Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PRESIDENTI OBAMA: Rusia po vë në provë unitetin Evropë-SHBA

by

Evropa dhe SHBA-ja po kalojnë me ”një moment prove” të unitetit të tyre përballë sfidës së bërë nga Rusia kundër rendit ndërkombëtar të themeluar mbi liritë dhe shtetin e së Drejtës, deklaroi pak më parë presidenti amerikan, Barack Obama gjatë një fjalimi të mbajtur sot, në Bruksel.
Në fjalim Obama e përcaktoi përballjen në zhvillim si ”një luftë mes idealeve të demokracisë dhe një vizioni të pushtetit më të hershëm dhe më tradicional, që nxjerr në pah forcat e errëta të së kaluarës.

Rusët do të kuptojnë se synimet nuk mund të arrihen përmes forcës

President amerikan, Barack Obama deklaroi sot se ”Rusia do të kuptonte se nuk do të arriheshin përmes forcës synimet e saj në Ukrainës”.
“Me kalimin e kohës, populli rus do të arrijë ta kuptojë se nuk mund të përmbushen objektivat e tyre përmes përdorimit të forcës brutale”, u shpreh kreu i Shtëpisë së Bardhë gjatë një fjalimi të mbajtur sot në Bruksel, që u transmetua drejtpërdrejt nga mediat botërore.

”Zgjohu”: Pa votat e shqiptarëve asnjë president i Maqedonisë nuk mund të jetë legjitim

by

SHKUP, 26 mars / Lëvizja qytetare “Zgjohu” deklaroi se pa votat e shqiptarëve asnjë president i Maqedonisë nuk mund të jetë legjitim. “Më 9 shkurt të këtij viti, ne ftuam të gjithë votuesit shqiptarë që të mos marrin pjesë në zgjedhjet presidenciale. Edhe BDI-ja, PDSH-ja dhe RDK-ja ishin gjithashtu në një mendje për t’i bojkotuar zgjedhjet presidenciale. Ndryshe nga të tjerët, ne nuk i ndryshojmë qëndrimet tona dhe konsiderojmë që interesi i shqiptarëve është që të mos merret pjesë në zgjedhjet presidenciale”, thuhet në deklaratën e lëvizjes qytetare “Zgjohu”. ”Ky shtet mund të funksionojë vetëm në bazë të vullnetit të mirë dhe të pajtueshmërisë së shqiptarëve dhe maqedonasve. Kjo pajtueshmëri duhet të vlejë edhe për presidentin, edhe për qeverinë edhe për Parlamentin si dhe për çdo segment tjetër të shoqërisë tonë. Pa votat e shqiptarëve, asnjë president i Maqedonisë nuk mund të jetë përfaqësues legjitim i shtetit”, theksohet në deklaratë

Majtistët filandeze tërhiqen nga Qeveria

by

Shkas se sipas grupit parlamentar propozim buxheti është shumë i ashpër për familjet me fëmijë të vegjël dhe atyre me të ardhura mesatare/

Nga XHAVIT ÇITAKU/

Geteborg, 26 mars – Partia Majtiste e Finlandës është tërhequr nga Qeveria. Këtë vendim e konfirmuan lideri i kësaj partie Paalo Arkinneki , që ishte edhe minister i kulturës, dhe ministrja komunikacionit, nga kjo parti, Merja Kyllynen. Shkas për këtë largim nga ekzekutivi ishte se grupi parlamentar i kësaj partie nuk e dha dritën jeshile përkatësisht votën për propozimbuxhetin ngaqë ai, sipas tij, është shumë i ashpër për familjet me fëmijë të vegjël dhe atyre me të ardhura mesatare. Po ashtu, kjo familje nuk ishte në dakord me planifikimin e ngrirjes së mbështetjes materiale për studime dhe të pensioneve.

Tash qeveria e kryeministrit Jarki Katainens  është e përbërë nga pesë parti politike. Se sa do të ndikojë tërheqja e partisë majtiste nga qeveria e këtij vendi nordik mbëtet të shihet.

Kryeministri Thaçi falënderon në 15 vjetorin e ndërhyrjes së NATO-s

by

Prishtinë, 24 Mars / Kryeministri Hashim Thaçi përkujton se sot u bënë 15 vite nga intervenimi i NATO-s në Kosovë. “Kurrë nuk do ta harrojmë rëndësinë e ndihmës jetike që e pranuam si popull. Dëshiroj të shpreh falënderimet e thella për SHBA, NATO dhe të gjithë Aleatët tjerë nga mbarë bota”, shkruan kreu i Qeverisë së Kosovës në Facebook.

Media kosovare duke përkujtuar ndërhyrjen shpëtimtare të NATO-s thekson se fillimi i fushatës së bombardimeve që zgjatën 78 ditë vlerësohet si një datë e rëndësisë vendimtare për historinë e Kosovës, si një ditë e kthesës së madhe për të ardhmen e saj

 

Kosovë: Identifikohen mbetjet mortore të 46 personave të zhdukur gjatë luftës

by

Komisioni Qeveritar për Persona të Zhdukur bën të ditur se me rastin e identifikimit të mbetjeve mortore të 46 personave të zhdukur gjatë luftës së viteve 1998 –’99 në Kosovë, sot në Departamentin e Mjekësisë Ligjore, do të bëhet dorëzim i mbetjeve mortore të 27 personave të identifikuar, të rasteve nga komuna e Suharekës, tek familjarët e tyre.

Nesër, në Departamentin e Mjekësisë Ligjore, do të bëhet dorëzimi tek familjarët e tyre i mbetjeve mortore të 19 personave të identifikuar, të rasteve nga Krusha e Vogël.
Ndërsa ceremonitë e rivarrimit, do të organizohen në 26 mars 2014, me rastin e shënimit të 15 Vjetorit – të Masakrave në fshatrat e Prizrenit dhe Suharekës.
Kosova më se 15 vjet pas luftës vazhdon të kërkojë zbardhjen e fatit të më se 1700 qytetarëve të saj të zhdukur dhe me këtë mesazh fotografitë e të pagjeturve janë rivendosur  nga familjarët në këtë muaj marsi në rrethojat e Kuvendit e Qeverisë, në sheshin qendror të Prishtinës.
Qeveria e Republikës së Kosovës u ka bërë thërrje autoriteteve të Serbisë dhe ka kërkuar nga bashkësia ndërkombëtare që të ushtrojë trysni tek autoritetet serbe për ofrimin e informacioneve për fatin dhe vendndodhjen e personave të rrëmbyer dhe të zhdukur, gjatë luftës.