Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

US congressman Engel meets Basha, DP chairman: Free elections are vital for the democracy

by

Democratic Party Chairman, Lulzim Basha, received Mr. Eliot Engel today, who is the Vice Chairman of the Committee for Foreign Affairs in the US Congress.  Mr. Engel was accompanied by the renowned Albanian-American dignitary, Harry Bajraktari, and the US Ambassador, Donald Lu.

Mr. Basha thanked the Congressman for his valuable contribution to Albania and Kosovo, and for the commitment to democracy in Albania.

An announcement delivered to the media, by the Democratic Party Headquarters, says that US Congressman Engel praised the DP Chairman’s role in the process of drafting the Constitutional Amendments and for the positive signal the political will gives Albania’s integration into the European Union.

Meanwhile the Opposition’s leader emphasized that the Democratic Party continues to contribute to the legal framework of the Judicial Reform, reiterating that it cannot and must not violate the Constitutional provisions adopted, with consensus, on July 22nd.

During the meeting with the US Congressman, the DP Chairman raised his concerns about free and fair elections, as well as the level of crime and corruption. Referring to the elections in Dibra, the Democrat’s leader stressed that the strengthening of ties between crime and politics is seen during these elections. In this context, Mr. Basha shared with Congressman Engel his concern about the full implementation of the Decriminalization law and the separation of politics from crime.

SEANCES PER DEMARKACIONIN I PARAPRIU PROTESTA

by

-Protesta në sheshe rreth ndërtesës së Kuvendit të Kosovës/

–BE: Thirrje për një ambient të qetë gjatë debatit dhe votimit/

-Para protestës, Policia: Gjetëm rreth 50 çanta me koktej molotovi në një depo në Prishtinë/

-Protestë dhe reagime të Lëvizjes Vetëvendosje/

–Lista Serbe: Nuk marrim pjesë sot në seancën e Kuvendit të Kosovës/

  • Komunikata e Policisë: JA ARSENALI I PLOTE QE GJETEM 

Gazeta DIELLI nga korrespondenti në Prishtinë Behlul JASHARI/

1 Proteste

1 Polici

PRISHTINË, 1 Shtator 2016/ Kuvendi i Kosovës pritet të mblidhjet sot në një seancë plenare, ku shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, i kundërshtuar nga opozita, është pika e 6-të e axhendës 8-pikëshe.

Ky projektligj është miratuar njëzëri në 4 gusht nga qeveria e Kosovës, e cila është takuar edhe dje në mbledhjen e 107-të, të 39-tën këtë vit.

1 Foles

Në kundërshtim të ratifikimit të demarkaciont, subjekti më i madh opozitar kosovar, Lëvizja Vetëvendosje ka ftuar protestë para Kuvendit të Kosovës, me fillim në orën 11:00 sot në ditën e seancës plenare. LVV protestën e sotme e ka paralajmëruar si historike, ndërsa dy partitë e tjera opozitare AAK e Nisma kanë deklaruar se nuk do të marrin pjesë në protestë, por pas bojkotit disa muajsh do marrin pjesë në seancën plenare dhe edhe me votë do jenë kundër demarkacionit.

Në seancën e Kuvendit të paralajmëruar për në orën 11:30, para demarkacionit në axhendë janë dy interpelanca sipas kërkesave nga deputetetë të Lëvizjes Vetëvendosje, të kryeministrit Isa Mustafa, në lidhje me kodin telefonik shtetëror të Kosovës, si dhe

në lidhje me situatën aktuale politike në pjesën veriore të Republikës së Kosovës.

Seanca nis me koha për deklarime jashtë rendit të ditës dhe koha për pyetje parlamentare, ndërsa dy pikat e fundit në axhendë janë shqyrtimi i raportit vjetor të Autoritetit Rregullator të Komunikimeve Elektronike dhe Postare për vitin 2015, si dhe propozimi i Grupit Parlamentar të AAK-së për zëvendësimin e anëtarëve në komisionet parlamentare.

BE: THIRRJE PËR NJË AMBIENT TË QETË GJATË DEBATIT DHE VOTIMIT

-Deklaratë e Zyres së BE-së në Kosovë/Përfaqësuesit të Posaçëm të BE-së/

Bashkimi Evropian, përmes një deklarate të Zyrës dhe të Përfaqësuesit të Posaçëm në Kosovë, bën thirrje për ambient të qetë gjatë debatit dhe votimit, ndërkohë që pritet sot seanca plenare e Kuvendit, ku  ë axhendë është shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, i kundërshtuar nga opozita edhe me protestë të Lëvizjes Vetëvendosje.

“Në prag të debatit dhe votimit të sotëm në Kuvendin e Kosovës për ratifikim të marrëveshjes për kufirin me Malin e Zi, BE-ja në Kosovë ju bën thirrje të gjithë pjesëmarrësve të angazhohen për një ambient të qetë gjatë debatit dhe votimit. BE-ja në Kosovë, po ashtu rikujton se e drejta për të protestuar është një e drejtë demokratike, me kusht që ajo të jetë e shprehur në mënyrë paqësore dhe në pajtim me ligjet e Kosovës”, theksohet në Deklaratën e sapodërguar të Zyres së BE-së në Kosovë/Përfaqësuesit të Posaçëm të BE-së.

