Kosovë-Ambasada e SHBA, thirrje për zgjedhje të lira, kredibile dhe të qeta

May 31, 2017 by dgreca

-Deklaratë e Ambasadës së SHBA në Kosovë lidhur me fillimin zyrtar të fushatës zgjedhore/

/ 4 Hoti

1 LDK -Në Kosovë nisi sot zyrtarisht fushaa e zgjedhjeve të parakohshme parlamentare të 11 qershorit, e cila do zhvillohet gjatë 10 ditëve, deri në 9 qershor, duke pasuar parafushatën e ditëve të kaluara/

2 Hoti

-KQZ-ja certifikoi listën përfundimtare të votuesve me 1.872.941 emra/

PRISHTINË, 31 Maj 2017-Gazeta DIELLI-Behlul Jashari/ Ambasada amerikane në Kosovë, sot në hapje të periudhës së fushatës elektorale, rithekson thirrjet drejt të gjithë kandidatëve politikë që të përkushtohen për zgjedhje të lira, kredibile dhe të qeta.

“Në këto zgjedhje, ne do t’i ndihmojmë Kosovës në përmbushjen e standardeve evropiane duke vendosur ekipe vëzhguese anekënd vendit në ditën e votimit”, thekson deklarata e dërguar.

Fatkeqësisht, vijon deklarata e Ambasadës së SHBA në Kosovë, tanimë ka pasur deklarime kredibile lidhur me frikësimet që ndërlidhen me zgjedhje.

“Kandidatët politikë, gazetarët dhe familjet e tyre gjithashtu janë kërcënuar nëpër pjesë të ndyshme të Kosovës. Dënojmë fuqishëm këdo që tenton të ndikojë procesin zgjedhor apo përzgjidhjen e votuesit nëpërmjet këtyre mekanizmave. Presim që të gjithë qytetarët, përfshirë këtu edhe ata që aspirojnë të jenë udhëheqësit e ardhshëm të Kosovës të ngrisin zërin fuqishëm kundër sjelljeve të tilla. Ne përkrahim të gjitha përpjekjet e Task Forcës Zgjedhore dhe të Policisë së Kosovës në hetimin e cfarëdo raporti të tillë”, shprehet ambasada e SHBA.

Ajo thekson se, qytetarët meritojnë një proces të hapur dhe transparent zgjedhor ku të gjithë kandidatët kanë të drejt të dëgjohen nga votuesit, ku përfaqësuesit e mediave pa dhunë ose kërcënime kanë të drejtë të shpërndajnë informacione lidhur me zgjedhjet, dhe të gjithë votuesit kanë të drejtë të vendosin vet pa pas ndonjë presion nga jasht.

“Ambasada shpreson që kandidatët do t’i përmbahen këtyre standardeve përgjatë gjithë periudhës së fushatës dhe votuesit do ta ushtrojnë të drejtën e tyre të votojnë dhe të zgjedhin me vëmendje ata kandidatë të cilët më së miri do t’i përfaqësojnë interesat e qytetarëve dhe të shtetit, i cili synon të vazhdojë drejt rrugës së integrimeve Euro-Atlantike”, përfundon deklarata e Ambasadës së SHBA në Kosovë.

Në Kosovë nisi sot zyrtarisht fushata e zgjedhjeve të parakohshme parlamentare të 11 qershorit, e cila do zhvillohet gjatë 10 ditëve, deri në 9 qershor, duke pasuar parafushatën e ditëve të kaluara.

Për 120 mandate deputetësh në Kuvendin e Kosovës,100 për shqiptarët e 20 për komunitetet pakicë, prej tyre 10 për serbët, garojnë 26 subjekte: 5 koalicione, 19 parti dhe 2 iniciativa qytetare, të renditura me short në fletëvotime nga numri 11 deri në 36.

