format perceptive aq më efektive dhe pozitive janë arritjet.

Franklin Dilano Roosvelt, thoshte: “Njerëzit nuk janë të burgosurit e fatit, por të burgosurit e mendjes tyre ”.

Presidentja Vjosa Osmani: NATO-ja parandaloi shfarosjen e popullit të Kosovës

March 24, 2023 by s p

Presidentja e Republikës së Kosovës, Vjosa Osmani bashkë me ambasadorë të shteteve të QUINT-it, kanë bërë homazhe te Memoriali u ushtarëve të rënë të NATO-s për lirinë e Kosovës, në 24 vjetorin e fillimit të intervenimit të NATO-s, me të cilin iu dha fundi gjenocidit të regjimit gjenocidal të Serbisë ndaj qytetarëve të Kosovës.Presidentja Osmani theksoi se vullneti i popullit të Kosovës për liri mori mbështetjen e duhur nga ana e botës së perëndimore, botës së lirë, e cila u vu në anën ë duhur të historisë, në anën e së drejtës.“Miku i madh i Kosovës, presidenti i Shteteve të Bashkuara të Amerikës, Bill Clinton në ditën e dhënies së urdhrit për fillimin e bombardimeve në një fjalim historik të tij, deklaroi se: ‘forca jonë ushtarake iu bashkuan aleatëve tanë të NATO-s në sulmet ajrore kundër forcave serbe, përgjegjëse për brutalitetin kundër Kosovës’”, theksoi Presidentja Osmani.Më tej, Presidentja Osmani theksoi se NATO-ja ia pamundësoi regjimit kriminal spastrimin etnik të popullit të Kosovës.“Prandaj u jemi përherë mirënjohës. 24 Marsi është dita e kthesës, shpresës dhe lirisë. Do ta përsërisim çdo herë se populli i Kosovës ishte viktimë më 1999, ndërkaq Serbia ishte agresore. Kështu do të jetë gjithnjë në analet e historisë”, është shprehur Presidentja Osmani.Sipas Presidentes Osmani, liria është një guri themeltar i dinjitetit njerëzor.“Megjithatë, këto vlera nuk janë gjithmonë të lehta për t’u ruajtur. Po jetojmë në një kohë kërcënimesh për të gjithë ne. Prandaj, sërish botës së lirë i duhet unitet kundrejt tiranëve, autoktratëve e diktatorëve. Ne duhet ta dëshmojmë se paqja dhe liria nuk janë ideale të dëshiruara, por realitete të jetuara. Ne e çmojmë kontributin e miqve tanë, ndaj duke ruajtur aleancën me partnerët tanë do ta ruajmë lirinë dhe të ardhmen tonë”, ka theksuar Presidentja Osmani.Presidentja Osmani ka falënderuar gra e burra të shteteve anëtarë të NATO-s, për kontributin e tyre më 1999 për lirinë e Kosovës dhe ka potencuar se secili nga ta gëzon mirënjohjen e thellë e të vazhdueshme të popullit të Kosovës.