Në një njoftim tjetër dërguar më parë bëhej e ditur se, Shefja e re e Zyrës së BE-së në Kosovë dhe Përfaqësuesja e Posaçme e BE-së, Nataliya Apostolova, me kombësi bullgare,  mori pozitat e saj sot, më 1 shtator 2016.Në të dy pozitat Apostolova e pason diplomatin slloven, Samuel Zhbogar.

PRISHTINË-PARA PROTESTËS, POLICIA: GJETËM RRETH 50 ÇANTA ME KOKTEJ MOLOTOVI

Policia e Kosovës deklaroi pak më parë se, “në funksion të realizimit të detyrave dhe autorizimeve ligjore duke përfshirë edhe angazhimet e saj në garantimin e rendit, sigurisë dhe qetësisë publike edhe gjatë zhvillimeve të parapara për sot, rreth orës 10:00, gjatë një operacioni për parandalim të veprimeve të kunderligjshme, gjatë një bastisje me urdhër edhe të organeve kompetente, brenda në një depo në Prishtinë ka arrit të gjej rreth pesëdhjetë (50) çanta me koktej Molotovi, ku një pjesë e madhe e tyre është e perpunuar, vaj i zi, dhe benzinë të përpunuar”.

Policia ka dërguar edhe disa foto të këtyre dëshmive nga vendim i ngjarjes.

Më parë është njoftuar se, “lidhur me protestën e paraparë të mbahet sot në Prishtinë gjatë zhvillimeve në Kuvendin e Republikës së Kosovës, protestë e cila megjithatë nuk është e lajmëruar ashtu siç parashihet me procedurat dhe Ligjin mbi tubimet publike, Policia e Kosovës me kohë ka bërë të gjitha përgatitjet e nevojshme, duke hartuar planin operativ për menaxhimin e situates së sigurisë, para, gjatë dhe pas këtyre zhvillimeve”.

LISTA SERBE NUK MERR PJESË NË SEANCËN E KUVENDIT PËR DEMARKACIONIN

Lista Serbe nuk do marrë pjesë në seancën e sotme të Kuvendit të Kosovës, ka konfirmuar deputeti i saj Nenad Rashiç, pa dashur të japë hollësi se pse. “Është e vërtet se Lista Serbe nuk do të marrë pjesë në seancën e sotme. Nuk dëshirojmë të komentojmë më shumë në këto momente mirëpo është zyrtare se nuk do të marrim pjesë”, citohet ai nga media, e cila ka njoftuar edhe për konsultime të Listës Serbe me Beogradin.Kuvendi i Kosovës prtiet të mblidhjet sot në një seancë plenare, ku shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, i kundërshtuar nga opozita edhe me protestë të Lëvizjes Vetëvendosje,  është pika e 6-të e axhendës 8-pikëshe, por që sipas zhvillimeve të fundit ka mundësi të shtyhet sepse koalicioni qeverisës pa Listën Serbe që ka 11 deputetë nuk ka vota të mjatueshme, së paku 80 të Kuvendit 120 anëtarësh. Sipas disa paralajmërimeve e deklaratave, edhe po të votonin serbët, vështirë do kishte vota të mjaftueshme.

KOSOVË-KDI: VOTIMI DHE PROTESTAT PËR DEMARKACIONIN, KONFORM VLERAVE TË DEMOKRACISË

Instituti Demokratik i Kosovës (KDI) pret që seanca e sotme parlamentare e Kuvendit të Kosovës, ku parashihet ratifikimi i marrëveshjes për demarkacionin e kufirit me Malin e Zi të zhvillohet në frymën e një debati të hapur dhe konstruktiv duke respektuar faktet e paraqitura dhe pikëpamjet e ndryshme politike.
“Pavarësisht epilogut, marrëveshja për shënjimin e vijës kufitare me Malin e Zi nuk duhet të prolongohet më tej, por duhet t’i nënshtrohet procesit të votimit për t’i hapur rrugë zhbllokimit të jetës politike e institucionale”, thekson deklarata e dërguar.
Më tej KDI shprehet se, deputetët si përfaqësues të zgjedhur të qytetarëve, sot më shumë se të tjerët kanë përgjegjësinë që të marrin vendime për tema që kanë kaluar nëpërmjet polarizimeve të mëdha shoqërore, ndërsa vota e tyre të bazohet në vullnetin e  tyre dhe të mos jetë e ndikuar nga presione apo shantazhe
“Vendimet e dala nga vota e deputetëve, cilat do qofshin ato, duhet të jenë të pranueshme nga të gjitha institucionet, partitë politike dhe qytetarët të cilët përmes votës së tyre i kanë zgjedhur ata”, thekson deklarata.
Në anën tjetër, vijon KDI, protestat si një e drejtë qytetare duhet të zhvillohet në mënyrë të qetë dhe paqësore, pa cenuar të drejtat e qytetarëve të tjerë dhe pa cenuar institucionet e shtetit, ndërsa autoritetet shtetërore duhet të garantojnë shprehjen e kësaj të drejte dhe të krijojnë kushte të mjaftueshme për të protestuar.