Nën numrin 12 është koalicioni i 13 partive shqiptare: Partisë Demokratike të Kosovës (PDK), Aleancës për Ardhmërinë e Kosovës (AAK), Nismës për Kosovën (Nisma), Partiisë së Drejtësisë (PD), Lëvizjes për Bashkim (LB), Partisë Shqiptare Demokristiane të Kosovës (PSHDK), Partisë Konservatore të Kosovës (PK), Partisë Liberale të Kosovës (PLK), Alternativës Demokratike të Kosovës (ADK), Republikanëve të Kosovës (REK), Partiisë së Ballit (PB); Partisë Socialdemokrate (PSD) dhe Ballit Kombëtar të Kosovës (BKK).

Në bllokun tjetër të partive shqiptare nën numrin 16 është koalicioni i Lidhjes Demokratike të Kosovës (LDK) dhe Aleancës Kosova e Re (AKR), ku në listë përfshihen edhe kandidatët për deputë të subjektit politik më të riut drejt regjistrimit si parti – Alternativa të Lëvizjes për Drejtësi.

E vetme nga partitë shqiptare do garojë Lëvizja Vetëvendosje (VV) nën numrin 35, e cila për herë të parë garoi në zgjedhjet e kaluara dhe kishte 16 mandate deputetësh. Nga subjektet shqiptare është edhe Fjala, nën numrin 29 dhe garon për herë të pare dhe e vetme.

Në KQZ, Zyrën për Regjistrim të Partive dhe Certifikim, brenda afatit kanë deklaruar koalicionin dy subjekte serbe –Partia e Serbëve Kosovarë (Partija Kosovskih Srba-PKS) dhe Iniciativa Qetetare Aktive (Aktivna Građanska Inicijativa-AGI).

Nga komunitetet tjera pakicë, njëri koalicion i ka katër e tjetri dy subjekte politike.

Subjektet tjera të pakicave kosovare garojnë

të vetme.

Kosova mban zgjedhje të parakohshme parlamentare pas mocionit të mosbesimit – rrëzimit të qeverisë me vota të bashkuara edhe nga partia më e madhe e maxhorancës me opozitën dhe vetëshpërndarjes së Kuvendit në 10 maj 2017.

Në Kosovë, zgjedhjet e parakohshme parlamentare të 11 qershorit 2017 do jenë të gjashtat në liri, të tretat në pavarësi, ndërsa zhvillohen tre vjet pas zgjedhjeve të kaluara të 8 qershorit 2014, që ishin poashtu të parakohshme pas vetëshpërndarjes së Kuvendit.

Në Kosovën e lirë nga qershori 1999, të parat zgjedhje parlamentare u mbajtën në 17 nëntor 2001.

Legjislatura e tretë ishte ajo që ka hyrë në histori me shpallen e Pavarësisë së Kosovës në 17 shkurt 2008.

Pas zgjedhjeve të parakohshme parlamentare në këtë pranverë, Kosova këtë vit, në vjeshtë, mban edhe zgjedhje lokale, në afat të rregullt, katër vjet pas zhvillimit të tyre në 3 nëntorin 2013.

KOSOVË-KQZ CERTIFIKOI LISTËN PËRFUNDIMTARE TË VOTUESVE ME 1.872.941 EMRA

Komisioni Qendror i Zgjedhjeve i Kosovës, në mbledhjen e mbajtur sot certifikoi listën përfundimtare të votuesve për zgjedhjet e parakohshme parlamentare të 11 qershorit. Lista përmban 1 milion e 872 mijë e 941 emra të votuesve.

Sipas të dhënave, numri i votuesve të rinj është: 155 mijë e 202 votues, dhe atë si në vijim:

118 mijë e 448 votues të rinj që pas zgjedhjeve 2014 kanë arritur moshën 18 vjeç dhe që do të votojnë për herë të pare, 36 mijë e 754 votues që nuk kanë qenë në listën përfundimtare të votuesëve në vitin 2014, e që mund të konsiderohen si votues të regjistruar për herë të parë në regjistrin qendror civil midis dy palë zgjedhjesh, ose votues që janë pajisur me dokumente të Republikës së Kosovës pas zgjedhjeve të vitit 2014.