VATRA I PËRGJIGJET ADI KRASTËS

March 22, 2023 by s p

I nderuar z. Krasta,

Në cilësinë e kryetarit të Federatës Panshqiptare të Amerikës “Vatra”, po ju drejtohem me këtë letër si përgjigjie dhe reagim ndaj disa pretendimeve të pabaza që u thanë në TV “Syri” në emisionin tuaj “A show” Krasta të datës 21.03.2023.Z. Krasta, Që nga zgjedhja ime në krye të Vatrës mund të konstatoj me mburrje se ka filluar një dinamikë e re e menaxhimit, zhvillimit dhe rritës së organizatës më të vjetër dhe më prestigjioze të komunitetit shqiptar që jeton dhe vepron në Shtetet e Bashkuara të Amerikës. Në trendet e kohës moderne, në rrethana të tjera politike, socio-ekonomike dhe dinamikës së globalizmit, ne vazhdojmë me mburrje rrugën e themeluesve të kësaj organizate Nolit dhe Konicës duke punuar në interes të komunitetit tonë në SHBA dhe duke mbështetur fuqishëm Shqipërinë, Kosovën dhe të gjitha trojet etnike ku jetojnë shqiptarët. Ne veprojmë në suaza të legjislacionit të SHBA-ve dhe Kanunores së Vatrës, duke i respektuar në përpikmëri. Kam kënaqësinë të ju informoj se që nga ardhja ime në krye të Vatrës ka një interesim dhe dinamikë të jashtëzakonshme të komunitetit tonë në SHBA për angazhime dhe aktivitete në interes të komunitetit tonë por edhe në interesin nacional të shqiptarëve kudo që janë. Janë themeluar tetë degë të reja, këto ditë do të themelohen edhe të tjera, janë kyqur mjaft të rinjë e të reja me pregaditje arsimore dhe ekspertizë të jashtëzakonshme, e në veçanti më gëzon fakti i angazhimit të madh të femrave shqiptare gjithandej SHBA-ve, shumë nga ato me grada akademike dhe me influencë të madhe në qarqet akademike, diplomatike dhe në opinionin publik në SHBA. Pretendimet e njerëzve pa peshë se “gjoja kemi informacione se Vatra do të nënshkruaj marrëveshje politike dhe për interesa ekonomike me Edvin Ramën” është një shpifje, e pavërtetë dhe tendencioze. Federata Panshqiptare “Vatra” ka nënshkruar një Memorandum Bashkëpunimi me Kryetarin e Kuvendit të Republikës së Kosovës, me pëlqimin e të gjitha grupeve politike në Kuvendin e shtetit të Kosovës, si institucion që reflekton vullnetin politik të popullit të Kosovës. Asnjë “lloj marrëveshje” nuk është bërë me asnjë institucion në Shqipëri. Ne do të vazhdojmë të punojmë me institucionet legjitime në Shqipëri, Kosovë, me të zgjedhurit shqiptarë në institucionet e Republikës së Maqedonisë Veriore, Malit të Zi dhe Luginës së Preshevës. Ne nuk ndërhyjmë dhe nuk anojmë politikisht në proceset elektorale kudo dhe kurdo që organizohen ato në trojet etnike. Ne jemi organizatë me koncept nacional dhe atdhetar dhe do jemi gjithmonë pranë institucioneve të Shqipërisë, Kosovës dhe trojeve etnike shqiptare gjithmonë në mbrojtje, avansim dhe prosperitet të gjithmbarshëm të kombit tonë. Angazhimet tona në institucionet e shtetit amerikan duke filluar nga Shtëpia e Bardhë, Departamenti i Shtetit, Senati dhe Kongresi i SHBA-ve janë të përditshme, permanente dhe tejet efikase në interesin kombëtar të të gjithë shqiptarëve. Kemi raporte dhe marrëdhënie të shkelqyeshme me të dy përfaqësitë diplomatike të SHBA-ve në Tiranë dhe Prishtinë. Në Prishtinë edhe kemi bërë aktivitete të përbashkëta që tregon për respektin dhe besimin që gëzon “Vatra” dhe lidershipi i saj te institucionet amerikane. Demokratizimi i mëtejmë i shtetit shqiptar, forcimi i shtetit ligjor dhe zhvillimi ekonomik mbeten angazhim permanent dhe është mision i Vatrës, mbështetja për shtetin e Kosovës në përmbylljen e etapës së fundit të shtetësisë dhe proceseve integruese është obligim dhe imperativ i veprimtarisë së organizatës sonë, gjithmonë me fokus të posaqëm për fatin dhe avansimin e pozitës dhe rolit të shqiptarëve në trojet etnike. Unë personalisht dhe “Vatra” nuk do të ndalemi së punuari për avansimin dhe zhvillimin e gjithmbarshëm të kombit tonë. Nuk ka person, grupacion, mjet, presion por as propagandë që na zmbraps nga ky mision.

Me konsideratë,

Kryetari i Federatës Panshqiptare të Amerikës “Vatra”,

Dr. Elmi Berisha

“Gjergj Kastrioti Skenderbeu Way Honors the Old and New Generation of Albanians,” Petitioners and Worcester Councilors Say

March 22, 2023 by s p

Rafaela Prifti/

Gjergj Kastrioti Skenderbeu Way was granted the Honorary Name Designation by the Worcester City Council. The petition applies to adjacent blocks on Salisbury Street that might have a second sign as soon as this summer just in time for the Albanian Festival in early June. Addressing last night’s Council meeting on behalf of The Sons of St. Mary’s, an active entity in the Albanian community for 50 years, its President Frank Zdruli said that the “name designation of Skenderbeu, Albania’s national hero, bestows an honor onto all Albanians.” Inside the meeting hall and up at the balconies, there were representatives of Vatra Worcester, Sons of St. Mary’s and young Albanians. Zdruli encouraged the young Albanian Americans in particular to be inspired and strive for the highest offices of public service.

Greg Steffon of The Son’s of St. Mary’s put the emphasis on the unifying effect of a figure like Skenderbeu. Similar to the old generations of Worcester honoring the Salisbury name of Anglo-Walsh origin, “the Albanian families including mys predecessors who migrated here in the early 20th century became part of the fabric of the city ” said he in addressing the Council meeting. Over the years “the old” became a network and support system for the new waves of immigrant Albanians, some of whom came after the war in Kosovo. Steffon pointed out that the name designation of the crucially important historic figure “honors the old and the new generations of Albanians.” In fact the two Worcester City Councilors Donna M. Colorio and Ethel Haxhiaj who jointly filed the application for the ceremonial street sign with the City Clerk Nikolin Vangjeli, illustrate the point adequately. Councilwoman Colorio who is of Albanian descent and Councilwoman Haxhiaj who came to the city from Albania in 1997 exemplify achievements that are made possible thanks to support by the whole community. Other Councilors endorsed the petition calling it “a well deserved recognition for Albanians – the largest growing community in Worcester.”

Behind the organizing efforts of the petition is The Sons of St. Mary’s, an active entity in the Worcester community for 50 years. Though the pandemic delayed a few of their projects, they are determined to bring back the Albanian Festival, a bountiful event and a proud manifestation of Albanian culture and heritage. This year the ceremonial naming coincides with the 555th death anniversary of Albania’s national hero Gjergj Kastrioti Skenderbeu (1405-1468) It is very fitting therefore to have the music, food, crafts and lots more under the street sign with his name on it.

Both Zdruli and Steffon made it a point to reference the new designation of Gjergj Kastrioti Skenderbeu Way as the “only way to find the Festival”.

Joseph Petty, Mayor of Worcester, who presided the City Council meeting, approving the Yes vote, said that “Albanians are a big part of Worcester’s history and will be a part of its future.”