AGK, SHQETËSIM PËR ARRESTIMIN E GAZETARIT

Asociacioni i Gazetarëve të Kosvës -AGK deklaroi sot se me shqetësim ka pranuar lajmin se është arrestuar gazetari i KlanKosova, Dibran Istrefi, gjatë kryerjes së detyrës së tij. “Nga informatat e para që i kemi nga terreni mësojmë se gazetari është arrestuar përkundër mbajtjes së akreditimit në vend të dukshëm”, thuhet në reagim.

Gjithashtu, vijohet më tej, nga burime tjera dhe të pakonfirmuara jemi informuar se gazetari tashmë është liruar.

“I bëjmë thirrje Policisë së Kosovës dhe të gjitha institucioneve përkatëse që ta lirojnë sa më shpejt nëse deri tashmë nuk e kanë liruar, dhe gjithashtu i ftojmë që të kenë kujdes të veçantë në trajtimin e gazetarëve.

Ndalja e gazetarëve në çfarëdo forme paraqet trysni ndaj punës së tyre dhe ndaj lirisë së shprehjes, por është edhe në kundërshtim të drejtpërdrejt me aktet më të larta juridike të vendit tonë si dhe me konventat ndërkombëtare për të drejtat e njeriut”, thuhet në reagimin e AGK derisa shumë gazetarë po raportojnë nga zhvillimet në Kuvendin e Kosovës ku ende nuk ka filluar seanca dhe në protestën e LVV rreth tij.

LVV: POLICIA E GRUPE ANONIME JANË ANGAZHUAR JASHTËLIGJSHËM KUNDËR VETËVENDOSJE!-s

Lëvizja Vetëvendosje ka dërguar këtë komunikatë: Gjatë gjithë natës policia dhe grupacione të panjohura janë angazhuar në një fushatë pa precedent bastisjesh dhe shpifjesh, kundër VETËVENDOSJE!-s.

Arsyeja e vetme për këto gjeste diktatoriale, është dëshira e Thaçit, Veselit e Mustafës për t’ia dhuruar 8200 hektarë Malit të Zi, kundër ligjit, kundër vullnetit qytetar e kundër dëshirës së deputetëve.

Gjatë natës janë bastisur e vazhdojnë të mbahen në kontroll e presion ambientet komerciale dhe magazinat e kompanisë që kanë marrë përsipër zërimin dhe ekranin LED për protestën. Këto ambiente janë bllokuar prej orës 1 pas mesnate dhe policia po i mban të bllokuara ende.

Po ashtu policia ka bllokuar edhe magazinat e Lëvizjes VETËVENDOSJE!, ku ndodheshin materialet dhe parrullat për protestën e sotme.

Gjatë natës, kur policia ka qenë e angazhuar maksimalisht për sabotimin e protestës, grupe të panjohura kanë shpërndarë fletushka me përmbajtje urrejtëse dhe ofenduese kundër VETËVENDOSJE!-s. Ato vende të botës ku nxitet dhuna e urrejtja ndaj opozitës, të gjitha kanë përfunduar keq, në konflikt apo në regjim fashist.

Këto aksione prej regjimit shtypës policor kanë si autor direkt Thaçin, Veselin e Mustafën. Ata janë gati ta çojnë vendin në shkatërrim, janë gati të përdhosin demokracinë, të bëhen si Sadami, Asadi apo Gadafi, vetëm e vetëm që të realizojnë projektet e tyre rrënuese për vendin, siç është Demarkacioni e Zajednica. Këto projekte janë çmimi i qëndrimit të tyre në pushtet.

I bëjmë thirrje qytetarëve të mos lejojnë pushtetin e frikës të bëhet pushtet i terrorit. Masivisht autobusët po nisen nga çdo vend i Kosovës për të ardhur në protestën e sotme. Bashkangjitu dhe ti, për demokracinë, për atdheun tënd.

***

POLICIA E KOSOVËS: NË KUFI ME MALIN E ZI NUK KA ASNJË INCIDENT

Policia e Kosovës deklaroi pak më parë se, “pas shkrimeve të publikuar sot nëpër disa portale dhe media lidhur me gjoja një incident të armatosur në brezin kufitar Kosovë-Mali i Zi, informon opinionin dhe mediat se raportime të tilla janë të pabazuar dhe të pavërteta”.

“Zyrtarët kompetent të Policisë së Republikës së Kosovës janë në nivel të kryerjes së detyrave dhe autorizimeve edhe në brezin kufitar shtetror dhe deri në këto qaste nuk ka të raportuar apo të konfirmuar asnjë incident të tillë”, thekson njoftimi i dërguar.Ndërkohë, Kuvendi i Kosovës nisi sot me vonesë rreth dyorëshe një seancë plenare, ku shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, i kundërshtuar nga opozita edhe me protesta të Lëvizjes Vetëvendosje, është pika e 6-të e axhendës 8-pikëshe. Pritjet janë që kjo pikë të hiqet nga rendi i ditës.

Partia opozitare, Aleanca për Ardhmërinë e Kosovës deklaroi pak më parë se, “beson se marrëveshja e Demarkacionit me Malin e zi, merr epilog me votimin në Kuvend, prandaj edhe beteja për rrëzimin e kësaj marrëveshjeje, sot, duhet të zhvillohet aty”.

“Demarkacioni duhet të rrëzohet me votën e të gjithë deputetëve, pa dallim partie politike, rajoni, apo etnie. Vota kundër është votë për Kosovën si një dhe e pandashme”, shprehet AAK.