Numri i qendrave të votimit në zgjedhjet e 11 qershorit do jetë: 889 (91 më shumë se në vitin 2014) me gjithsej 2 mijë e 490 vendvotime (116 më shumë se në vitin 2014).

Në mbledhje u paraqit edhe raporti përfundimtar lidhur me periudhën e aplikimit për regjistrim jashtë Kosovës. Gjatë kësaj periudhe, përmes adresës postare të KQZ-së, fax-it dhe email adresave janë pranuar 20 mijë e 354 aplikacione për regjistrim.

U bë e ditur se 15 mijë e 118 janë regjistruar si votues të suksesshëm, 5 mijë e 236 aplikacione për regjistrim janë refuzuar, pasi14 aplikues kanë qenë nën moshën 18 vjeçare dhe që nuk e arrijnë këtë moshë as në ditën e zgjedhjeve; 118 aplikacione për regjistrim nuk e kanë nënshkruar formularin e aplikimit; 5 mijë e 104 aplikues janë refuzuar pasi nuk kanë plotësuar kriteret juridike për përfshirjen në listën e votuesve jashtë Kosovës.

Në vazhdim të mbledhjes Komisioni Qendror i Zgjedhjeve akreditoi grupin e dytë të vëzhguesve, numri i të cilëve është 350. Deri më tani numri i vëzhguesve të akredituar nga KQZ-ja është 373.

Në fund të takimit, KQZ-ja emëroi edhe këshillat e vendvotimeve në 34 komuna, ndërsa anëtarët e KQZ-së u dakorduan që pjesa tjetër (4 komuna) të bëhet në një mbledhje tjetër, gjatë ditës së enjte.

Idea e Pushtetit Politik si shprehje e egoizmit

May 30, 2017 by dgreca

Nga Alfons Grishaj/

Në mendimin e përgjithshëm shqiptar, pushteti politik nuk është instrument i kontrollit dhe i zhvillimit shoqëror, por egoizëm definitiv, i cili vjen në rritje në një shkallë aq të rrezikme sa rrezikon subjektin, shoqërinë dhe shtetin.

Asnjëherë nuk e kam parë më parë këtë dukuri të shfaqet në një mënyrë të tillë sa groteske aq dhe të çoroditur si në ditët e sotme. Trumbetat kanë rënë por marrshimi është ndalur nga shkreptimat e rrufeve në qiell të hapur. Shiu dhe acari vjen pas kësaj… Disa fytyra të dashura që i njoha prej vitesh si demokratë e njerëz vullnetmirë, ma kanë mjegulluar disi imazhin e tyre. Froni i pushtetit i ka transformuar aq sa vello e plastikës së hidhërimit ua ka humbur hijeshinë edhe logjikën e ftohtë që duhet të ketë politikani intelektual. Hyrja e tyre në politikë nga profesione të ndryshme pa njohur asnjë lloj enovacioni në karrierë, i transformoi në politikanë të rëndomtë e megalomanë, nganjëherë dhe arrogantë. Leksionet për demokracinë i morën në mënyrë aberrative dhe ashtu i përcollën nga fyelli i bariut të malit në shinat e botës moderne, çka tregon dhe rezultatet e rakitizmit të politikës shqiptare. Botërisht njihet ambicja për fronin dhe egërsia për ta mbajtur atë, por unë kam menduar se periudhave të tilla do t’ u vinte fundi, për t’i lënë kohën e duhur riparimit të shkatërrimeve që shkakton mosqarkullimi i elitave, dukuri që e bën autoritarist pushtetin në demokraci dhe e kompromenton rëndë atë si sistem vlerash aq sa për sytë e qytetarëve të thjeshtë ajo të mos ngjajë shumë e ndryshme nga diktatura.