Komunikatë për media
 
Informacion shtesë lidhur me angazhimet dhe veprimet e Policisë së Kosovës në garantimin e rendit dhe sigurisë së përgjithëshme
 Prishtinë, 1 shtator 2016
 Policia e Kosovës gjatë të realizimit të detyrave dhe autorizimeve ligjore për mbajtjen e rendit, sigurisë dhe qetësisë publike, mbrojtjen e pronës private dhe shtetrore si dhe në funksion të menaxhimit të situatës së sigurisë së përgjithshme dhe parandalimit të aktiviteteve të kunderligjshme në vend, ka ndermarr veprime hetimore dhe operacionale permes të cilave janë identifikuar dhe sekuestruar disa pajisje të dyshimta të cilat mund të paraqesin rrezik për jeten e qytetarëve, si dhe shkaktojnë dëme materiale në qoftë se arrihet deri te posedimi dhe perdorimi i tyre.
Disa persona të dyshuar, poashtu janë shoqruar nga Policia e Kosovës, për intervistim lidhur me dyshimet e bazuar për veprime të kunderligjshme.
Me datë, 01.09.2016, në rrugën “28 Nëntori” në Prishtinë në një depo të një objekti, gjatë bastisjes së realizuar nga Policia me urdhër të organeve kompetente janë gjetur dhe sekuestruar dëshmitë si në vijim:
  • 25 Canta me shishe të vogla nga qelqi te mbushura me materie të lëngshme
  • Gjashtë pako të ndryshme me shishe të mbushura me materie te lëngshme
  • Shtatë plastike të improvizuara për hedhjen e mjeteve te ndryshme
  • Pesë shishe plastike 10 litërshe të mbushura me materie te lëngshme
  • Dy hinka ngjyre të kuqe
  • Tri qese me gur të madhësive të ndryshme
  • Një qese me maska vizatimore
  • 25 Canta me shishe te vogla nga qelqi te mbushura me materie te lëngshme
  • Shtate Canta me kavanoz me materie të lëngshme
  • Një qantë me 31 shishe të vogla ngjyre vjollce me materie të lëngshme
  • Shtate megafonë
  • Një paketë me ID të personave me emra dhe mbiemra të tyre.
  • 21 sprej me ngjyrë.
Deri më tani të gjitha këto janë të konfirmuara, përderisa evidentimi  është ne proces.
Gjatë zhvillimeve sot, sipas procedurave ligjore nga Policia janë shoqëruar për intervistim dhjetë (10) përsona të dyshuar, nga ta, dy (2) deputetë të kuvendit të RKS-së, dhe të gjitha veprimet tjera janë ndermarr në koordinim me prokurorinë kompetente.
Njëri nga të ndaluarit e dyshuar me iniciale E. A. (1983),  në ora 11:25 është kapur afër ndërtesës se Qeverisë së RKS-së, duke tentuar të ndërhyjë në kabllotë e sistemit të transmetimit televiziv, ku ka hap njërën prej kutive të sinjalit të televizionit dhe ka tentuar ta këpus, ai në krah kishte qantën në të cilën kishte edhe gjësendet e dyshuara. 
Është konsultuar Prokurori kompetent, ku për të dyshuarin e lartcekur me iniciale E.A. ka urdhëruar që të hapet rast “Hyrje në sistemin kompjuterik”, të intervistohet dhe të lirohet në procedure të rregullt.
Policia është duke realizuar me kompetence detyrat dhe përgjegjësit e saj ligjore dhe falënderon të gjithë për mirkuptimin dhe bashkëpunimin e treguar në funksion të identifikimit të aktiviteteve ilegale të cilat për rrjedhojë mund të krijojnë rrezik dhe pasiguri për qytetarët tanë dhe institucionet e vendit.
 
Me respekt
Zyra për Informim e PK-së
DPP-Prishtinë

 

 

Diaspora, të rriten investimet në Kosovë

by

-Ministrja Bajrami priti në takim kryetarin e Rrjetit të Bizneseve Shqiptare për Evropë/

PRISHTINË, 31 Gusht 2016 –Gazeta DIELLI/ Ministrja e Tregtisë dhe Industrisë, Hykmete Bajrami, priti sot në takim kryetarin e Rrjetit të Bizneseve Shqiptare për Evropë, Ylli Blakajn, dhe kryetarin e Rrjetit të Bizneseve Shqiptare për Berlin, Mustafë Abazin.

Temë e diskutimit ishte krijimi i kushteve sa më të përshtatshme për investime të bizneseve të diasporës shqiptare nga Evropa në Kosovë.

Ministrja Bajrami i njoftoi bashkëbiseduesit me reformat që ka ndërmarrë Qeveria e vendit në përmirësimin e ambientit të të bërit biznes në vend dhe u zotua se Qeveria e Republikës së Kosovës do të punojë ngushtë me Rrjetin e Bizneseve Shqiptare nga Diaspora, në mënyrë që të gjitha shqetësimet e tyre në lidhje me realizimin e investimeve në Kosovë të trajtohen me prioritet nga institucionet tona.

Blakaj shprehu falënderimin e tij për Qeverinë e Kosovës dhe tha se së bashku me institucionet qeveritare do të punojnë në adresimin e sfidave me të cilat ballafaqohen investitorët nga diaspora, në mënyrë që të rritet volumi i investimeve në Kosovë./b.j/

MAZHORANCA KALON VETINGUN NE KUVEND ME 88 VOTA

by

*SHBA: Mirëpresim miratimin e ligjit, tani rivlerësohen prokurorët e gjykatësit/

*Berisha i jep Ramës vetem një  muaj qeverisje/

*Halimi: Ligji për vetingun është antikushtetues

*Rama: Të korruptuarit në drejtësi morën një mesazh të qartë/

*Tabaku: Ligji i ri nuk përjashton gjyqtarët e diktaturës…/

*Mesila Doda: PDIU-në nuk e përdorni dot si AS-in nën mëngë…/

….Kuvendi i Shqipërisë miratoi me 88 votat e mazhorancës projektligjin “Për rivlerësimin kalimtar të gjyqtarëve dhe prokurorëve në Republikën e Shqipërisë”, ndërkohë që opozita bojkotoi votimin dhe akuzoi shumicën se kishte devijuar tërësisht nga parimet kushtetuese të miratuara me konsensus mëngjesin e 22 korrikut.

Një deputet i pranishëm në sallë gjatë seancës së jashtëzakonshme të së martës abstenoi.

Pas miratimit të ligjit, kryeministri Edi Rama deklaroi se u hap rruga për “fshesën e hekurt ndaj  të inkriminuarve në sistemin e drejtësisë”.

“Sot kasta e të inkriminuarve në pallatin e drejtësisë e ka marrë mesazhin e qartë, ndërsa shqiptarët morën vullnetin e patundur të kësaj shumice për t’i dhënë vendit drejtësinë e mohuar për kaq vite,” tha Rama në oborrin e Parlamentit.

Por ish-kryeministri Sali Berisha e akuzoi atë si autorin kryesor të shtrembërimit të parimeve kushtetuese, me qëllimin e nisjes së një “gjuetie shtrigash” në gjyqësor.

“Ti je kryeministri më i përkohshëm i këtij vendi. Por ne duhet të zbërthejmë me seriozitet në ligj atë që miratuam në kushtetutë. Gjahun e shtrigave nuk mund ta bësh,” tha Berisha në sallën e Parlamentit.

Ligji i vetingut u negociua pa sukses gjatë gushtit mes mazhorancës dhe opozitës dhe hyri në seancë plenare pasi mori miratimin e ekspertëve ndërkombëtarë të EURALIUS dhe OPDAT.

Por ndryshe nga atmosfera konsensuale e 22 korrikut, séanca e jashtëzakonshme për miratimin e tij u shoqërua me përplasje dhe replika mes mazhorancës dhe opozitës.

Drafti i njohur ndryshe edhe si “ligji i vetingut” është i pari i një pakete të gjerë prej 48 projektligjesh, shtatë prej të cilave konsiderohen themelore për ngritjen e institucioneve të reja dhe vënien në shina të procesit të reformimit të drejtësisë.

Miratimi i tij shihej gjerësisht si një test i vullnetit politik për vënien në zbatim të reformës.

Projektligji përcakton mënyrën e kontrollit të gjyqtarëve dhe prokurorëve në komponentët e pasurisë, pastërtisë së figurës dhe vlerësimit profesional. Ai përcakton gjithashtu edhe kompetencat e institucioneve të vetingut-Komisioni i Pavarur i Kualifikimeve, Kolegji i Apelimit dhe Operacioni Ndërkombëtar i Monitorimit.

Por roli i institucioneve të tjera që do të përfshihen në këtë proces shkaktoi krisjen e konsensusit të arritur në miratimin e ndryshimeve kushtetuese.

Përmes një pakete prej 28 amendamentesh të dorëzuara në Kuvend të hënën, Partia Demokratike konteston rolin kyç sipas saj që Inspektoriati i Lartë i Deklarimit dhe Kontrollit të Pasurive, ILDKPKI, Drejtoria e Sigurimit të Informacionit të Klasifikuar, DSIK, Shkolla e Magjistraturës, Drejtoria e Parandalimit dhe Pastrimit të Parave dhe Ministria e Brendshme do të kenë në procesin e vetingut.

“Roli aktiv dhe përcaktues që kanë organet e kontrolluara apo nën varësinë e pushtetit ekzekutiv passjell kontroll të qeverisë në të gjithë komponentët e procesit të rivlerësimit,” thuhet në shkresën që shoqëron amendamentet e PD.

Duke përmendur drejtuesit e këtyre institucioneve-një pjesë e të cilëve eksponentë të Partisë Socialiste, opozita kërkoi që rivlerësimi i gjyqtarëve dhe prokurorëve të kryhej vetëm nga KPK dhe Kolegji i Apelimit.

“Organet e reja të vetingut vendosen nën mbikqyrjen dhe kontrollin e qeverisë….Në këtë mënyrë, reforma kushtetetuese rrezikon të dështojë dhe të humbasë besueshmërinë e publikut, sepse vetingu realisht dhe faktikisht kryhet nga një mazhorancë politike, në shkelje të standarteve të pavarësisë dhe paanësisë,” shton PD në amendamentet e saj.