Politikanët tanë duket se kanë harruar se si erdhën në politikë, si u bënë të pasur në aq pak kohë dhe si kanë qendruar aq gjatë në pozita privilegjesh në një vend ku mirëqenia është tashmë një ëndërr e shuar për shumicën e shoqërisë sonë. Retorika e zhurmës propagandistike, prej vitesh ka mbytyr zërat që i thonë të vërtetën shoqërisë dhe metoda krahasuese në ligjërimin politik as që aplikohet më. E pra, pas luftës më të përgjakshme e më shkatërrimtare në të gjithë historinë e njerëzimir, shteteve perëndimore nuk iu deshën më shumë se dy dekada për të futur shoqëritë e tyre në stadin e mirëqenies së qendrueshme, dhe kjo falë respektimit të vlerave të demokracisë.

Tek ne ndodhi e kundërta. Pa një traditë kapitaliste dhe trashigimi në demokraci, të gjithë me një kostum, atë të qepur nga PP, politikanët tanë e shndërruan pushtetin në qëllim në vetvete, duke parë poshtë vetëm dendësinë e turmës. Megjithatë, bosët e politikës së sotme që nuk lanë të afërm, “shok” apo klient pa rregulluar për llogari vetiake në kurriz të shtetit dhe shoqërisë, shpesh madje edhe në vetë kurrizin e partisë që u dha emër dhe pushtet, pa ndjerë ndonjë përgjegjësi morale, lanë të gjithë demokratët e vërtetë dhe popullin në përgjithësi pa asnjë shpresë për një të ardhme më të mirë. Çfarë është më e keqja, kanë luajtur me moralin shoqëror si mica me miun, duke e quajtur këtë si “ligji i nënkuptueshëm” i funksionimit të demokracisë.

Në sfondin e kësaj drame “moderne”, karakteristikë e së cilës është ndryshimi i situatave nga komike në tragjike dhe ndryshimi i roleve nga shkaktar në pësues, shohim tashmë që në skenë, kanë dalë të luajnë rolin e disidentit, të “llastuarit, të përzgjedhurit dhe të parapëlqyerit” e liderit të djeshëm me mesazhin alarmues: “Demokracia në rrezik!”. Po kur paskemi pasur ne një demokraci të “lulëzuar” që po na u vyshka me një “të shkelur”?!

Demokracia vetëm metaforikisht mund të quhet lule. Si sistem ajo është diçka krejt tjetër dhe shëndetshmërinë e saj e garantojnë parimet e lirisë perëndimore, normat e të jetuarit dhe të bashkëvepruarit në kuadër të një organizmi jetik si dhe respektimi i vlerave që ato përçojnë. Pavarësisht tonit dhe vetë kuptimit të reagimit të tyre, është me vend t’u kujtojmë “disidentëve” si dhe mbarë opinionit publik që për demokracinë nuk mund të kujtohemi vetëm kur ajo shndërrohet në një çështje personale dhe pikërisht atëherë kur të cënohet karriera. Ata njerëz kanë qenë aty prej dekadash, kanë mbajtur prej shumë mandatesh poste të larta dhe kanë pasur gjithnjë aq pushtet sa për të luftuar për konsolidimin e vlerave të demokracisë, e në rastin konkret edhe të asaj brendapartiake. Personalisht, mendoj dhe besoj se asnjë individ i vetëm, qoftë ky dhe kryetari, nuk mund të zhbëjë rregullat demokratike. Nga ana tjetër, edhe nëse është si thonë “disidentët”, prapëseprapë ata vetë nuk mund të zhvishen nga përgjegjësia, sepse kanë pasur gjithë kohën e mjaftueshme në dispozicion për një aksion politik parandalues, ndërkohë që, çdo mendje racionale, çastin e mungesës së emrit në listë, nuk do ta gjykonte si momentin “ideal” për të nisur një proces ballafaqimi brendapartiak, kur një tjetër shumë herë më i madh e më i rëndësishëm është në zhvillim e sipër.