Ndonëse projektligjet që shoqërojnë reformën në drejtësi kërkojnë 84 vota-të cilat mazhoranca provoi që i ka, prishja e konsensusit rëndon klimën politike për zbatimin e shpejtë dhe me vendosmëri të reformës në drejtësi.

Në anën tjetër, Partia Demokratike ka paralajmëruar se nuk do të lejojë miratimin e njëanshëm të paketës ligjore për reformën, duke mos përjashtuar edhe një beteje në Gjykatën Kushtetuese me mazhorancën.

SHBA: Mirëpresim miratimin e ligjit, tani rivlerësohen prokurorët e gjykatësit/

Ambasada e Shteteve të Bashkuara ka mirëpritur vendimin e Parlamentit të Shqipërisë për të miratuar ligjin e parë për zbatimin e reformës në drejtësi.

“Ky ligj i rëndësishëm do të fillojë procesin e rivlerësimit të prokurorëve dhe gjykatësve. Përgëzojmë ata Anëtarë të Parlamentit të cilët votuan në favor të këtij hapi të rëndësishëm për zbatimin e amendamenteve kushtetuese të aprovuara unanimisht më 22 korrik”, thuhet në reagimin e ambasadës amerikane.Më tej theksohet se pritet aprovimi e plotë dhe në kohë të ligjeve të tjera për zbatimin e Reformës në Drejtësi.“Presim të shohim aprovimin e plotë dhe në kohë të ligjeve të tjera për zbatimin e kësaj reforme kritike që gëzon mbështetjen e shumicës dërrmuese të shqiptarëve”.

Berisha i jep Ramës vetem një  muaj qeverisje

 Nuk mungojnë replikat mes ish-kryeministrit Sali Berisha dhe kreut të qeverisë Edi Rama, edhe në këtë seancë të jashtëzakonshme plenare për votimin e projektligjit të Vetingut.Berisha ka replikuar me Ramën duke i thënë këtij të fundit se ndoshta pas një muaji s’do të jetë më kryeministër i vendit.”Së pari dua të shpjegohem. Kur të thashë të kemi thyer turinjtë, nuk kisha parasysh doreza boksi, kisha parasysh parimet e Venecias. Ti me këto që bën, ndoshta edhe për një muaj ndoshta s’do jesh kryeministër. Vendi mund të ketë një kryeministër tjetër, s’ka asgjë personale këtu. Ti mendon se dy vjet rresht ke dalë këtu duke nxjerr letrën SHBA, BE, por shqiptarët duhet ta dinë se pikërisht ato i nxorën këtij kartonin e kuq”, tha Berisha.

 

Berisha: Pse e ndryshuat draftin?! Po prishet konsensusi 

Duke folur në Kuvend gjatë seancës së jashtëzakonshme për të miratuar projektligjin për Vetingun, Berisha tha se prej 2 vitesh Rama ka bërë përpjekje për të kapur reformën në drejtësi.“Opozita ka luftuar shumë për standarde dhe prapë është e vendosur të luftojë. Këtu po prishet pikërisht ai konsensus që është sanksionuar në Kushtetutë. Ju a doni të funksionojë reforma apo jo? Në këtë reformë përcaktuam një mënyrë tjetër dhe këtë ramë dakord dhe e votuam. Po tani ju pse e ndryshuat? Ke dy vjet që bën përpjekje, por t’i kemi thyer turinjtë sa herë ke dashur dhe do vazhdojmë të t’i thyejmë turinjtë. Hajt të votojmë ligjin e BKH dhe të votojmë siç është reforma. Mos bëj gjëra qesharake”, u shpreh Berisha.Në fjalën e mbajtur ish-kryeministri, tha se në vetëdijen e çdo shqiptari, emergjenca e të gjitha emergjencave është shndërrimi i Shqipërisë në “Kanabistan”…

Halimi: Ligji për vetingun është antikushtetues

 Në seancën e sotme të sesionit të jashtëzakonshëm të legjislaturës së VIII të të Kuvendit të Shqipërisë për Projektligji “Për rivlerësimin kalimtar të gjyqtarëve dhe prokurorëve në Republikën e Shqipërisë”  në emër të opozitës foli deputeti i PD-së Eduart Halimi.Në fjalën e tij, Halimi tha se “Caktimi i një seance të jashtëzakonshme vetëm pesë ditë para të zakonshmes për një debat gati akademik, besoj se është një cinizëm për vetë situatë që është në vend dhe përmasat e krimit, se asgjë të jashtëzakonshme nuk ndodhë për pesë ditë, por Rama e përdori seancën për alibi  për të gjetur armiq të reformës në drejtësi”.

“Që ka gjyqtarë të korruptuar as nuk vihen në dyshim dhe këto tre vjet janë liruar kriminel dhe sot krimi merr vendime për gjyqtarë dhe prokurorë në bazë të kontratës së qeverisë me krimin. Edhe në të opozitës ndihemi keq, por duhet tu themi shqiptarëve të mos gënjehen nga propaganda e qeverisë”, tha Halimi.

Halimi theksoi se: “Armiku më i madhe i drejtësisë është kapja e sistemit të drejtësisë, opozita ka dhë kontribut për moskapjen e sistemit të drejtësisë edhe ne kete draft. Dhe nëse nuk do të ishim angazhuar opozita dhe ndërkomtarët, Byroja Kombëtare e Hetimit do të ishte në varësi të ministrit të Brendshëm”.