Në politikën demokratike, qarkullimi i elitave është një nga ligjet bazë. Ata që nuk e respektojnë këtë ligj, nuk e njohin demokracinë, dhe ata që nuk e njohin demokracinë nuk mund të kenë vend në lidership. Nëse kontributi në demokraci shihet vetëm i lidhur me mandatin e deputetit, atëherë më duhet ta them se kjo mënyrë të menduari nuk ka asgjë demokratike. Ajo është thjesht një shprehje e shëmtuar e egoizmit, sepse politikani në demokraci është shërbestar dhe statura e qartë e tij ka tipar të qenësishëm altruizmin.

Koalicionet parazgjedhore mund të shthuren pas 11 qershorit

May 30, 2017 by dgreca

Koalicionet e krijuara para zgjedhjeve nuk garantojnë se Kosova nuk do të futet në bllokadë rreth formimit të Qeverisë së re pas zgjedhjeve, parashikojnë njohësit e zhvillimeve politike. Sipas tyre, është e pritshme që pas zgjedhjeve, koalicionet aktuale të ri-definohen.

Koalicioni i Partisë Demokratike të Kosovës me Aleancën për Ardhmërinë e Kosovës dhe partinë Nisma, pastaj koalicioni i Lidhjes Demokratike të Kosovës me Aleancën Kosova e Re dhe subjektin e ri Alternativa, si dhe subjekti politik, Lëvizja Vetëvendosje, konsiderohen si blloqet kryesore politike në këto zgjedhje.

Artan Muhaxhiri, analist politik, tha për Radion Evropa e Lirë se spektri politik në Kosovë nuk ka mësuar shumë nga përvoja e vitit 2014, kur Kosova ishte futur në një krizë institucionale prej gjashtë muajve.

Edhe procesi aktual zgjedhor, nënvizon Muhaxhiri, nuk garanton se do të përmbyllet me fitoren e mjaftueshme të ndonjërit prej subjekteve garuese, qoftë koalicion, parti apo lëvizje politike, që si e vetme të formojë Qeverinë e re.

“Edhe koalicioni i PDK-së edhe ai i LDK-së, janë krijuar në mënyrë të improvizuar dhe për këtë arsye është shumë e mundshme që pas zgjedhjeve të kemi probleme në formimin e Qeverisë, pasi që është shumë pak e besueshme që ndonjëri prej tyre të fitojë shumicën e domosdoshme për ta krijuar Qeverinë”, thotë Muhaxhiri.

Koalicionet aktuale janë ndërtuar edhe mbi parimin e ndarjes paraprake të posteve, nisur nga posti i kryeministrit, kryetarit të Kuvendit e deri te ministritë dhe resorët tjerë. Por, të gjitha këto marrëveshje, sipas Muhaxhirit mund të rishikohen pas zgjedhjeve, marrë parasysh se do të jetë vështirë që të fitohen zgjedhjet, sipas parashikimeve parazgjedhore.

Ai pret që koalicionet aktuale mund të shpërbëhen pas publikimit të rezultateve të zgjedhjeve të parakohshme të 11 qershorit.

”Qoftë koalicioni i PDK-së apo ai i LDK-së, në fakt do të duhet që ta marrin ndonjërin prej aleatëve në koalicionet kundërshtare apo të bëjnë ndonjë marrëveshje me Lëvizjen Vetëvendosje, e cila në këto zgjedhje garon si e vetme. Por, në çdo rast do të kemi negociata të gjata, do të ketë pakënaqësi nga njerëzit të cilët tashmë llogarisin në poste të rëndësishme qeveritare. Prandaj, edhe është e pritshme që të ketë probleme në formimin e Qeverisë së ardhshme të Kosovës”, thotë Muhaxhiri.

Ndërkohë, analisti nga Grupi Ballkanik për Politika, Naim Rashiti thotë se vendimi i Gjykatës Kushtetuese në vitin 2014 e ka përcaktuar rrjedhën ligjore të formimit të institucioneve, ku definohet qartë se mandatin për formimin e Qeverisë e fiton koalicioni apo partia politike që i fiton zgjedhjet dhe jo ndonjë koalicion paszgjedhor.