“Konsensuesi është zgjidhja e miratimit të shtatë ligjeve. Vetingu është masë e rëndësishme për të vendosur besimin e qytetarëve te drejtësia. Ky ligj vjen pa konsensusin e opozitës se është në kundërshtim me kushtetuten e vendit. Ky ligj pa konsensues, dhunon kushtetutën, standartet europine dhe ne të opozitës të largohemi dhe nuk merrë pjesë në votim. Nuk do jemi pjesë e një procesi që kërkon kapjen e drejtësisë. Opozita do të ndjek cdo rrugë ligjore për një reformë të pa kapur politikisht në drejtësi”, tha Halimi.

Tabaku: Ligji i ri nuk përjashton gjyqtarët e diktaturës…

 Deputetja e Partisë Demokratike, Jorida Tabaku, deklaroi sot se qeveria miratoi një projektligj që nuk përjashton gjykatësit e periudhës së diktaturës, të cilët kanë dënuar me vdekje 5 mijë shqiptarë. Në një postim në rrjetet sociale, deputetja e opozitës shprehet se, “qeveria sapo miratoi një projektligj, i cili nuk përjashton gjykatësit e periudhës së diktaturës, që kanë dënuar me vdekje mbi 5 mijë shqiptarë nga viti 1944-1991, shumica e të cilëve sot nuk kanë as varr ku të përkujtohen nga të afërmit e tyre”.

“Për fatin e keq, projektligji i miratuar për vetting nuk ndalon gjyqtarët e asaj periudhe për të qenë sot gjyqtarë. Ligji i vetting ka shumë probleme, por për mua ky është ndër me kryesorët!”, shkruan Tabaku.Kuvendi miratoi sot, vetëm me votat e mazhorancës, ligjin për kontrollin e figurës së prokurorëve e gjyqtarëve…

Mesila Doda: PDIU-në nuk e përdorni dot si AS-in nën mëngë…/

 Deputetja e Partisë Drejtësi, Integrim dhe Unitet, Mesila Doda është shprehur se qeveria e sotme është e formuar nga dy parti kryesore në vend. “Ata ushtrojnë pushtet, ata kanë të njëjtën përgjegjësi për keqqeverisjen apo mirëqeverisjen”, tha ajo në seancën e sotme parlamentare.“Nëse punët në këtë vend nuk janë mirë në ekonomi, në rend, infrastrukturë, bujqësi, shëndetësi, arsim apo rendin publik, nuk ka askush përgjegjësi përveç atyre që qeverisin. Nëse nuk honepsni njëri-tjetrin, nëse luani kukafshehti me humore dhe fatet tuaja nuk keni pse të kërkoni tek PDIU as strehë, as shpatë, as nder, sepse nuk jemi as jastëku dhe as shpata kundër ndokujt. PDIU-në nuk e përdorni dot si AS-in nën mëngë. Ju ftojmë ta votojmë këtë ligj që kemi në tryezë jo thjesht për shqiptarët, por për të shpëtuar sa të mundemi fytyrën e politikës”, the deputetja Doda.

Mediu: Vetingu në kundërshtim me Kushtetutën

Kryetari i Partisë Republikane Fatmir Mediu ka folur për një kapje të gjyqësorit nga mazhoranca, në fjalimin e parë të mbajtur sot në Kuvend rreth projektligjit të Vetingut.Mediu tha se ky ligj është në kundërshtim me Kushtetutën dhe se seanca e sotme parlamentare është e manipuluar politikisht.“Më 22 korrik me konsensus, ne votuam me unanimitet ndryshimet kushtetuese. Ne sot më shumë se po bëjmë një ligj do t’i shtrojmë vetes pyetjen: Kemi proces normal parlamentar apo të manipuluar politikisht? Për fat të keq kërkohet që në përputhje me interesa politike të miratohet një ligj në kundërshtim me kushtetutën. Edhe pse vendosëm që ekspertët të ulen, për fatin e keq as nuk u ulën dhe as nuk u dëgjuan mendimet e ekspertëve të opozitës”, u shpreh kryetari i PR-së.Më tej Mediu thekson se mazhoranca do të luajë rolin e kontrolluesit të kontrolluesve, çka sipas tij e bën të pavlerë Vetingun.“Ajo që është edhe më flagrante është fakti që organet e Vetingut duhet të kalojnë në provim. Ata që do të bëjnë kontrollin duhet të kontrollohen nga qeveria. Unë nuk e di, se nuk po hyj në analizë të emrave, por institucionet që kontrollohen nga mazhoranca nuk besoj se janë shquar për paanshmëri dhe transparencë. Nëse i japim qeverisë në dorë kontrollin e kontrolluesve, pse na duhej Vetingu? Le ta bënim që kush i bindej mazhorancës të mbetej në detyre dhe kush nuk i bindej të largohej nga detyra”

 

Rama: Të korruptuarit në drejtësi morën një mesazh të qartë/

“I bie që sot kasta e të korruptuarve dhe të inkriminuarve në drejtësi ka marrë mesazhin e qartë, sikundër shqiptarët kanë marrë një tjetër konfirmim të vullnetit të patundur të kësaj shumice për t’i dhënë këtij vendi drejtësinë e munguar e të mohuar për kaq shumë vite dhe për t’i dhënë fund një historie të turpshme që ka njollosur keq shqipërinë dhe ka demoralizuar qytetarët për vite të tëra: drejtësisë që shitet e blihet si mall”.