Ai beson se partitë politike, megjithatë kanë marrë një mësim nga procesi i kaluar zgjedhor më 2014. Po ashtu, edhe eliminimi i vijave të kuqe për formimin e koalicioneve, sipas Rashitit mund të jetë një element ndihmese drejt formimit sa më të shpejtë të Qeverisë së re.

“Për faktin që është vijat e kuqe kanë vdekur tashmë, do të thotë nuk është më tabu asnjë formë e koalicionit dhe besoj se të gjitha subjektet politike i kanë kuptuar gabimet gjatë vitit 2014 e tutje dhe sjelljet e tyre gjatë krizës më pastaj, apo marrëdhënieve ndërmjet pushtetit dhe opozitës. Mendoj se asnjëri subjekt nuk dëshiron që situata nga e kaluara të përsëritet”, thekson Rashiti.

Zgjedhjet e parakohshme në Kosovë, pasuan votimin në Kuvend të një mocioni mosbesimi ndaj Qeverisë më 10 maj. Të njëjtën ditë, Presidenti i Kosovës pati shpërndarë Kuvendin, kurse në ditë më vonë pati shpallur 11 qershorin, datën për mbajtjen e këtyre zgjedhjeve.

Për 120 ulëset në Kuvendin e Kosovës, pritet të garojnë 5 koalicione, 19 parti politike dhe 2 iniciativa qytetare.

Për formimin e Qeverisë së Kosovës, janë të domosdoshme të paktën 61 vota në Kuvend. Koalicioni apo partia fituese, kryesisht llogaritë në koalicione paszgjedhore edhe në pakicat, si kategori kushtetuese e domosdoshme për përfshirje në Qeveri.(Kortezi Zijadin Gashi-RFL)

BASHA ka çelë fushatën për Republikë e re, helmim pas mitingut

May 28, 2017 by dgreca

Helmimi pas mitingut të PD: Reagon Policia e Shtetit, Nishani: E rëndë! Të zbardhet ngjarja/

Partia Demokratike ka çelë mbrëmjen e së shtunë fushatën elektorale në sheshin para Kryeministrisë, aty ku 90 ditë me radhë qëndroi “çadra” e protestës për zgjedhje të lira e të ndershme, nga ku u themelua edhe “Republika e re” për të cilën Basha u kërkoi në 25 qershor votën shqiptarëve.

“Kemi një plan për zhvillimin e Shqipërisë, sepse interesat e shqiptarëve janë interesi ynë. Shqiptarët me 25 qershor do të votojnë për të vendosur një qeveri e kryeministër që mban interesin e tyre mbi të gjitha dhe jo një kryeministër të korruptuar e që bashkëpunoi me krimin, e që kontrollohet nga krimi e interesat e krimit”, tha Basha.

Basha renditi disa nga pikat e programit që do të zbatohet në rast se ai vjen në krye të qeverisë në 25 qershor. Taksa e sheshtë 9 %, zerimi i taksës për biznesin e vogël, zhbërjen e ligjit për arsimin e lartë, një sistem shëndetësor në shërbim të qytetarit, rritje të pensioneve, mbështetje të sektorit bujqësor ishin disa nga premtimet e Bashës.

Duke folur për listat e deputetëve, kreu i Partisë Demokratike u shpreh se nuk ishin të papritura. “Vendimi ishte i vështirë për t’u marrë, por jo i pamundur. PD ka zgjedhur njerëz me vlera në listat e saj. Ndryshimi duhet të fillojë nga vetja jonë, nga shtëpia jonë dhe kështu kemi bërë”, tha Basha.

Por theksoi ai, kjo do të jetë lista e fundit që do të bëhet nga kryetari sepse listën e deputetëve do ta vendosë qytetari shqiptar. “Premtoj reformë totale kushtetuese. Shqiptarët do të zgjedhin drejtpërdrejt përfaqësuesin e tyre në Parlament, e do të mund ti kërkojnë llogari qeverisë e kryeministrit”, deklaroi Basha.