Me këto fjalë kryeministri Edi Rama ka komentuar miratimin e ligjit të vetting-ut me votat e mazhorancës qeverisëse, ligj që sipas tij përbën thelbin e reformës në drejtësi.“Ne sot kemi miratuar ligjin bazë në morinë e tërë ligjeve që do të miratohen hap pas hapi deri në miratimin e reformës në drejtësi, sepse nuk mund të kemi sukses nëse që nga ngrehina që shembëm kushtetuteshmërisht me ndryshimet kushtetuese do të transferojmë të gjithë në pallatin e ri të drejtësisë”, ka thënë Rama.

Sipas tij, “kjo do të ishte dështim”, “ndërkohë që ata që do të transferohen në godinën e re kushtetuese janë ata që do të kalojnë procesin e skanimit, në bazë të kritereve që parashihen në këtë ligj: kapacitetet, integriteti personal dhe pasuria e tyre”, ka saktësuar Rama.Duke iu përgjigjur interesit të mediave për bojkotin e opozitës, kreu i qeverisë ka thënë: “Unë nuk e di nëse ka mbetur në këtë vend dikush që mund ende të besojë në shprehjet e vullnetit të kësaj opozite për të mbrojtur Kushtetutën e të drejtat e njeriut dhe që ka njeri që beson se kjo është një opozitë që do të reformojë drejtësinë”.

“Kjo shumicë, e cila i kishte votat, e priti opozitën deri në fund, pranoi të negocionte e modifikonte me të çka ishte e modifikueshme pa shkelur vijat e kuqe, deri në fund kemi qenë të gatshëm për të bërë çdo gjë për ta bërë bashkë. Por opozita ka bërë atë që di të bëjë gjithmonë, të bëjë sikur do por që nuk do”, ka shtuar Rama.

Trump: Prioritet i parë dëbimi i mijëra emigrantëve të paligjshëm

by

Donald Trumpi prezanton planet e tij për imigrimin duke paralajmëruar votuesit se vota për Hillary Clinton është votë për kufij të hapur.

Kandidati republikan për president amerikan Donald Trump tha se nëse zgjidhet president prioriteti i tij i parë do të jetë dëbimi i mijëra emigrantëve të paligjshëm që kanë kryer krime.

“Në një ditë, unë do të filloj shpejt me dëbimin nga vendi të emigrantëve të paligjshëm që kanë kryer vepra penale – përfshirë edhe largimin e qindra-mijëra emigrantëve të paligjshëm që kanë kryer vepra penale dhe janë nxjerrë nga burgjet prej administratës Obama-Klinton”, tha Trump në Des Moines, Iowa.

Duke treguar për detajet se si ka ndër mend ta trajtojë imigracionin e paligjshëm, Trump u tha mbështetësve të tij në Iowa se do të krijojë një sistem përcjelljeje për të dëbuar imigrantët e paligjshëm që tejkalojnë afatin e lejes së qëndrimit dhe do të krijojë një sistem verifikimi elektronik për të siguruar që ata të mos marrin ndihma sociale apo përfitime të tjera.

Trump në Des Moines, IowaTrump në Des Moines, Iowa

Jo vetëm mur përgjatë kufirit meksikan

“Nëse ne nuk do t’i detyrojmë njerëzit të zbatojnë afatet e skadimit të vizave, atëherë do të kemi një kufi të hapur – kjo është tepër e thjeshtë,” tha ai.

Trump deri tani ka paraqitur vetëm pak plane konkrete se si do ta trajtojë problemin e emigracionit, me përjashtim të idesë për të ndërtuar një mur përgjatë kufirit meksikan. Vetëm 72 ditë para zgjedhjeve Trump po përpiqet ta zgjerojë më tej bazën e tij të mbështetësve dhe të sulmojë rivalen e tij demokrate Hillary Clinton. Komentet e tij në Iowa erdhën pasi ai u kritikua nga konservatorët, sepse kishte sugjeruar më parë se do të zbuste planet për dëbimin e 11 milionë emigrantëve të paligjshëm nga SHBA-ja.

Vende pune për amerikanët

Trump u shpreh po ashtu se ndalimi i imigracionit të paligjshëm bëhet për të mbrojtur vendet e punës për amerikanët. “Sa herë që një shtetas afrikano-amerikan, apo ndonjë qytetar, humbet punën e tij ngaqë punësohet një emigrant i paligjshëm, të drejtat e këtij qytetari amerikan shkelen,” tha ai. “Mbrojtja e barabartë sipas ligjit duhet të përfshijë zbatimin konsekuent të ligjeve tona të imigracionit.”

Trumpi po përpiqet kohët e fundit të fitojë votat e afrikano-amerikanëve, që tradiconalisht votojnë për demokratët, duke e sulmuar Hillary Klinton për çështje racore dhe duke argumentuar se ndryshe nga demokratët ai do të sjellë vende pune dhe prosperitet për komunitetin afro-amerikan.