Basha vlerësoi edhe rolin e aleatëve të saj, të cilët tha ai sot po konkurojnë nën siglën e PD-së. “Republika e re ishte hapi ynë i parë drejt fitores vendimtare në 25 qershor. Aleatët tanë politikë që sot janë bashkuar nën siglën e PD-së, dua t’i falenderoj nga zemra për qëndresën e tyre. Sot në Shqipëri, opozita është e bashkuar, ndërsa pala kundërshtare e përçarë. Të bashkuar ne shkojmë drejt fitores së sigurt”, tha ai.

Basha iu përgjigj edhe akuzave të maxhorancës për drejtimin e bashkisë së Tiranës, duke e akuzuar kryeministrin Edi Rama për mosmbështetje. “Unë e di fare mirë se mund të bëhej më shumë për Tiranën, por kjo ishte kosto e egos politike të Ramës, i cili për të arritur synimet e veta, goditi axhendën e qytetarëve të Tiranës. E kam vuajtur së bashku me qytetarët. Por ju premtoj se vetëm interesi i shqiptarëve do të prevalojë dhe dora ime do të shtrihet ndaj çdo kujt që punon për interesin e shqiptarëve”, deklaroi kryetari i PD-së Basha.

Basha tha se shqiptarët meritojnë një shtet të fortë. Rama, tha ai, flet për politikën si lojë shahu. “Po njerëzi çfarë janë gur shahu? Shqiptarët nuk janë gurë shahu. Por ne jemi këtu pas një betejë 90 ditore, jo thjesht e vetëm për të ndryshuar lojën e shahut, për të ndërruar gurët e bardhë me të zinj. Loja merr fund me 25 qershor. Tryeza e shahut përmbyset me 25 qershor. Atëherë ju do ta keni në dorë qeverinë . Shqiptar, merrni në dorë Shqipërinë me 25 qershor”, u shpreh Basha.

Pluhuri misterioz u hodh te podiumi, Salianji: Prag skandali!/

Hetime intensive janë duke u bërë në bulevardin ‘Dëshmorët e Kombit’ në Tiranë, ku dyshohet se një substancë kimike është hedhur në ajër dhe ka shkaktuar shqetësime të ndryshme, tek të paktën 76 persona, të cilët janë paraqitur për të marrë ndihmë mjekësore në spital.

Burime nga vendngjarja dhe nga policia thonë për Syri.net se hetimet janë marrë në dorë nga Antiterrori, ndërsa në terren janë me dhjetëra specialistë të disa institucioneve të shtetit.

Por ende nuk dihet se çfarë substance është hedhur në ajër, ndërsa ende nuk është përcaktuar pista hetimore edhe pse mund të flitet për diçka të rëndë.

Në vendin e ngjarjes, të rrethuar nga policia ndodhen ekspertë kimistë të ushtrisë, specialistë të antiterrorist, agjentë të Shërbimit Informativ Ushtarak (SHIU), ata të SHISH dhe specialistë të Gardës së Republikës.

Në vendngjarje ndodhen edhe disa prokurorë të Tiranës dhe krimeve të Rënda, që janë duke hetuar. Ende nuk ka një pistë hetimore në lidhje me këtë ngjarje të rëndë, ndërsa flitet për disa të tilla.

Ndërkohë kandidati i dytë i PD në listë, për deputet në Korçë, Ervin Salianji ka reaguar lidhur me ngjarjen e rënde ku mbi 50 persona janë shtuar në spital pas marrjes pjesë në mitingun e PD.

“Per te gjithe miqte dhe pjesemarresit e aktivitetit te djeshem te cilet kane simptoma te djegies dhe helmimit te mos mjekohen vete, por t’i drejtohen mjekut per trajtim sepse mund te kete komplikacione te metejshme. Dje neper spitale qe ne oret e para te mengjesit kane qene qindra qytetare! Prag skandali!” shkruan Salianji.

Helmimi pas mitingut të PD: Reagon Policia e Shtetit/

Policia e Shtetit ka reaguar pas publikimit të lajmit në media se simpatizantë të PD ishin shtruar në spital pas përfundimit të mitingut.

Policia thotë se 50 persona të cilët janë paraqitur në spital QSUT herët në mëngjes kanë qenë në mitingun e PD dhe pasi kanë marrë mjekimin e duhur, janë larguar.

Ndërsa 3 prej tyre po mbahen ende nën vëzhgim nga mjeku.

Gjithashtu policia bën me dije se ka ngritur grupe pune që po hetojnë mbi ngjarjen.

“Në datë 28.05.2017, rreth ores 04.00 te mengjesit në Q.S.U.T., jane paraqitur per ndihme mjekesore rreth 50 shtetas me simptoma te ngjashme, kryesisht djegie ne sy dhe skuqje lekure ne pjeset e siperme te trupit. Nga verifikimet paraprake rezulton se keta shtetas kanë qenë pjesemarrës në aktivitetin e zhvilluar nga Partia Demokratike, mbajtur ne oren 19:00 te dates 27 maj, zhvilluar ne Bulevardin ‘Deshmoret e Kombit’ ne Tirane.

Pasi jane mjekuar te gjithe shtetasit jane larguar per ne banese, veç 3 prej tyre qe kane patur me teper shqetesime dhe po mbahen nen kujdesin e mjekeve ne spital. Menjehere sapo ka marre njoftim, nen drejtimin e Prokurorise se Tiranes eshte ngritur grupi hetimor me eksperte nga Policia e Shtetit, Garda e Republikes, struktura te specializuara te Forcave te Armatosura etj. Nderkohe po kryhen gjithe egzaminimet e nevojshme per te percaktuar shkakun qe provokoi simptomat si dhe zbardhjen e plote te rrethanave te ngjarjes”, thuhet në deklaratën e policisë.

Helmimi në mitingun e PD, Nishani: E rëndë! Të zbardhet ngjarja/

Presidenti i Republikës, Bujar Nishani kërkon angazhim të plotë të të gjithë strukturave ligjzbatuese për të zbardhur ngjarjen e ndodhur në mitingun e Partisë Demokratike ku u helmuan mbi 70 qytetarë përfshirë edhe liderin e opozitës, Lulzim Basha.

Reagimi i Presidencës:

Presidenti i Republikës, Sh.T.Z. Bujar Nishani po ndjek me shqetësim dhe angazhim maksimal situatën e rëndë që ka shkaktuar lëndimin e një numri të madh qytetarësh përfshirë edhe liderin e opozitës, z. Lulzim Basha, gjatë tubimit të çeljes së fushatës elektorale të opozitës ditën e djeshme në Bulevardin “Dëshmorët e Kombit”.

Presidenti i Republikës uron së pari shërimin sa më parë të të lënduarve dhe tejkalimin e kësaj situate pa pasoja.

Presidenti po mban kontakte me të gjitha agjencitë ligjzbatuese për t’u informuar për zhvillimin e kësaj ngjarjeje si dhe kërkon angazhimin maksimal të tyre në zbulimin e plotë të saj.

Prince Leka II Haradinaj: Royal family is at the service of Kosovo

May 27, 2017 by dgreca

PRISTINA, May 27 – The head of Alliance for Kosovo Future hosted on Saturday Prince Leka II.
“It is a delight to meet Albanians. I was honored to know His Highness, king Leka of Albanians. While today we carry on the tradition with King Leka II, who has come to Kosovo,” Haradinaj said.
Prince Leka II said he felt good to be in Kosovo as the royal family has always stood by Kosovo and we will always serve Kosovo and entire Albanian people. I am very glad that you have overcome the turmoil and the problems that you had in France to be back in Kosovo.(ATA)